Чин полунощный

Господи Иисусе Христе Боже наш, помилуй нас. Аминь.

Царю небесный, Утешителю:

Таже Трисвятое [по Отче наш]

Господи помилуй 12.

Таже Приидите поклонимся: [Трижды]

Таже псалом 50: Помилуй мя Боже по велицей милости.

Таже се поим. Псалом Давидов 118.

Блаже́ни непоро́чнии в путь, ходя́щии в зако́не Госпо́дни. Блаже́ни испыта́ющии свиде́ния Его́, всем се́рдцем взы́щут Его́, не де́лающии бо беззако́ния, в путе́х Его́ ходи́ша. Ты запове́дал еси́ за́поведи Твоя́ сохрани́ти зело́. Дабы́ испра́вилися путие́ мои́, сохрани́ти оправда́ния Твоя́. Тогда́ не постыжу́ся, внегда́ призре́ти ми на вся за́поведи Твоя́. Испове́мся Тебе́ в пра́вости се́рдца, внегда́ научи́ти ми ся судьба́м пра́вды Твоея́. Оправда́ния Твоя́ сохраню́, не оста́ви мене́ до зела́. В чесо́м испра́вит юне́йший путь свой? Внегда́ сохрани́ти словеса́ Твоя́. Всем се́рдцем мои́м взыска́х Тебе́, не отри́ни мене́ от за́поведей Твои́х. В се́рдце мое́м скрых словеса́ Твоя́, я́ко да не согрешу́ Тебе́. Благослове́н еси́, Го́споди: научи́ мя оправда́нием Твои́м. Устна́ма мои́ма возвести́х вся судьбы́ уст Твои́х. На пути́ свиде́ний Твои́х наслади́хся, я́ко о вся́ком бога́тстве. В за́поведех Твои́х поглумлю́ся, и уразуме́ю пути́ Твоя́. Во оправда́ниих Твои́х поучу́ся, не забу́ду слове́с Твои́х. Возда́ждь рабу́ Твоему́: живи́ мя, и сохраню́ словеса́ Твоя́. Откры́й о́чи мои́, и уразуме́ю чудеса́ от зако́на Твоего́. Пришле́ц аз есмь на земли́: не скрый от мене́ за́поведи Твоя́. Возлюби́ душа́ моя́ возжела́ти судьбы́ Твоя́ на вся́кое вре́мя. Запрети́л еси́ го́рдым: про́кляти уклоня́ющиися от за́поведей Твои́х. Отьими́ от мене́ поно́с и уничиже́ние, я́ко свиде́ний Твои́х взыска́х. И́бо седо́ша кня́зи, и на мя клевета́ху, раб же Твой глумля́шеся во оправда́ниих Твои́х: И́бо свиде́ния Твоя́ поуче́ние мое́ есть, и сове́ти мои́ оправда́ния Твоя́. Прильпе́ земли́ душа́ моя́: живи́ мя по словеси́ Твоему́. Пути́ моя́ возвести́х, и услы́шал мя еси́: научи́ мя оправда́нием Твои́м: Путь оправда́ний Твои́х вразуми́ ми, и поглумлю́ся в чудесе́х Твои́х. Воздрема́ душа́ моя́ от уны́ния: утверди́ мя в словесе́х Твои́х. Путь непра́вды отста́ви от мене́, и зако́ном Твои́м поми́луй мя. Путь и́стины изво́лих, и судьбы́ Твоя́ не забы́х. Прилепи́хся свиде́нием Твои́м, Го́споди, не посрами́ мене́. Путь за́поведей Твои́х теко́х, егда́ расшири́л еси́ се́рдце мое́. Законоположи́ мне, Го́споди, путь оправда́ний Твои́х, и взыщу́ и́ вы́ну: Вразуми́ мя, и испыта́ю зако́н Твой, и сохраню́ и́ всем се́рдцем мои́м. Наста́ви мя на стезю́ за́поведей Твои́х, я́ко ту́ю восхоте́х. Приклони́ се́рдце мое́ во свиде́ния Твоя́, а не в лихои́мство. Отврати́ о́чи мои́, е́же не ви́дети суеты́, в пути́ Твое́м живи́ мя. Поста́ви рабу́ Твоему́ сло́во Твое́ в страх Твой. Отъими́ поноше́ние мое́, е́же непщева́х: я́ко судьбы́ Твоя́ бла́ги. Се возжела́х за́поведи Твоя́, в пра́вде Твое́й живи́ мя. И да прии́дет на мя ми́лость Твоя́, Го́споди, спасе́ние Твое́ по словеси́ Твоему́. И отвеща́ю поноша́ющым ми сло́во: я́ко упова́х на словеса́ Твоя́. И не отъими́ от уст мои́х словесе́ и́стинна до зела́, я́ко на судьбы́ Твоя́ упова́х. И сохраню́ зако́н Твой вы́ну, в век и в век ве́ка. И хожда́х в широте́, я́ко за́поведи Твоя́ взыска́х. И глаго́лах о свиде́ниих Твои́х пред цари́, и не стыдя́хся: И поуча́хся в за́поведех Твои́х, я́же возлюби́х зело́: И воздвиго́х ру́це мои́ к за́поведем Твои́м, я́же возлюби́х, и глумля́хся во оправда́ниих Твои́х. Помяни́ словеса́ Твоя́ рабу́ Твоему́, и́хже упова́ние дал ми еси́. То мя уте́ши во смире́нии мое́м, я́ко сло́во Твое́ живи́ мя. Го́рдии законопреступова́ху до зела́: от зако́на же Твоего́ не уклони́хся. Помяну́х судьбы́ Твоя́ от ве́ка, Го́споди, и уте́шихся. Печа́ль прия́т мя от гре́шник, оставля́ющих зако́н Твой. Пе́та бя́ху мне оправда́ния Твоя́, на ме́сте прише́льствия моего́. Помяну́х в нощи́ и́мя Твое́, Го́споди, и сохрани́х зако́н Твой. Сей бысть мне, я́ко оправда́ний Твои́х взыска́х. Часть моя́ еси́, Го́споди, рех сохрани́ти зако́н Твой. Помоли́хся лицу́ Твоему́ всем се́рдцем мои́м: поми́луй мя по словеси́ Твоему́. Помы́слих пути́ Твоя́, и возврати́х но́зе мои́ во свиде́ния Твоя́. Угото́вихся и не смути́хся сохрани́ти за́поведи Твоя́. У́жя гре́шник обяза́шася мне, и зако́на Твоего́ не забы́х. Полу́нощи воста́х испове́датися Тебе́ о судьба́х пра́вды Твоея́. Прича́стник аз есмь всем боя́щымся Тебе́, и храня́щым за́поведи Твоя́. Ми́лости Твоея́, Го́споди, испо́лнь земля́: оправда́нием Твои́м научи́ мя. Бла́гость сотвори́л еси́ с рабо́м Твои́м, Го́споди, по словеси́ Твоему́. Бла́гости, и наказа́нию и ра́зуму научи́ мя, я́ко за́поведем Твои́м ве́ровах. Пре́жде да́же не смири́ти ми ся, аз прегреши́х: сего́ ра́ди сло́во Твое́ сохрани́х. Благ еси́ Ты, Го́споди, и бла́гостию Твое́ю научи́ мя оправда́нием Твои́м. Умно́жися на мя непра́вда го́рдых, аз же всем се́рдцем мои́м испыта́ю за́поведи Твоя́. Усыри́ся я́ко млеко́ се́рдце их, аз же зако́ну Твоему́ поучи́хся. Бла́го мне, я́ко смири́л мя еси́, я́ко да научу́ся оправда́нием Твои́м. Благ мне зако́н уст Твои́х, па́че ты́сящ зла́та и сребра́.

