Ева́нгелие: Тогда́ у́бо предаде́ им его́ Пила́т да ра́спнется. Прия́ша же Иису́са и ведо́ша и нося́ крест свой и изы́де в глаго́лемое кра́ниево ме́сто.

Благотворе́ния не внима́ющих. Лю́та и низлага́ти и обвлача́ти си́це и иуде́и в нача́ле наслади́вшеся Бо́жия по́мощи зако́н язы́ческаго ца́рствия иска́ху и в пусты́ни с ма́нною луко́в воспомина́ху потому́ же у́бо о́бразу и зде. Ца́рствия Христо́ва отрица́ющеся ке́сарево на себе́ нарица́ху. Сего́ бо ра́ди надста́ви им царя́. По их изрече́нию. Егда у́бо сия́ слы́ша Пила́т, предаде́ его́ да ра́спнется. Зде безсловесне потре́бно бо вопросити. Аще убо подща́ся Христо́с насильствовати ца́рствию. От стра́ха еди́наго изрече́ние принесе́. И́бо да не сие́ постра́ждет. Предвари́в Христо́с рече́ мое́ ца́рствие несть от ми́ра сего́. Но предстоя́щим всего́ себе́ дав ничто́же ве́лие любому́дрствовати восхоте́. А́ще и жены́ сон дово́лен бе его́ ужаси́ти. Но ни еди́ным о сих лу́чши. Ниже́ к небеси́ возре́. Но предаде́ его́. Они́же наложи́ша Нань крест я́ко на осу́женника про́чее. И́бо дре́вом уга́дываху. И ниже́ косну́тися терпя́ху. Си́це и во о́бразе бысть. И́бо Исаа́к дрова́ понесе́. Но тогда́ у́бо до изволе́ния о́тча есть вещь о́браз бо бе. И прии́де на кра́ние в? ме́сто не́цыи ре́шя та́мо Ада́му сконча́тися и лежа́ти. И Иису́су иде́же смерть ца́рствова, та́мо и одоле́ние в?оста́вити и́бо одоле́ние исхожа́ше нося́ крест на томи́тельство сме́рти. И я́коже победи́телие та́ко и сей на ра́мех ноша́ше о́браз одоле́ния. Что бо а́ще и ины́м ра́зумом де́йствоваху сия́ иуде́и. Распина́ют же его́ и с разбо́йникы не хотя́ще и всем проро́чество исполня́юще я́же бо досажа́юще творя́ху си́и. Сия́ и́стинне споспешествова́ху. Да навы́кнеши ели́ка его́ си́ла и́бо и сие́ испе́рва прорече́ проро́к я́ко со безако́нными вмени́ся. Хотя́ бо спокры́ти быва́емое бес. Но не возмо́же распя́ти бышя у́бо трие́. Облиста́ же еди́н Иису́с, да навы́кнеши я́ко си́ла его́ все соде́ла. А́ще и трие́м на кресте́ пригвожде́нным, чудеса́ си́це быва́ше. Но оба́че никто́же ничто́же от быва́емых возложи́ ни еди́но_му ж(е) оне́х ра́зве еди́ному Иису́су. Си́це су́етно диа́вольское бысть наси́льство и наве́т. И на его́ все преврати́ся главу́. И́бо от двои́х сих спасе́ся еди́н. Не то́кмо у́бо не напа́ствова сла́ве распя́таго но и споспеши́ не ма́ло. Того́ бо е́же трясти́ ка́мения, не ме́нше бе еже разбо́йника на кресте́ преложи́ти и в рай ввести́. Написа́ же и ти́тлу Пила́т. Вку́пе у́бо и иуде́и отмща́я вку́пеже отвеща́я о Христе́. Поне́же бо я́ко ху́да изда́ша и суд сей обще́нием разбо́йников утверди́ти начина́ху. Да ни еди́номуже про́чее ему́ леть бу́дет лукавыя наноси́ти вины́. И оклевета́ти я́ко ху́да не́коего и лука́ва. Загража́я их уста́. И всех оклевета́ти хотя́щых и показу́я я́ко на своего́ царя́ воста́ша. Я́ко жена́ одоле́нии не́коем си́це писа́ния положи́ и све́тел испусти́ глас. И побе́ду явля́ющь