Ѡ҆ цѣломꙋ́дріи

Доброзра́чный позо́ръ бл҃гочи́нія свѣ́тъ ѻ҆че́съ, и҆́мже всѐ тѣ́ло жи́зни свѣтлѣ́ется краснѡ̀, краснопѣ́сненная гꙋ́сль, сла́дцѣ всѣ́мъ и҆здаю́щая пѣ́снь, вездѣ̀ звѣня́щее, и҆ ѹ҆таи́тися не могꙋ́щее цѣломꙋ́дріе. ꙗ҆́кѡ вели́ко, и҆ ко́ль че́стно ́є҆́сть, в̾ са́момъ и҆́мени соде́ржитъ похвалꙋ̀ свою̀: цѣломꙋ́дріе бо нарече́ся, и҆лѝ всецѣ́лая мꙋ́дрость, ́є҆́же ́є҆́сть, всесоверше́нное самаго̀ себѐ позна́ніе, со всесоверше́ннымъ и҆справле́ніемъ жи́зни. ѿкꙋ́дꙋ зри́телно ́є҆́сть, ко́ль нꙋ́жно ́є҆́сть цѣломꙋ́дрію навыка́ти! ꙗ҆́коже чꙋ́вствія на́мъ пя́ть сꙋ́ть, и҆ всѣ́ми ́є҆гда̀ ѡ҆блада́емъ,[1] тогда̀ здра́вы ́є҆смы̀ и҆ цѣ́лы: л. рм҃в ѡ҆б. та́кѡ и҆ добродѣ́тели, а҆́ще кі́ихъ не и҆сполня́емъ, безѡбразꙋ́ютъ на́съ и҆ ме́рзскихъ творя́тъ. а҆́ще бо кто̀ возде́рженъ ́є҆́сть, а҆ не ми́лостивъ, и҆лѝ млⷭ҇тивъ но лихои́мецъ, и҆лѝ ѹ҆даля́ется чꙋжди́хъ, свои́хъ же не подава́етъ: вся̀ тꙋ́не быва́ют. Нижѐ (та́кѡ и҆ ѡ҆ про́тчемъ) бо пѣ́снь красна̀ бꙋ́детъ, и҆дѣ́же а҆́ще и҆ малѣ́йшихъ стрꙋ́нъ бꙋ́детъ несогла́сіе. Ѹ҆̀бо да слы́шимъ до́брѣ ѡ҆ на́съ гл҃ющихъ, да кра́сною пѣ́снію проповѣ́дꙋется жи́знь на́ша: (а҆ наипа́че въ ю҆́ности, [2] когда̀ вожделѣ́ніемъ и҆ неразсꙋжде́ніемъ води́ми быва́емъ,) де́сять гла́внѣйшихъ ви́дѡвъ цѣломꙋ́дрія, а҆́ки де́сять стрꙋ́нъ полага́ю, и҆̀же сꙋ́ть сі́и: л. рм҃г

[3] ЧЕ́СТНОСТЬ, ́є҆́же себѐ всегда̀ и҆ вездѣ̀ со прили́чествꙋющимъ ѹ҆краше́ніемъ че́стнѡ храни́ти.

[4] СОХРА́ННОСТЬ, ́є҆́же ѹ҆страня́тися вся́кія ме́рзости цѣломⷣрі́ю проти́вныя.

[5] Ѻ҆БꙊЗДА́НІЕ ВОЖДЕЛѢ́НІЙ, ́є҆́же воспяща́ти поⷣвиже́ніе страсте́й.

[6] КРО́ТОСТЬ, ́є҆́же разширя́ющꙋюся ко ѿмще́нію ꙗ҆́рость, и҆лѝ па́че ѹ҆жѐ и҆ гнѣ́въ и҆стребля́ти.

[7] ТИ́ХОСТЬ, ́є҆́же ѿ неполе́зныхъ ѹ҆держа́ти ѻ҆́цѣ, но́зѣ, рꙋ́цѣ, я҆зы́къ, и҆ прѡ́чая.

[8] БЛАГОЧИ́НІЕ, ́є҆́же разсꙋжда́ти, что̀, и҆ каковы́мъ дѣ́лати л. рм҃г ѡ҆б. что̀ ѡ҆ста́вити, во свя́ческихъ же бы́ти постоя́ннꙋ.

[9] ВОЗДЕРЖА́НІЕ ѿ и҆зли́шества бра́шенъ.

[10] ТРЕ́ЗВОСТЬ, ѹ҆держа́тися ѿ безчи́ннагѡ питія̀ ѹ҆пая́емыхъ.

[11] ПРИЛИ́ЧІЕ РИ́ЗЪ, ́є҆́же разсꙋжда́ти мѣ́сто, вре́мя, зва́ніе, са́нъ, и҆ коры́стей приѡбрѣ́теніе.

[12] Ѡ҆ЩА́ДСТВО[13] въ и҆ждиве́ніихъ, ́є҆́же на потр́є́бная то́кмѡ и҆ждива́ти, но и҆ та́мѡ с̾ ра́зꙋмомъ, и҆ ѹ҆ме́реннѣ.

Вся́ же цѣломꙋ́дрія ви́ды сія̀, без̾ постоя́нства бла́знь сꙋ́ть, и҆ ничто́же. тѣ́мъ та́кѡ хотя́й цѣломⷣреннѡ пожи́ти, пре́жде всегѡ̀, па́че всегѡ̀, л. рл҃д да и҆́мать попече́ніе ѡ҆ се́мъ, ́є҆́же бы́ти ́є҆мꙋ̀ постоя́ннꙋ и҆ неизмѣ́ннꙋ. постоя́ннꙋ въ щадѣ́ніи, и҆ ри́зъ прили́чіи, постоя́ннꙋ в̾ трезвѣ́ніи, воздержа́ніи, бл҃гочи́ніи, и҆ ти́хости, и҆ в̾ про́чіихъ цѣломꙋ́дрія сво́йствах неизмѣ́ннꙋ. Поне́же бо цѣломⷣріе прави́тель ́є҆́сть вожделѣ́ній и҆ страсте́й. до́лгое вре́мя, па́че же доне́лѣже живе́мъ, въ таково́мъ и҆скꙋ́сствѣ пребыва́ти надлежи́тъ. не вѣнча́ется же, а҆́ще кто̀ не претерпи́тъ до конца̀. До́брѣ ѹ҆̀бо глаго́ла нѣ́кто: житія̀ цѣломꙋ́дреннагѡ не нача́ло, но коне́цъ вѣ́дати надлежи́тъ. І҆ꙋ́да бы́сть ѹ҆ч҃ни́къ Хрⷭ҇тꙋ̀, но преда́тель по се́мъ. до́брое положѝ нача́ло, но коне́цъ ѡ҆предѣли́лъ ́є҆́сть ве́рвіем. Па́ѵелъ же л. рл҃д ѡ҆б. гоня́ше Цр҃ковь Гдⷭ҇ню, но и҆ ́є҆́сть сосꙋ́дъ и҆збра́нный по се́мъ.