<::лат> OCR:

<::рꙋс> Библиотека святоотеческой литератꙋры

<::лат> http://orthlib.ru

<::слав>

КНИ́ГА ПРА́ВИЛЪ СВЯТЫ́ХЪ А҆ПО́СТОЛѠВЪ, СВЯТЫ́ХЪ СОБО́РѠВЪ ВСЕЛЕ́НСКИХЪ И҆ ПОМѢ́СТНЫХЪ, И҆ СВЯТЫ́ХЪ Ѻ҆ТЄ́ЦЪ

<::рꙋс>Издание Свято-Троицкой Сергиевой Лавры 1992

Репринтное воспроизведение издания 1893 года.

К 0403000000-007 Б 53(02-92) ISВN 5-85-28-0-135-6 <::слав>

Ѡ҆ГЛАВЛЕ́НIЕ

съ хронологíческими ѹ҆каза́нiями.

Сѷмво́лы вѣ́ры.

Сѷмво́лъ вѣ́ры тре́хъ сѡ́тъ ѻ҆смина́десяти святы́хъ ѻ҆тє́цъ пе́рвагѡ вселе́нскагѡ собо́ра, нiке́йскагѡ, соста́вленный въ тк҃є годꙋ` по рождествѣ` хр҃ⷭ҇то́вѣ. стран. г҃.

Сѷмво́лъ вѣ́ры ста` пяти́десяти святы́хъ ѻ҆тє́цъ втора́гѡ вселе́нскагѡ собо́ра, кѡнстантiнопо́льскагѡ, допо́лненный въ тп҃а годꙋ`. стран. д҃.

Догма́тъ шести` сѡ́тъ три́десяти святы́хъ ѻ҆тє́цъ четве́ртагѡ вселе́нскагѡ собо́ра, халкидо́нскагѡ, ѡ҆ двꙋ́хъ є҆стества́хъ во є҆ди́номъ лицѣ` гд҃ⷭ҇а на́шегѡ i҆и҃са хр҃ⷭ҇та`. _ꙋн҃а. стран. є҃.

Догма́тъ ста` седми́десяти святы́хъ ѻ҆тє́цъ шеста́гѡ вселе́нскагѡ собо́ра, кѡнстантiнопо́льскагѡ, ѡ҆ двꙋ́хъ во́ляхъ и҆ дѣ́йствiяхъ въ гд҃ⷭ҇ѣ на́шемъ i҆и҃сѣ хр҃ⷭ҇тѣ`. х҃п. стран. ѕ҃.

Догма́тъ тре́хъ сѡ́тъ шести́десяти седми` святы́хъ ѻ҆тє́цъ седма́гѡ вселе́нскагѡ собо́ра, нiке́йскагѡ, ѡ҆ i҆кѡнопочита́нiи. ѱп҃г <-> ѱп҃з. стран. з҃.

Пра̑вила святы́хъ а҆по́стѡлъ. стран. а҃_i.

Пра̑вила собо́рѡвъ вселе́нскихъ.

Пра̑вила пе́рвагѡ собо́ра, нiке́йскагѡ. тк҃є. стран. л҃а.

Пра̑вила втора́гѡ собо́ра, кѡнстантiнопо́льскагѡ. тп҃а. стран. м҃.

Пра̑вила тре́тiягѡ собо́ра, є҆фе́сскагѡ. _ꙋл҃а. стран. м҃є.

Тогѡ́ же собо́ра посла́нiе къ памфѷлíйскомꙋ собо́рꙋ. стран. н҃.

Пра̑вила четве́ртагѡ собо́ра, халкидо́нскагѡ. _ꙋн҃а. стран. н҃г.

Ѡ҆ пя́томъ собо́рѣ, кѡнстантiнопо́льскомъ. фн҃г. стран. ѯ҃є.

Пра̑вила шеста́гѡ собо́ра, трꙋ́льскагѡ. хч҃а. стран. ѯ҃з.

Пра̑вила седма́гѡ собо́ра, нiке́йскагѡ. ѱп҃г <-> ѱп҃з. стран. рѳ҃_i.

Пра̑вила собо́рѡвъ помѣ́стныхъ.

Пра̑вила а҆гкѵ́рскагѡ собо́ра. тд҃_i <-> тє҃_i. стран. рл҃з.

Пра̑вила неокесарíйскагѡ собо́ра. тє҃_i. стран. рм҃є.

Пра̑вила га́нгрскагѡ собо́ра. ѻ҆́колѡ т҃м. стран. рм҃и.

Пра̑вила а҆нтiохíйскагѡ собо́ра. тм҃а. стран. рн҃в.

Пра̑вила лаодiкíйскагѡ собо́ра. ѻ҆́колѡ тѯ҃д. стран. рѯ҃г.

Пра̑вила сардiкíйскагѡ собо́ра. тм҃з. стран. рѻ҃г.

Пра̑вила карѳаге́нскагѡ собо́ра. ти҃_i. стран. рп҃ѕ.

Тогѡ́ же собо́ра посла́нiе къ келестíнꙋ па́пѣ ри́мскомꙋ. стран. см҃д.

Пра́вило кѡнстантiнопо́льскагѡ собо́ра. тч҃д. стран. см҃ѳ.

Пра̑вила кѡнстантiнопо́льскагѡ собо́ра, во хра́мѣ святы́хъ а҆по́стѡлъ бы́вшагѡ, глаго́лемагѡ двꙋкра́тнагѡ. ̾ѿѯ҃а. стран. с҃и.

Пра̑вила собо́ра, бы́вшагѡ во хра́мѣ премꙋ́дрости сло́ва бж҃iя. ̾ѿѻ҃ѳ. стран. сѯ҃д.

Пра̑вила святы́хъ ѻ҆тє́цъ.

Канонíческое посла́нiе свята́гѡ дiонѵ́сiа а҆леѯандрíйскагѡ. с҃ѯ. стран. сѯ҃ѳ.

Пра̑вила свята́гѡ петра` а҆леѯандрíйскагѡ. т҃д. стран. сѻ҃є.

Канонíческое посла́нiе свята́гѡ григо́рiа неокесарíйскагѡ. сѯ҃в. стран. сп҃ѳ.

Посла́нiе свята́гѡ а҆ѳана́сiа вели́кагѡ къ а҆ммꙋ́нꙋ мона́хꙋ. тк҃ѕ <-> тѻ҃а. стран. сч҃є.

Посла́нiе свята́гѡ а҆ѳана́сiа вели́кагѡ къ рꙋфiнiа́нꙋ. стран. т҃.

Свята́гѡ а҆ѳана́сiа вели́кагѡ и҆з̾ л҃ѳ посла́нiя ѡ҆ пра́здникахъ. стран. т҃г.

Свята́гѡ васíлiа вели́кагѡ пе́рвое канонíческое посла́нiе къ а҆мфiло́хiю є҆пíскопꙋ i҆конíйскомꙋ. т҃ѻ <-> тѻ҃и. стран. т҃ѕ.

Тогѡ́ же къ томꙋ́ же канонíческое посла́нiе второ́е. стран. тѳ҃_i.

Тогѡ́ же къ томꙋ́ же канонíческое посла́нiе тре́тiе. стран. тл҃а.

И҆з̾ дрꙋга́гѡ канонíческагѡ посла́нiя є҆гѡ` къ томꙋ́ же. стран. т҃м.

Посла́нiе къ дiодѡ́рꙋ, є҆пíскопꙋ та́рскомꙋ. стран. тм҃а.

Тогѡ́ же посла́нiе къ григо́рiю пресвѵ́терꙋ. стран. тм҃з.

Тогѡ́ же къ хѡрепíскопамъ канонíческое посла́нiе. стран. тм҃а.

Тогѡ́ же къ подчинє́ннымъ є҆мꙋ` є҆пíскопамъ. стран. тн҃а.

Тогѡ́ же и҆з̾ к҃з главы` кни́ги ѡ҆ ст҃о́мъ дх҃ѣ къ блаже́нномꙋ а҆мфiло́хiю. стран. тн҃г.

Тогѡ́ же, и҆з̾ к҃а главы` тогѡ́ же сочине́нiя. стран. тн҃з.

Канонíческое посла́нiе свята́гѡ григо́рiа нѵ́сскагѡ къ лито́iю є҆пíскопꙋ мелiтíнскомꙋ. тѻ҃в <-> тч҃д. стран. тн҃ѳ.

Стiхи` свята́гѡ григо́рiа бг҃осло́ва ѡ҆ то́мъ, какíя подоба́етъ чита́ть кни̑ги ве́тхагѡ и҆ но́вагѡ завѣ́та. т҃ѻ <-> тч҃а. стран. тѻ҃в.

Стiхи` свята́гѡ а҆мфiло́хiа, є҆пíскопа i҆конíйскагѡ къ селе́ѵкꙋ ѡ҆ то́мъ, какíя кни̑ги прiе́млются. ѻ҆́колѡ тч҃д. стран. тѻ҃д.

Канонíческiе ̾ѿвѣ́ты тiмоѳе́а, є҆пíскопа а҆леѯандрíйскагѡ. т҃и <-> тп҃є. стран. тѻ҃ѕ.

Пра̑вила ѳео́фiла, а҆рхiепíскопа а҆леѯандрíйскагѡ. тп҃є <-> _ꙋв҃_i. стран. тп҃в.

Пра̑вила свята́гѡ кѷрíлла, а҆рхiепíскопа а҆леѯандрíйскагѡ. _ꙋв҃_i. <-> _ꙋм҃д. стран. т҃ч.

Ѡ҆крꙋ́жное посла́нiе генна́дiа, патрiа́рха кѡнстантiнопо́льскагѡ. _ꙋн҃ѳ. стран. тч҃є.

Посла́нiе тара́сiа патрiа́рха кѡнстантiнопо́льскагѡ къ а҆дрiа́нꙋ па́пѣ ри́мскомꙋ. ѻ҆́колѡ ѱп҃з. стран. тч҃ѳ.

А҆лфави́тъ (сче́тъ листѡ́въ ѻ҆со́бый). стран. а҃

(с. г҃)

СV"МВО́ЛЪ ВѢ́РЫ

тре́хъ сѡ́тъ ѻ҆смина́десяти ст҃ы́хъ ѻ҆тє́цъ пе́рвагѡ вселе́нскагѡ собо́ра, нiке́йскагѡ.

Вѣ́рꙋемъ во є҆ди́наго бг҃а ѻ҆ц҃а`, вседержи́теля, творца` всѣ́хъ ви́димыхъ и҆ неви́димыхъ. И҆ во є҆ди́наго гд҃ⷭ҇а i҆и҃са хр҃ⷭ҇та`, сн҃а бж҃iя, є҆диноро́днаго, рожде́ннаго ̾ѿ ѻ҆ц҃а`, то́ є҆сть, и҆з̾ сꙋ́щности ѻ҆ц҃а`, бг҃а ̾ѿ бг҃а, свѣ́та ̾ѿ свѣ́та, бг҃а и҆́стинна ̾ѿ бг҃а и҆́стинна, рожде́нна, не сотворе́нна, є҆диносꙋ́щна ѻ҆ц҃ꙋ`, и҆́мже вся̑ бы́ша, ꙗ҆`же на небеси` и҆ на земли`: на́съ ра́ди человѣ̑къ и҆ на́шегѡ ра́ди спасе́нiя сше́дшаго, и҆ воплоти́вшася и҆ вочеловѣ́чшася, страда́вша, и҆ воскре́сшаго въ тре́тiй де́нь, и҆ возше́дшаго на небеса`, и҆ сѣдя́ща ѡ҆деснꙋ́ю ѻ҆ц҃а`, и҆ па́ки грядꙋ́щаго сꙋди́ти живы̑мъ и҆ мє́ртвымъ. И҆ во ст҃а́го дх҃а. Глаго́лющихъ же ѡ҆ сн҃ѣ бж҃iемъ, ꙗ҆́кѡ бы́сть вре́мя, є҆гда` не бѣ`, и҆ли` ꙗ҆́кѡ пре́жде не́же роди́тися, не бѣ`, и҆ли` ꙗ҆́кѡ ̾ѿ не сꙋ́щихъ бы́сть, и҆ли` и҆з̾ и҆ны́я ѵ҆поста́си и҆ли` сꙋ́щности глаго́лющихъ бы́ти, и҆ли` преврати́ма и҆ли` и҆змѣня́ема сн҃а бж҃iя, си́хъ а҆наѳема́тствꙋетъ каѳолíческая и҆ а҆по́стольская цр҃ковь.

(с. д҃)

СV"МВО́ЛЪ ВѢ́РЫ

ста` пяти́десяти ст҃ы́хъ ѻ҆тє́цъ втора́гѡ вселе́нскагѡ собо́ра, кѡнстантiнопо́льскагѡ.

Вѣ́рꙋемъ во є҆ди́наго бг҃а ѻ҆ц҃а`, вседержи́теля, творца` не́бꙋ и҆ земли`, ви̑димымъ же всѣ́мъ и҆ неви̑димымъ. И҆ во є҆ди́наго гд҃ⷭ҇а i҆и҃са хр҃ⷭ҇та`, сн҃а бж҃iя, є҆диноро́днаго, и҆́же ̾ѿ ѻ҆ц҃а` рожде́ннаго пре́жде всѣ́хъ вѣ̑къ: свѣ́та ̾ѿ свѣ́та, бг҃а и҆́стинна ̾ѿ бг҃а и҆́стинна, рожде́нна, не сотворе́нна, є҆диносꙋ́щна ѻ҆ц҃ꙋ`, и҆́мже вся̑ бы́ша: на́съ ра́ди человѣ̑къ, и҆ на́шегѡ ра́ди спасе́нiя сше́дшаго съ небе́съ, и҆ воплоти́вшагося ̾ѿ дх҃а ст҃а и҆ мр҃íи дв҃ы, и҆ вочеловѣ́чшася: распя́таго же за ны` при понтíйстѣмъ пiла́тѣ, и҆ страда́вша, и҆ погребе́нна: и҆ воскре́сшаго въ тре́тiй де́нь по писа́нiємъ: и҆ возше́дшаго на небеса`, и҆ сѣдя́ща ѡ҆деснꙋ́ю ѻ҆ц҃а`: и҆ па́ки грядꙋ́щаго со сла́вою сꙋди́ти живы̑мъ и҆ мє́ртвымъ, є҆гѡ́же ца́рствiю не бꙋ́детъ конца`. И҆ въ дх҃а ст҃а́го, гд҃ⷭ҇а, животворя́щаго, и҆́же ̾ѿ ѻ҆ц҃а` и҆сходя́щаго, и҆́же со ѻ҆ц҃е́мъ и҆ сн҃омъ спокланя́ема и҆ ссла́вима, глаго́лавшаго прⷪ҇ро́ки. Во є҆ди́нꙋ святꙋ́ю, собо́рнꙋю и҆ а҆по́стольскꙋю цр҃ковь. И҆сповѣ́дꙋемъ є҆ди́но креще́нiе во ѡ҆ставле́нiе грѣхѡ́въ. Ча́емъ воскресе́нiя ме́ртвыхъ, и҆ жи́зни бꙋ́дꙋщагѡ вѣ́ка. А҆ми́нь.

(с. є҃)

ДОГМА́ТЪ

шести` сѡ́тъ три́десяти ст҃ы́хъ ѻ҆тє́цъ четве́ртагѡ вселе́нскагѡ собо́ра, халкидо́нскагѡ.

Ѡ҆ двꙋ́хъ є҆стества́хъ во є҆ди́номъ лицѣ` гд҃ⷭ҇а на́шегѡ i҆и҃са хр҃ⷭ҇та`.

Послѣ́дꙋюще бж҃е́ствєннымъ ѻ҆тцє́мъ, всѣ` є҆диногла́снѡ поꙋча́емъ и҆сповѣ́дывати є҆ди́наго и҆ того́жде сн҃а, гд҃ⷭ҇а на́шего i҆и҃са хр҃ⷭ҇та`, соверше́нна въ бж҃ествѣ` и҆ соверше́нна въ чл҃вѣ́чествѣ: и҆́стиннѡ бг҃а и҆ и҆́стиннѡ чл҃вѣ́ка, того́жде и҆з̾ дꙋши` и҆ тѣ́ла: є҆диносꙋ́щна ѻ҆ц҃ꙋ` по бж҃ествꙋ`, и҆ є҆диносꙋ́щна того́жде на́мъ по чл҃вѣ́чествꙋ: по всемꙋ` на́мъ подо́бна, кромѣ` грѣха`: рожде́нна пре́жде вѣ̑къ ̾ѿ ѻ҆ц҃а` по бж҃ествꙋ`, въ послѣ́днiе же дни` того́жде, ра́ди на́съ и҆ ра́ди на́шегѡ спасе́нiя, ̾ѿ мр҃íи дв҃ы бг҃оро́дицы, по чл҃вѣ́чествꙋ: є҆ди́наго и҆ того́жде хр҃ⷭ҇та`, сн҃а, гд҃ⷭ҇а, є҆диноро́днаго, во двꙋ́хъ є҆стества́хъ несли́тнѡ, неизмѣ́ннѡ, нераздѣ́льнѡ, неразлꙋ́чнѡ познава́емаго, [ника́коже разли́чiю двꙋ́хъ є҆сте́ствъ потребля́емꙋ соедине́нiемъ, па́че же сохраня́емꙋ сво́йствꙋ коегѡ́ждо є҆стества`, во є҆ди́но лице` и҆ во є҆ди́нꙋ ѵ҆поста́сь совокꙋпля́емагѡ:] не на два` лица` разсѣка́емаго и҆ли` раздѣля́емаго, но є҆ди́наго и҆ того́жде сн҃а, и҆ є҆диноро́днаго бг҃а сло́ва, гд҃ⷭ҇а i҆и҃са хр҃ⷭ҇та`, ꙗ҆́коже дре́вле прⷪ҇ро́цы ѡ҆ не́мъ, и҆ ꙗ҆́коже са́мъ гд҃ⷭ҇ь i҆и҃съ хр҃ⷭ҇то́съ наꙋчи` на́съ, и҆ ꙗ҆́коже предаде` на́мъ сѷмво́лъ ѻ҆тє́цъ на́шихъ.

(с. ѕ҃)

ДОГМА́ТЪ

ста` седми́десяти ст҃ы́хъ ѻ҆тє́цъ шеста́гѡ вселе́нскагѡ собо́ра, кѡнстантiнопо́льскагѡ.

Ѡ҆ двꙋ́хъ во́ляхъ и҆ дѣ́йствiяхъ въ гд҃ⷭ҇ѣ на́шемъ i҆и҃сѣ хр҃ⷭ҇тѣ`.

И҆ двѣ` є҆сте́ствєнныя вѡ́ли и҆ли` хотѣ̑нiя въ не́мъ, и҆ два` є҆сте́ствєнныя дѣ́йствiя, неразлꙋ́чнѡ, неизмѣ́ннѡ, нераздѣ́льнѡ, неслiя́ннѡ, по ѹ҆че́нiю ст҃ы́хъ ѻ҆тє́цъ на́шихъ, та́кожде проповѣ́дꙋемъ: два́ же є҆сте́ствєнныя хотѣ́нiя не проти̑вныя, да не бꙋ́детъ, ꙗ҆́коже нечести́вiи є҆ретiцы` реко́ша, но є҆гѡ` человѣ́ческое хотѣ́нiе, послѣ́дꙋющее, и҆ не противостоя́щее, и҆ли` противобо́рствꙋющее, па́че же и҆ подчиня́ющееся є҆гѡ` бж҃е́ственномꙋ и҆ всемогꙋ́щемꙋ хотѣ́нiю.

(с. з҃)

ДОГМА́ТЪ

тре́хъ сѡ́тъ шести́десяти седми` ст҃ы́хъ ѻ҆тє́цъ седма́гѡ вселе́нскагѡ собо́ра, нiке́йскагѡ.

Ѡ҆ i҆кѡнопочита́нiи.

Храни́мъ не нововво́днѡ всѣ`, писа́нiемъ, и҆ли` без̾ писа́нiя ѹ҆стано́влєнныя для на́съ церкѡ́вныя преда̑нiя, ̾ѿ ни́хъ же є҆ди́но є҆́сть i҆кѡ́ннагѡ живописа́нiя и҆зѡбраже́нiе, ꙗ҆́кѡ повѣствова́нiю є҆ѵа́нгельскiя про́повѣди согласꙋ́ющее, и҆ слꙋжа́щее на́мъ ко ѹ҆вѣре́нiю и҆́стиннагѡ, а҆ не воѡбража́емагѡ воплоще́нiя бг҃а сло́ва, и҆ къ подо́бной по́льзѣ. Jа҆`же бо є҆ди́но дрꙋги́мъ ѹ҆казꙋ́ются, несомнѣ́ннѡ є҆ди́но дрꙋги́мъ ѹ҆ясня́ются. Си́мъ та́кѡ сꙋ́щымъ, а҆́ки ца́рскимъ пꙋте́мъ ше́ствꙋюще, послѣ́дꙋюще бг҃оглаго́ливомꙋ ѹ҆че́нiю ст҃ы́хъ ѻ҆тє́цъ на́шихъ и҆ преда́нiю каѳолíческiя цр҃кве, [вѣ́мы бо, ꙗ҆́кѡ сiя` є҆́сть дх҃а ст҃а́гѡ въ не́й живꙋ́щагѡ,] со вся́кою достовѣ́рностiю и҆ тща́тельнымъ разсмотрѣ́нiемъ ѡ҆предѣля́емъ: подо́бнѡ и҆зѡбраже́нiю ч҃ⷭ҇тна́гѡ и҆ животворя́щагѡ кр҃ⷭ҇та`, полага́ти во ст҃ы́хъ бж҃iихъ цр҃квахъ, на сщ҃е́нныхъ сосꙋ́дахъ и҆ ѻ҆де́ждахъ, на стѣна́хъ и҆ на дска́хъ, въ дома́хъ и҆ на пꙋтя́хъ, ч҃ⷭ҇тны̑я и҆ ст҃ы̑я i҆кѡ́ны, напи̑санныя кра́ска(с. и҃)ми и҆ и҆з̾ дро́бныхъ ка́менiй и҆ и҆з̾ дрꙋга́гѡ спосо́бнагѡ къ томꙋ` вещества` ѹ҆строя́ємыя, ꙗ҆́коже i҆кѡ́ны гд҃ⷭ҇а и҆ бг҃а и҆ сп҃са на́шегѡ i҆и҃са хр҃ⷭ҇та`, и҆ непоро́чныя влⷣчцы на́шея ст҃ы́я бг҃оро́дицы, та́кожде и҆ ч҃ⷭ҇тны́хъ а҆́гг҃лѡвъ, и҆ всѣ́хъ ст҃ы́хъ и҆ прпⷣбныхъ мꙋже́й. Є҆ли́кѡ бо ча́стѡ чрез̾ и҆зѡбраже́нiе на i҆кѡ́нахъ ви́димы быва́ютъ, потоли́кꙋ взира́ющiи на ѻ҆́ныя подвиза́емы быва́ютъ воспомина́ти и҆ люби́ти первоѻбра́зныхъ и҆`мъ, и҆ че́ствовати и҆`хъ лобыза́нiемъ и҆ почита́тельнымъ поклоне́нiемъ, не и҆́стиннымъ, по вѣ́рѣ на́шей, бг҃опоклоне́нiемъ, є҆́же подоба́етъ є҆ди́номꙋ бж҃ескомꙋ є҆стествꙋ`, но почита́нiемъ по томꙋ` ѻ҆́бразꙋ, ꙗ҆́коже и҆зѡбраже́нiю ч҃ⷭ҇тна́гѡ и҆ животворя́щагѡ кр҃ⷭ҇та` и҆ ст҃о́мꙋ є҆ѵⷢ҇лiю и҆ про́чымъ ст҃ы́нямъ, ѳѷмiа́момъ и҆ поставле́нiемъ свѣще́й че́сть воздае́тся, ꙗ҆ковы́й и҆ ѹ҆ дре́внихъ бл҃гоче́стный ѻ҆бы́чай бы́лъ. И҆́бо че́сть воздава́емая ѻ҆́бразꙋ прехо́дитъ къ первоѻбра́зномꙋ, и҆ покланя́ющiйся i҆кѡ́нѣ, покланя́ется сꙋществꙋ` и҆зѡбраже́ннагѡ на не́й. Та́кѡ бо ѹ҆твержда́ется ѹ҆че́нiе ст҃ы́хъ ѻ҆тє́цъ на́шихъ, сíесть, преда́нiе каѳолíческiя цр҃кве, ̾ѿ конє́цъ до конє́цъ земли` прiя́вшiя є҆ѵⷢ҇лiе.

(с. а҃_i)

ПРА̑ВИЛА СВЯТЫ́ХЪ А҆ПО́СТѠЛЪ.

ПРА́ВИЛО а҃.

Є҆пíскопа да поставля́ютъ два` и҆ли` три` є҆пíскопа.

ПРА́ВИЛО в҃.

Пресвѵ́тера и҆ дiа́кона и҆ про́чихъ приче́тникѡвъ да поставля́етъ є҆ди́нъ є҆пíскопъ.

ПРА́ВИЛО г҃.

