Царю Небесный, Утешителю, Душе истины:

Таже молитву сию глаголи со умилением:

Аз уснух и спах и востах яко Господь заступит мя. Велий еси Господи и чудна дела Твоя, велика же и милость Твоя на мне окаяннем. Колику благодать и человеколюбие сотвори с недостойным рабом Твоим и не возблагодатным, на всяко время и час тако питаеши и покрываеши и согреваеши. И паки сном як младенца покоиши. И паки возбуждаеши к славословию Твего Божества, не требуя славы от грешника, славимь небесными вои, но моего ради спасения славословити Тя и молити тя повелев. Темже Твоим человеколюбием поущаемь, не отверзе мене от лица Твоего, яко гнусна и яко сквернена, несть бо кто спасая мя разве Тебе: Ты бо всем еси спасение. Не отверзи мене яко отец мой и мати моя остависта мя, и к Тебе привержен есмь, из ложесн от утробы матере моея Бог мой еси Ты. И о Тебе пение мое всегда к Тебе. Не отвратися от убогия моея молитвы, юже от неплодна ума и слаба воспущаю Ти сердцем. И не буди мне реченаго имене дне дне ищут аки людие правду сотворше, но Милосерд яко Благ и Щедр, не прося дел, е продая милостынь туне, приими от уст грешен и от языка нечистаго, юже начну пети хвалу Твоего человеколюбия, иже на нас моление и покаяние еже грех ради моих. И даждь ми светающий день в начаток добродеяния Твоего, да отсюду положу начаток добраго жития. И наводящу Ти свет на землю, освети мою душу светом разума Твоего: прильпе бо душа моя во след Тебе и возжада Тебе дух мой. Когда прииду и явлюся лицу Твоему? Ныне же Господи Иисусе Христе, благодарю Тя и славлю тя и покланяютися, яко воставил мя еси от гроба ложа моего яко мертва, и не презрел еси души моея, внезапу яко львом противником восхищене быти, но спасл мя еси. И еще день настоящий время покаянию, время слезам и исповеданию, время благодати и хвалити, пети же и вопити:

Таже се:

Слава Тебе, Боже наш, слава Тебе, всегда презря грехи наша. Слава Тебе, Боже наш, слава Тебе, сподобивый нас день сий видети. Слава Тебе, Боже наш, слава Тебе, Пресвятая Троице Боже наш, во веки веком. Аминь.

От ложа и от сна воставил мя еси, Господи, ум мой просвети и сердце мое очисти, и устне мои отверзи, воспевати Тя, Святая Троице: Свят, Свят, Свят, еси Боже, Богородицы ради помилуй нас.

Слава:

Ото сна востав припадаю Ти, БЛагий, и ангельскую песнь вопию Ти, Сильне: Свят, Свят, Свят, еси Боже:

И ныне:

Госпоже, на помощь мою потщися, Творца моего порождши, низложи шатание страстей моих, подаждь ми оставление грехов, в будущий страшный Суд Сына Твоего.

Трисвятое по Отче наш:

Таже молитва:

Слава Тебе, Владыко Человеколюбче, яко трудившумися во вчерашний день и в сию нощь препокоил мя еси сном, и освещаеши мя светом дневным. О Милостивый Владыко! Что Ти воздам за вся яже твориши мне вся благая, подавая мне грешному и нечистому скверненому и блудному, оплетшемуся всеми гнусными делесы? Да како могу смети или помыслити или возрети на высоту небесную, от неяже отпадох самовольством своим и отступих от света во тму? Понеже Сам еси рекл: Воззови мя, и услышу тя. И ныне зову и вопию непрестая давидским гласом: Помилуй мя, Боже, помилуй мя, изнемогшаго в злых и беззаконных делех, и всю жизнь свою изживша сластьми и похотьми и всяким прелюбодеянием скверненым. Но Ты Господи, Господи, не даждь врагу до конца похвалитися о мне грешнем, но избави мя от всех козней его злокозненых, ииже не упочивает день и нощь уловляя окаянную ми душу. И тебе молюся, Хранителю мой святый Ангеле: не гнушайся мене грешнаго и лениваго на добродетель, скораго же на всяко зло, но сам мя направи, сам ми буди омощник на злаго моего супротивника, яко да в наставший день несквернен и непосрамлен хвалу воздаю Пречистей Троице, Отцу и Сыну, и Святому Духу.

Верую во Единаго Бога: (Писан в часех)

Таже молитву сию:

Благодарю Тя, Святая Троице, яко многия ради благости и долготерпения не прогневайся на мя грешнаго и лениваго раба Твоего, имярек, и не погуби мене Святый с беззаконии моими, но человеколюбствуй в нечаянии лежащаго, и воздвигни мя утреневати и славословити державу Твою. И ныне просвети очи мои разумнии, и отверзи уста моя поучитимися словесем Твоим, и разумети заповеди Твоя, и творити вою Твою, и пети во исповедании, яко благословен еси во веки, Аминь.

Господи помилуй, 12 раз.

Таже се:

Господи Иисус Христе мой, не презри мене в скорби, Тебе бо славлю и кланяютися, Милостивая Троице, прося отпущения грехов в день Судный.

