ВЪ ДОПОЛНЕ́НІЕ.

и҆зли́шнія ча́сти листа̀ сегѡ̀ съ собо́рнагѡ посла́нія. і҆а́кѡвля. глава̀ а҃.

КЪ НЕРАДИ́ВЫМЪ.

А҆́ще кто̀ слы́шатель сло́ва, а҆ нетворе́цъ, таковы́й ѹ҆подо́бися мꙋ́жꙋ смотря́ющꙋ лицѐ бытія̀ своегѡ̀ въ зерца́лѣ: ѹ҆смотри́ бо себѐ, и҆ ѿи́де. и҆ а҆́біе забы̀, како́въ бѣ̀.

КЪ ТЩАЛИ́ВЫМЪ.

Прини́кій же въ зако́нъ соверше́нъ свобо́ды, и҆ пребы́въ: се́й не слы́шатель забы́тливъ бы́въ, но творе́цъ дѣ́ла. Се́й бл҃же́нъ въ дѣ́ланіи свое́мъ бꙋ́детъ. л. с́є҃і ѡ҆б.

Ѹ҆КОРИ́ТЕЛЮ.

А҆́ще кто̀ мни́тся вѣ́ренъ бы́ти въ ва́съ, и҆ не ѡ҆бꙋздава́етъ я҆зы́ка своегѡ̀, но лсти́тъ срⷣце своѐ: сегѡ̀ сꙋ́етна ́є҆́сть вѣ́ра. до здѣ̀ і҆а́кѡвъ а҆пⷭ҇лъ.

ТОМꙊ́ЖДЕ, премⷣ: г҃:

Премⷣрость и҆ наказа́ніе ѹ҆ничижа́яй, нече́стенъ ́є҆́сть, и҆ пра́здно ѹ҆пова́ніе и҆́хъ, и҆ трꙋды̀ безпло́дны, неключи́ма сꙋ́ть дѣла̑ и҆́хъ, ж́єны̀ и҆́хъ нечꙋ́вственни сꙋ́ть, и҆ лꙋка́вы ча́да и҆́хъ, про́клято рожде́ніе и҆́хъ.

Бг҃ꙋ ́є҆ди́номꙋ промы́сленникꙋ и҆ пособи́телю сла́ва.