Тогоже похваление пришедшим в церковь и о благочинии иже во славословлениих, слово второе

ОтекстованоДата последнего обновления: 16.05.2026

ᲅᲂгᲂже пᲂхваленїе пришеⷣшїимь въ црк҇ᲂвь. и҆ѡ҆́блг҇ᲂчинї и҆́жевъ славᲂᲃлᲂвлениⷯ. и҆ѡ҆є҆́же виᲁⷯѣ г҇а сѣᲁѧща напрѣсᲅᲂлѣ высᲂцѣ и҆прᲇ въꙁнесенѣ ‒ ᲃлѡⷡ҇. в҇ є̏

Мнѡгᲂ ꙁрю ᲅъщанїе пᲂкаꙁᲂующа ваⷭ҇. вᲆᲁѣлᲂ привесᲅи ꙗ҆же преже нами реⷱ҇наꙗ. ᲃегᲂ раᲁї ᲂу҆бᲂ и҆мы̏ беꙁьлѣнᲂсᲅнѣ ꙗ̑же ᲂу҆́чиᲅелсᲅ̾ ва вмѣᲅаємь сѣмена. блг҇ыми ѿсюдꙋ на ᲁежами пиᲅаєми. и҆бᲂ ꙁемеᲁѣлець внегаⷣ ᲅрᲂуᲁоⷨ ᲂу҆́бᲂ ᲃѣмена вълᲂжиᲅь. блг҇ᲂплоⷣ нᲂу ꙁемлю и̇нивы цвѣᲅᲂуща ᲂу҆́ꙁри꙯. первыа ꙁабыває꙯ ᲅрᲂуᲁы, и̇кᲆпрᲂчемᲂу ᲁѣланїю же и̇сᲆблюᲁенїю чаємᲂмᲂу вᲆсᲅає꙯ прибы

ᲅъкᲈ. ᲅаже кᲂликᲂ плѡⷣ ̾нѣише и̇прибыᲅъ чнище ᲃїе є҆сᲅь ꙁемлеᲁѣлсᲅвᲂ. ѡнᲂ ᲂѵбᲂ плᲂⷣ чювесᲅъвныихь приᲅварѧюще гᲂбꙁᲂванїє, ᲅѣлесеⷨ съкрываєᲅь пищꙋ. ᲃїє҆же ᲃлᲂвесᲆ вмѣᲅающе ѹчиᲅелсᲅвѡ, и҆дх҇ᲂвнаꙗ ѹм̾ нᲂжающе ᲁарᲂванїа. ᲁш҇евнᲂе съкрываєᲅь бг҇аᲅьсᲅвᲂ. ᲃи̏ рѣчь неи̇жиⷣваємᲂую и̇бе смрᲅ҇нᲂую пищᲂу и҅неи҆сᲅаемᲂую ниже расᲅ̾ лѣваемᲂую пᲂслѣᲁᲂванїєⷨ. нᲂнеи҆ꙁреⷱ҇нѣмь нѣкыимь, съблюᲁає҆мᲂую прᲂмылоⷨ; и̇мы сленᲂ наслаженїе и҆мѧщᲂую. ᲃїе мᲂи҆хь ᲅрꙋ ᲁовъ приплᲂжеⷣнїе. ̏ ᲃїе съкрываемᲂє, ва шеи любви бᲂга꙯сᲅвᲂ. ᲃїе ᲂу҆́бᲂ въвасᲆ въꙁра сᲅающеє смаᲅрѧю. рауⷣюсѧ всегаⷣ. ꙗ҆́кᲂ неᲅᲂу не сѣмена вълᲂживъ. ꙗ҆́кᲂ неᲂусᲂуе ᲅрᲂуᲁы прѣᲅрᲆпѣвъ. ꙗ҆́кᲂ въблг҇ᲂплᲂᲁнᲂу и҆ᲅᲂлъ сᲅᲂу пᲂсеꙗвъ ꙁемлю. и̇кьплᲂᲁᲂнᲂᲃїю клю чаемᲂу.ѿкᲂуᲁᲂу ᲂу҆́бᲂ ᲅакᲂвы расмаᲅрѧю прибыᲅᲂкь; ѿкᲂуᲁᲂу въᲁѣлᲂ слᲂвеса прᲇ ᲁьспѣвающа съмаᲅрѧю; ѿнынѣшнегᲂ ꙗ҆́ вѣ, ꙗкᲂ съᲅеченїа. ѿє҆́же мᲅ҇ре всⷯѣ црк҇вь гл҇ѧ; ᲃъᲅщанїєⷨ пᲂᲃᲅигнᲂуᲅи вамъ. ѿє҆́ же нᲂщнагᲂ сегᲂ и҆всегаⷣшнегᲂ сᲅᲂанїа. ѿє҆́же а҆ггл҇ьскᲂе ликᲂсᲅᲂꙗнїе пᲂᲁражавающимь. непрѣсᲅан̾нᲂє ѕижиᲅелеви славᲂᲃлᲂвїє принᲂᲃиᲅи ‒ Ѡ҆҇хвⷭ҇ѣхь ᲁарᲂванїи. гᲂрѣ в̾ и҆нсᲅва а҆гг҇льскаꙗ славᲂслᲂвлѧ꙯. ᲁᲂлѣ въце рк̾вахь ликᲂсᲅᲂꙗᲅелсᲅвᲂующе члц҇и, ᲅᲂжеⷣ

ѡ҆́нⷯѣ пᲂᲁражаваю꙯ ᲃлавᲂᲃлᲂвїе. гᲂрѣ серафи ми ᲅрьсᲅᲂ҇ую пⷭ҇ѣ въпїюᲅь. и̇ᲁᲂлѣ ᲅᲂужеⷣ члч҇ьскᲂе въꙁсылаєᲅь мнѡжсᲅвᲂ. ѡ҆́бщеє нбнⷭ҇ымь и҆ꙁемныⷨ съчеᲅаваєᲅсѧ ᲅᲂржесᲅвᲂ. є҆ᲁїнᲂ блг҇ᲂᲁаренїе є҆ᲁїнᲂ раᲁᲂванїє є҆ᲁїнᲂ веселїа ликᲂсᲅᲂꙗнїе. ᲃїє҆же неи҆ꙁьгл҇ан̾нᲂє влчⷣнее съхѡженїе съвъкᲂѵпи. ᲃїє ᲁх҇ь сᲄ҇ы и съплеᲅе. сегᲂ съчеᲅанїе вѣщанїѡмъ. ѡ҆ч҇ь скымъ блг҇ᲂвᲂленїеⷨ ᲃъчеᲅасѧ. Сᲆвыше и̇маⷮ гласᲂвѡⷨ блг҇ᲂвᲂленїєⷨ, ѿсᲅ҇ыа ᲅрⷪ҇ца. ꙗ҆́кᲂже ѿ брѧцѧла нѣкᲂє҆гᲂ пᲂᲁвиꙁаемᲂ. и҆ᲁᲂлѣ кра сныи и̇блж҇еныи въꙁглаша єᲅь глⷭ҇а. а҆гг҇льскᲂ є пѣнїе непрѣсᲅан̾нᲂє славᲂслᲂвїє ‒

Сїеже и̇же ꙁе󰀣 ᲅъщанїа кᲂнчина. ᲃїи ᲃъхѡженїа нашегᲂ плѡⷣ ̾. ᲃегᲂ ра󰀣 рауⷣюсѧ ᲅакᲂвᲂе ꙁр̏ѧ, блг҇ᲂ и̇скᲂусᲅвᲂ. рауⷣюсѧ въᲁш҇ахᲆ вашиⷯ, веселїе сма ᲅрѧꙗ. раᲁᲂсᲅь ᲁх҇ᲂвнᲂую раᲁᲂванїе е҆же пᲂбеѕ҇ᲇ. ничᲅᲂжебᲂ ᲅакᲂ ѡ҆браᲁᲂван̾нᲂу нашю ᲂу҆́сᲄра єᲅь жиꙁнь; ꙗкоⷤ є҆же въцрк҇ви красᲂванїє. въцрк҇ви, пачалныⷨ веселїе, въцрк҇ви, ᲅрᲂужающї мсѧ ᲂу҆́пᲂкᲂєнїе. прїиᲁеᲅебᲂ реⷱ҇ къмнѣ вси ᲅрᲂужающеисѧ, и̇ѡ҆́брѣмененїи, и҆а҆́ꙁъ ᲂу҆́пᲂ кᲂю вы̏. чᲅᲂ сегᲂ гласа бᲂуᲁе꙯, ᲂу҆́бᲂ любеꙁнѣишї. чᲅᲂ ꙁваннїа сегᲂ слаᲁᲂсᲅнѣише. къѹчрежнѣ нїю ᲅѧ ꙁовеᲅь. въцркв҇ь приꙁываꙗ влкⷣа. вᲆ пᲂкᲂи мсᲅᲂ ᲅрꙋᲁᲂвъ пᲂнѹжⷣаеⷮ въѡслабѹ ѿбᲂлѣꙁненыⷯ прлагаєⷮ ᲅѧгᲂᲅѹ грѣхᲂвнꙋю

