Ѡ҆ коры́стяхъ со врагѡ́въ.

Возводя̀ на́съ Гдⷭ҇ь на ве́рхъ добродѣ́телей, мнѡ́гая сре́дства по́далъ ́є҆́сть, ѻ҆́во подая́ти, ничто́же воспрія́ти ча́юще, ѻ҆́во[285] по́прище и҆тѝ со зва́вшим и҆ дрꙋго́е, ѻ҆́во ѹ҆даря́ющемꙋ въ лани́тꙋ ѡ҆браща́ти и҆ дрꙋгꙋ́ю, ѻ҆́во раздая́ти л. рк҃и ѡ҆б. и҆мѣ́нія своя̀, съ наде́ждою стори́чнѣ, здѣ̀ и҆ въ бꙋ́дꙋщемъ вѣ́цѣ воспрія́тія, ѻ҆́ко люби́ти врагѝ, и҆ добро̀ твори́ти ненави́дящымъ на́съ. Вся̑ же сія̀ несꙋмнѣ́ннѡ та́кѡ сꙋ́ть и҆ въ бꙋ́дꙋщемъ и҆ въ настоя́щемъ вѣ́цѣ поле́зна: ꙗ҆́кѡ не сꙋмни́телно ́є҆́сть ѡ҆ гдⷭ҇немъ поле́зная на́мъ ѹ҆строя́ющемъ промышле́ніи.

Но ка́я (вопроша́еши) в̾ ны́нѣшнемъ вѣ́цѣ ѿ врагѡ́въ, и҆́же всегда̀ а҆́ки а҆́дъ разширя́ютъ ѹ҆ста̀ своя̀, и҆ ѹ҆множа́ютъ хи́трости, во ́є҆́же вреди́ти на́съ: возмо́жетъ по́льза бы́ти; ѿвѣщава́ю съ Хироне́йскимъ Плюта́рхомъ: вѣ́мы сіѐ и҆звѣ́стно, ꙗ҆́кѡ во́ды морскі́я сла́ны сꙋ́ть и҆ къ питію̀ неꙋдо́бны, ѻ҆́баче на пи́щꙋ л. рк҃ѳ ры́бы на́мъ воспитова́ютъ, и҆ въ далеча́йшыя страны̀ ѿходя́щимъ пꙋ́ть быва́ютъ къ ꙗ҆жде́нію всеꙋдо́бнѣйшій. Ки́ты вели́кія стра́шны сꙋ́ть, и҆ лю́ты, ꙗ҆́кѡ и҆ караблѝ пожира́ти дово́лны: но и҆ ѡ҆ тѣ́хъ тꙋ́тъ въ мѣ́сто ́є҆ле́а во свѣти́лники ѹ҆потребля́емь быва́етъ. Ѻ҆́гнь ѕлѣ̀ ́є҆гѡ̀ ѹ҆потребля́ющихъ ѡ҆паля́етъ, свѣ́титъ же и҆ согрѣва́етъ, приспособля́етъ пи́щꙋ, и҆ ко мно́гомꙋ дѣ́лꙋ бл҃гопотре́бенъ ́є҆́сть, мꙋ́дрѣ тогѡ̀ ѹ҆потре́бльшимъ. Дре́вле за бл҃года́ть сіѐ и҆мѣ́яхꙋ, а҆́ще ѿ ѕвѣ́рей гдѣ̀ можа́хꙋ жи́телствовати без̾ бѣ́дно, ѡ҆ се́мъ бо то́кмѡ и҆ бра́нь и҆́хъ бя́ше со ѕвѣ́ри, послѣди́ же ́є҆гда̀ и҆зꙋчи́шася си́хъ на свою̀ ѡ҆браща́ти л. рк҃ѳ ѡ҆б. коры́сть, нн҃ѣ ѿ мя́съ нѣ́кіихъ пи́щꙋ и҆́мꙋтъ, ко́жами ѡ҆дѣва́ются, кѡ́сти на ѹ҆краш́є́нія, мо́зги на врачева́нія