Ѡ҆ властели́нахъ лꙋка́выхъ.[1]

А҆́зъ пріимꙋ̀ вы̀, и҆ бꙋ́дꙋ ва́мъ во ѻ҆ц҃а̀, и҆ вы̀ бꙋ́дете мнѣ̀ въ сы́ны и҆ дще́ри, (в҃ кор ѕ҃ сх и҃і) та́ко люби́телнѣ гдⷭ҇ь къ на́мъ, а҆́ще во́лю ́є҆гѡ̀ соблюда́емъ, гл҃ати ѡ҆бы́клъ ́є҆́сть. а҆́ще же престꙋ́пницы ꙗ҆ви́мся преⷣ ни́мъ, съ коли́кою ꙗ҆́ростію возгреми́тъ къ на́мъ, слы́шим: бꙋ́дꙋ и҆̀мъ панѳи́ръ, (і҆осі́а глⷡ҇а гі҃. сх з҃. и҃.) и҆ ꙗ҆́кѡ ры́сь на пꙋтѝ А҆ссирі́йстѣмъ, и҆ сря́щꙋ и҆́хъ ꙗ҆́кѡ медвѣ́дь раздраже́нъ, и҆ разрꙋшꙋ̀ соключе́ніе серде́цъ и҆́хъ. Се́ же ли коне́цъ гнѣ́вꙋ ́є҆гѡ̀. Никако́е ѡ҆бѣща́етъ бо и҆ властели́ны да́ти таковы̀, да погꙋбля́ютъ и҆ расточа́ютъ на́съ. (там. сх. а҃і) да́мъ (речѐ) цр҃я̀ во гнѣ́вѣ мое́мъ, и҆ ѹ҆держꙋ̀ ́є҆го̀ въ ꙗ҆́рости мое́й. поне́же бо повинꙋ́емся ́є҆мꙋ̀ ꙗ҆́кѡ ѻ҆ц҃ꙋ̀ любо́вномꙋ, а҆́ки ѕвѣ́рю лю́тꙋ повине́мся и҆ нехотя́щіи. Є҆гда̀ не хо́щемъ и҆мѣ́ти себѣ̀ ́є҆го̀ въ гдⷭ҇а, предае́тъ на́мъ ѕлых, непрвⷣныхъ безꙋ́мныхъ, лꙋка́выхъ, граби́телей, пирова́телей, кощꙋ́новъ, піа́нливых, безчеловѣ́чных, не млⷭ҇рдых,[2] бг҃а и҆ стра́хъ ́є҆гѡ презира́ющых, да ѡ҆блада́ютъ на́ми ті́и. И҆ ѹ҆жѐ повине́мся лꙋка́вым чл҃кѡмъ, занѐ бл҃га́го влⷣкꙋ и҆ творца̀ презира́емъ. Не разꙋмѣва́емся въ чⷭ҇ти[3] л. м҃ѕ ѡ҆б. на́шей, тѣ́мъ и҆ гдⷭ҇ь властели́на подава́етъ такова́го: да нижѐ ѡ҆ на́съ что̀ ѻ҆́нъ помышля́етъ че́стнѡ, и҆ вели́кѡ. подава́етъ такова́го, и҆́же [4] не вѣ́сть чⷭ҇ть возложи́ти мꙋ́ж́ємъ, и҆ ѹ҆диви́тися лицꙋ̀ и҆́хъ, но вся̑ влечет к̾ себѣ̀, вся̑ привраща́етъ к̾ коры́сти свое́й, и҆ хотѣ́нію своемꙋ̀ покаря́етъ вся̑. та́кѡ бо наказꙋ́етъ гдⷭ҇ь лю́ди [5] своя̀: ́є҆гда̀ и҆з̾я́вши мꙋ́жа разꙋ́мна, смотрели́ва, бл҃госты́нна, крѣ́пка, премꙋ́дра, и҆ и҆скꙋ́сна, ѡ҆бѣщева́етъ рꙋга́теля, и҆ ю҆́ношꙋ пода́ти властели́на, и҆ поста́влю (речѐ) ю҆́ношꙋ кня́зя и҆̀мъ, и҆ рꙋга́тели по ѻ҆блада́ют [6] и҆́ми. В̾ рꙋцѣ́ бо гдⷭ҇ней вла́сть землѝ, и҆ подо́бнаго воздви́гнетъ во вре́мя [7] на не́й. Кто́ же возмни́тъ гдⷭ҇а л. м҃з ѕлотвори́ти, и҆́же сотворѝ зе́млю; Тебѣ̀ ѹ҆́бѡ го́ре страно̀, го́ре тебѣ̀[8] гра́де, въ не́мже цр҃ь тво́й ю҆́нъ, не лѣ́ты и҆ не ѕло́біемъ, но ра́зꙋмом ю҆́нъ, нра́вомъ, сло́вомъ, дѣ́ломъ, и҆ совѣ́томъ, неискꙋ́сенъ къ до́бромꙋ, и҆ малорадя́щъ ѡ҆ добрѣ̀ ѻ҆́бщемъ Но[9] ꙗ҆́коже Ровоа́мъ сра́слныхъ себѣ̀, ласка́телей и҆ кощꙋ́нѡвъ и҆́мать совѣ́тникѡвъ.

Зрим ча́стѡ дѣте́й, а҆́ще и҆ ѻ҆ц҃ъ, и҆лѝ мт҃рь, и҆лѝ и҆́нъ кто̀ ѿ бли́жних ме́ртвъ ко гро́бꙋ несо́мь быва́етъ: ѻ҆нѝ смѣю́тся, и҆гра́ютъ, и҆ на же́зліихъ кѡ́нѣхъ ѣ҆́здятъ. Безꙋ́мным властели́нѡмъ а҆́ще и҆ нꙋ́жда ѻ҆́бщая, и҆лѝ наро́дная ско́рбь, и҆лѝ ка́знь виси́тъ гдⷭ҇ня, и҆̀мъ вся́кое вре́мя, и҆гра́ти, л. м҃з ѡ҆б. твори́ти лови́твы, составля́ти пи́ршества, ли́ки, и҆ и҆́ная ѹ҆тѣш́є́нія пра́здная ѹ҆до́бь ́є҆́сть. А҆́ще тогда̀, ́є҆гда̀ и҆̀хъ таковы́хъ ѡ҆бря́щꙋтъ бѣ́дніи, ѹ҆бо́гіи, ѡ҆тягче́нніи непреста́нною рабо́тою, и҆ мори́міи гла́дом, млⷭ҇ти и҆ ѹ҆мале́нія трꙋдѡ́въ про́сятъ, ѻ҆нѝ рꙋга́ются, и҆ и҆гра́лища а҆́ки дѣ́ти творя́тъ, не сматря́юще [10] ꙗ҆́кѡ всѝ чл҃цы сꙋ́ть. и҆ цр҃ь дне́сь, а҆ ѹ҆́тром ѹ҆́мретъ, и҆ наслѣ́дятъ ́є҆го̀ и҆ га́ди, и҆ ѕвѣ́ри, и҆ че́рвіе.

Претерпѣ́ти ѹ҆́бѡ до́лжно ́є҆́сть [11] таково́е наказа́ніе гдⷭ҇не, то́йже ви́дя и҆справле́ніе на́ше, и҆ свѣ́дый и҆́хъ дѣла̀, ѹ҆гаси́тъ нечести́выя, и҆ посади́тъ смире́нныя въ и҆́хъ мѣ́сто.