Ѡ҆ примире́ніи ко всѣ́мъ.

Присꙋ́тствꙋя вездѣ̀, и҆ никогда́ же ѿлꙋча́тися во и҆́мя ́є҆гѡ̀ со́бранным ѡ҆бѣща́выйся гдⷭ҇ь, ꙗ҆́кѡ ни ́є҆ди́нагѡ же ѹ҆таи́тися мо́жет, добродѣ́телное житіѐ: ѻ҆́вых свѣти́лниковы, и҆ны́хъ же гра́дꙋ верхꙋ̀ горы̀ стоя́щꙋ ѹ҆подобля́етъ: Не мо́жетъ [гл҃я] гра́дъ[1] ѹ҆кры́тися верхꙋ̀ горы̀ стоя́й. л. р҃ѕ ѡ҆б. ни вжига́ют свѣти́лникъ и҆ поставля́ют ́є҆го̀ под̾ спꙋ́домъ, но на свѣ́щницѣ, и҆ свѣ́титъ всѣ́мъ, и҆̀же въ хра́минѣ сꙋ́ть. да ѹ҆́бѡ возже́нніи и҆ прⷭ҇нѡ неꙋгаса́еміи свѣти́лницы бꙋ́дем, ѡ҆ ́є҆ле́и сі́есть млⷭ҇ти промыⷲля́ти потре́бнѡ ́є҆́сть. [2] Возсія́етъ (гл҃етъ прⷪ҇ро́къ) ра́нній свѣ́тъ тво́й: а҆́ще сотвори́ши млⷭ҇ть и҆́скреннемꙋ твоемꙋ̀. Да и҆ гра́дъ свѣ́тел, и҆ не разори́мь, ́є҆ще́ же и҆ верхꙋ̀ горы̀ стоя́щій бꙋ́дем. До́лжни ́є҆смы̀ дрꙋ́гъ дрꙋ́гꙋ помоществова́ти, дрꙋ́гъ к̾ дрꙋ́гꙋ не прекосло́вни, но согла́сни бы́ти, и҆ вся́къ взаи́мнѣ да застꙋ́пницы бꙋ́дем [3] себѣ̀: бра́тъ бо ѿ бра́та застꙋпа́емый ́є҆́сть а҆́ки гра́дъ тве́рдъ и҆ высо́къ, ѹ҆крѣпля́етжеся ꙗ҆́кѡ ѡ҆сно́ванно црⷭ҇тво. Сія́ же храня́ще, пока́жемъ л. р҃з ѡ҆ себѣ̀, ꙗ҆́кѡ ́є҆смы̀ ѹ҆ч҃нцы̀ гдⷭ҇ни. Ѡ҆ се́мъ (речѐ гдⷭ҇ь) разꙋмѣ́ютъ всѝ,[4] ꙗ҆́кѡ моѝ ́є҆стѐ ѹ҆ч҃нцы̀: а҆́ще любо́вь и҆́мате междꙋ̀ собо́ю. И҆ ничто́же таково̀ возмо́жем бл҃гопрія́тнѣйшее во́ли ́є҆гѡ̀ ст҃о́й ѿ на́съ сотвори́ти, ꙗ҆́коже а҆́ще междꙋ̀ собо́ю любо́вни и҆ ми́рни пребꙋ́дем. Ѹ҆же́ бо и҆ на во́льнꙋю гряды́й стра́сть, в̾ кра́йнем завѣ́тѣ, не зла́то и҆ стяжа́нія какѡва́я, но ми́ръ на́мъ подава́етъ: хотя́й бо да ми́рни всегда̀ бꙋ́демъ, и҆ да ми́ръ ́є҆гѡ̀ бꙋ́детъ съ на́ми, пречⷭ҇тыми ѹ҆сты̀ свои́ми вѣща́етъ къ на́мъ: Ми́ръ ѡ҆ставля́ю ва́мъ, па́ки то́жде[5] сладча́йшимъ сло́вом ѹ҆твержда́етъ гл҃я: Ми́ръ мо́й даю̀ ва́мъ. И҆ зва́нный въ соѡбще́ніе свы́шше а҆пⷭ҇лъ къ ́є҆вре́ѡмъ л. р҃з ѡ҆б. писа̀, да ми́рни пребꙋ́демъ, со преще́ніемъ: гл҃емъ: ми́ръ, речѐ, и҆мѣ́йте и҆ ст҃ы́ню со всѣ́ми, та́же винꙋ̀ сказꙋ́етъ, глаго́ля: и҆́хже кромѣ̀, ни кто́же ѹ҆́зритъ гдⷭ҇а.