[Слава и ныне: Аллилуия, трижды]

Ру́це Твои́ сотвори́сте мя, и созда́сте мя: вразуми́ мя, и научу́ся за́поведем Твои́м. Боя́щиися Тебе́ у́зрят мя и возвеселя́тся, я́ко на словеса́ Твоя́ упова́х. Разуме́х Го́споди, я́ко пра́вда судьбы́ Твоя́, и вои́стинну смири́л мя еси́. Бу́ди же ми́лость Твоя́, да уте́шит мя по словеси́ Твоему́ рабу́ Твоему́. Да прии́дут мне щедро́ты Твоя́, и жив бу́ду, я́ко зако́н Твой поуче́ние мое́ есть. Да постыдя́тся го́рдии, я́ко непра́ведно беззако́нноваша на мя, аз же поглумлю́ся в за́поведех Твои́х. Да обратя́т мя боя́щиися Тебе́, и ве́дящии свиде́ния Твоя́. Бу́ди се́рдце мое́ непоро́чно во оправда́ниих Твои́х, я́ко да не постыжу́ся. Исчеза́ет во спасе́ние Твое́ душа́ моя́, на словеса́ Твоя́ упова́х. Исчезо́ша о́чи мои́ в сло́во Твое́, глаго́люще: когда́ уте́шиши мя? Зане́ бых я́ко мех на сла́не: оправда́ний Твои́х не забы́х. Коли́ко есть дней раба́ Твоего́? Когда́ сотвори́ши ми от гоня́щих мя суд? Пове́даша мне законопресту́пницы глумле́ния, но не я́ко зако́н Твой, Го́споди. Вся за́поведи Твоя́ и́стина: непра́ведно погна́ша мя, помози́ ми. Вма́ле не сконча́ша мене́ на земли́: аз же не оста́вих за́поведей Твои́х. По ми́лости Твое́й живи́ мя, и сохраню́ свиде́ния уст Твои́х. Во век, Го́споди, сло́во Твое́ пребыва́ет на небеси́. В род и род и́стина Твоя́. Основа́л еси́ землю, и пребыва́ет. Учине́нием Твои́м пребыва́ет день, я́ко вся́ческая рабо́тна Тебе́. Я́ко а́ще бы не зако́н Твой поуче́ние мое́ был, тогда́ у́бо поги́бл бых во смире́нии мое́м. Во век не забу́ду оправда́ний Твои́х, я́ко в них оживи́л мя еси́.

