Ѡ҆ зазо́рѣ.

Нача́ло вражды̀ междꙋ̀ всѣ́ми живꙋ́щими на землѝ, разоре́ніе дрꙋгѡ́въ и҆ бра́тіи, зазо́ръ пагꙋбоно́сный, коли́кѡ содѣ́я ѕла̀, коли́кѡ погꙋби́лъ ́є҆́сть, коли́кѡ разрꙋшѝ домѡ́въ, градѡ́въ, и҆ црⷭ҇твъ; коли́кѡ всегда̀ неꙋсы́пенъ пребыва́етъ, толи́кѡ многобѣ́денъ ́є҆́сть: ниже́ бо число̀ ѕло́бъ ́є҆гѡ̀ ѡ҆предѣле́ннѣ сказа́ти возмо́жнѡ, ѻ҆ба́че же не та́кѡ дѣ́йствителенъ ́є҆́сть са́мъ ѡ҆ себѣ̀, а҆́ще клеветни́цы не сꙋ́ть въ спосо́бствіи съ ни́мъ, зазо́ръ бо поне́же ́є҆́сть ма́лое нѣ́кое зна́меніе бла́зни, ско́рѡ и҆счеза́етъ. А҆́ще же и҆́скрꙋ ѿ ѻ҆гня̀ не во́змет клеветни́къ, и҆лѝ сама́го пꙋ́ститъ междꙋ̀ ми́рнѡ л. рѻ҃́є живꙋ́щими, тогда̀ бо́лшій сотворит пожа́ръ, не́жели ѿ Самѱо́на[1] пꙋще́ніи со ѻ҆гне́мъ лисы̀ на ни́вахъ філісти́мских, та́мѡ бо до гꙋ́мнѡвъ віногра́дѡвъ, и҆ ма́сличія до́йде, здѣ́ же и҆ дꙋ́шы госпо́дій пояда́етъ пла́мень, нѣ́сть вои́стиннꙋ, нѣ́сть но́во, ѿ зазо́ра ѡ҆болга́нію произше́дшꙋ погꙋбля́ти непови́нных, ꙗ҆̀же быва́́ємая: разсмотря́я Соломѡ́нъ, и҆ блажа̀ па́че ѹ҆ме́ршихъ, воззва̀ глаго́ля: ѡ҆брати́хся а҆́зъ,[2] и҆ ви́дѣхъ ѡ҆клевета́нныя быва́ющыя под̾ со́лнцем, и҆ сѐ сле́зы ѡ҆клевета́нныхъ, и҆ нѣ́сть и҆̀мъ ѹ҆тѣша́ющаго, и҆ ѿ рꙋ́къ ѡ҆би́дящихъ и҆́хъ нѣ́сть и҆збавля́ющаго, и҆ похвали́хъ всѣ́хъ ѹ҆ме́ршихъ па́че живы́хъ. л. рѻ҃́є ѡ҆б.