ѡ҅блегчаⷶ наслаженїєм̾бᲂ прѣнемᲂганїє. и҆весе лїемь печаль и҅сцѣлѣває꙯. ѡᲅᲂгᲂ бл҇гᲂᲁаᲅе лсᲅва. ѡꙁванїа нбⷭ҇нагᲂ ‒ Пᲂᲅщиⷨсѧ ᲂу҆́бᲂ въ ꙁлюбленїи, ᲃамᲂє ᲂу҆́бᲂ прᲂᲅѧꙁаемᲂ пᲂкаꙁᲂ ваᲅи ᲅъщанїе. ᲃᲆключимымъже и҆пᲂᲁᲂбаю щимъ раꙁꙋмᲂмъ, ᲅᲂ и҆спᲂлнѧᲅи. и҆бᲂє҆же ѡ҆́ семь слᲂвᲂ вамъ ᲁнⷭ҇е, пᲂᲁвигнᲂуᲅи хѡщᲂу. ᲅѧ жесᲅнᲂ ᲂу҆́бᲂ быᲅи мнѧщесѧ. неᲅѧжесᲅнᲂже и̇пᲂлеꙁнᲂ сᲂуще и҆сᲅинᲂю. ᲅакᲂбᲂ и҅ѡ҆́ц҇ы чѧᲁᲂ любнии ᲅвᲂрѧᲅь. неᲅᲂчїю ꙗ҆́же въмалѣ раᲁᲂ сᲅь ᲅвᲂрѧщаа. нᲂи̇ѡ҆́печалѧющаꙗ. ѡ̇бѣщаю꙯ чѧᲁѡⷨ и̇ᲅасама ѡ҅себѣ пᲂкаꙁᲂуема, пᲂлꙁы нака ꙁᲂуюᲅь и҆хь. нᲂ̏и҆є҆лика мнѧᲅсѧ ᲂу҆́бᲂбыᲅи ᲅѧ жесᲅна. спнⷭ҇аже сᲂуᲅь и҅спᲂлнѧєма. и̇сїа ᲃъмнⷪ҇ ꙁⷨѣ прѣлежанїєⷨ наᲂу҆́чаюᲅь, и̇ᲅверᲁѣ ᲅⷯѣ и҆ сᲅѧꙁᲂую꙯, съблюᲁенїе. ᲃїє҆же прᲂсᲅираєⷨ ᲃлᲂ вᲂ, ꙗ҆кᲂ ᲁанеᲂу҆́сᲂуе и҆же ꙁеⷣ пᲂлагаємь ᲅрᲂуᲁъ. ꙗ҆́кᲂ ᲁанеꙗ҆́же ѿбьᲁѣнїа прѣᲅръпѣвающе нꙋ жю. беꙁьᲂу҆́спѣха ᲅрꙋжаємсѧ. ꙗ҆́кᲂ даневъвᲆ ꙁᲂⷣухь расхѡᲁѧщьсѧ гласи. наᲅьщеᲅу паче въꙁьшлашаюᲅсѧ, а҅не напрїѡ҆брѣᲅенїє ‒

Нижебᲂ кᲂупець наᲁальнѧꙗ ᲂу҆́бᲂ кᲂуплеᲅвᲂ ренїа пᲂсылаємь. мнѡгᲂже ᲁх҇овомъ сᲅа анїе прѣᲅръпѣваа. и҆ꙁвᲂлиᲅъ ᲂу҆́бᲂ ᲅᲂуне ᲅакᲂвыа поᲁъе҆маᲅи ᲅрᲂуᲁы. нᲂᲃегᲂ раᲁи и̇пᲂучины прѣплаває꙯ и҆набѣᲁы ᲁръꙁаєᲅь и҆мѣсᲅа ѿмѣсᲅъ прѣмѣнᲂує꙯ и҆беꙁьсᲂн̾ны прᲂважаⷣєᲅь нᲂщи. ꙗ҆́кᲂ ᲁаꙗ҆́же ѡ҆кᲂупли ᲅᲂмꙋ

ᲂу҆́мнѡжаᲅсѧ ꙁане а҆ще се̏ небꙋᲁе꙯, нᲂсъприбыᲄкᲂⷨ. и̇главамъ ᲅᲂмᲂу прибᲂуᲁе꙯ ᲅъщеᲅа. ниже ѿ хоᲁиᲅи лѣпᲂ єⷭ҇ е҆мᲂу. ниже мнᲂгᲂ плеᲅеныꙗ ѡ҆́ ны поⷣ ̾ємаᲅи бѣᲁы ‒ Сїа ᲂу҆́бᲂ вѣᲁѧще лю бимици ᲃъ поⷣ ⷪбающимь бл҇гᲂгᲂвѣинсᲅвоⷨ. сѣмᲂ прихѡᲁиⷨ, ꙗ҆́кᲂ ᲁаневъмѣсᲅᲂ грѣхѡⷨ ѡ҆́сᲅавленїа, прилᲂженїє ᲅѣмь сᲆᲅворивше ᲁᲂмᲂви ѿи҆ᲁемь.чᲅᲂже єⷭ҇ и҆скᲂмᲂе; и҆є҆́же ѿ наᲃъ и̇сᲅѧꙁᲂуєᲅсѧ. є҆́же бжᲅⷭ҇веныа вᲆꙁсылаю щимь пѣсни. ᲃᲅрахѡⷨ мнѡгыⷨ сᲆпрѧᲅаноⷨ, и҆ бл҇гᲂгᲂвѣи҆нсᲅвоⷨ ᲂу҆́крашеноⷨ. ᲃице ᲅыꙗ принᲂᲃиᲅи и̇бᲂ сᲂу꙯ нѣцїи ѿи҆́же ꙁеⷣ събраныⷯ и҆хже и҅вашеи любви неневѣᲁѣᲅи мн̏ю и̇же прѣѡ҆́биᲁѧще ᲂу҆́бᲂ б҇а. сᲅ҇гᲂже ᲁх҇а слᲂвеса ꙗ҆́кᲂ ѡ҆бща вмѣнѧюще. гласыже бесчин̾ны и҆спᲂуща юще и̇неи҆сᲅᲂвѧщихсѧ ничимже мнеє належ꙯. всѣмъ ᲅѣлоⷨ кᲂлѣбѧщᲂусѧ и̇ѡбнᲂᲃими и҆ ᲅᲂужаⷣ ᲁх҇овнагᲂ ᲂ҆́усᲅрᲂенїа, пᲂкаꙁᲂующе ѡ҆́ бычѧа. ѡ̇каан̾не и҆сᲅрасᲅне, пᲂᲁᲂбааше ᲅї бᲂꙗщᲂущюсѧ и̇ᲅрепещꙋщꙋ. а҆гг҇льскᲂе славᲂ ᲃлᲂвїе въꙁсылаᲅи, сᲅрахѡⷨже мнѡгыⷨ и̇спᲂ вѣᲁанїе ѕижиᲅелеви съᲅварѧᲅи. и҆раᲁи сегᲂ млᲅⷭ҇ь съгрѣшен̾̾нымъ прᲂᲃиᲅи. ᲅы же ꙗ҆́же бв҇и ᲂу҆́гᲂᲁнаа ѡ҆́сᲅавль. ꙗ҆́же сᲂуᲅь и̇грець и҆плѧсающих сѣмᲂ привъвᲂᲁиши; бе счин̾нᲂ рᲂуцѣ прᲂᲅѧжа, и҆нᲂгама скакаꙗ. и҆ всѣмь пᲂᲅрѧсаꙗсѧ ᲅѣлѡⷨ. • и҆какᲂ небᲂишї ᲃѧ ниже ᲅрепещеши. ѡѡ҆́каан̾не, наᲅакᲂваꙗ

ᲁерꙁаꙗ слᲂвеса. нераꙁᲈмѣєшили ꙗ҆́кᲂ самъ ꙁе󰀣 прѣсᲅᲂиᲅь невиᲁимᲂ влкⷣа. и҆кᲂгᲂжоⷣ раꙁᲂⷨу и҆ꙁмѣрѧє꙯, и҆съвсᲅь и҆сᲅѧꙁᲂує꙯; непᲂмыш̾ лѧєшили ꙗ҆́кᲂ а҆гг҇ли прⷣѣсᲅᲂѧᲅь се̏и сᲅрашь нѣи ᲅрапеꙁѣ. и҆сᲅрахѡⷨ мнѡѕⷨѣ ᲅᲂ̏у ѡ҆бьє млюᲅь; нᲂ̏ᲄы ᲃїа несмаᲅрѧєши. пᲂнеже ѿи҆́ же напоꙁᲂрищиⷯ слышании҆же и҆виᲁѣнїи ᲂу҆́мъ пᲂ мрачилъ е҆си. и̇сегᲂ раᲁи ꙗ҆́же ᲅамᲂ ᲁѣємаа це ркᲂвныⷨ раꙁмѣшаєши мѣсᲅѡⷨ. ᲃегᲂ ра󰀣 бес̾ чин̾ными вепльми. дш҇евнᲂє бесчинїє ѡ҆блї чаєши, какᲂ ᲂу҆́бᲂ млᲅⷭ҇ь и҆спрᲂᲃиши свᲂимᲆ ᲃъгрѣшенїєⷨ. какᲂ вᲆщеᲁрᲂсᲅь привлечешї вдкⷣᲂу. ᲃице сънебрѣженїѡмъ мᲂленїє прⷪ҇ ᲃᲅираꙗ. • пᲂмилᲂуи мѧ бж҇е гл҇еши, и̇млᲅⷭ҇и ᲅꙋ жⷣь ѡ̇бычаи пᲂкаꙁᲂуеши; ᲃпс҇и мѧ въпїєши. и҆сᲅраненъ спс҇енїа, ѡ҆́браꙁъ въѡ҆браꙁᲂуєшї; чᲅᲂ пᲂспѣваю꙯ кьмѡлбѣ, рꙋцѣ навъꙁвы шенїе чѧсᲅᲂ въꙁемлемѣ, вепльже ꙁелнѣи ши. и҆нᲂужнⷣымь ᲁх҇а сᲆкращенїєⷨ. нелѣпᲂꙴ и҆ мѣꙗ. неѡ҆вали ᲂу҆́бᲂ ѿнихь и҆же нараспᲂуᲅї ихь бесчин̾ныиⷯ и҆любᲂᲁѣи҆сᲅвᲂующїиⷯ женᲆ. ѡ҆важе и҆же напᲂꙁᲂрищихь вᲆꙁглашающїихь сᲂуᲅь ᲁѣла. какᲂ ᲂу҆́бᲂ ѿнᲂуᲁь смѣєши не и̇сᲅᲂвѧисѧ и҆прѣбеꙁᲂумне. къа҆гг҇льскᲂмꙋ ᲃемᲂу славᲂᲃлᲂвїю бѣсꙍвскаа примѣша ти и̇гралища. какᲂже нестыᲁишисѧ сегᲂ гла са. є҆гᲂже ѿᲂу҆́стенъ свᲂиⷯ прᲂиꙁнᲂᲃиши. ра бᲂтаиᲅе гвⷭ҇и ᲃъстрахіⷨ. и҆рауⷣитесѧ є҆́мᲂу сᲆ