Таже молитва святаго Иоанна Златоустаго ко святей Госпоже Богородице

Многих и великих даров насладився от Создавшаго мя Бога, не памятию же всего явихся аз окаянный, неблагодатный. Приложихся скотех несмысленных и уподобихся им. Нищь бывая добрыми делы, богатея страстьми, срама исполнен, дерзновения Божия лишен, осужден от Бога, оплкана от ангел, смеху бывая демоном, обличаемь своею совестию, от злых моих дел посрамлен, прежде смерти мертв бывая и прежде суда сам ся осудих, и прежде безконечныя муки собою мучимь есмь от нечаяния, егоже ради прибегаю к Твоему единому заступлению, Владычице Богородице7 Тмами талант должен бывая, не спасено со блудницами кончав Отче имение. Блудивый паче блудницы, беззаконие деяв паче Манассия, паче богатаго немилосер бывая. Многодению раб злым помыслом приималище, сокрвище срамнаго помысла и хранитель и всякого дела добра чуждь. Помилуй смирение мое, и ущедри немощь мою. Велико бо дерзновение имаши к Родившемуся из Тебе, яко никтоже ин. Все можеши яко всея твари выщши сущи, и ничтоже ти не невозможно, ткомо аще восхощеши. Не презри слез моих, не мерзко Ти буди воздыхание мое, не орини от Себе сердечныя болезни моея, не посрами чаяния моего еже имам к Тебе. Но Матерними молитвами Твоими, Добраго Сына и Бога Твоего, ненудимое милосердие понудивши, сподобим я страстнаго и недостойнаго раба Твоего, первую и древнюю восприяти ми доброту, и страстную некрасоту отложити, и свободну быти грехови, и поработитися правде, и совлещися от всякия скверны плотския страсти и облещися во святыню душевныя чистоты, и умертвитися всему миру. Живу же быти добрыми делы, по пути мимоходящу со мною ходи. По морю ми плавающу, со мною плавай. Борющася с лютыми бсы, иже свыше приборются со мною, помагающи ми. Бдяща мя укрепляющи, спяща мя соблюдающи, и утешающим я в печали суща. В малодушии мя суща присещающи, болну ми сущу здравие подавающи, в обиде мя суща избавляющи, невиновата мя творяща. В смертней ми беде сущу, скоро варяющи мя. Грозна мя творящи всем врагом моим, видимым и невидимым. Да разумеют вси иже мя не по правде мучат, Чий раб есмь. Ей, Владычице Госпоже Богородицы, услыши моя худыя молитвы и не посрами мене от чаяния моего. Надежда всех конец земли, кипение плоти моея угаси, востающая в души моей, сверепыя и безгодныя ярости укроти, волнение укроти, буесть и гордость суетныя моея юности от ума моего потреби, нощнаго мятежа лукавых дух, и дневных и нечистых помысл востания от моего сердца погуби. Накажи язык мой глаголати полезная, научи очи мои зрети на право, ногама моима ходити по блаженому пути без поткновения, на Божия заповеди, руце мои освяти да достойно воздеетася к Вышнему. Очисти устне мои, да со дерзновением призову Отца Святаго и Страшнаго. Отверзи ми уши да слушу, яже и мыслию паче меду {иста} святых книг Божия словеса, Даждь ми помысл на обращение и слезам источник, да бы омыл душевную ми скверну, напрасныя мя смерти свободу. Осуждена мя суща смертию, обнови. На конец предстани ми, егда разлучается душа моя от окаяннаго тела моего. Нетерпимую нужду легку творящи ми. Неизреченную ону болезнь подъимающи, тесноту неимущу утех утешающи, избавляющим я от темнаго образа бесовскаго, горькаго словесе положеняи, воздушных мытарев, и от князь темных изымающи, рукописание многих моих грехов растерзающи, к Богу приближающим я присно сущих и нетлеемых благ творящи мя наследника. Се исповедание приношу к Тебе Владычице Богородице, просвещение омрачныма моима очима, утешение души моей, с Богом сущи Надежда моя и Заступница, еже {пребытно} приимши, очисти мя от всякия скверны плотския и душевныя. Достойна мя творящи в настоящем веце без осуждения причаститися Пречистаго и Святаго Тела и Крови Сына и Бога Твоего, и в будущем же наслеждении небесней вечери Царствия Его, идеже веселящимся есть житие о Христе Иисусе Господе нашем, Емуже слава со Отцем и Святым Духом и ныне и присно, [и во веки веков. Аминь.]