Приидите поклонимся: (трижды)

Псалом 107.

Гото́во се́рдце мое́, Бо́же, гото́во се́рдце мое́: воспою́ и пою́ во сла́ве мое́й. Воста́ни сла́ва моя́, воста́ни псалти́рю и гу́сли, воста́ну ра́но. Испове́мся Тебе́ в лю́дех, Го́споди, пою́ Тебе́ во язы́цех. Я́ко ве́лия верху́ небе́с ми́лость Твоя́ и до о́блак и́стина Твоя́. Вознеси́ся на небеса́, Бо́же, и пo всей земли́ сла́ва Твоя́, я́ко да изба́вятся возлю́бленнии Твои́: спаси́ десни́цею Твое́ю и услы́ши мя. Бог возглаго́ла во святе́м Свое́м: вознесу́ся и разделю́ Сики́му, и удо́ль селе́ний разме́рю. Мой есть Галаа́д и Мой есть Манасси́й, и Ефре́м заступле́ние главы́ Моея́, Иу́да царь Мой. Моа́в коно́б упова́ния Моего́, на Идуме́ю наложу́ сапо́г Мой: Мне иноплеме́нницы покори́шася. Кто введе́т мя во град огражде́ния? Или́ кто наста́вит мя до Идуме́и? Не Ты ли, Бо́же, отри́нувый нас? И не изы́деши, Бо́же, в си́лах на́ших? Даждь нам по́мощь от ско́рби, и су́етно спасе́ние челове́ческо. О Бо́зе сотвори́м си́лу, и Той уничижи́т враги́ на́ша.

Псалом 126

А́ще не Госпо́дь сози́ждет дом, всу́е труди́шася зи́ждущии. А́ще не Госпо́дь сохрани́т град, всу́е бде стреги́й. Всу́е вам есть у́треневати, воста́нете по седе́нии, яду́щии хлеб боле́зни, егда́ даст возлю́бленным Свои́м сон. Се достоя́ние Госпо́дне сы́нове, мзда плода́ чре́вняго. Я́ко стре́лы в руце́ си́льнаго, та́ко сы́нове оттрясе́нных. Блаже́н, и́же испо́лнит жела́ние свое́ от них. Не постыдя́тся, егда́ глаго́лют враго́м свои́м во врате́х.

Псалом 127

Блаже́ни вси боя́щиися Го́спода, ходя́щии в путе́х Eгó. Труды́ плодо́в Твои́х сне́си: блаже́н еси́, и добро́ тебе́ бу́дет. Жена́ твоя́, я́ко лоза́, плодови́та в страна́х до́му твоего́, сы́нове твои́, я́ко новосажде́ния ма́сличная, о́крест трапе́зы твоея́. Се та́ко благослови́тся челове́к боя́йся Го́спода. Благослови́т тя Госпо́дь от Сио́на, и у́зриши блага́я Иерусали́ма вся дни живо́та твоего́, и у́зриши сы́ны сыно́в твои́х. Мир на Изра́иля.

Псалом 121

Возвесели́хся о ре́кших мне: в дом Госпо́день по́йдем. Стоя́ще бя́ху но́ги на́ша во дво́рех твои́х, Иерусали́ме. Иерусали́м зи́ждемый я́ко град, eму́же прича́стие eго́ вку́пе. Та́мо бо взыдо́ша коле́на, коле́на Госпо́дня, свиде́ние Изра́илево, испове́датися и́мени Госпо́дню, я́ко та́мо седо́ша престо́ли на суд, престо́ли в дому́ Дави́дове. Вопроси́те же я́же о ми́ре Иерусали́ма: и оби́лие лю́бящым тя. Бу́ди же мир в си́ле твое́й и оби́лие в столпостена́х твои́х. Ра́ди бра́тий мои́х и бли́жних мои́х глаго́лах у́бо мир о тебе́. До́му ра́ди Го́спода Бо́га на́шего взыска́х блага́я тебе́.

Таже Трисвятое по Отче наш:

Таже тропарь:

От сна востав, полунощную песнь приношу Ти, Спасе, и припдая вопию Ти: Не даждь уснути ми во греховную смерть, но ущедри мя, пропныйся волею, и лежащаго в лености варив воздвигни и спаси мя.

Слава:

В предстоянии милостивнем, и по сне нощнем, возсияй ми день безгрешный, Христе Боже, и спаси мя.

И ныне:

Марие, Чистое Владычне приималище, востави мя впадшася в пропасть лютаго нечаяния, от согрешений и скорби. Ты бое си грешником спасение. Ты помощь и крепкое заступление, рабы Своя спасающи.

Молитва святаго Василия.

Господи, Боже наш, покоивый нас сном и подавый нам от ложа востание, Сам Челвоеколюбче Царю, всяку леность душеную и телесную отъими от нас детелию Святаго Твоего Духа. И всяк мятежь отжени помысельный, и всяк мечетно ум неподобный. И сподоби ны чистым сердцем и умом не улонным к Тебе единому взирати, и Твоею несытою похотию одержими, славити и благодарити Тебе, и помнением немощи нашея без осуждения приносити Тебе, яко начатки перваго подвизания сердца нашего, яже по востании от сна утверди мя в Твоей благодати от всякоя бесовския козни и удов. Ли ны наложих лежаща пети Тебе чистым смыслом, молитвами Пречистыя Владычицы нашея Богородицы, и присно Девы Марии, божественных и мысленых слуг Твоих серафим, перваго священства и украшения, славим Тя со Отцем и со Пресвятым Духом, ныне [и присно и во веки веков.]

