Пи́шет бо: Иму́щему да́стся, и избы́точествует, а от неиму́щаго, е́же мни́тся име́ти, во́змется от него́. Что у́бо рече́м? Ед́а непра́вда от Бо́га? Да не бу́дет. Послу́шай же при́тчи о сем.

Домови́т н́екто бе в стране́ не́коей, имя́ше же два раба́, и три супру́ги воло́в, и вдаст, о́вому у́бо два супру́га, о́вому же еди́н. И рече́ к ним: «Ше́дше де́лайте, до́ндеже прииду́ к вам»́. И шед пои́мый два супру́га волов, и де́ла вельми́, и обогате́ зело́ челове́к той, и волы́ до́бре прекорми́. Прии́мый же еди́н супру́г, привяза́ волы́ я́слех, и спро́ста ничто́же пред ни́ми положи́, и возле́г у́спе. И по вре́мени прии́де господи́н раб тех, ви́дети де́ло их, и ви́де де́ло раба́ прии́мшаго два супру́га и прибы́ток его́, благослови́ его́. Посе́м же прии́де к друго́му, и обре́те его́ спя́ща, волы́ же привя́зани я́слех, и сконча́вшася гла́дом и жа́ждею. И ви́дев и господи́н его́, рече́ в себе́: «А́ще оста́влю волы́ моя́ лени́вому сему́ рабу́, то погуби́т их. Но отъиму́ у́бо волы́ моя́ от него́ и дам их де́лавшему мно́жае, и́бо иму́щему да́стся, а от неиму́щаго, и е́же мни́тся име́я, во́змется от него́».

И па́ки глаголет Госпо́дь: Аз у́бо Благ Сый, призва́х его́, и дах ему́ власть, да соде́лав благо́е, стя́жет жизнь ве́чную. То́йже укори́л Мя есть, и той безче́стие да прии́мет, не восхоте́ бо благослове́ния и удали́ся от него́. И почто́ у́бо? Я́ко не изво́ли разуме́ти, да ублажи́т и́. Беззако́ние бо помы́сли на ло́жи свое́м, и ста на вся́ком пути́ небла́зе, о зло́бе же не негодова́. Еда́ непра́вда от Бо́га? Да не бу́дет.

Те́мже потщи́мся угоди́ти Бо́гови, я́ко да прии́мем обетова́ния Его́ со все́ми святы́ми Его́. Я́ко Тому́ сла́ва во ве́ки веко́в. Ами́нь.