Ева́нгелие Еди́н же не́кто от них Каиа́фа. Архиере́й сый ле́ту о́ному. Рече́ им. Вы не ве́сте ничто́же ниже́ размышля́сте я́ко поле́зно есть вам да еди́н челове́к у́мрет за лю́ди, а не весь язы́к погы́бнет.

Толкова́ние Оглебо́ша язы́цы в па́губе ю́же сотвори́ша, в се́ти сей ю́же скры́ша. Увязе́ нога́ их, сие́ о иуде́ох бысть. Они́ бо глаго́лаху уби́ти Иису́са, да прии́дут ри́мляне и во́змут их и язы́к и град. Но егда́ у́бо уби́ша сия́ пострада́ша. И я́же я́ко избега́юще соде́яша, сия́ егда́ соде́яша не избежа́ша. Но убие́нный у́бо на небесе́х есть, уби́вшии же гее́нну насле́дуют и́бо не сия́ смотря́ху но что хотя́ху рече́ уби́ти его́, от дни о́ного, ре́ша бо я́ко прии́дут ри́мляне, и во́змут нашь язы́к и град. Еди́н же не́кто от них Каиа́фа архиере́й сый ле́ту о́ному рече́. Безсту́днейшь сый от мно́гых. Вы не ве́сте ничто́же я́же они́ сомнева́хуся. И в чи́ну сове́та предлага́ху. Глаго́лаху бо что сотвори́м сие́ сей безсту́днеи наго́ю главо́ю и с лю́тостию возопи́. Что бо рече́ вы не ве́сте ничто́же. Ниже́ размышля́ете я́ко поле́зно есть вам. Да еди́н челове́к у́мрет а не весь язы́к погы́бнет. Сие́ же не рече́ о себе́, но прорече́ архиере́й сый зри́ши ли ели́ка архиере́йския о́бласти си́ла. Поне́же у́бо отню́д сподо́бися свеще́ньства а́ще и недосто́ин сый ве́щи. Прорече́ не ве́дый е́же глаго́лаше. И устна́ми то́кмо де́йствоваше благода́ть, скве́рнаго же се́рдца не косну́ся. Мно́зи у́бо и и́ни бу́дущая ре́ша, не досто́йни су́ще, Навуходоносо́р фарао́н Валаа́м и всех вина́ я́вьствена. А е́же глаго́лет таково́ есть. Вы седи́те и еще́ лени́вейше ве́щи внима́ете. И не ве́сте еди́ного му́жа спасе́ния о о́бщем пренебрещи́;

Зри коли́ка ду́ха си́ла. От мы́сли лука́вы возмо́же глаго́лы произнести́ проро́чьства по́лны чу́днаго ча́да Бо́жия язы́чников нарица́ет евангели́ст хотя́щых бы́ти я́коже у́бо и сам рече́, и и́ны овца́ име́ю и сам от бу́дущаго сия́ нарица́я. Что же есть архиере́й сый ле́та о́ного со ины́м и сие́ растле́ся. Не ктому́ бо вре́мя все(й?) жи́зни свяще́ньствоваху, но ле́то. От него́же бы́ша ку́пленыя нача́льства, но оба́че и си́це, близ бе еще́ дух. Егда́ же ру́кы воздвиго́ша на Христа́. Тогда́ их оста́ви. И пре́йде на апо́столов;

И сие́ катапе́зма изъяви́ла есть раздира́ема и Христо́в глас глаго́лющий. Се оставля́ется дом вашь пуст. И Ио́сипь? (Фла́вий) по ма́ле бы вре́мени. Рече́ не́кых а́нгелов еще́ предстоя́щых и ожида́ющих. А́ще не восхотя́т они́ преста́вити оста́вити их. Доне́лиже бо виногра́д стоя́ше вся бы́шя. Егда́ же насле́дника уби́ша не ктому́ но погыбо́ша. И я́коже ри́за све́тла от о́трока непотре́бна иуде́й. Бог благода́рным рабо́м даде́ су́щым от язы́к. Оне́х пусты́х оста́вль и нагы́х. Не ма́ло же сие́ бе е́же и врагу́ проро́чествовати сия́ сие́ и ины́х прито́ргнути можа́ше. По его́ у́бо произволе́нию, сопроти́вне случи́ся. Поне́же бо у́мре сего́ ра́ди бу́дущия му́кы свободи́шася ве́рнии;