и ца́рствие пропове́дующе а́ще и не все цел и сие́ не еди́ным гла́сом но трема́ гла́сы я́вьствено сотвори́. Поне́же бо мно́гым бы́ти ле́по собра́ниям во иуде́ех пра́здника ра́ди. Я́ко бы ни еди́ному же не ве́дети отве́та. Гла́сы все́ми иуде́йское неи́стовьство обличи́. Я́ко и распя́тому зави́дяху. И́бо что сие́ вас повреди́, ничто́же. А́ще бо сме́ртен бе и не́моще(н) и уга́снути хотя́ше. Что боите́ся писа́ния глаго́люща. Я́ко царь есть иуде́йскый. И что ре́ша. Рцы я́ко сам рече́, ны́не изрече́ние есть и о́бщий суд. А́ще же приложи́тся е́же он рече́, про дерза́ния его́ и презо́рьства показа́ло бы ся. Согреше́ние су́ще. Но Пила́т не преврати́ся но о первом ста разуме́ нема́ло же и отсю́ду устрая́ется но все понеже бо посыпа́ся кре́стное дре́во я́ко ни еди́ному же его́ изъя́ти тщахуся. Тем е́же и стра́ху належа́ти и ко иным принужа́ющим ве́рующых тща́тися хотя́ше же вре́мене по́слеже взыска́тися. Ле́поже трие́м вку́пе лежа́ти кресто́м, да́же не не ве́сться влады́чень. Пе́рвое у́бо от е́же посреде́ ему́ лежа́ти пото́м же и от ти́тлы, я́вьствен всем бысть. Разбо́йничестии бо ти́тел не имя́ху. Во́ини же раздели́ша ри́зы. Хито́на же не ктому́ зри везде́ и́миже лука́вьствоваху. Проро́чьствам исполня́емым. И́бо и сие́ испе́рва прорече́ся. А́ще и три бе́ша распя́ти, но прорече́ния проро́к на нем исполня́хуся. Что бо ра́ди не от ины́х сие́ сотвори́ша. Но о сем еди́ном. Ты же ми смотри́ проро́чьства опасе́ние. Не я́ко бо раздели́ша то́кмо, но я́ко и не раздели́ша рече проро́к. О́ва убо раздели́ша хито́на же не раздели́ша но жеребью́ вещь попусти́ша. А еже свы́ше истка́н. Не про́сте прилежи́т. Но о́ви у́бо ре́шя, и́но сказа́нию тем явля́тися, я́ко не про́сте челове́к бе распина́емый но и свы́ше божество́ имя́ше. Не́цыи же самы́й вид хито́нишка ре́шя. Евангели́сту повествова́ти. Поне́же бо в Палести́не два пла́та сложи́вше. Си́це ткут ри́зы явля́я Иоа́нн я́ко тако́в бе хито́нишко, от свы́шних истка́н. Сие́ же мне ви́дится глаго́лати гада́тельствуя ху́дость риз. И зане́ я́коже во ины́ всех. Си́це и во оде́жи худы́ и гоня́ше о́браз. И во́ини у́бо сия́ творя́ху. То́йже и распина́ем предае́т и ма́терь свою́ ученику́. Наказу́я нас до после́дняго издыха́ния. Вся́ко твори́ти прилежа́ния ро́ждьших. Егда́ у́бо безвре́менне стужи́ла есть. Глаго́ла что мне и тебе́ Же́но. И кто есть ма́ти моя́. Зде же мно́го любле́ние показу́ет. И преда́ет ученику́ его́же любля́ше паки себе кры́ет Иоа́нн смиря́яся. А́ще бо хоте́л бы велича́тися, и вину́ у́бо приложи́л бы ея́же ра́ди любля́шеся и́бо ле́по бе вели́ку не́кую бы́ти и чу́дну. Что же ра́ди ничто́же и́но Иоа́нну бесе́дует, ниже́ утеша́ет его́ дря́хла, зане́ вре́мя не бе глаго́л сих утеше́ние. И и́накоже нема́ло бе е́же почести́ его́ че́стию таково́ю. И пребы́тия взя́ти мзду. Ты же смотри́ ка́ко распина́ем вся несмути́телне творя́ше. Ученику́ бесе́дуя о ма́тери проро́чества