Сице пой в субботу.

Тропари́, гласъ шесты́й:

Бо́дрымъ смы́сломъ къ Бо́гу возри́мъ посрѣди́ но́щи, моля́щеся вопие́мъ: Поми́луй согрѣ́щшая Ти мно́го и пода́ждь намъ умиле́ный плачь рабо́тати Тебѣ́, прие́млющимъ разреше́ніе зломъ на́шимъ, да ве́село предста́вше пѣ́снь Ти принесе́мъ свѣ́тлу.

Сла́ва: Лѣ́ностный сонъ оттрясе́мъ, Жени́хъ приближа́ется, не лѣни́мся. Отве́рзеся черто́гъ, и вси свѣти́льники своя́ украси́мъ ма́сломъ боже́ственыхъ добродѣ́телей. Не ста́немъ внѣ го́рько пла́чущеся, но вни́ти ско́ро потщи́мся.

И ны́нѣ: На́ша моли́твы, Богороди́тельнице, донеси́ Сы́ну Своему́ и Бо́гу на́шему, находя́щихъ ны бѣдъ и скорбе́й свободи́, Своя́ рабы́ ско́ро спаси́ я́ко Блага́, мо́лимся. Те́мже за ны моли́ Го́спода.

Молитва: Иже на всяко время:

А се молитва вторая:

Вседержи́телю Бо́же Вы́шний, и ни́жнѣй тва́ри Содѣ́телю, поставле́й со́лнце на просвеще́ніе дни и луну́ же и звѣ́зды на просвѣще́ніе но́щи. Рѣкі́й Го́споди изъ тмы свѣ́ту восія́ти, и́мже просвѣти́ оме́ркшее се́рдце мое́ мра́комъ грѣхо́внымъ, въ не́мже не пре́зри мене́ одержи́ма су́ща. И не помяни́ Го́споди зло́бы моея́, но просвѣти́ ми се́рдце и́скрою Твоего́ милосе́рдия да́наго ми Тобо́ю свѣ́та, и́же угаси́хъ воздрема́вся, злы́мъ уныъніемъ и сномъ тя́жкимъ. Покры́ мя тма грѣхо́вная и лука́віи бѣ́си похотьми́ уязви́ша окая́нную ми ду́шу, напа́дше совлеко́ша с мене́ нетлѣ́нную Твою́ одѣ́жду и облеко́ша мя въ сту́дныя ру́бы. Но молю́ Тя Человѣколю́бче Го́споди, возведи́ отъ напа́данія тѣхъ, и вооружи́ мя на ня по́мощію и си́лою Единоча́даго Сы́на Твоего́, Влады́ко, сонъ прогоня́ ле́стный отъ души́ и тѣлесе́ моего́. Не пре́зри мене́, Влады́ко, я́звою грѣхо́вною, обумо́рена су́ща и приближа́ющася ко гро́бу сме́ртному, но Пречи́стую Си ру́ку просте́ръ, воздви́гни мя от тяготы́ со́нныя и пригвозди́ [въ] стра́сѣ Твое́мъ плоть мою́, на Тя бо упова́хъ. Го́споди Іису́се, воздви́гнувый дре́влѣ сло́вомъ разсла́бленаго, на одрѣ́ лежа́щаго, вдови́ча сы́на на погребе́ніе несо́ма, и четверодне́внаго Ла́заря из че́люстій а́да исто́рже, и прокаже́ныя сло́вомъ исцѣли́лъ еси́, исто́ргни и мя, Человѣколю́бче Го́споди, изъ глубины́ а́да преиспо́дняго и убуди́ мя на хвалосло́віе Твое́, си́лою мя кре́стною вооружи́ и уязви́ Го́споди проти́внаго ми супоста́та. Мене́ же укрепи́, лѣ́ность прогоня́я, бо́дрость подая́, презря́ согрѣше́нія моя́. Вѣмъ Тя, Влады́ко, я́ко не ра́дуешися о сме́рти грѣ́шничи, но покая́ния и обраще́ния ожида́еши. Вѣмъ бо Твою́ по́мощь и надѣ́юся получи́ти: молю́тися и сла́влю Тя со Отце́мъ и Святы́мъ Ду́хомъ.

Таже Господи помилу, 30.

Таже: Слава и ныне:

Поп: Яко Милостив {люд}

Аминь. Приидите поклонимся: Трижды:

Псалом 120:

Псалом 133:

Таже Трисвятое по Отче наш:

Таже тропарь, глас 8:

Яко Судии пришедшу, попецыся душе моя, страшнаго дне и часа помышляй. Суд бо без милости есть не сотворшим милости. Но отради ми спасе, един бое си Премилостив.

Слава: Глубина мудрости: И ныне: Тя Град и станище:

Молитва: Помяни Господи всего мира: