Блаже́н есть и́же во и́стине живо́т свой учини́ и во вся́кой лжи не увя́зну. Блаже́н и треблаже́н и́же и́стине быв рачи́тель: я́ко Бог и́стинен есть, и лжа в Нем несть. Кто у́бо не блажи́т сохра́ньшаго и́стину? Я́ко Бо́гу подража́тель есть таковы́й. Всяк бо и́стинствуяй, Бо́гу уго́ден есть и вся́кому челове́ку потре́бен есть: в бр́атии красе́н, во вся́кой ве́щи прав и и́стинен, и на лица́ не ра́дуется, и непра́ведна суда́ не су́дит, сано́в и че́сти не возда́ст ли́ше сла́вы, ни́ща и проси́теля не пре́зрит. В отве́тех безлука́вен есть и в дея́ниих прост, на де́ло приле́жен и в бра́тии че́стен, лука́вства не весть, лицеме́рия не стя́жит, и вся́ким де́лом благи́м укра́шен есь таковы́й, и вся́кою де́телию благо́ю хо́дит. Блаже́н у́бо есть и́же всегда́ и́стине рабо́таяй.