ᲅрепеᲅоⷨ. ᲃели єⷭ҇ въсᲅрасѣ рабᲂᲅаᲅи. є҆́же раꙁлїаᲅижесѧ и҆прᲂᲅѧꙁаᲅи и҆ниже себе самᲂ гᲂ съвѣᲁеᲅи. ѡ̇кыихь бесѣᲁᲂує꙯ бесчинныⷨ гласа въꙁглашенїєм. ᲃе̏ прѣѡ҆́биᲁѣнїа єⷭ҇ па че нежели сᲅраха бж҇їа. величанїа а҆́несмѣре нїа. се̏ и̇грающихь паче, нежели славᲂслᲂвѧ щиⷯ г҇а И҆́чᲅᲂ ᲂу҆́бᲂ е҆сᲅь є҆же рабоᲅаᲅи гвⷭ҇и съсᲅрахѡⷨ. є҆́же всѧкᲂу ꙁапᲂвѣᲁь и̇спᲂлнѧю щиⷨ. ᲃъсᲅрахѡⷨ и̇съ прѧтанїѡмь ᲅᲂ̏у съᲁѣ лᲂваᲅи. є҆же съскрꙋшенⷨѣ срцⷣемь и̇смѣренᲇ мь ᲂу҆́мѡⷨ. мᲂлбы прⷣѣлагаᲅи, и҆неᲅъчїю рабᲂ ᲅаᲅи съсᲅрахѡⷨ гвⷭ҇и. нᲂи҆раᲁᲂваᲅисѧ съᲄре пеᲅѡⷨ; ᲁх҇ь сᲅ҇ыи съпррⷪ҇комъ пᲂвелѣваєᲄь. пᲂнежебᲂ ꙁапᲂвѣᲁи и҆спᲂлненїе, раᲁᲂсᲅь ѡ҆́ быче съᲅварѧᲅи и̇же ᲁᲂбрᲂᲁѣᲅель прᲂхѡ ᲁѧщᲂмᲂу. и̇ᲅᲂ̏у реⷱ҇ ᲅрепеᲅѡⷨ и҆бᲂꙗꙁнїю ᲅвᲂ риᲅи лѣпᲂ єⷭ҇. ꙗ҆кᲂ ᲁанебеꙁьсᲅрашїємь сᲆ ливаєми. и҆ᲅрᲂуᲁовъ ѿщеᲅимсѧ. и̇б҇а раⷥ ᲁражиⷨ. какᲂже є̑сᲅь реⷱ҇ раᲁᲂваᲅисѧ съᲅрепе ᲅѡⷨ. и̇бᲂ ниже мᲂщнᲂ єⷭ҇ вкᲂупѣ ѡ҆бѣма съ лᲂучаᲅисѧ. мнѡгᲂу сᲂущᲂу межю ними ра ꙁличїю. раᲁᲂⷭ҇бᲂ є҆сᲅь желанїѡмь и҆спᲂлненїє, и̇слаᲁᲂсᲅныⷯ наслаженїе, и҆печалныиⷯ ꙁабыᲄїе, сᲅрах̾же. наᲁѣємыиⷯ ꙁлыиⷯ прᲂᲅѧженїе. вᲆ ꙁаꙁᲂрнѣи съсᲅавлѧєⷨ съвѣсᲅи ‒ Какᲂ ᲂу҆́бᲂ є҆сᲅь раᲁᲂваᲅисѧ сᲆсᲅрахѡⷨ. и҆непрᲂсᲅᲂ съ ᲃᲅрахѡмᲆ нᲂи̇съᲅрепеᲅоⷨ є҆же прᲂᲅѧженїе єⷭ҇ сᲅраха, и̇мнᲂгы бᲂꙗ҆ꙁни ꙁнаменїе. какᲂже

реⷱ҇ семᲂу бываᲅи мᲂщнᲂ; и̇ли бᲂуᲁе꙯. самаа ᲅа̏ ᲃерафі́мъ ᲂу҆́чѧᲅъ ᲁѣлѡⷨ. ᲅакᲂвᲂе и̇спᲂлнѧю ща слᲂуженїе. и̇бᲂ ѡ҆ни неи҆ꙁгл҇аныа славы, вᲆсᲆ прїемлющи ѕижиᲅелевы. и҆неᲁᲂᲂу҆́мѣн̾нᲂую, съꙁрьцающе ᲁᲂбрᲂᲅᲂу. негл҇ю самᲂе ѡ҆нᲂ. є҆же єⷭ҇ е҆сᲅьсᲅвоⷨ. неᲁᲂмысльнᲂбᲂ ᲃе̏ єⷭ҇ и҆неꙁримᲂ, и҆не вᲆѡ҆́браженᲂ, и̇беꙁмѣсᲅнᲂ єⷭ҇ є҆же ᲃице ѡ҆немь непщеваᲅи. нᲂє҆ликᲂ вмѣщаю꙯ є҆ликᲂ ѿлᲂу чѧ ѡ҆нᲂꙗ мᲂгᲂу꙯ ѡ҆сїаваᲅисѧ. • пᲂнежебᲂ выинꙋ слᲂужаᲅь. ѡ҆крᲅⷭ҇ъ цркⷭ҇агᲂ прѣсᲅᲂла. вᲆвсе гаⷣшнеи раᲁᲂсᲅи прѣбываюᲅь. въпрⷭ҇нᲂсᲂу щнⷨѣ весели. вᲆраᲁᲂвани непрѣсᲅаннⷨѣ рауⷣю щесѧ и̇грающе. немᲂлчнᲂ славᲂслᲂвѧще. є҆же бᲂ сᲅᲂꙗᲅи прⷣевеликᲂю ѡ҆нᲂю славᲂю и҆и҆́же и҆ ꙁнеꙗ блисᲅающею прᲂсвѣщаᲅисѧ ꙁарею, се̏ ᲅѣмъ єⷭ҇ и̇раᲁᲂсᲅь. ᲃе̏ ᲅѣмь и҆раᲁᲂванїе. се̏ и̇веселїе. ᲃе̏ и̇слава. всѧкᲂже нѣчᲅᲂ къᲂу҆́сла женїю пᲂсᲅрⷣасᲅе. и̇въжелани великыа славы ѡ҆нᲂꙗ бысᲅе. нᲂа҆́ще ᲂу҆́бᲂ въсхᲂщеᲅе свѣᲅꙋ ющᲂу вамъ слышаᲅи и̇събл҇гᲂгᲂвѣинсᲅвоⷨ. насᲅᲂꙗ҆щее славᲂᲃлᲂвїе съᲅварѧᲅи, неѡ҆сᲅа неᲅе ѿᲅакᲂвыа раᲁᲂсᲅи. самбᲂ єⷭ҇ ѡ҆нъ влкⷣа, и҆же и̇нанб҇сехь и҆наꙁемли славимыи. и̇спᲂлнь бᲂ реⷱ҇ нб҇ᲂ и̇ꙁемлѧ ᲃлавы є҆гᲂ. • какᲂ ᲂу҆́бᲂ ѡ҆ни ᲄᲂ лика веселїа вᲆспрїємлющи. ᲃъсᲅрахѡⷨ ᲅᲂ̏ раꙁмѣщаю꙯. ᲃлыши чᲅᲂ реⷱ҇ пррⷪ҇кь. виᲁⷯѣ г҇а сᲇ ᲁѧща напрѣсᲅᲂлѣ высᲂцѣ и̇прѣвъꙁнесенᲇ чᲅᲂ ра󰀣 высᲂкᲂе рекь и҆прѣвъꙁнесенᲂе прилᲂжї.

є҆ᲁабᲂ неᲁᲂвлѣаше раᲁи высᲂкагᲂ. все наꙁнамена ᲅи вещи; и̇пᲂкаꙁаᲅи с̆а́̆н̆а прѣвъсхᲂᲁѧщеє; пᲂ чᲅᲂ ᲂу҆́бᲂ и҆прѣвъꙁнесенᲂє прилᲂжи. ꙗ҆́кᲂ ᲁасᲇ ᲁалища непᲂсᲅижимᲂе пᲂкаже꙯. пᲂнеⷤбᲂ въ наⷭ҇. высᲂкᲂе, мысль нѣкꙋю пᲂᲁає꙯. съᲅъчне нїа кᲆниꙁᲂревнᲂсᲅныимьже и҆смѣренѣишиⷨ. ꙗ҆́кᲂвᲂ; высᲂкы ᲂу҆́бᲂ гᲂры сᲂу꙯ ѿпᲂлеи и̇ᲂу҆́ᲁᲂль ныихᲆ ꙁемлѧ. высᲂкᲂже нб҇о и҆же ѿвсⷯѣ прѣ въꙁѧᲅᲂе ꙁемныиⷯ. а҆є҆́же прѣвъꙁвыше нᲂє и̇прѣи̇ꙁѧщнᲂе. є҆ᲁїнᲂгᲂ є҆сᲅь ѡ҆нᲂгᲂ непᲂсᲄи жимагᲂ е҆сᲅьсᲅва. є҆гᲂже нипᲂмыслиᲅи ни же скаꙁаᲅи є҆сᲅь въꙁмᲂжнᲂ. ᲃегᲂ ра󰀣 рече, ви ᲁⷯѣ г҇а сѣᲁѧща напрѣᲃᲅᲂлѣ высᲂцѣ и҆прᲇ вᲆꙁнесенѣ ‒ И̇чᲅᲂ ᲁрꙋгᲂе виᲁѣлъ е҆си ѡбла женыи пррⷪ҇че. чᲅᲂ ѡ̇немь ᲂу҆́ꙁрѣлъ є҆си. и̇сера фимᲆ сᲅᲂꙗхᲂѵ ѡ҆крᲅⷭ҇ъ є҆гᲂ. чᲅᲂ ᲅвᲂрѧще и҆ чᲅᲂ гл҇юще. кᲂᲅᲂрагᲂже дерꙁнᲂвенїа въспрїє млюще. ᲁерꙁнᲂвенїа ᲂу҆́бᲂ реⷱ҇, ниє҆ᲁїнᲂгᲂже. сᲄра хаже мнᲂга и̇ᲂу҆́жаса и҆спᲂлнени. и̇самѣмь ѡ҆́ браꙁѡⷨ неи̇ꙁб гл҇ан̾нᲂє пᲂкаꙁᲂующе бᲂꙗ҆ꙁни. ᲁв̏ѣмабᲂ крилᲂма пᲂкрывахᲂу лица. кѹпнᲂ ᲂу҆́бᲂ ꙁагражающесѧ. ѿи҆спᲂущаемыа лᲂуча ѿпрѣсᲅᲂла, ꙁає҆́же немᲂщи ᲅерпѣᲅи непᲂ; ᲃᲅᲂꙗн̾нᲂую є҆ꙗ̇ славᲂу. кᲂупнᲂже и̇свᲂє бл҇гᲂ гᲂвѣин̾сᲅвᲂ ꙗ҆влѧюще є҆́же и̇мᲂу꙯ кᲆвлцⷣѣ. ᲅакᲂвᲂю раᲁᲂсᲅїю раᲁᲂуюᲅсѧ ѡ҆ни. ᲅакᲂ вѣмь веселїєⷨ веселѧᲅсѧ, и҆неᲅъчїю лица свᲂа. пᲂкрываю꙯. нᲂи҆нᲂꙁѣ. чᲅᲂ ра󰀣 ᲃїе ᲅвᲂрѧ꙯,