Тѣ́мже стяжа́вшіи ра́зꙋмъ, не ско́рѡ на ѹ҆вѣре́ніе преклони́мъ срⷣца̀ на́ша. А҆́ще зна́м́єнія, а҆́ще и҆ свидѣ́тели бꙋ́дꙋтъ, быва́ютъ бо и҆ зна́м́єнія л́є́стна, и҆ свидѣ́тели лѡ́жны. [3] А҆́зъ бы́хъ ѻ҆ц҃ъ немощны̑мъ, прю́ же, ́є҆я́же не свѣ́дяхъ, и҆зслѣ́дихъ. Си́це бесѣ́дꙋетъ І҆́ѡвъ ко дрꙋгѡ́мъ [4] свои́мъ, на́съ же поꙋча́етъ, да не ско́ры бꙋ́демъ ко ѹ҆твержде́нію сло́ва, да не что̀ на́гло ѡ҆сꙋ́димъ, да не ѹ҆слы́шавше что̀, а҆́біе на сіѐ преклони́мся, нижѐ словесе́мъ без̾ соверше́ннагѡ доведе́нія ѹ҆вѣ́римъ, постыжда́етъ же сицевꙋ́ю де́рзость Гдⷭ҇ь на́шъ, ́є҆мꙋ́же вся̀ вселе́нная на́га ́є҆́сть, не покрове́нна, и҆́же вѣ́сть та́йная срⷣца̀, ѕла̑я быва́́ємая в̾ Содѡ́мѣ. л. рѻ҃ѕ ́є҆ди́нагѡ ра́ди слы́шанія не восхотѣ̀ сꙋди́ти, гл҃етъ бо ко А҆враа́мꙋ: во́пль содѡ́мскій и҆ гомѡ́рскій ѹ҆мно́жися ко мнѣ̀, и҆ грѣсѝ и҆́хъ вели́цы ѕѣлѡ̀, соше́дъ ѹ҆́бѡ да ви́ждꙋ, а҆́ще по во́плю и҆́хъ приходя́щемꙋ ко мнѣ̀, конча́ются, и҆лѝ нѝ, да разꙋмѣ́ю.

Приꙋподоби́телнѣ здѣ̀ гл҃ет писа́ніе, занѐ ка́мѡ то́й по́йдетъ, И҆́же вся̑ и҆сполня́етъ; и҆лѝ чесогѡ̀ не ви́дѣ, и҆ ви́дѣти хо́щетъ, Содержа́й вся̑ го́рстію: но ́є҆́же до́лжни ́є҆смы̀ твори́ти, сіѐ и҆́стое гл҃етъ писа́ніе ѡ҆бз҃ѣ: во и҆́стиннꙋ бо зазо́ръ и҆ клеветни́къ, (не сꙋ́щꙋ соверше́нномꙋ и҆спыта́нію) безчи́сленныхъ погꙋби́ша непови́ннѣ, си́це І҆ѡ́сифъ в̾ теми́цꙋ л. рѻ҃ѕ ѡ҆б. вверже́нъ, та́кѡ Сꙋса́нна на сме́рть ѡ҆сꙋждена̀ бы́сть.

Зна́меніе на І҆ѡ́сифа: зазо́ръ бя́ше въ домꙋ̀ Є҆гѵ́птяниновомъ, ꙗ҆́кѡ [5] всемꙋ̀ бы́сть приста́вникъ, и҆ никто́же бы́сть вы́шше ́є҆гѡ̀, лжꙋ̀ свою̀ ѹ҆твержда́ше жена̀ ри́зою І҆ѡ́сифовою, ю҆́же ѿбѣжѐ не соизволя́я на скве́рное дѣ́ло: лжѣ̀ ѹ҆́бѡ ꙗ҆́тъ Пенте́фрій вѣ́рꙋ. и҆ вве́рже І҆ѡ́сифа, ꙗ҆́кѡ хотя́щаго ѡ҆брꙋга́ти сꙋпрꙋ́гꙋ ́є҆гѡ̀, в̾ темни́цꙋ. но Бг҃ъ бы́сть со І҆ѡ́сифомъ непови́ннымъ, и҆ сотворѝ того̀ цр҃я̀ всемꙋ̀ Є҆гѵ́птꙋ: жена́ же по се́мъ ѿкры́ла ́є҆́сть мꙋ́жеви напа́дствованіе то̀ на І҆ѡ́сифа сотворе́нное непови́ннѣ.

