Ѡ҆ любвѝ чл҃вѣ́ческой къ бг҃ꙋ.

[1] И҆́же храни́тъ за́пѡвѣди, соблюда́етъ свою̀ дꙋ́шꙋ, а҆ нерадя́й ѡ҆ свои́хъ пꙋте́хъ, поги́бнетъ. [2] Сꙋ́ть бо, ꙗ҆́коже и҆ пре́жде рѣ́хомъ, пꙋтіѐ мно́ги, пра́вы сꙋ́ще мꙋ́жꙋ, послѣ́дняя же ́є҆гѡ̀ зрят во дно̀ а҆́да, тогѡ̀ ра́ди мно́гꙋю подоба́ет бо́дрость взыска́ти, во мно́гой да пребꙋ́демъ тре́звости, да не ка́кѡ мня́ще до́брѣ ше́ствовати въ де́брь низри́немся ѻ҆́гненнꙋю. Ꙗ҆́коже бо не съ толи́кимъ ѡ҆пасе́ніемъ мы̀ ѿ та́тей блюде́мся, съ толи́кою бо́дростію сі́и назира́ютъ на́съ, та́кѡ и҆ діа́волъ непреста́ннѡ назира́етъ на́съ, ло́витъ [3] и҆ прелща́етъ: бо́дръ сы́й на бѣдꙋ̀ на́шꙋ. Трезви́мся ѹ҆́бѡ и҆ мы̀, л. к҃и такова́го сꙋпоста́та и҆мꙋ́ще, не дре́млемъ про́чее, и҆ не рце́мъ в̾ себѣ̀: ѿ сегѡ̀ ничто́же, ѿ тогѡ̀ ничто́же, ѿню́дꙋже бо не ча́емъ, мно́гажды ѡ҆кра́дени быва́емъ: и҆ ѿню́дꙋже не надѣ́емся, погиба́ем. Вся̑ смотрим ѡ҆па́снѡ, и҆ не борзи́мъ, ꙗ҆́коже и҆ піа́вица ѻ҆́ная, а҆́ще и҆ неско́рое ше́ствіе и҆́мать, пра́вое же, тѣ́мъ и҆ на бре́гъ достиза́етъ безбѣ́днѡ. Себѣ̀ ѹ҆́бѡ подоба́етъ внима́ти, и҆ хожде́нію. да нижѐ на де́снѡ, нижѐ на лѣ́вѡ бꙋ́детъ ше́ствіе на́ше, и҆ ничто́же и҆зли́шше твори́мъ, па́че повелѣ́нных ѿ гдⷭ҇а, да не к̾ на́мъ бꙋ́детъ рече́но.[4] Разори́сте за́повѣдь бж҃ію за преда́ніе ва́ше,[5] и҆ всꙋ́е чтꙋ́тъ мя̀, ѹ҆ча́ще ѹ҆че́ній за́пѡвѣдей человѣ́ческихъ. л. к҃и ѡ҆б.[6] Мно́зи бо ѿ чл҃къ [ꙗ҆́коже гл҃етъ васі́лій вели́кій] ѡ҆ за́пѡвѣдех сп҃совых ꙗ҆́вѣ не радя́тъ: преда́нію же чл҃ческомꙋ повинꙋ́ются ѕѣлѡ̀: ́є҆́же бо в̾ гора́хъ жи́ти и҆ пꙋсты́нях и҆ проч: на землѝ лега́ти, и҆ бѣ́гати мно́гія бесѣ́ды, преда́ніе ́є҆́сть ст҃ы́хъ мꙋже́й до́брѣ ѹ҆мы́шленнѡ, но до́лжни сꙋ́ть сія̑ творя́щіи, пре́жде храни́ти за́пѡвѣди гдⷭ҇ни.

[7] Лꙋ́чше мню̀ бы́ти, ́є҆́же бл҃года́тнѣ просты́хъ бра́ш́єнъ причаща́тися, и҆ по си́лѣ по́стничество ѹ҆мѣ́рити себѣ̀, не́жели чл҃вѣ́ческихъ преда́ній [8] держа́тися, не радѣ́ти же ѡ҆ за́пѡвѣдехъ гдⷭ҇нихъ. занѐ вѣ́мъ воздержа́ніе и҆ бѣ́си и҆згоня́ющее, ́є҆гда̀ и҆́мать ѻ҆снова́ніе за́пѡвѣдей гдⷭ҇них. л. к҃ѳ до здѣ̀ васі́лій. До́брѣ ѹ҆́бѡ, и҆ премꙋ́дрѣ въ кни́жицахъ бꙋква́рь ꙗ҆зы́ка славе́нскагѡ, рече́нныхъ, декало́гъ[9] за́пѡвѣдей гдⷭ҇нихъ, к̾ наꙋче́нію ѻ҆троча́тем ѹ҆ста́влено ́є҆́сть, да сі́и ѿ младых ногте́й навыка́ютъ во́лю и҆спо́лняти гдⷭ҇ню. ́є҆́же ́є҆́сть бо́лѣе всѣ́хъ всесожже́ній и҆ ж́є́ртвъ,[10] сія́ же вся̑, не честѝ то́кмѡ, но и҆ твори́ти, и҆ и҆сполня́ти цѣ́ло, навы́кше, со вре́менемъ и҆ лѣ́ты, къ про́чіимъ добродѣ́тел́єм ѹ҆до́бь простира́тися мо́гꙋтъ, а҆ пре́жде всегѡ̀ да навыка́ютъ сі́и люби́ти гдⷭ҇а, и҆ люби́ти бли́жняго, [11] и҆сполне́ніе бо, и҆ нача́ло зако́нꙋ любо́вь ́є҆́сть, и҆ союз соверше́нства, любо́вь нелицемѣ́рна ко всѣ́мъ. Без̾ кото́рой л. к҃ѳ ѡ҆б. ни по́стъ, ни мл҃тва, ни стра́нныхъ въ до́мъ прія́тіе, ни млⷭ҇тыня, по́льзовати мо́гꙋтъ, и҆ а҆́ще бы [12] прⷪ҇ро́чества да́ръ кто̀ и҆мѣ́лъ, съ бѣ́сы ѡ҆сꙋ́дится, ꙗ҆́кѡ во́ли гдⷭ҇ней проти́вникъ.