Ѡ҆ бо́дрости

Та́кѡ сꙋ́ть мнѡ́зи, па́че же безчи́сл́єнни, сно́мъ и҆зли́шнимъ, глꙋбо́кимъ, и҆ безвре́менным наноси́мыя бѣды̀, ꙗ҆́кѡ не то́кмѡ [1] нищета̀, и҆ вся́ческихъ лише́ніе прихо́дитъ къ на́мъ внеза́пꙋ, но и҆ вся̀ ѻ҆́рганы тѣ́ла на́шегѡ растлѣва́ются, и҆ погиба́ютъ, и҆ сме́рть привно́сится безвре́менная. Сицевым, и҆мѣ́нія л. п҃д ѻ҆ч҃еская, а҆́ще и҆ мнѡ́га бꙋ́дꙋтъ; со́нъ я҆̀ и҆ нерадѣ́ніе въ ма́лѣ вре́мени расточи́ти дово́ленъ. Со́нъ крѣ́пкихъ побѣди́телей, въ рꙋ́цѣ предае́тъ немощнѣ́йшымъ врагѡ́мъ, та́кѡ Сіса́ра воево́да царя̀ Хана́а сн҃а І҆ави́на[2] ѿ немощны́я жены̀ спя́щъ поги́бе. То́й, ́є҆мꙋ́же два́десять лѣ́тъ ве́сь і҆и҃ль ѡ҆долѣ́ти не можа́ше, въ ча́съ мѣ́сто ѿ сна̀ ѡ҆долѣ́нъ, и҆ и҆́же де́вять сѡ́тъ и҆мѣ́яше къ бра́ни ѹ҆до́бныхъ колесни́цъ желѣ́зныхъ, коло́мъ древя́нымъ сконча́ся. ꙗ҆́коже ѡ҆ се́мъ въ кни́зѣ Сꙋде́й І҆и҃левыхъ простра́ннѣе ѡ҆брѣта́емъ. Не со́нъ ли погꙋбѝ Самѱѡ́на, че́люстію во́инства філісти́нѡвъ погꙋ́блшаго; ́є҆́й та́кѡ! и҆ крѣ́пости и҆ ѻ҆че́съ чꙋ́ждь сотвори́ся л. п҃д ѡ҆б. по се́мъ. [3] І҆ѡ́на в̾ ма́лѣ всегѡ̀ корабля̀ не погꙋби́лъ спя́щій, са́мъ то́кмѡ ́є҆ди́нъ сꙋ́щи погрꙋже́нія досто́инъ. Є҆ѵті́хій, ꙗ҆́коже в̾ кни́зѣ дѣя́ній а҆пⷭ҇лскихъ и҆мѣ́емъ, ѹ҆ны́ніемъ, та́же сн҃омъ ѿтꙋ́дꙋ прише́дшимъ и҆зможде́нъ, съ трикро́ва падѐ до́лꙋ, и҆ ме́ртвъ бы́сть. И҆ не доста́ло бы мнѣ̀ вре́мене къ воспомина́нію мно́жайшихъ, па́че же безчи́сленныхъ, и҆̀хже погꙋби́ла ́є҆́сть стра́сть сицева́я. Мы́ же слѣ́пи и҆ ка́менни сꙋ́ще, ́є҆щѐ ѹ҆покое́ніемъ нарица́ти ѡ҆быко́хомъ таковꙋ́ю поги́бель свою̀. Но не всѣ́хъ гл҃еши, постиза́ютъ такѡва́я, и҆̀же во ѹ҆ны́ніи, и҆ пра́здности, и҆ прохла́дѣ то́кмѡ днѝ провожа́ютъ. нѣ́сть бо, [4] л. п҃́є гл҃етъ ́є҆кклесіа́стъ, бл҃го чл҃вѣ́кꙋ под̾ со́лнцемъ, но то́кмѡ ́є҆́же ꙗ҆́сти и҆ пи́ти, и҆ ́є҆́же весели́тися. ѻ҆ба́че непра́здни, ꙗ҆́коже то́йжде прилага́етъ гл҃я: и҆ то̀ ́є҆́сть прибы́токъ трꙋда̀ ́є҆гѡ̀, а҆ не пра́здности. пра́здный же, по сꙋдꙋ̀ а҆пⷭ҇лскомꙋ, нижѐ пи́щи, не то́кмѡ прохла́да досто́инъ, Ѽ а҆́ще бы бо́дрости ѹ҆страня́ющіися и҆ неради́вѣ живꙋ́щіи, и҆спы́тнѣе восхотѣ́ли позна́ти, что̀ и҆̀мъ со́нъ, что̀ лѣ́ность, что̀ нерадѣ́ніе прино́ситъ, тогда̀ позна́ли бы, ꙗ҆́кѡ а҆́ще не то́жде: то̀ гѡ́ршая и҆ жесточа́йшая стра́ждꙋтъ. Стра́ждꙋтъ бо сі́и Ѵ҆́дропсъ, и҆лѝ мокро́тꙋ вредя́щꙋю. главы̀ болѣ́знь, дꙋхѡ́въ живи́телных л. п҃́є ѡ҆б. дебе́лость. Ра́зꙋма помраче́ніе па́мяти сла́бость, мокроты̀ и҆ теплоты̀ приро́дныя (ꙗ҆̀же сꙋ́ть животꙋ̀ нача́ло) тщетꙋ̀ и҆ разсы́паніе, тѣ́ла всегѡ̀ без̾ѻбра́зіе. Ко всемꙋ̀ ѻ҆нѝ сꙋ́ть тя́жки, и҆ вся́ческихъ и҆мѣ́ютъ ѡ҆мерзѣ́ніе.[5] Да сокращеннѣе рече́мъ: чрез̾ ѹ҆ны́ніе, и҆ си́лы погиба́ютъ и҆ ра́зꙋмъ: прѡ́чыя бо стра́сти, и҆лѝ то́чію гнѣ́въ возбꙋжда́ютъ въ дш҃ѝ, и҆лѝ по́хоть, и҆лѝ то́кмѡ поврежда́ютъ разꙋ́мнꙋю си́лꙋ, наводя́ще тꙋ́пость и҆ забве́ніе, ѹ҆ны́ніе же ́є҆ди́но вся̑ дѣ́йствꙋетъ [6] сія̀, и҆ ѿча́янію быва́етъ нача́ло, не нача́ло же то́кмѡ но и҆ пита́телница и҆ ма́ти. ꙗ҆́коже бо ѡ҆де́жда ражда́ет мо́ль, и҆ воспитова́етъ и҆̀, и҆ блюде́тъ л. п҃ѕ ́є҆щѐ, та́кѡ ѹ҆ны́ніе не то́кмѡ ѿча́янію роди́телница ́є҆́сть, но воспитова́етъ и҆ блюде́тх ́є҆̀. До́брѣ ѹ҆́бѡ речѐ нѣ́кто, ꙗ҆́кѡ[7] ѹ҆ны́ніе па́гꙋба ́є҆́сть чл҃вѣ́кѡмъ и҆ вся́ч́єскимъ, ꙗ҆̀же сꙋ́ть и҆́хъ: Не то́кмѡ бо но́вагѡ ничесо́же не приѡбрѣта́етъ ѹ҆ны́лый, но и҆ приѡбрѣ́т́єнная расточа́етъ.

Житіѐ бл҃гоче́стное, споспѣ́шества тре́бꙋетъ ко ѹ҆множе́нію добродѣ́телей, ѹ҆ны́ніемъ же, пра́зностію, и҆ нерадѣ́ніемъ, ѹ҆гото́ванная растлѣва́ются, и҆ погиба́ютъ.

Вседне́вными ѹ҆́бѡ, и҆ при́сными добродѣ́телей ра́стми[8] ѡ҆бновля́тися до́лженствꙋемъ, и҆ житія̀ пꙋ́ть не на мимоше́дшая, но на предлежа́щая л. п҃ѕ ѡ҆б. простре́мъ бо́дрѣ, блюде́мъ, и҆ ѡ҆па́снѡ блюде́мъ сія̀, да не ка́кѡ грѣхо́мъ ѹ҆́снемъ въ сме́рть, и҆ возведе́мъ ѻ҆́чи на́ша сꙋ́ще въ мꙋ́кахъ. Сіе́ бо ́є҆́сть пло́дъ и҆ мзда̀ нерадѣ́нія на́шегѡ, ́є҆́же съ неключи́мыми свя́зани и҆мꙋ́ще рꙋ́цѣ и҆ но́зѣ, вве́рженнымъ бы́ти въ де́брь ѻ҆́гненнꙋю.

Такѡва́я вѣ́дꙋще, и҆ свѣ́дꙋще и҆звѣ́стнѡ, а҆ наипа́че ́є҆гда̀ вра́гъ на́шъ неꙋсы́пенъ, ́є҆гда̀ непреста́ннѡ и҆́щетъ поги́бели на́шея. Трезви́тися и҆ бо́дрствовати подоба́етъ. Си́мъ бо [9] на́съ и҆ А҆пⷭ҇лъ поꙋча́етъ: трезви́теся (гл҃я) бо́дрствꙋйте, занѐ сꙋпоста́тъ ва́шъ діа́волъ, ꙗ҆́кѡ ле́въ рыка́я хо́дитъ, и҆скі́й кого̀ поглоти́ти. л. п҃з Ниже́ бо А҆враа́мъ спя́щъ,[10] бо́дрствꙋя съ домоча́дцы свои́ми, пя́ть царе́й побѣди́лъ ́є҆́сть. нападе́ бо на ня̀ но́щію, ꙗ҆́коже глаго́летъ писа́ніе. Та́кѡ и҆ гдⷭ҇ь всегда̀ гото́выхъ пребыва́ти хотя̀, многоѡбра́знѣ поѡщря́етъ на сія̀, и҆ при́тчꙋ ѡ҆ пятѝ дѣ́вахъ мꙋ́дрыхъ, и҆ пятѝ ю҆ро́дивыхъ показꙋ́етъ на́мъ, прилага́я: полꙋ́нощи (ре́къ) во́пль бы́сть, и҆, готѡ́выя внидо́ша на бра́къ с̾ ни́мъ. А҆ ю҆ро́дивымъ что̀; послѣди́ же (речѐ) пріидо́ша и҆ про́чыя дв҃ы[11] глаго́люще: гдⷭ҇и, гдⷭ҇и, ѿве́рзи на́мъ. Ѻ҆́нъ же ѿвѣща́въ речѐ: а҆ми́нь глаго́лю ва́мъ, не вѣ́мъ ва́съ, и҆ по сказа́ніи при́тчи сея̀, л. п҃з ѡ҆б. пречⷭ҇тыми ѹ҆сты̀ свои́ми воззва̀ [12] глаго́ля: Бди́те ѹ҆́бѡ ꙗ҆́кѡ не вѣ́сте днѐ, ни часа̀, в̾ ѻ҆́ньже сн҃ъ человѣ́ческій пріи́детъ.

Ста́немъ ѹ҆́бѡ на стра́жи на́шей, возбꙋ́демся ѿ сна̀ грѣхо́внагѡ, да не ка́кѡ внеза́пный, па́че же вѣ́чный мра́къ покры́етъ на́съ. Воста́немъ, да па́ки то́жде рекꙋ̀, ѿ сн҃а грѣхо́внагѡ, взы́щемъ дѣла̀ свѣ́та, взы́щемъ вмѣ́стѡ го́рдости смире́ніе, вмѣ́стѡ лишшеимѣ́нія, грабле́нія и҆ сребролю́бія, щедротꙋ̀, млⷭ҇тыню, и҆ чл҃вѣколю́біе. вмѣ́стѡ нечистоты̀ и҆ растлѣ́нія дв҃ство. вмѣ́стѡ за́висти и҆ не́нависти, любо́вь, и҆ ко всѣ́мъ примире́ніе. таковꙋ́ю бо́дрость л. п҃и и҆мѣ́емъ. си́це ма́ліи. сре́дніи, и҆ вели́цы бо́дрствꙋимъ. Спя́ще кто̀ въ пе́рвꙋю стра́жꙋ, бо́дрствꙋй вторꙋ́ю, спя́ше кто̀ въ стра́жꙋ вторꙋ́ю бо́дрствꙋй тре́тію: всегда́ бо на́мъ поле́зна, и҆ прія́тна преⷣ гдⷭ҇емъ стра́жба сія̀, ́є҆́же прⷭ҇нѡ себѐ и҆мѣ́ти гото́ва на прихо́дъ ́є҆гѡ̀. ́є҆́же всегда̀ пребыва́ти въ трꙋдѣ́хъ, ѹ҆страня́тися ѿ ѕлѡ́бъ, сниска́ти дѣла̀ бл҃га̑я, и҆ въ за́пѡвѣдехъ ́є҆гѡ̀ поꙋча́тися де́нь и҆ но́щь. Теце́мъ въ слѣ́дъ гдⷭ҇а пожи́вшагѡ на землѝ въ трꙋдѣ́хъ ѿ ю҆́ности своея̀, бꙋ́ди ѻ҆́нъ во́ждь на́мъ к̾ трꙋдѡ́мъ, и҆ ѹ҆чи́тель к̾ бо́дрости, вне́млемъ сла́достный гла́съ ́є҆гѡ̀, непреста́ннѡ бо къ на́мъ вопіе́ть: л. п҃и ѡ҆б. да бꙋ́дꙋтъ гл҃я, чресла̀ ва́ша препоя́сана, и҆ свѣти́лницы горя́щіи, [13] и҆ вы̀ подо́бни чл҃вѣ́кѡмъ ча́ющымъ гдⷭ҇а своегѡ̀, когда̀ возврати́тся ѿ бра̑къ, да прише́дшꙋ, и҆ толкнꙋ́вшꙋ, а҆́біе ѿве́рзꙋтъ ́є҆мꙋ̀. Бл҃же́ни рабѝ ті́и, и҆̀хже прише́дъ гдⷭ҇ь ѡ҆бря́щетъ бдя́щихъ, а҆ми́нь гл҃ю ва́мъ, ꙗ҆́кѡ препоя́шется, и҆ поса́дитъ и҆̀хъ, и҆ минꙋ́въ послꙋ́житъ и҆̀мъ, и҆ а҆́ще пріи́детъ во вторꙋ́ю стра́жꙋ лю́бо въ тре́тію стра́жꙋ пріи́детъ, и҆ ѡ҆бря́щетъ и҆́хъ та́кѡ, бл҃же́ни сꙋ́ть рабѝ ті́и. Та́кѡ ны̀ гдⷭ҇ь поѡщря́етъ на бо́дрость, сицевѝ пребꙋ́демъ, и҆ бл҃же́ни бꙋ́демъ: ꙗ҆́коже рабѝ ті́и.

л. п҃ѳ