Ѡ҆ смире́ніи.

Ча́шею спасе́нія, а҆́ще бы кто̀ наре́клъ смире́ніе, в̾ пра́вдꙋ не погрѣши́лъ бы, занѐ ꙗ҆́коже ча́ши сокрꙋше́ннѣй сꙋ́щей, всѐ ́є҆́же внꙋ́трь ѡ҆брѣта́шеся разлива́ется и҆ погиба́етъ, си́це ́є҆ди́номꙋ разоре́ннꙋ сꙋ́щꙋ смире́нію, вся̑ растача́ются и҆ и҆счеза́ютъ добродѣ́тели, и҆ всѐ погиба́етъ сп҃се́ніе. Но и҆ ́є҆щѐ, ꙗ҆́коже ча́ша не дале́че разстоя́телныя, но бли́зъ сꙋ́щыя л. ч҃ѳ бре́ги содержа̀, вся́кагѡ ́є҆́сть свобо́дна возмꙋще́ніе наноси́магѡ ѿ вѣ́трѡⷡ҇. Си́це и҆ смире́нный вся̀ ѹ҆мышл́є́нія своя̀ въ ма́лѣ ѡ҆кончева́я, прⷭ҇нѡ в̾ тишинѣ̀ ́є҆́сть, и҆ кто́ ли бо чи́номъ и҆ досто́инствомъ бꙋ́детъ, а҆́ще смире́нъ бꙋ́детъ, а҆́ще цѣ́лꙋ сохрани́тъ сп҃се́ннꙋю ча́шꙋ сію̀: пя́дію и҆змѣ́рены ѹ҆вѣ́сть днѝ своя̀, ѹ҆вѣ́сть и҆ соста́въ сво́й, ꙗ҆́кѡ ничто́же ́є҆́сть. Сохра́ннѡ ѹ҆́бѡ се́й блюстѝ сосꙋ́дъ подоба́етъ, да не ка́кѡ растли́тся, и҆ ве́сь поги́бнетъ трꙋ́дъ на́шегѡ ѡ҆ не́мъ попече́нія. А҆́ще бо кто̀ смиря́ется, и҆ хо́щетъ ѿ всѣ́хъ бы́ти презира́емый, такова́гоже и҆ и҆́стиннѣ мни́тъ себѐ бы́ти. Є҆ще́ же и҆ ра́дꙋется, ꙗ҆́кѡ презира́емь л. ч҃ѳ ѡ҆б. ́є҆́сть, се́й до́брѣ и҆ сохра́ннѡ блюде́тъ ча́шꙋ сію̀. А҆́ще же смиря́ется кто̀, да ѿсю́дꙋ хвали́мый, бл҃жи́мый, и҆ почита́емый бꙋ́детъ, се́й прелща́етъ себѐ, и҆ ѹ҆жѐ расточи́ся и҆ разсы́пася вся̀ добродѣ́тель ́є҆гѡ̀. Сꙋ́етный трꙋ́дъ се́й, сꙋ́етна и҆ страждба̀ сія̀: нѣ́сть бо сѐ нѣ́сть соблюде́ніе смире́нія, но потае́нная го́рдость и҆ высокоꙋ́міе. Ѹ҆́бѡ пра́вагѡ лиши́выйся смире́нія, всегѡ̀ лише́нъ ́є҆́сть спасе́нія.

Вѣ́мы,[1] ꙗ҆́кѡ согрѣша́емъ всѝ, а҆́ще бо рече́мъ, ꙗ҆́кѡ грѣха̀ не и҆́мамы, себѐ прелща́емъ, и҆ и҆́стины нѣ́сть въ на́съ, покая́ніемъ же ѡ҆чища́емъ грѣхѝ. но ка́кѡ возмо́жемъ, погꙋби́вше смире́ніе, л. р҃ покая́ніе стяжа́ти! вси́ бо ́є҆ли́цы сꙋ́ть пока́явшіися, ѿ смире́нія нача́ло прія́ша.