Что есть да соберу́т су́щых дале́че и су́щых близ еди́но те́ло сотвори́л есть. В Ри́ме седя́й инде́яном ад непщу́ет себе́ бы́ти. Что сего́ собра́ния ра́вно и всем глава́ Христо́с, от о́ного дни совеща́ша иуде́и да убию́т и у́бо и пе́рвее иска́ху. Глаго́лет бо. Сего́ ра́ди иска́ху его́ иуде́и уби́ти. Что мя и́щете уби́ти но тогда́ у́бо иска́ху уби́ти. Ны́не же утверди́ша изволе́ние. И я́ко де́лом ве́щию де́йствоваху. Иису́с же не ктому́ со дерзнове́нием хожа́ше во Иуде́и па́ки челове́чески себе́ соблюда́ет. И ча́сте сия́ твори́т. Вину́ же рех, ея́же ра́ди мно́жицею отъи́де и отлучи́ся и ны́не близ пусты́ни пребыва́ет во Евфра́фе. И та́мо живя́ше со ученикы́ свои́ми ка́ко непщева́ше мути́ти ученико́в. Зря́щи его́ челове́чне спаса́ема никто́же про́че после́дова. Пра́знику бо су́щу близ. Си́и же егда́ вси ра́довахуся и торжествова́ху, тогда́ кры́ются, тогда́ в беда́х суть. Но оба́че ожида́ху и́бо в Галиле́и Па́сце су́щи, и ски́неи потче́ния кры́яхуся и па́ки по сих пра́зднику су́щу. Тем е́же бе́гати и е́же кры́тися еди́ни от ины́х со учи́телем любо́вь показу́юще. Отсю́ду рече́ Лука́ ему́ рещи́, аз пребы́х с ва́ми во искуше́ниих. Сия́ же глаго́лаше показу́я я́ко от его́ по́мощи укрепля́ются. Мно́зи же от страны́ взыдо́ша очи́стити себе́ и да́ша за́поведь архиере́и фарисе́и. Да и́мут его, чу́дно очище́ние со скверноуби́йственым произволе́нием. С мужеуби́йственою мы́слию, со окровавле́ными рука́ми, и глаго́лаху. Мни́те ли я́ко не прии́дет в пра́зник Па́схою наве́товаху. И вре́мя пра́зника творя́ху вре́мя закла́ния, си́речь зде ему́ впа́сти подоба́ет вре́мени зову́щу. О́ нече́стия егда́ мно́жайшаго тре́ба бя́ше благогове́ния. И и́же от после́дних я́ты отпуща́ти тогда́ ничи́м же оби́девшаго улови́ти начина́ют. И́бо и у́же сие́ сотво́рше не то́кмо ничто́же по́лзоваше, но и подсмея́телни бы́шя сего́ ра́ди ча́сте впа́дая избега́ет, и хотя́щим его́ уби́ти сопроти́витися и недоуме́ятися твори́т си́лы указа́нием умили́ти хотя́. И да егда́ и́мут его́, навы́кнут я́ко не их кре́пости бе но о́ного попуще́ния быва́емое. Ниже́ бо тогда́ возмого́ша его́ я́ти, и наипа́че близ су́щи Вифа́нии. И егда́ у́бо я́ша, пове́рже их в зн́ак(ых) пре́же шести́ дней Па́схы. Прии́де в Вифа́нию иде́же Ла́зарь ядя́ше у них. И Ма́рфа служи́т и Ла́зарь ядя́ше. Сие́ же све́тлаго воскресе́ния зна́мение бе. Е́же по днех мно́гых и жи́ти и я́сти. Отню́ду же я́вьствено я́ко в хра́мине ея́ обе́д бе. А́ки бо дру́зи и люби́мы прие́млют Иису́са не́цыи же ре́ша я́ко в чу́жей хра́мины сие́ бысть;

Мари́я же не служа́ше, учени́ца бо бе. Па́ки зде духо́внейше. Не служа́ше бо я́ко зва́вши, ниже́ о́бще твори́т служе́ние, но в него́ то́кмо обьставля́ет честь. И не я́ко челове́ку приступа́ет. Но я́ко Бо́гу. Ми́р(о) бо сего́ ра́ди излия́ и власы́ главны́ми отре́. Я́же не бе́ша непщева́ние име́ющия о нем таково́. Яково́ мно́зи но запрети́ Иу́да. О́бразом не́гли благогове́ния;

Что у́бо Христо́с, де́ло до́бро сотвори́ла есть в погребе́ние мое́ что у́бо не обличи́ ученика́ о жене́, ниже́ рече́ сие́ е́же евангели́ст рече́. Своея́ ра́ди татбы́ запреща́ше жене́. Свои́м долготерпе́нием обрати́ти его́ хотя́ше. Зане́же бо ве́дяше я́ко преда́тель есть свы́ше его́ обличи́ мно́жицею рек. Не вси ве́руют. И еди́н от вас диа́вол есть. Изъяви́л есть у́бо я́ко ве́дяше его́ преда́теля. Не обличи́же я́вьствене но попусти́, возва́ти его́ хотя́;

