Бр́ате, а́ще повеле́но ти буд́ет почести́ во у́ши бра́тству, зна́менай со скоропыта́нием, где конча́л есть начны́й. И восприи́м речь, начни́ чте́ние я́ко це́ркви укра́шена зла́том. Не бо не радя́й и о словеси́ еди́ном и преска́ча стихи́, таковы́й ни навы́кнути хо́щет я́коже подоба́ет, ни научи́т вне́млющых, но то́кмо коне́ц жене́т словеси́. И когда́ конча́ется чте́ние, ты же люби́миче мой трезви́тель бу́ди, я́ко да и себе́ по́льзуеши почита́нием и послу́шающых. А́ще ли же внеза́пу повеле́но ти бу́дет почести́, от ле́выя ча́сти начни́. А́ще ли же нача́ло сло́ву есть, глаго́ли надпи́саное и та́ко разуме́ется глаго́лемое. А́ще ли же стя́жеши кни́ги, благопокры́ти стяжи́ я себе́, да не когда́ обря́щется в них прекосло́вие чту́щему или́ преписа́ющему.