Ца́рь Нинеѵі́а, ѡ҆ не́мже предска́зоваше І҆ѡ́на прⷪ҇ро́къ, ꙗ҆́кѡ разори́тися и҆́мать ́є҆щѐ (глаго́ля) трѝ днѝ, и҆ Нинеѵі́а[2] разсы́плется: поне́же смири́ся, и҆ воста̀ ѿ престо́ла своегѡ̀, и҆ све́рже ри́зы своя̀ съ себѐ, и҆ ѡ҆блече́ся во вре́тище, и҆ сѣ́де на землѝ, нижѐ са́мъ то́кмѡ сицева̑я творя́ше, но и҆ всѣ́мъ заповѣ́далъ ́є҆́сть: да смиря́тся пред̾ гдⷭ҇емъ, тогѡ̀ ра́ди ми́мѡ и҆́де гнѣ́въ гдⷭ҇нь.[3] Смири́вшеся бо всѝ, а҆́біе кі́йждо ѿврати́ся ѿ ѕлѡ́бъ свои́хъ, и҆ ѿ непра́вды рꙋ́къ свои́хъ. л. р҃ ѡ҆б.[4] А҆ха́въ та́кожде слы́шавъ ка́знь ѿ гдⷭ҇а грядꙋ́щꙋю на ся̀: смири́ся преⷣ лице́мъ гдⷭ҇ним. та́же и҆́ная сотворѝ зна́м́єнія прили́чная покая́нію: хожда́ше пла́чася, и҆ све́рже ри́зы своя̀ и҆ препоя́сася вре́тищемъ по тѣ́лꙋ своемꙋ̀. тѣ́мже и҆ ѿ гдⷭ҇а проще́ніе сниска̀, со и҆звѣще́ніемъ таковы́мъ: Ви́дѣхъ, ꙗ҆́кѡ смири́ся А҆ха́въ предо мно́ю, сегѡ̀ ра́ди не наведꙋ̀ ѕло́бы ́є҆гѡ̀ во днѝ ́є҆гѡ̀.

Дв҃дъ непра́веⷣное сотвориⷡ҇ ѹ҆бі́йство: а҆́ще ѹ҆жѐ и҆ вися́щꙋю над̾ собо́ю и҆мѣ́яше ка́знь гдⷭ҇ню, но в̾ смире́ніи глꙋбо́цѣ и҆сповѣ́да грѣ́хъ сво́й гл҃я: согрѣши́хъ ко гдⷭ҇ꙋ моемꙋ̀. тѣ́мже [5] и҆ проще́нія ѿвѣ́тъ прія́тъ. рече́ бо Наѳа́нъ прⷪ҇ро́къ: гдⷭ҇ь ѿя́тъ согрѣше́ніе л. р҃а твоѐ, и҆ не и҆́маши ѹ҆мре́ти.

