Ѡ҆ похꙋжда́ющемъ и҆́ныхъ.

Ѡ҆ се́мъ нижѐ сꙋмни́телно комꙋ̀ ́є҆́сть, ꙗ҆́кѡ вся́къ своѐ бре́мя и҆́мать, вся́къ терпи́тъ ꙗ҆́звы своя̀, коли́ко бо недоста́точествъ, коли́ко несоверше́нствъ и҆мѣ́емъ, толи́ко но́сим бреме́нъ, толи́ки ꙗ҆́звы терпим. и҆ ꙗ҆́коже ѿ соверше́нства на́шегѡ расте́тъ че́сти вели́чество, си́це л. рѯ҃г ѹ҆маля́ется, каковꙋ́ ли бо поро́кꙋ сꙋ́щꙋ. но Ѽле сꙋемꙋ́дрія такова́гѡ! па́че же и҆зꙋмле́ннагѡ безстꙋ́дства! ́є҆́же свои́хъ ѡ҆ста́ваши неиспра́вленны, чꙋжды́я смотрѣ́ти поро́ки: сꙋ́ть бо нѣ́цыи в̾ чꙋжих то́ль же́стоки и҆ немлⷭ҇тиви, да а҆́ще и҆ малѣ́йшее что̀ ѹ҆́зрятъ поро́чно, за человѣкоꙋбі́йство ѡ҆сꙋ́дятъ. вся̑ рꙋга́т́єлства, вся́кія поно́сы, вся́кія ѹ҆кори́зны налага́юще на́нь. а҆ ѡ҆ себѣ̀ не помышля́ютъ, что̀ сꙋ́ть, кто̀, и҆ каковы̀ въ лю́дехъ мня́тся: но то́кмѡ непреста́ннѡ, а҆́ки плотоя̑дныя пти́цы, смердя́щихъ мя́съ, любопы́тнѣ и҆́щꙋтъ поро́кѡвъ. Ѻ҆́нсица (глаго́люще) непра́вы ѻ҆́чи и҆мѣ́етъ, ѻ҆́нсица не бѣ́лы рꙋ́цѣ. се́й смотри́тъ ко́свеннѡ, и҆́нъ я҆зы́къ л. рѯ҃г ѡ҆б. не ꙗ҆́сенъ: и҆ ѹ҆стнѣ̀ и҆́мать не доброрѣ́чивы. Се́й ѹ҆бо́гъ за лѣ́ность, ѻ҆́въ же бога́тъ лихои́мецъ сꙋ́щь, ѻ҆́въ гꙋгни́въ то́кмѡ, се́й же весма̀ безгла́сенъ. Да сокраще́ннѣ рече́мъ: вся̑ я҆зы́комъ и҆справля́ютъ, а҆́ще возмо́жнѡ, и҆ гѡ́ры преставля́ли бы ѿ мѣ́ста на мѣ́сто. вся̑ и҆́мꙋтъ, ́є҆ди́нагѡ и҆ то̀ ма́лагѡ, а҆́ки зерно̀ горꙋ́шично вѣ́ры не и҆мѣ́ютъ, гл҃алъ бы́хъ, ꙗ҆́кѡ ни любвѐ, нижѐ про́чіихъ каковы́хъ добродѣ́телей возмо́гꙋтъ и҆мѣ́ти, си́це неиспра́вленнѣ живꙋ́ще. Тѣ́мже (ꙗ҆́коже и҆ всѝ вѣ́мы) лꙋ́чше ́є҆́сть сво́й ѡ҆чища́ти и҆ храни́ти до́мъ.[1] Гдⷭ҇ь же и҆ ѻ҆́дръ носи́ти повелѣ̀, а҆́ще кто̀ здра́въ ́є҆́сть.[2] вѣ́мы, ꙗ҆́кѡ стра́шенъ ́є҆́сть л. рѯ҃д во гра́дѣ свое́мъ мꙋ́жъ я҆зы́ченъ. и҆ де́рзый словесы̀, возненави́дѣнъ бꙋ́детъ, что́ же и҆ писа́ніе ѡ҆ си́хъ ꙗ҆́вственнѣе глаго́летъ, слы́шимъ: ́є҆́сть (речѐ) мꙋ́жъ кова́ренъ, наказа́тель мнѡ́гимъ, и҆ свое́й дꙋшѝ неключи́мъ. ́є҆́сть, премꙋдря́йся, въ словесѝ возненави́димъ. се́й вся́кія пи́щи лише́нъ бꙋ́детъ, не дана̀ бо ́є҆мꙋ̀ бы́сть ѿ Гдⷭ҇а блгⷣть, ꙗ҆́кѡ вся́кія премꙋ́дрости лише́нъ ́є҆́сть. таковы̀ сꙋ́ть, и҆ та́кѡ и҆скꙋ́сни похꙋжда́ющіи и҆́ныхъ.

И҆́но ́є҆́сть дрꙋголю́бное и҆справле́ніе бли́жнягѡ, ́є҆́же и҆ ѿ Гдⷭ҇а повелѣ́но ́є҆́сть, ́є҆́сть поле́зно бра́тꙋ. Са́мо же ѡ҆ себѣ̀ добродѣ́тель ́є҆́сть: а҆ такова́го, и҆́же похꙋжда́етъ и҆́ныхъ л. рѯ҃д ѡ҆б. и҆ в̾ дом привестѝ не безбѣ́днѡ ́є҆́сть [3] не вся́каго (речѐ) чл҃ка введѝ в̾ до́мъ тво́й, мно́га бо сꙋ́ть ла̑янія лсти́выхъ. ꙗ҆́коже ря́бка ло́вится въ ко́шницѣ, та́кожде се́рдце го́рдагѡ, ꙗ҆́коже согля́дникъ взира́етъ пад́є́нія, до́брое на ѕло̀ ѡ҆браща́я, доса́дꙋ твори́тъ. Сицевы́хъ же и҆ ѕлодѣ́емъ Сіра́хъ [4] нарица́етъ: блюди́ся (речѐ) ѿ ѕлодѣ́я, ѕло́ бо содѣва́етъ. Є҆да̀ нѣ́когда поро́къ да́стъ тебѣ̀ во вѣ́ки.

Та́же кра́йнюю ѕло́бꙋ ́є҆гѡ̀ ѿкрыва́я гл҃етъ: Вселѝ ́є҆го̀ въ до́мъ тво́й, а҆ ѻ҆́нъ вся̑ разврати́тъ мяте́жемъ, и҆ чꙋ́жда тя̀ сотвори́тъ твои́хъ ти.

л. рѯ҃́є