Ѡ҆ ло́жной наде́ждѣ живота̀.

Є҆схі́лій нѣ́кто и҆зря́днѣйшій[1] стіхотво́рецъ А҆ѳи́нскій, пріе́мъ и҆звѣще́ніе ѡ҆ сме́рти неча́янной, ꙗ҆́кѡ и҆́мать бы́ти сверхꙋ̀ верже́нія, и҆зы́де ѿ гра́да, и҆ въ пꙋ́стѣ мѣ́стѣ сѣдя́ше на ꙗ҆́вѣ. Ѻ҆ре́лъ же, по воздꙋ́хꙋ нося́й же́лва, и҆ска́ше ка́мене, да та́мѡ и҆ ѿ высоты̀ низпꙋсти́въ разбіе́тъ, (си́це бо со же́лвіами творя́тъ ѻ҆рлы̀) и҆ насы́тится ѿ мя́са ́є҆гѡ̀. По слꙋ́чаю же птене́цъ ѻ҆́въ зря̀ главꙋ̀ Є҆схі́ліевꙋ лы́сꙋ и҆ свѣтя́щꙋюся, мня́й же тꙋ̀ бы́ти ка́мень и҆спꙋсти́лъ ́є҆́сть же́лва ѿ ногте́й, и҆́же падѐ на главꙋ̀ ста́рца. Та́кѡ бя́ше неча́янный коне́цъ и҆зшеⷣшемꙋ ѿ гра́да на чи́стое и҆ свѣ́тлое л. с҃в ѡ҆б мѣ́сто. Таковы́й Є҆схі́ліевъ слꙋ́чай неча́янный ѹ҆вѣщава́етъ всѣ́хъ помина́ти сла́бость свою̀, и҆ не полага́ти во мно́жайших дне́хъ жи́зни надеждꙋ ѹ҆пова́юще на си́лы, на здра́віе, на млады́е лѣ́та, и҆ на ѡ҆сторо́жность свою̀ вѣ́сть бо сме́рть, па́че же сме́рти влⷣка, и҆́миже возмо́жетъ ѡ҆долѣ́ти си́лы и҆ ѹ҆хищр́є́нія на́ша и҆ разори́ти ѹ҆мышл́є́нія пре́жде не́жели в̾ совершенство пріитѝ можа́хꙋ. Тогѡ̀ ра́ди на вся́къ де́нь, на вся́къ ча́съ, и҆ на вся̀ минꙋ́ты часа̀, па́че же непрестаннѡ са́мое немощно́е ́є҆стество̀ на́ше ѹ҆вѣщава́етъ на́съ, ꙗ҆́кѡ ничто́же ́є҆смы̀. Є҆́же и҆ ѿ внѣ́шнихъ любомꙋ́дрц́євъ проразсꙋжда́я нѣ́кто чл҃ка сла́бости, и҆ и҆стлѣ́нія ѻ҆́бразъ л. с҃г вре́мени коры́сть, слꙋ́ча́євъ и҆гра́лище, бѣ́дъ вѣ́сы, а҆ сме́рти всегда́шнюю пи́щꙋ наре́клъ ́є҆́сть. Мы́ же в̾ толи́цѣй сла́бости сꙋ́ще дерзнове́ннѡ живем, а҆́кибы въ на́шихъ рꙋка́хъ живота̀ концы̀ и҆мꙋ́щіи: тѣ́мже в̾ ю҆́ности не надѣ́емся сме́рти, а҆ въ ста́рость прише́дше, ́є҆щѐ себѣ̀ днѝ ѡ҆бѣщава́ем, не помина́юще си́хъ, ꙗ҆́кѡ ражда́ющеся ѹ҆мира́емъ, и҆ коне́цъ на́шъ ѿ нача́ла зачина́ется: пе́рвый бо де́нь, и҆́же да́лъ ́є҆́сть житіѐ, то́й и҆ ѿе́млетъ. а҆ при се́мъ ́є҆щѐ коли́кимъ пагꙋбонѡ́сным слꙋ́чаямъ поⷣлежит жи́знь на́шя: не вѣ́мъ а҆́ще комꙋ̀ и҆счестѝ бꙋ́детъ возмо́жнѡ. во все́мъ бо и҆ вездѣ̀ сме́рть на́шя. и҆ кончи́на на́шя ражда́ется ѡ҆би́лнѡ, кромѣ̀ и҆́ных бечи́сленных ѡ҆проверже́нія, л. с҃г ѡ҆б. паде́нія зда́ній, и҆ травы̀, гро́мъ и҆ мо́лнія, ѡ҆б̾яде́ніе, и҆зли́шнее питіѐ, а҆ мно́гажды са́мый со́нъ возставля́етъ на́съ на странѣ̀ ѻ҆́ной. то́ль кратка̀ ́є҆́сть жи́знь на́шя, то́ль ́є҆́сть безвѣ́стен ча́съ сме́рти. В̾ толи́цѣхъ же неꙋдо́бствіихъ сꙋ́ще, не помышля́емъ ѡ҆ поле́зных, не пече́мся ѡ҆ вѣ́чныхъ, не ради́мъ, ка́кѡ и҆́мамы предста́ти созда́вшемꙋ на́съ.

Слы́шавъ и҆ногда̀ А҆леѯа́ндръ вели́кій ѿ ѹ҆ченикѡ́въ Піѳаго́ровыхъ, ꙗ҆́кѡ мно́зи сꙋ́ть мі́ри[2], съ пла́чемъ воззва̀ гл҃я: Ѽ моея̀ бѣды̀! ꙗ҆́кѡ а҆́зъ и҆ ́є҆ди́нагѡ мі́ра не ѡ҆б̾ях вла́стію мое́ю, ѿ негѡ́же и҆ к̾ на́мъ пре́йде: с̾ каковы́мъ трꙋдом и҆ коли́кими ѹ҆мышл́є́ніи ненасыщенное хотѣ́ніе на́ше ѹ҆довли́ти л. с҃д понꙋжда́емся. а҆ ѹ҆́трѡ ѹ҆́мремъ, и҆ не вѣ́мы ка́кѡ. Ѽ ко́ль ѹ҆жа́сенъ ́є҆́сть на́мъ сме́ртный ча́съ! а҆ ́є҆щѐ а҆́кибы не вѣ́мы ꙗ҆́кѡ вся́ч́єская см́є́ртным см́є́ртна сꙋ́ть. Всегда̀ ѹ҆̀бо пребꙋ́дем гото́вы: не вѣ́мы бо а҆́ще ѹ҆́трѡ, а҆́ще нн҃ѣ и҆схо́дъ на́шъ. и҆ ѹ҆гото́ваим прили́чное ѡ҆дѣя́ніе: нело́женъ бо ́є҆́сть глаго́ляй: Сѐ грядꙋ̀ ꙗ҆́кѡ та́ть: бл҃же́нъ бдя́й, и҆ блюды́й[3] ри́зы своя̀, да не на́гъ хо́дитъ, и҆ ѹ҆́зрятъ срамотꙋ̀ ́є҆гѡ̀.