стяжева́ютъ, нижѐ в̾ ѕвѣ́рѣхъ то́кмѡ сія̑ творя́тъ, но и҆ в̾ ры́бахъ и҆ пти́цах, и҆ га́дѣхъ. И҆ по ́є҆ли́кꙋ жесточа́йшій ѕмі́й бꙋ́детъ, по ́є҆ли́кꙋ крѣпча́йшая си́ла въ ни́хъ и҆зы́щется цѣлбы̀, си́це и҆ ѡ҆ вразѣ́хъ сꙋди́ти подоба́етъ: ́є҆́же бо въ ни́хъ па́че вреди́телно ́є҆́сть, си́мъ па́че и҆ по́лзовати насъ бꙋ́дꙋтъ. Врази́ бо поне́же с̾ бо́дрымъ тща́ніемъ присѣдят дѣя́ніямъ на́шимъ, ѿвсю́дꙋ назира́ютъ житіѐ, нижѐ, то́кмѡ чре́зъ стѣ́ны ꙗ҆́кѡ лви́цей прозорли́вый, ни чрезъ ка́меніе но и҆ чрезъ дрꙋ́ги, и҆ чрезъ рабы̑ и҆ чрезъ дома́шнія л. р҃л ѡ҆ все́мъ ́є҆́же и҆лѝ твори́мъ, и҆лѝ совѣ́тꙋемъ, па́че же, а҆́ще въ че́мъ попо́лзнемся, ѡ҆ все́мъ се́мъ гл҃ю вѣ́дати тща́щеся, а҆́ки пригрожде́нны къ на́мъ, прицѣпля́ются та́йнамъ на́шимъ, по подо́бію се́мновъ, и҆̀же смердя́щыя то́кмѡ напада́ютъ трꙋ́пы: а҆ свѣ́жія нижѐ ѡ҆щꙋща́ютъ. Поползнове́ніи то́кмѡ и҆ блазнмѝ на́шими ѹ҆слажда́ются, и҆ а҆́ки нѣ́что и҆зря́днѣйшее ѡ҆брѣ́тше веселя́тся, на́мъ же ѿтꙋ́дꙋ ѕѣлѡ̀ и҆зря́дная, и҆ ѡ҆со́бнѣйшая цѣльба̀ быва́етъ. Свѣ́дꙋще бо мы̀ назира́телей таковы́хъ, че́стно, чи́нно же и҆ бо́дрственно ве́дꙋще житіѐ, са́ми себѣ̀ проразсꙋжда́емъ, са́ми себѣ̀ внима́емъ непреста́ннѡ: да не ка́кѡ л. р҃л ѡ҆б. что̀ неради́вѣ, неразсмо́трителнѣ, но проразсꙋди́телнѣ возгл҃го́лемъ же и҆ сотвори́мъ: жи́знь свою̀ непоро́чнꙋ, непови́ннꙋ, и҆ ѡ҆ всѣ́хъ ко ѡ҆клевета́нію ви́нъ свобо́днꙋ ведꙋ́ще. Та́кѡ и҆ стра́сти, и҆ бы́стріи ѻ҆бы́чаи смиря́ем: си́це над̾ во́лею поставля́емъ стра́жа ра́зꙋмъ: со вся́кимъ ѡ҆пасе́ніемъ днѝ и҆ но́щы прово́димъ: та́кѡ живꙋ́ще ѹ҆цѣломꙋдря́емся и҆ по нꙋ́ждѣ. и҆ногда́ же пріи́демъ въ и҆звѣ́стное добродѣ́телей соверше́нство, быва́емъ непоро́чни, цѣ́лы, небла́зненны, поне́же ѹ҆врачева́нни ѕло́бою врагѡ́въ на́шихъ.

