Житїѐ вкра́тцѣ а҆́ввы і҆ѡа́нна и҆гꙋ́мена ст҃ы́ѧ горы̀ сїна́йскїѧ, прозва́нїемъ схола́стїка и҆́же во ст҃ы́хъ вои́стинꙋ, спи́сано ѿ данїи́ла мона́ха раі́ѳскагѡ мꙋ́жа че́стна и҆ добродѣ̑телна.

Ѻ҆́но ѹ҆́бѡ, кі́й є҆́сть произведы́й до́блественника сего̀ и҆ воспита́вый пре́жде подви́жничества є҆гѡ̀, да та́кѡ рекꙋ̀, досто́йный слы́шанїѧ гра́дъ, разсмотре́ннѣ же и҆ и҆звѣстноиспыта́ннѣ, гл҃ати не могꙋ̀: сїе́ же, кі́й є҆́сть ны́нѣ носѧ́щїй, и҆ нетлѣ̑ннымъ ѹ҆чрежде́нїемъ ѹ҆чрежда́ющїй всечꙋ́днаго сего̀, нижѐ весма̀ невѣ̑мъ: є҆́сть бо и҆ то́й ны́нѣ во ѻ҆́номъ, ѡ҆ не́мже велегла́сный ѻ҆́нъ ѹ҆твержда́етъ све́рщь, та́кѡ нѣ̑какѡ возопи́въ: и҆́хже житїѐ на нб҃сѣ̑хъ є҆́сть (фїлїп. г҃, к҃). Насыща́ѧсѧ чꙋ́вствомъ невеще́ственнымъ ненасыща́емыхъ, и҆ безви́дныхъ добрѡ́ты зрѧ̀: ꙗ҆́кѡ ѡ҆ мы́сленнѣмъ ѹ҆мѣ̀, ѹ҆мо́мъ и҆ є҆ди́нѣмъ ра́дꙋѧсѧ, достѡ́йна по́тѡвъ прїе́мъ воздаѧ̑нїѧ, и҆ трꙋдѡ́въ безтрꙋ́дныхъ по́честь, та́мошнее наслѣ̑дїе полꙋчи́въ. ¬ є҆ди́нъ сы́й и҆з̾ ни́хъ, и҆ вопри́снѡ со ѻ҆́нѣми и҆мѣ̑ѧ бы́ти: и҆́хже про́чее нога̀ ста̀ на правотѣ̀ (ѱал. к҃є, в҃і). А҆ ꙗ҆́кѡ ѻ҆на́мѡ съ невеще́ственными ѡ҆веще́ственный се́й стекі́й є҆́сть, то̀ возгл҃ю ѕѣлѡ̀ ꙗ҆́снѣ.

Ѻ҆́колѡ шестьнадесѧтѝ ѹ҆́бѡ лѣ̑тъ сы́й бл҃же́нный се́й ви́димымъ во́зрастомъ, тысѧщелѣ̑тенъ же разꙋмѣва́емымъ быстроꙋ́мїемъ, принесѐ са́мъ себѐ а҆́ки нѣ̑кꙋю чи́стꙋ и҆ вольнозакала́емꙋ вели́комꙋ сщ҃е́нникꙋ же́ртвꙋ. Тѣ̑ло ѹ҆́бѡ сїѐ въ сїна́йскꙋю, дꙋ́шꙋ же свою̀ въ нбⷭ҇нꙋю го́рꙋ вне́съ. Непщꙋ́ю и҆ ѿ са́магѡ тогѡ̀ ви́димагѡ мѣ̑ста, велича́йше къ неви́димомꙋ наставле́нїе же и҆ по́льзꙋ прїѧ́ти разсмотри́въ. И҆ стра́нничествомъ ѹ҆́бѡ предста́телницею ѹ҆́мныхъ на́шихъ ѻ҆трокови́цъ, дерзнове́нїе безче́стно пресѣ̑къ, смиренномꙋ́дрїе же лѣ̑потно прїе́мъ, и҆згонѧ́етъ ѕѣлѡ́ же и҆зрѧ́днѣйшимъ ра́зꙋмомъ ѿ вхо́да, самоꙋго́днаго и҆ своевѣ̑рнаго преле́стника: вы́ю прекло́нь, и҆ ввѣ̑ривъ и҆зрѧ́днѣйшꙋ ѹ҆чи́телю, безбѣ̑днымъ наставле́нїемъ тѧ́жкꙋю сїю̀ пꙋчи́нꙋ преходи́ти ра́зꙋмомъ до́брымъ. И҆ та́кѡ соверше́ннѣ са́мъ себѐ ѹ҆мертви́въ, ꙗ҆́кѡ безслове́снꙋ нѣ̑кꙋю и҆ безво́льнꙋ дꙋ́шꙋ и҆мѣ̑ѧ, и҆ є҆сте́ственнагѡ сво́йства свобо́днꙋ сꙋ́щꙋ ѿню́дъ. А҆ є҆́же ѹ҆́бѡ чꙋ́дншее, во ѡ҆крꙋ́жнѣй премꙋ́дрости, нбⷭ҇нѣй грꙋ́бости ѹ҆ча́сѧ, ве́щь пресла́внѣйшаѧ. Смире́нїю бо чꙋ́жде є҆́сть киче́нїе фїлосо́фїи. Та́же своего̀ по девѧтьнадесѧ́томъ лѣ̑тѣ послꙋша́нїѧ, ꙗ҆́коже нѣ̑коего моли́твенника и҆ застꙋ́пника къ цр҃е́ви ѻ҆́номꙋ ѹ҆чи́телѧ предпосла́въ, и҆схо́дитъ и҆ то́й рꙋка́ма а҆́ки ѻ҆рꙋ̑жїѧ си̑лна на разоре́нїе тве́рдемъ мл҃и̑твы вели́кагѡ носѧ̀, къ безмо́лвїѧ по́прищꙋ. зна́менїи же пѧтмѝ дово́лнѣ ѿ цр҃кве ѹ҆едине́нїе боре́нїе прїе́мъ(ѳѡла́ же и҆́мѧ є҆́сть мѣ̑стꙋ томꙋ̀) четыредесѧ́ть та́мѡ лѣ̑тъ соверши́въ без̾ пренемога́нїѧ, и҆ горѧ́щимъ раче́нїемъ и҆ ѻ҆гне́мъ распалѧ́емь при́снѡ. Но кто̀ є҆́сть дово́ленъ, ꙗ҆́коже ѻ҆на́мѡ пребыва́ше, трꙋды̀ словесы̀ и҆з̾ѧви́ти, и҆ похвали́ти сказа́нїи могі́й; ņа́кѡ же, и҆́мже всѧ́къ трꙋ́дъ неѧ́внѡ сѣ̑емь быва́ше, ꙗ҆́вственнѡ и҆зглаго́ланъ бꙋ́детъ; Ѻ҆ба́че ѿ нача́лъ нѣ̑кихъ, всепрпⷣбнагѡ бога́тство про́чее трепрпⷣбнагѡ ѹ҆слы́шимъ.

Ꙗ҆дѧ́ше ѹ҆́бѡ всѧ̑, ꙗ҆̀же непоро́чнѣ попꙋщє́на сꙋ́ть ѡ҆бѣ̑тꙋ семꙋ̀, ма́лѡ же зѣлѡ̀: и҆ въ се́мъ мню̀ нѣ̑какѡ киче́нїѧ ро́гъ срамлѧ́ѧ всепремꙋ́дрѣ, ма́лостїю ѹ҆́бѡ госпожꙋ̀ сїю̀ мно́гихъ похотѣва́ющꙋю ѹ҆гнѣта́ше, а҆́лчбою во-пїѧ̀ къ не́й, молчѝ, преста́ни. Тѣ̑мъ же є҆́же ѿ всѣ̑хъ ѿ ча́сти прїима́ти, мꙋчи́телство славолю́бїѧ порабоща́ше. Пꙋсты́нею же, и҆ непребыва́нїемъ съ ли́цами пла́мень пе́щи сеѧ̀ ѹ҆гаси́лъ є҆́сть: ꙗ҆́кѡ въ коне́цъ про́чее томꙋ̀ и҆спепеле́нꙋ и҆ ѹ҆толе́нꙋ бы́ти соверше́ннѣ. ĵдѡлъ же поклоне́нїѧ ми́лостїю, и҆ скꙋ́достїю нꙋ́ждныхъ мꙋ́жественнѣ мꙋ́жественный се́й и҆збѣжѐ. Дꙋши́ же повсеча́снꙋю сме́рть, и҆ разслабле́нїе, сме́рти ѻ҆стно́мъ боды́й возста́вилъ є҆́сть. ŋрѧ́жꙋ ꙋ̑ме́ртвостьи҃ же па́ки пристра́стїѧ, и҆лѝ не́гли и҆ про́чихъ чꙋ́вственныхъ, невеще́ственною ѹ҆́зою печа́ли разрѣши́лъ є҆́сть. Бѣ̑ же є҆мꙋ̀ пред̾ꙋме́ршо мече́мъ послꙋша́нїѧ гнѣ̑ва мꙋчи́телство. Неисхо́днымъ же тѣ̑ломъ, и҆ неисхо́дншимъ вѣща́нїемъ славопаꙋчи́ннꙋю ѹ҆мертви́лъ є҆́сть пїѧ́вицꙋ. Ка́ѧ є҆́сть ѻ҆́на над̾ ѻ҆смо́ю ѹ҆ до́брагѡ таи́нника сегѡ̀ ѻ҆трокови́цею побѣ̑днаѧ по́честь; Что́ же є҆́сть ѹ҆̀бо ѡ҆чище́нїе ѻ҆́но кра́йнѣйшее: є҆́же нача́тъ ѹ҆́бѡ се́й послꙋша́нїѧ веселеи́лъ, соверши́ же нбⷭ҇нагѡ Іерⷭ҇ли́ма гдⷭ҇ь присꙋ́тствїемъ свои́мъ прише́дъ: без̾ негѡ́же, не бꙋ́детъ низло́женъ дїа́волъ, и҆ соѻбра́знаѧ є҆гѡ̀ дрꙋжи́на. Гдѣ̀ положꙋ̀ въ настоѧ́щемъ на́шемъ вѣнца̀ сегѡ̀ плете́нїй сле́зъ ѻ҆́нагѡ и҆сто́чникъ; ве́щи не во мно́зѣхъ внꙋ́трь сꙋ́щей, и҆́хже та́йнаѧ и҆ до ны́нѣ є҆́сть хра́мина на краѝ нѣ̑коемъ, и҆ подго́рїи сꙋ́щи, пеще́ра малѣ̑йша: ѿстоѧ́щи ѹ҆́бѡ ѿ є҆гѡ́вы, и҆ всѧ́кїѧ ке́ллїи толи́кѡ, є҆ли́кѡ тщесла́вїѧ ѹ҆́ши загражда́ти можа́ше. бли́зъ же нб҃сѐ сꙋ́щи рыда́нми и҆ воззыва́нми, и҆ ꙗ҆́коже влѣ̑потꙋ ѻ҆бы́чай и҆́мꙋтъ твори́ти меча́ми и҆ же́гами бодо́мїи, и҆ ѻ҆че́съ лиша́емїи. Сна̀ ѹ҆́бѡ прїе́млѧше толи́кѡ, є҆ли́кѡ то́чїю сꙋществꙋ̀ ѹ҆ма̀ бдѣ̑нїемъ не бы́ти поврежде́нꙋ: мно́жайше же пре́жде сна̀ и҆ молѧ́шесѧ, и҆ кни̑жицы сочинѧ́ше: сїѧ́ бо бѣ̀ є҆мꙋ̀ то́чїю ѹ҆ны́нїѧ ѡ҆бро́ть: все́ же тече́нїе мл҃и́тва непреста́нна и҆ къ бг҃ꙋ раче́нїе несравне́н-нѡ. Сего́ бо въ нощи́ же и҆ во днѝ въ чистѣ̑йшемъ чистоты̀ зерца́лѣ мечта́ѧ, сы́тости прїѧ́ти не хотѧ́ше: па́че же сво́йственнѣе рекꙋ̀, не можа́ше.

Є҆гѡ́же ѹ҆боде́нъ бы́въ ре́вностїю мѡѷсе́й нѣ̑кїй ѿ мона́шеское житїе проходѧ́щихъ, мо́литъ ѕѣлѡ̀ ѹ҆чени́къ бы́ти и҆ наста́витисѧ на и҆́стинное любомꙋ́дрїе: моли́твенники же подви́гъ къ вели́комꙋ, мольба́ми ѻ҆́нѣхъ ѹ҆бѣди́лъ є҆́сть є҆го̀ прїѧ́тъ бы́ти ѿ негѡ̀. Во є҆ди́нъ ѹ҆̀бо ѿ дні́й, преноси́ти вели́кїй се́й ѿ мѣ̑ста нѣ̑коегѡ зе́млю на ѹ҆строе́нїе ѕе́лїй и҆ напаѧ́нїе мѡѷсе́ю повелѣ̑лъ є҆́сть: и҆ ѹ҆́бѡ дости́гъ се́й ѹ҆ка́заннагѡ мѣ̑ста повелѣ̑нное без̾ лѣ̑ности соверша́ше: кра́йнѣйшемꙋ же распале́нїю и҆ постоѧ́нномꙋ полꙋ́дню пости́гшꙋ, бѣ̑ бо про́чее и҆з̾ мѣ̑сѧцей послѣ̑днѣйшїй, мѡѷсе́й ѹ҆клони́всѧ под̾ вели́кїй ка́мень, спѧ̀ поко́й прїе́млѧше {ѹ҆трꙋ́ждсѧ, под̾ вели́кимъ ка́менемъ спѧ̀}: гдⷭ҇ь же ѡ҆скорблѧ́ти въ чесо́мъ рабѡ́въ свои́хъ не хотѧ́й предварѧ́етъ ѻ҆бы́чнѣ: сꙋ́щꙋ бо вели́комꙋ семꙋ̀ въ ке́ллїи и҆ ѡ҆ себѣ̀ при́снѡ размышлѧ́ющꙋ и҆ бз҃ѣ, въ сна̀ ѹ҆́бѡ нѣ̑кое тонча́йша зна́менїе преклони́лсѧ є҆́сть. И҆ зри́тъ нѣ̑коего сщ҃еннолѣ̑пна возбꙋжда́юща є҆го̀, и҆ снꙋ̀ ѻ҆́номꙋ посмѣва́ющасѧ и҆ гл҃юща є҆мꙋ̀: і҆ѡа́нне, ка́кѡ без̾ попече́нїѧ спи́ши, мѡѷсе́й же въ бѣдѣ̀ є҆́сть; Скорѣ̑е ѹ҆̀бо возскочи́въ ѡ҆ ѹ҆ченицѣ̀ мл҃и́твою воѡрꙋжа́шесѧ. Та́же ѡ҆ вече́рнихъ прише́дша часѣ̑хъ, вопроша́ше є҆го̀, не слꙋчи́лосѧ ли є҆мꙋ̀ нѣ̑что ѕло̀ и҆лѝ ненаде́ждно; ѻ҆́нъ же, ка́мень, речѐ, превели́къ ѹ҆гнѣта́ти мѧ̀ въ полꙋ́дєнныѧ часы̀ под̾ ни́мъ спѧ́ща и҆мѣ̑ѧше: а҆́ще не бы́хъ ꙗ҆́кѡ тебѐ возгласи́вша менѐ возмнѣ̑въ скоче́нїемъ ѿ мѣ̑ста ѻ҆́нагѡ и҆зскочи́лъ. Смиренноꙋ́мный же ѻ҆́нъ вои́стиннꙋ ничто́же ѿ видѣ̑нныхъ возвѣсти́лъ є҆́сть, та́йными же во́пльми, и҆ нꙋ́ждами любвѐ, бл҃га́гѡ бг҃а восхвалѧ́ше.

Бѣ̀ ѹ҆́бѡ про́чее и҆ ѻ҆́бразъ, и҆ и҆сцѣли́тель ꙗ҆́звъ неѧ́вственныхъ. . . ꙗ҆́коже и҆ нѣ̑кїй нѣ̑когда і҆саа́кїй и҆́менемъ, тѧгото́ю плотолюби́вагѡ бѣ̑са крѣ̑пцѣ ѹ҆гнѣта́-емь, печа́лїю про́чее низло́женъ бы́въ, къ вели́комꙋ семꙋ̀ те́комъ приспѣ̑лъ є҆́сть, и҆ бра́нь ѻ҆́нꙋ со стена́нми смѣ̑шенꙋ смѣшава́ѧ ѡ҆б̾ѧви́лъ є҆́сть: вѣ̑рѣ же є҆гѡ̀ чꙋдѧ́сѧ всечꙋ́дный ѻ҆́нъ, на моле́нїе ѻ҆́ба да ста́немъ, речѐ, ѽ дрꙋ́же. Ꙗ҆коже ѹ҆̀бо моле́нїѧ ѻ҆́нагѡ скончава́хꙋсѧ про́чее словеса̀, є҆щѐ на лицѣ̀ ни́цъ сꙋ́щꙋ стра́ждꙋщемꙋ, бг҃ъ ѹ҆́бѡ слꙋгѝ своегѡ̀ творѧ́ше во́лю, да не дв҃да лжꙋ́ща пока́жетъ: ѕмі́й же ѿбѣжѐ бїе́нїи ꙗ҆́вственныѧ мл҃и́твы ѹ҆толѧ́емь: недꙋ́гꙋѧй же ѻ҆́нъ безнедꙋ́жна себѐ зрѧ̀, высо́цѣ ѹ҆жаса́шесѧ, и҆ просла́влшемꙋ съ просла́вленнымъ бл҃годаре́нїе возсыла́ше.

Нѣ̑цыи же напроти́въ бодо́ми за́вистїю {ѻ҆стно́мъ за́висти бодо́ми}, присноглаго́лива того̀ и҆ блѧдосло́вна нарица́хꙋ: и҆́хже дѣ̑ломъ наказа́въ, всѧ̑ себѐ всBмъ пока́зоваше мощѝ ѡ҆ ѹ҆крѣплѧ́ющемъ всѣ̑хъ хрⷭ҇тѣ̀. Ѹ҆молча̀ бо. . . ѿню́дъ лѣ̑тнее ѡ҆бхожде́нїе: ꙗ҆́кѡ рꙋга́телей ѻ҆́нѣхъ молє́бникъ сотвори́ти глаго́лющихъ: ꙗ҆́кѡ и҆сто́чникъ приснотекꙋ́щїѧ по́льзы загради́ша, и҆ спасе́нїе всѣ̑хъ погꙋби́ша. Повинꙋ́сѧ же непрекосло́вный се́й, и҆ па́ки пе́рвагѡ держа́шесѧ ѹ҆строе́нїѧ.

Та́же ѹ҆дивлѧ́ющесѧ всѝ всѣ́мъ є҆гѡ̀ во всѣ̑хъ и҆справле́нїємъ, ꙗ҆́кѡ новоѧвле́нна нѣ̑коего мѡѷсе́а нꙋ́ждею на власти́телство бра́тїй возведо́ша, на нача́лническїй свѣ̑щникъ свѣти́лника сего̀ до́брїи и҆скꙋси́тєли возвы́сивше, и҆ не погрѣши́ша: но и҆ приближа́етсѧ къ горѣ̀ ѻ҆́нѣй и҆ то́й: и҆ въ невхо́дный ѻ҆́нъ вше́дъ мра́къ, бг҃овоѡбраже́нное прїе́млетъ ѹ҆́мными возводи́мь степе́нми законоположе́нїѧ и҆ видѣ̑нїе. Сло́вꙋ бж҃їю ѿверза́етъ ѹ҆ста̀, и҆ дх҃а привлечѐ, и҆ ѿры́гнꙋлъ є҆́сть сло́во, и҆ словеса̀ бла̑га ѿ бл҃га́гѡ сокро́вища се́рдца своегѡ̀: и҆ ѡ҆кончава́етъ ви́димагѡ сегѡ̀ житїѧ̀ коне́цъ, въ наставле́нїи і҆сра̑илтѧнъ си́хъ и҆́нѡкъ. Є҆ди́ною и҆ є҆ди́нственною ве́щїю неподо́бенъ мѡѷсе́ю бы́въ, въ вы́шнїй ѻ҆́нъ і҆ерⷭ҇ли́мъ вхо́-домъ, ꙗ҆́коже ѻ҆́нъ до́лнѧгѡ, ка́кѡ не вѣ̑мъ, погрѣши́лъ є҆́сть.

И҆ свидѣ̑тєли ѹ҆́бѡ ѻ҆́нѣхъ чрез̾ него̀ дх҃а и҆зглаше́нїй мно́жайши сꙋ́ть, є҆ли́цы тѣ̑мъ, и҆ спасо́шасѧ, и҆ до ны́нѣ спаса́ютсѧ. Свидѣ̑тель и҆зрѧ́днѣйшъ є҆́сть дв҃дъ ѻ҆́нъ но́вый премꙋ́драгѡ сегѡ̀ премꙋ́дрости и҆ спасе́нїѧ. Свидѣ̑тель же бѣ̀ до́брый ѻ҆́нъ і҆ѡа́ннъ, на́шъ прпⷣбный па́стырь. Ѿ негѡ́же ѕѣлѡ̀ ѻ҆́нъ ѡ҆ па́ствѣ моле́нъ бы́въ, ѿ горы̀ къ на́мъ но́вый се́й бг҃ови́децъ сїна́йскїѧ по́мысломъ соше́дъ, показа̀ на́мъ и҆ са́мъ бг҃опи̑санныѧ своѧ̑ скрижа̑ли: внѣꙋ́дꙋ ѹ҆́бѡ дѣ̑ѧтєлна, внꙋ́трьꙋ́дꙋ же зри́тєлна ѡ҆бдєржа́ща ѹ҆тверждє́нїѧ глагѡ́люща сїѧ̑: покꙋси́хсѧ ѹ҆твержда́ти ма́лѣми мнѡ́жайша, вѣті́ѧмъ бо красна̀ є҆́сть кра́ткость сло́ва.