Таже молитва:

К Тебе Владыко Человеколюбче, от сна востав прибегаю, и на дело подвизаюся милосердия Твоего. Молютися, помози ми на всяко время и во всякой вещи, избавит имя от всякоя мирския злобы, и от всякаго диавольскаго поспешения, и введи мя и спси мя во Царствии Твоем вечнем, яко благословено есть имя Твое, Отца: [и Сына, и Святаго Духа, ныне и присно и во веки веков.]

Нощи мимшедши, благодарю Тя, Господи, и дни прошу мирна безгрешна и безмятежна, подаждь ми, Спасе, и спаси мя.

О Пресвятая Госпоже Богородице, отжени нечистыя помыслы, от страстнаго окаяннаго сердца моего, угаси пламень страстей, помилуй мя яко немощен и страстен есмь, избави мя Госпоже от всех находящих ми лукавных помышлений, и древних ми обычай, не забуди мене грешнаго: Тя бо имею грешный Заступницу, и Помощь верну, Тобою надеюся прияти простыню грехов, и прочая житию моему исправление.

Слава Тебе, Боже мой, Иже человеколюбным Своим промыслом сподобивый мя недостойнаго от сна востати, и вход получити святаго Дому Твоего, приими Господи глас молитвы моея, и сподоби духом смиренным, сердцем сокрушенным, от уст моих принести к Тебе молитву, да и аз приобещник буду, угождшим имени Твоему святому.

Боже и Отче Господа нашего Иисус Христа, воздвигнувый мя от сна, и сподобивй мя воздети руце в час молитвенный. И даждь ми Господи хвалы моея сущая противу моей силе, и научи мя оправдением Твоим, яко не умею помолитися якоже подобает, аще не Ты Господи наставиши мя Духом Твоим Святым. Тем молютися елико Ти согреших от юности моея и донынешняго часа, или делом, или словом, или помышлением, волею и неволею, отпусти, прости. Аще беззакония назриши, Господи, Господи, кто постоит? Яко от Тебе очищение есть. Ты бое си Помощник Святый, и крепкий Заступник животу нашему и о Тебе похвала наша выну, и Тебе славу возсылаем, Отцу и Сыну, и Святому Духу.

Молитва Иоанна Златоустаго за крест.

Владыко Боже Святый, непостижимый, рекий от тмы свету возсияти, покоивый нас сном нощным и воздвигнувый мя на на славословление и на молитву твоея благодати, умолен бывая твоим милосердием, приими ныне поклоняющаяся Тебе и хвалу Ти приносяща, якоже ми сила может. И даруй ми прошения вся яже на спаение, и яви ны сыны свету и дни, и причастники вечных благ. Помяни Господи, множеством щедрот Твоих князя нашего имярек, и вся люди Твоя. Помяни Господи родители моя и братию имярек. Помяни Господи отшедшая или по морю или по земли, и сущая на всех местех владычествия его, молящаяся человеколюбию Твоему. Подаждь помощь всем и великую Твою милость. Да спасени душею и телом всегда пребывающе, с дерзновением славим чудное и благословеное имя Отца и Сына и Святаго Духа.

Молитва начинающе всяко пение:

Владыко Господи Вседержителю, приемля от небесных сил Трисвятую песнь, и приими от мене недостойнаго раба Твоего Трисвятое пение, и даруй ми всего лета живота и в сий день без греха Тебе славу возсылати, Отцу и Сыну и Святому Духу.

Таже, Приидите поклонимся: трижды.

Таже псалом Давидов: И не яростию Твоею обличи мене:

[Псалом 37

Го́споди, да не я́ростию Твое́ю обличи́ши мене́, ниже́ гне́вом Твои́м нака́жеши мене́. Я́ко стре́лы Твоя́ унзо́ша во мне, и утверди́л еси́ на мне ру́ку Твою́. Несть исцеле́ния в пло́ти мое́й от лица́ гне́ва Твоего́, несть ми́ра в косте́х мои́х от лица́ грех мои́х. Я́ко беззако́ния моя́ превзыдо́ша главу́ мою́, я́ко бре́мя тя́жкое отяготе́ша на мне. Возсмерде́ша и согни́ша ра́ны моя́ от лица́ безу́мия моего́. Пострада́х и сляко́хся до конца́, весь день се́туя хожда́х. Я́ко ля́двия моя́ напо́лнишася поруга́ний, и несть исцеле́ния в пло́ти мое́й. Озло́блен бых и смири́хся до зела́, рыка́х от воздыха́ния се́рдца моего́. Го́споди, пред Тобо́ю все жела́ние мое́ и воздыха́ние мое́ от Тебе́ не утаи́ся. Се́рдце мое́ смяте́ся, оста́ви мя си́ла моя́, и свет о́чию мое́ю, и той несть со мно́ю. Дру́зи мои́ и и́скреннии мои́ пря́мо мне прибли́жишася и ста́ша, и бли́жнии мои́ отдале́че мене́ ста́ша и нужда́хуся и́щущии ду́шу мою́, и и́щущии зла́я мне глаго́лаху су́етная и льсти́вным весь день поуча́хуся. Аз же я́ко глух не слы́шах и я́ко нем не отверза́яй уст свои́х. И бых я́ко челове́к не слы́шай и не имы́й во усте́х свои́х обличе́ния. Я́ко на Тя, Го́споди, упова́х, Ты услы́шиши, Го́споди Бо́же мой. Я́ко рех: да не когда́ пора́дуют ми ся врази́ мои́: и внегда́ подвижа́тися нога́м мои́м, на мя велере́чеваша. Я́ко аз на ра́ны гото́в, и боле́знь моя́ предо мно́ю есть вы́ну. Я́ко беззако́ние мое́ аз возвещу́ и попеку́ся о гресе́ мое́м. Врази́ же мои́ живу́т и укрепи́шася па́че мене́, и умно́жишася ненави́дящии мя без пра́вды. Воздаю́щии ми зла́я возблага́я оболга́ху мя, зане́ гоня́х благосты́ню. Не оста́ви мене́, Го́споди Бо́же мой, не отступи́ от мене́. 23 Вонми́ в по́мощь мою́, Го́споди спасе́ния моего́.]

Таже Трисвятое по Отче наш:

Таже молитва:

Владыко Боже, рождейся прежде денницы от Отца, Свете Истинный, Иже просвещаеши всякаго человека грядущаго в мир, Иже неизреченною благодатию Твоею в последняя лета совершив смотрени, и светом явления Твоего на конец устроив, обдержимую нощь живот наш, и невечерний день явив Твоего разума. Сам и ныне молимтися, посли свет Свой пренебесный, на осияние мысленую очию нашею. И управи всяко подвизание сердца нашего на Твое угождение, приимая наша заутреняя молитвы и возпосылая на нас богатыя Твоя милости. От всякаго соблазна и потчения и мятежа темнаго, нам же и тем уклоняя ноги, ангела светла настаника и хранителя души и телу пдавая, да тем наставляеми на путь заповедей Твоих достигнем, на Твое угождение и получим обещанных благ, молитвами Пресвятыя Владычицы нашея Богородицы и присно Девы Марии, божественных и мысленых слуг Твоих херувим, перваго священства и украшения, хваляще и славяще во веки. Аминь.

Господи помилуй, 12 раз.

Таже се, воздев руце на небо и рцы:

Слава Пресвятей и Единосущей и Нераздельней Троице, Отцу и Сыну и Святому Духу.

Таже сего стиха глаголи трижды:

Слава в вышних Богу, и на земли мир, в человецех благоволение.

А сего стиха, дважды глаголи:

Господи, устне мои отверзеши, и уста моя возвестят хвалу Твою.

Таже псалом Давидов, 3:

Го́споди, что ся умно́жиша стужа́ющии ми? Мно́зи востаю́т на мя, мно́зи глаго́лют души́ мое́й: несть спасе́ния eму́ в Бо́зе eго́. Ты же, Го́споди, Засту́пник мой еси́, сла́ва моя́ и вознося́й главу́ мою́. Гла́сом мои́м ко Го́споду воззва́х, и услы́ша мя от горы́ святы́я Своея́. Аз усну́х, и спах, воста́х, я́ко Госпо́дь засту́пит мя. Не убою́ся от тем люде́й, о́крест напа́дающих на мя. Воскресни́, Го́споди, спаси́ мя, Бо́же мой, я́ко Ты порази́л еси́ вся вражду́ющыя ми всу́е: зу́бы гре́шников сокруши́л еси́. Госпо́дне есть спасе́ние, и на лю́дех Твои́х благослове́ние Твое́.

Псалом 37

Го́споди, да не я́ростию Твое́ю обличи́ши мене́, ниже́ гне́вом Твои́м нака́жеши мене́. Я́ко стре́лы Твоя́ унзо́ша во мне, и утверди́л еси́ на мне ру́ку Твою́. Несть исцеле́ния в пло́ти мое́й от лица́ гне́ва Твоего́, несть ми́ра в косте́х мои́х от лица́ грех мои́х. Я́ко беззако́ния моя́ превзыдо́ша главу́ мою́, я́ко бре́мя тя́жкое отяготе́ша на мне. Возсмерде́ша и согни́ша ра́ны моя́ от лица́ безу́мия моего́. Пострада́х и сляко́хся до конца́, весь день се́туя хожда́х. Я́ко ля́двия моя́ напо́лнишася поруга́ний, и несть исцеле́ния в пло́ти мое́й. Озло́блен бых и смири́хся до зела́, рыка́х от воздыха́ния се́рдца моего́. Го́споди, пред Тобо́ю все жела́ние мое́ и воздыха́ние мое́ от Тебе́ не утаи́ся. Се́рдце мое́ смяте́ся, оста́ви мя си́ла моя́, и свет о́чию мое́ю, и той несть со мно́ю. Дру́зи мои́ и и́скреннии мои́ пря́мо мне прибли́жишася и ста́ша, и бли́жнии мои́ отдале́че мене́ ста́ша и нужда́хуся и́щущии ду́шу мою́, и и́щущии зла́я мне глаго́лаху су́етная и льсти́вным весь день поуча́хуся. Аз же я́ко глух не слы́шах и я́ко нем не отверза́яй уст свои́х. И бых я́ко челове́к не слы́шай и не имы́й во усте́х свои́х обличе́ния. Я́ко на Тя, Го́споди, упова́х, Ты услы́шиши, Го́споди Бо́же мой. Я́ко рех: да не когда́ пора́дуют ми ся врази́ мои́: и внегда́ подвижа́тися нога́м мои́м, на мя велере́чеваша. Я́ко аз на ра́ны гото́в, и боле́знь моя́ предо мно́ю есть вы́ну. Я́ко беззако́ние мое́ аз возвещу́ и попеку́ся о гресе́ мое́м. Врази́ же мои́ живу́т и укрепи́шася па́че мене́, и умно́жишася ненави́дящии мя без пра́вды. Воздаю́щии ми зла́я возблага́я оболга́ху мя, зане́ гоня́х благосты́ню. Не оста́ви мене́, Го́споди Бо́же мой, не отступи́ от мене́. Вонми́ в по́мощь мою́, Го́споди спасе́ния моего́.

Псалом 62

Бо́же, Бо́же мой, к Тебе́ у́тренюю, возжада́ Тебе́ душа́ моя́, коль мно́жицею Тебе́ плоть моя́, в земли́ пу́сте и непрохо́дне, и безво́дне. Та́ко во святе́м яви́хся Тебе́, ви́дети си́лу Твою́ и сла́ву Твою́. Я́ко лу́чши ми́лость Твоя́ па́че живо́т, устне́ мои́ похвали́те Тя. Та́ко благословлю́ Тя в животе́ мое́м, о и́мени Твое́м воздежу́ ру́це мои́. Я́ко от ту́ка и ма́сти да испо́лнится душа́ моя́, и устна́ма ра́дости восхва́лят Тя уста́ моя́. А́ще помина́х Тя на посте́ли мое́й, на у́тренних поуча́хся в Тя. Я́ко был еси́ помо́щник мой, и в кро́ве крилу́ Твое́ю возра́дуюся. Прильпе́ душа́ моя́ по Тебе́, мене́ же прия́т десни́ца Твоя́. Ти́и же всу́е иска́ша ду́шу мою́, вни́дут в преиспо́дняя земли́, предадя́тся в ру́ки ору́жия, ча́сти ли́совом бу́дут. Царь же возвесели́тся о Бо́зе, похва́лится всяк клены́йся Им, я́ко загради́шася уста́ глаго́лющих непра́ведная.

Слава и ныне:

Аллилуия, трижды.

Псалом 57 (87)

Го́споди Бо́же спасе́ния моего́, во дни воззва́х, и в нощи́ пред Тобо́ю. Да вни́дет пред Тя моли́тва моя́: приклони́ у́хо Твое́ к моле́нию моему́, я́ко испо́лнися зол душа́ моя́, и живо́т мой аду прибли́жися. Привмене́н бых с низходя́щими в ров, бых я́ко челове́к без по́мощи, в ме́ртвых свобо́дь, я́ко я́звеннии спя́щии во гро́бе, и́хже не помяну́л еси́ ктому́, и ти́и от руки́ Твоея́ отринове́ни бы́ша. Положи́ша мя в ро́ве преиспо́днем, в те́мных и се́ни сме́ртней. На мне утверди́ся я́рость Твоя́, и вся во́лны Твоя́ наве́л еси́ на мя. Уда́лил еси́ зна́емых мои́х от мене́, положи́ша мя ме́рзость себе́: пре́дан бых и не исхожда́х. О́чи мои́ изнемого́сте от нищеты́, воззва́х к Тебе́, Го́споди, весь день, возде́х к Тебе́ ру́це мои́. Еда́ ме́ртвыми твори́ши чудеса́? Или́ вра́чеве воскреся́т, и испове́дятся Тебе́? Еда́ пове́сть кто во гро́бе ми́лость Твою́, и и́стину Твою́ в поги́бели? Еда́ позна́на бу́дут во тьме чудеса́ Твоя́, и пра́вда Твоя́ в земли́ забве́нней? И аз к Тебе́, Го́споди, воззва́х и у́тро моли́тва моя́ предвари́т Тя. Вску́ю, Го́споди, отре́еши ду́шу мою́, отвраща́еши лице́ Твое́ от мене́? Нищ есмь аз, и в труде́х от ю́ности моея́; возне́с же ся, смири́хся, и изнемого́х. На мне преидо́ша гне́ви Твои́, устраше́ния Твоя́ возмути́ша мя, обыдо́ша мя я́ко вода́, весь день одержа́ша мя вку́пе. Уда́лил еси́ от мене́ дру́га и и́скренняго, и зна́емых мои́х от страсте́й.

Благословен еси: Благослови душе моя Господа и вся внутреняя: Писано в часех.

[Псаом 102

Благослови́, душе́ моя́, Го́спода, и вся вну́тренняя моя́ и́мя свя́тое Его́. Благослови́, душе́ моя́, Го́спода, и не забыва́й всех воздая́ний Его́, очища́ющаго вся беззако́ния твоя́, исцеля́ющаго вся неду́ги твоя́, избавля́ющаго от истле́ния живо́т твой, венча́ющаго тя ми́лостию и щедро́тами, исполня́ющаго во благи́х жела́ние твое́: обнови́тся я́ко о́рля ю́ность твоя́. Творя́й ми́лостыни Госпо́дь, и судьбу́ всем оби́димым. Сказа́ пути́ Своя́ Моисе́ови, сыново́м Изра́илевым хоте́ния Своя́: щедр и ми́лостив Госпо́дь, долготерпели́в и многоми́лостив. Не до конца́ прогне́вается, ниже́ во век вражду́ет, не по беззако́нием на́шим сотвори́л есть нам, ниже́ по грехо́м на́шым возда́л есть нам. Я́ко по высоте́ небе́сней от земли́, утверди́л есть Госпо́дь ми́лость Свою́ на боя́щихся Его́. Ели́ко отстоя́т восто́цы от за́пад, уда́лил есть от нас беззако́ния на́ша. Я́коже ще́дрит оте́ц сы́ны, уще́дри Госпо́дь боя́щихся Его́. Я́ко Той позна́ созда́ние на́ше, помяну́, я́ко персть есмы́. Челове́к, я́ко трава́ дни́е eго́, я́ко цвет се́льный, та́ко оцвете́т, я́ко дух про́йде в нем, и не бу́дет, и не позна́ет ктому́ ме́ста своего́. Ми́лость же Госпо́дня от ве́ка и до ве́ка на боя́щихся Его́, и пра́вда Его́ на сыне́х сыно́в, храня́щих заве́т Его́, и по́мнящих за́поведи Его́ твори́ти я́. Госпо́дь на небеси́ угото́ва престо́л Свой, и Ца́рство Его́ все́ми облада́ет. Благослови́те Го́спода вси А́нгели Его́, си́льнии кре́постию, творя́щии сло́во Его́, услы́шати глас слове́с Его́. Благослови́те Го́спода вся си́лы Его́, слуги́ Его́, творя́щии во́лю Его́. Благослови́те Го́спода вся дела́ Его́, на вся́ком ме́сте влады́чества Его́, благослови́, душе́ моя́, Го́спода.]

Псалом 89 (142)

Го́споди, услы́ши моли́тву мою́, внуши́ моле́ние мое́ во и́стине Твое́й, услы́ши мя в пра́вде Твое́й и не вни́ди в суд с рабо́м Твои́м, я́ко не оправди́тся пред Тобо́ю всяк живы́й. Я́ко погна́ враг ду́шу мою́, смири́л есть в зе́млю живо́т мой, посади́л мя есть в те́мных, я́ко ме́ртвыя ве́ка. И уны́ во мне дух мой, во мне смяте́ся се́рдце мое́. Помяну́х дни дре́вния, поучи́хся во всех де́лех Твои́х, в творе́ниих руку́ Твое́ю поуча́хся. Возде́х к Тебе́ ру́це мои́, душа́ моя́, я́ко земля́ безво́дная Тебе́. Ско́ро услы́ши мя, Го́споди, исчезе́ дух мой, не отврати́ лица́ Твоего́ от мене́, и уподо́блюся низходя́щым в ров. Слы́шану сотвори́ мне зау́тра ми́лость Твою́, я́ко на Тя упова́х. Скажи́ мне, Го́споди, путь во́ньже пойду́, я́ко к Тебе́ взях ду́шу мою́. Изми́ мя от враг мои́х, Го́споди, к Тебе́ прибего́х. Научи́ мя твори́ти во́лю Твою́, я́ко Ты еси́ Бог мой. Дух Твой благи́й наста́вит мя на зе́млю пра́ву. И́мене Твоего́ ра́ди, Го́споди, живи́ши мя, пра́вдою Твое́ю изведе́ши от печа́ли ду́шу мою́. И ми́лостию Твое́ю потреби́ши враги́ моя́ и погуби́ши вся стужа́ющыя души́ мое́й, я́ко аз раб Твой есмь.

Слава и ныне:

Аллилуия, трижды.

Бог Господь, и явися нам, благословен [Грядый во имя Господне.]

Посем, аще будет неделя, то тропарь поет воскресен наставшаго гласа. Или святаго нарочита будет, то тропарь того поет. Аще ли несть тропаря, то аллилуия с троичны наставшаго гласа.

[Тропари, степенны гласов и 11 Евангелий]

Посем прокимен: В нощех воздежите:

Стих: Да благословит Тя Господь от Сиона:

Таже со стихом глаголи:

Воскресение Христово видевше, поклонимся Святому Господу Иисусу, Единому Безгрешному. Кресту Твоему покланяемся, Христе, и Святое Воскресение Твое поем и славим: Ты бо еси Бог наш. Разве Тебе иного не знаем, Имя Твое именуем. Приидите вси вернии, поклонимся Святому Христову Воскресению, се бо прииде крестом радость всему Миру. Всегда благословяще Господа, поем воскресение Его, распятие бо претерпев, смертию смерть разруши.

Таже псалом 50: Помилуй мя Боже:

Посем, поим песни.

[Троичны гласов в Бог Господь]

А се пой в Бог Господь, коли тропаря не будет. Аллилуия трижды:

Стих 1: Живущии на земли истины не имать сотворити, Аллилуия.

Стих 2: ныне огнь супостаты поясть, Аллилуия.

Стих 3: Приложи им зло, Господи, приложи им зло славных земли, Аллилуия.

Стих 4: Тако быхом возлюблному Твоему, Аллилуия:

Стих 5: Свят, свят, свят еси Боже, Богородицы ради помилуй нас.

Таже Троичны наставшаго гласа.

[Таже библейские песни. После 9-й песни Захарии.]

Таже: Честнейшую Херувим.

Аще будет неделя или будет Господский праздник, светилен: Свят Господь Бог.

Стих: Яко Свят есть Господь Бог.

Стих: Над всеми людьми Бог наш.

Или святаго нарочита будет, то сей светилен:

Небо звездами украси яко Бог, а памятию святаго имярек всю землю просвещая, Содетелю всем поющая тя спаси.

Сладость ангелом, скорбящим Радость, грешником Заступнице, Дево Мати Божия, заступи и избави вечных мук.

Аще ли суббота, то сей светилен:

В память вечную будет:

Стих: Блажен мужь бояйся:

Аще ли несть тропаря, то сей светилен пой наставшаго гласа.

[Таже светильны гласа]

Песнь 10, похвала Господу Иисус Христу. Хвалите Господа с небесе.

Псалом 148:

Хвали́те Го́спода с небе́с, хвали́те Его́ в вы́шних. Хвали́те Его́, вси а́нгели Его́, хвали́те Его́, вся си́лы Его́. Хвали́те Его́, со́лнце и луна́, хвали́те Его́, вся зве́зды и свет. Хвали́те Его́ Небеса́ небе́с и вода́, я́же превы́ше небе́с. Да восхва́лят и́мя Госпо́дне: я́ко Той рече́, и бы́ша, Той повеле́, и созда́шася. Поста́ви я́ в век и в век ве́ка, повеле́ние положи́, и не ми́мо и́дет. Хвали́те Го́спода от земли́, зми́еве и вся бе́здны: Дадите славу:

огнь, град, снег, го́лоть, дух бу́рен, творя́щая сло́во Его́, го́ры и вси хо́лми, древа́ плодоно́сна и вси ке́дри, зве́рие и вси ско́ти, га́ди и пти́цы перна́ты. Ца́рие зе́мстии и вси лю́дие, кня́зи и вси судии́ зе́мстии, ю́ноши и де́вы, ста́рцы с ю́нотами да восхва́лят и́мя Госпо́дне, я́ко вознесе́ся и́мя Того́ Еди́наго: Тебе подобает:

испове́дание Его́ на земли́ и на небеси́. И вознесе́т рог люде́й Свои́х, песнь всем преподо́бным Его́, сыново́м Изра́илевым, лю́дем, приближа́ющымся Ему́. Слава Тебе, Святый Отче:

Псалом 149 Воспо́йте Го́сподеви песнь но́ву, хвале́ние Его́ в це́ркви преподо́бных. Да возвесели́тся Изра́иль о Сотво́ршем его́, и сы́нове Сио́ни возра́дуются о Царе́ свое́м. Да восхва́лят и́мя Его́ в ли́це, в тимпа́не и псалти́ри да пою́т Ему́. Я́ко благоволи́т Госпо́дь в лю́дех Свои́х, и вознесе́т кро́ткия во спасе́ние. Восхва́лятся преподо́бнии во сла́ве и возра́дуются на ло́жах свои́х. Возноше́ния Бо́жия в горта́ни их, и мечи́ обою́ду остры́ в рука́х их: Пощади ны:

сотвори́ти отмще́ние во язы́цех, обличе́ния в лю́дех, связа́ти цари́ их пу́ты, и сла́вныя их ручны́ми око́вы желе́зными, Сотвори́ти в них суд напи́сан: сла́ва сия́ бу́дет всем преподо́бным Его́. Сыну Божий, помилуй нас:

Псалом 150 Хвали́те Бо́га во святы́х Его́, хвали́те Его́ во утверже́нии си́лы Его́. Хвали́те Его́ на си́лах Его́, хвали́те Его́ по мно́жеству вели́чествия Его́. Слава показавшему:

Хвали́те Его́ во гла́се тру́бнем, хвали́те Его́ во псалти́ри и гу́слех. Хвали́те Его́ в тимпа́не и ли́це, хвали́те Его́ во стру́нах и орга́не. Тебе слава подобает, Господи:

Хвали́те Его́ в кимва́лех доброгла́сных, хвали́те Его́ в кимва́лех восклица́ния. Вся́кое дыха́ние да хва́лит Го́спода. Сла́ва Отцу́ и Сы́ну и Свято́му Ду́ху, и ны́не и при́сно и во ве́ки веко́в. Ами́нь.