исполня́я разбо́йнику благы́я простира́я наде́жи. А́ще и пре́же да́же распя́тися, явля́ется потя́ся боя́ся. Страша́ся что у́бо сие́ есть ничто́же недоуме́нно. Ничто́же не я́вьствено. Та́мо бо не́мощь естества́ показа́ся. Зде же вели́чество си́лы показова́ше. И́накоже и нас обоими́ наказу́ет си́ми а́ще и пре́же лю́тых смуща́емся. Не отступа́ти сего́ ра́ди лю́тых. Егда́ же у́бо в по́двиг вни́дем вся удо́бна и легка́ да не у́бо трепе́щем сме́рти. Име́ет бо душа́ по естеству́ любожи́зненое но в нас лежи́т про́чее или́ разреши́ти сея́ ю́зы и вожделе́ние не́мощно сотвори́ти. Или́ связа́ти и наси́льственейше соде́лати я́коже бо име́ем вожделе́ние смеше́ния теле́с. Егда́ же любому́дрствуем немо́щно твори́м томи́тельство сице и о жи́зни случа́ется. Я́коже бо вожделе́ние теле́с вложи́л есть. Детотворе́ньми растворя́я на́ша насле́дия Бог. Не возбраня́я вы́шшим воздержа́ния ше́ствовати путе́м. Та́ко и жела́ние жи́зни все́ял есть, возбраня́я себе́ убива́ти. Не препина́я нам ко е́же настоя́щия презира́ти жи́зни. И подоба́ет сия́ ве́дящым ме́ры соблюда́ти и ниже́ самово́лне на смерть ходи́ти когда́. А́ще и безчи́сленая име́ет лю́тая. Ниже́ влеќомым от уго́дных Бо́гу воспяща́тися и лени́тися но и дерза́ющым совлача́тися. Бу́дущую настоя́щия предпочита́ющим жизнь. Жены́ же стоя́ху при кресте́ и не́мощнейшии род. Му́жественнейшь яви́ся тогда́. Та́ко вся предстроя́хуся про́чее. То́йже ма́тере утеша́я рече́. Се сын твой. О́ле че́сти. Ели́кою ученика́ почте́ че́стию. Поне́же бо сам отхо́дит про́чее. Ученику́ предаде́ пищы́ся и име́ющу. Поне́же бо ле́по аки ма́тери су́щи болез́новати и заступле́ние взыскава́ти. В ле́поту ю́ вруча́ет ученику́ возлю́бленному и тому́ рече́. Се ма́ти твоя́. Сия́ же глаго́лаше, совокупля́я их в любо́вь. Е́же у́бо и учени́к разуме́в. Во своя́ ю́ поя́т. Что бо ра́ди ниже́ еди́ныя ины́я воспомяну́ жены́. И́бо и друга́я стоя́ше науча́я нас вя́щше не́что дая́ти ма́терем. Я́коже бо сопротивля́ющихся роди́телие о духо́вных ниже́ ве́дети подоба́ет. Си́це егда́ ничи́мже запина́ют вселе́пое дая́ти им подоба́ет. И пре́же ины́х их полага́ти, за ни́хже роди́ша. За ни́хже воспита́ша. За ни́хже безчи́сленая пострада́ша лю́тая. Си́це и Маркио́ново зауща́е? безсту́дие. А́ще бо не роди́л бы ся по пло́ти. Ниже́ ма́тере име́л бы. Что ради толи́ко о ней еди́ной твори́т промышле́ние по сих ве́дый Иису́с я́ко вся сверши́ся. Си́речь я́ко ничто́же остае́т смотре́нию. От всюду бо потщася показа́ти тщу смерть того́ су́щу. А́ще бо во о́бласти сконча́вшагося все лежа́ше. И не пе́рвее нахожа́ше телеси кончи́на. Доне́леже егда́ хотя́ше сам. Хотя́ше же по е́же вся соверши́ти, сего́ ра́ди и глаго́лаше о́бласть име́ю положи́ти ду́шу мою́ и о́бласть име́ю па́ки взя́ти ю́. Ве́дый у́бо вся соверше́нна. Глаго́ла жа́жу па́ки зде проро́чество соверша́я, ты же ми скве́рное предстоя́щых помы́сли а́ще бо и безчи́сленных име́ем