Таже отпел: Благословен еси Господи.

[Псалом 102]

Благослови́, душе́ моя́, Го́спода, и вся вну́тренняя моя́ и́мя свя́тое Его́. Благослови́, душе́ моя́, Го́спода, и не забыва́й всех воздая́ний Его́, очища́ющаго вся беззако́ния твоя́, исцеля́ющаго вся неду́ги твоя́, избавля́ющаго от истле́ния живо́т твой, венча́ющаго тя ми́лостию и щедро́тами, исполня́ющаго во благи́х жела́ние твое́: обнови́тся я́ко о́рля ю́ность твоя́. Творя́й ми́лостыни Госпо́дь, и судьбу́ всем оби́димым. Сказа́ пути́ Своя́ Моисе́ови, сыново́м Изра́илевым хоте́ния Своя́: щедр и ми́лостив Госпо́дь, долготерпели́в и многоми́лостив. Не до конца́ прогне́вается, ниже́ во век вражду́ет, не по беззако́нием на́шим сотвори́л есть нам, ниже́ по грехо́м на́шым возда́л есть нам. Я́ко по высоте́ небе́сней от земли́, утверди́л есть Госпо́дь ми́лость Свою́ на боя́щихся Его́. Ели́ко отстоя́т восто́цы от за́пад, уда́лил есть от нас беззако́ния на́ша. Я́коже ще́дрит оте́ц сы́ны, уще́дри Госпо́дь боя́щихся Его́. Я́ко Той позна́ созда́ние на́ше, помяну́, я́ко персть есмы́. Челове́к, я́ко трава́ дни́е eго́, я́ко цвет се́льный, та́ко оцвете́т, я́ко дух про́йде в нем, и не бу́дет, и не позна́ет ктому́ ме́ста своего́. Ми́лость же Госпо́дня от ве́ка и до ве́ка на боя́щихся Его́, и пра́вда Его́ на сыне́х сыно́в, храня́щих заве́т Его́, и по́мнящих за́поведи Его́ твори́ти я́. Госпо́дь на небеси́ угото́ва престо́л Свой, и Ца́рство Его́ все́ми облада́ет. Благослови́те Го́спода вси А́нгели Его́, си́льнии кре́постию, творя́щии сло́во Его́, услы́шати глас слове́с Его́. Благослови́те Го́спода вся си́лы Его́, слуги́ Его́, творя́щии во́лю Его́. Благослови́те Го́спода вся дела́ Его́, на вся́ком ме́сте влады́чества Его́, благослови́, душе́ моя́, Го́спода.

Слава и ныне:

Псалом 145

Славлю Отца и Сына и Святаго Духа.

Хвали́, душе́ моя́, Го́спода. Восхвалю́ Го́спода в животе́ мое́м, пою́ Бо́гу моему́, до́ндеже есмь. Не наде́йтеся на кня́зи, на сы́ны челове́ческия, в ни́хже несть спасе́ния. Изы́дет дух eго́ и возврати́тся в зе́млю свою́. В той день поги́бнут вся помышле́ния eго́. Блаже́н, eму́же Бог Иа́ковль помо́щник его́, упова́ние eго́ на Го́спода Бо́га своего́, сотво́ршаго не́бо и зе́млю, мо́ре и вся, я́же в них, храня́щаго и́стину в век, творя́щаго суд оби́димым, даю́щаго пи́щу а́лчущим. Госпо́дь реши́т окова́нныя. Госпо́дь умудря́ет слепцы́. Госпо́дь возво́дит низве́рженныя. Госпо́дь лю́бит пра́ведники. Госпо́дь храни́т прише́льцы, си́ра и вдову́ прии́мет и путь гре́шных погуби́т. Воцари́тся Госпо́дь во век, Бог твой, Сио́не, в род и род.

Слава и ныне:

Единочадый Сыне Слово Божие, Безсмертен Сый и изволи спасения нашего ради воплотитися от Святыя Богородицы и присно Девы Марии, непреложно вочеловечитися и распятися Христе Боже, смертию на смерть наступи, Един Сый от Святыя Троицы прославляяйся со Отцем и со Святым Духом спаси нас.

Господи помилуй трижды

Таже:

Помяни мя Господи, егда приидеши во Царствии Си.

Блажени нищии духом, яко тех есть Царствие небесное. Блажени плачущиися, яко ти утешатся. Блажени кротцы яко ти наследят землю. Блажени алчуще и жаждуще правды, яко ти насытятся. Блажени милостиви яко ти помиловани будут. Блажени чисти серцдем, яко ти Бога узрят. Блажени смиряющии, яко ти сыное Божии нарекутся. Блажени изгнании правды ради, яко тех есть Царство небесное. Блажени есте егда поносят вам и ижженут вы, и рекут вам вяк зол глагол лжуще Мене ради. Радуйтеся и веселитеся яко мзда ваша многа есть на небесех.

Помяни мя Господи, егда придеши во Царствии Си. Помяни мя Владыок, егда придеши во Царствии Си. Помяни мя Святый, егда придеши во Царствии Си.

Лик небесный поет и глаголет: Свят, Свят, Свят, Господь Саваоф, Исполнь небо из землю славы Твоея. Лик святых ангел и архангел поет и глаголет: Свят, Свят, Свят, Господь Саваоф, Исполнь небо и землю славы Твоея. Приступите к Нему и просветитеся и лица ваша не постыдятся. Сбор святых ангел и архангел поет и глаголет: Свят, Свят, Свят, Господь Саваоф, Исполнь небо и землю славы Своея.

