Приидите поклонимся: Трижды
Час вторый нощи.
Господи, не яростию Твею обличи мене, ни гневом Твоим покажи мене, яко стрелы: Писан в заутрени.
Таже псалом сей 38.
Рех: сохраню́ пути́ моя́, е́же не согреша́ти ми язы́ком мои́м: положи́х усто́м мои́м храни́ло, внегда́ воста́ти гре́шному предо мно́ю. Онеме́х и смири́хся, и умолча́х от благ, и боле́знь моя́ обнови́ся. Согре́яся се́рдце мое́ во мне, и в поуче́нии мое́м разгори́тся огнь. Глаго́лах язы́ком мои́м: скажи́ ми, Го́споди, кончи́ну мою́ и число́ дней мои́х, ко́е есть? Да разуме́ю, что лиша́юся аз? Се пя́ди положи́л еси́ дни моя́, и соста́в мой я́ко ничто́же пред Тобо́ю, оба́че вся́ческая суета́ всяк челове́к живы́й. У́бо о́бразом хо́дит челове́к, оба́че всу́е мяте́тся: сокро́вищствует, и не весть, кому́ собере́т я́. И ны́не кто терпе́ние мое́, не Госпо́дь ли? И соста́в мой от Тебе́ есть. От всех беззако́ний мои́х изба́ви мя, поноше́ние безу́мному дал мя еси́. Онеме́х и не отверзо́х уст мои́х, я́ко Ты сотвори́л еси́. Отста́ви от мене́ ра́ны Твоя́: от кре́пости бо руки́ Твоея́ аз исчезо́х. Во обличе́ниих о беззако́нии наказа́л еси́ челове́ка и иста́ял еси́, я́ко паучи́ну, ду́шу eго́: оба́че всу́е всяк челове́к. Услы́ши моли́тву мою́, Го́споди, и моле́ние мое́ внуши́, слез мои́х не премолчи́: я́ко пресе́льник аз есмь у Тебе́ и пришле́ц, я́коже вси отцы́ мои́. Осла́би ми, да почи́ю, пре́жде да́же не отъиду́, и ктому́ не бу́ду.
Псалом 40
Блаже́н разумева́яй на ни́ща и убо́га, в день лют изба́вит eго́ Госпо́дь. Госпо́дь да сохрани́т eго́ и живи́т eго́, и да ублажи́т eго́ на земли́, и да не преда́ст eго́ в ру́ки враго́в eго́. Госпо́дь да помо́жет eму́ на одре́ боле́зни eго́: все ло́же eго́ обрати́л еси́ в боле́зни eго́. Аз рех: Го́споди, поми́луй мя, исцели́ ду́шу мою́, я́ко согреши́х Ти. Врази́ мои́ ре́ша мне зла́я: когда́ у́мрет и поги́бнет и́мя eго́? И вхожда́ше ви́дети, всу́е глаго́лаше се́рдце eго́, собра́ беззако́ние себе́, исхожда́ше вон и глаго́лаше вку́пе. На мя шепта́ху вси врази́ мои́, на мя помышля́ху зла́я мне. Сло́во законопресту́пное возложи́ша на мя: еда́ спяй не приложи́т воскресну́ти? И́бо челове́к ми́ра моего́, на него́же упова́х, яды́й хле́бы моя́, возвели́чи на мя запина́ние. Ты же, Го́споди, поми́луй мя и возста́ви мя и возда́м им. В сем позна́х, я́ко восхоте́л мя еси́, я́ко не возра́дуется враг мой о мне. Мене́ же за незло́бие прия́л и утверди́л мя еси́ пред Тобою́ в век. Благослове́н Госпо́дь Бог Изра́илев от ве́ка и до ве́ка: бу́ди, бу́ди.
Трисвятое по Отче наш
Таже тропарь глас 4
Убогия моея души посети Господи иждивша во гресех житие все, яко блудницу приими мя Господи и помилуй мя.
Все житие мое сокверних грехом, и весь Твой преступих закон. Тем припадая вопию ти: Сердце чисто созижди во мне Боже, прежде конца обратив и помилуй мя.
К Богородице прилежно притецем грешнии, смирением припадем и покаянием вопиюще из глубины душевныя: Владычице, помози милосердовавши на ны. Потщися, изгибаем от множества грехом. Не отврати Своих раб тощь, Тебе бое дину Помощницу имамы.
Таже молитва.
Благодарим Тя Господи Боже наш о всех благих Твоих, ихже от перваго дне и до нынешняго, на мне недостойнем милости Твоя. И ныне к Тебе Господи простираю ум и серцде и смысл, и к Тебе восылаю все мое чувство. Очисти Милосерде, к Тебе бо весь прихожду. Сам осужден и без ответен, ко Твоей прибегаю милости. Тебе яко безличен и беззаступен выю преканяю, и ебе колене прекланяю сердца моего и телесе. Руце яже оскверних воздею, и слежу со воздыханием моляся со умилением. Из глубины душевныя зову. Очисти Господи, очисти, и огня негаимаго избави мя. Положи бом я окаяннго в радование, бесу безстудне нападающу. Сего ради Господи ускори потщися, помози ми и страшному Твоему судищу без осуждения мя предстати сподоби. И получити вечных благих Твоих даров, со всеми избранными Твоими. Молитвами Пречистыя Владычицы нашея Богородицы и всех святых Твоих, яко Милостив еси и Долготерпелив и Тебе славу восылаем Отцу и Сыну, [и Святому Духу, и ныне и присно, и во веки веков. Аминь.]
Таже Господи помилуй, 30.
[Приидите поклонимся, трижды. И час третий нощи.]