враго́в. И неисце́лная пострада́вше бу́дем. Зря́ще их убива́емых сломля́емся. Си́и же ниже́ си́це умиря́хуся к нему́. Ниже́ зри́мыми бы́шя кро́тци, но возверя́хуся па́че, и руга́ние простира́ху. И гу́бою прине́сше о́ксос си́це его́ напоя́ху. И я́ко осу́женником ему́ прино́сят. Поне́же и исо́п сего́ ра́ди прилежи́т прие́м у́бо рече́, соверши́шася. Ви́дел ли еси́ немяте́жне, и со о́бластию де́йствующа; И про́чее же сие́ явля́ет. Егда́ у́бо вся соверши́шася, прекло́нь главу́. Ниже́ бо сия́ пригвозди́ся дух испусти́. Еже есть издше. И́бо не по е́же приклони́ти главу́ е́же издохну́ти. Зде же спроти́вное. Ниже́ бо егда́ и́здше преклони́л есть главу́, е́же от нас быва́ет но егда́ у́бо преклони́ главу́. Тогда́ и́здше. И́миже все́ми изъяви́л есть евангели́ст. Я́ко всему́ Госпо́дь бе сам. Но иуде́и па́ки велбу́да пожира́ющеи и комара́ проце́жающе толи́ку соде́лавше де́рзость о дни опа́сно сло́вят поне́же бо пято́к бе про́чее да не пребу́дут на кресте́ телеса́, моли́ша Пила́та, да пребью́т го́лени их. Зри́ши ли ка́ко есть кре́пка и́стинна и́миже они́ тща́тся си́ми проро́чество соверша́ется. От сего́ бо и́но и́ми сие́ провозглаше́ние прие́млет коне́ц. Прише́дше бо во́ини ины́х у́бо преби́ша го́лени. Христу́ же не ктому. Но оба́че си́и угожа́юще иуде́ом, пронзо́ша ребро́ его́ копие́м. И ме́ртву те́лу про́чее досажа́ху. О́ скве́рнаго и сту́днаго произволе́ния но да не смути́шися ниже́ ниспа́деши о́ люби́миче. Я́же бо от лука́ваго творя́ху ра́зума они́. Сия́ и́стинне сподвиза́хуся проро́чество бо и отсю́ду глаго́лющее. Возря́т на него́же прободо́ша. И не сие́ то́кмо но и хотя́щым не ве́ровати бысть ве́ры указа́ние дерзну́тое. Си́речь Фоме́ и су́щым по о́ном. С сим же та́иньство неизрече́нное соверша́шеся изы́де бо кровь и вода́. Не про́сте ниже́ я́ко прилучи́ся си́и произыдо́ша исто́чницы. Но поне́же от обои́х сих це́рковь соста́влена. И ве́дят та́йно учи́мии во́дою убо поража́еми. Кро́вию ж и пло́тию пита́еми, нача́ло прие́млют та́иньства. Да егда́ приступа́еши гро́зному поти́ру, я́ко от самаго́ пия́ ре́бра. Си́це да приступа́еши и сие́ ви́дев и сведе́тельствова и и́стинно есть сведе́тельство его́ си́речь не от ины́х слы́шах. Но сам ту сый ви́дех и и́стинно есть сведе́тельство. И в ле́поту доса́ду бо бы́вшую пове́сть, а не ве́лие что и чу́дно повеству́еши да позазри́ши сло́ву, но сам ерети́ческая затвержа́я уста́ и бу́дущая провозглаша́я та́иньства, и внутрь соблюда́емое им созерца́я сокро́вище опа́сно сло́вит о слу́чаи сбы́вшимся. Соверша́етжеся и о́но проро́чество, я́ко кость его́ не сокруша́т. А́ще бо и о иуде́йском а́гнецы рече́ся сие́. Но и и́стины ра́ди о́браз ми́мо тече́ и о сем па́че сбы́сться сего́ ра́ди и проро́ка на среду приведе. Поне́же бо горе́ и до́лу себе́ на среду́ нося́ не мня́шеся достове́рен бы́ти приво́дит Моисе́я глаго́ля, я́ко ниже́ сие про́сте бысть но свы́ше преднаписа́ся и сие́ есть