Ѡ҆ наде́ждѣ и҆лѝ ѹ҆пова́ніи.

Надѣ́ющіися на гдⷭ҇и, ꙗ҆́кѡ гора̀ [1] сіѡ́нъ не подви́жится во вѣ́къ, гл҃етъ ѱало́мникъ. Ѹ҆клоня́ющыяся же в̾ развращ́є́нія, поведе́тъ гдⷭ҇ь с̾ дѣ́лающими беззаконіе. Бꙋ́ди ѹ҆́бѡ ѹ҆пова́ніе на́ше бг҃ъ, пребꙋ́демъ а҆́ки гора̀ неподви́жими, въ до́бромъ намѣ́реніи на́шемъ: Се́ бо ́є҆́сть всѣ́мъ бл҃ги́мъ вина̀, ́є҆́же ѹ҆пова́ти на гдⷭ҇а. Воззри́те бо (речѐ сіра́хъ) на дре́внія рѡ́ды, и҆ ви́дите: кто̀ [2] ѹ҆пова̀ на гдⷭ҇а, и҆ посрами́ся; Ѹ҆̀бо въ мі́рѣ се́мъ скѡ́рбей и҆ мят́є́жевъ и҆спо́лненномъ текꙋ́ще житіѐ на́ше, ѡ҆бо́лкшеся во броня̀ вѣ́ры, и҆ любвѐ: [3] и҆ во шле́мъ ѹ҆пова́нія ѡ҆блеце́мся. ꙗ҆́кѡ возмощѝ на́мъ ста́ти[4] л. к҃а ѡ҆б. проти́вꙋ ко́зн́ємъ діа́волскимъ. А҆́ще бо на́мъ вѣ́ра мо́ре твори́тъ [5] ꙗ҆́кѡ сꙋ́шꙋ, а҆́ще и҆ го́ры преставля́етъ.[6] Си́лна любо́вь ꙗ҆́кѡ сме́рть. без наде́жды же, ско́рѡ вла́ются, и҆ лꙋка́вагѡ стрѣла́ми навѣ́тꙋеми быва́ютъ, ско́рѡ зы́блема быва́етъ вѣ́ра без̾ ко́твы сея̀, и҆ нижѐ ко́ели бо постоя́ніе бꙋ́детъ любвѐ, нижѐ крѣ́пость, и҆дѣ́же не ѡ҆брѣта́ется сп҃си́телный шле́мъ се́й. Сразсꙋжда́я сія̀ вся̑ и҆ Па́ѵелъ [7] а҆пⷭ҇лъ, бесѣ́дꙋетъ си́це: ѡ҆правди́шеся ѹ҆́бѡ ѿ вѣ́ры, ми́ръ и҆́мамы къ бг҃ꙋ гдⷭ҇е́мъ на́шимъ і҆и҃съ хрⷭ҇то́мъ, и҆́мже и҆ приведе́ніе ѡ҆брѣто́хомъ. Вѣ́рою въ бл҃года́ть сію̀, въ не́й же стои́мъ, л. к҃в и҆ хва́лимся во ѹ҆пова́ніи (стои́мъ речѐ, и҆ хва́лимся во ѹ҆пова́ніи) сла́вы бж҃ія, не то́чію же сіѐ: но и҆ хва́лимся въ ско́рбехъ, вѣ́дꙋще ꙗ҆́кѡ ско́рбь терпѣ́ніе содѣ́ловаетъ, терпѣ́ніе же и҆скꙋ́сство, и҆скꙋ́сство же ѹ҆пова́ніе, [ѹ҆пова́ніе же что̀ содѣ́ловаетъ на́мъ; внꙋши́мъ] не посрами́тъ: ꙗ҆́кѡ любы̀ бж҃ія и҆злія́ся въ срⷣцахъ на́шихъ.

Взыщи́мъ ѹ҆̀бо такова́гѡ щита̀ непреѡдолѣ́ннагѡ, взыщи́мъ крѣ́пкія ко́твы сея̀, взыщи́мъ непобѣди́мꙋю наде́ждꙋ сію̀, ꙗ҆́же ́є҆́сть терпѣ́нію, и҆ и҆скꙋ́сствꙋ дще́рь же и҆ ма́ти. Наде́ждꙋ взыщи́мъ сію̀, ꙗ҆́же не постыди́тъ на́съ, А҆́ще бо стои́мъ, а҆́ще па́даемъ, всегда̀ ѡ҆долѣва́ти л. к҃в ѡ҆б. бꙋ́демъ, всегда̀ возража́ти бꙋ́демъ стрѣ́лы лꙋка́вагѡ въ срⷣце ́є҆гѡ̀, доне́лѣже въ крѣ́пкой пребꙋ́демъ наде́ждѣ.

Мно́гагѡ ѻ҆ба́че ѡ҆пасе́нія, мно́гія бо́дрости тре́бѣ ́є҆́сть, да не безмѣ́рнѡ, и҆ без̾ житія̀ до́брагѡ, ѹ҆пова́ти бꙋ́демъ на бг҃а. Лю́тъ бо се́й, и҆ ма́лѡ ѹ҆врачꙋ́емый вре́дъ ́є҆́сть, па́гꙋба ́є҆́сть, и҆ ѕлы́хъ и҆сто́чникъ. Надѣ́ятися на гдⷭ҇а кꙋ́пнѡ и҆ боя́тися тре́бѣ ́є҆́сть, [8] ꙗ҆́коже рабо́тати гдⷭ҇ви со стра́хомъ, и҆ ра́доватися ́є҆мꙋ̀ съ тре́петомъ. Сія̑ прⷭ҇нѡ дꙋше́ю сокрꙋше́нною разсꙋжда́юще, и҆ въ трезвѣ́ніи срⷣца ѹ҆праждня́ющеся дѣ́лы поле́зными, ѹ҆пова́емъ: ꙗ҆́кѡ бꙋ́демъ млⷭ҇ть гдⷭ҇ня л. к҃г съ на́ми. Ѻ҆́нъ бо ́є҆́сть дѣ́йствꙋяй въ на́съ, и҆ ́є҆́же хотѣ́ти, и҆ ́є҆́же твори́ти пол́є́зная.