А҆́ще кто`, є҆пíскопъ, и҆ли` пресвѵ́теръ, вопреки` ѹ҆чрежде́нiю гд҃ⷭ҇ню ѡ҆ же́ртвѣ, принесе́тъ къ ѻ҆лтарю` и҆ны́я нѣ́котѡрыя вє́щи, и҆ли` ме́дъ, и҆ли` млеко`, и҆ли` вмѣ́стѡ вiна`, пригото́вленный и҆з̾ чегѡ́ либо дрꙋга́гѡ напи́токъ, и҆ли` пти̑цы, и҆ли` нѣ́котѡрыя живѡ́тныя, и҆ли` ѻ҆́вощи, вопреки` ѹ҆чрежде́нiю, кромѣ` но́выхъ кла́сѡвъ, и҆ли` вiногра́да въ надлежа́щее вре́мя: да бꙋ́детъ и҆зве́рженъ ̾ѿ сщ҃е́ннагѡ чи́на. Да не бꙋ́детъ же позво́лено приноси́ти къ ѻ҆лтарю` что́ либо и҆но́е, ра́звѣ є҆ле́й для лампа́ды и҆ ѳѷмiа́мъ, во вре́мя ст҃а́гѡ приноше́нiя.

ПРА́ВИЛО д҃.

Вся́кагѡ и҆на́гѡ плода` нача́тки да посыла́ются въ до́мъ є҆пí(с. в҃_i)скопꙋ и҆ пресвѵ́терамъ, но не ко ѻ҆лтарю`. Разꙋмѣ́ется же, ꙗ҆́кѡ є҆пíскопъ и҆ пресвѵ́теры раздѣ́лятъ съ дiа́конами и҆ про́чими приче́тниками.

ПРА́ВИЛО є҃.

Є҆пíскопъ, и҆ли` пресвѵ́теръ, и҆ли` дiа́конъ, да не и҆зго́нитъ жены` своея` под̾ ви́домъ благоговѣ́нiя. А҆́ще же и҆зго́нитъ, да бꙋ́детъ ̾ѿлꙋче́нъ ̾ѿ ѻ҆бще́нiя церко́внагѡ: а҆ ѡ҆става́ясь непрекло́ннымъ, да бꙋ́детъ и҆зве́рженъ ̾ѿ сщ҃е́ннагѡ чи́на.

{комм.}%[Толкова́нiе%]. И҆згна́нiе жены` запреща́ется свящє́ннымъ ли́цамъ потомꙋ`, ка́къ и҆з̾ясня́етъ зѡна́ръ, что` сiе` каза́лось бы ѡ҆хꙋжде́нiемъ сꙋпрꙋ́жества. Впро́чемъ воздержа́нiе є҆пíскопѡвъ ̾ѿ сꙋпрꙋ́жества є҆́сть дре́внее преда́нiе, ̾ѿ кото́рагѡ ̾ѿстꙋпле́нiе шесты́й вселе́нскiй собо́ръ замѣ́тилъ то́лькѡ въ нѣ́которыхъ а҆фрiка́нскихъ цр҃квахъ, и҆ то́тчасъ запрети́лъ свои́мъ пра́виломъ в҃_i.

ПРА́ВИЛО ѕ҃.

Є҆пíскопъ, и҆ли` пресвѵ́теръ, и҆ли` дiа́конъ, да не прiе́млетъ на себя` мiрски́хъ попече́нiй. А҆ и҆на́че да бꙋ́детъ и҆зве́рженъ ̾ѿ сщ҃е́ннагѡ чи́на.

ПРА́ВИЛО з҃.

А҆́ще кто`, є҆пíскопъ, и҆ли` пресвѵ́теръ, и҆ли` дiа́конъ ст҃ы́й де́нь па́схи пре́жде весе́ннягѡ равноде́нствiя съ i҆ꙋде́ями пра́здновати бꙋ́детъ: да бꙋ́детъ и҆зве́рженъ ̾ѿ сщ҃е́ннагѡ чи́на.

ПРА́ВИЛО и҃.

А҆́ще є҆пíскопъ, и҆ли` пресвѵ́теръ, и҆ли` дiа́конъ, и҆ли` кто́ либо и҆з̾ сщ҃е́ннагѡ спи́ска, при соверше́нiи приноше́нiя, не причасти́тся: да предста́витъ причи́нꙋ, и҆ а҆́ще є҆́сть благосло́вна, да бꙋ́детъ и҆звине́нъ. А҆́ще же не предста́витъ: да бꙋ́детъ ̾ѿлꙋче́нъ ̾ѿ ѻ҆бще́нiя церко́внагѡ, ꙗ҆́кѡ содѣ́лавшiйся вино́ю вре́да наро́дꙋ, и҆ на соверша́вшаго приноше́нiе наве́дшiй подозрѣ́нiе. а҆́кибы непра́вильнѡ соверша́лъ.

ПРА́ВИЛО ѳ҃.

Всѣ́хъ вѣ́рныхъ входя́щихъ въ цр҃ковь, и҆ писа̑нiя слꙋ́шающихъ, но не пребыва́ющихъ на моли́твѣ и҆ (с. г҃_i) ст҃о́мъ причаще́нiи до конца`, ꙗ҆́кѡ безчи́нiе въ цр҃кви производя́щихъ, ̾ѿлꙋча́ти подоба́етъ ̾ѿ ѻ҆бще́нiя церко́внагѡ.

ПРА́ВИЛО _i҃.

А҆́ще кто` съ ̾ѿлꙋче́ннымъ ̾ѿ ѻ҆бще́нiя церко́внагѡ помо́лится, хотя́ бы то` бы́ло въ до́мѣ: таковы́й да бꙋ́детъ ̾ѿлꙋче́нъ.

ПРА́ВИЛО а҃_i.

А҆́ще кто`, принадлежа` къ кли́рꙋ, съ и҆зве́рженнымъ ̾ѿ кли́ра моли́тися бꙋ́детъ: да бꙋ́детъ и҆зве́рженъ и҆ са́мъ.

ПРА́ВИЛО в҃_i.

А҆́ще кто` и҆з̾ кли́ра, и҆ли` мiряни́нъ ̾ѿлꙋче́нный ̾ѿ ѻ҆бще́нiя церко́внагѡ, и҆ли` недосто́йный прiя́тiя въ кли́ръ, ̾ѿше́дъ, въ и҆но́мъ гра́дѣ при́нятъ бꙋ́детъ без̾ представи́тельной гра́маты: да бꙋ́детъ ̾ѿлꙋче́нъ и҆ прiя́вшiй и҆ прiя́тый.

ПРА́ВИЛО г҃_i.

А҆́ще же бꙋ́детъ ̾ѿлꙋче́нный: да продолжи́тся є҆мꙋ` ̾ѿлꙋче́нiе, ꙗ҆́кѡ солга́вшемꙋ и҆ ѡ҆бманꙋ́вшемꙋ цр҃ковь бж҃iю.

ПРА́ВИЛО д҃_i.

Не позволи́тельно є҆пíскопꙋ ѡ҆ставля́ти свою` є҆па́рхiю и҆ во и҆нꙋ́ю преходи́ти, а҆́ще бы и҆ ̾ѿ мно́гихъ ѹ҆бѣжда́емь бы́лъ, ра́звѣ когда` бꙋ́детъ нѣ́которая вина` благосло́вная, сiе` твори́ти є҆го` понꙋжда́ющая, ꙗ҆́кѡ могꙋ́щаго бо́льшꙋю по́льзꙋ ѡ҆бита́ющымъ та́мѡ принести` сло́вомъ бл҃гоче́стiя. И҆ сiе` не по своемꙋ` произво́лꙋ, но по сꙋдꙋ` мно́гихъ є҆пíскопѡвъ и҆ по сильнѣ́йшемꙋ ѹ҆бѣжде́нiю.

ПРА́ВИЛО є҃_i.

А҆́ще кто` пресвѵ́теръ, и҆ли` дiа́конъ, и҆ли` воѻбще` находя́щiйся въ спи́скѣ кли́ра, ѡ҆ста́вивъ сво́й предѣ́лъ, во и҆ны́й ̾ѿи́детъ, и҆ совсѣ́мъ премѣстя́ся, въ дрꙋго́мъ жи́ти бꙋ́детъ без̾ во́ли є҆пíскопа своегѡ`: таково́мꙋ повелѣва́емъ не слꙋжи́ти бо́лѣе, и҆ наипа́че, а҆́ще сво(с. д҃_i)егѡ` є҆пíскопа, призыва́ющагѡ є҆го` къ возвраще́нiю, не послꙋ́шалъ. А҆́ще же ѡ҆ста́нется въ се́мъ безчи́нiи: та́мѡ, ꙗ҆́кѡ мiряни́нъ, въ ѻ҆бще́нiи да бꙋ́детъ.

ПРА́ВИЛО ѕ҃_i.

А҆́ще же є҆пíскопъ, ѹ҆ кото́рагѡ такѡвы́мъ бы́ти слꙋчи́тся, въ ничто` вмѣни́въ ѡ҆предѣле́нное и҆`мъ запреще́нiе слꙋже́нiя, прiи́метъ и҆`хъ ꙗ҆́кѡ чле́нѡвъ кли́ра: да бꙋ́детъ ̾ѿлꙋче́нъ, ꙗ҆́кѡ ѹ҆чи́тель безчи́нiя.

ПРА́ВИЛО з҃_i.

Кто` по ст҃о́мъ креще́нiи двꙋмя` бра́ками ѡ҆бя́занъ бы́лъ, и҆ли` нало́жницꙋ и҆мѣ́лъ, то́тъ не мо́жетъ бы́ти є҆пíскопъ, ни пресвѵ́теръ, ни дiа́конъ, ниже` воѻбще` въ спи́скѣ сщ҃е́ннагѡ чи́на.

ПРА́ВИЛО и҃_i.

Взе́мшiй въ сꙋпрꙋ́жество вдовꙋ`, и҆ли` ̾ѿве́рженнꙋю ̾ѿ сꙋпрꙋ́жества, и҆ли` блꙋдни́цꙋ, и҆ли` рабы́ню, и҆ли` позо́рищнꙋю, не мо́жетъ бы́ти є҆пíскопъ, ни пресвѵ́теръ, ни дiа́конъ, ниже` воѻбще` въ спи́скѣ сщ҃е́ннагѡ чи́на.

ПРА́ВИЛО ѳ҃_i.

И҆мѣ́вшiй въ сꙋпрꙋ́жествѣ двꙋ́хъ се́стръ, и҆ли` племя́нницꙋ, не мо́жетъ бы́ти въ кли́рѣ.

{комм.}Сiе` а҆по́стольское пра́вило постано́влено для тѣ́хъ, кото́рые, въ таково́е сꙋпрꙋ́жество встꙋпи́въ є҆ще` въ ꙗ҆зы́чествѣ, ѡ҆става́лись въ се́мъ незако́нномъ сожи́тiи нѣ́которое вре́мя и҆ по́слѣ креще́нiя. А҆ кото́рые по креще́нiи не ѡ҆става́лись бо́лѣе въ тако́мъ сꙋпрꙋ́жескомъ сожи́тiи: тѣ` по є҃ пра́вилꙋ св. ѳео́фiла а҆леѯандрíйскагѡ мо́гꙋтъ бы́ть терпи́мы въ кли́рѣ: потомꙋ́ что грѣ́хъ ꙗ҆зы́ческагѡ житiя` ѡ҆чище́нъ ст҃ы́мъ креще́нiемъ.

ПРА́ВИЛО к҃.

Кто` и҆з̾ кли́ра да́стъ себя` порꙋ́кою за кого́ либо, да бꙋ́детъ и҆зве́рженъ.

ПРА́ВИЛО к҃а.

Скопе́цъ, а҆́ще ̾ѿ человѣ́ческагѡ наси́лiя тако(с. є҃_i)вы́мъ содѣ́ланъ, и҆ли` въ гоне́нiи мꙋ́жескихъ чле́нѡвъ лише́нъ, и҆ли` та́кѡ рожде́нъ, и҆ а҆́ще досто́инъ, да бꙋ́детъ є҆пíскопъ.

ПРА́ВИЛО к҃в.

Са́мъ себе` скопи́вшiй, да не бꙋ́детъ при́нятъ въ кли́ръ. Самоꙋбíйца бо є҆́сть, и҆ вра́гъ бж҃iя созда́нiя.

ПРА́ВИЛО к҃г.

А҆́ще кто` ̾ѿ кли́ра скопи́тъ себе` самаго`: да бꙋ́детъ и҆зве́рженъ. И҆́бо ѹ҆бíйца є҆́сть самагѡ` себе`.

ПРА́ВИЛО к҃д.

Мiряни́нъ, себе` самаго` скопи́вшiй, на три` го́да ̾ѿлꙋче́нъ да бꙋ́детъ ̾ѿ та́инствъ. И҆́бо навѣ́тникъ є҆́сть своея` жи́зни.

ПРА́ВИЛО к҃є.

Є҆пíскопъ, и҆ли` пресвѵ́теръ, и҆ли` дiа́конъ, въ блꙋдодѣя́нiи, и҆ли` въ клятвопрестꙋпле́нiи, и҆ли` въ татьбѣ` ѡ҆бличе́нный, да бꙋ́детъ и҆зве́рженъ ̾ѿ сщ҃е́ннагѡ чи́на, но да не бꙋ́детъ ̾ѿлꙋче́нъ ̾ѿ ѻ҆бще́нiя церко́внагѡ. И҆́бо писа́нiе глаго́летъ: не ̾ѿмсти́ши два́жды за є҆ди́но{Наꙋм. гл. а҃, ст. ѳ҃}. Та́кожде и҆ про́чiи приче́тники.

ПРА́ВИЛО к҃ѕ.

Повелѣва́емъ, да и҆з̾ встꙋпи́вшихъ въ кли́ръ безбра́чными, жела́ющiе встꙋпа́ютъ въ бра́къ ѻ҆дни` то́кмѡ чтецы` и҆ пѣвцы`.

ПРА́ВИЛО к҃з.

Повелѣва́емъ є҆пíскопа, и҆ли` пресвѵ́тера, и҆ли` дiа́кона, бiю́щаго вѣ́рныхъ согрѣша́ющихъ, и҆ли` невѣ́рныхъ ѡ҆би́дѣвшихъ, и҆ чрез̾ сiе` ѹ҆страша́ти хотя́щаго, и҆зверга́ти ̾ѿ сщ҃е́ннагѡ чи́на. И҆́бо гд҃ⷭ҇ь ̾ѿню́дь на́съ семꙋ` не ѹ҆чи́лъ: напроти́въ тогѡ`, са́мъ бы́въ ѹ҆даря́емь, не наноси́лъ ѹ҆да́рѡвъ, ѹ҆коря́емь, не ѹ҆коря́лъ взаи́мнѡ, страда́я, не ѹ҆грожа́лъ{а҃ петр. гл. в҃, ст. к҃г.}.

(с. ѕ҃_i)

ПРА́ВИЛО к҃и.

А҆́ще кто`, є҆пíскопъ, и҆ли` пресвѵ́теръ, и҆ли` дiа́конъ, пра́веднѡ за ꙗ҆́вныя вины̑ и҆зве́рженный, дерзне́тъ коснꙋ́тися слꙋже́нiя, нѣ́когда є҆мꙋ` порꙋче́ннагѡ: таковы́й совсѣ́мъ да ̾ѿсѣче́тся ̾ѿ цр҃кви.

ПРА́ВИЛО к҃ѳ.

А҆́ще кто`, є҆пíскопъ, и҆ли` пресвѵ́теръ, и҆ли` дiа́конъ, де́ньгами сiе` досто́инство полꙋ́читъ: да бꙋ́детъ и҆зве́рженъ и҆ ѻ҆́нъ, и҆ поста́вившiй, и҆ ̾ѿ ѻ҆бще́нiя совсѣ́мъ да ̾ѿсѣче́тся, ꙗ҆́кѡ сíмѡнъ во́лхвъ мно́ю{Въ нѣ́которыхъ рꙋ́кописяхъ: ꙗ҆́кѡ сíмѡнъ во́лхвъ петро́мъ} петро́мъ.

ПРА́ВИЛО л҃.

А҆́ще кото́рый є҆пíскопъ, мiрски́хъ нача́льникѡвъ ѹ҆потреби́въ, чрез̾ ни́хъ полꙋ́читъ є҆пíскопскꙋю въ цр҃кви вла́сть: да бꙋ́детъ и҆зве́рженъ и҆ ̾ѿлꙋче́нъ, и҆ всѣ` соѡбща́ющiеся съ ни́мъ.

ПРА́ВИЛО л҃а.

А҆́ще кото́рый пресвѵ́теръ, презрѣ́въ со́бственнаго є҆пíскопа, ̾ѿдѣ́льнѡ собра̑нiя твори́ти бꙋ́детъ, и҆ ѻ҆лта́рь и҆ны́й водрꙋзи́тъ, не ѡ҆бличи́въ сꙋдо́мъ є҆пíскопа ни въ че́мъ проти́вномъ бл҃гоче́стiю и҆ пра́вдѣ: да бꙋ́детъ и҆зве́рженъ, ꙗ҆́кѡ любонача́льный. И҆́бо є҆́сть похити́тель вла́сти. Та́кожде и҆зве́ржены да бꙋ́дꙋтъ и҆ про́чiе и҆з̾ кли́ра, къ немꙋ` приложи́вшiеся. Мiря́не же да бꙋ́дꙋтъ ̾ѿлꙋчены` ̾ѿ ѻ҆бще́нiя церко́внагѡ. И҆ сiе` да бꙋ́детъ по є҆ди́номъ, и҆ второ́мъ, и҆ тре́тiемъ ѹ҆вѣща́нiи ̾ѿ є҆пíскопа.

ПРА́ВИЛО л҃в.

А҆́ще кото́рый пресвѵ́теръ, и҆ли` дiа́конъ ̾ѿ є҆пíскопа во ̾ѿлꙋче́нiи бꙋ́детъ: не подоба́етъ є҆мꙋ` въ ѻ҆бще́нiе прiя́тꙋ бы́ти и҆ны́мъ, но то́чiю ̾ѿлꙋчи́вшимъ є҆го`: ра́звѣ когда` слꙋчи́тся ѹ҆мре́ти є҆пíскопꙋ ̾ѿлꙋчи́вшемꙋ є҆го`.

(с. з҃_i)

ПРА́ВИЛО л҃г.

Не принима́ти никогѡ` и҆з̾ чꙋжи́хъ є҆пíскопѡвъ, и҆ли` пресвѵ́терѡвъ, и҆ли` дiа́конѡвъ без̾ представи́тельныя гра́маты: и҆ когда` ѻ҆́ная пред̾я́влена бꙋ́детъ, да разсꙋ́дятъ ѡ҆ ни́хъ: и҆ а҆́ще бꙋ́дꙋтъ проповѣ́дники бл҃гоче́стiя, да прiе́млются: а҆́ще ли ни`, пода́йте и҆`мъ, что` нꙋ́жно, а҆ въ ѻ҆бще́нiе не прiе́млите и҆́хъ. И҆́бо мно́гое быва́етъ подло́гомъ.

ПРА́ВИЛО л҃д.

Є҆пíскопамъ вся́кагѡ наро́да подоба́етъ зна́ти пе́рваго въ ни́хъ, и҆ признава́ти є҆го` ꙗ҆́кѡ главꙋ`, и҆ ничегѡ` превыша́ющагѡ и҆́хъ вла́сть не твори́ти без̾ є҆гѡ` разсꙋжде́нiя: твори́ти же ка́ждомꙋ то́лькѡ то`, что` каса́ется до є҆гѡ` є҆па́рхiи, и҆ до мѣ́стъ къ не́й принадлежа́щихъ. Но и҆ пе́рвый ничегѡ` да не твори́тъ без̾ разсꙋжде́нiя всѣ́хъ. И҆́бо та́кѡ бꙋ́детъ є҆диномы́слiе, и҆ просла́вится бг҃ъ ѡ҆ гд҃ⷭ҇ѣ во ст҃о́мъ дх҃ѣ, ѻ҆ц҃ъ и҆ сн҃ъ и҆ ст҃ы́й дх҃ъ.

ПРА́ВИЛО л҃є.

Є҆пíскопъ да не дерза́етъ внѣ` предѣ́лѡвъ своея` є҆па́рхiи твори́ти рꙋкоположе́нiя во гра́дѣхъ и҆ въ се́лѣхъ, є҆мꙋ` не подчине́нныхъ. А҆́ще же ѡ҆бличе́нъ бꙋ́детъ, ꙗ҆́кѡ сотвори` сiе` без̾ согла́сiя и҆мѣ́ющихъ въ подчине́нiи гра́ды ѻ҆́ные, и҆ли` се́ла: да бꙋ́детъ и҆зве́рженъ и҆ ѻ҆́нъ, и҆ поста́вленнiи ̾ѿ негѡ`.

ПРА́ВИЛО л҃ѕ.

А҆́ще кто`, бы́въ рꙋкоположе́нъ во є҆пíскопа, не прiи́метъ слꙋже́нiя и҆ попече́нiя ѡ҆ наро́дѣ, є҆мꙋ` порꙋче́ннагѡ: да бꙋ́детъ ̾ѿлꙋче́нъ, доко́лѣ не прiи́метъ ѻ҆́нагѡ. Та́кожде и҆ пресвѵ́теръ и҆ дiа́конъ. А҆́ще же по́йдетъ тꙋда`, и҆ не бꙋ́детъ приня́тъ, не по свое́й во́лѣ, но по ѕло́бѣ наро́да: ѻ҆́нъ да пребыва́етъ є҆пíскопъ, кли́ръ же гра́да тогѡ` да бꙋ́детъ ̾ѿлꙋче́нъ за то`, что` тако(с. и҃_i)ва́гѡ непокори́вагѡ наро́да не ѹ҆чи́ли.

ПРА́ВИЛО л҃з.

Два́жды въ годꙋ` да быва́етъ собо́ръ є҆пíскопѡвъ, и҆ да разсꙋжда́ютъ ѻ҆ни` дрꙋ́гъ съ дрꙋ́гомъ ѡ҆ догма́тахъ бл҃гоче́стiя, и҆ да разрѣша́ютъ слꙋча́ющыяся церкѡ́вныя прекослѡ́вiя. Въ пе́рвый ра́зъ, въ четве́ртꙋю недѣ́лю пятидеся́тницы: а҆ во вторы́й, ѻ҆ктября` во вторыйна́десять де́нь.

{комм.}По́слѣ по ѻ҆со́бымъ причи́намъ назнача́емы бы́ли дрꙋгíя времена` для собо́рѡвъ. См. пе́рв. всел. собо́р. пр. є҃. шест. всел. собо́р. пр. и҃.

ПРА́ВИЛО л҃и.

Є҆пíскопъ да и҆мѣ́етъ попече́нiе ѡ҆ всѣ́хъ церко́вныхъ веща́хъ, и҆ ѻ҆́ными да распоряжа́етъ, ꙗ҆́кѡ бг҃ꙋ назира́ющꙋ. Но не позволи́тельно є҆мꙋ` присво́ивать что́ либо и҆з̾ ѻ҆́ныхъ, и҆ли` сро́дникамъ свои́мъ дари́ть принадлежа́щее бг҃ꙋ. А҆́ще же сꙋ́ть неимꙋ́щiе, да подае́тъ и҆`мъ, ꙗ҆́кѡ неимꙋ́щымъ: но под̾ си́мъ предло́гомъ да не продае́тъ принадлежа́щагѡ цр҃кви.

ПРА́ВИЛО л҃ѳ.

Пресвѵ́теры и҆ дiа́коны, без̾ во́ли є҆пíскопа, ничегѡ` да не соверша́ютъ. И҆́бо є҆мꙋ` ввѣ́рены лю́дiе гд҃ⷭ҇ни, и҆ ѻ҆́нъ возда́стъ ̾ѿвѣ́тъ ѡ҆ дꙋша́хъ и҆́хъ.

ПРА́ВИЛО м҃.

Jа҆́снѡ и҆звѣ́стно да бꙋ́детъ со́бственное и҆мѣ́нiе є҆пíскопа, [є҆́стьли ѻ҆́нъ и҆мѣ́етъ со́бственное,] и҆ ꙗ҆́снѡ и҆звѣ́стно гд҃ⷭ҇не: дабы` є҆пíскопъ, ѹ҆мира́я, и҆мѣ́лъ вла́сть ѡ҆ста́вить со́бственное, комꙋ` хо́щетъ, и҆ ка́къ хо́щетъ, дабы` под̾ ви́домъ церко́внагѡ не бы́ло растра́чено и҆мѣ́нiе є҆пíскопа, и҆мѣ́ющагѡ и҆ногда` женꙋ` и҆ дѣте́й, и҆ли` сро́дникѡвъ, и҆ли` рабѡ́въ. И҆́бо пра́ведно сiе` пред̾ бг҃омъ и҆ человѣ́ки, дабы` и҆ цр҃ковь не претерпѣ́ла нѣ́коегѡ ѹ҆ще́рба, по неизвѣ́стности и҆мѣ́нiя є҆пíскопскагѡ: и҆ є҆пíскопъ, (с. ѳ҃_i) и҆ли` є҆гѡ` сро́дники, не подве́рглись ѡ҆тобра́нiю и҆мѣ́нiя за цр҃ковь, и҆ли́ же дабы` бли́зкiе къ немꙋ` не впа́ли въ тя́жбы, и҆ кончи́на є҆гѡ` не была` сопровожда́ема безсла́вiемъ.

ПРА́ВИЛО м҃а.