А҆́ще же и҆ ѿмсти́ти врагѡ́мъ восхо́щемъ, та́кѡ пребыва́юще: ѹ҆до́бь возмо́жемъ. л. рл҃а

Вопроше́нъ и҆ногда̀ Діоге́нъ, ка́кѡ бы ѿмсти́ти врагꙋ̀; ѿвѣща̀ глаго́ля: си́це, а҆́ще са́мъ че́стенъ и҆ непоро́ченъ пребꙋ́деши. А҆́ще бо си́хъ, проти́вꙋ и҆̀мже кто̀ враждꙋ̀ и҆мѣ́етъ, ви́дитъ бл҃гоꙋстро́енныхъ кѡ́ній, и҆лѝ до́брѣ в̾ лови́твѣ и҆скꙋ́сныхъ и҆ и҆з̾ꙋче́нныхъ псѡ́въ, и҆лѝ гобзꙋ́ющыя поля̀ и҆ ни́вы, и҆лѝ многѡпло́дныя скоты̀, и҆лѝ кра́снѣ цвѣтꙋ́щыя ѕе́лія в̾ ѻ҆гра́дѣх. Сія̀ гл҃ю, и҆ подѡ́бная зря́й вра́гъ: ѿ за́висти и҆счеза́етъ воздыха́ющи. То̀ что̀ надѣ́ятися; ́є҆гда́ тя ѹ҆́зритъ мꙋ́жа пра́ведна, мꙋ́жа премꙋ́дра, сохра́нна, бл҃горазсꙋди́телна, и҆́стинствꙋющаго въ сло́вѣ, в̾ дѣ́лѣ постоя́ннаго, чи́стаго и҆ непоро́чнаго в̾ житіѝ. Та́кѡ бо пребыва́яй, ме́чь л. рл҃а ѡ҆б. вонзе́ши въ срⷣце врагꙋ̀ твоемꙋ̀. А҆́ще же и҆ ѡ҆глаго́лютъ вразѝ, ѡ҆ба́че и҆ ѿсю́дꙋ коры́сть и҆ приѡбрѣ́теніе ́є҆́сть. хотя́й бо весма̀ соверше́нъ бы́ти, по нꙋ́ждѣ кра́йнѣй, а҆́ще дрꙋгѡ́въ ѕѣлѡ̀ и҆́стинныхъ не и҆́мать, да терпи́тъ врагѡ́въ жесточа́йшихъ. ѻ҆ни́ бо ѹ҆вѣщава́юще, сі́и же ѡ҆глаго́люще, ѿ ѕлѡ́бъ ѿвраща́ютъ на́съ. А҆ ѻ҆со́бнѡ поне́же в̾ вѣ́цѣхъ на́шихъ ѕѣлѡ̀ ма́ло таковы́хъ дрꙋгѡ́въ, и҆̀же и҆́стинꙋ свобо́днѣ рекꙋ́тъ на́мъ, ѡ҆брѣстѝ возмо́жемъ: (вси́ бо на ле́сть и҆ ласка́ніе ѡ҆брати́шася, и҆ въ тѣ́хъ то́кмѡ многоглаго́ливы сꙋ́ть, ко и҆справле́нію же и҆ наказа́нію нѣ́мы, и҆ безязы́чни.) Ѹ҆́бѡ вня́телна да бꙋ́детъ на́мъ л. рл҃в ѿ врагѡ́въ и҆́стина, ꙗ҆́коже Тилефо́нъ дома́шняго не и҆мꙋ́щъ соверше́ннаго врача̀, ꙗ҆́звꙋ же прія́тъ ѿ А҆хі́ллеса, тѣ́мъ же сꙋпоста́тнымъ ѡ҆рꙋ́жіемъ врачева́ся, (ржꙋ́ бо ѡ҆скре́бъ ѿ ко́пія, то́ю посы́па ѹ҆ра́ненное мѣ́сто.) Си́це ́є҆мꙋ́же нѣ́сть бл҃говоли́телный наказа́тель, нꙋ́жда ́є҆́сть и҆ вра́жіимъ повинꙋ́тися ѹ҆кори́знамъ.