о́но рече́нное, я́ко кость его́ не сокруши́тся. И па́кы проро́ку от себе́ ве́ру подае́т. Сия́ же рех рече́, Зане́ мно́го сро́дство о́браза ко и́стинне. Зри́ши ли коли́ко твори́т тща́ние я́ко бы ве́роватися ви́дящемуся поно́сну бы́ти, и студ нося́щу. Е́же бо и в ме́ртвое досади́ти те́ло во́ину, того́ е́же распя́тися мно́го го́рше бе. Но оба́че и сия́ рече́ рех и со мно́гым тща́нием рех, да ве́руете. Никто́же у́бо да не ве́рует ниже́ стыдя́ся да поврежа́ет на́шая. Я́же бо наипа́че ви́дящася поно́сна бы́ти. Сия́ суть честносло́вия на́ших благы́х по сих прише́д Ио́сиф и́же от Аримафе́я учени́к сый не двуна́десятих но седми́десятих не́гли. Про́чее бо непщева́ше уга́снути гне́ву кресто́м. Со безстра́шием приступи́ша. И о погребе́нии прилежа́ху прише́д у́бо от Пила́та благода́ть про́сит. И дае́т он. Что бо не хотя́ше. Спомога́ет же ему́ и Никоди́м и многоце́нно твори́т погребе́ние. Еще́ бо я́ко о челове́це про́сте устрояхуся. И сия́ прино́сят арома́ты я́же наипа́че те́ло обыко́шя на мно́зе соблюда́ти. И не попуща́ти вско́ре дая́ти тле́нию, е́же ничто́же ве́лие о нем мечта́ющих бе, но о́баче мно́го любле́ние пока́зоваху. Ка́коже ни еди́н от двоюна́десятих прии́де. Ни Иоа́нн ни Петр ни ин кто от наро́читых. И ниже́ сие́ кры́ет учени́к. А́ще бо стра́ха глаго́лет кто иуде́йскаго. И си́и те́мже одержа́хуся стра́хом. И́бо и себе́ рече́ сокрове́н, стра́ха ра́ди иуде́йска, и и́мать не́кто рещи́ я́ко е́же зело́ их пренебрещи́ сие́ сотвори́. Но и сей боя́ся оба́че приступи́. Иоа́нн же и предстоя́в и ви́дев его́ издохну́вша, ничто́же таково́ сотвори́л есть. Что у́бо есть мне ви́дится от зело́ наро́читых бы́ти и от погреба́телных я́вьствено, и Пила́ту я́вьствен сый. Те́мже и благода́ть прия́т, и погреба́ет про́чее не я́ко осу́женника но я́ко обы́чай иуде́ом, мно́го це́нне яќо вели́ка не́коего и чу́дна. Но поне́же от вре́мени стесня́хуся. Девя́тому бо часу́ бы́вши кончи́не. Та́же посреде́ к Пила́ту приходя́щим и снима́ющим те́ло, ле́по бе ве́черу пости́гнути. В не́мже подоба́ющее не бе соде́лати. Полага́ют его в бли́жнем гро́бе. Устроя́етжеся е́же в новом ему положи́тися гро́бе. Иде́же ни еди́н ктоже положи́ся. Я́ко бы не ина́го не́коего вознепщева́тися воскресе́нию бы́ти, и́же с ним лежа́щаго, и я́ко бы ученико́м возмощи́ со удо́бством приити́, и зри́телем случи́вшися быти. Близ сущу ме́сту. И погребе́нию же сведе́телем бы́ти не им то́кмо но и враго́м. Е́же бо зна́мения наложи́ти гро́бу. И стра́жей та́мо присади́ти во́инов. Сведе́тельствующих бе гро́бу. Воскресе́ния бо, не ме́нше испове́датися сие́ потща́лся. Есть Христо́с, те́мже и ученицы́ мно́го о сем творя́т тща́ние я́ко бы показа́ти, зане́ сконча́ся. Воскресе́ние бо е́же по сих, хотя́ше и изве́ствовати вре́мя о́ноже а́ще тогда́ спокры́лося бы, и не зело́ объявле́нно бы́ло, имя́ше врежа́ти воскресе́ния сло́ву. Не сих же ра́ди е́же близ положи́тися бысть. Но