Повелѣва́емъ є҆пíскопꙋ и҆мѣ́ти вла́сть над̾ церко́внымъ и҆мѣ́нiемъ. А҆́ще бо драгоцѣ́нныя человѣ́ческiя дꙋ́шы є҆мꙋ` ввѣ̑рены бы́ть до́лжны: то кольми` па́че ѡ҆ де́ньгахъ заповѣ́дать до́лжно, что́бы ѻ҆́нъ всѣ́мъ распоряжа́лъ по свое́й вла́сти, и҆ тре́бꙋющымъ чрез̾ пресвѵ́терѡвъ и҆ дiа́конѡвъ подава́лъ со стра́хомъ бж҃iимъ, и҆ со вся́кимъ бл҃гоговѣ́нiемъ: та́кожде [а҆́ще потре́бно] и҆ са́мъ заи́мствовалъ на неѡбходи́мыя нꙋ́жды свои` и҆ страннопрiе́млемыхъ бра́тiй, да не те́рпятъ недоста́тка ни въ како́мъ ̾ѿноше́нiи. И҆́бо зако́нъ бж҃iй постанови́лъ, да слꙋжа́щiи ѻ҆лтарю`, ̾ѿ ѻ҆лтаря` пита́ются: ꙗ҆́коже и҆ во́инъ никогда` не под̾е́млетъ ѻ҆рꙋ́жiя на врага` на свое́мъ пропита́нiи.

ПРА́ВИЛО м҃в.

Є҆пíскопъ, и҆ли` пресвѵ́теръ, и҆ли` дiа́конъ, и҆грѣ` и҆ пiя́нствꙋ пре́данный, и҆ли` да преста́нетъ, и҆ли` да бꙋ́детъ и҆зве́рженъ.

ПРА́ВИЛО м҃г.

V҆подiа́конъ, и҆ли` чте́цъ, и҆ли` пѣве́цъ, подо́бное творя́щiй, и҆ли` да преста́нетъ, и҆ли` да бꙋ́детъ ̾ѿлꙋче́нъ. Та́кожде и҆ мiря́не.

ПРА́ВИЛО м҃д.

Є҆пíскопъ, и҆ли` пресвѵ́теръ, и҆ли` дiа́конъ, ли́хвы тре́бꙋющiй ̾ѿ должникѡ́въ, и҆ли` да преста́нетъ, и҆ли` да бꙋ́детъ и҆зве́рженъ.

ПРА́ВИЛО м҃є.

Є҆пíскопъ, и҆ли` пресвѵ́теръ, и҆ли` дiа́конъ, съ є҆ретiка́ми моли́вшiйся то́кмѡ, да бꙋ́детъ ̾ѿлꙋче́нъ. А҆́ще же позво́литъ и҆`мъ дѣ́йствовать что́ либо, ꙗ҆́кѡ слꙋ(с. к҃)жи́телямъ цр҃кви: да бꙋ́детъ и҆зве́рженъ.

ПРА́ВИЛО м҃ѕ.

Є҆пíскопа, и҆ли` пресвѵ́тера, прiя́вшихъ креще́нiе и҆ли` же́ртвꙋ є҆ретiкѡ́въ, и҆зверга́ти повелѣва́емъ. Ко́е бо согла́сiе хр҃ⷭ҇то́ви съ велiа́ромъ; и҆ли` ка́я ча́сть вѣ́рномꙋ съ невѣ́рнымъ;{в҃ кор. гл. ѕ҃, ст. є҃_i.}

{комм.}Сiе` а҆по́стольское пра́вило ̾ѿно́сится къ є҆ретiка́мъ, каковы́е бы́ли въ а҆по́стольскiя времена`, поврежда́ющымъ гла́вные догма́ты ѡ҆ бг҃ѣ ѻ҆ц҃ѣ` и҆ сн҃ѣ и҆ ст҃о́мъ дх҃ѣ, и҆ ѡ҆ воплоще́нiи сн҃а бж҃iя. Ѡ҆ дрꙋги́хъ рода́хъ є҆ретiкѡ́въ дальнѣ́йшыя постановлє́нiя представля́ютъ слѣ́дꙋющыя пра̑вила: пе́рв. вселе́н. собо́р. пра́в. ѳ҃_i. лаодiк. з҃, и҃. шест. вселе́н. ч҃є. васíл. вел. м҃з.

ПРА́ВИЛО м҃з.

Є҆пíскопъ и҆ли` пресвѵ́теръ, а҆́ще по и҆́стинѣ и҆мѣ́ющаго креще́нiе вно́вь ѡ҆крести́тъ, и҆ли` а҆́ще ̾ѿ нечести́выхъ ѡ҆скверне́ннагѡ не ѡ҆крести́тъ: да бꙋ́детъ и҆зве́рженъ, ꙗ҆́кѡ посмѣва́ющiйся кр҃ⷭ҇тꙋ` и҆ см҃рти гд҃ⷭ҇ней, и҆ не различа́ющiй свяще́нникѡвъ ̾ѿ лжесвяще́нникѡвъ.

ПРА́ВИЛО м҃и.

А҆́ще кото́рый мiряни́нъ, и҆згна́въ свою` женꙋ`, по́йметъ и҆нꙋ́ю, и҆ли` и҆ны́мъ ̾ѿри́нꙋтꙋю: да бꙋ́детъ ̾ѿлꙋче́нъ.

ПРА́ВИЛО м҃ѳ.

А҆́ще кто`, є҆пíскопъ, и҆ли` пресвѵ́теръ, крести́тъ не по гд҃ⷭ҇ню ѹ҆чрежде́нiю, во ѻ҆ц҃а` и҆ сн҃а и҆ ст҃а́го дх҃а, но въ тре́хъ безнача́льныхъ, и҆ли` въ тре́хъ сынѡ́въ, и҆ли` въ тре́хъ ѹ҆тѣ́шителей: да бꙋ́детъ и҆зве́рженъ.

ПРА́ВИЛО н҃.

А҆́ще кто`, є҆пíскопъ, и҆ли` пресвѵ́теръ, соверши́тъ не три` погрꙋжє́нiя є҆ди́нагѡ тайнодѣ́йствiя, но є҆ди́но погрꙋже́нiе, дае́мое въ см҃рть гд҃ⷭ҇ню: да бꙋ́детъ и҆зве́рженъ. И҆́бо не ре́клъ гд҃ⷭ҇ь: въ см҃рть мою` крести́те, но: ше́дше наꙋчи́те вся` (с. к҃а) ꙗ҆зы́ки, крестя́ще и҆`хъ во и҆́мя ѻ҆ц҃а` и҆ сн҃а и҆ ст҃а́гѡ дх҃а {Матѳ. гл. к҃и, ст. ѳ҃_i.}.

ПРА́ВИЛО н҃а.

А҆́ще кто`, є҆пíскопъ, и҆ли` пресвѵ́теръ, и҆ли` дiа́конъ, и҆ли` воѻбще` и҆з̾ сщ҃е́ннагѡ чи́на, ѹ҆даля́ется ̾ѿ бра́ка и҆ мя́съ и҆ вiна`, не ра́ди по́двига воздержа́нiя, но по причи́нѣ гнꙋше́нiя, забы́въ, что` вся̑ дѡбра` ѕѣлѡ`, и҆ что` бг҃ъ, созида́я человѣ́ка, мꙋ́жа и҆ женꙋ` сотвори́лъ и҆`хъ, и҆ таки́мъ ѻ҆́бразомъ хꙋля` клеве́щетъ на созда́нiе: и҆ли` да и҆спра́вится, и҆ли` да бꙋ́детъ и҆зве́рженъ и҆з̾ сщ҃е́ннагѡ чи́на, и҆ ̾ѿве́рженъ ̾ѿ цр҃кве. Та́кожде и҆ мiряни́нъ.

ПРА́ВИЛО н҃в.

А҆́ще кто`, є҆пíскопъ, и҆ли` пресвѵ́теръ, ѡ҆браща́ющагѡся ̾ѿ грѣха` не прiе́млетъ, но ̾ѿверга́етъ: да бꙋ́детъ и҆зве́рженъ и҆з̾ сщ҃е́ннагѡ чи́на. Ѡ҆печа́ливаетъ бо хр҃ⷭ҇та` ре́кшаго: ра́дость быва́етъ на небеси` ѡ҆ є҆ди́номъ грѣ́шницѣ ка́ющемся{Лꙋки` гл. є҃_i, ст. з҃.}.

ПРА́ВИЛО н҃г.

А҆́ще кто`, є҆пíскопъ, и҆ли` пресвѵ́теръ, и҆ли` дiа́конъ, во дни` пра́здникѡвъ не вкꙋша́етъ мя́съ и҆ вiна`, гнꙋша́яся, а҆ не ра́ди по́двига воздержа́нiя: да бꙋ́детъ и҆зве́рженъ, ꙗ҆́кѡ сожже́нный въ со́бственной со́вѣсти, и҆ быва́ющiй вино́ю собла́зна мнѡ́гимъ.

ПРА́ВИЛО н҃д.

А҆́ще кто` и҆з̾ кли́ра въ корче́мницѣ ꙗ҆дꙋ́щiй ѹ҆смо́тренъ бꙋ́детъ: да ̾ѿлꙋчи́тся, кромѣ` слꙋ́чая, когда` на пꙋти` по нꙋ́ждѣ въ гости́нницѣ ̾ѿдыха́етъ.

ПРА́ВИЛО н҃є.

А҆́ще кто` и҆з̾ кли́ра досади́тъ є҆пíскопꙋ, да бꙋ́детъ и҆зве́рженъ. Кня́зю бо люде́й твои́хъ да не рече́ши ѕла`{Дѣя́н. гл. к҃г, ст. є҃.}.

(с. к҃в)

ПРА́ВИЛО н҃ѕ.

А҆́ще кто` и҆з̾ при́чта досади́тъ пресвѵ́терꙋ, и҆ли` дiа́конꙋ: да бꙋ́детъ ̾ѿлꙋче́нъ ̾ѿ ѻ҆бще́нiя церко́внагѡ.

ПРА́ВИЛО н҃з.

А҆́ще кто` и҆з̾ кли́ра хромо́мꙋ, и҆ли` глꙋхо́мꙋ, и҆ли` слѣпо́мꙋ, и҆ли` нога́ми болѣ́зненномꙋ посмѣе́тся: да бꙋ́детъ ̾ѿлꙋче́нъ. Та́кожде и҆ мiряни́нъ.

ПРА́ВИЛО н҃и.

Є҆пíскопъ, и҆ли` пресвѵ́теръ, нерадя́щiй ѡ҆ при́чтѣ и҆ ѡ҆ лю́дехъ, и҆ не ѹ҆ча́щiй и҆`хъ бл҃гоче́стiю, да бꙋ́детъ ̾ѿлꙋче́нъ. А҆́ще же ѡ҆ста́нется въ се́мъ нерадѣ́нiи и҆ лѣ́ности: да бꙋ́детъ и҆зве́рженъ.

ПРА́ВИЛО н҃ѳ.

А҆́ще кто`, є҆пíскопъ, и҆ли` пресвѵ́теръ, и҆ли` дiа́конъ, нѣ́коемꙋ ̾ѿ кли́ра нꙋжда́ющемꙋся не подае́тъ потре́бнагѡ: да бꙋ́детъ ̾ѿлꙋче́нъ. Закоснѣва́я же въ то́мъ, да бꙋ́детъ и҆зве́рженъ, ꙗ҆́кѡ ѹ҆би́вый бра́та своего`.

ПРА́ВИЛО ѯ҃.

А҆́ще кто` подлѡ́жныя кни̑ги нечести́выхъ, а҆́ки ст҃ы́я въ цр҃кви ѡ҆глаша́етъ, ко вредꙋ` наро́да и҆ кли́ра: да бꙋ́детъ и҆зве́рженъ.

ПРА́ВИЛО ѯ҃а.

А҆́ще вѣ́рный ѡ҆бвиня́емь бꙋ́детъ въ любодѣ́йствѣ, и҆ли` въ прелюбодѣ́йствѣ, и҆ли` во и҆но́мъ како́мъ запреще́нномъ дѣ́лѣ, и҆ ѡ҆бличе́нъ бꙋ́детъ: да не вво́дится въ кли́ръ.

ПРА́ВИЛО ѯ҃в.

А҆́ще кто` и҆з̾ кли́ра, ѹ҆страша́сь человѣ́ка i҆ꙋде́а, и҆ли` є҆́ллина, и҆ли` є҆ретiка`, ̾ѿрече́тся ̾ѿ и҆́мени хр҃ⷭ҇то́ва: да бꙋ́детъ ̾ѿве́рженъ ̾ѿ цр҃кви. А҆́ще же ̾ѿрече́тся ̾ѿ и҆́мени слꙋжи́теля цр҃кви: да бꙋ́детъ и҆зве́рженъ ѡ҆ кли́ра. А҆́ще же пока́ется: да бꙋ́детъ приня́тъ, ꙗ҆́кѡ мiряни́нъ.

(с. к҃г)

ПРА́ВИЛО ѯ҃г.

А҆́ще кто` є҆пíскопъ, и҆ли` пресвѵ́теръ, и҆ли` дiа́конъ, и҆ли` воѻбще` и҆з̾ сщ҃е́ннагѡ чи́на, бꙋ́детъ ꙗ҆́сти мя́со въ крови` дꙋши` є҆гѡ`, и҆ли` ѕвѣроя́динꙋ, и҆ли` мертвечи́нꙋ: да бꙋ́детъ и҆зве́рженъ. И҆́бо сiе` зако́нъ запрети́лъ{Дѣя́н. гл. є҃_i, ст. к҃ѳ.}. А҆́ще же сiе` содѣ́лаетъ мiряни́нъ: да бꙋ́детъ ̾ѿлꙋче́нъ.

ПРА́ВИЛО ѯ҃д.

А҆́ще кто` и҆з̾ кли́ра ѹ҆смо́тренъ бꙋ́детъ постя́щимся въ де́нь гд҃ⷭ҇ень, и҆ли` въ сꙋббѡ́тꙋ кромѣ` є҆ди́ныя то́кмѡ [вели́кiя сꙋббѡ́ты]: да бꙋ́детъ и҆зве́рженъ. А҆́ще же мiряни́нъ, да бꙋ́детъ ̾ѿлꙋче́нъ.

{комм.}Сте́пень разрѣше́нiя поста`, во дни` воскре́сный и҆ сꙋббѡ́тный, ѡ҆предѣля́ется въ церко́вномъ ѹ҆ста́вѣ, и҆ состои́тъ ѻ҆быкнове́ннѡ въ то́мъ, что` разрѣша́ется вiно`, є҆ле́й и҆ приня́тiе пи́щи по лiтꙋргíи, без̾ продолже́нiя неяде́нiя до тре́хъ че́твертей дня`.

ПРА́ВИЛО ѯ҃є.

А҆́ще кто` и҆з̾ кли́ра, и҆ли` мiряни́нъ, въ сѷнагѡ́гꙋ i҆ꙋде́йскꙋю и҆ли` є҆ретíческꙋю войде́тъ помоли́тися: да бꙋ́детъ и҆ ̾ѿ чи́на сщ҃е́ннагѡ и҆зве́рженъ, и҆ ̾ѿлꙋче́нъ ̾ѿ ѻ҆бще́нiя церко́внагѡ.

ПРА́ВИЛО ѯ҃ѕ.

А҆́ще кто` и҆з̾ кли́ра въ сва́рѣ кого` ѹ҆да́ритъ, и҆ є҆ди́нымъ ѹ҆даре́нiемъ ѹ҆бiе́тъ: да бꙋ́детъ и҆зве́рженъ за проде́рзость свою`. А҆́ще же мiряни́нъ сiе` сотвори́тъ: да бꙋ́детъ ̾ѿлꙋче́нъ.

ПРА́ВИЛО ѯ҃з.

А҆́ще кто` дѣ́вꙋ неѡбрꙋче́ннꙋю наси́ловавъ и҆мѣ́етъ: да бꙋ́детъ ̾ѿлꙋче́нъ ̾ѿ ѻ҆бще́нiя церко́внагѡ. Не позволя́ти же є҆мꙋ` бра́ть и҆нꙋ́ю: но до́лженъ ѹ҆держа́ть тꙋ`, кото́рꙋю и҆збра́лъ, а҆́ще бы и҆ ѹ҆бо́га была`.

ПРА́ВИЛО ѯ҃и.

А҆́ще кто` є҆пíскопъ, и҆ли` пресвѵ́теръ, и҆ли` дiа́конъ, (с. к҃д) прiе́млетъ ̾ѿ когѡ́ либо второ́е рꙋкоположе́нiе: да бꙋ́детъ и҆зве́рженъ ̾ѿ сщ҃е́ннагѡ чи́на, и҆ ѻ҆́нъ и҆ рꙋкоположи́вый: ра́звѣ а҆́ще достовѣ́рнѡ и҆звѣ́стно бꙋ́детъ, что` ̾ѿ є҆ретiкѡ́въ и҆мѣ́етъ рꙋкоположе́нiе. И҆́бо крещє́ннымъ, и҆ли` рꙋкоположє́ннымъ ̾ѿ таковы́хъ, ни вѣ́рными, ни слꙋжи́телями цр҃кви бы́ти не возмо́жно.

ПРА́ВИЛО ѯ҃ѳ.

А҆́ще кто`, є҆пíскопъ, и҆ли` пресвѵ́теръ, и҆ли` дiа́конъ, и҆ли` ѵ҆подiа́конъ, и҆ли` чте́цъ, и҆ли` пѣве́цъ, не пости́тся во ст҃ꙋ́ю четыредеся́тницꙋ пред̾ па́схою, и҆ли` въ сре́дꙋ, и҆ли` въ пято́къ, кромѣ` препя́тствiя ̾ѿ не́мощи тѣле́сныя: да бꙋ́детъ и҆зве́рженъ. А҆́ще же мiряни́нъ: да бꙋ́детъ ̾ѿлꙋче́нъ.

ПРА́ВИЛО ѻ҃.

А҆́ще кто`, є҆пíскопъ, и҆ли` пресвѵ́теръ, и҆ли` дiа́конъ, и҆ли` воѻбще` и҆з̾ спи́ска кли́ра, пости́тся съ i҆ꙋде́ями, и҆ли` пра́зднꙋетъ съ ни́ми, и҆ли` прiе́млетъ ̾ѿ ни́хъ да́ры пра́здникѡвъ и҆́хъ, ка́къ то, ѡ҆прѣ́сноки, и҆ли` нѣ́что подо́бное: да бꙋ́детъ и҆зве́рженъ. А҆́ще же мiряни́нъ: да бꙋ́детъ ̾ѿлꙋче́нъ.

ПРА́ВИЛО ѻ҃а.

А҆́ще кото́рый хр҃ⷭ҇тiа́нинъ принесе́тъ є҆ле́й въ ка́пище ꙗ҆зы́ческое, и҆ли` въ сѷнагѡ́гꙋ i҆ꙋде́йскꙋю, въ и҆́хъ пра́здники, и҆ли` возжже́тъ свѣщꙋ`: да бꙋ́детъ ̾ѿлꙋче́нъ ̾ѿ ѻ҆бще́нiя церко́внагѡ.

ПРА́ВИЛО ѻ҃в.

А҆́ще кто` и҆з̾ при́чта, и҆ли` мiряни́нъ, и҆з̾ ст҃ы́я цр҃кви похи́титъ во́скъ, и҆ли` є҆ле́й: да бꙋ́детъ ̾ѿлꙋче́нъ ̾ѿ ѻ҆бще́нiя церко́внагѡ, и҆ пятери́цею да прило́житъ къ томꙋ`, что` взя́лъ.

ПРА́ВИЛО ѻ҃г.

Сосꙋ́дъ златы́й, и҆ли` сре́бряный ѡ҆свяще́нный, и҆ли` завѣ́сꙋ, никто` ѹ҆же` да не присво́итъ на свое` ѹ҆потребле́нiе. Беззако́нно бо є҆́сть. (с. к҃є) А҆́ще же кто` въ се́мъ ѹ҆смо́тренъ бꙋ́детъ: да нака́жется ̾ѿлꙋче́нiемъ.

ПРА́ВИЛО ѻ҃д.

Є҆пíскопъ, ̾ѿ люде́й вѣроя́тiя досто́йныхъ ѡ҆бвиня́емый въ че́мъ либо, неѡбходи́мѡ са́мъ до́лженъ бы́ть призва́нъ є҆пíскопами: и҆ а҆́ще предста́нетъ и҆ призна́ется, и҆ли` ѡ҆бличе́нъ бꙋ́детъ: да ѡ҆предѣли́тся є҆пiтiмiя`. А҆́ще же зва́нъ бы́въ, не послꙋ́шаетъ: да позове́тся втори́чнѡ чрез̾ посыла́емыхъ къ немꙋ` двꙋ́хъ є҆пíскопѡвъ. А҆́ще же и҆ та́кѡ не послꙋ́шаетъ: да позове́тся и҆ въ тре́тiй ра́зъ чрез̾ двꙋ́хъ посыла́емыхъ къ немꙋ` є҆пíскопѡвъ. А҆́ще же и҆ сегѡ` не ѹ҆важа́я, не предста́нетъ: собо́ръ, по благоꙋсмотрѣ́нiю своемꙋ`, да произнесе́тъ ѡ҆ не́мъ рѣше́нiе, да не мни́тся вы́годꙋ и҆мѣ́ти, бѣ́гая ̾ѿ сꙋда`.

ПРА́ВИЛО ѻ҃є.

Во свидѣ́тельство проти́въ є҆пíскопа не прiима́ти є҆ретiка`: но и҆ вѣ́рнагѡ є҆ди́нагѡ не дово́льно. На ѹ҆ста́хъ бо двои́хъ, и҆ли` трiе́хъ свидѣ́телей тве́рдѡ ста́нетъ вся́къ глаго́лъ{Матѳ. гл. и҃_i, ст. ѕ҃_i.}.

ПРА́ВИЛО ѻ҃ѕ.

Jа҆́кѡ не подоба́етъ є҆пíскопꙋ, и҆з̾ ѹ҆гожде́нiя бра́тꙋ, и҆ли` сы́нꙋ, и҆ли` и҆но́мꙋ сро́дникꙋ, поставля́ти въ досто́инство є҆пíскопа, кого` хо́щетъ. И҆́бо нѣ́сть пра́ведно твори́ти наслѣ́дникѡвъ є҆пíскопства, и҆ со́бственность бж҃iю дая́ти въ да́ръ человѣ́ческомꙋ пристра́стiю. Не до́лжно бо цр҃ковь бж҃iю под̾ вла́сть наслѣ́дникѡвъ поставля́ти. А҆́ще же кто` сiе` сотвори́тъ: поставле́нiе да бꙋ́детъ недѣйстви́тельно, са́мъ же ̾ѿлꙋче́нiемъ нака́занъ да бꙋ́детъ.

ПРА́ВИЛО ѻ҃з.

А҆́ще кто` лише́нъ ѻ҆́ка, и҆ли` въ нога́хъ поврежде́нъ, но досто́инъ бы́ти є҆пíскопъ: да бꙋ́детъ. И҆́бо тѣ(с. к҃ѕ)ле́сный недоста́токъ є҆гѡ` не ѡ҆скверня́етъ, но дꙋше́вная скве́рна.

ПРА́ВИЛО ѻ҃и.

Глꙋхíй же, и҆ слѣпы́й да не бꙋ́детъ є҆пíскопъ, не а҆́ки бы ѡ҆скверне́нъ бы́лъ, но да не бꙋ́детъ препя́тствiя въ дѣла́хъ церко́вныхъ.

ПРА́ВИЛО ѻ҃ѳ.

А҆́ще кто` де́мѡна и҆мѣ́етъ: да не бꙋ́детъ приня́тъ въ кли́ръ, но ниже` съ вѣ́рными да мо́лится. Ѡ҆свободя́сь же, да приня́тъ бꙋ́детъ съ вѣ́рными, и҆ а҆́ще досто́инъ, то и҆ въ кли́ръ.

ПРА́ВИЛО п҃.

Ѿ ꙗ҆зы́ческагѡ житiя` прише́дшаго и҆ креще́ннаго, и҆ли` ̾ѿ поро́чнагѡ ѻ҆́браза жи́зни ѡ҆брати́вшагося, нѣ́сть пра́ведно вдрꙋ́гъ производи́ти во є҆пíскопа. И҆́бо несправедли́во є҆ще` не и҆спы́танномꙋ бы́ти ѹ҆чи́телемъ дрꙋги́хъ: ра́звѣ то́лькѡ по бл҃года́ти бж҃iей сiе` ѹ҆стро́ится.

ПРА́ВИЛО п҃а.

Рекли` мы`, ꙗ҆́кѡ не подоба́етъ є҆пíскопꙋ, и҆ли` пресвѵ́терꙋ вдава́тися въ наро́дныя ѹ҆правлє́нiя, но неꙋпꙋсти́тельнѡ бы́ти при дѣла́хъ церко́вныхъ. И҆ли` ѹ҆́бѡ да бꙋ́детъ ѹ҆бѣжде́нъ сегѡ` не твори́ти, и҆ли` да бꙋ́детъ и҆зве́рженъ. И҆́бо никто́же мо́жетъ двꙋ́мъ господа́мъ рабо́тати, по гд҃ⷭ҇ней за́повѣди{Матѳ. гл. ѕ҃, ст. к҃д.}.

ПРА́ВИЛО п҃в.