Є҆зекі́я болѣ́знꙋⷳ, вѣ́сть пріе́мъ, ꙗ҆́кѡ и҆́мать ѹ҆мре́ти, а҆́кибы нижѐ[6] свѣ́та зрѣ́ти досто́йна вмѣни́въ себѐ ѡ҆братѝ лицѐ своѐ ко стѣнѣ̀, моля́ся и҆ пла́кася го́рькѡ, тѣ́мъ вня́тъ гдⷭ҇ь мл҃твѣ ́є҆гѡ̀: приложѝ к̾ лѣ́тѡмъ ́є҆гѡ̀ лѣ́тъ ́є҃і. и҆ и҆́ная дарова́лъ ́є҆́сть ́є҆мꙋ̀. ́є҆ще́ же и҆ зна́меніемъ ди́внымъ и҆звестѝ сія̀. де́сять степе́ней возвратѝ сл҃нце вспя́ть. Си́це и҆ жены̀ ѻ҆́ныя, І҆ꙋді́ѳъ, Є҆сѳи́рь, Девѡ́ра, Са́рра, и҆ А҆́нна Самꙋ́илова мт҃и, сꙋ́ть ѹ҆слы́шаны ѿ гдⷭ҇а: поне́же съ смире́ніемъ растворя́хꙋ мл҃твы своя̀. и҆́нако же, всѝ презрѣ́ни бы́ли бы: ꙗ҆́кѡже бо го́рдым проти́вится[7] л. р҃а ѡ҆б. бг҃ъ, та́кѡ смире́ннымъ подава́етъ блгⷣть свою̀, ѹ҆пая́я и҆́хъ ѿ ѡ҆би́лія до́мꙋ своегѡ̀, в̾ пра́вдꙋ ѹ҆́бѡ ́є҆́сть спасе́нная ча́ша сія̀: вездѣ́ бо ́є҆́ю почерпа́емъ спасе́ніе. и҆, въ смире́ніи сꙋ́ще бг҃ꙋ прія́тни, чл҃вѣ́кѡмъ любе́зни, и҆ себѣ̀ ми́рни ́є҆смы̀. и҆́же смире́нію содрꙋ́жникъ ́є҆́сть, всѣ́мъ сла́докъ ́є҆́сть, всѣ́мъ бл҃года́тенъ, и҆ ни ́є҆ди́нꙋ же ́є҆мꙋ̀ кто̀ возмо́жетъ пода́ти къ бра́ни винꙋ̀. а҆́ще бо и҆ досади́ши, а҆́ще и҆ ѹ҆ничижи́ши, а҆́ще и҆ что́ ли бо рече́ши, ѹ҆мо́лкнетъ, и҆ кро́тцѣ претерпи́тъ вся̑. и҆ толи́къ и҆́мать ми́ръ ко всѣ́мъ ́є҆ли́къ нижѐ рещѝ возмо́жнѡ ́є҆́сть, не къ человѣ́кѡмъ же то́кмѡ, но и҆ къ бг҃ꙋ: и҆ бж҃ія бо повелѣ́нія л. р҃в и҆сполня́етъ, ꙗ҆̀же поꙋча́ютъ, да со всѣ́ми ми́ръ и҆мѣ́ти бꙋ́демъ, и҆ и҆спра́вимъ та́кѡ, житіѐ на́ше, ́є҆́же дрꙋ́гъ ко дрꙋ́гꙋ бы́ти смире́ннымъ: и҆́стиннѣ бо смире́нный, пре́жде всегѡ̀ пече́тся ѡ҆ то́мъ, ка́кѡ бы ни ́є҆ди́наго ѡ҆би́дѣти, па́че же ѡ҆би́дѣтися хо́щетъ. Ма́лыми дово́лствꙋетъ, не и҆́щетъ высо́кихъ, ни ди́вныхъ ꙗ҆̀же за́висть ражда́ют и҆ ненави́дѣніе. не стра́ха же ра́ди ко́егѡ, но ѿ смиреннагѡ произволя́я дѣ́етъ сицева̑я. И҆ са́мъ вся́ческих премⷣрый строи́тель[8] сотворѝ а҆да́мꙋ и҆ женѣ̀ ́є҆гѡ̀ ри́зы ко́жаны ѻ҆лта́рь же себѣ̀, ѻ҆́во ѿ землѝ,[9] ѻ҆́во и҆з̾ ка́мене сѣ́чивомъ неꙋглажденнагѡ сотвори́ти повелѣва́етъ. Ло́тъ[10] и҆зше́дъ ѿ содо́ма гра́да пресла́вна: л. р҃в ѡ҆б. и҆ въ гра́дцѣ ма́лѣ сіго́рѣ спасе́ся [11] І҆ѡа́ннъ сн҃ъ заха́ріин, и҆мѣ́яше ри́зы ѿ вла́съ велбꙋ́ждих и҆ по́ясъ ѹ҆сме́нъ. [12] Снѣ́дь ́є҆гѡ̀ бѣ̀ прꙋ́жіе, и҆ ме́дъ ди́вій, ѻ҆ба́че ли́шше прⷪ҇ро́ка и҆менова́ніе сниⷭ҇ка, и҆ а҆́гг҃лъ нарече́ся, ́є҆́же ѹ҆гото́вати пꙋ́ть гдⷭ҇нь. Мр҃і́а дще́рь І҆ѡакі́мꙋ ѿ непло́дове рожде́нная, глꙋбо́кагѡ ра́ди смире́нія своегѡ̀, ́є҆́сть вы́шшая небе́съ, ́є҆́сть чтⷭ҇ѣйшая свѣ́тлостей со́лнечныхъ, ́є҆́сть цр҃ца всѣ́хъ, ́є҆́сть мт҃и бг҃ꙋ, и҆ вся́къ бо толи́кѡ вели́къ [13] ́є҆́сть пред̾ гдⷭ҇емъ, ́є҆ли́кѡ мал пред̾ собо́ю. Всѣ́мъ ѹ҆́бѡ и҆ска́тел́єм смире́нія, и҆ мерзя́щымся го́рдостію, наро́чнѡ здѣ̀ ви́ды го́рдости, и҆ ви́ды смире́нія преⷣлага́ю, да си́хъ безбѣ́днѡ ѹ҆даля́ющеся, та̀ сохраня́ютъ и҆звѣ́стнѡ.

л. р҃г