Блаже́н есть и́же стяжа́ себе́ послуша́ние, и име́л есть во и́стинне и нелицеме́рне. Таковы́й подража́тель есть благо́му Учи́телю на́шему, И́же послушли́в бысть до сме́рти.

Име́яй послуша́ние, таковы́й у́бо блаже́н есть, я́ко Го́споду подража́тель нари́чется и сона́следник Ему́ бу́дет. Име́яй послуша́ние, ко всем любо́вию примеша́ется. Име́яй послуша́ние, многостяжа́ние стяжа́л есть и мно́гим бога́тством обогате́л есть послушли́вый, всем есть уго́ден, и все́ми похваля́емь есть, и все́ми сла́вимь есть. Послушли́вый вско́ре возно́сится и вско́ре вопреди́ спе́янии есть. Послушли́вый запреща́емь не пререку́ет, повелева́емь не отвраща́ется, запове́даемь не гне́вается, ко вся́кому де́лу бла́гу гото́в есть: наглокручи́нством не удо́бь увязнет и, а́ще услы́шит стуже́ние, не смуща́ется: в досажде́нии не раждиза́ется, в ско́рбех ра́дуется и в печа́лех похваля́ет Го́спода, от ме́ста на ме́сто не премину́ет, и от жили́ща в жили́ще не прехо́дит. А́ще у́бо наказу́емь вне́млет, а непра́вды не прие́млет, отца́ не укаря́ет, и бра́тии не умаля́ет, жития́ монасты́рскаго не укланя́ется, но и почи́ти в нем ра́дуется. Не́сте ли ви́дели мест и возду́х, я́ко и́ного не весели́т: но по свято́му апо́столу, на не́же ме́сто позва́н есть, на том пребыва́ет у Бо́га. Мно́зи убо вои́стину пло́дове послуша́ния. Те́мже блаже́н челове́к стяжа́вый послуша́ние.