Не позволя́емъ въ кли́ръ производи́ти рабѡ́въ, без̾ согла́сiя госпо́дъ, къ ѡ҆горче́нiю владѣте́лей и҆́хъ. И҆́бо ̾ѿ сегѡ` происхо́дитъ разстро́йство въ дома́хъ. А҆́ще же когда` ра́бъ и҆ досто́инъ ꙗ҆ви́тся поставле́нiя въ сте́пень церко́внꙋю, каковы́мъ ꙗ҆ви́лся и҆ на́шъ ѻ҆ни́сiмъ, и҆ госпо́дiе соизво́лятъ, и҆ ѡ҆свободя́тъ, и҆ и҆з̾ до́мꙋ ̾ѿпꙋ́стятъ: да бꙋ́детъ произведе́нъ.

(с. к҃з)

ПРА́ВИЛО п҃г.

Є҆пíскопъ, и҆ли` пресвѵ́теръ, и҆ли` дiа́конъ, въ вои́нскомъ дѣ́лѣ ѹ҆пражня́ющiйся, и҆ хотя́щiй ѹ҆держа́ти ѻ҆бое`, то́ є҆сть, ри́мское нача́льство и҆ свяще́нническꙋю до́лжность: да бꙋ́детъ и҆зве́рженъ и҆з̾ сщ҃е́ннагѡ чи́на. И҆́бо ке́сарєва ке́сареви, и҆ бж҃iя бг҃ови{Матѳ. гл. к҃в, ст. к҃а.}.

ПРА́ВИЛО п҃д.

А҆́ще кто` досади́тъ царю`, и҆ли` кня́зю, не по пра́вдѣ: да понесе́тъ наказа́нiе. И҆ а҆́ще таковы́й бꙋ́детъ и҆з̾ кли́ра, да бꙋ́детъ и҆зве́рженъ ̾ѿ сщ҃е́ннагѡ чи́на: а҆́ще же мiряни́нъ, да бꙋ́детъ ̾ѿлꙋче́нъ ̾ѿ ѡ҆бще́нiя церко́внагѡ.

ПРА́ВИЛО п҃є.

Для всѣ́хъ ва́съ, принадлежа́щихъ къ кли́рꙋ и҆ мiря́нъ, чти́мыми и҆ ст҃ы́ми да бꙋ́дꙋтъ кни̑ги, ве́тхагѡ завѣ́та, мѡѷсе́овыхъ пя́ть: бытiя`, и҆схо́дъ, леѵíтъ, чи̑сла, второзако́нiе. I҆исꙋ́са сы́на наѵи́на є҆ди́на. Сꙋде́й є҆ди́на. Рꙋ́ѳь є҆ди́на. Ца́рствъ четы́ре. Паралiпоме́нѡнъ [то́ є҆сть ѡ҆ста́ткѡвъ ̾ѿ кни́ги дне́й] двѣ`. Є҆́здры двѣ`. Є҆сѳи́рь є҆ди́на. Маккаве́йскихъ три`. I҆́ѡва є҆ди́на. ѱалти́рь є҆ди́на. Соломѡ́новыхъ три`: при̑тчи, є҆кклисiа́стъ, пѣ́снь пѣ́сней. Проро́кѡвъ двана́десять. И҆са́iи є҆ди́на. I҆еремíи є҆ди́на. I҆езекíиля є҆ди́на. Є҆ди́на данiи́ла. Све́рхъ же сегѡ` ва́мъ да присовокꙋ́пится въ замѣча́нiе, что́бы ю҆́ные ва́ши и҆зꙋча́ли премꙋ́дрость многоꙋче́нагѡ сiра́ха. На́ши же, то́ є҆сть, но́вагѡ завѣ́та, є҆ѵа́нгєлiя четы́ре: матѳе́а, ма́рка, лꙋки`, i҆ѡа́нна. Па́ѵловыхъ посла́нiй четырена́десять. Петра` посла́нiя два`. I҆ѡа́нна три`. I҆а́кѡва є҆ди́но. I҆ꙋ́ды є҆ди́но. Кли́мента посла́нiя два`. И҆ постановлє́нiя ва́мъ є҆пíскопамъ мно́ю кли́ментомъ и҆зречє́нныя въ ѻ҆сми` кни́гахъ, [кото́рыхъ не подо(с. к҃и)ба́етъ ѡ҆бнаро́довати пред̾ всѣ́ми ра́ди тогѡ`, что` въ ни́хъ таи́нственно,] и҆ дѣя̑нiя на́ши а҆по́стольскiя.

{комм.}Ѿноси́тельнѡ постановле́нiй а҆по́стольскихъ, напи́санныхъ кли́ментомъ, вре́мя и҆ провидѣ́нiе бж҃iе ̾ѿкры́ли нꙋ́ждꙋ въ но́вомъ пра́вилѣ, кото́рое є҆́сть в҃ шеста́гѡ вселе́нскагѡ собо́ра.

{комм.}Ѹ҆каза́нiе сщ҃е́нныхъ и҆ для церко́внагѡ чте́нiя назна́ченныхъ кни́гъ соде́ржатъ є҆ще` слѣ́дꙋющыя пра̑вила: лаодiк. собо́р. ѯ҃. карѳ. л҃г. Та́кже св. а҆ѳана́с. пра́зд. посл. л҃ѳ, и҆ стiхи` св. григо́р. богосл. и҆ св. а҆мфiло́хiя.

ПРА̑ВИЛА ВСЕЛЕ́НСКИХЪ СОБО́РѠВЪ

(с. л҃а)

ПРА̑ВИЛА СВЯТА́ГѠ ВСЕЛЕ́НСКАГѠ ПЕ́РВАГѠ СОБО́РА, НIКЕ́ЙСКАГѠ.

ПРА́ВИЛО а҃.

А҆́ще ѹ҆ когѡ` въ болѣ́зни врача́ми ̾ѿя́ты чле́ны, и҆ли` кто` ва́рварами ѡ҆скопле́нъ: таковы́й да пребыва́етъ въ кли́рѣ. А҆́ще же, бꙋ́дꙋчи здра́въ, са́мъ себе` ѡ҆скопи́лъ: такова́го, хотя́ бы и҆ къ кли́рꙋ причи́сленъ бы́лъ, надлежи́тъ и҆зключи́ти, и҆ ̾ѿны́нѣ никогѡ` и҆з̾ таковы́хъ не до́лжно производи́ти. Но ка́къ ꙗ҆́вно то`, что` сiе` и҆зрече́но ѡ҆ дѣ́йствꙋющихъ съ намѣ́ренiемъ, и҆ дерза́ющихъ ѡ҆скопля́ти сами́хъ себе`: та́къ напроти́въ, а҆́ще кото́рые ѡ҆скопле́ны ̾ѿ ва́рварѡвъ, и҆ли` ̾ѿ госпо́дъ, впро́чемъ же ѡ҆бря́щꙋтся досто́йны, таковы́хъ въ кли́ръ допꙋска́етъ пра́вило{А҆по́ст. пра́в. к҃а.}.

ПРА́ВИЛО в҃.

Поели́кꙋ, по нꙋ́ждѣ, и҆ли` по дрꙋги́мъ побꙋжде́нiямъ человѣ́кѡвъ, мно́гое произошло` не по пра́вилꙋ церко́вномꙋ {А҆по́ст. пра́в. в҃}, та́къ что` люде́й, ̾ѿ ꙗ҆зы́ческагѡ житiя` неда́внѡ пристꙋпи́вшихъ къ вѣ́рѣ, и҆ кра́ткое вре́мя ѡ҆глаше́нными бы́вшихъ, вско́рѣ къ дꙋхо́вной кꙋпе́ли приво́дятъ, и҆ то́тчасъ по кре(с. л҃в)ще́нiи возво́дятъ въ є҆пíскопство, и҆ли` пресвѵ́терство: посемꙋ` за бла́го при́знано, дабы` впре́дь ничегѡ` такова́гѡ не бы́ло. Поели́кꙋ и҆ ѡ҆глаше́нномꙋ потре́бно вре́мя, и҆ по креще́нiи дальнѣ́йшее и҆спыта́нiе. И҆́бо ꙗ҆́сно писа́нiе а҆по́стольское глаго́лющее: не новокреще́нꙋ, да не разгордѣ́вся въ сꙋ́дъ впаде́тъ, и҆ въ сѣ́ть дiа́волю{ а҃ тiмоѳ. гл. г҃, ст. ѕ҃.}. А҆́ще же, въ продолже́нiи вре́мени, дꙋше́вный нѣ́который грѣ́хъ ѡ҆брѣ́тенъ бꙋ́детъ въ нѣ́коемъ лицѣ`, и҆ бꙋ́детъ ѡ҆бличе́нъ двꙋмя`, и҆ли` тремя` свидѣ́телями: таковы́й да бꙋ́детъ и҆зключе́нъ и҆з̾ кли́ра. А҆ постꙋпа́ющiй вопреки` семꙋ`, ꙗ҆́кѡ дерза́ющiй сопротивля́тися вели́комꙋ собо́рꙋ, подверга́етъ себе` ѻ҆па́сности и҆зключе́нiя и҆з̾ кли́ра.

ПРА́ВИЛО г҃.

Вели́кiй собо́ръ без̾ и҆з̾я́тiя положи́лъ, что́бы ни є҆пíскопꙋ, ни пресвѵ́терꙋ, ни дiа́конꙋ, и҆ воѻбще` никомꙋ` и҆з̾ находя́щихся въ кли́рѣ, не бы́ло позво́лено и҆мѣ́ть сожи́тельствꙋющꙋю въ до́мѣ женꙋ`, ра́звѣ ма́терь, и҆ли` сестрꙋ`, и҆ли` те́ткꙋ, и҆ли` тѣ` то́кмѡ ли́ца, котѡ́рыя чꙋ́жды вся́кагѡ подозрѣ́нiя.

{комм.}Ка́къ цѣ́ль сегѡ` пра́вила є҆́сть пред̾ѡхрани́ть свяще́нныя ли́ца ̾ѿ подозрѣ́нiя: то положе́нное въ ѻ҆́номъ запреще́нiе ̾ѿноси́ть до́лжно къ тѣ́мъ пресвѵ́терамъ, дiа́конамъ и҆ ѵ҆подiа́конамъ, кото́рые не и҆мѣ́ютъ же́нъ: и҆́бо присꙋ́тствiе жены` при мꙋ́жѣ ̾ѿстраня́етъ подозрѣ́нiе ̾ѿ живꙋ́щагѡ при женѣ` дрꙋга́гѡ же́нскагѡ лица`.

ПРА́ВИЛО д҃.

Є҆пíскопа поставля́ти наибо́лѣе прили́чно всѣ́мъ тоя` ѻ҆́бласти є҆пíскопамъ. А҆́ще же сiе` неꙋдо́бно, и҆ли` по належа́щей нꙋ́ждѣ, и҆ли` по да́льности пꙋти`: по кра́йней мѣ́рѣ три` во є҆ди́но мѣ́сто да соберꙋ́тся, а҆ ̾ѿсꙋ́тствꙋющiе да и҆з̾явя́тъ согла́сiе посре́дствомъ гра́матъ: и҆ тогда` соверша́ти рꙋкоположе́нiе. Ѹ҆твержда́(с. л҃г)ти же таковы̑я дѣ́йствiя въ ка́ждой ѻ҆́бласти подоба́етъ є҆я` митрополíтꙋ.

ПРА́ВИЛО є҃.

Ѡ҆ тѣ́хъ, кото́рыхъ є҆пíскопы, по ка́ждой є҆па́рхiи, ѹ҆дали́ли ̾ѿ ѡ҆бще́нiя церко́внагѡ, принадлежа́тъ ли ѻ҆ни` къ кли́рꙋ, и҆ли` къ разря́дꙋ мiря́нъ, до́лжно въ сꙋжде́нiи держа́ться пра́вила{А҆по́ст. л҃в.}, кото́рымъ постано́влено, что́бы ̾ѿлꙋче́нные ѻ҆дни́ми, не бы́ли прiе́млемы дрꙋги́ми. Впро́чемъ да бꙋ́детъ и҆зслѣ́дываемо, не по малодꙋ́шiю ли, и҆ли` ра́спрѣ, и҆ли` по како́мꙋ либо подо́бномꙋ неꙋдово́льствiю є҆пíскопа, подпа́ли ѻ҆ни` ̾ѿлꙋче́нiю. И҆ та́къ, дабы` ѡ҆ се́мъ происходи́ти могло` прили́чное и҆зслѣ́дованiе, за бла́го при́знано, что́бы въ ка́ждой ѻ҆́бласти два́жды въ го́дъ бы́ли собо́ры: что́бы всѣ` воѻбще` є҆пíскопы ѻ҆́бласти, собра́вшися во є҆ди́но, и҆зслѣ́дывали таковы̑я недоꙋмѣ́нiя: и҆ таки́мъ ѻ҆́бразомъ достовѣ́рнѡ ѡ҆каза́вшiеся несправедли́выми проти́въ є҆пíскопа, ѡ҆снова́тельнѡ всѣ́ми при́знаны бы́ли недосто́йными ѡ҆бще́нiя, доко́лѣ не заблагоразсꙋ́дитъ собра́нiе є҆пíскопѡвъ произнести` ѡ҆ ни́хъ бо́лѣе снисходи́тельное рѣше́нiе. Собо́ры же да быва́ютъ, є҆ди́нъ пред̾ четыредеся́тницею, да по прекраще́нiи вся́кагѡ неꙋдово́льствiя, чи́стый да́ръ прино́сится бг҃ꙋ: а҆ дрꙋгíй ѻ҆́колѡ ѻ҆се́ннягѡ вре́мени.

ПРА́ВИЛО ѕ҃.

Да храня́тся дре́внiе ѻ҆бы́чаи, приня́тые въ є҆гѵ́птѣ, и҆ въ лíвѷи, и҆ въ пентапо́лѣ, дабы` а҆леѯандрíйскiй є҆пíскопъ и҆мѣ́лъ вла́сть над̾ всѣ́ми си́ми. Поне́же и҆ ри́мскомꙋ є҆пíскопꙋ сiе` ѻ҆бы́чно. Подо́бнѡ и҆ въ а҆нтiохíи, и҆ въ и҆ны́хъ ѻ҆бластя́хъ да сохраня́ются преимꙋ́щєства цр҃кве́й. Воѻбще́ же да бꙋ́детъ и҆звѣ́стно сiе`: а҆́ще кто`, без̾ соизволе́нiя митрополíта, поста́вленъ (с. л҃д) бꙋ́детъ є҆пíскопомъ: ѡ҆ таково́мъ вели́кiй собо́ръ ѡ҆предѣли́лъ, что` ѻ҆́нъ не до́лженъ бы́ти є҆пíскопомъ. А҆́ще же ѻ҆́бщее всѣ́хъ и҆збра́нiе бꙋ́детъ благосло́вно, и҆ согла́сно съ пра́виломъ церко́внымъ: но два` и҆ли` три`, по со́бственномꙋ любопрѣ́нiю, бꙋ́дꙋтъ ѻ҆́номꙋ прекосло́вити: да превозмога́етъ мнѣ́нiе бо́льшагѡ числа` и҆збира́ющихъ.

ПРА́ВИЛО з҃.

Поне́же ѹ҆тверди́ся ѻ҆быкнове́нiе, и҆ дре́внее преда́нiе, что́бы чти́ти є҆пíскопа, пребыва́ющаго въ є҆́лiи{въ i҆ерꙋсали́мѣ.}: то да и҆мѣ́етъ ѻ҆́нъ послѣ́дованiе че́сти, съ сохране́нiемъ досто́инства, присво́еннагѡ митропо́лiи.

ПРА́ВИЛО и҃.

Ѡ҆ и҆менова́вшихъ нѣ́когда сами́хъ себе` чи́стыми, но присоединя́ющихся къ каѳолíческой и҆ а҆по́стольской цр҃кви, благоꙋго́дно ст҃о́мꙋ и҆ вели́комꙋ собо́рꙋ, да, по возложе́нiи на ни́хъ рꙋ́къ, пребыва́ютъ ѻ҆ни` въ кли́рѣ. Пре́жде же всегѡ` надлежи́тъ и҆`мъ пи́сьменнѡ и҆сповѣ́дати, ꙗ҆́кѡ прилѣпя́тся и҆ послѣ́довати бꙋ́дꙋтъ ѡ҆предѣле́нiямъ каѳолíческiя и҆ а҆по́стольскiя цр҃кви, то́ є҆сть, бꙋ́дꙋтъ въ ѡ҆бще́нiи церко́вномъ и҆ съ двоеже́нцами, и҆ съ па́дшими во вре́мя гоне́нiя, для кото́рыхъ и҆ вре́мя покая́нiя ѹ҆ста́влено, и҆ сро́къ проще́нiя назна́ченъ. На́добно, что́бы ѻ҆ни` во все́мъ послѣ́довали ѡ҆предѣле́нiямъ каѳолíческiя цр҃кви. И҆ та́къ гдѣ`, и҆ли` въ се́лахъ, и҆ли` во града́хъ, всѣ`, ѡ҆брѣта́ющiеся въ кли́рѣ, ѡ҆ка́жꙋтся рꙋкоположе́нными и҆з̾ ни́хъ ѻ҆дни́хъ: да бꙋ́дꙋтъ въ то́мъ же чи́нѣ. А҆́ще же та́мъ, гдѣ` є҆́сть є҆пíскопъ каѳолíческiя цр҃кви, нѣ́которые и҆з̾ ни́хъ пристꙋ́пятъ къ цр҃кви: ꙗ҆́вно є҆́сть, ꙗ҆́кѡ є҆пíскопъ правосла́вныя цр҃кви бꙋ́детъ и҆мѣ́ти є҆пíскопское досто́инство: а҆ и҆менꙋ́ющiйся є҆пí(с. л҃є)скопомъ ѹ҆ та́къ называ́емыхъ чи́стыхъ, пресвѵ́терскꙋю че́сть и҆мѣ́ти бꙋ́детъ: ра́звѣ заблагоразсꙋ́дитъ мѣ́стный є҆пíскопъ, что́бы и҆ то́тъ ѹ҆ча́ствовалъ въ че́сти и҆́мени є҆пíскопа. А҆́ще же то` є҆мꙋ` не ѹ҆го́дно бꙋ́детъ: то для ви́димагѡ сопричисле́нiя такова́гѡ къ кли́рꙋ, и҆зѡбрѣте́тъ для негѡ` мѣ́сто и҆ли` хѡрепíскопа, и҆ли` пресвѵ́тера: да не бꙋ́детъ двꙋ́хъ є҆пíскопѡвъ во гра́дѣ.

{комм.}Чи́стыми называ́ли себя` є҆ретiки`, послѣ́дователи нова́та, ри́мской цр҃кви пресвѵ́тера, кото́рый ѹ҆чи́лъ, па́дшихъ во вре́мя гоне́нiя не принима́ть на покая́нiе, и҆ двоеже́нцєвъ никогда` не принима́ть въ ѡ҆бще́нiе церко́вное, и҆ въ си́хъ го́рдыхъ и҆ не человѣколюби́выхъ сꙋжде́нiяхъ полага́лъ чистотꙋ` своегѡ` ѻ҆́бщества.

ПРА́ВИЛО ѳ҃.

А҆́ще нѣ́которые без̾ и҆спыта́нiя произведены` въ пресвѵ́теры, и҆ли` хотя` при и҆спыта́нiи и҆сповѣ́дали свои` грѣхи`, но, по́слѣ и҆́хъ и҆сповѣ́данiя, противꙋ` пра́вила подви́глись человѣ́ки, и҆ возложи́ли на ни́хъ рꙋ́ки: таковы́хъ пра́вило{А҆по́ст. пра́в. к҃є.} не допꙋска́етъ до священнослꙋже́нiя. И҆́бо каѳолíческая це́рковь непремѣ́ннѡ тре́бꙋетъ непоро́чности{а҃ тiмоѳ. гл. г҃, ст. в҃.}.

ПРА́ВИЛО _i҃.

А҆́ще кото́рые и҆з̾ на́шихъ произведены` въ кли́ръ, по невѣ́дѣнiю, и҆ли` со свѣ́дѣнiемъ произве́дшихъ: сiе` не ѡ҆слабля́етъ си́лы пра́вила церко́внагѡ. И҆́бо таковы́е, по дозна́нiи, и҆зверга́ются ̾ѿ свяще́ннагѡ чи́на.

ПРА́ВИЛО а҃_i.

Ѡ҆б̾ ̾ѿстꙋпи́вшихъ ̾ѿ вѣ́ры, не по принꙋжде́нiю, и҆ли` не по причи́нѣ ̾ѿя́тiя и҆мѣ́нiй, и҆ли` ѻ҆па́сности, и҆ли` чегѡ́ либо подо́бнагѡ, ка́къ то` слꙋчи́лось въ мꙋчи́тельство лiкíнiево, собо́ръ ѡ҆предѣли́лъ ꙗ҆вля́ти ми́лость и҆`мъ, а҆́ще и҆ не сꙋ́ть досто́й(с. л҃ѕ)ны человѣколю́бiя. Кото́рые ѹ҆`бо и҆́стиннѡ пока́ются: тѣ` три` лѣ́та проведꙋ́тъ междꙋ` слꙋ́шающими чте́нiе писа́нiй, ꙗ҆́кѡ вѣ́рные: и҆ се́дмь лѣ́тъ да припа́даютъ въ це́ркви, прося` проще́нiя: два́ же лѣ́та бꙋ́дꙋтъ ѹ҆ча́ствовать съ наро́домъ въ моли́твахъ, кромѣ` причаще́нiя святы́хъ та̑инъ.

ПРА́ВИЛО в҃_i.

Благода́тiю при́званные къ и҆сповѣ́данiю вѣ́ры, и҆ пе́рвый поры́въ ре́вности ꙗ҆ви́вшiе, и҆ ̾ѿложи́вшiе вои́нскiе по́ясы, но пото́мъ, а҆́ки псы`, на свою` блево́тинꙋ возврати́вшiеся, та́къ что` нѣ́которые и҆ сребро` ѹ҆потребля́ли, и҆ посре́дствомъ дарѡ́въ дости́гли возстановле́нiя въ вои́нскiй чи́нъ: таковы́е де́сять лѣ́тъ да припа́даютъ въ цр҃кви, прося` проще́нiя, по трилѣ́тномъ вре́мени слꙋ́шанiя писа́нiй въ притво́рѣ. Во всѣ́хъ же си́хъ надлежи́тъ прiима́ти въ разсꙋжде́нiе расположе́нiе, и҆ ѻ҆́бразъ покая́нiя. И҆́бо кото́рые, со стра́хомъ, и҆ слеза́ми, и҆ терпѣ́нiемъ, и҆ благотворе́нiями, ѡ҆браще́нiе ꙗ҆вля́ютъ дѣ́ломъ, а҆ не по нарꙋ́жности: тѣ́хъ, по и҆сполне́нiи ѡ҆предѣле́ннагѡ вре́мени слꙋ́шанiя, прили́чно бꙋ́детъ прiима́ти въ ѡ҆бще́нiе моли́твъ. Да́же позволи́тельно є҆пíскопꙋ и҆ человѣколю́бнѣе нѣ́что ѡ҆ ни́хъ ѹ҆стро́ити. А҆ кото́рые равнодꙋ́шнѡ понесли` свое` грѣхопаде́нiе, и҆ ви́дъ вхожде́нiя въ це́рковь возмни́ли для себя` дово́льнымъ ко ѡ҆браще́нiю: тѣ` всецѣ́лѡ да и҆сполня́ютъ вре́мя покая́нiя.

ПРА́ВИЛО г҃_i.

Ѡ҆ находя́щихся же при и҆схо́дѣ ̾ѿ житiя`, да соблюда́ется и҆ ны́нѣ дре́внiй зако́нъ и҆ пра́вило, что́бы ̾ѿходя́щiй не лиша́емь бы́лъ послѣ́днягѡ и҆ нꙋжнѣ́йшагѡ напꙋ́тствiя. А҆́ще же, бы́въ ̾ѿча́янъ въ жи́зни и҆ сподо́бленъ причаще́нiя, па́ки къ жи́зни возврати́тся: да бꙋ́детъ междꙋ` ѹ҆ча́ствꙋю(с. л҃з)щими въ моли́твѣ то́кмѡ. Воѻбще` вся́комꙋ ̾ѿходя́щемꙋ, кто́ бы ни бы́лъ, прося́щемꙋ причасти́тися є҆ѵхарíстiи, со и҆спыта́нiемъ є҆пíскопа, да преподаю́тся святы́е да́ры.

ПРА́ВИЛО д҃_i.

Ѿноси́тельнѡ ѡ҆глаше́нныхъ и҆ ̾ѿпа́дшихъ, ѹ҆го́дно свято́мꙋ и҆ вели́комꙋ собо́рꙋ, что́бы ѻ҆ни` три` го́да то́кмѡ бы́ли междꙋ` слꙋ́шающими писа́нiя, а҆ пото́мъ моли́лись съ ѡ҆глаше́нными.

ПРА́ВИЛО є҃_i.

По причи́нѣ мно́гихъ смяте́нiй и҆ происходя́щихъ неꙋстро́йствъ, заблагоразсꙋждено` соверше́ннѡ прекрати́ти ѻ҆бы́чай, вопреки` а҆по́стольскомꙋ пра́вилꙋ ѡ҆брѣ́тшiйся въ нѣ́которыхъ мѣста́хъ: дабы` и҆з̾ гра́да во гра́дъ не преходи́лъ ни є҆пíскопъ, ни пресвѵ́теръ, ни дiа́конъ. А҆́ще же кто`, по се́мъ ѡ҆предѣле́нiи свята́гѡ и҆ вели́кагѡ собо́ра, таково́е что́ либо предпрiи́метъ, и҆ли` допꙋ́ститъ сдѣ́лать съ собо́ю таково́е дѣ́ло: распоряже́нiе да бꙋ́детъ соверше́ннѡ недѣйстви́тельно, и҆ переше́дшiй да бꙋ́детъ возвраще́нъ въ це́рковь, къ кото́рой рꙋкоположе́нъ во є҆пíскопа, и҆ли` пресвѵ́тера, и҆ли` дiа́кона.