Таже се:

Сла́ва в вы́шних Бо́гу, и на земли́ мир, в челове́цех благоволе́ние. Хва́лим Тя, благослови́м Тя, кла́няем Ти ся, славосло́вим Тя, благодари́м Тя вели́кия ра́ди сла́вы Твоея́. Го́споди, Царю́ Небе́сный, Боже, О́тче Вседержи́телю, Го́споди Сы́не Единоро́дный, Иису́се Христе́, и Святы́й Ду́ше. Го́споди Бо́же, А́гнче Бо́жий, Сы́не Оте́чь, взе́мляй грех ми́ра, поми́луй нас. Взе́мляй грехи́ ми́ра, приими́ моли́тву на́шу. Седя́й одесну́ю Отца́, поми́луй нас. Я́ко Ты еси́ Еди́н Свят; Ты еси́ Еди́н Госпо́дь, Иису́с Христо́с, во сла́ву Бо́га Отца́. Ами́нь. На всяк день благословлю́ Тя и восхвалю́ и́мя Твое́ во ве́ки, [и в век ве́ка.]

Го́споди, прибе́жище был еси́ нам в род и род. Аз рех: Го́споди, поми́луй мя, исцели́ ду́шу мою́, я́ко согреши́х Тебе́. Го́споди, к Тебе́ прибего́х, научи́ мя твори́ти во́лю Твою́, я́ко Ты еси́ Бог мой, я́ко у Тебе́ исто́чник живота́, во све́те Твое́м у́зрим свет. Проба́ви ми́лость Твою́ ве́дущим Тя.

Таже се: Сподо́би Го́споди, в день сей без греха́:

[сохрани́тися нам. Благослове́н еси́, Го́споди, Бо́же оте́ц на́ших, и хва́льно и просла́влено и́мя Твое́ во ве́ки. Ами́нь. Бу́ди, Го́споди, ми́лость Твоя́ на нас, я́коже упова́хом на Тя. Благослове́н еси́, Го́споди, научи́ мя оправда́нием Твои́м. Благослове́н еси́, Влады́ко, вразуми́ мя оправда́нием Твои́м. Благослове́н еси́, Святы́й, просвети́ мя оправда́нии Твои́ми. Го́споди, ми́лость Твоя́ во век, дел руку́ Твое́ю не пре́зри: Тебе́ подоба́ет хвала́, Тебе́ подоба́ет пе́ние, Тебе́ сла́ва подоба́ет, Отцу́, и Сы́ну, и Свято́му Ду́ху, ны́не и при́сно, и во ве́ки веко́в. Ами́нь.]

Таже сей стих трижды глаголи:

Благо есть исповедатися Господеви, и пети имени Твоему, вышний, возвещати заутра милость Твою и истину Твою на всяку нощь.

Трисвятое по Отче наш:

Таже сей тропарь молви в неделю 1, 3, 5, 7-го гласа.

Днесь спасение всего мира, поем воскресшаго из гроба, животу начальника Христа Бога, разруши бо смерть и победу дасть нам, велию милость.

А сей тропарь поем в 2, 4, 6, 8 глас:

Воскресе от гроба:

Аще ли будет праздник котораго святаго нарочита, того тропарь пой. Аще ли несть тропаря, то сию молитву.

Господи Иисус Христе Боже мой, на Тя уповах, спаси мя, и от всех гонящих мя избави, еда когда похитит яко лев душу мою, не сущу избавляющу, ни спасающему. Господи Иисус Христе Боже мой, на Тя уповах, спаси мя. И даруй ми естественое стояние ума, в пмять многолюбимаго имене на призывание потребных ми и терпение находящих ми искушений, мирен и без смущения и безгрешен сий день подаждь ми преити, яко Ты еси един Безгрешен и Многомилостив, и Тебе славу возсылаем, Отцу и Сыну и Святому Духу:

Молита святаго Иоанна Златоустаго:

Господи, Господи, Твой есть день и твоя есть нощь, Ты совершил еси луну и солнце, Ты создал еси горы земныя, Тебе молимся и Твоей благостыни. Ты возсияй свет дневный, и богатый милостию призри на смирение наше. Свободин ы от тьмы и сени смертныя, и от всякаго с(о)вета и дел неприязнин.

Молитва:

Боже, очисти мя грешнаго и не остави мене, яко ничтоже блага сотворих пред Тобою. Но молютися Человеколюбче, направи стопы моя и ноги моя на путь мирен, и сподобим я от днешняго дне положити начаток боятися и трепетати имени Твоего Святаго, и творити во всем волю Твою, и пети со исповеданием и хвалити имя Святое Твое, яко Благословен еси во веки. Аминь.

Таже Господи помилуй, 50 раз.

Слава и ныне:

Благословите святии:

Благослови, отче.

Боже, ущедри ны, и благослови ны, и просвети лице Свое на ны, и помилуй ны.

Аминь.

Утверди Боже веру христианскую, спаси Господи князя нашего на многа лета сохраняя владычествие его, веру утверди и вся христианы Господи спаси и помилуй. Аминь.

Таже, Приидите, поклонимся: трижды и час первый.