Предразсмотре́нїе ст҃ы́ѧ лѣ̑ствицы.

Ѹ҆смотрѣ̑лъ є҆́сть вои́стиннꙋ и҆зрѧ́днѣйше ѕѣлѡ̀, ꙗ҆́кѡ равночи́сленное на́мъ гдⷭ҇нѧ по пло́ти во́зраста восхожде́нїе содѣ̑лавъ. Три́десѧтихъ бо є҆гѡ̀ лѣ̑тъ соверше́нїѧ три́десѧтихъ степе́ней на́мъ зна́менателнѣ созда̀ лѣ̑ствицꙋ. Є҆ѧ́же гдⷭ҇нѧгѡ дости́гше лѣ̑та, зако́нни вои́стиннꙋ и҆ непа́дателни ѡ҆брѧ́щемсѧ. А҆ и҆́же не ѹ҆̀ сегѡ̀ достигі́й, то̀ младе́нецъ є҆щѐ є҆́сть, и҆ во всѧ́цѣмъ свидѣ̑телствѣ се́рдца, не бл҃гоꙋго́денъ ѡ҆брѧ́щетсѧ. Мы́ же нꙋ́ждно бы́ти вознепщева́хомъ, всепремꙋ́драгѡ сегѡ̀ здѣ̀ пред̾ꙋчини́ти житїѐ, да зрѧ́ще трꙋды̀ ѻ҆́ны, не невѣ̑рꙋемъ творе́нїємъ си̑мъ.

Сло́во къ па́стырю.