Ка́ко у́бо ин рече́, я́ко вси ученицы́ сие́ проповеща́ша, и вси и он но про́чии не те́мже произволе́нием. А́ще кто истя́жет. Что у́бо та́тю су́щу меше́ць вручи́? нищих?. И устроя́ти сотвори́ сребролю́бца су́ща. О́но у́бо рече́м я́ко неизрече́нное сло́во. Бог весть. А́ще же что подоба́ет и нам расмотря́ющим рече́, да вся́ко отсече́т непщева́ние. Я́ко име́ний раче́нием сие́ сотвори́. И́бо дово́лно имя́ше мешца́ вожделе́ния утеше́ние. Но лука́вьства ра́ди мно́гаго е́же хотя́ше держа́ти Христо́с мно́гым хоже́нием к не́му де́йствуя. Те́мже ничто́же порица́ше ему́ кра́дущу. А́ще и ве́дый загража́я лука́вое вожделе́ние. И вся́ко отъе́мля отвеща́ние. Оста́вите ю́ рече́, в день бо погребе́ния моего́ сие́ сотвори́ла есть. Па́ки преда́телю воспомяну́ погребе́ние рек, но не каса́ется ему́ обличе́ние ниже́ умягча́ет глаго́л. И́бо дово́лно его́ в ми́лость вложи́ти. А́ки бы глаго́лал, тя́жек есмь и бре́менен но пожди́ ма́ло и отъиду́. И́бо сие́ состроя́ше внегда́ глаго́лати мене́ же не всегда́ име́ете. Но ничто́же от сих зве́рьствующаго и беся́щагося преклони́ и́бо и сих мно́го вя́щша и рече́ сотвори́, и но́гы ему́ омы́в но́щи? и трапе́зы его́ приобщи́ и соле́й?. Е́же разбо́йническыя весть держа́ти ду́ша и глаго́лы и́ны веща́ти, дово́лный ка́мень умягчи́ти. И наипа́че не пре́же мно́га вре́мени но в са́мый той день. Да ниже́ время в забы́т?? вложи́т?? но ко всем ста;

Нравоуче́ние 65. О сребролю́бии.

Лю́б?о сребролю́бие лю́то, и очеса́ и ушеса́ ослепля́ет и зве́ря люте́йших твори́т ни со́весть ни дру́жбу ни обще́ние ни своея́ душа́ спасе́ние помышля́ти попуща́юще но еди́ною от всех ост́авивши. Рабо́в свои́х твори́т я́тых. Я́коже не́кое томи́тельство лю́то. И зло́е си́це го́ркыя рабо́ты. Я́ко и благода́ть им име́ти увещава́ет. И ели́ко у́бо а́ще ему́ па́че рабо́тают толи́ко возраста́ют сла́достная и си́це наипа́че неду́г исцеле́н быва́ет. Си́це неудо́бь е́млем зверь сей Гиези́ю? прокаже́нна вме́сто ученика́ и проро́ка сотвори́. Сей су́щих о Ана́нии погуби́. Сей Иу́ду преда́теля соде́ла сей иуде́йских нача́лников растли́. Прие́млющих мзды и обе́щников та́тем быва́ющих. Сей безчи́сленныя ра́ти введе́. Кро́ве у́бо пути́ рыда́ний же и мича́ний. Гра́ды испо́лни той сей и ве́черя сотвори́ бы́ти нечи́сты, и трапе́зы сту́дны и бра́шна зако́но преступле́ния напо́лни. Сего́ ра́ди и́доло служе́ние нарече́ Па́вел, но ниже́ си́це устраши́. Что же ли ра́ди и́доло служе́ние рече́, име́ют мно́зи име́ния. И де́йствовати и́ми не сме́ют. Но возлага́ют вну́ком и су́щым от ро́да, препосыла́юще не прикоснове́нна я́коже не́кых возложе́ний не сме́юще косну́тися. А́ще когда́ прину́дится я́коже непра́ведно не́что соде́лавше, си́це пребыва́ют и и́накоже. Я́коже истука́на ка́менна, си́це и зла́то две́рем вверя́ет и закле́пом. Вме́сто хра́ма ковче́г состроя́я и возлага́ем сосу́ды сре́бреными. Но не покланя́ешилися я́коже он истука́нному. Но вся́ко показу́еши оне́м слугова́ние. Па́ки он сла́дце у́бо очеса́ и ду́шу прел бы. Не́жели истука́ннаго сего́. И зла́то лю́бящеи но не поклоня́юся зла́ту рече́ ниже́ он, и́долу рече́ поклоня́ются но живу́щему в нем бе́су, си́це и ты. А́ще и не зла́ту поклоня́ешися. Но от зре́ния, зла́та и вожделе́ния наска́чущему души́ твое́й бе́су. Бе́са бо люте́йше, сребролю́бия вожделе́ние. И сему́ мно́зи наипа́че покаря́ются не́жели и́долом ини́и. Они́ бо мно́га преслу́шают зде́же во всех покаря́ются, и е́же а́ще рече́т сотвори́ти покаря́ются. Что глаго́лет ра́тник бу́ди рече́ враг всем не ве́дай естество́. Пренебрези́ Бо́га пожри́ ми себе́ и вся покаря́ются. И истука́нным волы́ и овца́ пожира́ют, сребролю́бие же глаго́лет, пожри́ ми свою́ ду́шу и покаря́ешися. Зри́ши ли якова́ и́мать ка́пища, якова́ прие́млет жре́ния. Ца́рьствия Бо́жия не насле́дят лихои́мцы, и ниже́ си́це боя́тся. А́ще и всех вожделе́ние сие́ не́мощнейше небо́ всаже́нно ниже́ есте́ствено. Вои́стинну бо в нача́ле вложи́л бы. Ны́не же зла́то не бе испе́рва ниже́ жела́ше кто зла́та, но а́ще хо́щете глаго́лю, отку́ду вни́де зло́е ко́ждо су́щаго пре́же себе́ ревну́юще простро́ша неду́г. И не хотя́щаго предвари́вый раздража́ше. Егда́ бо уви́дят хра́мы све́тлы. И мно́жество сел и пле́нников стада́, и сре́брены сосу́ды. И мно́го риз собра́ние. Вся де́йствуют я́ко бы преодоле́ти. Я́коже пе́рвии вторы́м вино́вни быва́ют. И они́ су́щим по них. А́ще же хоте́ли бы целому́дрити. Не бы́ ины́м бы́ли судия́ и учи́тели. Па́чеже ниже́ сим есть отве́т суть бо ини́и име́ний пренебрегу́ще. И кто рече́ пренебреже́т е́же бо лю́то, я́ко от мно́гыя зло́бы не возмо́жное ви́дится обстоя́ти. И ниже́ ве́руется кто исправля́я реку́ ли у́бо мно́гых во граде́х. Су́щых ли в гора́х. И что приобре́тение ниже́ бо от сих бу́дете лу́чши. И́накоже, нам не о сем сло́во ны́не я́кобы истощи́ти су́щая. Хоте́х бо но оба́че поне́же бо́лше ва́ше бре́мя не принужа́ю но я́ко чу́жих не жела́ти наказу́ю, я́кобы от су́щых подая́ти. Мно́гых же таковы́х обря́щем дово́лными о свои́х пеку́щихся. И от пра́ведных живу́щых трудо́в. Что ра́ди не тем ревну́ем и подража́ем. Да помышля́им су́щых пре́же нас. Не стяжа́ния ли их ста́ша то́кмо имяна́ их соблюда́юща; О́нсици ба́ня. И о́нсици предгра́дие и обита́ние. Не а́бие ли ви́девше поздыха́ем. Помышля́юще коли́к труд претерпе́ коли́ка хище́ния похи́ти и нигде́же ли явля́ется. Но наслажа́ются, ини́и о́ного в́ыми? и́мже ниже́ ча́яше. Не́гли же и враго́м о́ному после́днюю стра́жущу казнь сия́ и нас ожида́ют. Вся́ческы бо у́мрем вся́ческы той же коне́ц постра́жем коли́к гнев рцы ми. Коли́ко изнуре́ние коли́кы вражды́ пострада́ша. И что ли приобре́тение му́ка безсме́ртная. И́же ни еди́наго же получи́ти утеше́ния. И е́же не живу́щым то́кмо. Но и отше́дшым осужа́тися от всех. Что же мно́гых о́бразы егда́ уви́дим возложе́нны во хра́мех не па́че ли рыда́ем. Вои́стинну до́бре рече́ проро́к. Оба́че всу́е мяте́тся всяк челове́к жи́вы. Смуще́ние бо вои́стинну е́же о таковы́х тща́ние. Смуще́ние и молба́ и изли́шня, но во оби́телех ве́чных сие́ несть. Ниже́ во кро́вех оне́х зде бо ин зло страда́ а ин наслажа́ется. Та́мо же свои́х трудо́в, ко́ждо бу́дет госпо́дь и мно́го сугу́бно прии́мет воздарова́ние. Ко о́ному у́бо да тщи́мся стяжа́нию. Та́мо да строя́ем себе́ хра́мы, да почи́ем о Христе́ Иису́се о Го́споде на́шем. Ему́же сла́ва и держа́ва ны́не и при́сно и во ве́кы веко́в, ами́нь.