я́ко бы и ло́жну показа́тися е́же о татбе́ сло́ву. Во еди́ну же от субо́т, си́речь в неде́лю. У́тру глубоку́ Мари́я магдалы́ни прихо́дит зау́тра и ви́дит ка́мень взят от гро́ба. Воскре́се бо и ка́мени належа́щу и знаменова́ниям. Но поне́же подоба́ше и ины́м извести́тися, отверза́ется гроб по воскресе́нии. И си́це уверя́ется бы́вшее. Сие́ у́бо и Мари́ю подви́же. Зело́ бо о учи́тели любе́зне име́ющи. Поне́же субо́та преи́де не терпя́ше молча́ти но прии́де у́тру глубоку́. От ме́ста утеше́ние не́кое обр(а/я)сти́ хотя́ще и ви́девши ка́мень взят не вни́де ниже прини́че но ко ученико́м тече́. От мно́гаго жела́ния сие́ бо бе ей потща́телное со мно́гою ско́ростию уве́дети хотя́ше что бысть те́лу и́бо тече́ние сие́ хотя́ше и глаго́лы сие́ явля́ют. Взя́ша бо рече́ Го́спода моего́ и не вем где положи́ша его́. Зри́ши ли како не у́ о воскресе́нии ве́дяше что я́вьствено. Но мня́ше преложе́нию его́ бы́ти телеси́ и не ухищре́нне вся возвеща́ет ученико́м. Евангели́ст же не лиши́ жены́ похвалы́ таковы́я. Ниже́ срам вознепщева́ е́же от нея́ им уве́дети перве и сия́ стрегу́щеи. Си́це везде́ любои́стинное нра́вов его́ сия́ет. Егда́ у́бо прии́де и сия́ рече́, услы́шавше они́. Со мно́гым тща́нием надстаю́т гро́бу. И зрят ри́зы лежа́ща е́же бе воскресе́ния зна́мение. Ниже́ бо а́ще предложи́ли бы́шя не́цыи сие́ у́бо сотвори́ли бы те́ло обнажи́вше. Ниже аще укра́ли сие у́бо попекли́быся я́ко бы взя́ти суда́рь и сви́ти и положи́ти во еди́ном ме́сте. Но ка́ко ли; Я́ко имя́ше взя́ли бы́шя те́ло. Сего́ бо ра́ди и предвари́в Иоа́нн рече́ я́ко со сми́рною погребе́ся мно́гою. Я́ко же о́лова не ху́жше соприлепля́ет те́лу пле́ны. Да егда́ услы́шиши яко суда́рия лежа́ху осо́бь. Не приими́ глаго́лющых я́ко укра́ден бысть. Не си́це бо несмы́слен бе крадяй. Яко о ве́щи изли́шней толи́ко изнуря́ти тща́ние. Что бо ра́ди суда́рия оставля́ше. Ка́коже у́бо утаи́л бы ся сие́ творя́. И́бо мно́го ему ле́по бе изнуря́ти вре́мя и подсмотри́телну быти. Ме́длящу и косня́щу. Что же у́бо и кроме́ пелены́ лежа́т. И су́дарь кроме́ свит. Да навы́кнеши я́ко не бе тща́щихся и смуща́емых вещь е́же кроме́ у́бо она́ кроме́ же сия́ положи́ти и сви́ти от сего́ воскресе́нию вероваша. Сего́ ра́ди ве́лие им явля́ется сие́ Христо́с от зре́ния уверя́ющимся. Зри у́бо и зде невелича́вое евангели́ста ка́ко опасе́ние испыта́ния твори́т Петру́ сведе́телю. Предвари́в бо его́ и ви́дев ри́зы лежа́ща. Ничто́же вя́щша испыту́ет но отступа́ет. Он же те́плый внутрь быв вся созерца́ опа́сне и что вя́щше ви́де и по сих. Си́це о виде́нии уте́шися. По о́ном бо вшед. Погреба́лная ви́де лежа́ща и разделе́на. Е́же бо раздели́ти и кроме́ у́бо сие́ кроме́ же о́но положи́ти сви́вшу. Не́коего бе со прилежа́нием творя́щаго а не я́ко прилучи́ся сму(о?)ща́емаго:

Нравоуче́ние 85. Я́ко подоба́ет мно́го це́нне погреба́ти но ми́лостыню о уме́рших твори́ти. И саме́м благоче́стне устроя́тися.

