В неделю сице пой

Вскресе от мертвых Живот всех, ангел светел женм глаголаше: Престаните от слез, и апостолом благовестите, и возопите поюще: яко воскресе Христос Бог изволивый спасти яко Бог род человеческий.

Слава: День он страшный:

И ныне: Тебе неразоримаго града:

Молитва: Иже на всяко время:

И сия: Господи Боже наш, истинное сияние Отчее, Солнце праведное иже посреди земли вознесеся, нощь греховную от века прогнав, просвети вс сий час мысленеи очи мои. К Тебе сима взирати дерзающу. Просвети лице Твое и посли помощь Твою. Избавляя князя темнаго, и от составных ему тем и злобных страстий. Утверди мя непреклонна ныне и всегда представша, яко неключима раба. Тебе Богу моему и Цареви от всякого лукавнаго мечтания. Смиреную мою моливту без поткновенну и немерзостну, от помысл скверненых приходящих, да не смрадом тех наше недостоинство умножится. Но Ты Милостиве вся исполняя благоуханием Твоим, исполни нас Твоея детели. И очисти ны от всякия скверны плотския и душевныя. Приими нас исповедающихся Твоей благости, о всех сотворил еси с нами. Не отъими щедрот Твоих, еже призирати на раба Твоего, но и в нощи и во дни и на всяко время, призри на нас и соблюди, от дел темных и скверных, молитвами пречистыя Владычицы нашея Богородицы и присно Девы Марии, и святых ангел конечнаго священства и украшения. Славим Тя со тцем и Святым Духом.

Таже Господи помилуй, 30.

Приидите поклонимся: Трижды

Псалом 120.

Псалом 133.

Слава и ныне: Трисвятое по Отче наш:

Таже тропарь, глас шестый.

Грбу отверсту, аду плачущуся, Мария вопияше к скрывшимся апостолом. Изыдите делатели винограда, проповедайте воскресения слово, яко воскресе Господь, дая всему миру велию милость.

Слава: Мудрых дев бдение даждь ми Господи души моея свещу, просвети маслом щедрот Твоих, да песнь ангельскую пою ти: Аллилуия.

И ныне: Наша молитвы Божия Родительнице:

Таже молитва: Помяни Господи всего мира: