Фїлоѳе́й сїна́йский

Фїлоѳе́й преподо́бный ѻ҆те́цъ на́шъ, бы́вый и҆гꙋ́менъ слове́сныѧ па́ствы и҆́нокѡвъ, ꙗ҆́же въ сїна́и, и҆ сегѡ̀ ра́ди сїнаи́тъ нарица́емый, въ ко́и процвѣтѐ времена̀, и҆ сконча́сѧ, безвѣ́стнѡ. Настоѧ́щꙋю же сїю̀ кни́гꙋ, на четы́редесѧть гла́въ раздѣле́ннꙋю, ꙗ҆́кѡ преизрѧ́днѣ и҆́мъ сочине́ннꙋю, и҆ мно́жайшїѧ, ю҆́же немо́щнѡ и҆зрещѝ, дх҃о́вныѧ премꙋ́дрости и҆ дꙋше́вныѧ по́льзы и҆спо́лненнꙋю, къ ли́кꙋ про́чихъ гла́въ ѡ҆ трезвѣ́нїи присоедини́ти не бѣ̀ ᲂу҆го́днѡ пра́ведникꙋ. Мно́гагѡ же и҆ тре́бꙋетъ. Пра́виломъ бо ѻ҆́нꙋю и҆звѣ́стнымъ трезвѣ́нїѧ, и҆ хране́нїѧ ᲂу҆ма̀, и҆ чистоты̀ серде́чныѧ нарещѝ мо́щнѡ непогрѣши́тельнѡ въ и҆́стинѣ.