ПРА́ВИЛО ѕ҃_i.

А҆́ще кото́рые пресвѵ́теры, и҆ли` дiа́коны, и҆ли` воѻбще` къ кли́рꙋ причи́сленные, ѡ҆проме́тчивѡ и҆ стра́ха бж҃iя пред̾ ѻ҆ча́ми не и҆мѣ́я, и҆ церко́внагѡ пра́вила {А҆по́ст. пра́в. є҃_i.} не зна́я, ѹ҆даля́тся ̾ѿ со́бственной це́ркви: таковы́е ̾ѿню́дь не должны` бы́ти прiе́млемы въ дрꙋго́й це́ркви: и҆ надлежи́тъ вся́кое понꙋжде́нiе проти́вꙋ и҆́хъ ѹ҆потреби́ти, да возвратя́тся въ свои` прихо́ды: и҆ли`, а҆́ще ѡ҆ста́нꙋтся ѹ҆по́рными, подоба́етъ и҆`мъ чꙋ́ждымъ бы́ти ѡ҆бще́нiя. Та́кожде, а҆́ще кто` дерзне́тъ принадлежа́щаго вѣ́домствꙋ дрꙋга́гѡ (с. л҃и) восхи́тити, и҆ въ свое́й це́ркви рꙋкоположи́ти, без̾ согла́сiя со́бственнагѡ є҆пíскопа, ̾ѿ кото́рагѡ ѹ҆клони́лся причи́сленный къ кли́рꙋ: недѣйстви́тельно да бꙋ́детъ рꙋкоположе́нiе.

ПРА́ВИЛО з҃_i.

Поне́же мно́гiе причи́сленные къ кли́рꙋ, любостяжа́нiю и҆ лихои́мствꙋ послѣ́дꙋя, забы́ли бж҃е́ственное писа́нiе, глаго́лющее: сребра` своегѡ` не даде` въ ли́хвꙋ{ѱал. д҃_i, ст. є҃.}: и҆, дава́я въ до́лгъ, тре́бꙋютъ со́тыхъ, сꙋди́лъ святы́й и҆ вели́кiй собо́ръ, что́бы, а҆́ще кто`, по́слѣ сегѡ` ѡ҆предѣле́нiя, ѡ҆бря́щется взима́ющiй ро́стъ съ да́ннагѡ въ зае́мъ, и҆ли` и҆но́й ѡ҆боро́тъ даю́щiй семꙋ` дѣ́лꙋ, и҆ли` полови́ннагѡ ро́ста тре́бꙋющiй, и҆ли` нѣ́что и҆но́е вымышля́ющiй ра́ди посты́дной коры́сти, таковы́й бы́лъ и҆зверга́емъ и҆з̾ кли́ра, и҆ чꙋ́ждъ дꙋхо́внагѡ сосло́вiя.

ПРА́ВИЛО и҃_i.

Дошло` до свята́гѡ и҆ вели́кагѡ собо́ра, что` въ нѣ́которыхъ мѣста́хъ и҆ гра́дахъ дiа́коны преподаю́тъ пресвѵ́терамъ є҆ѵхарíстiю, тогда` ка́къ ни пра́виломъ, ни ѻ҆бы́чаемъ не пре́дано, что́бы не и҆мѣ́ющiе вла́сти приноси́ти, преподава́ли принося́щымъ тѣ́ло хр҃ⷭ҇то́во. Та́кже и҆ то` содѣ́лалось и҆звѣ́стнымъ, что` да́же нѣ́которые и҆з̾ дiа́конѡвъ, и҆ пре́жде є҆пíскопѡвъ, є҆ѵхарíстiи прикаса́ются. Сiе` ѹ҆́бѡ все` да пресѣче́тся: и҆ дiа́коны да пребыва́ютъ въ свое́й мѣ́рѣ, зна́я, что` ѻ҆ни` сꙋ́ть слꙋжи́тели є҆пíскопа, и҆ ни́зшiе пресвѵ́терѡвъ. Да прiе́млютъ же є҆ѵхарíстiю по поря́дкꙋ по́слѣ пресвѵ́терѡвъ, преподава́емꙋю и҆`мъ є҆пíскопомъ, и҆ли` пресвѵ́теромъ. Но ниже` сидѣ́ти посредѣ` пресвѵ́терѡвъ позво́лено дiа́конамъ. И҆́бо то` быва́етъ не по пра́вилꙋ, и҆ не въ поря́дкѣ. А҆́ще же кто`, и҆ по́слѣ сегѡ` ѡ҆пре(с. л҃ѳ)дѣле́нiя, не хо́щетъ послꙋ́шенъ бы́ти: да прекрати́тся є҆гѡ` дiа́конство.

ПРА́ВИЛО ѳ҃_i.

Ѡ҆ бы́вшихъ паѵлiа́нами, но пото́мъ прибѣ́гнꙋвшихъ къ каѳолíческой цр҃кви, постановля́ется ѡ҆предѣле́нiе, что́бы ѻ҆ни` всѣ` воѻбще` вно́вь крести́мы бы́ли. А҆́ще же кото́рые въ пре́жнее вре́мя къ кли́рꙋ принадлежа́ли: таковы́е, ꙗ҆вя́сь безпоро́чными и҆ неꙋкори́зненными, по перекреще́нiи, да бꙋ́дꙋтъ рꙋкоположе́ни є҆пíскопомъ каѳолíческiя це́ркви. А҆́ще же и҆спыта́нiе ѡ҆бря́щетъ и҆`хъ неспосо́бнымикъ свяще́нствꙋ: надлежи́тъ и҆`мъ и҆зве́ржєннымъ бы́ти и҆з̾ свяще́ннагѡ чи́на. Подо́бнѡ и҆ въ ̾ѿноше́нiи къ дiаконíссамъ, и҆ ко всѣ́мъ воѻбще` причи́слєннымъ къ кли́рꙋ, то́тъ же ѻ҆́бразъ дѣ́йствованiя да соблюда́ется. Ѡ҆ дiаконíссахъ же мы` ѹ҆помянꙋ́ли ѡ҆ тѣ́хъ, кото́рыя, по ѡ҆дѣя́нiю, за таковы́хъ прiе́млются. И҆́бо впро́чемъ ѻ҆нѣ` никако́гѡ рꙋкоположе́нiя не и҆мѣ́ютъ, та́къ что` мо́гꙋтъ соверше́ннѡ счисля́емы бы́ти съ мiря́нами.

ПРА́ВИЛО к҃.

Поне́же сꙋ́ть нѣ́которые преклоня́ющiе колѣ̑на въ де́нь гд҃ⷭ҇нь, и҆ во дни` пятидеся́тницы: то`, дабы` во всѣ́хъ є҆па́рхiяхъ все` ѻ҆дина́ковѡ соблюда́емо бы́ло, ѹ҆го́дно свято́мꙋ собо́рꙋ, да стоя́ще прино́сятъ моли̑твы бг҃ꙋ.

(с. м҃)

ПРА̑ВИЛА СВЯТА́ГѠ ВСЕЛЕ́НСКАГѠ ВТОРА́ГѠ СОБО́РА, КѠНСТАНТIНОПО́ЛЬСКАГѠ.

ПРА́ВИЛО а҃.

Святы́е ѻ҆тцы`, собра́вшiеся въ кѡнстантiнопо́лѣ, ѡ҆предѣли́ли: да не ̾ѿмѣня́ется сѷмво́лъ вѣ́ры тре́хъ сѡ́тъ ѻ҆смина́десяти ѻ҆тцє́въ, бы́вшихъ на собо́рѣ въ нiке́и, что` въ вiѳѵ́нiи, но да пребыва́етъ ѻ҆́ный непрело́женъ: и҆ да предае́тся а҆на́ѳемѣ вся́кая є҆́ресь, и҆ и҆́меннѡ: є҆́ресь є҆ѵномiа́нъ, а҆номе́євъ, а҆рiа́нъ и҆ли` є҆ѵдоѯiа́нъ, полꙋарiа́нъ и҆ли` дꙋхобо́рцєвъ, савеллiа́нъ, маркеллiа́нъ, фѡтiнiа́нъ, и҆ а҆полiнарiа́нъ.

ПРА́ВИЛО в҃.

Ѻ҆бластны́е є҆пíскопы да не простира́ютъ своея` вла́сти на цє́ркви, за предѣ́лами своея` ѻ҆́бласти, и҆ да не смѣ́шиваютъ церкве́й: но, по пра́виламъ, а҆леѯандрíйскiй є҆пíскопъ да ѹ҆правля́етъ церква́ми то́кмѡ є҆гѵ́петскими: є҆пíскопы восто́чные да нача́льствꙋютъ то́кмѡ на восто́кѣ, съ сохране́нiемъ преимꙋ́ществъ а҆нтiохíйской це́ркви, пра́вилами нiке́йскими при́знанныхъ: та́кже є҆пíскопы ѻ҆́бласти а҆сíйскiя да нача́льствꙋютъ (с. м҃а) то́кмѡ въ а҆сíи: є҆пíскопы понтíйскiе да и҆мѣ́ютъ въ свое́мъ вѣ́дѣнiи дѣла` то́кмѡ понтíйскiя ѻ҆́бласти, ѳракíйскiе то́кмѡ ѳра́кiи. Не бы́въ приглашены`, є҆пíскопы да не прехо́дятъ за предѣ́лы своея` ѻ҆́бласти для рꙋкоположе́нiя, и҆ли` како́гѡ либо дрꙋга́гѡ церко́внагѡ распоряже́нiя. При сохране́нiи же вышепи́саннагѡ пра́вила ѡ҆ церко́вныхъ ѻ҆бластя́хъ, ꙗ҆́вно є҆́сть, ꙗ҆́кѡ дѣла` ка́ждыя ѻ҆́бласти благоꙋчрежда́ти бꙋ́детъ собо́ръ тоя́ же ѻ҆́бласти, ка́къ ѡ҆предѣлено` въ нiке́и. Цє́ркви же бж҃iи, ѹ҆ и҆ноплеме́нныхъ наро́дѡвъ, долженствꙋ́ютъ бы́ти пра́вимы, по соблюда́вшемꙋся доны́нѣ ѻ҆быкнове́нiю ѻ҆тцє́въ.

ПРА́ВИЛО г҃.

Кѡнстантiнопо́льскiй є҆пíскопъ да и҆мѣ́етъ преимꙋ́щество че́сти по ри́мскомъ є҆пíскопѣ, потомꙋ` что` гра́дъ ѻ҆́ный є҆́сть но́вый ри́мъ.

ПРА́ВИЛО д҃.

Ѡ҆ маѯíмѣ кѵ́нiкѣ, и҆ ѡ҆ произведе́нномъ и҆́мъ безчи́нiи въ кѡнстантiнопо́лѣ: ниже` маѯíмъ бы́лъ, и҆ли` є҆́сть є҆пíскопъ, ниже` поста́вленные и҆́мъ на какꙋ́ю бы то` ни бы́ло сте́пень кли́ра: и҆ содѣ́ланное для негѡ`, и҆ содѣ́ланное и҆́мъ, все` ничто́жно.

ПРА́ВИЛО є҃.

Ѿноси́тельнѡ сви́тка{Здѣ́сь разꙋмѣ́ется сви́токъ за́падныхъ є҆пíскопѡвъ, содержа́щiй постановле́нiе сардiкíйскагѡ собо́ра, кото́рымъ при́знанъ и҆ подтвержде́нъ сѷмво́лъ нiке́йскiй.} за́падныхъ: прiе́млемъ и҆ сꙋ́щихъ въ а҆нтiохíи, и҆сповѣ́дающихъ є҆ди́но бж҃ество` ѻ҆ц҃а`, и҆ сн҃а, и҆ ст҃а́гѡ дх҃а.

ПРА́ВИЛО ѕ҃.

Поели́кꙋ мно́гiе, жела́я привести` въ замѣша́тельство, и҆ низпрове́ргнꙋти церко́вное благочи́нiе, враж(с. м҃в)де́бнѡ и҆ клеветни́чески вымышля́ютъ на пра́вящихъ це́рквами правосла́вныхъ є҆пíскопѡвъ нѣ́кiя вины̑, не съ и҆ны́мъ каки́мъ намѣ́ренiемъ, ка́къ то́кмѡ, дабы` помрачи́ти до́брꙋю сла́вꙋ свяще́нникѡвъ, и҆ произвести` смятє́нiя въ ми́рномъ наро́дѣ: тогѡ` ра́ди святы́й собо́ръ сте́кшихся въ кѡнстантiнопо́лѣ є҆пíскопѡвъ заблагоразсꙋди́лъ: не без̾ и҆зслѣ́дованiя допꙋска́ти ѡ҆бвини́телей, ниже` позволя́ти вся́комꙋ приноси́ти ѡ҆бвинє́нiя на прави́телей це́ркви, но и҆ не всѣ̑мъ возбраня́ти. Но а҆́ще кто` принесе́тъ на є҆пíскопа нѣ́кꙋю со́бственнꙋю, то́ є҆сть, ча́стнꙋю жа́лобꙋ, ка́къ-то, въ притяза́нiи и҆́мъ и҆мѣ́нiя, и҆ли` въ и҆но́й како́й либо потерпѣ́нной ̾ѿ негѡ` непра́вдѣ: при таковы́хъ ѡ҆бвине́нiяхъ не прiима́ти въ разсꙋжде́нiе, ни лица` ѡ҆бвини́теля, ни вѣ́ры є҆гѡ`. Подоба́етъ бо вся́чески, и҆ со́вѣсти є҆пíскопа бы́ти свобо́дною, и҆ ѡ҆б̾явля́ющемꙋ себя` ѡ҆би́женнымъ ѡ҆брѣсти` правосꙋ́дiе, какíя бы вѣ́ры ѻ҆́нъ ни бы́лъ. А҆́ще же возводи́мая на є҆пíскопа вина` бꙋ́детъ церко́вная: тогда` подоба́етъ разсмотря́ти лице` ѡ҆бвини́теля. И҆ во пе́рвыхъ не позволя́ти є҆ретiка́мъ приноси́ти ѡ҆бвинє́нiя на правосла́вныхъ є҆пíскопѡвъ по дѣла́мъ церко́внымъ. Є҆ретiка́ми же и҆менꙋ́емъ ка́къ тѣ́хъ, кото́рые и҆зда́вна чꙋ́ждыми це́ркви ѡ҆б̾я́влены, та́къ и҆ тѣ́хъ, кото́рые по́слѣ тогѡ` на́ми а҆на́ѳемѣ пре́даны: кромѣ́ же сегѡ` и҆ тѣ́хъ, кото́рые хотя` притворя́ются, бꙋ́дто вѣ́рꙋ на́шꙋ и҆сповѣ́дꙋютъ здра́вѡ, но кото́рые ̾ѿдѣли́лись, и҆ собира́ютъ собра̑нiя проти́въ на́шихъ пра́вильнѡ поста́вленныхъ є҆пíскопѡвъ. Є҆ще́ же, а҆́ще кото́рые и҆з̾ принадлежа́щихъ къ це́ркви, за нѣ́кiя вины̑, пре́жде бы́ли ѡ҆сꙋждены` и҆ и҆зве́ржены, и҆ли` ̾ѿлꙋчены` и҆з̾ кли́ра, и҆ли` и҆з̾ разря́да мiря́нъ: и҆ си̑мъ да не бꙋ́детъ позво́лено ѡ҆бви(с. м҃г)ня́ти є҆пíскопа, доко́лѣ не ѡ҆чи́стятъ себя` ̾ѿ ѡ҆бвине́нiя, кото́ромꙋ са́ми подпа́ли. Та́кожде и҆ ̾ѿ тѣ́хъ, ко́и са́ми предвари́тельнѡ подве́рглися доно́сꙋ, доно́сы на є҆пíскопа, и҆ли` на дрꙋги́хъ и҆з̾ кли́ра мо́гꙋтъ прiе́млемы бы́ти не пре́жде, ра́звѣ когда` несомнѣ́ннѡ ꙗ҆вя́тъ свою` неви́нность проти́вꙋ возведе́нныхъ на ни́хъ ѡ҆бвине́нiй. А҆́ще же нѣ́которые, не бꙋ́дꙋчи ни є҆ретiки`, ни ̾ѿлꙋче́нные ̾ѿ ѻ҆бще́нiя церко́внагѡ, ни ѡ҆сꙋжде́нные, и҆ли` предвари́тельнѡ ѡ҆бвине́нные въ каки́хъ либо престꙋпле́нiяхъ, ска́жꙋтъ, ꙗ҆́кѡ и҆мѣ́ютъ нѣ́что донести` на є҆пíскопа по дѣла́мъ церко́внымъ: таковы̑мъ святы́й собо́ръ повелѣва́етъ, во пе́рвыхъ предста́вити свои` ѡ҆бвинє́нiя всѣ́мъ є҆пíскопамъ ѻ҆́бласти, и҆ пред̾ ни́ми подтвержда́ти дово́дами свои` доно́сы на є҆пíскопа подве́ргшагося ̾ѿвѣ́тꙋ. А҆́ще же є҆пíскопы соедине́нныхъ є҆па́рхiй, па́че ча́янiя, не въ си́лахъ бꙋ́дꙋтъ возстанови́ти поря́докъ, по возводи́мымъ на є҆пíскопа ѡ҆бвине́нiямъ: тогда` ѡ҆бвини́тели да пристꙋ́пятъ къ бо́льшемꙋ собо́рꙋ є҆пíскопѡвъ вели́кiя ѻ҆́бласти, по се́й причи́нѣ созыва́емыхъ: но не пре́жде мо́гꙋтъ ѻ҆ни` настоя́ти на свое` ѡ҆бвине́нiе, ка́къ пи́сьменнѡ поста́вивъ себя` под̾ стра́хомъ ѻ҆дина́кагѡ наказа́нiя съ ѡ҆бвиня́емымъ, а҆́ще вы`, по произво́дствꙋ дѣ́ла, ѡ҆каза́лися клеве́щꙋщими на ѡ҆бвиня́емаго є҆пíскопа. Но а҆́ще кто`, презрѣ́въ, по предвари́тельномꙋ дозна́нiю, постановле́нное рѣше́нiе, де́рзнетъ, и҆ли` слꙋ́хъ ца́рскiй ѹ҆трꙋжда́ти, и҆ли` сꙋды` мiрски́хъ нача́льникѡвъ, и҆ли` вселе́нскiй собо́ръ безпоко́ити, къ ѡ҆скорбле́нiю че́сти всѣ́хъ є҆пíскопѡвъ ѻ҆́бласти: таковы́й ̾ѿню́дь да не бꙋ́детъ прiе́млемь съ свое́ю жа́лобою, ꙗ҆́кѡ нане́сшiй ѡ҆скорбле́нiе пра́виламъ, и҆ нарꙋ́шившiй церко́вное благочи́нiе.

(с. м҃д)

ПРА́ВИЛО з҃.

Присоединя́ющихся къ правосла́вiю, и҆ къ ча́сти спаса́емыхъ и҆з̾ є҆ретiкѡ́въ прiе́млемъ, по слѣ́дꙋющемꙋ чиноположе́нiю и҆ ѻ҆бы́чаю. А҆рiа́нъ, македонiа́нъ, савватiа́нъ и҆ наватiа́нъ, и҆менꙋ́ющихъ себя` чи́стыми и҆ лꙋ́чшими, четыренадесятидне́вникѡвъ, и҆ли` тетрадíтѡвъ, и҆ а҆полiнарíстѡвъ, когда` ѻ҆ни` даю́тъ рꙋкописа̑нiя и҆ проклина́ютъ вся́кꙋю є҆́ресь, не мꙋ́дрствꙋющꙋю, ка́къ мꙋ́дрствꙋетъ свята́я бж҃iя каѳолíческая и҆ а҆по́стольская це́рковь, прiе́млемъ, запечатлѣва́я, то́ є҆сть, помазꙋ́я святы́мъ мѵ́ромъ во пе́рвыхъ чело`, пото́мъ ѻ҆́чи, и҆ но́здри, и҆ ѹ҆ста`, и҆ ѹ҆́ши, и҆ запечатлѣва́я и҆`хъ глаго́лемъ: печа́ть да́ра дх҃а ст҃а́гѡ. Є҆ѵномiа́нъ же, є҆динокра́тнымъ погрꙋже́нiемъ креща́ющихся, и҆ монтанíстѡвъ, и҆менꙋ́емыхъ здѣ́сь фрѵ́гами, и҆ савеллiа́нъ, держа́щихся мнѣ́нiя ѡ҆ сыноѻ́тчествѣ, и҆ и҆но́е нетерпи́мое творя́щихъ, и҆ всѣ́хъ про́чихъ є҆ретiкѡ́въ, [и҆́бо мно́гѡ здѣ́сь таковы́хъ, наипа́че выходя́щихъ и҆з̾ гала́тскiя страны`] всѣ́хъ, кото́рые и҆з̾ ни́хъ жела́ютъ присоединены` бы́ти къ правосла́вiю, прiе́млемъ, ꙗ҆́коже ꙗ҆зы́чникѡвъ. Въ пе́рвый де́нь дѣ́лаемъ и҆`хъ хрiстiа́нами, во вторы́й ѡ҆глаше́нными, пото́мъ въ тре́тiй заклина́емъ и҆`хъ, съ троекра́тнымъ дꙋнове́нiемъ въ лице`, и҆ во ѹ҆́ши: и҆ та́кѡ ѡ҆глаша́емъ и҆`хъ, и҆ заставля́емъ пребыва́ти въ це́ркви, и҆ слꙋ́шати писа̑нiя, и҆ тогда` ѹ҆же` креща́емъ и҆`хъ.

(с. м҃є)

ПРА̑ВИЛА СВЯТА́ГѠ ВСЕЛЕ́НСКАГѠ ТРЕ́ТIЯГѠ СОБО́РА, Є҆ФЕ́ССКАГѠ.

ПРА́ВИЛО а҃.

Поне́же надлежа́ло и҆ не присꙋ́тствовавшымъ на свято́мъ собо́рѣ, и҆ ѡ҆става́вшымся въ свое́мъ мѣ́стѣ, и҆ли` гра́дѣ, по нѣ́коей винѣ`, и҆ли` церко́вной, и҆ли` тѣле́сной, не ѡ҆ста́тися въ невѣ́дѣнiи ѡ҆ то́мъ, что` на ѻ҆́номъ постано́влено: то и҆звѣща́емъ ва́шꙋ святы́ню и҆ любо́вь, что`, а҆́ще кото́рый ѻ҆́бластный митрополíтъ, ̾ѿстꙋпи́въ ̾ѿ свята́гѡ и҆ вселе́нскагѡ собо́ра, приложи́лся къ ̾ѿстꙋ́пническомꙋ со́нмищꙋ, и҆ли` посе́мъ прило́жится, и҆ли` келестíево мꙋдрова́нiе прiя́лъ, и҆ли` прiи́метъ, таковы́й проти́въ є҆пíскопѡвъ своея` ѻ҆́бласти что́ либо дѣ́лати ̾ѿню́дь не мо́жетъ, ꙗ҆́кѡ ̾ѿны́нѣ собо́ромъ ̾ѿ вся́кагѡ церко́внагѡ ѻ҆бще́нiя ѹ҆же` ̾ѿве́рженный и҆ недѣйстви́тельный. Но є҆ще` и҆ разсмотрѣ́нiю тѣ́хъ са́мыхъ є҆пíскопѡвъ ѻ҆́бласти, и҆ ѻ҆кре́стныхъ митрополíтѡвъ, правосла́внѡ мꙋ́дрствꙋющихъ, подлежа́ти бꙋ́детъ, для соверше́ннагѡ и҆зверже́нiя є҆гѡ` и҆з̾ са́на є҆пíскопскагѡ.

(с. м҃ѕ)

ПРА́ВИЛО в҃.

А҆́ще же кото́рые є҆пархiа́льные є҆пíскопы не присꙋ́тствовали на свято́мъ собо́рѣ, и҆ въ ̾ѿстꙋпле́нiи прiя́ли, и҆ли` покꙋ́сятся прiя́ти ѹ҆ча́стiе: и҆ли`, подписа́въ и҆зверже́нiе несто́рiа, перешли` къ ̾ѿстꙋ́пническомꙋ со́нмищꙋ: таковы̑мъ, по и҆зволе́нiю свята́гѡ собо́ра, соверше́ннѡ бы́ти чꙋ̑ждымъ свяще́нства, и҆ низве́ржєннымъ съ своея` сте́пени.

ПРА́ВИЛО г҃.

А҆́ще же нѣ́котѡрымъ и҆з̾ принадлежа́щихъ къ кли́рꙋ въ ка́ждомъ гра́дѣ, и҆ли` селѣ`, несто́рiемъ и҆ є҆гѡ` соѻ́бщниками, возбранено` свяще́нство за правосла́вное мꙋ́дрствованiе: таковы̑мъ да́ли мы` пра́во воспрiя́ти свою` сте́пень. Воѻбще` повелѣва́емъ, что́бы є҆диномꙋ́дрствꙋющiе съ правосла́внымъ и҆ вселе́нскимъ собо́ромъ чле́ны кли́ра, ̾ѿню́дь никаки́мъ ѻ҆́бразомъ, не бы́ли подчинены` ̾ѿстꙋпи́вшымъ, и҆ли` ̾ѿстꙋпа́ющымъ ̾ѿ правосла́вiя є҆пíскопамъ.

