Глава г҃.

а҃. Мно́гъ є҆́сть предстоѧ́телѧ ѻ҆́нагѡ сра́мъ, молѧ́щагѡсѧ ѡ҆ є҆́же дарова́но да бꙋ́детъ что̀ по́слꙋшникови, є҆́же са́мъ не ѹ҆̀ предстѧжа́лъ є҆́сть.

в҃. Ꙗ҆коже лицѐ цр҃е́во ѹ҆ви́дѣвшїи, и҆ того̀ себѣ̀ дрꙋ́га сотвори́вшїи, и҆ слꙋ́гъ є҆гѡ̀ всѣ̑хъ мо́гꙋтъ про́чее, и҆ незна́емыхъ є҆мꙋ̀, и҆лѝ и҆ врагѡ́въ, а҆́ще восхотѧ́тъ, сотвори́ти и҆ сла́вы є҆гѡ̀ прича̑стникъ бы́ти: та́кѡ и҆ ѡ҆ ст҃ы́хъ разꙋмѣва́й. Кра́йнѣйшихъ дрꙋгѡ́въ и҆ стыдѧ́тсѧ дрꙋ́зи и҆ послꙋшава́ютъ, не́гли же и҆ ѹ҆бѣжда́еми быва́ютъ ѿ ни́хъ. Добро̀ є҆́сть стѧжа́ти дрꙋ́ги, ѹ҆́мныѧ дрꙋ́ги: никто́же бо та́кѡ содѣ̑йствꙋетъ на́мъ къ добродѣ̑тели. Повѣ̑да мѝ нѣ̑кто ѿ бг҃олюби́выхъ: ꙗ҆́кѡ и҆ всегда̀ ѹ҆́бѡ, наипа́че же въ годѡвы́ѧ и҆ влⷣчєскїѧ пра́здники бг҃ъ рабѡ́мъ свои̑мъ да́рами воздае́тъ.