Ѡ҆ вѣ́рѣ бж҃іей.

Крѣ́пость, ꙗ҆́же быва́етъ ѿ вѣ́ры, показꙋ́я и҆ногда̀ Гдⷭ҇ь ѹ҆чн҃кѡм свои́мъ, и҆ си́лꙋ: со ѹ҆твержде́ніем рече́нія сегѡ̀ А҆МИ́НЬ. а҆́кибы с̾ кля́твою гл҃аше: а҆ми́нь бо гл҃ю[1] ва́мъ: а҆́ще и҆́мате вѣ́рꙋ ꙗ҆́кѡ зе́рно горꙋ́шно, рече́те горѣ̀ се́й: прейдѝ ѿсю́дꙋ та́мѡ, и҆ пре́йдет: и҆ ничто́же невозмо́жно ва́мъ бꙋ́детъ. Та́кѡ[2] си́лна ́є҆́сть вѣ́ра несꙋмнѣ́нная, ́є҆я́же кромѣ̀, а҆́ще и҆ Пе́тръ кто̀ ре́вностію бꙋ́детъ, посредѣ̀ вѡ́лнъ погря́знет. И҆, ни Бг҃ꙋ кто̀ без вѣ́ры ѹ҆годи́ти [3] мо́жетъ. Вѣ́рꙋ здѣ̀ гл҃емъ дѣ́лы свидѣ́телствованнꙋю. Ка́я бо по́лза (гл҃етъ І҆а́кѡвъ а҆пⷭ҇лъ) а҆́ще вѣ́рꙋ кто̀ и҆мѣ́етъ, дѣ́лъ же не и҆́мать, л. в҃і ѡ҆б. ́є҆да̀ мо́жетъ вѣ́ра спастѝ ́є҆го̀. Не дово́лно ́є҆́сть, мни́телнѣ то́кмѡ вѣ́ровати Бг҃ꙋ, и҆лѝ ѻ҆́бразъ то́чію содержа́ти вѣ́ры: но вѣ́рꙋ ѿ дѣ́лъ показа́ти. Вѣ́рꙋ дѣйстви́телнꙋю. Вѣ́рꙋ могꙋ́щ́ꙋю, не гѡ́ры ѿ мѣ́ста на мѣ́сто, ꙗ҆́же не дово́лна спастѝ на́съ. (мно́гимъ бо рече́ся: не вѣмъ ва́съ. [4] А҆́ще же и҆ гѡ́ры кто̀ преставля́етъ: мно́жицею ничто́же ́є҆́сть.) но на́съ преста́вити ѿ земны́хъ на нбⷭ҇ная. Кра́снѣ ѡ҆ та́кѡ вѣ́ровавшихъ Григо́рій бесѣ́довникъ, въ сло́вѣ нареч́є́нія сія̑: и҆́же не и҆́метъ вѣ́ры: гада́тельствꙋетъ. Мню̀ (речѐ) ꙗ҆́кѡ вся́къ са́мъ в̾ себѣ̀ гл҃етъ: а҆́зъ ѹ҆жѐ вѣ́ровахъ, ѹ҆̀бо и҆ спасꙋ́ся, и҆́стинꙋ гл҃етъ, а҆́ще вѣ́рꙋ дѣ́лы ѹ҆твержда́ет. л. г҃і И҆́стинная же вѣ́ра сія̀ ́є҆́сть: ́є҆́же ѹ҆сты̀ и҆сповѣ́дꙋемъ, то́е и҆ нра́вы показꙋ́емъ. А҆ не ́є҆́же сло́вомъ непроти́вѡ стоя́ти: дѣ́лы же весма̀ и҆́ннагѡ ꙗ҆́вляти себѐ.

Подо́бнѣ ѡ҆ тѣ́хже прельща́ющихъ себѐ и҆ Па́ѵелъ а҆пⷭ҇лъ бесѣ́дꙋя гл҃етъ: Бг҃а и҆сповѣ́дꙋютъ вѣ́дати, а҆ дѣ́лы[5] ѿме́щꙋтся ́є҆гѡ̀: ме́рзцы сꙋ́ще и҆ непокори́ви, и҆ на вся́кое дѣ́ло бл҃го́е неискꙋ́сни. То́жде і҆ѡа́ннъ любвѐ и҆звѣ́стнѣйшій ѹ҆чи́тель ѹ҆твержда́етъ, ре́къ: ѡ҆ се́мъ разꙋмѣва́ем, ꙗ҆́кѡ позна́хомъ ́є҆го̀, а҆́ще за́пѡвѣди ́є҆гѡ̀ соблюда́емъ. гл҃яй же, ꙗ҆́кѡ позна́хъ ́є҆го̀, а҆ за́пѡвѣдей ́є҆гѡ̀ не соблюда́етъ: ло́жъ ́є҆́сть, и҆ въ се́мъ и҆́стины нѣ́сть. до здѣ̀ Григо́рій. л. г҃і ѡ҆б. Вне́млемъ ́є҆щѐ и҆ ѿ прⷪ҇рѡ́къ гл҃аннымъ ѡ҆ ра́знствіи вѣ́ры: Првⷣный (речѐ) [6] ѿ вѣ́ры жи́въ бꙋ́детъ. зрѝ, что̀ гл҃етъ: Првⷣный ѿ вѣ́ры жи́въ бꙋ́детъ. Презори́вый же и҆ ѡ҆би́дливый мꙋ́жъ, и҆ велича́вый, ничто́же не сконча́етъ, и҆́же разширѝ а҆́ки а҆́дъ дꙋ́шꙋ свою̀. Се́й бо ꙗ҆́кѡ и҆ сме́рть не насыще́нъ ́є҆́сть. И҆звѣсти́вшымся ѹ҆жѐ, что̀ по́льзꙋетъ вѣ́ры: то́кмѡ ѻ҆́бразъ содержа́щихъ, а҆ пра́вды и҆ плодѡ́въ ́є҆я̀ ѿве́ргшихся: да [7] бꙋ́дет на́мъ вѣ́ра чиста̀ и҆ нескве́рна пред̾ бг҃омъ и҆ ѻ҆ц҃е́мъ сія̀: ́є҆́же посѣща́ти си́рыхъ и҆ вдови́цъ въ ско́рбехъ и҆́хъ. И҆ нескве́рна себѐ блюстѝ ѿ мі́ра, промышля́ти ѿ бли́жнихъ, ́є҆́же ́є҆́сть и҆звѣ́стное зна́меніе вѣ́ры. л. д҃і И҆ па́че всѣ́хъ же́ртвъ же и҆ моле́ній прія́тнѣе бг҃ꙋ. Не радя́й же ѡ҆ си́хъ, вѣ́ры ѿве́рглся ́є҆́сть, и҆ невѣ́рнагѡ го́ршій.