Ѡ҆ защище́ніи ѿ клеве́тъ.

Повелѣ̀ Ѻ҆лофе́рнъ рабѡ́мъ свои́мъ[1] да поима́ютъ А҆хіо́ра, и҆ ведꙋ́тъ ́є҆го̀ во гра́дъ Веѳꙋ́лію, и҆ предадꙋт ́є҆го̀ в̾ рꙋ́ки сыновѡм І҆и҃левымъ И҆ взе́мше А҆хіо́ра во́ини ѿведо́ша къ гѡра́мъ Веѳꙋ́ліи, и҆ привяза́ша ́є҆го̀ къ дре́вꙋ, са́ми возвра́щшеся въ полкѝ л. рѻ҃в ѡ҆б. своя̀. сы́нове же І҆и҃левы пріидо́ша къ немꙋ̀, и҆ ѿрѣ́шше приведо́ша въ Веѳꙋ́лію.

Ко́е же бы́сть престꙋпле́ніе ́є҆гѡ̀; зри́те: ́є҆гда̀ Ѻ҆лофе́рнъ во́ждь во́́євъ царя̀ А҆ссірі́йскагѡ Навꙋходонѡ́сора прибли́жися съ полкѝ свои́ми к̾ предѣ́лѡмъ І҆и҃левымъ: [2] созва̀ всѣ́хъ кн҃зе́й свои́хъ, что̀ сꙋ́ть лю́діе ѻ҆́ны, гѡра́ми ѡ҆бладаю́щіи; Каковы̀, и҆ коли́ки си́лы и҆́хъ, коли́ки гра́ды и҆лѝ ко́е бꙋ́детъ мно́жество люде́й; Тогда̀ А҆хіо́ръ ѻ҆́ный чи́номъ воево́да сꙋ́щь, па́че же, ꙗ҆́кѡ до́брѣ свѣ́дый ѡ҆ ро́дѣ І҆и҃лстѣмъ: предложѝ ́є҆мꙋ̀ соверше́ннѡ ѡ҆ все́мъ: ѿкꙋ́дꙋ и҆мѣ́ют нача́ло своѐ, ка́кѡ пріидо́ша во Є҆гѵ́петъ, коли́кія чꙋдеса̀, коли́кія л. рѻ҃г бѣды̀ Є҆гѵ́птянѡм и҆́хъ ра́ди сотворѝ Гдⷭ҇ь нбⷭ҇ный: ка́кѡ чре́зъ мо́ре чермно́е по сꙋ́хꙋ и҆зыдо́ша ѿтꙋ́дꙋ, и҆ въ пꙋсты́ни горы̀ Сіна́йскія. во́ды го́ркія ѹ҆слажде́ни сꙋ́ть, бра́шно же ѿ нб҃сѐ и҆мѣ́яхꙋ, ка́кѡ без̾ стрѣ́лъ, без̾ лꙋ́ка врагѡ́въ свои́хъ, и҆ всѣ́хъ си́лныхъ во Є҆севѡ́нѣ ѡ҆долѣ́ша, гра́ды и҆́хъ: и҆ всю̀ зе́млю ѡ҆держа́ша. И҆ да́же доко́лѣ (речѐ) не согрѣша́тъ пред̾ Бг҃омъ свои́мъ, бы́ша съ ни́ми блага̑я, тѣ́мже а҆́ще не согрѣши́ша лю́діе сі́и пред̾ Бг҃омъ свои́мъ, не возмо́жем проти́витися и҆̀мъ. Сія̀ вина̀, сіѐ престꙋпле́ніе А҆хіо́рово, ꙗ҆́кѡ вмѣ́стѡ сме́ртныя ка́зни привя́занъ ́є҆́сть къ дре́вꙋ. Что́ же по се́мъ; Гдⷭ҇ь спосо́бствова по и҆́стинѣ л. рѻ҃г ѡ҆б. таково́мꙋ защи́тникꙋ и҆ просла́витетелю люде́й І҆и҃левыхъ: вско́рѣ бо сію̀ ѹ҆зрѣ̀ главꙋ̀ ѿсѣ́ченꙋ, ꙗ҆́же ́є҆мꙋ̀ сме́рть ѡ҆предѣля́ше. Та́кѡ подоба́етъ, и҆ та́кѡ достои́тъ, поⷣвиза́тися и҆ защища́ти и҆́ных сла́вꙋ. да не бꙋ́демъ прича́стницы чꙋжы́я кро́ве, и҆ ѹ҆мре́ти бо не гл҃ю за и҆норо́дныя, но за ́є҆диноплеме́нныя, за ́є҆диновѣ́рныя, за дрꙋ́ги своя̀, любо́вь понꙋжда́етъ.

Не ѹ҆мре́ти ѹ҆́бѡ, смѣ́хъ бо сѐ, за толи́ким любвѐ и҆зсякнове́ніемъ, ѹ҆ мно́гихъ ꙗ҆ви́тся: но понѐ бꙋ́демъ такова́гѡ поборе́нія ѡ҆ дрꙋзѣ́хъ свои́хъ, не загражда́ти ѹ҆ста̀ ѕлорѣ́чива, и҆ не кн҃зю, ни влⷣцѣ, но ра́вномꙋ на́мъ. Ѻ҆ба́че проти́вное л. рѻ҃д дѣ́ется прд̾ ѻ҆́чима на́шима: ́є҆гда̀ слы́шимъ клеве́щꙋщаго, простира́емъ и҆ наставля́емъ ѹ҆́ши на́ша, а҆́ки но́вое нѣ́что слы́шати хотя́ще, ́є҆ще́ же не загражда́емъ ѹ҆́стъ ѕлорѣ́чивыхъ, но дрова̀ ѻ҆гню̀ полага́емъ, своѐ та́мѡже нѣ́что вмета́юще на бли́жнихъ. Ѹ҆̀бо, ꙗ҆́коже цр҃ца ю҆́жская, и҆ мꙋ́жіе Ніневи́тстіи, и҆́ныхъ, си́це кня́зь А҆хіо́ръ пріи́детъ на сꙋ́дъ и҆ ѡ҆сꙋ́дитъ на́съ, а҆́ще же и҆́стиннѡ восхо́щемъ и҆спра́вити добродѣ́тель, а҆́ще застꙋпи́мъ бли́жняго, а҆́ще и҆зме́мъ ѿ клеве́тъ, и҆ просла́вимъ и҆ восхва́лим ѡ҆клевета́ннаго, ѹ҆́зримъ смире́нна клеветника̀, пребꙋ́демъ съ Со́лнцемъ пра́вды, и҆ бꙋ́демъ сы́нове вы́шнягѡ.

л. рѻ҃д ѡ҆б.