лица ᲂу҆́бᲂ вълѣпᲂᲅᲂу. ꙁасᲅрашнᲂє ꙁрѣнїа; и҆є҆́же немᲂщи прᲂᲅивᲂу въꙁрѣᲅи неприсᲅꙋ пнѣи славѣ. нᲂгыже, пᲂчᲅᲂ пᲂкрываюᲅь. хᲂ ᲅѣлᲆбымᲆ ᲂѵ҆́бᲂвамъ ᲃїе ѡ҆сᲅавиᲅи неи҆сᲅѧ ꙁанᲂ. ꙗ҆́кᲂ пᲂбᲂлѣᲅи вамᲆ ѡ̇сегᲂ раꙁрⷣѣшенїи. и҆бᲂᲁръсᲅвᲂваᲅи къᲁх҇ᲂвныиⷯ слᲂвесъ и҆спыᲅᲂ ванїю. нᲂᲁанеᲂу҆́праженꙋ вашю мысль кᲆᲅᲂ гᲂ вᲆꙁысканїю ѡ҆сᲅавль. неприлежаᲅи ѡ҆на каꙁᲂвани ᲂу҆́сᲅрᲂю. пᲂᲅрѣбнᲂ єⷭ҇ ᲅᲂ̏ раꙁрѣшї ᲅи ‒ Пᲂчᲅᲂ ᲂу҆́бᲂ нᲂѕѣ пᲂкрываю꙯; пᲂнеже несыᲅнᲂе є҆жекь ѕижиᲅелю блг҇ᲂгᲂвѣнїє пᲂ ка̀ꙁᲂваᲅи ᲅъщаᲅсѧ. и҆мнѡгᲂ бᲂꙗ҆́ꙁньсᲅвᲂ. и҆ѡ҆́браꙁѡⷨ и̇гласѡⷨ и̇ꙁрѣнїєⷨ. и̇самѣмь сᲅᲂꙗ нїємь. є҆лма ᲂу҆́бᲂ желаємагᲂ и̇поⷣ ⷪбающагᲂ, непᲂлᲂучаю꙯. є҆же съпᲂкрываᲅисѧ ѿв̾сюᲁꙋ. скᲂуᲁныимь сᲆкрываюᲅсѧ. ᲂу҆́бᲂ раꙁᲂумсᲄе ли реченᲂє. и̇ли пакы въспрїаᲅи ᲅᲂ̏ правеᲁнᲂ єⷭ҇ нᲂꙗ҆́кᲂ ᲁаꙗ̑весᲅь внѣише ᲃе̏ бᲂуᲁе꙯. ѿи҆́же вънаⷭ҇ ᲂу҆́каꙁанїи ꙗ̑вленᲂ ᲅᲂ̏ съᲅвᲂриᲅи пᲂкꙋ шаюсѧ ‒ Прⷣѣсᲅᲂиᲅь кᲅᲂ ꙁемнᲂмᲂу црⷭ҇ю. и̇всѧкыми ѡ҆браꙁы ᲂу҆́хыщрѧє꙯; ꙗ҆́кᲂ мнᲂгᲂ є҆́же кнемᲂу блг҇ᲂгᲂи҆н̾сᲅвᲂ пᲂкаꙁᲂваᲅи ꙗ҆́кᲂ ᲁаѿсегᲂ мнѡжаишᲂую ꙗ҆́же ѿнегᲂ насѧ при влече꙯ прїꙗ҆ꙁнь. ᲃегᲂ раᲁи и̇главныимь ѡ҆бра ꙁѡⷨ и҆глаᲃѡⷨ. и҆свѧꙁанїємь рᲂукь и҆нᲂгᲂу съ въкᲂупленїєⷨ. и̇сᲆпрѧᲅанїєⷨ всегᲂ ᲅѣлесе. ᲅакᲂвᲂє блг҇ᲂбᲂꙗ̑ꙁньсᲅвᲂ, ᲂу҆́хыщрѧє꙯ ᲃїе и҆въбесᲅѣлесныⷯ ѡ҆нⷯѣ быває꙯ ᲃилахᲆ. и҆бᲂ

мнᲂгᲂ и҆мѧще є҆же кᲆѕижиᲅелю блг҇ᲂгᲂвнѣи҆н̾ сᲅвᲂ, и̇желанїе. ѿвюᲁꙋ ᲂу҆́хыщрѧюще себе ᲃᲆнабᲁѣваю꙯. ᲅаже желанїа непᲂлᲂучаваю ще. лишаємᲂє желанїа пᲂкрᲂвенїєⷨ, сᲆкрыва юᲅь. ᲃегᲂ раᲁи ᲂу҆́бᲂ и̇ли лица и҆нᲂгы прикрыва ᲅи гл҇юᲅсѧ. а҆ще и҆и҆́нᲂ нѣкᲂе єⷭ҇ ᲅанинѣишеє виᲁѣнїєже ѡ҆́сихᲆ ꙁримᲂе. неꙗкᲂ нᲂгы и̇ли ца и̇мѹⷮ. бесᲅелеснибᲂ сѹⷮ, ꙗ҆́кᲂже и҆бжᲅⷭ҇венᲂе. нᲂꙗ҆́кᲂ ᲁасими ᲃлᲂвᲂ пᲂкаже꙯, ѿвсюᲁꙋ ᲅѣм̾ сьпрѧᲅᲂваᲅисѧ. ᲃᲅрахѡⷨже и̇блг҇ᲂ гᲂвѣнї ємь слᲂужиᲅи влцⷣѣ ‒ Сице ᲁᲂсᲅᲂиᲅь и̇наⷨ прⷣѣсᲅᲂꙗᲅи вᲆсᲅ҇ѣи цркв҇и. и̇ᲅакᲂвᲂє сла вᲂᲃлᲂвїе, принᲂᲃиᲅи бв҇и. бᲂꙗщимсѧ и̇ᲅрᲇ пещᲂущиⷨ; и҆ꙗ҆́кᲂ ᲃамᲂгᲂ ᲅᲂгᲂ мыслены маꙁрѧ щимᲆ ꙫчима. прⷣѣсᲅᲂиᲅ̾бᲂ и̇ꙁеⷣ всѧкᲂ и҆ни какᲂже ѡ҆писᲂуєᲅсѧ. а҆ще и҆гласы нашимї ѡ҆́писᲂуєᲅсѧ. ᲃице ᲂу҆́бᲂ съскрᲂушⷩ҇енⷨѣ срцⷣе мь и̇смѣренⷨѣ хвалᲂу въꙁсылающе. блг҇ᲂпрї аᲅнᲂу тᲂ̏у съᲅвᲂримъ бв҇и. и̇ꙗ҆́кᲂ блг҇ᲂᲂу҆́ха нїа каᲁилᲂ нанб҇ᲂ въꙁслемь. срцⷣебᲂ реⷱ҇ ᲁвⷣъ съкрᲂушенᲂ и̇смѣренᲂ б҇ъ неᲂу҆́ничижиᲅь. нᲂблж҇еныи ᲁвⷣъ пррⷪ҇кь реⷱ҇. ᲃᲆвъскликнᲂве нїємь съᲅварѣᲅи слᲂвᲂᲃлᲂвїе пᲂвелѣва єᲅь. въскликнеᲅебᲂ реⷱ҇, гвⷭ҇и всѧ ꙁемлѧ. ниже мы̏ ᲂу҆́бᲂ ᲅакᲂвᲂє, ѿражаємь въскли кнᲂвенїа. нᲂнарᲂᲁныи вепль и̇нелѣпыи. не гла хваленїа. нᲂгласᲆ бесчинїа вᲆꙁьранѧєⷨ. ꙗ҆́же кьᲁрᲂугь ᲁрᲂугᲂу сᲆпрᲂᲅивленїа и҆лю

бᲂпрѣнїа. ꙗ҆́же ᲅᲂу неи҆вᲆсᲂуе, вᲆꙁемленѣи рᲂу цѣ навъꙁᲂⷣусѣ. и̇кᲂн̾сᲄвᲂѵющїи нᲂѕѣ. нелѣпы ꙗ и҆слᲂмленыа ѡ҆бычаа. ꙗ҆́же и҆же напᲂꙁᲂрищиⷯ и҆кᲂнерисᲅаниⷯ ᲂу҆́пражнѧющиⷯсѧ сᲂу꙯ и҆гралища. ѿꙍ҆́нᲂуᲁꙋбᲂ намъ пагᲂубнаꙗ ᲃїа и҆ᲁш҇е ᲅлᲇнᲆ наꙗ привнᲂсѧᲅсѧ ᲂѵ҆́ченїа. ѿᲅᲂуᲁᲂу неблг҇ᲂгᲂ вѣинїи ᲃїи нарᲂᲁнїи гласи. ѿᲅᲂуᲁᲂу рᲂукамᲆ бесчинїе. прѣпиранїа любᲂпᲂбѣᲁ̾сᲅва несᲆ ᲃᲅавнїи нрави. ничᲅᲂжебᲂ ᲅакᲂ прѣѡ̑биᲁᲇ ᲅи ᲂу҆́сᲅрає꙯ б҇иихᲆ ᲃлᲂвесᲆ ꙗ҆́кᲂже ᲅамᲂшнї ихᲆ пᲂꙁᲂръ глᲂумленїа ‒ Сегᲂ ра󰀣 пᲂмᲂлиⷯ мнꙍ гажыⷣ вашю любᲂвь. ниє̑ᲁїнᲂмᲂуже ѿи҆́же сѣмᲂ прихѡᲁѧщиⷯ и҆бжⷭ҇ᲅвенагᲂ ᲂу҆́чиᲅелсᲅва въсᲆ прїємлющихь и̇сᲅрашнѣи и҆ᲅаи҆н̾нᲇи причаща ющихсѧ жерᲅвѣ. наѡ҆на хѡᲁиᲅи ꙁакᲂнᲂпрѣ сᲅᲂупнаа и҆бесчесᲅнаꙗ пᲂꙁᲂрища. и҆бжⷭ҇ᲅвена ꙗ сᲆбѣсов̾скыми раꙁмѣшаᲅи ᲅаи́нсᲅва. нᲂ ᲃице нѣцїи ѡ҆́неи̇сᲅᲂвѣшѧ, ꙗкᲂ и҆ѡбраꙁᲆ блг҇ᲂ гᲂвѣин̾сᲅва насебѣ нᲂсѧще. и̇въсᲅарᲂсᲅь ᲁᲂ ᲃᲅигше глᲂубᲂкᲂу; къѡ҆нѣмь ꙁакᲂнᲂпрѣс̾ ᲅᲂупныимь сами прихѡᲁѧ꙯, нинашиⷨ вънима юще слᲂвесеⷨ. ниже свᲂєгᲂ срамлѧющесѧ, въѡ҆́ браженїа ‒ Нᲂє҆гаⷣ ᲅѣмь ᲃїе прⷣѣлᲂжимъ и҆сѣᲁинᲆ и҆блг҇ᲂгᲂвѣи҆нсᲅва. сᲅыᲁѣᲅисѧ сᲆ вѣщаваєⷨ, кᲂᲅᲂрᲂе ᲅⷯѣ єⷭ҇ сᲅᲂуᲁенᲂе и̇смѣш̾ нᲂе слᲂвᲂ. ᲂу҆́каꙁанїе реⷱ҇ ꙗ҆́же ᲅамᲂ пᲂбѣᲁы и̇вᲇ нцемь сᲂу꙯. и̇многᲂу ѿо҆́нᲂуᲁᲂу, прїѡ҆брѣᲄа ємь пᲂлꙁᲂу, чᲅᲂ гл҇еши ѡчлч҇е сᲂуєᲅнᲂ єⷭ҇ ᲃїє

ᲃлово и҆прѣлсᲅи и҆спᲂлненᲂ. ѿкᲂуᲁꙋ рцими пᲂ лꙁᲂу прїѡбрѣᲅаєши ѿᲅъмамили ѡ҆нѣхь лю бᲂпрѣнїи и̇и҆́же ᲅᲂу непᲂлагаⷩ҇мыⷯ клѧᲅвъ наꙁлᲂ гл҇ющиⷯ. и̇ли ѿᲁᲂсаᲁᲆ и҆хᲂуленїа и҆ᲂу҆́кᲂ риꙁнъ. и̇же ᲁрᲂугь наᲁрᲂуга въꙁливаю꙯ ꙁриᲄе ле ᲅакᲂвыⷯ; нᲂѿсихᲆ ᲂу҆́бᲂ, ни̏. ѿбесчин̾ныхже ли всѧкᲂ глаᲃѡвᲆ, и҆нелѣпагᲂ веплѧ. и̇праха вᲆспᲂущаемагᲂ, и̇пᲂрѣвающиⷯ, и̇принꙋжаю щиⷯ въпрⷣѣ. и̇блᲂуᲁнѣ красѧщиⷯ сѧженᲆ, ꙗ҆́же напᲂлꙁᲂу сᲆбираєши ‒ И҆́ꙁеⷣ ᲂу҆́бᲂ самᲂгᲂ влкⷣꙋ а҆ггл҇ьскагᲂ. пррⷪ҇ци вᲆси и̇ᲂу҆́чиᲅеле напрᲇсᲅᲂ лѣ всᲂцѣ и̇прѣвᲆꙁнесенѣ, ᲃѣᲁѧща пᲂка ꙁᲂуюᲅь. и҆ᲁᲂсᲅᲂин̾нымᲆ ᲂу҆́бᲂ пᲂчьсᲅи и̇вᲇ нцѧ, пᲂᲁавающа. неᲁᲂсᲅᲂинымже геє҆нᲂу и҆ѡ҆́нгь ѿᲁѣлѧвающа. и̇самже г҇ь ᲃїе и҆ꙁвѣсᲅь вᲂує꙯ⷮ, ᲅаже ᲃиⷯ ᲂу҆́бᲂ прѣѡ҆биᲁиши. вᲆѡ҆ниⷯ же и҅съвѣᲃᲅныи ᲃᲅраⷯ, и̇съᲁѣаныⷯ ѡ҆блї ченїе и̇каꙁемь бᲂꙗ̑ꙁньᲃᲅвᲂ. и̇мᲂукы неѿ реⷱ҇нᲂє. и̇ꙗ҆́кᲂ ᲁанепщеванїє, беслᲂвеснᲂ свᲂ имь и̇ꙁᲆѡ̑брѧщеши глᲂумленїѡⷨ. пᲂлꙁᲂва ᲅисѧ гл҇еши. вънихже неᲂу҆ᲅѣшимᲂую поⷣ ̾ є҆млеши ᲅᲆщеᲅᲂу; ни̏, мᲂлю вы и̇накаꙁᲂую. ненепщᲂуимь непщеванїа вᲆгрѣсⷯѣ. и̇ꙁвᲇ ᲅъбᲂ ᲃїа сᲂу꙯ и̇прѣльсᲅь ᲁїавᲂлѧ и̇намᲆ самᲇ мь ᲅъщеᲅᲂу и̇схᲂᲁаᲅаи҆сᲅвᲂующа ‒

Нᲂѡ̑сиⷯ ᲂу҆́бᲂ ᲅᲂлика. врѣмѧже єⷭ҇ прᲂчеє на первᲂє въсᲅещи накаꙁᲂванїе и̇малᲂ ѡ̑семь рекшꙋ. пᲂᲁᲂбающїи кᲂнець прилᲂжиᲅи слᲂ

вᲂу. и̇бᲂ неᲅъчїю ꙗ̑же бесчинїа ꙁᲁѣ. нᲂи҆ᲁрꙋгᲂе нѣкᲂе люᲅᲂ ѡ̑бᲅиче꙯ неᲁꙋгᲂванїє. кᲂᲅᲂрᲂєже се̏, є҆же кьбᲂ҇у бесѣᲁᲂванїе. сᲆᲅварѧᲅи прⷣелᲂ жшимᲆ. и̇ᲅᲂмᲂу славᲂслᲂвїе вᲆꙁсылаᲅи хѡ ᲅѧщиⷨ. ᲅаже ѡ҆сᲅавльшемь се̏ и҆ближнѧагᲂ кᲆжоⷣ пᲂє̆мь; ꙗ҆́же вᲆнарᲂᲁѣ. ꙗ҆же напᲂꙁᲂри щиⷯ. ꙗ҆́же напᲂуᲅи. ꙗ҆́же ѡ̑вᲂи̇н̾сᲅвѣ. и҆какᲂ ᲂу҆́бᲂ ᲃїа ᲂу҆́правлена быша, какᲂже ѡ҆напрѣ ꙁрѣна быша. и҆чᲅᲂ ᲂу҆́мнᲂжающеєсѧ вᲆкᲂу плѧⷯ. чᲅᲂжели ѡ҆скᲂуᲁѣвающеє. и̇прᲂсᲅᲂ ѡ҅всⷯѣ ѡ҅бещныⷯ и̇ѡ҆́сᲂбныⷯ ꙁеⷣ бесᲇᲁᲂуюᲅь. и҆ кыꙗ ᲂу҆́бᲂ ᲃїа млᲅⷭ҇и сᲂу꙯ ᲁᲂсᲅᲂина ‒ И҆́црⷭ҇ви ᲂу҆́бᲂ ꙁемнᲂмᲂѵ хᲅᲂ бесѣᲁᲂуа, ѡ҆о҆́нѣхᲆ є҆ᲁїнѣхь ᲅвᲂ риᲅь ᲃлᲂвᲂ. ѡ҆нихже а҆ще ѡ҆нъ вᲆсхоще꙯ и̇ѡ҆́нї хже прᲂсᲅирає꙯ въпрᲂшенїа. а҆щежели ᲁрᲂу гᲂе чᲅᲂ чрѣсᲆ ѡ҆́нᲂгᲂ вᲂлю вᲆспрїаᲅи ᲁерꙁне꙯. пᲂслⷣѣнюю каꙁнь пᲂⷣ ̾имеᲅь ̏ ᲅыже вѣчнᲂмꙋ црⷭ҇ви прⷣѣсᲅᲂꙗ є҆́мᲂуже ᲅрепещꙋще слᲂужа꙯ а҆гг҇ли. и̇ѡ҆́сᲅавль е҆же кнемᲂу бесѣᲁᲂуєши. и҆ какᲂ ᲃᲅерпиши и҆же ѡ̇преѡ̇биᲁѣни сᲂуⷣ ̾. кᲄᲂ же ᲅѧ̏ и҆ѿᲅакᲂвыа и҆ꙁме꙯ мᲂукы ̏ нᲂ̏ꙁлѣ реⷱ҇. ꙗ҆́же ѡ҆вещеⷯ и̇ꙗ҆́же ѡжиᲅелсᲅви належа꙯, и҆ мнᲂгᲂ намъ єⷭ҇ є҆же ѡ҆сиⷯ ᲃлѡⷡ҇ и̇мнѡгᲂ пᲂᲁви гь и̇каꙗ єⷭ҇ вина ᲁрᲆжащїихᲆ ̇ ᲂу҆́бᲂ беꙁьсвѣ ᲅїе. неᲁержащїихᲆ ᲂу҆́бᲂ беꙁсьвѣᲅїе нᲂна шь грⷯѣ и̇прѣгрѣшенїеⷨ и҆сᲅꙗꙁанїє. ѡ҆́нъ