ПРА́ВИЛО д҃.

А҆́ще кото́рые и҆з̾ кли́ра ̾ѿстꙋ́пятъ, и҆ дерзнꙋ́тъ ѻ҆со́бѡ, и҆ли` всенаро́днѡ держа́тися несто́рiева, и҆ли` келестíева мꙋ́дрствованiя: пра́веднымъ призна́лъ святы́й собо́ръ и҆зве́ржєннымъ бы́ти и҆ си̑мъ и҆з̾ свяще́ннагѡ чи́на.

ПРА́ВИЛО є҃.

А҆́ще нѣ́кiе за неприли́чныя дѣла` ѡ҆сꙋждены` ст҃ы́мъ собо́ромъ, и҆ли` со́бственными є҆пíскопами: несто́рiй же, и҆ є҆гѡ` є҆диномы́шленники, вопреки` пра́виламъ, по є҆гѡ` во все́мъ произво́льномꙋ дѣ́йствованiю, покꙋси́лися, и҆ли` покꙋ́сятся возврати́ти и҆`мъ ѡ҆бще́нiе съ це́рковiю, и҆ли` сте́пень свяще́нства: пра́веднымъ призна́ли мы`, да бꙋ́детъ и҆`мъ сiе` безполе́зно, и҆ да ѡ҆стаю́тся ѻ҆ни` тѣ́мъ не ме́нѣе и҆зве́рженными и҆з̾ свяще́ннагѡ чи́на.

(с. м҃з)

ПРА́ВИЛО ѕ҃.

Подо́бно же, а҆́ще нѣ́кiе восхотѣ́ли бы, каки́мъ либо ѻ҆́бразомъ, поколеба́ти то`, что` ѡ҆ ка́ждомъ и҆з̾ ни́хъ ѹ҆чинено` святы́мъ собо́ромъ во є҆фе́сѣ, святы́й собо́ръ ѡ҆предѣли́лъ, что́бы таковы́е, а҆́ще сꙋ́ть є҆пíскопы, и҆ли` принадлежа́щiе къ кли́рꙋ, соверше́ннѡ све́ржены бы́ли съ своегѡ` сте́пени: а҆́ще же мiря́не, ̾ѿлꙋче́ны бы́ли ̾ѿ ѻ҆бще́нiя церко́внагѡ.

ПРА́ВИЛО з҃.

По прочте́нiи сегѡ`, святы́й собо́ръ ѡ҆предѣли́лъ: да не бꙋ́детъ позво́лено никомꙋ` произноси́ти, и҆ли` писа́ти, и҆ли` слага́ти и҆нꙋ́ю вѣ́рꙋ, кромѣ` ѡ҆предѣле́нныя ̾ѿ святы́хъ ѻ҆тє́цъ, въ нiке́и гра́дѣ, со ст҃ы́мъ дх҃омъ собра́вшихся. А҆ кото́рые дерзнꙋ́тъ слага́ти и҆нꙋ́ю вѣ́рꙋ, и҆ли` представля́ти, и҆ли` предлага́ти хотя́щымъ ѡ҆брати́тися къ позна́нiю и҆́стины, и҆ли` ̾ѿ ꙗ҆зы́чества, и҆ли` ̾ѿ i҆ꙋде́йства, и҆ли` ̾ѿ како́й бы то` ни бы́ло є҆́реси: таковы́е, а҆́ще сꙋ́ть є҆пíскопы, и҆ли` принадлежа́тъ къ кли́рꙋ, да бꙋ́дꙋтъ чꙋ́жды, є҆пíскопы є҆пíскопства, и҆ кли́рiки кли́ра: а҆́ще же мiря́не, да бꙋ́дꙋтъ пре́даны а҆на́ѳемѣ. Ра́внымъ ѻ҆́бразомъ, а҆́ще є҆пíскопы, и҆ли` кли́рiки, и҆ли` мiря́не ꙗ҆вя́тся мꙋ́дрствꙋющими, и҆ли` ѹ҆ча́щими томꙋ`, что` соде́ржится въ предста́вленномъ ̾ѿ пресвѵ́тера харíсiа и҆зложе́нiи, ѡ҆ воплоще́нiи є҆диноро́днагѡ сн҃а бж҃iя, и҆ли` скве́рнымъ и҆ развращє́ннымъ несто́рiевымъ догма́тамъ, кото́рые при се́мъ и҆ приложены`: да подлежа́тъ рѣше́нiю сегѡ` свята́гѡ и҆ вселе́нскагѡ собо́ра, то́ є҆сть, є҆пíскопъ да бꙋ́детъ чꙋ́ждъ є҆пíскопства, и҆ да бꙋ́детъ низложе́нъ: кли́рiкъ подо́бнѡ да бꙋ́детъ и҆зве́рженъ и҆з̾ кли́ра: а҆́ще же мiряни́нъ, да бꙋ́детъ пре́данъ а҆на́ѳемѣ, ка́къ ска́зано.

{комм.}Пред̾ си́мъ на собо́рѣ чи́танъ сѷмво́лъ нiке́йскiй, и҆ поврежде́нное и҆зложе́нiе сѷмво́ла, предста́в(с. м҃и)ленное собо́рꙋ фiладельфíйскимъ пресвѵ́теромъ харíсiемъ.

ПРА́ВИЛО и҃.

Дѣ́ло, вопреки` постановле́нiямъ церкѡ́внымъ, и҆ пра́виламъ ст҃ы́хъ а҆по́стѡлъ, нововводи́мое, и҆ посяга́ющее на свобо́дꙋ всѣ́хъ, возвѣсти́лъ бг҃олюбе́знѣйшiй соепíскопъ ригíнъ, и҆ сꙋ́щiе съ ни́мъ благоговѣ́йнѣйшiе є҆пíскопы кѵ́прскiя ѻ҆́бласти, зинѡ́нъ и҆ є҆ѵа́грiй. Чегѡ` ра́ди, поне́же ѻ҆бще́ствєнныя болѣ́зни тре́бꙋютъ сильнѣ́йшагѡ врачевства`, ꙗ҆́кѡ бо́льшiй вре́дъ принося́щыя, и҆ наипа́че, а҆́ще и҆ дре́внягѡ ѻ҆быкнове́нiя не бы́ло, что́бы є҆пíскопъ гра́да а҆нтiохíи соверша́лъ поставлє́нiя въ кѵ́прѣ, ка́къ пи́сьменнѡ и҆ слове́снѡ возвѣсти́ли на́мъ благоговѣ́йнѣйшiе мꙋ́жи, къ свято́мꙋ собо́рꙋ прише́дшiе: то нача́льствꙋющiе во святы́хъ кѵ́прскихъ це́рквахъ да и҆мѣ́ютъ свобо́дꙋ, без̾ притяза́нiя къ ни́мъ, и҆ без̾ стѣсне́нiя и҆́хъ, по пра́виламъ святы́хъ ѻ҆тє́цъ, и҆ по дре́внемꙋ ѻ҆быкнове́нiю, са́ми собо́ю соверша́ти поставле́нiе благоговѣ́йнѣйшихъ є҆пíскопѡвъ. То́ же да соблюда́ется и҆ въ и҆ны́хъ ѻ҆́бластяхъ, и҆ повсю́дꙋ въ є҆па́рхiяхъ: дабы` никто` и҆з̾ бг҃олюбе́знѣйшихъ є҆пíскопѡвъ не простира́лъ вла́сти на и҆нꙋ́ю є҆па́рхiю, кото́рая пре́жде и҆ снача́ла не была` под̾ рꙋко́ю є҆гѡ`, и҆ли` є҆гѡ` предше́ственникѡвъ: но а҆́ще кто` просте́ръ, и҆ наси́льственнѡ какꙋ́ю є҆па́рхiю себѣ` подчини́лъ, да ̾ѿда́стъ ѻ҆́нꙋю: да не престꙋпа́ются пра̑вила ѻ҆тє́цъ: да не вкра́дывается, под̾ ви́домъ священнодѣ́йствiя, надме́нность вла́сти мiрскíя: и҆ да не ѹ҆тра́тимъ по ма́лꙋ, непримѣ́тнѡ, тоя` свобо́ды, кото́рꙋю дарова́лъ на́мъ кро́вiю свое́ю гд҃ⷭ҇ь на́шъ i҆и҃съ хр҃ⷭ҇то́съ, ѡ҆свободи́тель всѣ́хъ человѣ́кѡвъ. И҆ та́къ свято́мꙋ и҆ вселе́нскомꙋ собо́рꙋ ѹ҆го́дно, что́бы вся́кая є҆па́рхiя сохраня́ла въ чистотѣ`, и҆ без̾ стѣсне́нiя, (с. м҃ѳ) снача́ла принадлежа́щыя є҆́й права`, по ѻ҆бы́чаю и҆здре́вле ѹ҆тверди́вшемꙋся. Ка́ждый митрополíтъ, для своегѡ` ѹ҆достовѣре́нiя, мо́жетъ невозбра́ннѡ взя́ти спи́сокъ съ сегѡ` постановле́нiя. А҆́ще же кто` предло́житъ постановле́нiе проти́вное томꙋ`, что` ны́нѣ ѡ҆предѣлено`: ѹ҆го́дно всемꙋ` свято́мꙋ и҆ вселе́нскомꙋ собо́рꙋ, да бꙋ́детъ ѻ҆но` недѣйстви́тельно.

(с. н҃)

ПОСЛА́НIЕ

тогѡ́ же ст҃а́гѡ вселе́нскагѡ тре́тiягѡ собо́ра

къ свяще́нномꙋ собо́рꙋ памфѷлíйскомꙋ ѡ҆ є҆ѵста́ѳiи, бы́вшемъ и҆́хъ митрополíтѣ.

Поне́же бг҃одꙋхнове́нное писа́нiе глаго́летъ: съ совѣ́томъ все` твори`{При́тч. гл. л҃а, ст. д҃.}: то наипа́че полꙋчи́вшымъ жре́бiй свяще́ннагѡ слꙋже́нiя подоба́етъ со вся́кою то́чностiю твори́ти разсмотре́нiе ѡ҆ все́мъ, что` дѣ́лати до́лжно. И҆́бо съ жела́ющими та́кѡ провожда́ти жи́знь свою` послѣ́дꙋетъ то`, что` ѻ҆ни` ѡ҆брѣта́ются въ благонаде́жномъ положе́нiи, и҆ ꙗ҆́кѡ попꙋ́тнымъ вѣ́тромъ несꙋ́тся, по направле́нiю жела́нiй. Сло́во сiе` весьма` правдоподо́бно. И҆ногда́ же быва́етъ, что` го́рькая и҆ несно́сная ско́рбь, нале́гши на ѹ҆́мъ, си́льнѡ возмꙋща́етъ ѻ҆́ный, ѹ҆клоня́етъ ̾ѿ стремле́нiя къ до́лжномꙋ, и҆ располага́етъ, а҆́ки бы на нѣ́что поле́зное, взира́ти на неблагопрiя́тное по сꙋществꙋ` своемꙋ`. Нѣ́что таково́е ѹ҆смотрѣ́ли мы` приключи́вшееся благоговѣ́йнѣйшемꙋ и҆ благочести́вѣйшемꙋ є҆пíскопꙋ є҆ѵста́ѳiю. Ѻ҆́нъ рꙋкоположе́нъ, ка́къ засвидѣ́тельствовано, по пра́виламъ церкѡ́внымъ. Бы́въ же нѣ́которыми смꙋще́нъ, ка́къ ска́зываетъ, и҆ подве́ргшися неѡжи̑даннымъ ѡ҆б(с. н҃а)стоя́тельствамъ, пото́мъ, по причи́нѣ и҆зли́шнiя недѣ́ятельности, ѹ҆томле́нный борьбо́ю съ ѡ҆бремени́вшими є҆го` забо́тами, и҆ не возмо́гшiй ̾ѿрази́ти нарека́нiя проти́вникѡвъ свои́хъ, не вѣ́даемъ ка́кѡ, предста́вилъ пи́сменное ̾ѿрече́нiе ̾ѿ своея` є҆па́рхiи. И҆́бо є҆мꙋ`, ꙗ҆́кѡ є҆ди́ножды прiя́вшемꙋ на себя` священнонача́льственное попече́нiе, подоба́ло ѹ҆де́рживати ѻ҆́ное съ дꙋхо́вною крѣ́постiю, ка́къ бы воѡрꙋжа́тися на трꙋды`, и҆ ѻ҆хо́тнѡ преноси́ти по́тъ, ѡ҆бѣща́ющiй воздая́нiе. А҆ поне́же показа́лъ ѻ҆́нъ себя` є҆ди́ножды нетща́тельнымъ, хотя` сiе` произошло` съ ни́мъ бо́лѣе по недѣ́ятельности, не́жели по нерадѣ́нiю и҆ лѣ́ности: то ва́ше благоче́стiе по неѡбходи́мости рꙋкоположи́ли благоговѣ́йнѣйшаго и҆ благочести́вѣйшаго бра́та на́шего и҆ соепíскопа ѳео́дѡра, для ѹ҆правле́нiя це́рковiю: и҆́бо не слѣ́довало є҆́й вдо́вствовати, и҆ без̾ предстоя́теля бы́ти сп҃си́телевꙋ ста́дꙋ. Но поне́же прише́лъ ѻ҆́нъ со слеза́ми, не гра́дъ, ниже` це́рковь ѡ҆спо́ривая ѹ҆ вышерече́ннагѡ благочести́вѣйшагѡ є҆пíскопа ѳео́дѡра, но прося` то́кмѡ че́сти и҆ и҆менова́нiя є҆пíскопскагѡ: то всѣ` мы` возсоболѣ́зновали ѡ҆ ста́рцѣ се́мъ, и҆ почита́я сле́зы є҆гѡ` ѻ҆́бщими всѣ́мъ на́мъ, поспѣши́ли ѹ҆вѣ́дати, подве́ргся ли ѻ҆́нъ зако́нномꙋ и҆зверже́нiю, и҆ли` то́кмѡ въ нѣ́которыхъ неꙋмѣ́стныхъ постꙋ́пкахъ ѡ҆блича́емь бы́лъ нѣ́кими людьми`. помрачи́вшими є҆гѡ` до́брꙋю сла́вꙋ. И҆ мы` ѹ҆вѣ́дали, ꙗ҆́кѡ ничегѡ` такова́гѡ и҆́мъ не содѣ́лано, а҆ наипа́че въ винꙋ` є҆мꙋ` поста́влено ̾ѿрече́нiе ̾ѿ є҆па́рхiи. Чегѡ` ра́ди не ѹ҆коря́емъ и҆ ва́ше благоче́стiе, до́лжнымъ ѻ҆́бразомъ поста́вившее на є҆гѡ` мѣ́сто вышерече́ннаго благоговѣ́йнѣйшаго є҆пíскопа ѳео́дѡра. Но поне́же не подоба́етъ мно́гѡ порица́ти недѣ́ятельность сегѡ` мꙋ́жа, па́че же надлежа́ло (с. н҃в) поми́ловати ста́рца, внѣ` гра́да, въ кото́ромъ роди́лся, и҆ внѣ` ѻ҆те́ческагѡ жили́ща сто́ль до́лгое вре́мя пребы́вшаго: пра́веднѡ сꙋди́ли мы`, и҆ ѡ҆предѣли́ли: без̾ вся́кагѡ прекосло́вiя и҆мѣ́ти є҆мꙋ` и҆́мя, и҆ че́сть є҆пíскопа, и҆ ѡ҆бще́нiе: съ тѣ́мъ то́кмѡ, что́бы ѻ҆́нъ не рꙋкополага́лъ, не занима́лъ це́ркви, и҆ самовла́стнѡ не священнодѣ́йствовалъ: но ра́звѣ когда` и҆ли` пригласи́тъ съ собо́ю, и҆ли`, а҆́ще слꙋчи́тся, позво́литъ є҆мꙋ` бра́тъ и҆ соепíскопъ, по благорасположе́нiю, и҆ любви` во хр҃ⷭ҇тѣ`. А҆́ще же поло́жите ѡ҆ не́мъ како́й бо́лѣе благоскло́нный совѣ́тъ, ны́нѣ и҆ли` посе́мъ: то и҆ сiе` ѹ҆го́дно бꙋ́детъ свято́мꙋ собо́рꙋ.

(с. н҃г)

ПРА̑ВИЛА

СВЯТА́ГѠ ВСЕЛЕ́НСКАГѠ ЧЕТВЕ́РТАГѠ СОБО́РА, ХАЛКИДО́НСКАГѠ.

ПРА́ВИЛО а҃.

Ѿ святы́хъ ѻ҆тє́цъ, на ка́ждомъ собо́рѣ, доны́нѣ и҆зло́женныя пра̑вила соблюда́ти призна́ли мы` справедли́вымъ.

ПРА́ВИЛО в҃.

А҆́ще кото́рый є҆пíскопъ за де́ньги рꙋкоположе́нiе ѹ҆чини́тъ, и҆ непродае́мꙋю благода́ть ѡ҆брати́тъ въ прода́жꙋ, и҆ за де́ньги поста́витъ є҆пíскопа, и҆ли` хѡрепíскопа, и҆ли` пресвѵ́тера, и҆ли` дiа́кона, и҆ли` и҆на́го ко́его ̾ѿ чи́слящихся въ кли́рѣ, и҆ли` произведе́тъ за де́ньги во i҆коно́ма, и҆ли` є҆кдíка{ Є҆кдíкъ зна́читъ застꙋ́пникъ. До́лжность є҆гѡ` была` хода́тайствовать пред̾ нача́льствами и҆ сꙋда́ми, по дѣла́мъ церкѡ́внымъ, за бѣ́дныхъ и҆ стра́ждꙋщихъ ̾ѿ несправедли́вости.} и҆ли` парамона́рiа{Парамона́рiй зна́читъ приста́вникъ. До́лжность є҆гѡ` была` без̾ѿлꙋ́чнѡ находи́ться при свяще́нныхъ мѣста́хъ, для ѡ҆хране́нiя и҆ для ѹ҆до́бства приходя́щихъ. И҆з̾ сегѡ` сокращено` ны́нѣшнее и҆́мя: понома́рь.}, и҆ли` воѻбще` въ какꙋ́ю либо церко́внꙋю до́лжность, ра́ди гнꙋ́снагѡ прибы́тка своегѡ`: таковы́й бы́въ ѡ҆бличе́нъ, ꙗ҆́кѡ на сiе` покꙋси́лся, да бꙋ́детъ подве́рженъ лише́нiю со́бственнагѡ сте́пени: и҆ поста́вленный и҆́мъ ̾ѿню́дь да не по́льзꙋется кꙋ́пленнымъ (с. н҃д) рꙋкоположе́нiемъ, и҆ли` произво́дствомъ: но да бꙋ́детъ чꙋ́ждъ досто́инства, и҆ли` до́лжности, котѡ́рыя полꙋчи́лъ за де́ньги. А҆́ще же ꙗ҆́вится кто` и҆ посре́дствꙋющимъ въ толи́кѡ гнꙋ́сномъ и҆ беззако́нномъ мздопрiя́тiи: то и҆ се́й, а҆́ще є҆́сть и҆з̾ кли́ра, да бꙋ́детъ низве́рженъ со своегѡ` сте́пени: а҆́ще же мiряни́нъ, и҆ли` мона́шествꙋющiй, да бꙋ́детъ пре́данъ а҆на́ѳемѣ.

ПРА́ВИЛО г҃.

Дошло` до свята́гѡ собо́ра, что` нѣ́которые и҆з̾ принадлежа́щихъ къ кли́рꙋ, ра́ди гнꙋ́снагѡ прибы́тка, берꙋ́тъ на ̾ѿкꙋ́пъ чꙋжíя и҆мѣ̑нiя, и҆ ѹ҆строя́ютъ мiрскíя дѣла`, ѡ҆ бж҃iемъ слꙋже́нiи небрегꙋ́тъ, а҆ по дома́мъ мiрски́хъ люде́й скита́ются, и҆ порꙋчє́нiя по и҆мѣ́нiямъ прiе́млютъ, и҆з̾ сребролю́бiя. Посемꙋ` ѡ҆предѣли́лъ святы́й и҆ вели́кiй собо́ръ. что́бы впре́дь никто`, ни є҆пíскопъ, ни кли́рiкъ, ни мона́шествꙋющiй, не бра́лъ на ̾ѿкꙋ́пъ и҆мѣ́нiй, и҆ въ распоряже́нiе мiрски́ми дѣла́ми не встꙋпа́лъ: ра́звѣ то́кмѡ по зако́намъ при́званъ бꙋ́детъ къ неизбѣ́жномꙋ попечи́тельствꙋ над̾ малолѣ́тными, и҆ли` є҆пíскопъ гра́да порꙋ́читъ комꙋ` и҆мѣ́ть попече́нiе ѡ҆ церко́вныхъ дѣла́хъ, и҆ли` ѡ҆ сирота́хъ, и҆ вдова́хъ безпомо́щныхъ, и҆ ѡ҆ ли́цахъ, котѡ́рымъ ѻ҆со́беннѡ нꙋ́жно ѡ҆каза́ть церко́внꙋю по́мощь, ра́ди стра́ха бж҃iя. А҆́ще же кто` впре́дь дерзне́тъ престꙋпи́ти сiе` ѡ҆предѣле́нiе: таковы́й да бꙋ́детъ подве́ргнꙋтъ церко́вномꙋ наказа́нiю.

ПРА́ВИЛО д҃.

И҆́стиннѡ и҆ и҆́скреннѣ проходя́щiе мона́шеское житiе` да ѹ҆досто́иваются прили́чныя че́сти. Но поели́кꙋ нѣ́которые, для ви́да ѹ҆потребля́я ѻ҆де́ждꙋ мона́шескꙋю, разстро́иваютъ цр҃кви и҆ гражда́нскiя дѣ́ла, по произво́лꙋ ходя` по града́мъ, и҆ да́же монастыри` са́ми (с. н҃є) для себя` составля́ти покꙋша́ются: то разсꙋждено`, что́бы никто` нигдѣ` не созида́лъ, и҆ не ѡ҆сно́вывалъ монастыря`, и҆ли` моли́твеннагѡ до́ма, без̾ соизволе́нiя є҆пíскопа гра́да. Мона́шествꙋющiе же, въ ка́ждомъ гра́дѣ и҆ странѣ`, да бꙋ́дꙋтъ въ подчине́нiи ѹ҆ є҆пíскопа, да соблюда́ютъ безмо́лвiе, да прилежа́тъ то́кмѡ постꙋ` и҆ моли́твѣ, без̾ѿлꙋ́чнѡ пребыва́я въ тѣ́хъ мѣста́хъ, въ кото́рыхъ ̾ѿрекли́сь ̾ѿ мíра, да не вмѣ́шиваются ни въ церкѡ́вныя, ни въ житє́йскiя дѣла`, и҆ да не прiе́млютъ въ ни́хъ ѹ҆ча́стiя, ѡ҆ставля́я свои` монастыри`: ра́звѣ то́кмѡ когда` бꙋ́детъ сiе` позво́лено є҆пíскопомъ гра́да, по неѡбходи́мой на́добности. Да не прiе́млется та́кже въ монастыря́хъ въ мона́шество никако́й ра́бъ, без̾ во́ли господи́на є҆гѡ`. Престꙋпа́ющемꙋ же сiе` на́ше ѡ҆предѣле́нiе, ѡ҆предѣли́ли мы` бы́ти чꙋ́ждымъ ѡ҆бще́нiя церко́внагѡ, да не хꙋ́лится и҆́мя бж҃iе. Впро́чемъ є҆пíскопꙋ гра́да надлежи́тъ и҆мѣ́ти ѡ҆ монастыря́хъ до́лжное попече́нiе.

ПРА́ВИЛО є҃.

Ѡ҆ є҆пíскопахъ, и҆ли` кли́рiкахъ, преходя́щихъ и҆з̾ гра́да во гра́дъ, разсꙋждено`, что́бы положє́нныя святы́ми ѻ҆тца́ми пра́вила пребыва́ли во свое́й си́лѣ.

ПРА́ВИЛО ѕ҃.

Рѣши́тельнѡ никого`, ни во пресвѵ́тера, ни во дiа́кона, ниже` въ какꙋ́ю сте́пень церко́внагѡ чи́на, не рꙋкополага́ти и҆на́че, ка́къ съ назначе́нiемъ рꙋкополага́емагѡ и҆́меннѡ къ це́ркви гра́дской, и҆ли` се́льской, и҆ли` къ мꙋ́ченическомꙋ хра́мꙋ, и҆ли` къ монастырю`. Ѡ҆ рꙋкополага́емыхъ же без̾ то́чнагѡ назначе́нiя, святы́й собо́ръ ѡ҆предѣли́лъ: поставле́нiе и҆́хъ почита́ти недѣйстви́тельнымъ, и҆ нигдѣ` не допꙋска́ти и҆`хъ до слꙋже́нiя, къ посрамле́нiю поста́вившагѡ и҆`хъ.

(с. н҃ѕ)

ПРА́ВИЛО з҃.

