Ѡ҆ любвѝ бж҃іей къ на́мъ.

Ѻ҆́бразъ и҆ начерта́ніе, бж҃ія къ чл҃вѣ́кѡмъ любвѐ, соверше́ннѡ сказа̀ на́мъ зри́тель та́инъ бж҃іихъ, возлю́бленный ѹ҆чени́къ [1] и҆ дрꙋ́гъ гдⷭ҇нь і҆ѡа́ннъ бг҃осло́въ: та́кѡ возлюбѝ [речѐ] бг҃ъ мі́ръ, ꙗ҆́кѡ и҆ сн҃а своего̀ ́є҆диноро́днаго да́лъ ́є҆́сть. не херꙋві́ма, не серафі́ма, нижѐ воево́дꙋ ко́его си́лъ нбⷭ҇ныхъ. но сн҃а своего̀ ́є҆диноро́днаго на́шегѡ ра́ди спасе́нія на сме́рть посла́лъ ́є҆́сть. Ѽле чл҃вѣколю́бія бж҃ія! Ѽле и҆ неразꙋ́мія на́шегѡ! ѹ҆дивля́етъ на́съ. и҆ безмѣ́рнѣ чꙋди́тися понꙋжда́етъ слꙋ́чай ѻ҆́нъ, [2] ꙗ҆́кѡ а҆враа́мъ нещадя́ше, нижѐ ѿрица́шеся закла́ти по повелѣ́нію л. з҃і гдⷭ҇ню сн҃а своего̀. ко́еже ра́венство а҆враа́мле съ бг҃омъ, таково́е и҆ здѣ̀ закла́нія сн҃а бж҃ія и҆ сн҃а а҆враа́мля: То́й ведя́шеся на заколе́ніе рꙋко́ю ѻ҆́ч҃ею: да ꙗ҆ви́тся и҆скꙋ́съ вѣ́ры ѻ҆́ч҃ея. ѻ҆́въ же совѣ́томъ ѻ҆́ч҃іимъ пріи́де на сме́рть: да враждꙋ̀[3] разрꙋши́тъ, да ѹ҆праздни́тъ сме́рть, и҆ на́съ дрꙋ́ги содѣ́лаетъ себѣ̀. А҆́ще же сме́рти не ѿре́клся ́є҆́сть за спасе́ніе на́ше: что̀ ѹ҆́бѡ ѿрече́тъ сотвори́ти; ́є҆гда̀ бл҃года́рныхъ ѡ҆бря́щетъ на́съ любле́нія ́є҆гѡ̀. Ѽле же слѣпоты̀ и҆ неразꙋ́мія на́шегѡ. мы̀ са́мыхъ ра́ди себѐ и҆ ма́лагѡ трꙋда̀ ѿрица́емся. [ма́лъ бо а҆́ще и҆ велича́йшій бы́лъ бы к̾ мѣ́рѣ воздая́нія:] то́йже за на́съ л. з҃і ѡ҆б. и҆ са́мыя сме́рти не ѿре́клся ́є҆́сть, не и҆́щем та́кѡ полꙋчи́ти бл҃га̑я на́ша. ꙗ҆́коже ѻ҆́нъ хо́щетъ подая́ти я҆̀ Позна́емъ любо́вь ́є҆гѡ̀, наслади́мся дрꙋ́жества ́є҆гѡ̀, дрꙋ́жества ненасы́щеннагѡ. ча́стѡ поми́наемъ медото́чнꙋю бесѣ́дꙋ ́є҆гѡ̀, ́є҆́юже дрꙋгі́й нарица́етъ на́съ. вы̀ [речѐ] дрꙋ́зи моѝ ́є҆стѐ, и҆ нижѐ [4] про́стѡ дрꙋ́зи: но а҆́ще сотвори́те, ꙗ҆́же гл҃ю ва́мъ, не ктомꙋ̀ ва́съ гл҃ю рабы̀. ѿ рабѡ́въ пе́рстныхъ дрꙋгѡ́въ сотвори́лъ ́є҆́сть на́съ. Чесѡ̀ ѹ҆̀бо за толи́кое дрꙋ́жество ́є҆гѡ̀, на́мъ поⷣя́ти не надлежи́тъ; за чл҃вѣ́ческое дрꙋ́жество мно́жицею и҆ в̾ бѣ́дства впа́даемъ: а҆ за бж҃іе, и҆ малѣ́йшагѡ трꙋда̀ ѿрица́емся. Что̀, да па́ки л. и҃і рекꙋ̀, за толи́кое дрꙋ́жество ́є҆гѡ̀, на́мъ поⷣя́ти не надлежи́тъ; пла́ча вои́стиннꙋ досто́йни ́є҆смы̀, пла́ча и҆ сле́зъ, и҆ во́пля, и҆ рыда́нія вели́кагѡ. ѿверга́емся самоизво́лнѣ высоты̀ на́шея. недосто́йни ꙗ҆ви́хомся бж҃ія че́сти. и҆ по толи́кихъ на на́съ бы́вшихъ бл҃годѣя́ніяхъ ꙗ҆вихомся непотре́бни. Сподо́блшеся бг҃ꙋ сы́нове бы́ти, наслѣ́дницы, и҆ сонаслѣ́дницы хрⷭ҇тꙋ̀, и҆ бра́тія, [5] и҆ дрꙋ́зи, ѿ врагѡ́въ ничи́мже разнствꙋемъ: не то́кмѡ совѣ́тѡвъ, но и҆ за́пѡвѣдей ́є҆гѡ̀ не соблюда́юще. Вои́стиннꙋ безчи́сленныхъ рыда́ній досто́йни ́є҆смы̀: ка́я на́мъ бꙋ́детъ ѹ҆тѣ́ха. то́й на́съ кро́вію и҆скꙋпѝ свое́ю. Ѽле любвѐ сея̀! не сребро́мъ, л. и҃і ѡ҆б. не зла́том! да па́ки рекꙋ̀: но кро́вію свое́ю, и҆ на нб҃о зове́тъ. мы́ же в̾ гее́ннꙋ тече́мъ. ко́е по достоя́нію сло́во мо́жетъ ́є҆гѡ̀ къ на́мъ любо́вь сказа́ти; кі́й ѹ҆́мъ пости́гнетъ, [6] бл҃же́нство ѻ҆́ное сла́дость, весе́ліе, сла́вꙋ, и҆ свѣ́тлость; вся̑ же сія̀ ѿ любвѐ своея̀ ѹ҆гото́ва бг҃ъ, ѻ҆ба́че лю́бящымъ ́є҆го̀.