Ѡ҆ любвѝ къ бли́жнемꙋ.

Гл҃яй себѐ в̾ свѣ́тѣ бы́ти, а҆ бра́та[1] своего̀ ненави́дитъ, во тмѣ̀ ́є҆́сть до то́лѣ. любя́й же бра́та своего̀ въ свѣ́тѣ пребыва́етъ, и҆ собла́зна въ не́мъ нѣ́сть. а҆ ненави́дяй бра́та своего̀, во тмѣ̀ ́є҆́сть, и҆ во тмѣ̀ хо́дитъ, и҆ не вѣ́сть ка́мѡ и҆́детъ, ꙗ҆́кѡ тма̀ ѡ҆слѣпѝ ѻ҆́чи ́є҆мꙋ̀: си́це на́съ ѹ҆вѣщава́етъ возлю́бленный ѹ҆чени́къ гдⷭ҇нь. Се́й то зако́нъ[2] гдⷭ҇нь. па́че же и҆спо́лненіе зако́нꙋ любо́вь, непоро́ченъ, ѡ҆браща́я дꙋ́шы. сіѐ свидѣ́телство гдⷭ҇не вѣ́рно ѹ҆мꙋдря́ющее млⷣнца и҆ ѡ҆правда́нія гдⷭ҇ня пра́ва, веселя́щая се́рдце. Сія̀ за́повѣдь: ́є҆́же возлю́биши[3] и҆́скренняго твоего̀ ꙗ҆́кѡ са́мъ себѐ. л. р҃д ѡ҆б. свѣ́тла просвѣща́ющая ѻ҆́чи: нѣ́сть бо нѣ́сть мо́щнѡ чл҃кꙋ не хотя́щꙋ люби́ти, пра́вы и҆мѣ́ти стезѝ своя̀, нѣ́сть мо́щнѡ, что̀ твори́ти бл҃го́е: ѡ҆снова́ніе бо всѣ́хъ бл҃ги́хъ, ничто́же ́є҆́сть и҆но́е кромѣ̀ любвѐ, а҆́ще же любо́вни бꙋ́демъ, вся̑ на́мъ споспѣшествова́ти бꙋ́дꙋтъ во бл҃го́е. [4] ꙗ҆́коже в̾ пе́щь каковꙋ̀ ѻ҆́гнь вше́дъ, вся̑ ѡ҆чища́ти ѡ҆бы́че, си́це и҆ любвѐ теплота̀, и҆дѣ́же а҆́ще впаде́тъ, вся̑ и҆стребля́етъ, и҆ сожига́етъ то̀, ́є҆́же вреди́тъ бж҃е́ственное сѣ́мя, и҆ зе́млю чи́стꙋ на прія́тіе сѣ́менъ содѣ́ловаетъ. И҆дѣ́же бо любо́вь, вся̑ ѿе́млются ѕла̑я, нѣ́сть та́мѡ ко́рене ѕлы́хъ сребролю́бія, нѣ́сть го́рдости, нѣ́сть велича́нія. л. р҃́є чи́мъ бо на люби́маго возвели́чился бы кто̀: ничто́же бо си́це смире́ннаго твори́тъ, ꙗ҆́коже любо́вь, занѐ мно́жицею а҆́ки рабѝ дрꙋгѡ́мъ слꙋ́жимъ, нижѐ срамля́емся, но и҆ бл҃годаре́ніе и҆̀мъ воздае́мъ ѡ҆ рабо́тѣ се́й, и҆мѣ́ніи не щади́мъ и҆ нижѐ тѣле́съ мно́гажды, сла́дка же и҆ бѣда̀ за люби́маго. За́висти ѹ҆жѐ та́мѡ нѣ́сть, нижѐ ѕлорѣ́чія. и҆дѣ́же а҆́ще бꙋ́детъ пріи́скреннее любле́ніе, не то́кмѡ бо не ѡ҆клеветꙋ́емъ люби́мыхъ, но и҆ ѡ҆клевета́ющаго заꙋща́емъ.

Любо́вь вся̀ свѣтла̀ ́є҆́сть, вся̀ тиха̀, вся̀ кро́тка. сва́ра и҆ любопрѣ́ніе нижѐ стопа̀ ꙗ҆вля́ется, вся̀ ми́ра и҆спо́лненна, ничто́же л. р҃́є ѡ҆б. не сла́дко ѹ҆ любвѐ ѡ҆брѣта́ется, вся̀ чи́ста, вся̀ непоро́чна, таковы̀ сꙋ́ть и҆ всѝ и҆мꙋ́щіи любо́вь. Сія́ бо, согрѣш́є́нія: лихои́мство, хище́ніе, за́висть, ѕлорѣ́чіе, напыще́ніе, кля́тва, лжа̀ и҆ подѡ́бная тѣ́мъ, а҆́ки тма̀ и҆ смра́дъ ѿ ѻ҆гня̀ разрꙋша́ются любвѝ прише́дшей. Ѹ҆́бѡ вся́къ жела́яй пости́гнꙋти любо́вь таковꙋ́ю, вся́къ хотя́й и҆збѣ́гнꙋти сꙋда̀ бж҃ія, да не съ человѣкоꙋбі́йцы ча́сть ́є҆гѡ̀ бꙋ́детъ: не сло́вомъ то́кмѡ и҆ [5] я҆зы́комъ, но срⷣцемъ, дѣ́ломъ, и҆ и҆́стиною подоба́етъ возлюби́ти и҆́скренняго. Срⷣцемъ: ́є҆́же всѐ претерпѣ́ти бли́жнягѡ ра́ди, дѣ́лом: ́є҆́же и҆лѝ слꙋже́ніемъ, и҆лѝ л. р҃ѕ предста́телствомъ, и҆лѝ ѿ и҆мѣ́ній[6] свои́хъ помоществова́ти ́є҆мꙋ̀. И҆́же [7] бо и҆́мать бога́тство, и҆ затвори́тъ ѹ҆тро́бꙋ свою̀ ѿ негѡ̀, ка́кѡ любы̀ бж҃ія пребыва́етъ в̾ не́мъ; И҆́стиною: да ́є҆гда̀ что̀ в̾ бли́жнемъ поро́чно ѹ҆ви́димъ, и҆спра́вити не ѿрече́мся.