Ѡ҆ Со́вѣсти.

Дѣла̀ Бж҃ія въ шестѝ дне́хъ сотвор́є́нная сказꙋ́я бл҃же́нный А҆мвро́сій, по́вѣсть чꙋждꙋ́ю предлага́етъ ѡ҆ нѣ́коемъ родствѣ̀ пти́цъ.[1] А҆лкіѡ́ны гл҃емыхъ: ꙗ҆̀же на вода́хъ морски́хъ ѹ҆строя́ютъ гнѣ́зда своя̀, ничто́же радя́ше ѡ҆ наше́стіи во́лнъ. Ѻ҆ба́че и҆ вы́шній промы́сленик си́це ѹ҆стр́оилъ ́є҆́сть созда́ніе своѐ, ꙗ҆́кѡ вели́кія кораблѝ преврати́ти могꙋ́щія, пꙋчи́на пти́чищномꙋ гнѣздꙋ̀ и҆ ѹ҆покое́ніе подава́ет. А҆ ꙗ҆̀же ѡ҆ А҆лкіѡ́нѣ рѣ́хомъ, сія̀ и҆ ѡ҆ чи́стой со́вѣсти гл҃ати прили́чнѡ ́є҆́сть. Мо́ре бо житія̀ сегѡ̀ не ѡ҆проверга́ет ни погрꙋжа́ет ꙗ҆́коже про́чія, но ми́рнѡ преⷣ не́ю и҆ бл҃готиⷲнѡ ꙗ҆вля́ется л. рч҃з ѡ҆б. вездѣ̀ и҆ всегда̀. в̾ бѣда́хъ и҆ напа́стехъ чи́стая со́вѣсть несмꙋще́на ́є҆́сть, ниже́ бо ́є҆́сть что̀ въ ни́хъ таково̀ бꙋ́рное, ́є҆́же бы возмогло̀ смꙋти́ти и҆лѝ поколеба́ти ю҆̀. тѣ́мже лице́мъ пред̾ дрꙋ́гами и҆ пред̾ врага́ми ꙗ҆вля́етъ себѐ. Вопроше́нъ Сѡкра́тъ: Кто̀ на землѝ возмо́жетъ ми́рнѡ пожи́ти; ѿвѣща̀ гл҃я: Се́й, и҆́же ниеди́номꙋ ѕлодѣя́нію въ со́вѣсти свое́й то́ченъ ́є҆́сть. Вои́стиннꙋ бо никто́же та́кѡ возмо́жетъ смꙋти́ти на́съ, ничто́же ѹ҆мꙋ́чити и҆ погꙋби́ти ꙗ҆́коже со́вѣсть ѡ҆тягче́нная ѕлы́ми: а҆ вопрекѝ, ничто́же таково̀ прино́ситъ ѹ҆тѣше́ніе, ничто́же ѹ҆твержда́етъ, а҆ живи́тъ, ꙗ҆́коже со́вѣсть чⷭ҇тая. л. рч҃и Посредѣ̀ бѣ́дъ, ми́ръ ́є҆́й и҆ бл҃готи́шіе: и҆дѣ́же бо чⷭ҇тая со́вѣсть, та́мѡ и҆ ѹ҆́мъ чи́стъ и҆ срⷣце: и҆дѣ́же сицево́е ѹ҆строе́ніе, та́мѡ Бг҃ъ, та́мѡ ра́й, та́мѡ весе́ліе, та́мѡ ра́дость нело́жная. Ѡ҆скверне́нꙋ же со́вѣсть и҆мꙋ́щымъ, вся̑ проти́вна сꙋ́ть: а҆́ще бо и҆ в̾ велича́йшей тишинѣ̀ бꙋ́детъ таковы́й, мни́тъ себѐ посредѣ̀ во́лнъ бы́ти: и҆ нижѐ себѣ̀ вѣ́рꙋ ́є҆́млетъ: всегда̀ ско́рбенъ и҆ посꙋ́пленъ ́є҆́сть, сны̀ ́є҆мꙋ̀ стра́шни и҆ не сла́дки, мечта̑нія разли̑чная, терза̑нія, ѹ҆грыз́є́нія, и҆ бра́нь не преста́нная: ча́стѡ бо на па́мять сотворе́нное ѕло̀ приходя̀, а҆́ки свидѣ́тель нело́жный, и҆ неми́лостиⷡ҇ мꙋчи́тель, пре́жде ѻ҆гня̀ ѻ҆́нагѡ л. рч҃и ѡ҆б. и҆ неꙋсыпа́ющагѡ че́рвія, спосо́бствꙋющей та́може со́вѣсти ѡ҆тягче́нной, жже́тъ, и҆ грызе́тъ неща́днѡ. Про́стѡ ре́кше: ве́сь ѿе́млетъ ми́ръ внꙋ́тренный. помя́немъ что́ ли бо ѿ сицевы́хъ, ꙗ҆̀же ѡ҆тягоща́ютъ [2] со́вѣсть. До́мъ ли нѣ́кто и҆лѝ что̀ и҆но́е ѿя́тъ ѹ҆ когѡ̀ непра́веднѣ, то̀ не то́чію ѡ҆би́димый воздыха́етъ, но и҆ ѡ҆би́дѣвшій: ѻ҆́во боя́ся сꙋда̀ стра́шнагѡ, и҆ напра́сныя сме́рти: ѻ҆́во тѣ́лꙋ вреда̀, и҆ ча́дъ погꙋбле́нія. А҆́ще же и҆ ничто́ бы таково̀ бы́ло, но не вѣ́сть ли, ꙗ҆́кѡ всѝ ́є҆го̀ ѡ҆сꙋжда́ютъ, всѝ ненави́дятъ, гнꙋша́ются, ѿвраща́ются ꙗ҆́кѡ гꙋби́теля, и҆ ѕвѣре́й немлⷭ҇тивѣйша л. рч҃ѳ бы́ти гл҃ютъ; А҆́ще же на па́мять не приво́дитъ си́хъ, а҆́ще в̾ каковы́хъ ѡ҆брѣта́ющагося ѕлы́хъ не ѹ҆грыза́етъ со́вѣсть, та́мѡ ѹ҆жѐ нѣ́сть добрꙋ̀ наде́жда, но поги́бель коне́чная: ꙗ҆́коже бѣгꙋ́щемꙋ въ ро́въ, не бꙋ́детъ и҆́же воспяща́етъ ́є҆го̀.

Такѡва̑я ѹ҆́бѡ свѣ́дꙋще: потщи́мся чи́стꙋ и҆ непоро́чнꙋ со́вѣсть и҆мѣ́ти всегда̀ пред̾ Бг҃омъ и҆ чл҃вѣки. попече́мся и҆спо́лнити законополож́є́нная Гдⷭ҇емъ и҆ да ѿстꙋ́питъ вся́къ ѿ непра́вды и҆менꙋ́яй и҆́мя Гдⷭ҇не, хотя́й внꙋ́тренній стяжа́ти ми́ръ, ми́ръ бо мно́гъ лю́бящымъ зако́нъ Гдⷭ҇нь и҆ дерзнове́ніе и҆́мамы, а҆́ще со́вѣсть не за́зритъ на́мъ.

л. рч҃ѳ ѡ҆б.