Ты же егда́ услы́шиши я́ко наг влады́ка воскре́с. Преста́ни неи́стовьства су́щаго к погребе́нию. Что бо хо́щет изли́шнее сие́ изнуре́ние и не поле́зное. Мно́гу у́бо принося́щи погреба́ющим тщету́, отшедшему же приобретение ничто́же. Но а́ще подоба́ет что рещи́. И вред, многоце́ние бо погребе́ния. Гробокопа́ния вина́ бысть мно́жицею и на́га и безгро́бна сотвори́ло есть поврещи́ся. Прилежа́ние погребе́ннаго. Но о тщесла́вия коли́ко и в пла́чи томи́тельство показу́ет. Коли́ко безу́мие мнози у́бо да не сие́ бу́дет тонча́йшия она́ пресе́кше поня́вы. И мно́гых арома́т испо́лнивше. Я́ко бы сугу́ба бы́ти напа́ствующим непотре́бна, си́це земли́ преда́ша. Сия́ ли у́бо не беся́щихся; Сия́ ли не шата́ющихся. Любоче́стие показова́ти и па́кы сие́ погубля́ти. Ей рече́ да со утверже́нием лежа́т у ме́ртваго сия́ вся ухищря́ем;

Что у́бо а́ще гробокопа́телие не во́змут мо́лие не во́змот ли и че́рвие. Что же а́ще мо́лие и че́рвие не во́змут. Вре́мя и согни́тие не погуби́т ли; Да положи́м же ни гро́бо прокопа́телем ниже́ мо́лем ниже́ черве́м ни вр́емени ни ино́му ничему́же изнуря́ти лежа́щая но и те́лу неприкоснове́нну бы́ти до воскресе́ния; И сия́ у́бо са́мая, но́ва и новодруже́нна и то́нка соблюсти́ся. Что вя́щше отше́дшим от зде быва́ет. Егда́ на́го у́бо те́ло востае́т сия́ же зде пребу́дут. И ничи́м же нас по́лзуют ко испыта́ниям оне́м. Чесо́ у́бо ра́ди о Христе́ бысть рече́, наипа́че у́бо прилага́й сия́ челове́ческым поне́же и ми́ро излия́ блудни́ца на святы́я но́ги о́ного. А́щеже подоба́ет и о сих рещи́. Пре́же у́бо не ве́дящим о воскресе́нии сло́во творя́щим сия́ бы́ша. Сего́ ра́ди рече́ я́коже обы́чай бе иуде́ом. Не от двуна́десятих бо бе́ша Христа́ поче́тшеи. Но оне́ и́же не зело́ его́ почита́ще двана́десятии у́бо не си́це его́ почита́ху но сме́ртию. И закла́нием и су́щими о́нем беда́ми. Бе бо о́на честь. Мно́гаго же ме́нши сея́ ея́же рех. И́накоже е́же предвари́х рек, о челове́цех нам сло́во ны́не. Тогда́ бо сия́ о влады́це бы́ше. И да навы́кнеши я́ко сих ни еди́но же Христу́ сло́во. Рече́ а́лчуща мя ви́десте, и напита́сте. И жа́ждуща и напои́сте. И на́га и оде́ясте. И нигде́же рече́ и уме́рша и не погребо́сте и сия́ глаго́лю. Не погребе́ние отъе́мля не бу́ди. Но блужде́ние отсеца́я. И безвре́менное тщесла́вие. Страсть бо рече́ и сла́дость. И е́же ко отше́дшему сострада́ние сия́ увещава́ют. Не суть сия́ сострада́ния е́же ко отше́дшему, но тщесла́вия. Поне́же а́ще хо́щеши соболе́зновати уме́ршему показу́ю тебе́ и на путь погребе́ния, и науча́ю тебе́ ри́зы полага́ти совостаю́щая ему́, и све́тла изъявля́ющая сия́ бо ри́зы, ниже́ от мо́лей изнуря́ются. Ниже́ от вре́мени обетшава́ют. Ниже́ от гро́бо прокопа́телей кра́дутся. Ка́я ли у́бо сия́ суть е́же о ми́лостыни одея́ние. Сия́ бо с ним? востае́т оде́жа. Ми́лостыни бо печа́ть с ним. От сих сия́ют риз тогда́ слы́шащии. А́лчуща мя напита́сте сия́ знамени́тых творя́т сия́ све́тлых. Сия́ во утверже́нии устроя́ют. А е́же ны́не ничто́же и́но есть ра́зве изнуре́ние мо́лем, и трапе́за черве́м. И сия́ глаго́лю не погреба́ти возбраня́я. Но со умере́нием сие́ твори́ти, я́ко бы покрыва́ти те́ло. И не на́го предая́ти земли́. А́ще бо жи́ву су́щу ничто́же име́ти повелева́ет вя́щше. Но ра́зве одея́ния. Мно́го па́че сконча́вшимся не таково́ бо сконча́вше есть те́ло тре́бует риз. Я́ко живо́е и вдохнове́нное. Живу́ще бо и студе́неи ра́ди и благообра́зия тре́бует риз одея́ния. Ско(н?)