Глава д҃.

а҃. Соверше́ннѣ до́лженъ є҆́сть и҆ са́михъ страсте́й вра́чь се́й совлещи́сѧ, да во вре́мѧ нѣ̑кое возмо́жетъ нѣ́каѧ, и҆ па́чеже ꙗ҆́рость, лицемѣ̑рнѣ притвори́ти: а҆́ще бо ты́ѧ въ коне́цъ не ѿри́нꙋлъ є҆́сть, то̀ не возмо́жетъ въ ты́ѧ безстра́стнѣ под̾ѡблека́тисѧ.

в҃. Ви́дѣхъ конѧ̀ є҆щѐ ма́ла неѡбꙋче́нна сꙋ́ща: и҆́же ѹ҆здо́ю води́мь, и҆ безмо́лвнѣ ходѧ̀, внеза́пꙋ на господи́на своего̀ навѣ̑това, ма́лѡ ѹ҆здѣ є҆гѡ̀ посла́бленѣ бы́вшей. Ѡ҆ двою̀ бѣ́сꙋ настоѧ́щее сїѐ ꙗ҆́кѡ наимно́жайше гада́нїе припослѣ̑дствовати ѡ҆бы́че: хотѧ́щїи и҆спы́товати болѣ̑зненнѣ да и҆спытꙋ́ютъ.