Покаянна, глас 1 Яко пучина велия соблажнений моих Спасе, и люте погрузихся с согрешении моими, даждь ми руку, спаси мя, яко Петрови Боже, и помилуй мя. Се ныне благословите Господа вси раби Господни. Яко помышлении злыми и делы осудихся Спасе, мысль ми подаждь обращение Боже, да зову ти: Спаси мя, Благодателю Благий и помилуй мя.

В нощех воздежите руцы ваша, востая благословите Господа.

Молитвами Господи всех святых, и Богородицы Твой мир даждь нам и помилуй ны, яко Един Щедр.

Слава: Кая жития пища пребывает кроме печали непричастна? Кая слава стоит на земли непреложна? Все стеня немощнее. Все сна прелестнее. И во един час вся си смерть приемлет. Но во свете Христе лица Твоего, и в наслаждение Твоея красоты, преставленыя покой, яко Человеколюбец.

И ныне: Грешных молитвы приемлющи и скорбящи[х] воздыхание не презрящи, моли иже от Пречистою боку Твоею спастися нам, Престая Дево.

Покаянна, глас 2

Сгреших к Тебе Христе Спасе, яко блудный сын, приими мя Отче кающася и помилуй мя Боже. Се ныне благословите Господа вси раби Господни. Вопию Ти Христе Спасе, мытаревым гласом: Очисти мя яко и оного, и помилуй мя Боже.

В нощех воздежите руцы ваша, востая благословите Господа.

Иже земныя сласти не возлюбльше страстотерпцы мученицы, небесным благим сподобишася и ангелом сожитницы быша. Господи, молитвами их помилуй и спаси ны.

Слава: От земли создав мя и вземлю поити ми, за преступление мое осуди мя, постави день испытанию, воньже тайная когождо деяния, явлена станут пред Тобою. Тогда отради ми безгрешный Боже, соблазн моих прощение дая, и Царствия Твоего не отлучи мене.

И ныне: Непроходимая дверь, тайно знаменана, Благословеная Богородице Дево, приими молитвы наша и донеси я к Сну Своему и Богу нашему, да спасет Тобою душа наша.

Покаянна, глас 3

Вечернюю песнь приносим Ти Христе с кадиом, и песньми духовными: Помилуй и спаси душа наша. Се ныне благословите Господа вси раби Господни. Спаси мя, Господи Боже мой, Ты бо всем еси спасение. Буря бом я греховная смущает, и тягота беззаконий моих погружает. Даждь ми руку помощи, и к свету возведи мя покяния, яко Един Благосерд и Человеколюбец.

В нощех воздежите руцы ваша, востая благословите Господа.

Велия креста Твоего Господи сила, водружи бос я на месте и детельствует во всем мире, и показа от рыбарь апостолы, и от язык мученики. И. молят за душа наша.

Слава: Все суетие человеческое, елико не пребудет по смерти, не пребудет в богатство, ни снидет слава. Пришедши бо смерть, вся си погуби. Тем Христу безсмертному возопием: Преставльшимся от нас покой, идеже всем есть веселящимся житие у Тебе.

И ныне: Свята первочиста похвала сущи небесным силам, апостолом пение и пророком сбытие. Владычице, приими молитвы наша.

Покаянна, глас 4

Хотех слезами очистити моих грехов Господи рукописание, и прочее живота моего покаянием угодити Тебе, но враг льстит мя и борет душу мою. Господи, даждь до конца не погибну, спаси мя. Се ныне благословите Господа вси раби Господни. Кто труждаяся и пририща, к затишитю сему не спасается? Или кто плачася и припадая к врачеству сему не уврачуется? Содетелю всяческим, и Врачу недужным, Господи, даждь до конца не погибну, спаси мя.

В нощех воздежите руцы ваша, востая благословите Господа.

Прославляяйся в память святых Твоих Христе Боже, теми умолимь, подаждь нам велию милость.

Слава: Со духи праведных кончавшихся, раб Своих Спасе покой, сохраняя их во блаженей жизни, яже от Тебе, Человеколюбче.

И ныне: Избави ны от бед наших, Мати Христа Бога, рождшия всем Творца, да вси вопием Ти: Радуйся, едино спасение душам нашим.