ча́вшижеся, сих у́бо ни еди́наго ра́ди, но да не на́го лежи́т те́ло. Тре́буем погреба́лных, и пре́же погреба́лных же. Име́ем покрове́ние зе́млю. И таково́му теле́с естеству́ ле́потн?ейше. А́ще у́бо иде́же толи́кы потре́бы, ничто́же подоба́ет изли́шнее взыскова́ти. Мно́го па́че иде́же не такова́ ну́жа. Безвре́менное любоче́стие. Но зря́щии смею́тся рече́. Наипа́че у́бо а́ще и бу́дет кто смея́ся, немно́го подоба́ет твори́ти сло́во. Вои́стинну зело́ не смы́сльствующаго. Ны́не же мно́зи чудя́щиися па́че. И любому́дрие похваля́юще на́ше. Сме́ха бо досто́йна не сия́. Но я́же твори́м ны́не. Рыда́юще пла́чуще, спогреба́юще себе́ отше́дшим. Сия́ и сме́ха и му́кы досто́йна. А е́же любому́дрити и в сих. И во умере́нии риз, венца́ и похвалы́ нам исхода́тайствует. И вси нас похва́лят, и почудя́тся Христо́ве си́ле и реку́т о́ле коли́ка распя́таго кре́пость. Увеща́ погыба́емых и растлева́емых я́ко несть смерть, смерть. Не у́бо я́же погыба́емых творя́т. Но я́же предпосыла́ющых во отше́ствие лу́чше увеща́ их я́ко те́ло тле́нное сие́ и земно́е, в ри́зу облече́тся шо́лковых и златотка́нных и мно́го светле́йше нетле́ние. Те́мже у́бо ниже́ мно́го о погребе́нии творя́т тща́ние, не погреба́лное непщу́ют чу́дно житие́ доброде́телное сия́ а́ще любому́дрствующых уви́дят реку́т. А́ще же сосеца́ющыхся умякча́ющых, ли́кы обставля́ющых рыда́ющых жен посмею́тся и поруга́ются. И тма́ми оглаго́лют оклевета́ющееже ту́не изнуре́ние суетотру́дие. И́бо сия́ слы́шым оклевета́ющым всем. И па́че в ле́поту, кото́рыи у́бо име́ти бу́дем отве́т. Егда́ те́ло у́бо согни́ти их и че́рвех изнуря́емое украша́ем. Христа́ же презира́ем, жа́ждуща на́га обходя́ща и стра́нна! Да преста́нем у́бо от су́етнаго сего́ тща́ния, да погреба́ем отше́дшых. Я́ко и нам и оне́м полез́но есть к сла́ве Бо́жие. Мно́го от них да совершы́м ми́лостыню. Да по́слем им напу́тная добре́йша. А́ще бо па́мять чу́дных муже́й сконча́вшыхся заступа́ет живу́щых. Защищу́ бо рече́ гра́да сего́ мене́ ра́ди и Дави́да ра́ди о́трока моего́. Мно́го па́че ми́лостыня сие́ соде́лает. Сия́ бо сие́ и ме́ртвых воскреси́ла есть. Внегда́ обступи́ша вдови́ца показу́ющия, ели́ка творя́ше с ни́ми су́щи се́рна. Егда́ у́бо хо́щет сконча́тися, коему́ждо сконча́вшемуся да состра́яет надгро́бная. И да увещава́ет отходя́щаго тре́бующим не́что оставля́ти. С си́ми да отсыла́ет ри́зами насле́дника оставля́ти Христа́. А́ще бо ца́рие напису́юще насле́дником свои́м безчи́сленое оставля́ют утверже́ние. И́хже Христа́ оста́вль с ча́ды помы́сли ели́ку привлече́т люб́овь и себе́ и свои́м де́тем сия́ суть погреба́лная до́бра. Сия́ по́лзуют и пребыва́ющих и отходя́щих. А́ще си́це погреба́лная да положи́м. Све́тли во вре́мя воскресе́ния бу́дем. А́ще же те́лу угожа́юще о души́ не ради́м мно́го та́мо постра́ждем лю́тая. И мно́га до́лжни бу́дем сме́ха. Ниже́ бо прилу́чшиися студ на́гу доброде́тели отъити́. Ниже́ си́це те́ло непогребе́но пове́ржено посрамля́ется. Я́коже душа́ тогда́ на́га доброде́тели явля́ема сию́ да облече́м, сию́ да одежи́м. Наипа́че чре? все вре́мя. А́ще же зде не ради́м поне́ скончава́ющася да трезви́мся. И свои́м да запове́дуем, соде́йствовати отше́дшим нам ми́лостынею. Та́ко бо от дру́га помага́еми: дерзнове́ния мно́гаго получи́м. Благода́тию и человеколю́бием Господа на́шего Иису́са Христа́. Ему́же сла́ва и держа́ва и честь. Со Отце́м и со Святы́м и Благы́м и Животворя́щим Ду́хом. Ны́не и при́сно и во ве́кы веко́в. Ами́нь.