Си́и святи́и отцы́ от разли́чных ме́стех собра́вшеся, и во оби́тели преподо́бнаго отца ́на́шего Са́ввы пребыва́юще, в посте́ живу́ще угожда́ху Бо́гу. Ненави́дяй же добра́ ро́ду челове́ческому диа́вол, и́же и испе́рва пра́отцу на́шему Ада́му сотвори́ е́же изпа́сти ему́ из рая́: си́це и зде позави́дев доброде́тели их, воздви́же на них безбо́жныя ефио́пы, мне́вше у них обрести́ не́кая стяжа́ния и бога́тство. Да я́ко доше́дше и ничто́же обрето́ша, я́рость свою́ излия́ша на них: о́вем главы́ отсеко́ша, о́вы на́полы пресеко́ша: о́вем ру́це и но́зе отсеко́ша: и ине́х разли́чно поби́ша. Преподо́бнии же отцы́ благодаря́: преда́ша ду́шы своя́ Го́сподеви. Восприе́мше ве́чную, и блаже́нную жизнь Ца́рствия небе́снаго: поне́же по́двиги, и по́стничества, и муче́ния стра́сти возжеле́нно подъя́ша.