Глава і҃.
а҃. Да бꙋ́детъ тѝ ѽ чꙋ́дне, внѣ̑шнихъ ѹ҆строе́нїе, на́шихъ вина̀: нѣ̑кїй ѹ҆́бѡ ѡ҆сꙋжде́нникъ въ стра́шно сїѐ на́ше и҆ вои́стиннꙋ сꙋди́лище прихо́дитъ: нѣ̑кїй же непови́ненъ, къ дѣ̑ланїю бж҃їю и҆ рабо́тѣ спѣша́сѧ: сопроти̑вна бо ѿню́дъ и҆ є҆ди́ныхъ и҆ дрꙋги́хъ сꙋ́ть прихождє́нїѧ сїѧ̑, и҆ сво́йственныхъ трє́бꙋюща ѹ҆строе́нїй.
в҃. Вопроша́емь да быва́етъ пре́жде всѣ̑хъ пови́нный: ѻ҆со́бнѣ ѻ҆ба́че: ка̑ѧ дѣѧ̑нїѧ є҆гѡ̀ по ви́дꙋ сꙋ́ть, двою̀ ѻ҆́бразꙋ ра́ди: ꙗ҆́кѡ да и҆́сповѣдїю се́ю вы́нꙋ бодо́мъ, и҆ бездерзнове́ненъ пребꙋ́детъ: и҆ да позна́етъ кі́ихъ ꙗ҆́звъ воспрїє́мницы бы́хомъ, и҆ къ любвѝ на́шей побꙋжда́етсѧ.
г҃. Нижѐ сїѐ невѣ̑домо тѝ да быва́етъ, ѽ че́стне, ꙗ҆́коже нижѐ є҆́сть невѣ̑домо, да не бꙋ́детъ: гл҃ю же, є҆́же соистѧзꙋ́ємымъ быва́ти ѿ бг҃а, и҆ мѣ̑стѡмъ, и҆ ѡ҆бновле́нїѧмъ жи́зни, и҆ нра́вѡмъ пови́нныхъ: мно́гꙋ бо разли́чность и҆ ра́знственность и҆́мꙋтъ: мно́жицею не́мощншїй, смире́ншъ и҆ се́рдцемъ ѡ҆брѣта́етсѧ, тѣ̑мже легча́е и҆ казни́мь быва́ти ѿ дх҃о́вныхъ си́хъ сꙋде́й до́лженъ є҆́сть: сопроти́вное же, ꙗ҆́вственно є҆́сть.