Твой есмь аз, спаси́ мя, я́ко оправда́ний Твои́х взыска́х. Мене́ жда́ша гре́шницы погуби́ти мя, свиде́ния Твоя́ разуме́х. Вся́кия кончи́ны ви́дех коне́ц, широка́ за́поведь Твоя́ зело́. Коль возлюби́х зако́н Твой, Го́споди, весь день поуче́ние мое́ есть. Па́че враг мои́х умудри́л мя еси́ за́поведию Твое́ю, я́ко в век моя́ есть. Па́че всех уча́щих мя разуме́х, я́ко свиде́ния Твоя́ поуче́ние мое́ есть. Па́че ста́рец разуме́х, я́ко за́поведи Твоя́ взыска́х. От вся́каго пути́ лука́ва возбрани́х нога́м мои́м, я́ко да сохраню́ словеса́ Твоя́. От суде́б Твои́х не уклони́хся, я́ко Ты законоположи́л ми еси́. Коль сладка́ горта́ни моему́ словеса́ Твоя́, па́че ме́да усто́м мои́м. От за́поведей Твои́х разуме́х, сего́ ра́ди возненави́дех всяк путь непра́вды. Свети́льник нога́ма мои́ма зако́н Твой, и свет стезя́м мои́м. Кля́хся и поста́вих сохрани́ти судьбы́ пра́вды Твоея́. Смири́хся до зела́, Го́споди, живи́ мя по словеси́ Твоему́. Во́льная уст мои́х благоволи́ же, Го́споди, и судьба́м Твои́м научи́ мя. Душа́ моя́ в руку́ Твое́ю вы́ну, и зако́на Твоего́ не забы́х. Положи́ша гре́шницы сеть мне, и от за́поведей Твои́х не заблуди́х. Насле́довах свиде́ния Твоя́ во век, я́ко ра́дование се́рдца моего́ суть. Приклони́х се́рдце мое́ сотвори́ти оправда́ния Твоя́ в век за воздая́ние. Законопресту́пныя возненави́дех, зако́н же Твой возлюби́х. Помо́щник мой и Засту́пник мой еси́ Ты, на словеса́ Твоя́ упова́х. Уклони́теся от мене́ лука́внующии, и испыта́ю за́поведи Бо́га моего́. Заступи́ мя по словеси́ Твоему́, и жив бу́ду, и не посрами́ мене́ от ча́яния моего́. Помози́ ми, и спасу́ся, и поучу́ся во оправда́ниих Твои́х вы́ну. Уничижи́л еси́ вся отступа́ющия от оправда́ний Твои́х, я́ко непра́ведно помышле́ние их. Преступа́ющия непщева́х вся гре́шныя земли́, сего́ ра́ди возлюби́х свиде́ния Твоя́. Пригвозди́ стра́ху Твоему́ пло́ти моя́, от суде́б бо Твои́х убоя́хся. Сотвори́х суд и пра́вду, не преда́ждь мене́ оби́дящым мя. Восприими́ раба́ Твоего́ во бла́го, да не оклевета́ют мене́ го́рдии. О́чи мои́ исчезо́сте во спасе́ние Твое́, и в сло́во пра́вды Твоея́. Сотвори́ с рабо́м Твои́м по ми́лости Твое́й, и оправда́нием Твои́м научи́ мя. Раб Твой есмь аз: вразуми́ мя, и уве́м свиде́ния Твоя́. Вре́мя сотвори́ти Го́сподеви: разори́ша зако́н Твой. Сего́ ра́ди возлюби́х за́поведи Твоя́ па́че зла́та и топа́зия. Сего́ ра́ди ко всем за́поведем Твои́м направля́хся, всяк путь непра́вды возненави́дех. Ди́вна свиде́ния Твоя́, сего́ ра́ди испыта́ я́ душа́ моя́. Явле́ние слове́с Твои́х просвеща́ет и вразумля́ет младе́нцы. Уста́ моя́ отверзо́х, и привлеко́х Дух, я́ко за́поведей Твои́х жела́х.