Хотя́щъ нѣ́кто Ѳессалоні́йскагѡ І҆ассѡ́на ѹ҆би́ти мече́мъ, ѹ҆врачева̀ ́є҆гѡ̀: разсѣ́ченꙋ бо и҆ и҆сте́кшꙋ вре́дꙋ, и҆сцѣлѣ̀ боля́й. Та́кѡ мно́жицею ѹ҆ко́ръ и҆ поноше́ніе ѿ ꙗ҆ря́щагося врага̀ нанесе́нный, дш҃е́внꙋю болѣ́знь и҆ стра́сть потае́ннꙋю и҆сцѣля́етъ въ на́съ. Ѹ҆́бѡ ко́имъ ли бо кто̀ порече́нъ л. рк҃в ѡ҆б. соверше́нствомъ, а҆́ще и҆́стина бꙋ́детъ, болши́мъ прилѣжа́ніемъ, па́че не́жели ѡ҆де́ждꙋ твою̀ и҆змы́ти потщи́ся, а҆́ще ло́жъ, и҆спыта́й винꙋ̀, коея̀ ра́ди сицевы́й на тя̀ поро́къ налага́етъ; не всегда́ бо поле́знѡ быва́етъ презира́ти непра́ведныя ѹ҆кори́зны, но мно́жицею лꙋ́чше и҆звѣсти́тися ѿкꙋ́дꙋ си́хъ произы́де нача́ло. Но ѹ҆держа́тися на порица́теля ѿ ꙗ҆́рости, прⷭ҇нѡ многѡполе́зно ́є҆́сть. Что́ бо на́мъ препина́етъ врага̀ своегѡ̀ въ мѣ́сто самоизво́лнагѡ и҆справи́теля и҆мѣ́ти, и҆ на́мъ безвѣ́стныхъ сказа́теля безпѣ́нежняго.

Не приѡбрѣ́теніе ли сіѐ и҆ коры́сть на́ша, ꙗ҆́кѡ мно́жае лꙋ́чше вра́гъ па́че л. рл҃г дрꙋ́га зри́тъ недоста́точества на́ша; вся́къ бо люби́тель, по Платѡ́новꙋ мнѣ́нію, слѣ́пъ ́є҆́сть в̾ ве́щи люби́мой. а҆ ненави́дящемꙋ любопы́тное многорѣ́чіе вездѣ̀ присꙋ́дственнѣ ́є҆́сть. І҆́єро́нъ нѣ́кто ѿ А҆ѳи́нѡвъ, ѹ҆коре́нъ ѡ҆ ѕлово́ніи ѹ҆́стъ свои́хъ, глаго́лаше ко сꙋпрꙋ́зѣ свое́й: почто̀ не возвѣстѝ ́є҆мꙋ̀ досе́лѣ ѡ҆ то́мъ; ѻ҆на́ же: мнѣ́хъ, речѐ, ꙗ҆́кѡ всѝ мꙋ́жіе таково́е дꙋхнове́ніе и҆́мꙋтъ. Зрѝ сегѡ̀, и҆́же не ѿ дома́шнихъ, ни ѿ прⷭ҇нагѡ дрꙋ́га, но ѿ внѣ́шнихъ ѡ҆ стра́сти свое́й ѡ҆бличе́нъ ́є҆́сть. А҆́ще же ѡ҆ се́мъ, ́є҆́же и҆ чꙋ́вствамъ вня́тно, не и҆звѣще́нъ ѿ свои́хъ, то̀ что̀ помышля́емъ ѡ҆ потае́нныхъ на́шихъ; любопы́тніи же вразѝ и҆ сія̀ л. рл҃г ѡ҆б. и҆зслѣ́дити дово́лни. Є҆ще́ же, и҆ и҆зря́днѣйшꙋю ча́сть добродѣ́тели я҆зы́ка, воздержа́ніе. а҆́ще не бꙋ́дет до́лгое въ сва́рахъ къ молча́нію ѡ҆быкнове́ніе, и҆ воспяще́ніе ꙗ҆́ростныя