Верую во Единого Бога, Отца Вседержителя, Творца небу и земли, видимым же всем и невидимым. Во Единого Господа Иисуса Христа Сына Божия, Единочадаго от Отца рожена преже всех век. Свет от Света, Бог Истинен от Бога Истинна рожена, а не сотворена, Единосущна Отцу, ИМже вся быша нас ради человек. И нашего ради спасения сшедшаго с небес и воплощшагося от Духа Святаго из Марии Девицы вочеловечшася и распята за ны, при Понетьстем Пилате мучена и погребена. И воскресшаго в третий день по Писанию. Вшедшаго на небеса и седящаго одесную Отца. И паки грядущаго на землю со славою судит живым и мертвым, Егоже Царствию несть конца. И в Духа Святаго, Господа и Животворящаго, Исходящаго от Отца, Иже со Отцем и с Сыном и с покланянием славим. Глаголавшаго пророки. во едину святую и сборную апостолькую Церковь. Исповедаю едино крещение во оставление грехов. Чаю воскрешения мертвым и жизни будущаго века. Аминь.

Таже Отче наш:

Таже сию молитву:

Господи Боже наш, иже Преславную Матерь Свою яви Честнейши небесных сил, Херувим и Серафим, Престол и Господствий, Начал и Властий и Сил, Михаила и Гавриила. Молитвами Пречистыя Ти Матере остави грехи моя, и отжени от мене всяк блуд, прелюбодейство, клевету, ревность, ярость, зависть, ненависть, гнев, тщеславие, скупость, немилосердие, обиду, котору, вражду, прозорьство, сребролюбие, ражженыя похоти, ожесточание, объядение, пияньство, клятве претупление, и горькую славу человеческую. Ей Господи, Боже мой, си вся отжени от мене молитвами Пресвятыя Богородицы и всех святых Твоих, и ныне и присно и во веки:

Таже Господи помилуй, 50.

Таже се:

Един Свят, Един Господь Иисус Христос, во славу Богу и Отцу. Аминь.

Буди имя Господне благословен отселе и до века. Трижды.

Глаголи Господи помилуй трижды.

Благословите святии.

Благослови, отче.

[Псалом 33]

Благословлю́ Го́спода на вся́кое вре́мя, вы́ну хвала́ Его́ во усте́х мои́х. О Го́споде похва́лится душа́ моя́, да услы́шат кро́тцыи и возвеселя́тся. Возвели́чите Го́спода со мно́ю и вознесе́м и́мя Его́ вку́пе. Взыска́х Го́спода и услы́ша мя, и от всех скорбе́й мои́х изба́ви мя. Приступи́те к Нему́ и просвети́теся, и ли́ца ва́ша не постыдя́тся. Сей ни́щий воззва́, и Госпо́дь услы́ша и́, и от всех скорбе́й eго́ спасе́ и́. Ополчи́тся А́нгел Госпо́день о́крест боя́щихся Его́, и изба́вит их. Вкуси́те и ви́дите, я́ко благ Госпо́дь; блаже́н муж, и́же упова́ет Нань. Бо́йтеся Го́спода, вси святи́и Его́, я́ко несть лише́ния боя́щымся Его́. Бога́тии обнища́ша и взалка́ша, взыска́ющии же Го́спода не лиша́тся вся́каго бла́га. Прииди́те, ча́да, послу́шайте мене́, стра́ху Госпо́дню научу́ вас. Кто́ есть челове́к хотя́й живо́т, любя́й дни ви́дети бла́ги? Удержи́ язы́к твой от зла, и устне́ твои́, е́же не глаго́лати льсти. Уклони́ся от зла и сотвори́ бла́го. Взыщи́ ми́ра, и пожени́ и́. О́чи Госпо́дни на пра́ведныя, и у́ши Его́ в моли́тву их. Лице́ же Госпо́дне на творя́щыя зла́я, е́же потреби́ти от земли́ па́мять их. Воззва́ша пра́веднии, и Госпо́дь услы́ша их, и от всех скорбе́й их изба́ви их. Близ Госпо́дь сокруше́нных се́рдцем, и смире́нныя ду́хом спасе́т. Мно́ги ско́рби пра́ведным, и от всех их изба́вит я́ Госпо́дь. Храни́т Госпо́дь вся ко́сти их, ни еди́на от них сокруши́тся. Смерть гре́шников люта́, и ненави́дящии пра́веднаго прегреша́т. Изба́вит Госпо́дь ду́шы раб Свои́х, и не прегреша́т вси, упова́ющии на Него́.

Господи помилуй, Трижды.

Слава и ныне:

Благословите, святии.

Благослови, отче.

Молитвами святых отец, Господи Иисус Христе Боже наш, помилуй нас. Аминь.

Таже сия молитва:

Милостивый Господи, приими воздыхание: Песнь позаутра:

Молитву на обед идуще глаголати:

Господи Боже наш, небесный и животворящий хлеб истинная пища всем строя настоящее се житие, будущаго нам обещав наслаждения, Той и ныне благсолови ядь нашу и питие, без осуждения ны сподоби от них приимати хваляще и славяще Тебе Дателя благим дарованием, яко прославися имя Отца и Сына и Святаго Духа и ныне и присно и во веки.

Молитва по обеде глаголати:

Тебе Господи, Истинному Богу и Человеколюбцу, мы грешнии и раби Твои насыщшеся богатых благ Твоих, хвалу приносим и молимтися Владыко, с земными благи и небесным Твоим даром причастники ны яви, молитвами Пресвятыя Богородицы и всех святых Твоих, яко подобает Ти всяка слава, Отцу и Сыну и Святому Духу, и ныне и присно и во веки.