Слава и ныне: Аллилуия, трижды

При́зри на мя и поми́луй мя, по суду́ лю́бящих и́мя Твое́. Стопы́ моя́ напра́ви по словеси́ Твоему́, и да не облада́ет мно́ю вся́кое беззако́ние. Изба́ви мя от клеветы́ челове́ческия, и сохраню́ за́поведи Твоя́. Лице́ Твое́ просвети́ на раба́ Твоего́, и научи́ мя оправда́нием Твои́м. Исхо́дища водна́я изведо́сте о́чи мои́, поне́же не сохрани́х зако́на Твоего́. Пра́веден еси́, Го́споди, и пра́ви суди́ Твои́. Запове́дал еси́ пра́вду свиде́ния Твоя́, и и́стину зело́. Иста́яла мя есть ре́вность Твоя́, я́ко забы́ша словеса́ Твоя́ врази́ мои́. Разжже́но сло́во Твое́ зело́, и раб Твой возлюби́ е́. Юне́йший аз есмь и уничиже́н, оправда́ний Твои́х не забы́х. Пра́вда Твоя́ пра́вда во век, и зако́н Твой и́стина. Ско́рби и ну́жды обрето́ша мя, за́поведи Твоя́ поуче́ние мое́. Пра́вда свиде́ния Твоя́ в век, вразуми́ мя, и жив бу́ду. Воззва́х всем се́рдцем мои́м, услы́ши мя, Го́споди, оправда́ния Твоя́ взыщу́. Воззва́х Ти, спаси́ мя, и сохраню́ свиде́ния Твоя́. Предвари́х в безго́дии и воззва́х, на словеса́ Твоя́ упова́х. Предвари́сте о́чи мои́ ко у́тру, поучи́тися словесе́м Твои́м. Глас мой услы́ши, Го́споди, по ми́лости Твое́й: по судьбе́ Твое́й живи́ мя. Прибли́жишася гоня́щии мя беззако́нием, от зако́на же Твоего́ удали́шася. Близ еси́ Ты, Го́споди, и вси путие́ Твои́ и́стина. Испе́рва позна́х от свиде́ний Твои́х, я́ко в век основа́л я́ еси́. Виждь смире́ние мое́ и изми́ мя, я́ко зако́на Твоего́ не забы́х. Суди́ суд мой и изба́ви мя, словесе́ ра́ди Твоего́ живи́ мя. Дале́че от гре́шник спасе́ние, я́ко оправда́ний Твои́х не взыска́ша. Щедро́ты Твоя́ мно́ги, Го́споди, по судьбе́ Твое́й живи́ мя. Мно́зи изгоня́щии мя и стужа́ющии ми, от свиде́ний Твои́х не уклони́хся. Ви́дех неразумева́ющия и иста́ях, я́ко слове́с Твои́х не сохрани́ша. Виждь, я́ко за́поведи Твоя́ возлюби́х, Го́споди, по ми́лости Твое́й живи́ мя. Нача́ло слове́с Твои́х и́стина, и во век вся судьбы́ пра́вды Твоея́. Кня́зи погна́ша мя ту́не, и от слове́с Твои́х убоя́ся се́рдце мое́. Возра́дуюся аз о словесе́х Твои́х, я́ко обрета́яй коры́сть мно́гу. Непра́вду возненави́дех и омерзи́х, зако́н же Твой возлюби́х. Седмери́цею днем хвали́х Тя о судьба́х пра́вды Твоея́. Мир мног лю́бящым зако́н Твой, и несть им собла́зна. Ча́ях спасе́ния Твоего́, Го́споди, и за́поведи Твоя́ возлюби́х. Сохрани́ душа́ моя́ свиде́ния Твоя́ и возлюби́ я́ зело́. Сохрани́х за́поведи Твоя́ и свиде́ния Твоя́, я́ко вси путие́ мои́ пред Тобо́ю, Го́споди. Да прибли́жится моле́ние мое́ пред Тя, Го́споди, по словеси́ Твоему́ вразуми́ мя. Да вни́дет проше́ние мое́ пред Тя, Го́споди, по словеси́ Твоему́ изба́ви мя. Отры́гнут устне́ мои́ пе́ние, егда́ научи́ши мя оправда́нием Твои́м. Провеща́ет язы́к мой словеса́ Твоя́, я́ко вся за́поведи Твоя́ пра́вда. Да бу́дет рука́ Твоя́ е́же спасти́ мя, я́ко за́поведи Твоя́ изво́лих. Возжела́х спасе́ние Твое́, Го́споди, и зако́н Твой поуче́ние мое́ есть. Жива́ бу́дет душа́ моя́ и восхва́лит Тя, и судьбы́ Твоя́ помо́гут мне. Заблуди́х, я́ко овча́ поги́бшее, взыщи́ раба́ Твоего́, я́ко за́поведей Твои́х не забы́х.