Ка́коже въ мі́рѣ се́мъ многомяте́жномъ, бра́ней, и҆ ѹ҆бі́йствъ и҆спо́лненномъ, ми́ръ возмо́жетъ стяжа́ти; кра́ткія на́мъ то́йжде ѹ҆чи́тель ꙗ҆зы́кѡвъ, предлага́етъ ѹ҆вѣ́ты: Ра́доватися (гл҃я) с̾ ра́дꙋющимися,[6] и҆ пла́кати с̾ пла́чꙋщими. Братолю́біемъ дрꙋ́гъ дрꙋ́гꙋ любе́зни, че́стію дрꙋгъдрꙋ́га бо́лша творя́ще. И҆ не к̾ дома́шнимъ то́чію да бꙋ́демъ таковѝ, но и҆ къ стра́ннымъ: [7] страннолю́бія (речѐ) держа́щеся. Є҆ще́ же и҆ ѕлотворя́щым, ми́рни да бꙋ́дем, л. р҃и ѹ҆вѣщева́ет гл҃я: Блгⷭ҇ви́те гоня́щыя вы̀: блгⷭ҇ви́те, а҆ не клени́те, ни ́є҆ди́номꙋ ѕло̀ за ѕло̀ воздаю́ще. нижѐ рече́мъ[8] такѡва̑я: ꙗ҆́кѡ ѻ҆́нъсица содѣ́я мнѣ̀ ѕло̀, но помы́сли, что̀ сотворѝ хрⷭ҇тоⷭ҇, при само́мъ распя́тіи. ́є҆ще́ же и҆ преда́теля лобза́ше, и҆ дрꙋ́жества и҆́менемъ наре́къ, не бо̀ речѐ: Ѽ скве́рне! Ѽ вселꙋка́ве! Ѽ преда́телю! такѡва̑я ли на́мъ воздае́ши воздая̑нія ѡ҆ таково́мъ бл҃годѣя́ніи; Но что̀; дрꙋ́же, по что̀ прише́лъ ́є҆сѝ; и҆ ко прише́дшымъ со дреко́лми,[9] та́кожде примири́телнѣ бесѣ́дова: что̀ речѐ: и҆зыдо́сте а҆́ки на разбо́йника, съ мечѝ и҆ дреко́лми; могі́й бо и҆̀хъ всѣ́хъ погꙋби́ти внеза́пнѡ, но ничесо́же сотвори́въ таково́е, л. р҃и ѡ҆б. посрами́телнѣ то́кмѡ бесѣ́дꙋя к̾ ним ни́цъ и҆̀хъ пове́ргъ, та́же во́лею предадѐ себѐ. Ѻ҆́нагѡ ́є҆смы̀ рабѝ, ѻ҆́нагѡ ѹ҆чн҃цы̀ бꙋ́демъ, ѻ҆́нагѡ возслѣ́дователи и҆ подо́бницы, не са́ми себѐ ѿмщева́юще, подадим мѣ́сто гнѣ́вꙋ. Є҆ще́ же и҆ и҆́нъ ѻ҆́бразъ примире́нія [10] сни́скивает а҆пⷭ҇лъ. До́лжни ́є҆смы̀ речѐ: си́лніи не́мощи немощных носи́ти, и҆ не себѣ̀ ѹ҆гожда́ти. кі́йждо на́съ бли́жнемꙋ да ѹ҆гожда́ет во бл҃го́е к̾ созида́нію, (и҆ и҆́ндѣ,) то́жде дрꙋ́гъ к̾ дрꙋ́гꙋ мⷣрствꙋюще, не высѡ́кая мⷣрствꙋюще, но смиренными ведꙋ́щеся. Что̀ и҆з̾ясня́я златоꙋ́стый ѹ҆ч҃тль, бесѣ́дꙋетъ си́це: Пріи́детъ ли къ тебѣ̀ ни́щъ [11] въ до́мъ; бꙋ́ди ꙗ҆́коже ѻ҆́нъ мрⷣствованіемъ, не бо́лшꙋю пріе́мли л. р҃ѳ го́рдость бога́тства ра́ди, нѣ́сть бога́тъ и҆ ни́щъ ѡ҆ хрⷭ҇тѣ̀. да не ѹ҆́бѡ постыди́шися ѡ҆дѣя́нія ра́ди ѿ внѣ̀ сꙋ́щаго, но пріимѝ за сꙋ́щꙋю ѿ внꙋ́трь вѣ́рꙋ. Нижѐ про́стѡ и҆ ѹ҆мы́шленнѣ[12] смиря́йся, но и҆ помога́й, и҆ рꙋ́кꙋ подава́й, не чрез̾ и҆на́го, но са́мъ, а҆́ки ѻ҆ц҃ъ ѡ҆ сы́нѣ промышля́я, а҆́ки глава̀ ѡ҆ тѣлесѝ. Сія̀ сꙋ́ть примире́нія предѣ́лы. Сія̀ сꙋ́ть ѹ҆вѣ́ты на ми́ръ, ꙗ҆̀же а҆́ще соблюде́мъ всецѣ́лѡ, въ ми́рѣ и҆ тишинѣ̀ глꙋбо́цѣ поживе́мъ про́чее вре́мя на́шея жи́зни.

Не не прили́чнѡ же и҆ изя́тіе присовокꙋпи́ти ѡ҆ се́мъ: каковых соми́рствованію не примѣша́тися до́лжни ́є҆смы̀. А҆́ще [13] (речѐ) нѣ́кій бра́тъ и҆менꙋ́емь бꙋ́детъ блꙋдни́къ, и҆лѝ лихои́мецъ, и҆лѝ л. р҃ѳ ѡ҆б. і҆дѡлослꙋжи́тель, и҆лѝ пія́ница, и҆лѝ досади́тель, и҆лѝ хи́щникъ, с̾ таковым [14] нижѐ ꙗ҆́сти. Ѻ҆ба́че же не а҆́ки врага̀ и҆мѣ́ти, но нака́зовати ꙗ҆́коже бра́та.