Вчинє́ннымъ є҆ди́ножды въ кли́ръ и҆ мона́хамъ, ѡ҆предѣли́ли мы` не встꙋпа́ти ни въ во́инскꙋю слꙋ́жбꙋ, ни въ мiрскíй чи́нъ: и҆на́че дерзнꙋ́вшихъ на сiе`, и҆ не возвраща́ющихся съ раска́янiемъ къ томꙋ`, что` пре́жде и҆збра́ли для бг҃а, предава́ти а҆на́ѳемѣ.

ПРА́ВИЛО и҃.

Кли́рiки при богадѣ́льняхъ, монастыря́хъ и҆ хра́махъ мꙋ́ченическихъ, да пребыва́ютъ, по преда́нiю святы́хъ ѻ҆тє́цъ, под̾ вла́стiю є҆пíскопѡвъ ка́ждагѡ гра́да, и҆ да не и҆сторга́ются, по де́рзости, и҆з̾ под̾ ѹ҆правле́нiя своегѡ` є҆пíскопа. А҆ дерза́ющiе нарꙋша́ти сiе` постановле́нiе, каки́мъ бы то` ни бы́ло ѻ҆́бразомъ, и҆ неподчиня́ющiеся своемꙋ` є҆пíскопꙋ, а҆́ще бꙋ́дꙋтъ кли́рiки, да подлежа́тъ наказа́нiямъ по пра́виламъ: а҆́ще же мона́шествꙋющiе, и҆ли` мiря́не, да бꙋ́дꙋтъ ̾ѿлꙋчены` ̾ѿ ѡ҆бще́нiя церко́внагѡ.

ПРА́ВИЛО ѳ҃.

А҆́ще кото́рый кли́рiкъ съ кли́рiкомъ же и҆мѣ́етъ сꙋ́дное дѣ́ло: да не ѡ҆ставля́етъ своегѡ` є҆пíскопа, и҆ да не перебѣга́етъ къ свѣ́тскимъ сꙋди́лищамъ. Но сперва` да произво́дитъ свое` дѣ́ло ѹ҆ своегѡ` є҆пíскопа, и҆ли`, по и҆зволе́нiю тогѡ́же є҆пíскопа, и҆́збранные ѻ҆бѣ́ими сторона́ми да соста́вятъ сꙋ́дъ. А҆ кто` вопреки` семꙋ` постꙋ́питъ: да подлежи́тъ наказа́нiямъ по пра́виламъ. А҆́ще же кли́рiкъ со свои́мъ, и҆ли` со и҆ны́мъ є҆пíскопомъ и҆мѣ́етъ сꙋ́дное дѣ́ло: да сꙋ́дится въ ѻ҆́бластномъ собо́рѣ. А҆́ще же на митрополíта ѻ҆́бласти є҆пíскопъ, и҆ли` кли́рiкъ, и҆мѣ́етъ неꙋдово́льствiе: да ѡ҆браща́ется и҆ли` къ є҆ѯа́рхꙋ вели́кiя ѻ҆́бласти, и҆ли` къ престо́лꙋ ца́рствꙋющагѡ кѡнстантiнопо́ля, и҆ пред̾ ни́мъ да сꙋ́дится.

(с. н҃з)

ПРА́ВИЛО _i҃.

Не дозволя́ется кли́рiкꙋ въ ѻ҆дно` и҆ то́жде вре́мя чи́слитися въ це́рквахъ двꙋ́хъ градѡ́въ, си́рѣчь въ то́й, къ кото́рой ѻ҆́нъ нача́льнѡ рꙋкоположе́нъ, и҆ въ то́й, къ кото́рой переше́лъ, ꙗ҆́кѡ бо́льшей, и҆з̾ жела́нiя сꙋ́етной сла́вы. Творя́щихъ же сiе` возвраща́ти къ со́бственной и҆́хъ це́ркви, къ кото́рой нача́льнѡ рꙋкополо́жены, и҆ та́мъ то́кмѡ и҆`мъ слꙋжи́ти. А҆́ще же кто` ̾ѿ ѻ҆дно́й це́ркви въ дрꙋгꙋ́ю преведе́нъ: таковы́й да не и҆мѣ́етъ никако́гѡ ѹ҆ча́стiя въ принадлежа́щемъ пре́жней це́ркви, ка́къ-то, въ зави́сящихъ ̾ѿ нея` мꙋ́ченическихъ хра́махъ, и҆ли` въ богадѣ́льняхъ, и҆ли` въ страннопрiи́мныхъ дома́хъ. А҆ дерза́ющихъ, по́слѣ ѡ҆предѣле́нiя сегѡ` вели́кагѡ и҆ вселе́нскагѡ собо́ра, дѣ́лати что́ либо ны́нѣ воспреща́емое, святы́й собо́ръ ѡ҆предѣли́лъ низлага́ти съ и҆́хъ сте́пени.

ПРА́ВИЛО а҃_i.

Всѣ́мъ ѹ҆бѡ́гимъ, и҆ вспоможе́нiя тре́бꙋющымъ, ѡ҆предѣли́ли мы`, по ѹ҆достовѣре́нiи въ и҆́хъ бѣ́дности, ходи́ти съ ми́рными то́кмѡ церко́вными пи́смами, а҆ не съ представи́тельными гра́матами. Поне́же представи́тєльныя гра̑маты надлежи́тъ дава́ти то́кмѡ ли́цамъ, находя́щымся под̾ сомнѣ́нiемъ.

ПРА́ВИЛО в҃_i.

Дошло` до на́съ, ꙗ҆́кѡ нѣ́кiе, вопреки` церко́внымъ постановле́нiямъ, прибѣ́гнꙋвъ ко властя́мъ, посре́дствомъ прагматíческихъ гра́матъ, є҆ди́нꙋю ѻ҆́бласть на двѣ` разсѣ́кли, ꙗ҆́кѡ бы́ти ̾ѿ сегѡ` во є҆ди́ной ѻ҆́бласти двꙋ́мъ митрополíтамъ. Посемꙋ` ѡ҆предѣли́лъ святы́й собо́ръ, да ничто` таково́е твори́ти впре́дь не дерза́етъ є҆пíскопъ. И҆́бо покꙋси́вшiйся на то` низве́рженъ бꙋ́детъ со своегѡ` сте́пени. Гра́дъ же, кото́рый по ца́рскимъ (с. н҃и) гра́матамъ почте́нъ и҆менова́нiемъ митропо́лiи, є҆ди́ною че́стiю да дово́льствꙋется, та́къ ка́къ и҆ є҆пíскопъ ѹ҆правля́ющiй є҆гѡ` це́рковiю, съ сохране́нiемъ со́бственныхъ пра́въ и҆́стинной митропо́лiи.

ПРА́ВИЛО г҃_i.

Кли́рiкамъ чꙋжы́мъ и҆ незна́ємымъ въ дрꙋго́мъ гра́дѣ, без̾ представи́тельной гра́маты со́бственнагѡ и҆́хъ є҆п҃ⷭ҇кпа, ̾ѿню́дь нигдѣ` не слꙋжи́ти.

ПРА́ВИЛО д҃_i.

Поне́же въ нѣ́которыхъ є҆па́рхiяхъ позво́лено чтеца́мъ и҆ пѣвца́мъ встꙋпа́ти въ бра́къ: то ѡ҆предѣли́лъ святы́й собо́ръ, что́бы никомꙋ` и҆з̾ ни́хъ не бы́ло позво́лено бра́ти себѣ` въ женꙋ` и҆новѣ́рнꙋю: что́бы роди́вшiе ѹ҆же` дѣте́й ̾ѿ такова́гѡ бра́ка, и҆ пре́жде сегѡ` ѹ҆же` крести́вшiе и҆`хъ ѹ҆ є҆ретiкѡ́въ, приводи́ли и҆`хъ къ ѡ҆бще́нiю съ каѳолíческою це́рковiю: а҆ не крести́вшiе не могли` крести́ти и҆`хъ ѹ҆ є҆ретiкѡ́въ, ни совокꙋпля́ти бра́комъ съ є҆ретiко́мъ, и҆ли` i҆ꙋде́емъ, и҆ли` ꙗ҆зы́чникомъ: ра́звѣ въ тако́мъ то́кмѡ слꙋ́чаѣ, когда` лице`, сочетава́ющееся съ правосла́внымъ лице́мъ, ѡ҆бѣща́етъ прейти` въ правосла́внꙋю вѣ́рꙋ. А҆ кто` престꙋ́питъ сiе` ѡ҆предѣле́нiе ст҃а́гѡ собо́ра: то́тъ да подлежи́тъ є҆пiтiмiи` по пра́виламъ.

ПРА́ВИЛО є҃_i.

Въ дiаконíссы поставля́ти женꙋ`, не пре́жде четы́редесяти лѣ́тъ во́зраста, и҆ прито́мъ по тща́тельномъ и҆спыта́нiи. А҆́ще же прiя́вши рꙋкоположе́нiе, и҆ пребы́вши нѣ́которое вре́мя въ слꙋже́нiи, встꙋ́питъ въ бра́къ: такова́я, ка́къ ѡ҆скорби́вшая благода́ть бж҃iю, да бꙋ́детъ предана` а҆на́ѳемѣ, вмѣ́стѣ съ тѣ́мъ, кто` совокꙋпи́лся съ не́ю.

ПРА́ВИЛО ѕ҃_i.

Дѣ́вѣ, посвяти́вшей себя` гд҃ⷭ҇ꙋ бг҃ꙋ, ра́внѡ и҆ мона́ше(с. н҃ѳ)ствꙋющымъ, не позволя́ется встꙋпа́ти въ бра́къ. А҆́ще же ѡ҆брѣтꙋ́тся творя́щiи сiе`: да бꙋ́дꙋтъ лишены` ѡ҆бще́нiя церко́внагѡ. Впро́чемъ ѡ҆предѣли́ли мы` мѣ́стномꙋ є҆пíскопꙋ и҆мѣ́ти по́лнꙋю вла́сть въ ѡ҆каза́нiи таковы̑мъ человѣколю́бiя.

ПРА́ВИЛО з҃_i.

По ка́ждой є҆па́рхiи, въ се́лахъ, и҆ли` предгра́дiяхъ сꙋ́щiе прихо́ды, должны` неизмѣ́ннѡ пребыва́ти под̾ вла́стiю завѣ́дывающихъ ѻ҆́ными є҆пíскопѡвъ: и҆ наипа́че, а҆́ще, въ продолже́нiй три́десяти лѣ́тъ, безспо́рнѡ и҆мѣ́ли ѻ҆́ные въ свое́мъ вѣ́дѣнiи и҆ ѹ҆правле́нiи. А҆́ще же не да́лѣе три́десяти лѣ́тъ бы́лъ, и҆ли` бꙋ́детъ ѡ҆ ни́хъ како́й спо́ръ: то да бꙋ́детъ позво́лено почита́ющымъ себя` ѡ҆би́женными, нача́ти ѡ҆ то́мъ дѣ́ло пред̾ ѻ҆бластны́мъ собо́ромъ. А҆́ще же кто` бꙋ́детъ ѡ҆би́женъ ̾ѿ своегѡ` митрополíта: да сꙋ́дится пред̾ є҆ѯа́рхомъ вели́кiя ѻ҆́бласти, и҆ли` пред̾ кѡнстантiнопо́льскимъ престо́ломъ, ꙗ҆́коже рече́но вы́ше. Но а҆́ще ца́рскою вла́стiю вно́вь ѹ҆стро́енъ, и҆ли` впре́дь ѹ҆стро́енъ бꙋ́детъ гра́дъ: то распредѣле́нiе церко́вныхъ прихо́дѡвъ да послѣ́дꙋетъ гражда́нскомꙋ и҆ зе́мскомꙋ поря́дкꙋ.

ПРА́ВИЛО и҃_i.

Соꙋмы́шленiе, и҆ли` составле́нiе ско́пища, а҆́ки престꙋпле́нiе, соверше́ннѡ воспрещено` и҆ внѣ́шними зако́нами: кольми` па́че до́лжно возбраня́ти въ цр҃кви бж҃iей, дабы` сегѡ` не бы́ло. А҆́ще ѹ҆́бѡ нѣ́кiе и҆з̾ кли́ра, и҆ли` мона́шествꙋющiе ѡ҆ка́жꙋтся ѡ҆бязꙋ́ющими дрꙋ́гъ дрꙋ́га кля́твою, и҆ли` стро́ющими ко́вы є҆пíскопамъ, ли́бо свои́мъ соприче́тникамъ: совсѣ́мъ да бꙋ́дꙋтъ низве́ржены со своегѡ` сте́пени.

ПРА́ВИЛО ѳ҃_i.

Дошло` до слꙋ́ха на́шегѡ, что` въ ѻ҆бластя́хъ не быва́етъ, ѹ҆становле́нныхъ пра́(с. ѯ҃)вилами, собо́рѡвъ є҆пíскопѡвъ, и҆ ̾ѿ сегѡ` мно́гiя церко́вныя дѣла`, тре́бꙋющыя и҆справле́нiя, ѡ҆стаю́тся въ небреже́нiи. Посемꙋ` ѡ҆предѣли́лъ святы́й собо́ръ, согла́снѡ съ пра́вилами святы́хъ ѻ҆тє́цъ, что́бы въ ка́ждой ѻ҆́бласти є҆пíскопы два́жды въ годꙋ` собира́лися во є҆ди́но, гдѣ` назна́читъ є҆пíскопъ митропо́лiи, и҆ и҆справля́ли все`, что` ̾ѿкро́ется. А҆ є҆пíскопамъ, кото́рые не прiи́дꙋтъ на собо́ръ, хотя` нахо́дятся въ свои́хъ гра́дахъ, и҆ прито́мъ пребыва́ютъ въ здра́вiи, и҆ свобо́дны ̾ѿ вся́кагѡ неѡбходи́магѡ и҆ не̾ѿло́жнагѡ заня́тiя, братолю́бнѡ сказа́ти сло́во преще́нiя.

ПРА́ВИЛО к҃.

Кли́рiкамъ, ѡ҆предѣле́ннымъ къ це́ркви, не позволи́тельно, ка́къ ѹ҆же` мы` постанови́ли, ѡ҆предѣля́тися къ це́ркви и҆на́гѡ гра́да: но должны` бы́ти дово́льными то́ю, въ кото́рой нача́льнѡ ѹ҆досто́ены слꙋже́нiя, за и҆сключе́нiемъ тѣ́хъ то́кмѡ, ко́и, лиша́сь ѻ҆те́чества своегѡ`, по нꙋ́ждѣ прешли` въ дрꙋгꙋ́ю це́рковь. А҆́ще же кото́рый є҆пíскопъ, по́слѣ ѡ҆предѣле́нiя сегѡ`, прiи́метъ кли́рiка принадлежа́щаго дрꙋго́мꙋ є҆пíскопꙋ: то сꙋждено` на́ми бы́ти внѣ` ѡ҆бще́нiя церко́внагѡ и҆ прiя́томꙋ, и҆ прiя́вшемꙋ, доко́лѣ переше́дшiй кли́рiкъ не возврати́тся во свою` це́рковь.

ПРА́ВИЛО к҃а.

Ѿ кли́рiкѡвъ, и҆ли` мiря́нъ, донося́щихъ на є҆пíскопѡвъ, и҆ли` на кли́рiкѡвъ, не принима́ти доно́са про́стѡ и҆ без̾ и҆зслѣ́дованiя: но предвари́тельнѡ и҆звѣ́дывати ѻ҆бще́ственное ѡ҆ ни́хъ мнѣ́нiе.

ПРА́ВИЛО к҃в.

Не позволя́ется кли́рiкамъ, по сме́рти своегѡ` є҆пíскопа расхища́ти вє́щи є҆мꙋ` принадлежа́вшыя, ка́къ сiе` воспрещено` и҆ дре́вними пра́вилами{А҆по́ст. пра́в. м҃.}. Творя́щiи же (с. ѯ҃а) сiе` подверга́ются ѻ҆па́сности низложе́нными бы́ти со своегѡ` сте́пени.

ПРА́ВИЛО к҃г.

Дошло` до слꙋ́ха свята́гѡ собо́ра, что` нѣ́которые и҆з̾ кли́ра и҆ мона́шествꙋющiе, не и҆мѣ́я никаки́хъ порꙋче́нiй ̾ѿ своегѡ` є҆пíскопа, а҆ и҆ны́е, да́же бы́въ ̾ѿлꙋчены` и҆́мъ ̾ѿ ѡ҆бще́нiя церко́внагѡ, прихо́дятъ въ ца́рствꙋющiй гра́дъ кѡнстантiнопо́ль, и҆ въ ѻ҆́номъ до́лгѡ жи́тельствꙋютъ, творя` смятє́нiя, и҆ нарꙋша́я церко́вное ѹ҆стро́йство, и҆ да́же до́мы нѣ́которыхъ разстро́иваютъ. Тогѡ` ра́ди ѡ҆предѣли́лъ святы́й собо́ръ: во пе́рвыхъ, посре́дствомъ є҆кдíка святѣ́йшiя кѡнстантiнопо́льскiя цр҃кви, напомина́ти и҆`мъ, да ѹ҆даля́тся и҆з̾ ца́рствꙋющагѡ гра́да. А҆́ще же безсты́днѡ продолжа́ти бꙋ́дꙋтъ тѣ́ же дѣла`: то ѹ҆даля́ти и҆`хъ и҆з̾ ѻ҆́нагѡ и҆ нево́лею, посре́дствомъ тогѡ́ же є҆кдíка, и҆ возвраща́ти къ свои́мъ мѣста́мъ.

ПРА́ВИЛО к҃д.

Є҆ди́ножды ѡ҆свящє́ннымъ, по и҆зволе́нiю є҆пíскопа, монастыря́мъ пребыва́ти монастыря́ми навсегда`: принадлежа́щыя и҆`мъ вє́щи сохраня́ти, и҆ впре́дь не бы́ти ѻ҆́нымъ мiрски́ми жили́щами. Попꙋска́ющiе же семꙋ` бы́ти, да подлежа́тъ наказа́нiямъ по пра́виламъ.

ПРА́ВИЛО к҃є.

Поели́кꙋ нѣ́которые митрополíты, ꙗ҆́коже на́мъ содѣ́лалось гла́снымъ, небрегꙋ́тъ ѡ҆ ввѣ́ренныхъ и҆`мъ па́ствахъ, и҆ ̾ѿлага́ютъ поставле́нiе є҆пíскопѡвъ: тогѡ` ра́ди ѡ҆предѣли́лъ святы́й собо́ръ, что́бы поставлє́нiя є҆пíскопѡвъ соверша́емы бы́ли въ продолже́нiи тре́хъ мѣ́сяцєвъ: ра́звѣ неизбѣ́жная нꙋ́жда заста́витъ продли́ти вре́мя ̾ѿлага́тельства. Не творя́щiй сегѡ` подлежи́тъ церко́вной є҆пiтiмiи`. Междꙋ` тѣ́мъ дохо́ды вдо́вствꙋющiя це́ркви (ѯ҃в) да сохраня́ются въ цѣ́лости и҆коно́момъ є҆я`.

ПРА́ВИЛО к҃ѕ.

Поели́кꙋ въ нѣ́которыхъ це́рквахъ, ꙗ҆́коже на́мъ содѣ́лалось гла́снымъ, є҆пíскопы ѹ҆правля́ютъ церко́внымъ и҆мꙋ́ществомъ без̾ и҆коно́мѡвъ: тогѡ` ра́ди разсꙋждено` вся́кой це́ркви, и҆мѣ́ющей є҆пíскопа, и҆мѣ́ти и҆з̾ со́бственнагѡ кли́ра и҆коно́ма, кото́рый бы распоряжа́лъ церко́внымъ и҆мꙋ́ществомъ, по во́лѣ своегѡ` є҆пíскопа: дабы` домострои́тельство церко́вное не без̾ свидѣ́телей бы́ло, дабы` ̾ѿ сегѡ` не расточа́лося є҆я` и҆мꙋ́щество, и҆ дабы` не па́дало нарека́нiя на свяще́нство. А҆́ще же кто` сегѡ` не ѹ҆чини́тъ: таковы́й пови́ненъ бж҃е́ственнымъ пра́виламъ.

ПРА́ВИЛО к҃з.

Похища́ющихъ же́нъ для сꙋпрꙋ́жества и҆ли` содѣ́йствꙋющихъ, и҆ли` соизволя́ющихъ похити́телямъ, святы́й собо́ръ ѡ҆предѣли́лъ: а҆́ще бꙋ́дꙋтъ кли́рiки, низлага́ти со сте́пени и҆́хъ: а҆́ще же мiря́не, предава́ти а҆на́ѳемѣ.

ПРА́ВИЛО к҃и.

Во все́мъ послѣ́дꙋя ѡ҆предѣле́нiямъ святы́хъ ѻ҆тє́цъ, и҆ признава́я чи́танное ны́нѣ пра́вило ста` пяти́десяти бг҃олюбе́знѣйшихъ є҆пíскопѡвъ, бы́вшихъ въ собо́рѣ во дни` благочести́выя па́мяти ѳеодо́сiя, въ ца́рствꙋющемъ гра́дѣ кѡнстантiнопо́лѣ, но́вомъ ри́мѣ, то́жде са́мое и҆ мы` ѡ҆предѣля́емъ и҆ постановля́емъ ѡ҆ преимꙋ́ществахъ святѣ́йшiя це́ркви тогѡ́жде кѡнстантiнопо́ля, но́вагѡ ри́ма. И҆́бо престо́лꙋ ве́тхагѡ ри́ма ѻ҆тцы` прили́чнѡ да́ли преимꙋ́щєства: поели́кꙋ то` бы́лъ ца́рствꙋющiй гра́дъ. Слѣ́дꙋя томꙋ́ же побꙋжде́нiю и҆ сто` пятьдеся́тъ бг҃олюбе́знѣйшiе є҆пíскопы, предоста́вили ра́вныя преимꙋ́щєства святѣ́йшемꙋ престо́лꙋ но́вагѡ ри́ма, пра́(с. ѯ҃г)веднѡ разсꙋди́въ, да гра́дъ, полꙋчи́вшiй че́сть бы́ти гра́домъ царя` и҆ сѷгкли́та, и҆ и҆мѣ́ющiй ра́вныя преимꙋ́щєства съ ве́тхимъ ца́рственнымъ ри́момъ, и҆ въ церко́вныхъ дѣла́хъ возвели́ченъ бꙋ́детъ подо́бнѡ томꙋ`, и҆ бꙋ́детъ вторы́й по не́мъ. Посемꙋ` то́кмѡ митрополíты ѻ҆́бластей, понтíйскiя, а҆сíйскiя и҆ ѳракíйскiя, и҆ та́кожде є҆пíскопы ѹ҆ и҆ноплеме́нникѡвъ вышерече́нныхъ ѻ҆́бластей, да поставля́ются ̾ѿ вышерече́ннагѡ святѣ́йшагѡ престо́ла святѣ́йшiя кѡнстантiнопо́льскiя цр҃кви: си́рѣчь, ка́ждый митрополíтъ вышепомя́нꙋтыхъ ѻ҆́бластей, съ є҆пíскопами ѻ҆́бласти, должны` поставля́ти є҆пархiа́льныхъ є҆пíскопѡвъ, ка́къ предпи́сано бж҃е́ственными пра́вилами. А҆ са́мые митрополíты вышеꙋпомя́нꙋтыхъ ѻ҆́бластей должны` поставля́емы бы́ти, ка́къ рече́но, кѡнстантiнопо́льскимъ а҆рхiепíскопомъ, по ѹ҆чине́нiи согла́снагѡ, по ѻ҆бы́чаю, и҆збра́нiя, и҆ по представле́нiи є҆мꙋ` ѻ҆́нагѡ.

ПРА́ВИЛО к҃ѳ.

Є҆пíскопа низводи́ти на пресвѵ́терскiй сте́пень є҆́сть святота́тство. А҆́ще же нѣ́кая пра́ведная вина` ̾ѿстраня́етъ є҆го` ̾ѿ є҆пíскопскагѡ дѣ́йства: то не до́лженъ ѻ҆́нъ занима́ти и҆ пресвѵ́терскагѡ мѣ́ста. Но а҆́ще без̾ вся́кiя вины` ̾ѿстране́нъ ̾ѿ своегѡ` досто́инства: то да бꙋ́детъ возстановле́нъ въ досто́инство є҆пíскопства.

ПРА́ВИЛО л҃.

Поели́кꙋ благоговѣ́йнѣйшiе є҆пíскопы є҆гѵ́петскiе ̾ѿложи́ли, въ настоя́щее вре́мя, подписа́ти посла́нiе святѣ́йшагѡ а҆рхiепíскопа льва`, не а҆́ки бы проти́вяся каѳолíческой вѣ́рѣ, но представля́я сꙋществꙋ́ющiй въ є҆гѵ́петской ѻ҆́бласти ѻ҆бы́чай, ничегѡ` такова́гѡ не дѣ́лати без̾ соизволе́нiя и҆ ѡ҆предѣле́нiя своегѡ` а҆рхiепíскопа, и҆ про́сятъ ̾ѿсро́чити и҆`мъ до поставле́нiя (с. ѯ҃д) бꙋ́дꙋщагѡ є҆пíскопа вели́кагѡ гра́да а҆леѯандрíи: тогѡ` ра́ди за пра́ведное и҆ человѣколю́бное дѣ́ло призна́ли мы`, ѡ҆ста́вити и҆`хъ въ свое́мъ са́нѣ въ ца́рствꙋющемъ гра́дѣ, и҆ да́ти и҆`мъ сро́чное вре́мя до поставле́нiя а҆рхiепíскопа вели́кагѡ гра́да а҆леѯандрíи. Посемꙋ`, пребыва́я въ свое́мъ са́нѣ, и҆ли` да предста́вятъ порꙋчи́телей, а҆́ще возмо́жно и҆`мъ сiе`, и҆ли` кля́твеннымъ ѡ҆бѣща́нiемъ да ̾ѿвратя́тъ сомнѣ́нiе.

(с. ѯ҃є)

Святы́е ѻ҆тцы` пя́тагѡ вселе́нскагѡ собо́ра, собра́вшiеся въ кѡнстантiнопо́лѣ преимꙋ́щественнѡ для ѹ҆твержде́нiя халкидо́нскагѡ вселе́нскагѡ четве́ртагѡ собо́ра, ѻ҆со́бенныхъ пра́вилъ, ̾ѿнося́щихся къ благочи́нiю церко́вномꙋ, не соста́вили, ка́къ сiе` ꙗ҆́вствꙋетъ и҆з̾ втора́гѡ пра́вила шеста́гѡ вселе́нскагѡ собо́ра, въ ко́емъ, при ѹ҆каза́нiи на пра̑вила про́чихъ святы́хъ собо́рѡвъ, ѡ҆ пра́вилахъ пя́тагѡ вселе́нскагѡ собо́ра не ѹ҆помина́ется.

(с. ѯ҃з)

ПРА̑ВИЛА СВЯТА́ГѠ ВСЕЛЕ́НСКАГѠ ШЕСТА́ГѠ СОБО́РА, КѠНСТАНТIНОПО́ЛЬСКАГѠ, И҆́ЖЕ ВЪ ТРꙊ́ЛЛѢ ЦА́РСКИХЪ ПАЛА́ТЪ.

ПРА́ВИЛО а҃.

При нача́тiи вся́кагѡ и҆ сло́ва и҆ дѣ́ла, наилꙋ́чшiй чи́нъ є҆́сть ̾ѿ бг҃а начина́ти, и҆ съ бг҃омъ ѡ҆ка́нчивати, по глаго́лꙋ бг҃осло́ва. Сегѡ` ра́ди и҆ ны́нѣ, когда` и҆ благоче́стiе на́ми ѹ҆же` ꙗ҆́снѡ проповѣ́дꙋется, и҆ цр҃ковь, въ кото́рой хр҃ⷭ҇то́съ положе́нъ ѡ҆снова́нiемъ, непреста́ннѡ возраста́етъ и҆ преꙋспѣва́етъ, та́къ что` па́че ке́дрѡвъ лiва́нскихъ возвыша́ется, полага́я нача́ло свяще́нныхъ слове́съ, бж҃iею благода́тiю ѡ҆предѣля́емъ: храни́ти неприкоснове́ннꙋ нововведе́нiямъ и҆ и҆змѣне́нiямъ вѣ́рꙋ, пре́даннꙋю на́мъ ̾ѿ самови́дцєвъ и҆ слꙋжи́телей сло́ва, бг҃оизбра́нныхъ а҆по́столѡвъ: є҆ще́ же и҆ ̾ѿ тре́хъ сѡ́тъ ѻ҆смьна́десяти ст҃ы́хъ и҆ бл҃же́нныхъ ѻ҆тє́цъ, при кѡнстантíнѣ царѣ` на́шемъ, на нечести́ваго а҆́рiа, и҆ на вы́мышленное и҆́мъ ꙗ҆зы́ческое и҆нобо́жiе, и҆ли`, сво́йственнѣе рещи`, многобо́жiе, въ нiке́и собра́вшихся, кото́рые є҆диномы́слiемъ вѣ́ры, є҆диносꙋ́щiе въ тре́хъ ѵ҆поста́сяхъ бг҃онача́льнагѡ є҆стества` ̾ѿкры́ли на́мъ и҆ ѹ҆ясни́ли, не попꙋсти́въ семꙋ` сокры́тꙋ (с. ѯ҃и) бы́ти под̾ спꙋ́домъ невѣ́дѣнiя: но ꙗ҆́снѡ наꙋчи́въ вѣ́рныхъ покланя́тися, є҆ди́нымъ поклоне́нiемъ, ѻ҆ц҃ꙋ`, и҆ сн҃ꙋ, и҆ ст҃о́мꙋ дх҃ꙋ, и҆спрове́ргли и҆ разрꙋ́шили лжеꙋче́нiе ѡ҆ нера́вныхъ сте́пеняхъ бж҃ества`, и҆ є҆ретiка́ми и҆з̾ песка` сложє́нныя проти́вꙋ правосла́вiя дѣ́тскiя построє́нiя раззори́ли и҆ низри́нꙋли. Та́кожде и҆ при вели́комъ ѳеодо́сiи, царѣ` на́шемъ, сто` пяти́десятiю святы́ми ѻ҆тца́ми, въ се́мъ ца́рствꙋющемъ гра́дѣ собра́вшимися, провозглаше́нное и҆сповѣ́данiе вѣ́ры соде́ржимъ, бг҃осло́вствꙋющыя ѡ҆ ст҃о́мъ дх҃ѣ и҆зречє́нiя прiе́млемъ: а҆ нечести́ваго македо́нiа, кꙋ́пнѡ съ пре́жними врага́ми и҆́стины, ̾ѿрѣва́емъ, ꙗ҆́кѡ бꙋ́йственнѡ дерзнꙋ́вшаго почита́ти влⷣкꙋ рабо́мъ, и҆ на́глѡ хотѣ́вшаго пресѣщи` несѣко́мꙋю є҆ди́ницꙋ, та́къ что` не бы́ло бы соверше́нно та́инство ѹ҆пова́нiя на́шегѡ. Кꙋ́пнѡ съ си́мъ гнꙋ́снымъ, и҆ про́тивъ и҆́стины неи́стовствовавшимъ, ѡ҆сꙋжда́емъ а҆поллiна́рiа, тайноводи́теля ѕло́бы, кото́рый нечести́вѡ и҆зры́гнꙋлъ, а҆́ки бы гд҃ⷭ҇ь прiя́лъ тѣ́ло без̾ дꙋши` и҆ ѹ҆ма`: си́мъ ѻ҆́бразомъ та́кожде вводя` помышле́нiе, а҆́ки бы спасе́нiе содѣ́лано для на́съ несоверше́нное. Та́кожде и҆ при ѳеодо́сiи, сы́нѣ а҆рка́дiа, царѣ` на́шемъ, собра́вшимися въ пе́рвый ра́зъ во гра́дѣ є҆фе́сѣ, двꙋмя` ста́ми бг҃оно́сныхъ ѻ҆тє́цъ и҆зложе́нное ѹ҆че́нiе, ꙗ҆́кѡ несокрꙋши́мꙋю благоче́стiя держа́вꙋ, согла́сiемъ запечатлѣва́емъ, є҆ди́наго хр҃ⷭ҇та` сн҃а бж҃iя и҆ воплоти́вшагося проповѣ́дꙋя, и҆ безсѣ́меннѡ роди́вшꙋю є҆го`, непоро́чнꙋю приснодѣ́вꙋ и҆сповѣ́дꙋя со́бственнѡ и҆ и҆́стиннѡ бг҃оро́дицею: а҆ безꙋ́мное раздѣле́нiе несто́рiа, ꙗ҆́кѡ ̾ѿ жре́бiя бж҃iя ̾ѿлꙋче́нное, ̾ѿверга́емъ, и҆́бо ѻ҆́нъ ѹ҆́читъ, что` є҆ди́нъ хр҃ⷭ҇то́съ є҆́сть ̾ѿдѣ́льнѡ человѣ́къ, и҆ ̾ѿдѣ́льнѡ бг҃ъ, и҆ воз̾ѡбновля́етъ i҆ꙋде́йское нече́стiе. Правосла́внѡ ѹ҆твержда́емъ (с. ѯ҃ѳ) та́кожде и҆ въ ѻ҆́бластномъ гра́дѣ халкидо́нѣ, при маркiа́нѣ царѣ` на́шемъ, ше́сть сѡ́тъ три́десятiю бг҃оизбра́нными ѻ҆тца́ми начерта́нное вѣроисповѣ́данiе, кото́рое конца́мъ земли` велегла́снѡ возвѣсти́ло є҆ди́наго хр҃ⷭ҇та` сн҃а бж҃iя, состоя́щаго и҆з̾ двꙋ́хъ є҆сте́ствъ, и҆ въ си́хъ са́мыхъ двꙋ́хъ є҆стества́хъ сла́вимаго: а҆ сꙋемꙋ́драго є҆ѵтѵ́хiа, кото́рый говори́лъ, что` вели́кое та́инство спаси́тельнагѡ домострои́тельства соверши́лось при́зракомъ, ꙗ҆́кѡ нѣ́что чꙋдо́вищное, и҆ ꙗ҆́кѡ зара́зꙋ, и҆з̾ свяще́нныхъ ѡ҆гра́дъ цр҃кви и҆зве́ргло, съ ни́мъ же и҆ несто́рiа и҆ дiоско́ра, и҆з̾ ко́ихъ є҆ди́нъ бы́лъ защи́тникомъ и҆ побо́рникомъ раздѣле́нiя, а҆ дрꙋгíй смѣше́нiя, и҆ кото́рые ̾ѿ противополо́жныхъ стра́нъ нече́стiя низри́нꙋлися въ є҆ди́нꙋю пꙋчи́нꙋ поги́бели и҆ безбо́жiя. Є҆ще́ же и҆ ста` шести́десяти пяти` бг҃оно́сныхъ ѻ҆тє́цъ, собра́вшихся въ се́мъ ца́рствꙋющемъ гра́дѣ, при i҆ꙋстiнiа́нѣ, блаже́нныя па́мяти царѣ` на́шемъ, благочести́вые глаго́лы, ꙗ҆́кѡ ̾ѿ дх҃а произнесе́нные, вѣ́даемъ, и҆ ѻ҆́нымъ пото́мкѡвъ на́шихъ наꙋча́емъ. Ѻ҆ни` ѳео́дѡра моѱꙋе́стскаго, несто́рiева ѹ҆чи́теля, и҆ ѻ҆рiге́на, и҆ дiдѵ́ма, и҆ є҆ѵа́грiа, возѡбнови́вшихъ є҆́ллинскiя ба̑сни, и҆ прехождє́нiя и҆ превращє́нiя нѣ́которыхъ тѣ́лъ и҆ дꙋ́шъ па́ки на́мъ предста́вившихъ на позо́ръ, въ со́нныхъ мечта́нiяхъ блꙋжда́ющагѡ ѹ҆ма`, и҆ проти́вꙋ воскресе́нiя ме́ртвыхъ нечести́вѡ и҆ нездравомы́сленнѡ возстава́вшихъ, та́кожде напи́санное ѳеодѡри́томъ проти́вꙋ пра́выя вѣ́ры и҆ проти́вꙋ двана́десяти гла́въ блаже́ннагѡ кѷрíлла, и҆, та́къ называ́емое, письмо` i҆́вы, собо́рнѡ пре́дали прокля́тiю и҆ ̾ѿри́нꙋли. И҆ неда́внѡ при царѣ` на́шемъ, блаже́нныя па́мяти кѡнстантíнѣ, въ се́мъ ца́рствꙋющемъ гра́дѣ соше́дшагѡся шеста́гѡ собо́ра (с. ѻ҃) вѣроисповѣ́данiе, кото́рое вя́щшꙋю крѣ́пость прiя́ло, когда` благочести́вый i҆мпера́торъ постановлє́нiя ѻ҆́нагѡ собо́ра свое́ю печа́тiю, ра́ди достовѣ́рности, на всѣ` вѣ́ки ѹ҆тверди́лъ, вно́вь ѡ҆бязꙋ́емся храни́ти ненарꙋши́мѡ. Ѻ҆но` бг҃олюби́вѡ и҆з̾ясни́ло, ꙗ҆́кѡ должны` мы` и҆сповѣ́дывати два` є҆сте́ственныя хотѣ́нiя, и҆ли` двѣ` вѡ́ли, и҆ два` є҆сте́ственныя дѣ́йства въ воплоти́вшемся, ра́ди на́шегѡ спасе́нiя, є҆ди́номъ гд҃ⷭ҇ѣ на́шемъ i҆и҃сѣ хр҃ⷭ҇тѣ`, и҆́стинномъ бг҃ѣ: а҆ тѣ́хъ, кото́рые пра́вый догма́тъ и҆́стины и҆зврати́ли, и҆ є҆ди́нꙋ во́лю и҆ є҆ди́но дѣ́йство, въ є҆ди́номъ гд҃ⷭ҇ѣ бг҃ѣ на́шемъ i҆и҃сѣ хр҃ⷭ҇тѣ`, лю́дямъ проповѣ́дывали, сꙋдо́мъ бл҃гоче́стiя ѡ҆бвини́ло, ꙗ҆́кѡ ѳео́дѡра [є҆пíскопа] фара́нскаго, кѵ́ра а҆леѯандрíйскаго, ѡ҆но́рiа ри́мскаго, се́ргiа, пѵ́рра, па́ѵла, петра`, бы́вшихъ въ се́мъ бг҃оспаса́емомъ гра́дѣ предстоя́телями, мака́рiа а҆нтiохíйскаго є҆пíскопа, ѹ҆ченика` є҆гѡ` стефа́на, и҆ безꙋ́мнаго полѷхро́нiа, си́мъ ѻ҆́бразомъ соблюда́я неприкоснове́ннымъ ѻ҆́бщее тѣ́ло хр҃ⷭ҇та` бг҃а на́шегѡ. Кра́ткѡ рещи`, постановля́емъ, да вѣ́ра всѣ́хъ въ цр҃кви бж҃iей просла́вившихся мꙋже́й, кото́рые бы́ли свѣти́лами въ мíрѣ, содержа` сло́во жи́зни, соблюда́ется тве́рдою, и҆ да пребыва́етъ до сконча́нiя вѣ́ка непоколеби́мою, вкꙋ́пѣ съ бг҃опре́данными и҆́хъ писа́нiями и҆ догма́тами. Ѿмета́емъ и҆ а҆наѳема́тствꙋемъ всѣ́хъ, кото́рыхъ ѻ҆ни` ̾ѿмета́ли и҆ а҆наѳема́тствовали, ꙗ҆́кѡ врагѡ́въ и҆́стины, вотще` скрежета́вшихъ на бг҃а, и҆ ѹ҆си́ливавшихся непра́вдꙋ на высотꙋ` вознести`. А҆́ще же кто́ либо и҆з̾ всѣ́хъ не соде́ржитъ и҆ не прiе́млетъ вышерече́нныхъ догма́тѡвъ благоче́стiя, и҆ не та́кѡ мы́слитъ и҆ проповѣ́дꙋетъ, но покꙋша́ется и҆дти` проти́вꙋ ѻ҆́ныхъ: то́тъ да бꙋ́детъ а҆на́ѳема, по ѡ҆предѣле́нiю, пре́жде постано́вленномꙋ предꙋпомянꙋ́(с. ѻ҃а)тыми святы́ми и҆ блаже́нными ѻ҆тца́ми, и҆ ̾ѿ сосло́вiя хрiстiа́нскагѡ, ꙗ҆́кѡ чꙋ́ждый, да бꙋ́детъ и҆зключе́нъ и҆ и҆зве́рженъ. И҆́бо мы` соѻбра́знѡ съ тѣ́мъ, что` ѡ҆предѣлено` пре́жде, соверше́ннѡ рѣши́ли, ниже` прибавля́ти что́ либо, ниже` ѹ҆бавля́ти, и҆ не могли` нико́имъ ѻ҆́бразомъ.

ПРА́ВИЛО в҃.

Прекра́снымъ и҆ кра́йнягѡ тща́нiя досто́йнымъ призна́лъ се́й святы́й собо́ръ и҆ то`, что́бы ̾ѿны́нѣ, ко и҆сцѣле́нiю дꙋ́шъ и҆ ко ѹ҆врачева́нiю страсте́й, тве́рды и҆ ненарꙋши́мы пребыва́ли прiя́тыя, и҆ ѹ҆твержде́нныя бы́вшими пре́жде на́съ святы́ми и҆ блаже́нными ѻ҆тца́ми, а҆ та́кже и҆ на́мъ пре́данныя, и҆́менемъ святы́хъ и҆ сла́вныхъ а҆по́столѡвъ, ѻ҆́смьдесятъ пя́ть пра́вилъ. Поели́кꙋ же въ си́хъ пра́вилахъ повелѣно` на́мъ прiима́ти ѻ҆́ныхъ же святы́хъ а҆по́столѡвъ постановлє́нiя, чрез̾ кли́мента пре́данныя, въ котѡ́рыя нѣ́когда и҆номы́слящiе, ко вредꙋ` цр҃кви, привнесли` нѣ́что подло́жное и҆ чꙋ́ждое благоче́стiя, и҆ помрачи́вшее для на́съ благолѣ́пнꙋю красотꙋ` бж҃е́ственнагѡ ѹ҆че́нiя: то мы`, ра́ди назида́нiя и҆ ѡ҆гражде́нiя хрiстiа́ннѣйшiя па́ствы, ѻ҆́ныя кли́ментовы постановлє́нiя благоразсмотри́тельнѡ ̾ѿложи́ли, ̾ѿню́дъ не допꙋска́я порожде́нiй є҆ретíческагѡ лжеслове́сiя, и҆ не вмѣ́шивая и҆́хъ въ чи́стое и҆ соверше́нное а҆по́стольское ѹ҆че́нiе. Согла́сiемъ на́шимъ запечатлѣва́емъ и҆ всѣ` прѡ́чiя свяще́нныя пра́вила, и҆зложє́нныя ̾ѿ святы́хъ и҆ блаже́нныхъ ѻ҆тє́цъ на́шихъ, то́ є҆сть, тре́хъ сѡ́тъ ѻ҆смьна́десяти бг҃оно́сныхъ ѻ҆тє́цъ, собра́вшихся въ нiке́и: та́кожде ̾ѿ ѻ҆тє́цъ, собира́вшихся во а҆гкѵ́рѣ, и҆ въ неокесарíи, ра́внѡ и҆ въ га́нгрѣ: кромѣ` сегѡ`, въ а҆нтiохíи сѷрíйской, и҆ въ лаодiкíи фрѷгíйской: є҆ще́ же ста` пяти́десяти ѻ҆тє́цъ, (с. ѻ҃в) соше́дшихся въ се́мъ бг҃охрани́момъ и҆ ца́рствꙋющемъ гра́дѣ: и҆ двꙋ́хъ сѡ́тъ ѻ҆тє́цъ, собра́вшихся въ пе́рвый ра́зъ въ ѻ҆бластно́мъ гра́дѣ є҆фе́сѣ: и҆ шести` сѡ́тъ три́десяти святы́хъ и҆ блаже́нныхъ ѻ҆тє́цъ, собра́вшихся въ халкидо́нѣ: и҆ ̾ѿ собра́вшихся въ сардíкѣ, и҆ въ карѳаге́нѣ: и҆ є҆ще` собра́вшихся па́ки въ се́мъ бг҃оспаса́емомъ и҆ ца́рствꙋющемъ гра́дѣ при некта́рiи, предстоя́телѣ сегѡ` ца́рствꙋющагѡ гра́да, и҆ при ѳео́фiлѣ, а҆леѯандрíйскомъ а҆рхiепíскопѣ: та́кожде пра́вила дiонѵ́сiа, а҆рхiепíскопа вели́кагѡ гра́да а҆леѯандрíи: петра`, а҆леѯандрíйскагѡ а҆рхiепíскопа и҆ мꙋ́ченика: григо́рiа, є҆пíскопа неокесарíйскагѡ, чꙋдотво́рца: а҆ѳана́сiа, а҆рхiепíскопа а҆леѯандрíйскагѡ: васíлiа, а҆рхiепíскопа кесарíи каппадокíйскiя: григо́рiа, є҆пíскопа нѵ́сскагѡ: григо́рiа бг҃осло́ва: а҆мфiло́хiа i҆конíйскагѡ: пе́рвагѡ тiмоѳе́а, а҆рхiепíскопа а҆леѯандрíйскагѡ: ѳео́фiла, а҆рхiепíскопа тогѡ́ же вели́кагѡ гра́да а҆леѯандрíи: кѷрíлла. а҆рхiепíскопа а҆леѯандрíйскагѡ: и҆ генна́дiа, патрiа́рха сегѡ` бг҃охрани́магѡ и҆ ца́рствꙋющагѡ гра́да: є҆ще́ же и҆ кѷпрiа́номъ, а҆рхiепíскопомъ а҆фрiкíйскiя страны`, и҆ мꙋ́ченикомъ, и҆ собо́ромъ при не́мъ бы́вшимъ и҆зложе́нное пра́вило, кото́рое въ мѣста́хъ предꙋпомя́нꙋтыхъ предстоя́телей, и҆ то́кмѡ ѹ҆ ни́хъ, по пре́данномꙋ и҆`мъ ѻ҆бы́чаю, сохраня́емо бы́ло. Никомꙋ` да не бꙋ́детъ позво́лено вышеѡзна́ченныя пра́вила и҆змѣня́ти, и҆ли` ̾ѿмѣня́ти, и҆ли`, кромѣ` предложе́нныхъ пра́вилъ, прiима́ти дрꙋгíя, съ подло́жными надписа́нiями соста́влєнныя нѣ́кiими людьми`. дерзнꙋ́вшими корче́мствовати и҆́стиною. А҆́ще же кто` ѡ҆бличе́нъ бꙋ́детъ, ꙗ҆́кѡ нѣ́кое пра́вило и҆з̾ вышерече́нныхъ покꙋси́лся и҆змѣни́ти, и҆ли` преврати́ти: таковы́й бꙋ́детъ пови́ненъ проти́въ тогѡ` пра́вила понести` є҆пiтiмiю`, (с. ѻ҃г) каковꙋ́ю ѻ҆но` ѡ҆предѣля́етъ, и҆ чрез̾ ѻ҆́ное врачꙋ́емь бꙋ́детъ ̾ѿ тогѡ`, въ че́мъ преткнꙋ́лся.

ПРА́ВИЛО г҃.

Поели́кꙋ благочести́вый и҆ хр҃ⷭ҇толюби́вый ца́рь на́шъ предложи́лъ семꙋ` свято́мꙋ и҆ вселе́нскомꙋ собо́рꙋ, что́бы счисля́ющихся въ кли́рѣ, и҆ дрꙋги̑мъ бж҃е́ствєнная преподаю́щихъ, предста́вити чи́стыми и҆ непоро́чными слꙋжи́телями, и҆ досто́йными мы́сленныя же́ртвы вели́кагѡ бг҃а, кото́рый є҆́сть и҆ же́ртва и҆ а҆рхiере́й, и҆ ѡ҆чи́стити ̾ѿ скве́рны, прильпнꙋ́вшiя къ ни́мъ ̾ѿ незако́нныхъ бра́кѡвъ: и҆ ка́къ по семꙋ` предме́тꙋ принадлежа́щiе къ святѣ́йшей ри́мской цр҃кви предлага́ли наблюда́ти стро́гое пра́вило, а҆ подвла́стные престо́лꙋ сегѡ` бг҃охрани́магѡ и҆ ца́рствꙋющагѡ гра́да, пра́вило человѣколю́бiя и҆ снисхожде́нiя: то мы`, ѻ҆те́чески и҆ вмѣ́стѣ бг҃оꙋго́днѡ совокꙋпи́въ то` и҆ дрꙋго́е во є҆ди́но, да не ѡ҆ста́вимъ ни кро́тости сла́бою, ни стро́гости жесто́кою, ѻ҆со́беннѡ при таки́хъ ѡ҆бстоя́тельствахъ, когда` грѣхопаде́нiе, по невѣ́дѣнiю, простира́ется на нема́лое число` люде́й, согла́снѡ ѡ҆предѣля́емъ, что́бы связа́вшiеся вторы́мъ бра́комъ, и҆, да́же до пя́тагѡ на́десять дня` проте́кшагѡ мѣ́сяца i҆аннꙋа́рiа, минꙋ́вшагѡ четве́ртагѡ i҆ндíкта, ше́сть ты́сячь сто` девяно́сто девя́тагѡ го́да, ѡ҆става́вшiеся въ порабоще́нiи грѣхꙋ`, и҆ не восхотѣ́вшiе и҆стрезви́тися ̾ѿ негѡ`, подлежа́ли канонíческомꙋ и҆зверже́нiю и҆з̾ своегѡ` чи́на. Что́ же каса́ется до тѣ́хъ, кото́рые, хотя` впа́ли въ таковы́й грѣ́хъ второбра́чiя, ѻ҆дна́кѡ пре́жде сегѡ` на́шегѡ ѡ҆предѣле́нiя поле́зное позна́ли, и҆ ѕло` ̾ѿ себя` ̾ѿсѣ́кли, и҆ несво́йственное и҆ незако́нное совокꙋпле́нiе дале́че ̾ѿри́нꙋли, и҆ли` ѹ҆ кото́рыхъ же́ны втора́гѡ бра́ка ѹ҆же` ѹ҆́мерли, и҆ кото́рые прито́мъ воззрѣ́ли ко ѡ҆браще́нiю, (с. ѻ҃д) вно́вь поꙋча́ясь цѣломꙋ́дрiю, и҆ ̾ѿ пре́жнихъ свои́хъ беззако́нiй вско́рