Ѡ҆ терпѣ́ніи

И҆́стиннагѡ и҆ всесовершеннагѡ, па́че же ди́внагѡ терпѣ́нія ѻ҆́бразъ, на згре́біи зри́ши І҆́ѡва сѣдя́ща, не ѹ҆жѐ ѿ свои́хъ сла́вимаго, нижѐ че́стію возвели́ченнаго, не и҆зѡбилꙋ́ющаго бога́тствы, нижѐ мно́гими рабы̀ ѡ҆крꙋже́ннаго, но на́га, ѡ҆ста́вленна, порꙋ́ганна, прокаже́нна, смердя́ща, на сме́тіи, и҆згре́біихъ сѣдя́щаго, и҆мѣ́ній, ското́въ, рабо́въ, ча́дъ, и҆ жили́ща лишиⷡ҇шагося, вся́ же сія̀ доброхо́тнѣ претерпѣ̀ мꙋ́жъ великодꙋ́шный, ꙗ҆́коже са́мъ засвидѣ́телствова ѡ҆ себѣ̀: а҆́ще ре́къ бл҃га̑я прія́хомъ ѿ рꙋкѝ гдⷭ҇ни, ѕла̑я[1] не сте́рпимъ ли; Что́ же по́льзова, и҆ что̀ принесѐ терпѣ́ніе ́є҆мꙋ̀, гдⷭ҇ь[2] л. п҃ѳ ѡ҆б. блгⷭ҇вѝ послѣ́дняя І҆́ѡвꙋ, не́же пре́жняя, бы́сть же ско́тъ ́є҆гѡ̀: ѻ҆ве́цъ ҂д҃і. велблю́дъ ше́сть ты́сящъ, сꙋпрꙋ́гъ воло́въ ҂а҃, и҆ ѻ҆ве́цъ ста́дных ҂а҃і, сы́ны и҆ дще́ри воспита̀. Но сіѐ ́є҆́сть, гл҃еши, терпѣ́ніе въ лѣ́тѣхъ мꙋ́жа соверше́нна: како́въ бя́ше І҆́ѡвъ. зна́емь же ́є҆́сть и҆ І҆ѡ́сифъ седминадесятолѣ́тный, и҆́же терпѣли́внѣ безчи́сл́єнныя напа́сти, и҆ ѡ҆би́ды, не ѿ врагѡ́въ, но ѿ бра́тіи прія́тъ, коея́ же ра́ди вины̀; ꙗ҆́кѡ люби́мъ бы́сть ѻ҆ц҃ꙋ̀ своемꙋ̀ ви́дѣвше, гл҃етъ [3] писа́ніе, бра́тія, ́є҆гѡ̀, ꙗ҆́кѡ лю́битъ ́є҆гѡ̀ ѻ҆ц҃ъ па́че всѣ́хъ сынѡ́въ. возненави́дѣша ́є҆го̀, и҆ не можа́хꙋ гл҃ати къ немꙋ̀ ничто́же ми́рно. І҆ѡ́сифъ же а҆́кибы ничто́же л. ч҃ стра́ждꙋщь: ́є҆щѐ и҆ сны̀, ѻ҆́во ꙗ҆́кѡ снопы̀ бра́тніи покланя́хꙋся снопꙋ̀ ́є҆гѡ̀, ѻ҆́во ꙗ҆́кѡ со́лнце и҆ лꙋна̀, и҆ ́є҆динона́десять ѕвѣздъ покланя́хꙋся ́є҆мꙋ̀, ска́зоваше. И҆ си́це навы́къ терпѣ́нію, ꙗ҆́кѡ нижѐ в̾ ро́въ вве́рженъ, та́же въ плѣ́нъ пре́данъ на ме́сть, подви́жеся. А҆́ще же и҆ творя́ше нѣ́кія и҆скꙋше́нія бра́тіи кня́зь ѹ҆жѐ сꙋ́щи в̾ ́є҆гѵ́птѣ, вся̑ ѻ҆ба́че ѿ любвѐ творя́ше, ꙗ҆́коже по се́мъ и҆сповѣ́да са́мъ ꙗ҆́кѡ ѻ҆́нъ ́є҆́сть І҆ѡ́сифъ, ́є҆го́же сі́и преда́ша въ ́є҆гѵ́петъ. и҆ по се́мъ ѹ҆тѣша́я гл҃аше к̾ ним: не пецы́теся,[4] ни поро́ка бꙋ́ди ва́мъ, и҆̀же преда́сте мя̀ сѣ́мѡ. та́же всю̀ заглажда́я ѕло́бꙋ и҆́хъ, гл҃а къ ни́мъ пꙋстѝ мя̀ бг҃ъ преⷣ ва́ми, ѡ҆ста́токъ ва́мъ л. ч҃ ѡ҆б. ѡ҆ста́вити на землѝ, и҆ прекорми́ти ва́съ ѡ҆ставле́ніе вели́ко. ны́нѣ ѹ҆́бѡ не вы́ мя посла́сте сѣ́мѡ, но бг҃ъ. Ѹ҆́бѡ смотри́мъ, и҆ разсꙋжда́имъ, [5] крѣ́пость и҆ терпѣ́ніе ѻ҆́трока сегѡ̀, и҆ вѣ́дая вѣ́даимъ, ꙗ҆́кѡ ничто́же та́кѡ весели́тъ бг҃а, ꙗ҆́кѡ а҆́ще не бꙋ́дем памятоѕло́бивы, сіѐ на́мъ ѡ҆ставля́етъ грѣхѝ, сіѐ на́мъ разрѣша́етъ ѹ҆кори́зны, а҆́ще же ра́тꙋемся. и҆ біе́мся, дале́че быва́емъ ѿ бг҃а. Похи́тилъ ли ́є҆́сть кто̀ комꙋ̀ и҆мѣ́ніе, и҆лѝ сла́вꙋ, и҆лѝ че́сть, не ́є҆гѡ̀ но свою̀; [6] и҆́же бо копа́етъ ꙗ҆́мꙋ бли́жнемꙋ, впа́даетъ въ ню̀. Хотя́й же навы́кнꙋти терпѣ́нія: сія̑ да сохраня́етъ: ́є҆́же и҆мѣ́ти бію́щаго а҆́ки ѹ҆тѣша́ющаго, л. ч҃а Безче́ствꙋющаго ꙗ҆́кѡ сла́вящаго. Досажда́ющаго ꙗ҆́кѡ почита́ющаго, ѡ҆скорбля́ющаго ꙗ҆́кѡ ѹ҆покоева́ющаго. ѡ҆скорбля́емый бо кто̀, и҆лѝ досажда́емый, а҆́ще боли́тъ срⷣцемъ, на ме́сть соизволя́я: да вѣ́сть, ꙗ҆́кѡ ве́тхаго ѕмі́я но́ситъ в̾ нѣ́драхъ свои́хъ. и҆, ми́ра гдⷭ҇ня нѣ́сть въ костѣ́хъ ́є҆гѡ̀.