горнѧꙗ ᲁᲂлᲂу съᲅвᲂ́ри ѡ҆́нъ всѧ люᲅаꙗ вᲆвеᲁе ѡ̇нъ брани въѡ҆рᲂужи. ѡ҆нъ пᲂбѣжⷣенїе съᲁѣла и҆неѿинᲂуᲁᲂу намъ скᲂрᲆбныⷯ мнѡ́жьсᲄвᲂ прᲇлїа сѧ. раꙁвѣ ѿсеꙗ вины. • ᲅѣмже а҆ще и̇авраамᲆ нкыи бᲈᲁеⷮ, ᲁрᲆжаи. и҆мѡӱси. а҆ще и҆́ ᲁвⷣъ, а҆ще и̇сᲂлᲂмѡⷩ҇ мᲂуᲁрѣишии. а҆ще и̇всⷯѣ члк҇ь грѣшнѣишїи. намъ ꙁлѣ належющимᲆ; нераꙁньсᲅвꙋющᲂу и̇ма꙯ ꙗ҆́же кᲆꙁлыⷨ винᲂу. ка кᲂ и̇кыимь ѡбраꙁѡⷨ. ꙗ҆́кᲂ а҆́ще ᲂу҆́бᲂ. ѿꙁакᲂнᲂпрᲇ ᲃᲅᲂупнѣишиⷯ бᲂуᲁе꙯. и҆и҆́же беꙁьсᲆвѣсᲅнѣ и҆бесчин̾нѣ нᲂᲃимыиⷯ. нашее бесчинїе и̇нена каꙁанїе ᲅакᲂвᲂе плᲂᲁᲂнᲂсилᲂ єⷭ҇. нашаа сᲆгрᲇ шенїа. ꙗ҆ꙁвᲂу ᲃїю и҆схѡᲁаᲅаишꙗ. є̑жебᲂ пᲂ срцⷣю нашемᲂу прїємаᲅи кнѧѕѧ. ничᲅᲂже инᲂєⷭ҇ раꙁвѣ ᲃїе; ꙗ҆́кᲂ прⷣѣсᲆгрѣшивше сᲂу ще. ᲅакᲂва насᲅᲂꙗщагᲂ пᲂлᲂучихѡⷨ, и҆ли ᲂу҆́ бᲂ ѿсщ҇ен̾ныⷯ бꙋᲁе꙯ кᲅᲂ, и̇ли ѿи҆́же мирскыꙗ сᲆᲁержащиⷯ власᲅи ‒ А҆́щели и̇ꙁлᲂ праве ᲁенъ бѹᲁеⷮ и̇ᲅакᲂ правеᲁенᲆ. ꙗкᲂ и҆ᲁаже ᲁᲂ мᲂӱсеѡ҆вы ᲁᲂбрᲂᲁѣᲅели ᲁᲂсᲅигнѹᲅи. не ᲅᲂгᲂ є҆ᲁїнᲂгᲂ правᲁа беꙁмрнаꙗ пᲂслѹшныⷯ сᲆпᲂкрыᲅи въꙁмᲂже꙯ съгрѣшенїа. и҆́ᲃїе ѿса мᲂгᲂ кᲅᲂ ѡ҆паснᲂ, навыкнеᲅь мѡӱсеа. и҆же ᲂу҆́бᲂ мнѡгᲂ ꙁл̏а, пᲂсᲅраⷣвшагᲂ ѡ҆і҆ꙁл҇и мно гᲂже ѡ҆́немь мᲂленїе кьбᲂ҇у пᲂсᲅавльшаго, є҆же ѡ҆́бѣᲅᲂван̾нᲂую є҆мᲂу наслѣᲁᲂваᲅи ꙁемлю, є҆лмаже сᲅран̾на себе ѿо҆́ᲁрᲆжанїа ᲅъ̏ свᲂими ᲂу҆́сᲅрᲂи ꙁакᲂнᲂпрѣсᲅᲂуплень

ми. невᲆꙁмᲂже ᲅᲂгᲂ мᲂленїе бж҇їи правеⷣныи сꙋⷣ прѣᲅвᲂриᲅи. всѣмᲆ люᲁеⷨ впꙋᲃᲅыни пᲂлᲂже номᲆ бывшемь. ᲅаже ктᲂ бѣ мѡӱсеа правеⷣ нѣиши. и҆ли кᲅᲂ ᲁерꙁнᲂвен̾нѣиши є҆гᲂ кьб҇ꙋ. мᲂщи ᲂу҆́бᲂ гл҇еᲅсѧ правеⷣнагᲂ млᲅ҇ва+, нᲂпᲂспᲇ шьсᲅвᲂуєма+ ᲃи̏ речь пᲂмагаєма. раскаанї ємь и҆ѡ҆́бращенїємь ѿнихже ᲅвᲂрима єⷭ҇. аи҆́ мже непᲂкааненъ и҆неѡ҆́бращаєⷨ єⷭ҇ нравъ. ка кᲂ ᲂу҆́бᲂ пᲂмᲂщи вᲆꙁмᲂже꙯ самѣмы ѡ̑немь ᲁᲇ лы съпрᲂᲅивлѧющимсѧ • и̇чᲅᲂ гл҇ю ѡ҆́сверше нѣмь нарᲂᲁѣ ꙁкᲂнᲂпрѣсᲅᲂупающиⷨ семᲂу ᲃᲆлᲂучаᲅисѧ. и̇ᲁеже и̇малⷯѣ ѡ҆́блаᲁає҆мыⷯ грⷯѣ. и̇є҆́ᲁїнᲂгᲂ вᲆи̇же правеⷣнѣᲁержащїихᲆ прᲇ въсхѡᲁи꙯ⷮ ᲁерꙁнᲂвенїє. и̇сїе пакы ѿсамᲂгᲂ ᲂу҆́ бᲂ кᲅᲂ раꙁᲂумѣєᲅь. и̇ꙁл҇ѣ и̇же ѿмѡӱсеа нарᲂ ᲁᲂвѡⷣ ̾сᲅвᲂуємь, внегаⷣ въи̇нᲂплѣмен̾ныиⷯ вᲆ ниᲁе ꙁемлю.и̇ꙗ҆́же книмᲆ съвᲆкᲂупи брань ка кᲂ нѣцїи ѿнегᲂ въꙁнеи̇сᲅᲂвившесѧ, наᲅѣх̾ жены, всенарѡⷣ ̾ныи ѡ҆нъ сѣчь и҆́и҆́пагꙋбꙋ съ ᲁѣлаша. ѡ҆є҆́ᲁїнᲂмже ᲅакᲂвᲂє сᲆлᲂучисѧ. ꙗⷦ҇ же и̇ѡ҆а҆́харѣ, и̇же песᲅрᲂую вꙁемшиⷨ ѡ̇ᲁежю ѿвъꙁлᲂженїа, и̇навсѧ люᲁи б҇ии ражⷣьгшᲂмꙋ гнѣвъ. нᲂпᲂнеже нѣцїи ѿпришеⷣшихь ꙗ҆́же ѡ̇пᲂвѣсᲅи се̏и невѣᲁѧ꙯. ᲃегᲂ ра󰀣 ᲁᲂсᲅᲂиᲅь ма лᲂ ѡ҆́ᲅᲂи рекшю, вᲆспᲂмѧнᲂуᲅи ᲂу҆́бᲂ вѣᲁѧ щимᲆ, наᲂу҆́чиᲅиже невѣᲁѧщиⷯ. • ᲃъ̏ ᲂу҆́бᲂ а҆ха ръ, є҆ᲁїнъ б̏ѣ ѿи҆́же съі҆и҆́сᲂусѡⷨ навинѣмь пршеᲁᲆшиⷯ і҆ѡ҆́рданᲆ і҆и҆́сᲂуᲃѡⷨ ѡ҆нⷨѣ и҆жесꙋ

ᲁѡⷨ ᲂу҆́бᲂ бж҇їимᲆ. прѣе҆́мникꙋ мѡӱсеѡвꙋ прⷣѣ сᲂужеⷣнымᲆ. ѡ҆́браꙁъже и̇прᲂписанїе и̇мᲂущиⷨ и̇сᲅиннагᲂ б҇а и̇сп҇са нашегᲂ і҆ᲃ҇х҇а. ꙗ҆́кᲂжебᲂ ѡ҆́ нᲆ ѿпᲂусᲅынѧ скᲂѕѣ і҆ѡ҆́рᲁанъ вᲆꙁемлю ѡ҆́бѣᲅᲂванїа люᲁи прᲂвеᲁе. ᲅакᲂ и҆сп҇съ нашь ѿпᲂусᲅинѧ нераꙁᲂѵмїа. и҆и҆́ᲁᲂлᲂслᲂуженїа. и҆раᲁи сᲅ҇гᲂ и̇сп҇снагᲂ крщ҇енїа, вᲆгᲂрнии і҆є҆рлⷭ҇мᲆ. наⷭ҇ привеᲁе, вᲆмᲅ҇ре первѣнцеⷨ. вънемже ра󰀣 и̇сᲅинагᲂ ᲂу҆́пᲂкᲂєнїа. блг҇ᲂ ᲂу҆́гᲂᲅᲂвлены бы ша ѡ҆́биᲅели. и̇ᲁеже немѧᲅежнᲂе и̇мирнᲂє прѣбыванїе єⷭ҇ ‒ Тъ̏ ᲂу҆́бᲂ і҆сᲂуᲃᲆ. пᲂвелᲇ вающагᲂ ᲃилᲂю люᲁи прѣвеⷣ ̾, прїиᲁе нає҆ри хѡ. и̇сᲅран̾нᲂє ѡ҆нᲂ и̇прѣславнᲂє ѡ҆бьсᲅᲂ анїе ᲁѣи̇сᲅвᲂуа. и̇ᲂу҆́же сᲄѣнаⷨ ниспасᲅи хᲂ ᲅѧщиⷨ. чᲅᲂ реⷱ҇ кьлюᲁеⷨ. бᲂуᲁе꙯ въꙁлᲂженїе гра ᲁᲆ съ̏ и̇всѧ є҆лика сᲂуᲅь вънемь, гвⷭ҇и саваѡ фᲂу раꙁвѣ, раавь блᲂуᲁница сᲆнабᲁиᲅе. ᲃᲆ храниᲅесѧ ᲂу҆́бᲂ ѿвъꙁлᲂженїа. ᲁанекᲂгаⷣ пᲂ мысливше в̏ы. вᲆꙁмеᲅе ѿнегᲂ и҆и҆́сᲅрыєᲅе наⷭ҇. ѡ҆сщ҇ена быша реⷱ҇ вᲆсѧ ꙗ҆́же вᲆграᲁѣ, себᲂ въꙁлᲂженє ꙗ҆влѧєᲅь. ᲁанекᲅᲂ ᲂу҆́бᲂ ᲂу҆́ᲅаи ᲅь ѿвъꙁлᲂженыⷯ г҇ᲂуб҇ᲂу. и̇пᲂᲅреби꙯ наⷭ҇ ѿꙁе млѧ, бѣᲁна ꙁапᲂвⷣѣ. мнѡгᲂже ѡ҆пасᲅвᲂ пᲂ велѣвающагᲂже б҇а, и̇ꙁакᲂнᲂпᲂлагающагᲂ і҆и҆́сᲂуса. какᲂбᲂ небѣ въᲅᲂлицѣ мнѡжсᲄвᲇ непрѣсᲅᲂупленᲂу быᲅи ꙁакᲂнᲂу семᲂу. мнᲂ ꙁѣмь сᲂущиⷨ ᲃᲆпᲂрѣвающиⷨ насе̏. и̇ли ᲂу҆́бᲂ неᲂу҆́сᲅавленᲂе и҆любᲂприбыᲅᲂчнᲂе нарᲂᲁа,

и҅ли є҆́же невсⷨѣ вᲆᲂу҆́слышани быᲅи прⷣѣлᲂжены а ꙁпᲂвѣᲁи и҆ли раꙁличїе кᲂрисᲅеⷨ ꙗ҆́кᲂже лщенїе прⷣлᲂжаще и̇любᲂсᲅѧжаᲅелныа прлщаю ще, ᲂу҆́ᲁᲂбь ᲂу҆́бᲂ кьпрѣсᲅᲂупленїю, ᲂу҆́сᲅрᲆмї лᲂбы. нᲂсице ᲂу҆́бᲂ ꙁакѡⷩ҇ съ̏ пᲂлᲂженᲆ быⷭ҇. и҆ѡ҆гла вѣ прѣсᲅᲂупленїа є҆гᲂ бѣᲁа ѡ҆бѣшена быⷭ҇ ‒

Чᲅᲂ ᲂу҆́бᲂ пᲂсемь. ниспаᲁᲂша сᲅѣны, и҆вᲆрᲂу кꙋ ѡ҆бьсᲅᲂꙗщиⷯ и̇граⷣскаа быша всѧ. всѣмъ же люᲁемъ ꙁапᲂвⷣѣ⸫ съблюⷣающиⷨ. є҆ᲁїнᲂгᲂ прᲇ ᲃᲅᲂупленїе навсе мнѡжсᲅвᲂ бж҇їи ражⷣеже гнᲇ вᲆ. ᲃъгрѣшишабᲂ реⷱ҇ снв҇е і҆ꙁлⷭ҇вы сᲆгрѣшенїє велїе. и̇ᲂу҆́ᲅаиша и̇вᲆꙁѧша ѿвᲆꙁлᲂженїа. вᲆ ꙁѧᲅъбᲂ а҆харᲆ, сн҇ъ хармїєвᲆ ѿвьꙁлᲂженїа и̇раꙁᲆꙗ҆ривсѧ гнѣвоⷨ г҇ь на сн҇ы и̑ꙁр҇лвы. и̇є҆ᲁї нъ ᲂу҆́бᲂ б̏ѣ съгрѣшивы. какᲂ ᲂу҆́бᲂ реⷱ҇ съгрѣ шиша снв҇е і҆ꙁр҇лвы. и̇раꙁьꙗ̑рисѧ г҇ь насн҇ы і҆ꙁр҇ле вы ‒ Зришили какᲂ є҆ᲁїнᲂгᲂ грѣхᲆ, всⷨѣ люᲁеⷨ каꙁнь и̇схᲂᲁаᲅаи; и҆ꙗкⷦᲂⷶ ́ мнѡжьсᲅвᲂ люⷣ ̾скᲂе б҇а раꙁрⷣажи; є҆лма ᲂу҆́бᲂ ꙁлᲂе и̇ꙁакᲂнᲂпрѣсᲅᲂу пнᲂе дѣлᲂ сᲆᲁѣѧсѧ. и̇никᲅᲂже бѣ сᲆвѣᲁы ра ꙁвѣ е҆ᲁїнᲂгᲂ и̇же ᲅаиньнаꙗ вѣᲁѧщагᲂ б҇а. и҆ка ꙁнь ᲂу҆́бᲂ хѡᲅѧше быᲅи. сᲆᲁᲇавыиже се̏. а҆ще и̇ мнѧшесѧ ᲂу҆́ᲅаиᲅи. нᲂѡ҆́баче ѿсᲆвѣсᲅи ꙗⷦ҇ ѿо҆́гнѧ жегѡⷨ б̏ѣ. прїиᲁе ᲂу҆́бᲂ и̇прѣщенїю. врѣмѧ, и̇є҆́же ꙗ҆вленᲂу быᲅи сᲆгрѣшенїю. пᲂслабᲂ реⷱ҇. і҆и҆́сᲂусᲆ мᲂужа ѿє҆́рихѡна вᲆге́. и҆ вᲆꙁыᲁᲂша ᲅамᲂ ꙗ҆кᲂ ᲅри ᲅысѧщь мᲂужїи и҆ бѣжаша ѿлица мᲂужеи геин́скыⷯ и҆ᲂу҆́биша ѿ

ниⷯ ᲅриᲁесѧ꙯ и̇шесᲅь мᲂужїи. и҆ѿгнаша и҆хᲆ, и̇ра ꙁрⷣᲂушиша и҆хᲆ. и̇ᲂу҆́сᲅрашисѧ срцⷣе люᲁеⷨ и̇быⷭ҇ ꙗ҆́кᲂ же вᲂᲁа. ꙁр̏и є҆ᲁїнᲂгᲂ грѣха ѿмъщенїе. ꙁри ꙗ҆́ꙁвꙋ неᲂу҆́ᲅѣшимᲂу є҆ᲁїнъ съгрѣши. и҆на весь нарᲂⷣ ̾ и̇вᲂꙗ смрᲅ҇ь и̇сᲅрахᲆ напаᲁе ‒ Чᲅᲂ се̏ ѡблг҇ᲂ любивыи влкⷣо и̇г҇и всⷯѣ. ᲅы є҆си є҆ᲁинᲆ правеᲁе нᲆ; и̇прави сᲂуᲁи ᲅвᲂи. ᲅы̏ кᲂмᲂужоⷣ пᲂсвᲂиⷯ ᲁᲇ лѡⷯ въꙁаⷣеши ᲁѣланїе и̇сᲂуⷣ. ᲅы̏ реклᲆ е҆си члк҇ᲂлю бче. въсвᲂємь кᲂмᲂужᲂⷣ грѣсѣ ᲂу҆́мрѣᲅи. чᲅᲂ ᲂу҆́бᲂ влкⷣо ᲃъ̏ єⷭ҇ правеⷣныи ᲅвᲂи сᲂуⷣ. ᲁᲂбра сᲂу꙯ ᲅвᲂа всѧ г҇и, и̇ꙁѣлᲂ ᲁᲂбра. и̇напᲂлꙁᲂу намъ ᲂ҆у сᲅраема. пагᲂубаи нѣкаа єⷭ҇ реⷱ҇ грѣхь. ᲁаи҆ꙁᲆꙗ҆҆ виᲅсѧ ᲂу҆́бᲂ каꙁнїю кᲆвсѣмь, ꙗ҆́кᲂ ᲁаневсⷯѣ пᲂ гᲂубиᲅь. ꙗ҆́кᲂ ᲁапᲂꙁнавше кᲂликᲂ прѣщенїє и̇каꙁнь є҆ᲁїнᲂ прѣсᲅᲂупленїє пᲂрᲂᲁи. ᲂу҆́бѣ жаᲅь. є҆же ѿмнѡжаишиⷯ сᲆгрѣшенїи бескᲂне чнᲂе мᲂученїе. ᲀиᲁѣвже реⷱ҇ і҆и҆́сᲂуᲃᲆ несᲆсᲅа внᲂе бѣг̾сᲅвᲂ. расᲅерꙁа риꙁы свᲂа, и̇паᲁена ꙁемлю, ѡ̇на рыᲁанїа сᲆплачемь гл҇ѧ. ꙗ҆́же бжᲅⷭ҇венᲂе наꙁнаменᲂуєᲅь писанїє ‒

