Глава ѳ҃.
а҃. Внима́ти подоба́етъ, да не ка́кѡ ꙗ҆̀же приста́нища въ пꙋчи́нѣ расточи́мъ: вѣ̑дѧтъ рече́нное, къ молва́мъ внѣ́шнимъ є҆щѐ неѡбꙋче́ни сꙋ́щїи. Ве́лїе ѹ҆́бѡ є҆́сть вои́стиннꙋ, є҆́же бл҃годꙋ́шнѣ и҆ мꙋ́жественнѣ терпѣ̑ти безмо́лвїѧ ва́ръ, и҆ тишинꙋ̀, и҆ малодꙋ́шїе, и҆ не взы́сковати, и҆з̾ сꙋ́щихъ внѣ̀ кораблѧ̀ сегѡ̀ ке́ллїи, паре́нїй и҆ ѹ҆тѣше́нїй, ꙗ҆́коже малодꙋ́шнїи и҆з̾ кора́бленикѡвъ во вре́мѧ безвѣ̑трїѧ, пла́ванїѧ въ вода́хъ: бо́лше же є҆́сть и҆ без̾ сравне́нїѧ, є҆́же мо́лвъ не боѧ́тисѧ, но пребыва́ти во ѕвꙋ́цѣхъ, си́хъ, се́рдцемъ небоѧзли́вꙋ, и҆ неподви́жимꙋ: съ человѣ̑ки ѹ҆́бѡ внѣ̀, съ бг҃омъ же внꙋ́трь пребыва́ющꙋ.