Ѡ҆ любонача́ліи.

Вои́стиннꙋ бл҃же́ннѣйшіи сꙋ́ть бѣснꙋ́ющіися, па́че властолю́бія стра́стію ѡ҆блада́нныхъ: тѣ́хъ бо и҆ не хотя́щих и҆ несмы́слящихъ ви́дим ѻ҆вогда̀ во ѻ҆́гнь, ѻ҆вогда̀ в̾ во́дꙋ вмета́ющихся. и҆ такова̑я стра́ждꙋщемꙋ соболѣ́знꙋемъ. Твори́мъ препя́тія, и҆ пече́мся ѡ҆ свобожде́ніи ́є҆гѡ̀, Гдⷭ҇а ѹ҆моля́юще, и҆̀мже и҆ млⷭ҇тивъ быва́ет: а҆́ще и҆зможда́ется пло́ть, но дх҃ъ спаса́ется сиц́євы́хъ. Властолю́біемъ же ѡ҆держи́міи, и҆ Бж҃ія сꙋ́ть по́мощи чꙋ́жди, (ѿ го́рдости бо ражда́ется стра́сть сія̀, Гдⷭ҇ь же гѡ́рдымъ проти́вится,[1]) и҆ споспѣ́шникѡвъ къ таково́й поги́бели множа́йшихъ и҆́мꙋтъ. л. рч҃в ѡ҆б.

Приве́дъ нѣ́кій мꙋ́жъ ко І҆и҃сꙋ, и҆з̾[2] дѣ́тска бѣснꙋ́ющагося сы́на своего̀, во мно́зѣй тꙋзѣ̀ ска́зоваше, ка́кѡ мно́гажды во ѻ҆́гнь, мно́гажды въ во́дꙋ вмета́ше ́є҆го̀ діа́волъ, да погꙋби́тъ ́є҆го̀. и҆ моля́ше Гдⷭ҇а си́лъ да и҆сцѣлѣ́етъ ѻ҆́трокъ ́є҆гѡ̀. На́мъ же та́кѡ властолю́біемъ порѣва́емымъ не воспяти́тели, но поспѣ́шницы: нижѐ та́кѡ бы ди́внѡ, а҆́ще чꙋжді́и, но мно́гажды своѝ, па́че же и҆ са́ми роди́тели без̾ разсмотре́нія, без̾ соболѣ́знованія, ́є҆ще́ же а҆́ки бл҃готворя́ще, въ толи́кꙋю ве́щь вмета́ютъ ча́да своя̀, бо́лѣе слы́шимъ: ́є҆щѐ и҆ ра́дꙋются та́мѡ, и҆дѣ́же мно́гихъ сле́зъ дѣ́ло и҆стязꙋ́етъ. Неразори́мыя и҆ тя́жкія, Ѽ бы̀ л. рч҃г не вѣ̑чныя, ѡ҆ко́вы нало́жше: мня́тъ ꙗ҆́кѡ вели́кими бл҃годѣя́ніи со вся́кою свобо́дою бл҃гополꙋчи́ша ча́да своя̀. ́є҆ще́ же и҆ зла́та не щадя́тъ, ко́е же кꙋпи́ти сицевꙋ́ю поги́бель, степе́нь ко власте́мъ пе́рвѣйшій, не чⷭ҇ть, и҆ прислꙋ́гъ и҆зя́щныхъ досто́инство, но мздꙋ̀ и҆ кꙋ́плю (ꙗ҆́коже гл҃етъ Сене́ка філосо́фъ) полага́ютъ, и҆[3] нижѐ вопроша́ютъ, какова̀ ́є҆́сть вла́сть, коли́кагѡ тре́бꙋетъ ра́зꙋма, по́двига, и҆ трꙋда̀. но коли́кою цѣно́ю ѡ҆цѣня́ема ́є҆́сть. Златоꙋ́стый ѹ҆чи́тель, зря́й и҆ногда̀ самоизво́лнѣ вмета́ющих себѐ в̾ толи́кꙋю томле́ній бе́зднꙋ, къ нѣ́коемꙋ и҆́хъ воззва̀ гл҃я: ѡ҆ всѣ́хъ и҆́миже нача́лствꙋеши, л. рч҃г ѡ҆б. ѡ҆ жена́хъ и҆ мꙋже́хъ и҆ ча́дѣхъ ты̀ да́си сло́во, толи́комꙋ ѻ҆гню̀ подлага́еши главꙋ̀ твою̀. чꙋждꙋ́ся (то́йже гл҃етъ) а҆́ще комꙋ̀ ѿ нача́лникѡвъ спасти́ся возмо́жно ́є҆́сть. зря́й ́є҆щѐ нѣ́кіихъ и҆ вмета́ющихъ себѐ в̾ толи́кꙋю тяготꙋ̀ нача́лства. а҆́ще бо нꙋ́ждею влеко́ми, ниеди́но и҆́мꙋтъ проще́ніе, нижѐ ѿвѣ́тъ, ѕлѣ̀ чи́нъ сво́й пра́вящіи: колмѝ па́че сі́и, и҆̀же ́є҆щѐ и҆ тща́ніе ѡ҆ сем полага́ютъ, и҆ вмета́ютъ себѐ. таковы́й ѹ҆жѐ мно́гѡ мно́жае лиша́ет себѐ вся́кагѡ проще́нія. боя́тися ѹ҆́бѡ и҆ трепета́ти подоба́етъ, и҆ со́вѣсти ра́ди, и҆ тяготы̀ ра́ди нача́лства. до здѣ̀ Златоꙋ́стъ.

Бл҃говре́меннѡ ѹ҆̀бо са́ми ѡ҆ себѣ̀ л. рч҃д попеце́мся, па́че же и҆ непреста́ннѡ со мно́гими слеза́ми мо́лимъ Гдⷭ҇а сла́вы: да и҆згна́нъ бꙋ́детъ ѿ срⷣцъ на́шихъ лю́тый вра́гъ, и҆ свирѣ́пъ бѣ́съ, любонача́ліе, и҆ да любо́вію[4] порабо́таемъ дрꙋгъдрꙋ́гꙋ.

Начина́шеся и҆ногда̀ вре́дъ се́й и҆ междꙋ̀ а҆пⷭ҇лы, но че́мъ и҆сцѣли́шася, бꙋ́ди и҆ на́мъ та́яжде цѣлба̀:[5] а҆́ще кто̀ хо́щетъ ста́рѣй бы́ти, да бꙋ́детъ всѣ́хъ ме́ншій, и҆ всѣ́мъ слꙋга̀. Та́кѡ ѹ҆гаси́ти возмо́жемъ вѣ́чнѣ начина́ющійся въ нѣ́дрѣхъ на́шихъ ѻ҆́гнь то́й, си́це попере́мъ лю́таго врага̀ сего̀, смири́вше въ себѣ̀ горды́ню, си́це поживе́мъ ми́рнѣ и҆ безмяте́жнѡ.

л. рч҃д ѡ҆б.