Ѡ҆ наказа́ніи ю҆́нымъ поле́зномъ.

Собира́ющіи ча́дѡмъ и҆мѣ́нія, а҆ ѡ҆ наказа́ніи и҆́хъ нерадя́щіи, подо́бное нѣ́что творят, ко́рмных на ста́йнѣ кѡ́ней и҆мꙋ́щымъ, и҆̀хже къ чи́нномꙋ ꙗ҆жде́нію и҆ ѹ҆потребле́нію во́инскомꙋ не ѹ҆потребля́юще, ѡ҆ ́є҆ди́ном то́кмѡ промышля́ютъ ко́рмꙋ и҆́хъ, и҆ та́кѡ тꙋ́чных ѹ҆́бѡ и҆́мꙋтъ кѡ́ней, но к̾ дѣ́лꙋ л. н҃ ѡ҆б. и҆ ѹ҆потребле́нію ѹ҆до́бныхъ не и҆мѣ́ют Рꙋга́нія, па́че же мно́гихъ сле́зъ досто́йный блꙋ́дъ, и҆ погрѣше́ніе сіѐ въ роди́телехъ ви́димъ, кото́ріи ни́вы, поля̀, и҆ стяжа́нія мнѡ́гая собира́ютъ ча́дѡмъ свои́мъ, а҆ ѡ҆ наказа́ніи и҆́хъ, да в̾ добродѣ́телех и҆мѣ́ти бꙋ́дꙋтъ и҆скꙋ́сство, нижѐ помышля́ют. Си́це бога́тыя и҆́мꙋтъ ча́да своя̀: но ко всемꙋ̀ бл҃го́мꙋ не и҆скꙋ́сных. И҆спо́лненныя ѡ҆ставля́ть[1] сокрѡ́вища: дѣ́т́ємъ пра́зднымъ вся́кія похвалы̀. Драгі́я бꙋ́дꙋтъ и҆мѣ́нія, но и҆мꙋ́щіи сꙋ́етны, тщы̀ и҆ презрѣ́нны в̾ лю́дех, ́є҆гда̀ подоба́ше да владꙋ́щіи мно́гѡ, мно́жае честнѣ́йшіи бꙋ́дꙋтъ, и҆ па́че зла́та въ совѣ́тѣхъ могꙋ́щіи. Бѣ́днѡ л. н҃а сіѐ, и҆ вся́кꙋ бѣдꙋ̀ преше́дшее, ́є҆́же наслѣ́дника, и҆ рѣ́хъ бы плѣ́нника и҆мѣ́ніямъ ѡ҆ста́вити ненака́занна. Свобо́дна ѹ҆́бѡ, и҆ мнѡ́гим и҆мѣ́ніям влⷣкꙋ се́й ѡ҆ставля́етъ сы́на своего̀, ́є҆го́же нака́занна ѡ҆ста́вилъ ́є҆́сть по себѣ̀. А҆́ще и҆ ма́лое наслѣ́діе да́стъ ́є҆мꙋ̀, мнѡ́га ѡ҆ба́че дарова́лъ ́є҆́сть. Па́че же и҆ себѣ̀ бл҃годѣя́ніе сотворя́етъ сицевы́й. Ѹ҆слы́шимъ, ка́кѡ такѡва́я сокрѡ́вища ча́дѡмъ свои́мъ, сниска́вших ѹ҆блажа́етъ І҆исꙋ́съ Сіра́хоⷡ҇: Ѹ҆ча́й (речѐ) сы́на своего̀ возревни́тъ [2] врага̀, и҆ пред̾ дрꙋ́ги свои́ми возра́дꙋется. Ѹ҆́мретъ ѻ҆́нъ ́є҆мꙋ̀, и҆ ꙗ҆́кѡ не ѹ҆́мре: подо́бна бо себѣ̀, ѡ҆ста́ви по себѣ̀ в̾ животѣ̀ свое́мъ ви́дѣвъ и҆̀, и҆ возвесели́ся, и҆ на ѹ҆мре́тіи свое́мъ л. н҃а ѡ҆б. [3] не ѡ҆скорби́ся. (ѕ҃.) Проти́вꙋ врагѡ́мъ ѡ҆ста́ви ме́стника, и҆ дрꙋгѡ́мъ воздаю́ща бл҃года́ть.

Ко́е ѹ҆́бѡ, и҆ въ кі́ихъ страна́хъ, семꙋ̀ ра́вное бога́тство взы́щемъ; что̀ то́ль бл҃го́е, и҆ то́ль поле́зное кто̀ возмо́жетъ ѿче́ствꙋ сниска́ти; Что́ же себѣ̀ любе́знѣе ꙗ҆́кѡ вся́кими добродѣ́телми крася́щася зрѣ́ти сн҃а. Болѣ́зненна же ве́щь ́є҆́сть, и҆ вся̀ болѣ́зни превосходя́щая болѣ́знь: ́є҆гда̀ ко бога́тствамъ ѿческимъ, приꙋмно́жить наслѣ́дникъ число̀ ѕлѡ́бъ свои́хъ.

И҆ зрѝ ѡ҆кая́нство, па́че же заблꙋжде́ніе чл҃ческое: Сказꙋ́емъ, ꙗ҆́кѡ подъ таковы́мъ зна́меніемъ нбⷭ҇нымъ, под̾ таковꙋ́ю си́лꙋ и҆мꙋ́щею плане́тою роди́лся ́є҆́сть. Но гдѣ̀ нн҃ѣ ра́зꙋмъ хрⷭ҇тіа́нскій; гдѣ̀ свидѣ́тельство тогѡ̀, (сірах. ́є҃і. сх. д҃і. сх. ѕ҃і) и҆́же и҆спе́рва созда̀ чл҃вѣ́ка, и҆ да́стъ ́є҆мꙋ̀ въ рꙋ́цѣ и҆зволе́ніе ́є҆гѡ̀, ́є҆́же речѐ: предложи́хъ тѝ ѻ҆́гнь и҆ во́дꙋ, и҆ на не́же хо́щеши, простре́ши рꙋ́кꙋ твою̀. Ѡ҆ста́вити ѹ҆́бѡ таково́е мнѣ́ніе гꙋби́телное, и҆ вѣ́дати сіѐ ѹ҆мꙋ̀ надлежи́тъ правосла́вномрⷣствꙋющемꙋ: (тамже сх. з҃і.) ꙗ҆́кѡ прⷣе чл҃кѡмъ живо́тъ и҆ сме́рть, и҆ ́є҆́же а҆́ще и҆зво́литъ да́стся ́є҆мꙋ̀. Сли́шимъ к̾ томꙋ̀ ка́кѡ таковы́хъ заблꙋжде́ній держа́щихся ѹ҆вѣщава́етъ І҆еремі́а Прⷪ҇ро́къ: (глⷡ҇. і҃. с҃. в҃.) По пꙋтѝ ꙗ҆зы́къ немози́те ѹ҆чи́тися, и҆ ѿ зна́меній нбⷭ҇ныхъ немози́те страши́тися, и҆́хже страша́тся ꙗ҆зы́цы. Ѿве́рземъ блꙋ́дъ се́й, небꙋ́демъ[4] л. н҃в ѡ҆б. несмы́сленни ꙗ҆́коже Гала́ты! а҆ не Па́ѵелъ А҆пⷭ҇лъ и҆ на́съ ѡ҆бличи́тъ ѡ҆ сꙋ́етномъ мꙋдрова́ніи се́мъ гл҃я: [5] Ка́кѡ возвраща́етеся па́ки на немощны́я, и҆ хꙋды́я стіхі́и, и҆́мже па́ки сматря́ете и҆ мцⷭ҇а, и҆ времена̀, и҆ лѣ́та, Ѿ са́мых бо пеле́нъ растꙋ́щій, нижѐ ѕо́лъ, нижѐ до́бръ ́є҆́сть, но ꙗ҆́коже рече́ній ꙗ҆зы́ка и҆ наро́да присꙋ́тственнагѡ, та́кѡ и҆ нра́вѡмъ ѡ҆бꙋча́ется сора́стныхъ, а҆ ꙗ҆́коже и҆норо́дномꙋ ꙗ҆зы́кꙋ, си́це и҆ нра́вѡмъ и҆ны́мъ и҆лѝ ѿ ѹ҆чи́телей, и҆лѝ ѿ све́рстных свои́хъ ѡ҆бꙋча́емся. Ва́съ ра́ди ю҆нѣ́йшіи бесѣ́да сія̀: не рцы́те ꙗ҆́кѡ таковы̀ роди́хомся. Пре́лесть сѐ, и҆ совѣ́тъ ѿ лꙋка́вагѡ. А҆́ще и҆́стиннѡ лю́бите ро́ждьшія ва́съ, а҆́ще хо́щете; л. н҃г да возвеселя́тся ѡ҆ ва́съ, и҆ похва́лятся ва́ми ті́и. А҆́ще жела́ете да не ѹ҆га́снет, но па́че ѹ҆мно́жит свѣ́тъ сво́й ѿ мно́гихъ лѣ́тъ возсія́вшая сла́ва ва́ша: пріими́те пре́жде подая́нія наказа́ніе, и҆ терпѣли́вни пребꙋ́дете в̾ трꙋдѣ̀ ́є҆гѡ̀. Вѣ́мы, ꙗ҆́кѡ при́кра ́є҆́сть со́ль, но гни́ти возбраня́етъ, же́стокъ ́є҆́сть ѻ҆́гнь, но ѡ҆чища́етъ зла́то. Лѣ́пъ ́є҆́сть и҆ бл҃гозра́ченъ ши́покъ, доне́лѣже не и҆сто́рженъ ́є҆́сть ѿ те́рнія.

Не внима́йте слѣпо́й любвѝ ро́ждших ва́съ, па́че же и҆ ѹ҆бо́йтеся ѿ ѻ҆бою̀ странꙋ̀ бѣды̀ неѿло́жныя. Прости́те мѝ ѻ҆ц҃ы̀ ꙗ҆̀же ѿ ѹ҆се́рдія, а҆ не ѿ де́рзости произнесо́хъ здѣ̀. И҆́мате вы̀ писа́нія, поꙋча́ющая ва́съ л. н҃г ѡ҆б. и҆ послꙋ́шаим кꙋ́пнѡ, что̀ к̾ ва́мъ гл҃етъ[6] І҆исꙋ́съ Сіра́ховъ: Ко́нь ненаꙋче́нъ сверѣ́пѡ и҆́детъ, и҆ сн҃ъ самово́лный блꙋдни́къ бꙋ́детъ. Накажѝ (речѐ) ча́до, и҆ ѹ҆диви́тъ тя̀, и҆гра́яй съ ни́мъ, и҆ сотвори́тъ тебѣ̀ пла́чь. Не смѣ́йся съ ни́мъ, да не поболи́ши ѡ҆ не́мъ, и҆ напослѣ́докъ сот\и[?]не́ши си зꙋ́бы. Вѣ́сте сія̑, и҆ мнѡ́жайшая вѣ́сте са́ми, и҆ без̾ наꙋче́нія ю҆́ныхъ. Ѻ҆ба́че же терпи́мъ бряца́нія зво́нѡⷡ҇, . мно́жицею же и҆ прія́тнѣ на́мъ ́є҆́сть въ цр҃ковь со́браннымъ па́че, не́жели на ѻ҆дрѣ̀ лежа́щымъ.

Къ ю҆нѣ́йшымъ па́ки ѡ҆браща́ю сло́во моѐ: зна́йте себѐ, зна́йте лѣ́та ва́ша, не погꙋбля́йте всꙋ́е безцѣ́ннагѡ вре́мене цвѣтꙋ́щія ю҆́ности л. н҃д ва́шея. Возлюби́те, (сіе́ же мно́жицею рѣ́хъ ва́мъ, и҆ па́ки рекꙋ̀: возлюби́те) ꙗ҆́коже люби́ти подоба́етъ, [7] ро́ждшихъ ва́съ, и҆зми́те и҆̀хъ ѿ мꙋ́къ безконе́чныхъ;занѐ до́лжни сꙋ́ть и҆ ѡ҆ ва́съ сло́во возда́ти. Возвесели́те и҆̀хъ, пребꙋ́дите въ наказа́ніи, и҆ бꙋ́дите а҆́ки зла́то че́стно и҆скꙋше́нно ѻ҆гне́мъ. Вѣ́мы, ꙗ҆́кѡ вся́кагѡ[8] во́зраста ѹ҆чи́лище пріе́млетъ, притрꙋ́днѡ же и҆ со мно́жайшею печа́лію та́мѡ бꙋ́детъ и҆збра́нный насади́ти зла́къ, и҆дѣ́же волчцы̀, и҆ и҆но́е пра́здное ѕе́ліе прозябло̀ ́є҆́сть, ю҆́ность же и҆ ѻ҆́троческій вѣ́къ, всѣ́хъ си́хъ чи́стъ ́є҆́сть. Ѹ҆до́бнѣе ѹ҆́бѡ чесомꙋ́ ли бо и҆зꙋча́емся, и҆ многолѣ́тнѣ въ ѻ҆́трочествѣ л. н҃д ѡ҆б. и҆з̾ꙋче́нная сохраня́етъ па́мять. Препя́тіемъ (рече́те) сꙋ́ть ва́мъ ѻ҆ч҃еская во́ля, и҆ во́ля гдⷭ҇ня: ѿвѣщева́ю ѡ҆ пе́рвомъ сꙋмни́телнѣ, ѡ҆ второ́мъ же и҆звѣ́стнѡ, ꙗ҆́кѡ ло́жь ́є҆́сть и҆звѣ́тъ таковы́й, всѣ́мъ бо Гдⷭ҇ь хо́щетъ спасти́ся, и҆ в̾ ра́зꙋмъ и҆́стинный пріитѝ, а҆́ще же ѡ҆ роди́тел́єхъ нѣ́кіихъ быва́етъ и҆́стина, и҆̀же па́че ѡ҆ мно́жествѣ зла́та, и҆ числѣ̀ пекꙋ́тся сребра̀, не́жели, ка́кѡ бы сы́нъ и҆́хъ добродѣ́телми ѡ҆богаще́нъ бы́лъ, промышля́ютъ, та́цы са́ми сꙋ́ть своея̀ бѣды̀ вино́вни, ́є҆гда̀ порꙋ́гани ѿ дѣте́й быва́ютъ. Мно́жицею же и҆ ѡ҆глаго́лꙋютъ ча́да своя̀, сказꙋ́юще и҆̀хъ неповинꙋ́ющихся, и҆ стро́потных л. н҃́є бы́ти. Забыва́ютъ же сіѐ: ꙗ҆́кѡ не и҆мѣ́яхꙋ попече́нія и҆ подоба́ющія бо́дрости ѡ҆ воспита́ніи ча́дъ, и҆зли́шнее послабле́ніе и҆ ласка́телство тѣ́мъ ꙗ҆вля́ющи в̾ ю҆́ности и҆́хъ: ́є҆́же ́є҆́сть нело́жное предсказа́ніе неповинове́нія, и҆ жестоты̀ к̾ роди́тел́ємъ. Ѿ такова́гѡ же сѣ́мене ѡ҆бы́чнѣ се́й ражда́ется пло́дъ. И҆ ѹ҆жѐ сѣ́ющіи ра́достію со слеза́ми пожина́ютъ. И҆ зрѝ Бж҃іе смотре́ніе здѣ̀, ве́щь ѹ҆́жаса и҆спо́лненна! мно́зи сꙋ́ть человѣ́че́стіи на землѝ неказни́міи ѿ гдⷭ҇а грѣсѝ, но ка́знь и҆́хъ соблюда́ется на ѻ҆́нъ де́нь. Роди́телей же, за неѻбы́чное и҆́хъ къ ча́дѡмъ ѡ҆слабле́ніе, за безнаказа́нія простра́нное воспита́ніе л. н҃́є ѡ҆б. и҆ за поблаже́ніе поползнове́ній, Бг҃ъ ́є҆щѐ въ жи́зни се́й, что́ же горча́е, а҆́ки ѡ҆предѣ́лныхъ мꙋчи́телей ѹ҆потреби́въ самы́хъ дѣте́й, мꙋ́чити начина́етъ.

Да не мни́тъ кто̀ менѐ ѡ҆правда́ющаго ча́дъ безстꙋ́дных и҆ ме́рзскихъ, но соболѣ́знꙋю роди́телей тщетѣ̀ невозвра́тной, кото́рые помышля́юще да ѹ҆покое́ніе ѿ ни́хъ бꙋ́дꙋтъ и҆мѣ́ти на ста́рость, ѹ҆жѐ пред̾ ѕло́бою ча́дъ ни мѣ́ста ми́рнагѡ и҆зыска́ти мо́гꙋтъ. Всемꙋ́ же семꙋ̀ пе́рвая, и҆ послѣ́дняя вина̀ послабле́ніе в̾ ю҆́ности, ́є҆гда̀ мо́щнѡ бя́ше ко вся́комꙋ преклони́ти повинове́нію. И҆ нижѐ здѣ̀ ѡ҆правда́ю ва́съ, и҆̀же ́є҆стѐ неповинꙋ́ющіися роди́тел́ємъ. л. н҃ѕ Назна́менꙋйте себѣ̀ на челѣ́хъ ва́ших на срⷣца́хъ ва́шихъ сіѐ: ́є҆ли́жды ло́бжетъ ва́съ ма́ти ва́ша, ́є҆ли́жды по то́мъ ѹ҆сꙋгꙋ́битъ кля́твы своя̀, ́є҆ли́жды к̾ ва́мъ возсмѣе́тся ро́ждшій ва́съ, ́є҆ли́жды постене́тъ и҆ поскреже́щетъ зꙋбы̀ свои́ми, а҆́ще не взы́щете наказа́нія пре́жде и҆ не пребꙋ́дете к̾ ним терпѣли́вни, ѡ҆богатѣ́юще во вся́ко дѣ́ло бл҃го́е. Ѽ а҆́ще бы ма́тери помышля́ли ѡ҆ се́мъ, коли́кихъ на́съ, безчи́нною любо́вію свое́ю бл҃гъ лиша́ютъ! и҆ что̀ всѣва́ютъ в̾ срⷣца̀ на́ша: наꙋчи́лися бы. и҆ ѹ҆держа́лися ѿ и҆зли́шества такова́гѡ, сокрыва́ли бы таковꙋ́ю стра́сть свою̀, да а҆́ще и҆ лю́бятъ на́съ, (лꙋ́чше гл҃ати бы пристраща́ются къ на́мъ,) л. н҃ѕ ѡ҆б. поле́знѡ бы на́мъ бы́ло, а҆́ще бы къ на́мъ и҆́хъ толи́кое возгорѣ́ніе безвѣ́стно бы́ло; мнѡ́гимъ бо и҆ ѕѣлѡ̀ мнѡ́гим ́є҆́сть сіѐ вино́вно поги́бели. Ѽ ко́ль мно́жайшіи воздыха́ютъ [9] с̾ во́племъ: го́ре мнѣ̀ ма́ти моя̀, вскꙋ́ю родила́ мя ́є҆сѝ мꙋ́жа смꙋти́теля! Мꙋ́жа развраще́нна по все́й землѝ, не зая́хъ ни зая́тъ ѹ҆ менѐ никто́же, всѝ кленꙋ́тъ мя̀! Ѿкꙋ́дꙋже толи́кая прихо́дит бѣда̀; ѿ неповинове́нія, въ мя́гкихъ бо воспи́танніи, бл҃жи́міи же ѿ ма́терей своих ни комꙋ́же повинꙋ́тися ѹ҆мѣ́ют. па́че же всѣ́ми влады́чествовати хотя́тъ, а҆́ще ни ́є҆ди́наго повинꙋ́ющагося и҆мѣ́ютъ, де́рзки сꙋ́ть и҆ же́стоки, и҆ прⷭ҇нѡ бѣ́дствꙋющіися. л. н҃з Не и҆зꙋчи́ся дще́рь повинꙋ́тися мꙋ́жеви своемꙋ̀, ꙗ҆́же пре́жде, всегда̀ и҆мѣ́яше себѣ̀ повинꙋ́ющꙋюся ма́терь свою̀. Го́рдъ ́є҆́сть сы́нъ ко ѹ҆чи́телеви, и҆́же во все́мъ и҆мѣ́етъ себѣ̀ ѻ҆ц҃а̀ покоре́нна, и҆ та́кѡ ве́сь чи́нъ разоре́нъ ́є҆́сть, вся̑ и҆́дꙋтъ та́мѡ на гѡ́ршая. Ѿ неповинове́нія бо роди́тел́ємъ, ѹ҆чи́тел́ємъ, и҆ комꙋ́ ли бо нача́лномꙋ, ражда́ется сверѣ́пство, ѿ сверѣ́пства ѡ҆жесточе́ніе, ѿ ѡ҆жесточе́нія го́рдость, ѿ го́рдости поги́бель. Сокраще́ннѣ же сія̀ въ при́тчахъ свои́хъ и҆з̾ѡбрази́лъ ́є҆́сть Соломѡ́нъ цр҃ь, глаго́ля: сы́нъ нака́занъ[10] послꙋшли́въ ѻ҆ц҃ꙋ̀, сы́нъ же ѡ҆слꙋшли́въ, поги́бель. л. н҃з ѡ҆б.[11] Ѹ҆цѣломⷣритися ѹ҆́бѡ подоба́етъ и҆ проси́ти ѿ даю́щагѡ премрⷣсть. Взыска́ти наказа́ніе, и҆ пребыва́ти в̾ не́мъ: поꙋча́ющеся въ честны́хъ добродѣ́телех. Ходи́хомъ в̾ во́лях серде́цъ на́шихъ, но ѹ҆жѐ ходи́ти [12] начне́мъ ꙗ҆́коже ча́да свѣ́та, и҆скꙋша́юще: что̀ ́є҆́сть бл҃гоꙋго́днѡ Бг҃ови, не