Ѡ҆ чи́нѣ любвѐ къ бг҃ꙋ.

Лю́бящымъ бг҃а, вѣ́мы ꙗ҆́кѡ вся̑[1] поспѣшествꙋ́ютъ во бл҃го́е. А҆ не радя́щіи ѡ҆ до́лзѣ се́мъ и҆ди́те ко І҆исꙋ́сꙋ Наѵі́нꙋ. то́й ва́мъ ска́жет что̀ ѡ҆жида́етъ ва́съ, что̀ пости́гло [2] ́є҆́сть и҆ І҆и҃лтянъ не волю́блшихъ бг҃а̀, снабде́те. (речѐ) ѕѣлѡ̀ возлюби́ти л. ѳ҃і гдⷭ҇а бг҃а на́шего. а҆́ще же нѝ: вѣ́дяще вѣ́дите, ꙗ҆́кѡ не приложи́тъ к̾ семꙋ̀ гдⷭ҇ь потреби́ти стра́нъ си́хъ ѿ лица̀ ва́шегѡ, до́ндеже поги́бнете ѿ землѝ бл҃гі́я сея̀. ма́ло сѐ. что̀ постра́ждем тогда̀, ́є҆гда̀ возгл҃етъ к̾ нам гнѣ́вомъ свои́мъ: не вѣ́мъ ва́съ. и҆ди́те прокля́тіи во ѻ҆́гнь вѣ́чный. Про́клятъ же вся́къ не лю́бящій бг҃а.[3] по а҆пⷭ҇тлскомꙋ рече́нію: и҆́же бо не лю́бит Гдⷭ҇а і҆и҃са хрⷭ҇та̀, да бꙋ́детъ про́клятъ. Ѹ҆̀бо, да не и҆ мы̀ сія̑ постра́ждемъ. да не толи́кихъ бл҃гъ, ꙗ҆̀же ѹ҆гото́ва бг҃ъ лю́бящымъ ́є҆го̀, чꙋ́жди бꙋ́демъ, ѿтрясе́мъ со́нъ лѣ́ности, возже́мъ любо́вію ́є҆гѡ̀ срⷣца̀, и҆ ꙗ҆ви́мся досто́йни любле́нія ́є҆гѡ̀.

Ка́кѡ же ѹ҆до́бь, и҆ небла́зненнѣ сія̑ л. ѳ҃і ѡ҆б. и҆спра́вити возмо́жемъ, предлежа́щій поꙋча́етъ ны̀ сѷмво́лъ. Любо́вь здѣ̀ ꙗ҆́же къ бг҃ꙋ просте́ртыя крилѣ̀ и҆мѣ́етъ вознося́щися к̾ гѡ́рнимъ. А҆́ще пои́стиннѣ хо́щемъ, и҆ до́лжни бо люби́ти гдⷭ҇а, срⷣце на́ше, по ́є҆ли́кꙋ мо́щнѡ ѿ земны́хъ, привлачи́мъ к̾ нбⷭ҇нымъ. Сія̑ же без трꙋда̀ бꙋ́дꙋтъ на́мъ: а҆́ще проразсꙋжде́ніемъ вѣ́чныхъ, и҆ ча́яніемъ грядꙋ́щихъ бл҃гъ, а҆́ки двѣма̀ крило́ма къ вы̑шнимъ возноси́ми, вся́кія ко грѣхꙋ̀ привязꙋ́ющыя на́съ стра́сти и҆ преклоне́нія, мече́мъ тре́звости ѿсѣца́имъ неме́дленнѡ.

Ѡ҆дѣя́нія, люби́ти хотя́щым бг҃а, да бꙋ́дꙋтъ бл҃госты́ня и҆ щедро́ты, ꙗ҆́коже нѣ́кіимъ: пра́вда и҆ сꙋ́дъ. л. к҃ таково́е бо прили́чествꙋет ѻ҆дѣ́яніе лю́бящым бг҃а, в̾ пра́вдꙋ ѡ҆блача́хся, гл҃етъ І҆́ѡвъ, ѡ҆дѣ́яхжеся въ сꙋ́дъ[4] ꙗ҆́кѡ въ ри́зꙋ сꙋгꙋ́бꙋ. какова́гѡ не и҆мѣ́яй ѡ҆дѣя́нія, на́гъ ́є҆́сть, и҆ чꙋ́ждь бж҃е́ственныя любвѐ, са́мъ себѣ̀ дома́шній сꙋ́щи льсте́цъ. Да не и҆ ѻ҆́гнь любвѐ на́шея къ бг҃ꙋ ѹ҆маля́ется, но па́че си́лꙋ пріе́млет, и҆ мно́жится: прили́чествꙋющее ѻ҆́номꙋ вещество̀ подлага́имъ, и҆ногда̀ писа́нія бж҃е́ственнагѡ, ве́тхагѡ глаго́лю и҆ но́вагѡ завѣ́та, ѡ҆вогда̀ житія̀ си́хъ, и҆̀же бг҃ꙋ возлю́бленни бы́ша, чте́ніе бл҃горазсꙋ́дное. да ѿ тѣ́хъ поꙋча́ющеся, си́мъ же подо́бящеся, начне́мъ жи́ти въ любвѝ гдⷭ҇ней, творцы̀ сꙋ́ще сло́ва, л. к҃ ѡ҆б. а҆ не слы́шатели то́кмѡ.

Си́це бл҃же́ни въ дѣ́ланіи свое́мъ [5] бꙋ́демъ, сѐ бꙋ́детъ любо́вь и҆́стинная, сія̀ бꙋ́детъ крѣ́пка любо́вь, сицевы́я любвѐ крилѣ̀ сꙋ́ть ꙗ҆́кѡ ѻ҆́гнь пла́мене, и҆ ѹ҆́гліе ѻ҆́гненное пла́мы ́є҆я̀. сея̀ любвѐ вода̀ мно́га не мо́жетъ ѹ҆гаси́ти, и҆ рѣ́ки смꙋще́ній жите́йскихъ не пото́пятъ ́є҆я̀. Потщи́мся ѹ҆́бѡ, потщи́мся неѿло́жнѣ бл҃го́е намѣ́реніе сіѐ ѹ҆лꙋчи́ти, потщи́мся бл҃говре́меннѣ и҆сполня́ти зва́ніе на́ше, земны́хъ жела́ніе ѡ҆брати́мъ къ нбⷭ҇нымъ: да таковꙋ́ю пріѡбря́щемъ любо́вь.

л. к҃а