Таже Трисвятое по Отче наш

Таже тропарь:

Се Жених грядет полунощи, блажен раб той, егоже обрящет Господь бдяща. Недостоин же паки егоже обрящет ленящася. Блюди убо душе моя, да не сном отягчена будеши, и смерти предана будеши, и Царствия извержена будеши. Но воспряни вопиющи: Свят, Свят, Свят еси Боже, молитвами Богородицы помилуй нас.

Слава:

День он страшный опмышляющи душе моя, побди вжегающи свещу свою, маслом просвещающи, не веси бо когда приидет глас глаголяй тебе: Се Жених грядет полунощи. Блюди убо душе моя, не воздермли, да не пребудеши внеуду толкущи яко и пять дев, но бдящи потерпи, да срящеши Христа маслом маститым, и даст ти чертог божественыя слаы Своея.

И ныне: Тебе неразоримаго града имуще вернии спасение и утверждение, Богородице Дево. Тебе молим вси, противных светы раждени, людий своих печаль на радость преложи, наследие Твое огради, князю нашему поспеши, о мирстем мире молися, яко Ты еси Богородице упование наше.

Молитва:

Иже на всяко время и на всяк час, на небеси и на земли поклоняемый и славимый Христе Боже наш, Долготерпелив, Праведныя любя а грешныя милуя, всех зовый ко спасению, за обещание будущих благ. Сам убо Господи и ныне приими нас в час сей, направи живот наш к заповедем Твоим, душа наша освяти, телеса очисти, помыслы исправи, избави нас от всех скорбей и злых болезней, да полком ангел Твоих огражадеми и наставляеми, да достигнем во единстве веры неразделимыя Троицы, Отца и Сына и Святаго Духа, яко благословен еси во веки. Аминь.

Владыко Господи Иисусе Христе, Отче щедрот, и Боже всего утешения, и мене недостойнаго раба Твоего ущедри, да не победит множество зол моих Твоего человеколюбия. Ей, Господи Боже мой, не отъими от мене благодати Твоея, но укроти гнев Твой якоэе родом еси Благ. Умилосердися на мя грешнаго, на всяк день и час прогневающаго благое и незлобивое имя Твое. Якоже блудницу спасл еси, разбойника, мытаря, якоже сущая приединой надесяте године, ничтоже достойно соделавша, спаси и мене недстойнаго раба Твоего, всяку злобу и всяк грех соделавшаго и николиже блага пред Тобою сотворшаго. Но всегда воследующа лукавным и злым моим делом. Но обаче к Твоим Владыко Господи Бож мой прибегаю щедротам и поручницу моего покаяния подаю Ти, Заступницу нам христианом Святую Твою Матерь. Токмо еже от Тебе ми помощь, да варит мя милость Твоя и укрепит мя всемогуща крепость и сила Святаго Твоего Духа, на борющаяся со мною всегда мысленыя и злыя бесы. Да и на мне возвеличится державная Твоя крепость и беззлобивая Твоя благодать, от веры, а не дел ради моих спасеши мене недостойнаго раба Твоего, и восхвалю Тя присно ся дни живота моего, яко Тя поют вся силы небесныя Господи Боже наш и Тебе славу восылаем со Отцем и Святым Духом и ныне и присно [и во веки веков. Аминь.]

Господи помилуй, 30.

Таже Приидите поклонимся, трижды.

