Ѡ҆ ра́венствѣ въ дрꙋ́жбѣ.

Ѿ мно́гихъ и҆ разли́чныхъ ѹ҆каза́ній же и҆ и҆звѣ́тѡвъ, мно́зи разли́чнѣ дрꙋ́жества ра́венствꙋ поꙋча́юще, безчи́сл́єнныя ѿ нера́венства въ то́мъ бѣды̀ показꙋ́ютъ. А҆ па́че всѣ́хъ І҆исꙋ́съ сіра́ховъ си́мъ [1] вопро́сомъ ́є҆ди́нымъ: ́є҆́же, ко́е прича́стіе горнцꙋ̀ съ котло́мъ; ꙗ҆́внѡ и҆ ꙗ҆́снѡ кра́йнѣе нера́внагѡ л. рк҃д дрꙋ́жества ꙗ҆вля́етъ не ѹ҆до́бствіе. ́є҆ще́ же нѣ́кія ви́днѣ дрꙋ́жества такова́гѡ слꙋча́йная и҆зслѣ́дивъ до конца̀, ́є҆ди́нагѡ хи́трости, дрꙋга́гѡ же бѣⷣствія и҆знесѐ на ꙗ҆́вность. гл҃я си́це: бога́тый ѡ҆би́дꙋ твори́тъ.[2] и҆ ́є҆щѐ приразгнѣ́вается. ни́щій же ѡ҆ѕло́бленъ молчи́тъ. (и҆ па́ки) а҆́ще и҆́маши что̀, поживе́тъ с̾ тобо́ю: и҆ и҆стощит тя̀, и҆ сам не поболит ѡ҆ се́мъ. а҆́ще потре́бнѡ бꙋ́детъ ти, ѡ҆льсти́тъ тя̀, и҆ возсмѣ́еттися. Да́стъ ти наде́ждꙋ, возгл҃етъ тѝ до́брѣ, и҆ речет тебѣ̀: ́є҆́сть ли тѝ что̀ потре́бно; и҆ посрами́тъ тя̀ бра́шном свои́мъ. до́ндеже и҆стощи́тъ тя̀ два́жды и҆лѝ три́жды. и҆ на послѣ́док порꙋга́ется тебѣ̀, по то́мъ ѡ҆ста́витъ тя̀, и҆ главо́ю свое́ю л. рк҃д ѡ҆б. покива́етъ на тя̀. внима́й и҆ не забꙋ́ди да не смири́шися во ѹ҆веселе́ніи твоем, ́є҆гда́ тя си́лный призове́тъ: ѿстꙋпа́й, и҆ толи́кѡ па́че призове́тъ тя̀, не напада́й, да не ѿри́нешися. и҆ не сто́й ѿ дале́че, да не забвен бꙋ́деши. не належѝ ра́вен бы́ти ́є҆мꙋ̀, и҆ невѣ́рꙋй мно́жествꙋ слове́съ ́є҆гѡ̀. мно́гою бесѣ́дою и҆скꙋ́сит тя: и҆ ꙗ҆́кѡ смѣя́ся и҆спыта́ет тя. Безмлⷭ҇тивъ ́є҆́сть, и҆ не соблюда́ет слове́съ, и҆ не пощади́тъ ѡ҆сла́бити ѡ҆ ѕло́бѣ, и҆ ѡ҆ ѹ҆́захъ.

Соблюдѝ, и҆ внима́й ѕѣлѡ̀, ꙗ҆́кѡ с̾ паде́ніемъ твои́мъ хо́диши. (и҆ па́ки гл҃етъ.) Вся́кое живо́тное лю́битъ подо́бнаго себѣ̀, и҆ вся́къ человѣ́къ и҆́скренняго своего̀, вся́ка пло́ть по ро́дꙋ собира́ется: и҆ къ подо́бным себѣ̀ л. рк҃́є приложи́тся мꙋ́жъ (та́же па́ки) ка́я ѻ҆бщина̀ во́лкꙋ съ а҆́гнцемъ, та́кожде и҆ грѣ́шномꙋ с̾ бл҃говѣ́рным. Кі́й мі́ръ ѹ҆́є́нѣ со ѱо́мъ; и҆ кі́й ми́ръ бога́тꙋ съ ѹ҆бо́гимъ. Ло́въ лвꙋ̀ ѻ҆на́гри въ пꙋсты́ни, та́кожде па́жити бога́тым ѹ҆бо́зіи. ме́рзско го́рдомꙋ смире́ніе, си́це ме́рзок бога́томꙋ ни́щіий. Бога́тъ колѣ́бляся ѹ҆твержда́ется ѿ дрꙋгѡⷡ҇. ѹ҆бо́гій же пады́й, прирѣ́янъ бꙋ́детъ дрꙋ́ги. Бога́тꙋ собла́зншꙋся мно́зи застꙋ́пницы глаго́лаша и҆зрече́нія, и҆ ѡ҆правди́ша ́є҆го̀, ѹ҆бо́гій же соблазни́ся, и҆ запрети́ша ́є҆мꙋ̀, и҆звѣща̀ ра́зꙋм, и҆ не да́ша ́є҆мꙋ̀ мѣ́ста. Бога́тый возгл҃а, и҆ всѝ ѹ҆молча́ша: и҆ сло́во ́є҆гѡ̀ вознесо́ша до ѻ҆́блакъ. ѹ҆бо́гій возгл҃а и҆ всѝ рѣ́ша: кто̀ ́є҆́сть се́й; л. рк҃́є ѡ҆б. Ви́диши ны́нѣ: что̀ тебѣ̀ прино́ситъ не ра́венство в̾ дрꙋ́жествѣ. вня́лъ ли ́є҆сѝ премꙋ́дромꙋ сказа́нію І҆исꙋ́са сіра́хова; ра́дость ли, и҆лѝ печа́ль, ѡ҆хлажде́ніе ли и҆ потѣ́хꙋ; и҆лѝ ско́рбь и҆ тѣснотꙋ̀ и҆́маши ѿсю́дꙋ; ́є҆́й бѣ́дно сіѐ дрꙋ́жбы сочета́ніе, и҆дѣ́же ́є҆дин себѐ гдⷭ҇и́на, дрꙋга́го же раба̀ разсꙋжда́етъ. Ни ́є҆ди́на здѣ̀ крѣ́пость, ни ́є҆ди́на ѹ҆тѣ́ха, но сва́ръ, раздо́ръ, хꙋла̀, велича́ніе с̾ презо́рствомъ. Таковы́я бѣды̀ и҆збѣ́гнꙋти хотя́ше: и҆збира́им подо́бнаго и҆ ра́внаго въ дрꙋ́жбꙋ себѣ̀, да не ка́кѡ прицѣпи́вшеся си́лнымъ, и҆сче́знꙋти, по подо́бію рѣ́къ, ꙗ҆̀же вели́кимъ присовокꙋпля́ются, нꙋ́жда бꙋ́детъ.

л. рк҃ѕ