Ѡ҆ подчине́ніи вла́сти.

Положи́вый зе́млю ни́зꙋ, нб҃о же горѣ̀, ѡ҆поя́савый зе́млю вода́ми, и҆ вся̀ в̾ свое́мъ ѹ҆стро́ивый чи́нѣ, то́й и҆ вла́сти ѹ҆стро́илъ ́є҆́сть [1] сꙋ́щыя, речѐ а҆пⷭ҇лъ, вла́сти ѿ бг҃а ѹ҆чине́ни сꙋ́тъ. тѣ́мже вла́сти проти́вящійся, бж҃ію повелѣ́нію противля́ется. и҆ да вѣ́сть таковы́й ꙗ҆́кѡ не косни́тъ гнѣ́въ бж҃ій на сы́ны непокори́выя, ꙗ҆́коже и҆ногда̀ на [2] А҆віро́на и҆ Даѳа́на, и҆̀хже живы́хъ земля̀ пожрѐ, и҆ до́мы и҆́хъ, и҆ скоты̀ и҆́хъ, и҆ снидо́ша и҆ сі́и, и҆ вся̑ ́є҆ли́кѡ бя́ше и҆́хъ, жи́вы во а҆́дъ. Не то́кмѡ же бж҃ію повелѣ́нію, но и҆ ́є҆сте́ственнымъ, и҆ наро́днымъ ѹ҆ста́вомъ проти́венъ, и҆ несогла́сенъ ́є҆́сть л. м҃д таковы́й. Поне́же бо ра́венство че́сти, а҆́ще не всегда̀, ѻ҆ба́че ча́стѡ бра́нь воздвиза́етъ, нꙋ́жда бы́сть: да повинове́ніе ѻ҆́во по ́є҆стествꙋ̀, ѻ҆́во по разꙋ́мномꙋ ѹ҆строе́нію бꙋ́дет. та́кѡ сн҃ъ ѻ҆ц҃ꙋ̀, ю҆́ный старѣ́йшемꙋ. жена̀ мꙋ́жꙋ, ѹ҆чн҃къ ѹ҆чи́телеви, слꙋга̀ влⷣцѣ подчиня́ется. та́яжде ви́дим и҆ в̾ безслове́сныхъ, в̾ пчелѣ́хъ, жора́віихъ, и҆ в̾ про́чіихъ ско́тіихъ ста́дѣхъ, ры́бы сꙋ́ть весма̀ безразꙋ́мни, но и҆ та́мѡ чи́нъ нача́лствія ѹ҆зри́ши, ѿкꙋ́дꙋ и҆̀мъ чи́нъ се́й; а҆́ще не ѿ ́є҆стества̀, а҆́ще не ѿ бг҃а, рцы́ ми. ѹ҆́бѡ не то́кмѡ, ꙗ҆́кѡ а҆́ще сопротивля́ешися вла́сти: ве́лія ѕла́я и҆ ѿ бг҃а, и҆ ѿ власте́й, и҆ ѿ чл҃къ приѡбря́щеши себѣ̀: но ꙗ҆́кѡ л. м҃д ѡ҆б. властели́нь превели́ких бл҃годѣ́телство тебѣ̀ вино́ю быва́етъ, повинова́тися до́лженъ ́є҆сѝ. си́це бо вездѣ̀ ми́рнѡ поживе́ши: си́це коры́сти твоя̀ никто́же разглабля́етъ, и҆ ѡ҆би́дящаго стяза́ти мо́жеши. Что́ же и҆счисля́ти по ́є҆ди́номъ, безчи́сл́єнная на́мъ бл҃га́я властмѝ быва́ютъ. а҆ и҆зя́ты си́мъ сꙋ́щым, вся̑ поги́бнꙋтъ. и҆ нижѐ гра́ды, ни страны̀, ни се́ла, ни до́мъ, ни пꙋтіѐ, ни и҆́но что̀ возмо́жетъ постоя́ти безбѣ́дно. Но вся̑ превратя́тся: си́лнѣйшым немощнѣ́йших пожира́ющымъ. та́кѡ без̾ па́стыря во́лкъ расхи́титъ ѻ҆́вцы. та́кѡ без̾ во́жда погиба́етъ во́инство. и҆ кора́бль разбива́ется без̾ навкли́ра. Но ѹ҆жѐ мню̀, вѣ́си: ко́ль ѕло̀ ́є҆́сть л. м҃́є безнача́ліе: возмꙋще́нію бо ́є҆́сть вина̀, и҆ все́й бѣдѣ̀ две́ри. но и҆ сіѐ вѣ́ждь ꙗ҆́кѡ ра́вное ѕло̀, па́че же и҆ бо́лшее, ́є҆́же не повинова́тися власт́є́мъ.

Є҆гда́ же ѕо́лъ бꙋ́детъ властели́нъ, повине́мся ли; ѕо́лъ же ка́кѡ; а҆́ще [3] вѣ́ры ра́ди, бѣ́гай ́є҆го̀, и҆ ѿрица́йся: не то́чію а҆́ще чл҃къ бы бы́лъ ѻ҆́нъ, но а҆́ще бы и҆ а҆́гг҃ль съ нб҃сѐ[4] соше́дый. А҆́ще же ли житія̀ ра́ди, не[5] и҆спытꙋ́й, и҆́бо бг҃ъ ѹ҆зако́нилъ ́є҆́сть вла́сти, и҆ лю́тъ ́є҆́сть мꙋчи́тель[6] преѡби́дящымъ и҆́хъ. къ томꙋ̀, не таково́ю ли бо мꙋ́кою и҆стя́жетъ тя̀, но и҆ ѕѣлѡ̀ преве́ліею[?] не послꙋ́шающаго. и҆ никто́же тя̀ и҆́зметъ сопротивля́ющагося, сопротивля́ющіи бо л. м҃́є ѡ҆б.[7] себѣ̀ ѡ҆сꙋжде́ніе пріи́мꙋтъ. (рим. г҃. ів҃ [?] тамже вы́шше) тѣ́мъ а҆́ще и҆ а҆пⷭ҇лъ ́є҆сѝ, а҆́ще и҆ бл҃говѣ́стникъ, а҆́ще прⷪ҇ро́къ, а҆́ще кто́либо, вла́сти подлежи́ши, вся́ка бо (глаго́летъ а҆пⷭ҇лъ) дꙋша̀ власте́мъ предлежа́щымъ повинꙋ́ется. (рим. г҃і. д҃.)