стра́сти, стяжа́ти невозмо́жнѡ. Є҆гда̀ сва́ры, понош́є́нія, и҆ ѹ҆кори́зны съ молча́ніемъ носи́ти навы́кнеши, ѹ҆до́бнѣе ѿ жены̀ сварли́выя и҆ ѕлорѣ́чивыя молвꙋ̀ понесе́ши, нижѐ смꙋти́шися, ѿ дрꙋ́га и҆лѝ ѿ бра́та наказꙋ́емый. Ѿ роди́телей ꙗ҆́звы и҆ ѹ҆дар́є́нія прете́рпиши благоꙋвѣ́тливнѣ. на послѣ́докъ: вре́мя ко ѿмще́нію ѡ҆брѣ́тъ, а҆́ще врагꙋ̀ ѿпꙋ́стиши, сѐ чл҃вѣколю́біе ́є҆́сть, и҆ хрⷭ҇тіанская крѣ́пость, ́є҆гда̀ ѹ҆миля́ешися зря̀ ́є҆гѡ̀ в̾ бѣдѣ̀, ́є҆ще́ же и҆ помощеⷭ҇твꙋ́еши л. рл҃д тре́бꙋющемꙋ, застꙋпа́я ча́да ́є҆гѡ̀, и҆ дома́шняя в̾ ѕлоключе́ніи. тогда̀ а҆́ще не возлю́битъ тя кто̀, и҆ не почꙋди́тся благосты́ни твое́й, се́й и҆лѝ са́мъ ѕвѣ́рь ́є҆́сть, и҆лѝ А҆даманти́ное срⷣце и҆мѣ́етъ.

И҆ ни́же ѿ похва́лъ, а҆́ще что̀ похва́лное во вразѣ́хъ ѹ҆ви́димъ, поле́зно бꙋ́детъ ѹ҆страня́тися, зане́же сіѐ па́че хва́лящемꙋ, не́жели хвали́момꙋ сла́вꙋ прино́ситъ. А҆ стяжа́вый нало́гъ таковы́й, ѹ҆жѐ стра́сть зави́стнꙋю прогна́лъ ́є҆́сть ѿ срⷣца своегѡ̀, ѹ҆жѐ таковы́й ѡ҆ добрѣ̀ ближнягѡ ра́дꙋется поне́же до́брое и҆ во вразѣ́хъ хвали́ти ѡ҆бы́клъ ́є҆́сть. и҆ въ пра́вдꙋ: что̀ на́мъ та́кѡ возмо́жетъ поле́зное и҆ коры́стное бы́ти в̾ вѣ́цѣ се́мъ, ꙗ҆́коже л. рк҃д ѡ҆б. сіѐ, ́є҆́же вино́вно ́є҆́сть ко и҆стребле́нію за́висти ѡ҆ срⷣцъ на́шихъ. И҆́же бо за́вистію не ѡ҆слѣпля́ется, но житіѐ врага̀ своегѡ̀ проразсꙋжда́етъ, и҆ смо́тритъ: ка́кѡ ѻ҆́нъ на че́сти восхо́дитъ; ко́ихъ ра́ди ви́нъ почита́ется; ка́кѡ собира́етъ и҆ со́держитъ и҆мѣ̑нія: то́й, а҆́ще бꙋ́дꙋтъ до́брая сре́дствія, возслѣ́довати, а҆́ще ѕла́я, ѹ҆клоня́тися, ѹ҆до́бь возмо́жетъ. ѿложи́мъ ѹ҆́бѡ вся́кꙋ ме́сть врагѡм и҆ сопротивле́ніе посредѣ́ бо ѡ҆ гл҃го́ланій и҆́хъ, а҆́ки посредѣ̀ пти́чнихъ восклица́ній ми́рно пожи́ти возмо́жемъ. не бра́немъ да блюдꙋ́тъ на́съ, та́кѡ бо живꙋ́ще: и҆ пред̾ человѣ́ки и҆ пред̾ А҆́гг҃лы ꙗ҆́вимся непоро́чни.

л. рл҃́є