пріѡбща́ющеся дѣлѡ́мъ тмы̀ неподѡ́бным. Проти̑вная же творя́щіи и҆ пребыва́ющіи в̾ ненаказа́ніи, блюди́теся[13] да не когда̀ прогнѣ́вается Гдⷭ҇ь и҆ поги́бнете ѿ пꙋтѝ првⷣнагѡ, да не и҆згна́ни бꙋ́дете и҆з̾ домѡ́въ ва́ших недосто́йни ꙗ҆́вльшеся бы́ти наслѣ́дницы ѻ҆ч҃ескихъ стяжа́ній. И҆ до́брѣ ꙗ҆́кѡ помянꙋ́хомъ ѡ҆ и҆з̾гна́ніи и҆з̾ домѡ́въ, и҆ недосто́инствѣ л. н҃и наслѣ́дія ѻ҆ч҃еских стяжа́ній. Ѹ҆мы́слихъ ѹ҆́бѡ сбы́вшійся в̾ А҆ѳи́нѣхъ ѡ҆ ѕѣлѡ̀ ми́лостивномъ роди́телѣ к̾ сы́нꙋ предложи́ти слꙋ́чай, кото́рый мꙋ́дрымъ и҆ пра́веднымъ сꙋдо́мъ Соліо́на Філосо́фа, (́є҆́же бы́сть ́є҆ди́нъ ѿ седмѝ премꙋ́дрыхъ,) разсмо́тренъ и҆ ѡ҆предѣле́нъ бы́сть. Надѣ́юся же: ꙗ҆́кѡ неради́вымъ, и҆ ѕѣлѡ̀ любо́внымъ роди́тел́ємъ, сверѣ́пымъ и҆ непокори́вым ча́дѡмъ, настоя́щая по́вѣсть, мно́гꙋ принесе́тъ по́льзꙋ.

Повѣствꙋ́етъ Діцеа́рхъ, въ кни́зѣ ѡ҆ дре́вностехъ Гре́ческихъ, рече́ной, ꙗ҆́кѡ вре́мени нѣ́коегѡ, пріидо́ша къ ѻ҆́номꙋ філосо́фꙋ ѻ҆ц҃ъ съ сн҃омъ, и҆ ѻ҆́ба ѡ҆ свое́й ѡ҆би́дѣ л. н҃и ѡ҆б. сꙋда̀ прося́хꙋ. И҆дѣ́же сы́нъ наче́нъ сло́во, гл҃аше си́це: Ѽ мꙋ́жꙋ премⷣрѣйшій! а҆́зъ прю̀ и҆мѣ́ю со ѻ҆ц҃е́мъ мои́мъ, ꙗ҆́кѡ ѻ҆́нъ бога́тъ ́є҆́сть а҆́зъ же ѹ҆бо́гъ. Ѻ҆́нъ ́є҆́сть ро́ждьшій мя̀, а҆́зъ же ́є҆диноро́дный сн҃ъ ́є҆гѡ̀, кото́раго ѻ҆́нъ, жи́въ ́є҆щѐ сꙋ́щи, лиша́етъ и҆мѣ́ній свои́хъ а҆ во ѹ҆сыновле́ніе пріе́мъ чꙋжда́го хо́щетъ и҆мѣ́ній тѣ́хъ сотвори́ти наслѣ́дника, ́є҆́же ѻ҆ц҃ꙋ̀ моемꙋ̀ и҆ зазо́рнѡ ́є҆́сть, и҆ непра́веднѡ сотвори́ти: а҆́зъ бо ѿ негѡ̀ маломо́щенъ рожде́нъ ́є҆́смь, тогѡ̀ ра́ди и҆мѣ́нія мнѣ̀ на препита́ніе, и҆ в̾ мѣ́стѡ подкрѣпле́нія здра́вію моемꙋ̀ пра́ведно ́є҆́сть. На сія̀ что̀ ѿвѣща̀ ѻ҆ц҃ъ. слы́шимъ: Ѽ пра́веднѣйшій сꙋдіѐ л. н҃ѳ гра́да на́шегѡ! моя̀ съ тѣ́мъ сн҃омъ мои́мъ пря̀ ́є҆́сть, ꙗ҆́кѡ мнѣ̀ не сн҃ъ ́є҆́сть, но гла́вный вра́гъ: во всѣ́хъ бо слꙋ́чаяхъ мои́хъ ́є҆щѐ и҆з̾ дѣ́тска прⷭ҇нѡ мнѣ̀ проти́венъ ́є҆́сть. Тогѡ̀ ра́ди жи́въ сы́й, чꙋ́жда ́є҆го̀ сотворих наслѣ́дія. И҆ ничто́же та́кѡ мнѣ̀ бꙋ́детъ ра́достнѡ: да ꙗ҆́коже а҆́зъ достоя́нія сн҃о́вня, та́кѡ Бг҃ъ мо́й лиши́тъ ́є҆го̀ жи́зни сея̀. Є҆́й велмѝ ѹ҆дивля́етъ мя̀ земля̀ терпѣ́ніемъ свои́мъ, ꙗ҆́кѡ досе́лѣ не поже́рла ́є҆́сть прокля́тое и҆сча́діе сіѐ, во ѹ҆страше́ніе и҆ны́мъ: да понѐ та́кѡ бы поꙋчи́лися воздая́ти че́сть ро́ждшымъ и҆́хъ. А҆ ́є҆́же гл҃етъ ѡ҆ мнѣ̀ проти́вникъ мо́й, что̀ въ мѣ́сто ́є҆гѡ̀ прія́хъ себѣ̀ пріѡбще́ннаго сы́на. л. н҃ѳ ѡ҆б. Что́ же па́ки речѐ: ꙗ҆́кѡ а҆́зъ ́є҆го̀ ѿ моея̀ кро́ве сꙋ́щаго лиши́хъ наслѣ́дія. Къ си́мъ ѿвѣща́ва́ю: не а҆́зъ моего̀ сы́на ѿверго́хся, но безчи́ніе. ́є҆гѡ̀ ѿлꙋчи́ло, и҆ чꙋ́жда сотвори́ло ́є҆го̀ досто́йнаго по ѻ҆ц҃ѣ̀ наслѣ́дія. И҆ что̀ сегѡ̀ бꙋ́детъ непра́веднѣе; ꙗ҆́кѡ ́є҆гда̀ въ ѻ҆ч҃ескихъ и҆мѣ́ніяхъ, въ по́тѣ роди́тельскомъ, а҆́ки въ во́дахъ прохлажда́тися бꙋ́детъ сы́нъ безчи́нный.

Сы́нъ же, не потаева́ю, речѐ, сего̀, ꙗ҆́кѡ неꙋдо́бь носи́мь бѣх ѻ҆ц҃ꙋ̀ моемꙋ̀. И҆сповѣ́дꙋю же менѐ и҆ безчи́ннѣ пожи́вша: но а҆́ще мнѣ̀ здѣ̀ безбѣ́днѡ ́є҆́сть сказа́ти пра́вдꙋ, и҆ не потаи́ти и҆́стины, поне́же а҆́зъ безчи́ненъ ́є҆́смь и҆ ѕо́лъ, се́й ѻ҆ц҃а̀ моегѡ̀ грѣ́хъ ́є҆́сть: л. ѯ҃ и҆́бо ма́ла ́є҆ще́ мя сꙋ́ща ѻ҆́трока, нижѐ са́мъ нака́зоваше, нижѐ и҆ны́мъ предая́ше в̾ наказа́ніе. Є҆ще́ же, а҆́ще тогѡ̀ ра́ди ѿчꙋжда́етъ мя̀ и҆ наслѣ́дія, ве́лію мнѣ̀ твори́тъ ѡ҆би́дꙋ. Па́ки ѿвѣща̀ ѻ҆ц҃ъ: и҆́стина ́є҆́сть сы́не мо́й, ꙗ҆́кѡ въ вели́кой и҆мѣ́хъ тя̀ свобо́дѣ, ма́ла ́є҆щѐ сꙋ́щаго, и҆ сіе́ же незабве́нно тебѣ̀: ꙗ҆́кѡ а҆́зъ тя̀ ча́стѣ и҆ поꙋча́хъ и҆ нака́зовахъ, ́є҆гда̀ ѹ҆жѐ соверше́ннѣйшихъ доспѣ́лъ ́є҆сѝ лѣ́тъ, въ мла́дшихъ же без̾ наказа́нія попꙋсти́хъ тебѣ̀ жи́ти лѣ́тѣхъ. Поне́же са́мое вре́мя ѻ҆́но къ наказа́нію не бя́ше ѹ҆до́бно, ́є҆гда́ же и҆ ѡ҆ ѹ҆че́ніи и҆ ѡ҆ наказа́ніи твоемꙋ̀ прилѣжа́хъ а҆́зъ, тогда̀ и҆ ко вня́тію ра́зꙋмъ, л. ѯ҃ ѡ҆б. и҆ ко ѹ҆держа́нію па́мять, и҆ лѣ́та къ таково́мꙋ трꙋдꙋ̀ споспѣ́шествовахꙋ тебѣ̀, а҆ ́є҆мꙋ́же и҆ ра́зꙋмъ, и҆ па́мять, и҆ лѣ́та, и҆ си́лы къ прія́тію наказа́нія не ѹ҆до́бны сꙋ́ть, сꙋ́етный ѡ҆ не́мъ трꙋ́дъ пріе́млется. Па́ки сн҃ъ: поне́же ты̀ ста́ръ ́є҆сѝ, а҆́зъ же мла́дъ ѕѣлѡ̀, ты̀ ѻ҆ц҃ъ мо́й ́є҆сѝ, а҆ а҆́зъ сн҃ъ тво́й, ты̀ ѹ҆жѐ сѣди́нами ѡ҆бложе́нъ ́є҆сѝ, а҆́зъ нижѐ брадꙋ̀ и҆́мамъ, ѹ҆́бѡ ѿ всѣ́хъ твоя̀ реч́є́нная пра́в́єдна и҆ и҆́стинна, моя́ же лѡ́жна сꙋди́тися и҆́мꙋтъ. Се́ бо мно́жицею ви́димъ да мні́й че́стію, а҆́ще и҆ весма̀ пра́веденъ бꙋ́детъ, ѡ҆сꙋжде́нъ и҆схо́дитъ. Сосвидѣ́телствꙋю на сія̀ Ѽ ѻ҆́ч҃е: ́є҆гда̀ бѣ́хъ ѻ҆́трокъ, тща́лся ́є҆сѝ чте́нію кни́гъ наꙋчи́ти, л. ѯ҃а но и҆ сегѡ̀ не потаева́ю, ниже́ ты воспрети́ши мѝ в̾ си́хъ: а҆́ще что̀ ѕло̀ сотвори́хъ, ты̀ неꙋдержа́лъ мя̀ ́є҆сѝ нижѐ за сія̀ казни́лъ мя̀ ́є҆сѝ, и҆ ѿтꙋ́дꙋ бы́сть сіѐ, поне́же ́є҆гда̀ ма́лъ бѣ́хъ: претерпѣ́лъ мя̀ ́є҆сѝ ѕлотворя́щаго и҆ безчи́нствꙋющаго, ́є҆гда̀ в̾ соверше́нный пріидо́хъ во́зрастъ, непокори́въ ѡ҆брѣто́хся тебѣ̀. Ѹ҆́бѡ пра́веднѣ засвидѣ́тельствꙋю преⷣ Бг҃омъ мои́мъ: а҆́ще престꙋпле́ніе моѐ ѡ҆брѣта́ется здѣ̀: вои́стиннꙋ и҆ ты̀ ка́зни моея̀ не свобо́денъ ́є҆сѝ: Послꙋ́шая же и҆ ѿ ѻ҆бою̀ странꙋ̀ до́брѣ сразсꙋжда́я и҆звѣ́ты філосо́фъ, ѿвѣща̀ гл҃я: ѻ҆ц҃ъ, поне́же не нака́зоваше сы́на погребе́нія, ́є҆гда̀ ѹ҆́мретъ, да лиши́тся, а҆ сы́нъ роди́телеви л. ѯ҃а ѡ҆б. неповинꙋ́вшійся наслѣ́дія, доне́лѣже ѻ҆ц҃ъ жи́въ, чꙋ́ждь ́є҆́сть, под̾ и҆звѣ́томъ ѡ҆ба́че таковы́мъ, по сме́рти ѻ҆ч҃еской, наслѣ́дникъ бꙋ́детъ ѻ҆́нъ. Ѡ а҆́ще бы такова́гѡ сꙋдію̀ на́ша времена̀ ѹ҆досто́илися и҆мѣ́ти. ко́ль мно́гих ѿчꙋжди́лъ бы наслѣ́дія ѻ҆́ч҃а: и҆ Ѽ бы не ра́вное число̀ роди́телей, недосто́йных погреба́нія сꙋди́лъ бы. Что́ ли бо ѡ҆ба́че съ роди́телми бꙋ́ди, нѣ́сть ѡ҆ се́мъ разсꙋжда́ти сн҃овѡ́мъ, па́че же и҆ покрыва́ти, и҆ ́є҆ли́кѡ возмо́жнѡ защища́ти до́лженствꙋютъ ча́да; се́ бо вели́ко, и҆ прія́тно пред̾ Гдⷭ҇емъ, и҆, ́є҆́же взыска́ти наказа́ніе, и҆ возвесели́ти роди́телей во бл҃ги́хъ и҆сскꙋ́ствомъ свои́мъ, вы́нꙋ же пещи́ся да просла́вится ѻ҆ц҃ъ въ ча́дѣхъ.

л. ѯ҃в