Псалом 120

Возведо́хъ о́чи мои́ въ го́ры, отню́дуже прiи́детъ по́мощь моя́. По́мощь моя́ от Го́спода, сотво́ршаго не́бо и зе́млю. Не да́ждь во смяте́нiе ноги́ твоея́, ниже́ воздре́млетъ храня́й тя́: се́, не воздре́млетъ, ниже́ у́снетъ храня́й Изра́иля. Госпо́дь сохрани́тъ тя́, Госпо́дь покро́въ тво́й на ру́ку десну́ю твою́. Во дни́ со́лнце не ожже́тъ тебе́, ниже́ луна́ но́щiю. Госпо́дь сохрани́тъ тя́ от вся́каго зла́, сохрани́тъ ду́шу твою́ Госпо́дь: Госпо́дь сохрани́тъ вхожде́нiе твое́ и исхожде́нiе твое́, отны́нѣ и до вѣ́ка.

Псалом 133

Се́, ны́нѣ благослови́те Го́спода, вси́ раби́ Госпо́дни, стоя́щiи въ хра́мѣ Госпо́дни, во дво́рѣхъ до́му Бо́га на́шего. Въ но́щехъ воздѣжи́те ру́ки ва́шя во свята́я и благослови́те Го́спода. Благослови́тъ тя́ Госпо́дь от Сiо́на, сотвори́вый не́бо и зе́млю.

Таже Трисвятое по Отче наш.

Таже тропарь, глас 4

Ослаблен есмь сном уныния, помрачаюся леностию греховною, но восияй ми Господи утренее покаяние, просвещая ми зрак мысленый Христе Боже, Просвещниче душам нашим.

Слава: Глубиною мудростию Человеколюбче:

И ныне: Блажим Тя си роди, Богородице Дево, в Тя бо не вместимый Христос Бог наш вместитися изволи. Блажени есмы и мы, Помощницу Тя имуще. День бо и нощь непрестанно молиши. И скипетр царства молитвами Твоими утвержается. Темже и мы благодаряще возопием: Радуйся, Обрадованая, Господь с Тобою.

Таже молитва:

Пояни Господи всего мира, помилуй всех, заступи вся. С плавающими по морю плавай, с в путь ходящими, шествуй. От дух нечистых искушаемыя помилуй. Плененыя избави. Вдовицы заступи, сирых не презри. Помяни Господи родитель наших и вся христианы помилуй. И прости им всяко прегрешение, вольное и невольное. Помяни Господи ненавидящих нас и любящих нас и творящим нам милостыню и кормящых нас. И служившим нам, и заповедавшим нам недостойным молитися за ня. Помяни Господи плодствующа и добртворяя во святых твоих церквах, и помянщя нищая Твоя. Помяни Господи церкве Твоея святителя имярек и благовернаго князя нашего имярек и рабы своя имярек и бояры и воя и всех людий Твоих помилуй. Помяни Господи и помилуй в горах живущих и впещерах и в пропстех земных страждущих. Еще же и вкущах пребывающая. Помяни Господи в девстве пребывающая. Помяни Господи игумены и яже о Христе братию в монастырех живущих. Помяни Господи игумена нашего имярек, и яже о Христе братию всей обители сущей, в нареченей во святое имя Господа и Бога и Спаса нашего Иисуса Христа, Единочадаго Сына Твоего, Пастуха нашего, собраных в молитву и пастушество Его. И услыши нас Господи Боже наш недостойных раб Своих, молящихтися о всех и за вся. Когождо во своем чину благочестне славящих Тебе Истиннаго Бога, всяческим Содетеля. Излей на ны великую Твою милость и щедрот твоих не отъими от нас и страх Твой в сердца наша и разум истины Твоея. И остави нам всяка согрешения, и исцели болезни душ и телес, и покой Господи отцы духовныя и создателя места сего на месте радости, и братию нашу отшедшую, силою и властию божественою. Вся ны неосужденно претстаи сподоби страшному суду Твоему. Тебе бо есть миловати и спасати нас Господи Боже и Тебе славу восылаем Отцу и Сыну и Святому Духу, [и ныне и присно и во веки веков. Аминь.]