Покаянна, глас 5

Господи, согрешая не престаю, человеколюбию сподобляемь не разумею, одолей моему омрачению, Единый Блаже и Человеколюбче. Се ныне благословите Господа вси раби Господни. Господи, страха Твоего боюся, а злое творя не престаю. Кто на судищи судии не убоится? Или кто врачеванию хотя, врача гневает? Якоже и аз долготерпеливе Господи: на немощь мою умилосердися и помилуй мя.

В нощех воздежите руцы ваша, востая благословите Господа.

О земных всех небрегше, и на муки мужески дерзнувше, блаженых надеждь не погрешисте, но небесному Царствию наследницы бысте. Прехвальнии мученицы, имуще дерзновение к Милотивому Богу, всему миру мира просите и душам нашим велию милость.

Слава: Помянух пророка вопиюща, аз есмь земля и пепел, и паки разсмотрих, [и] во гробех и видех кости обнаженыу и рех: Кто убо есть? Се царь ли или нищь или грешник, ли праведник? Но покой Спасе наш с праведными рабы Своя.

И ныне: Тебе ся молим, яко Божей Матери, благословеная, моли о спасении душ наших.

Покаянна, глас 6 В страшное пришествие Твое Христе, да не услышу «не веде вас». Упование бо на Тя Спасе возложихом, аще и Твоих заповедий не сохранихом . за небрежение наше, но пощади душа наша, молимся. Се ныне благословите Господа вси раби Господни. Покаяния не стяжах, ни паки же сез. Сего ради молю Тя Спасе, прежде конца обратити и дати ми оставление грехов. Да и [аз] избавлюся от муки.

В нощех воздежите руцы ваша, востая благословите Господа.

Мученицы Твои Господи, не отвергошася Тебе, ни отступиша от заповедий Твоих. Тех молитвми помилуй нас.

Слава: Начаток ми состав зиждительное Твое бысть повеление, восхотев бо от невидимаго же и видимаго жива составити естества, от земли ми тело созда и дал же ми еси душу божественым и животворящим духоновением. Тем Спасе рабы своя, во стране живущих, и в храмех праведных покой.

И ныне: Бога из Тебе воплощшася разумехом Богородице Дево. Того моли о спасении душ наших.

Покаянна, глас 7

Яко блудный сын приидох аз Щедре. Приими мя припадающа, яко единого от наемник Твоих Боже и помилуй мя. Се ныне благословите Господа вси раби Господни. Яко впадый в разбойник уязвеный, тако и аз впадох от моих грехов и уязвена ми есть душа. К кому прибегну повинный аз? Токмо к Тебе Милосерду, душам И[с]целителю, излей на мя Боже великую Твою милость.

В нощех воздежите руцы ваша, востая благословите Господа.

Слава Тебе Христе Боже, апостолом похвала, мучеником веселие, ихже проповедь Троица Единосущна.

Слава: Покой Спасе наш Жизнодавче нашу бртию, яже престави от временных. Господи, слава Тебе.

И ныне: Избави Богородице от одержащих ны грехов, яко иного упования вернии не имамы токмо Тебе, иже от Тебе рождшагося Господа.

Покаянна, глас 8.

Тебе Царя и Владыку, ангели не престанно поют. Аз же Ти припадаю, яко мытарь вопия: Боже, очисти и спаси мя. Се ныне благословите Господа вси раби Господни. Без смерти сущи душе моя, волнами житийскими не грузися, но возникни вопиющи к своему Благодателю: Боже, очисти мя и помилуй мя.

В нощех воздежите руцы ваша, востая благословите Господа.

Мученицы Господи, всяко место освящаете и всяк недуг уврачуете. И ныне молите избавитися от сети вражия душам нашим, молим вы.

Слава: Плачуся и рыдаю, егда помышлю смерть, и видех во гробех лежащу по образу Божию созданую нам красоту, безобразну и безславну, не имущу зрака. Оле чудо се! Что се еже о нас? Земнии се таинство, како предахомся тли? Како причтохомся смерти? Во истину Божиим повелением, якоже есть писано, подающим преставльшимся от нас покой.

И ныне: Аз Дево Святая Богородице под кров Твой прибегаю, веде яко обращу спасение, можеши бо Чистая помощи ми.