Сꙋдіѝ І҆и҃лстіи, лѣ́ты и҆ са́номъ мꙋ́жы честні́и, свидѣ́телствовахꙋ л. рѻ҃з на Сꙋса́ннꙋ, ꙗ҆́кѡ ́є҆ди́нꙋ ю҆̀ ѡ҆брѣто́ша со ѻ҆́трокомъ въ вертогра́дѣ, пока́зовахꙋ же и҆ две́рцы ѿве́рсты, и҆́миже ѹ҆бѣжа̀ то́й. Бы́лъ подзо́ръ ѿве́рстые две́рцы, ꙗ҆́кѡ ѹ҆бѣжа́ти можа́ше кто̀. Но премⷣрымъ сꙋдо́мъ Даніи́ла прⷪ҇ро́ка ѿкры́ся непра́вда, ѡ҆правда́ся Сꙋса́нна, лестцы́ же впадо́ша в̾ ро́въ, ́є҆го́же и҆скопа́ша непови́ннѣй Сꙋса́ннѣ. Бл҃же́нный І҆ерѡним в̾ ́є҆пісто́ліи м҃ѳ, ѹ҆диви́телнꙋю сказꙋ́ет по́вѣсть, ка́кѡ ѿ ма́лагѡ нѣ́коегѡ зазо́ра, мꙋ́жъ нѣ́кій в̾ Верке́ллѣ гра́дѣ І҆талі́йстѣм, пріе́мъ ѕло́е ѡ҆ женѣ̀ мнѣ́ніе, предадѐ ю҆̀ сꙋдіѝ, да и҆стя́жетъ тꙋ́ю мꙋ́ками и҆ по достоя́нію, сме́рти преда́стъ. вда́въ же и҆ ѻ҆́трока на мꙋче́ніе сегѡ̀, съ ни́мже ви́дѣ женꙋ̀ на ́є҆ди́нѣ л. рѻ҃з ѡ҆б. бесѣ́дꙋющꙋю. Мла́дъ сі́й ѻ҆́трокъ сꙋ́ще, нижѐ вѣ́дый что̀ бꙋ́дет по се́мъ ѹ҆боя́ся мꙋ́къ, сказа̀ на себѐ то̀, ́є҆́же не содѣ́ла.

Та́же спекꙋла́тори прія́ша въ своѝ рꙋ́цѣ и҆ невѣ́стꙋ, ѻ҆ба́че непови́нная мꙋ́жественнѡ терпя́щи, ча́стѣ къ нб҃сѝ возводя́ше ѻ҆́чи глаго́ля: ты̀ свидѣ́тель ́є҆сѝ Гдⷭ҇и І҆и҃се, ́є҆мꙋ́же ничто́же ѹ҆тае́нно ́є҆́сть: ꙗ҆́кѡ не сегѡ̀ ра́ди ѿрица́юся гл҃анныхъ на мя̀ да не поги́бнꙋ, но сегѡ̀ ра́ди лга́ти не хощꙋ̀, да не согрѣшꙋ̀ пред̾ тобо́ю. Ты́ же поги́белный (ко ѻ҆́трокꙋ речѐ) человѣ́че, а҆́ще поги́бнꙋти спѣши́шися, то̀ почто̀ двои́хъ погꙋбля́еши непови́ннѣ, и҆ себѐ и҆ менѐ. А҆́зъ и҆ сама̀ жела́ю ѹ҆мре́ти, л. рѻ҃и но не ꙗ҆́кѡ прелюбы̀ сотво́ршая. Ѹ҆сꙋгꙋбля́ются мꙋч́є́нія, сꙋдія̀ наⷣстои́тъ гро́знѡ, претя̀ спекꙋла́тором сме́ртію, а҆́ще къ самоꙋ́стномꙋ сказа́нію грѣха̀ не ѹ҆бѣдя́тъ ́є҆я̀. власа́ми привязꙋ́ютъ спекꙋла́тори къ столпꙋ̀ женꙋ̀, и҆згре́бины и҆ смолꙋ̀ подлага́юъ под̾ но́зѣ, возжига́ютъ ѻ҆́гнь, р́є́бра желѣ́зомъ стрꙋ́жꙋт, и҆ ́є҆ли́кѡ ѹ҆́дѡвъ, толи́кѡ мꙋ́къ привзы́скиваютъ, все́ же тѣ́ло ́є҆ди́на ꙗ҆́зва. А҆ непови́нная то́же вопіе́тъ, та́же къ сꙋдіѝ: сѣчѝ, ѡ҆паля́й, раздробѝ, не сотвори́хъ ничто́же таково̀. пріи́детъ де́нь, и҆́же ѿкры́етъ и҆́стинꙋ. Ѹ҆сꙋмнѣва́хꙋся мꙋ́чащіи, ѹ҆́жасъ ѡ҆б̾е́мляше зря́щих, и҆ всѝ ѹ҆миля́хꙋся дивя́щеся л. рѻ҃и ѡ҆б. терпѣ́нію ́є҆я̀, ́є҆ди́нъ то́кмѡ сꙋдія̀ не ѹ҆мягчѝ ка́меннагѡ срⷣца своегѡ̀, ́є҆ще́ же и҆ воззва̀ глаго́ля: что̀ ѹ҆дивля́етеся ́є҆́й; а҆́ще па́че мꙋ́читися хо́щетъ, не́жели сказа́ти и҆́стинꙋ. Прелюбодѣя́ніе ѿ ́є҆ди́нагѡ, ꙗ҆́коже са́ми вѣ́сте, бы́ти не мо́жетъ. Ѹ҆̀бо вѣроя́тнѣе ́є҆́сть, ꙗ҆́кѡ пови́нная таи́тъ беззако́ніе своѐ, не́жели ю҆́ноша са́мъ на себѐ ре́клъ непра́вдꙋ, и҆ та́кѡ сꙋдѝ ѡ҆бои́хъ на сме́рть. ѻ҆боя̀ ведꙋ́тся на посѣче́ніе: ѡ҆кая́ннагѡ ю҆́ноши глава̀ ́є҆ди́нымъ ѿпа́даетъ сѣче́ніемъ. Жена́ же, а҆́ки втора́я Сꙋса́нна, прекланя́етъ колѣ́нѣ, не попꙋстѝ покры́ти ѻ҆́чи своѝ. Нб҃о свидѣ́теля непови́нности своея̀ призыва́я, тѣ́мъ вре́менемъ крѣ́пцѣ л. рѻ҃ѳ ѹ҆даре́на мече́мъ въ вы́ю, ма́лыя то́кмѡ нѣ́кія ка́пли кро́ве и҆спꙋстѝ. Па́ки спекꙋла́торъ ѹ҆даря́етъ: но а҆́ки ѿ ка́мене ѿскочѝ ме́чь. Раз̾яри́ся ѹ҆́бѡ мꙋчи́тель, и҆ всю̀ подви́глъ си́лꙋ: трети́цею ѹ҆да́ри ѕѣлѡ̀ крѣ́пкѡ, ѻ҆ба́че же всꙋ́е: та́же покꙋси́ся пробостѝ вы́ю ́є҆я̀: но согбе́ся а҆́ки ли́стъ ме́чь, но́вый ме́чь, но́вый сѣче́цъ, та́же и҆ семꙋ̀ ѹ҆множи́вшꙋ сѣч́є́нія, падѐ жена̀ полꙋме́ртва, неязвле́на мече́мъ. Та́кѡ лю́тъ ́є҆́сть зазо́ръ, и҆ всѣ́мъ многобѣ́ден, тѣ́мже да не неради́мъ ѡ҆ не́мъ, и҆ ꙗ҆́коже ѹ҆ше́съ не подая́ти клеветникѡ́мъ, си́це вездѣ̀ сами́мъ пребыва́ти сохра́нно, не подава́юще по себѣ̀ никакова́гѡ ѕла̀ поро́ка, л. рѻ҃ѳ ѡ҆б. [6] и҆ ꙗ҆́коже А҆пⷭ҇лъ гл҃етъ: не ктомꙋ̀ ѹ҆̀бо дрꙋгъдрꙋ́га ѡ҆сꙋжда́емъ, но сіѐ па́че сꙋди́те, ́є҆́же не полага́ти претыка́нія бра́тꙋ, и҆лѝ собла́зна.