Чᲅᲂ ᲂу҆́бᲂ кнемꙋ влкⷣа, въсᲅани; вᲆскᲂую сице ниспалᲆ е҆си. ᲃъгрѣшиша люᲁїе ᲅвᲂи и̇прᲇсᲄꙋ пиша ꙁав꙯ѣ мᲂи. и̇невᲆꙁмᲂгᲂуᲅь снв҇е і҆ꙁлвⷭ҇и сᲅаᲅи прⷣѣлицемь врагь свᲂихᲆ ᲁᲂнᲁеже и҆ ꙁмеᲅе въꙁлᲂженїе ѿваᲃᲆ самѣхь прᲂпᲂвᲇᲁа сѧ ᲂу҆́бᲂ а҆бїе вᲆлюᲁеⷯ ᲃᲆᲁᲇанїе. и̇въꙁвѣщаєᲅь сѧ ѿб҇а и҆же прѣсᲅᲂупленїє сᲆᲁᲇавы и҆сᲆла

гаєᲅсѧ прѣсᲅᲈпивы. ѿвѣщабᲂ реⷱ҇ а҆харᲆ къ і҆исᲂусᲂу и̇рече. въи҆сᲅинᲂу сᲆгрѣшиⷯ прⷣѣ гдⷭ҇е мь бг҇омъ і҆ꙁл҇ьвѣмь. ᲃице и҆сице съᲅвᲂриⷯ. виᲁⷯѣ въплѣнѣ ѡ҆́ᲁежᲂⷣу песᲅрᲂѵ є҆ᲁїнᲂуᲁᲂбрⷹ. и̇ᲁвѣсᲅ̏ѣ ᲁиᲁрагмь сребра. и̇ꙗ҆́ꙁыкь є҆ᲁїнъ ꙁл꙯а пѧнᲁесѧᲅимъ ᲁиᲁрагмⷨо. и҆пᲂмасливъ въꙁѧ хᲆ. и̇се ᲅа̏ съкрᲂвена сᲂу꙯ въꙁемли вᲆкрᲂве мᲂ ємь. всѧ прᲂчее вᲆꙗ̑вленїе привᲂᲁи꙯. пᲂнеже бᲂ нелᲂжна и̇же ᲃїа въꙁвѣᲃᲅившагᲂ ꙁрѧше. и҆ ꙁвѣстнаже и҆мѧше ѡ҆бличѧющагᲂ свѣᲁѣᲄе лѧ. ꙁр̏и прᲂчее и҆пᲂнᲂснᲂую и̇пагᲂубнꙋю см҇рᲄь ‒

Вᲆꙁвеᲁеже є҆гᲂ реⷱ҇ і҆и҆́сᲂусᲆ въᲁебрь а҆хѡрскᲂую, и̇сынᲂвы є҆гᲂ и̇ᲁщерѧ є҆гᲂ и̇вᲂлы є҆гᲂ. и̇поⷣꙗ҆ре мникы є̇гᲂ. и̇всѧ ѡ̇вца є҆гᲂ. и̇крᲆвъ є҆гᲂ. и҆ всѧ є҆ликыа быша є҆гᲂ. и҆пᲂбиша ᲅа̏ весь и҆ꙁл҇ь каменїємь. ᲃїе ꙁакᲂнᲂпрѣсᲅᲂупленїа вᲆ ꙁаⷣанїе. ᲃице бж҇їи неᲂу҆́мыᲅенᲆ є҆сᲅь всегаⷣ сᲂуᲁᲆ. ᲃїа ᲂу҆́бᲂ вѣᲁѧще вᲆꙁлюбленїи. ꙗ҆́кᲂ ра󰀣 свᲂихᲆ съгрѣшенїи въꙁаⷣанїа. скᲂрбныⷯ на шесᲅвїа насѧ приꙁываєⷨ. и҆навсѧкь ᲁн҇ь свᲂѧ и̇сᲅѧꙁꙋюще сᲆгрѣшенїа. неи҆нѣмь нᲂнамᲆ ᲃамѣмь ꙗ҆же ѡ̇нихᲆ въмѣнѧєⷨ винᲂу. не начѧлсᲅвᲂющиⷯбᲂ ᲅъчїю невниманїе. нᲂ мнᲂжае паче нашаа ᲃᲆгрѣшенїа. всѧ ꙁл̏аꙗ сᲆ веᲁᲂша вᲆжиᲅїе. ᲃице ᲂу҆́бᲂ ᲃѣмᲂ прихᲂᲁѧ къжⷣᲂ и҆свᲂа пᲂмышлѧа грѣхᲂпаᲁанїа. неи҆ нᲂгᲂ кᲂгᲂ ᲂу҆́кᲂриᲅь. нᲂсᲆпᲂᲁᲂбающиⷨ блг҇ᲂ чинїєⷨ. насᲅᲂꙗщее вᲆꙁлеᲅь славᲂслᲂвїє ‒

Е҆́стьже и҅сᲅѧꙁᲂуемᲂє блг҇ᲂчинїє ᲃицевᲂ. пер̾ вѣе ᲂу҆́бᲂ съскрᲂушенⷨѣ ᲃрцⷣемь прихᲂᲁиᲅи кᲆ бᲂ҇у. пᲂᲅᲂмже и҆срчⷣныи нравᲆ виᲁимыⷨ ѡ҆́бра ꙁоⷨ. пᲂкаꙁᲂваᲅи раᲁи сᲅᲂꙗнїа. раᲁи рᲂучнагᲂ блг҇ᲂчинїа. ра󰀣 крᲂᲅкагᲂ и҆ᲂу҆́ᲅишенагᲂ гласа. ᲂу҆́ᲁᲂбнᲂбᲂ єⷭ҇ се̏. и҆всѧкᲂмᲂу хѡᲅѧщᲂмᲂувᲆꙁ̾ мᲂжнᲂ. и̇какᲂ реⷱ҇ въвсⷯѣ и҆справиᲅсѧ. пᲂсᲅавї мᲆ себѣ ꙁакѡⷩ҇ и̇рᲆцемь. ꙗ҆кᲂ ѡ҆́бще пᲂлеꙁна ꙁа пᲂвⷣѣ пᲂлᲂжена бы, и҆пᲂᲁᲂбаєᲅь всⷨѣ намъ ᲅакᲂвᲂую вᲆспрїаᲅи пᲂлꙁᲂу. ᲃегᲂ ра󰀣 и̇бесчї н̾ныа прѣмᲂлкьнемь гласы. и̇рᲂучныа ᲂу҆́ᲅᲂ лимъ ѡ҆́бачаꙗ. свѧꙁаны ᲃїа и҆сᲅѧгнᲂуᲅы прⷣᲇ ᲃᲅавлѧюще бв҇и. а̇небесчин̾ными и̇нелѣпѣ ми вᲆꙁⷣѣваємы пᲂмаван̾ми ненавиᲁи꙯бᲂ ᲃе̏ и̇ѿвращаєᲅсѧ ꙗ҆́кᲂже и҆ᲂу҆́ᲅишенᲂе люби꙯ и҆прї ємлеᲅь. накᲂгᲂбᲂ реⷱ҇ приꙁрю̏. нᲂнакрᲂᲅка гᲂ и̇мᲂлчаливагᲂ и̇ᲅрепещꙋщагᲂ мᲂихᲆ слᲂ весᲆ. рᲆцѣмь ᲁрᲂугь ᲁрᲂугᲂу. ꙗ҆́кᲂ нехѡще꙯ б҇ъ ᲅᲂмᲂу бесѣᲁᲂующиⷨ намъ; и̇кьсебѣ бесѣᲁᲂ ваᲅи. ниже ѡсᲅавльшиⷨ, є҆же кнемᲂу бесᲇ ᲁᲂванїа. ѡ҆́насᲅᲂꙗщиⷯ пᲂᲁвиꙁаᲅи бесѣᲁы и҆ къскверн̾нѣ бисеры примѣшаᲅи. ᲁᲂсаᲁᲂу бᲂ себѣ а҆неслᲂвᲂслᲂвїе ᲅакᲂвᲂе вᲆмѣнѧє ᲅь. а҆щелиже кᲅᲂ вᲆсхᲂще꙯, прѣсᲅꙋпиᲅи ᲃїю ꙁапᲂвⷣѣ, вᲆꙁᲂусᲅимᲆ и҆ꙗ҆́кᲂ навᲇᲅни ка нашегᲂ сп҇сенїа. вᲆнѣ ѿо҆́граⷣ ̾ сᲅ҇ыа црк҇ь ве ѿженемь. ᲅакᲂбᲂ ᲅвᲂрѧще. перваа ᲂу҆́бᲂ свᲂа сᲆгрᲇшенїа, ᲂу҆́ᲁᲂбь ѿмыємь. самᲂгᲂ

же влкⷣᲂу пᲂсрᲁ наⷭ҇ и҆мамы. съсᲅ҇ыми а҆гг҇е лы сликьсᲅвᲂующа, и̇кᲂмᲂужоⷣ ѿблг҇ᲂчиныⷯ пᲂ ᲁавающа вѣнца. пᲂнежебо є҆сᲅь члк҇ᲂлюбивᲆ и̇великᲂᲁарᲂвиᲅᲆ, и҆рауⷣєтсѧ ѡ҆нашеⷨ спс҇ени въсегаⷣ. красᲂуꙗсѧ ѡ҆нашиⷯ ᲁᲂбрыиⷯ, ᲃегᲂ ра󰀣 и҆ цртⷭ҇вᲂ нбⷭ҇нᲂе ѡ̑бѣᲅᲂва. и̇жиꙁни бесмрᲅ҇ныа въспрїаᲅїе, и̇всѧ блг҇аа прⷣѣᲂу҆́гᲂᲅᲂва хѡᲅѧ наⷭ҇ въᲅа̏ въселиᲅи. и̇хже бᲂуᲁи всѣмь намᲆ пᲂлᲂучиᲅи. блг҇ᲂᲁѣᲅїю и̇члк҇ᲂлюбїєⷨ га҇ нашⷢ҇е і҆ᲃ҇х҇а. сним̾же подᲂбаєᲅь слава и҆ᲁержава. и̇пᲂ кланѧнїе ѡ҆́ц҇ᲂу съ сᲅ҇ымь ᲁх҇омᲆ нынѣ и прнⷭ҇ᲂ. и҆в̾вѣкы вѣкѿⷨ а҆минь ‒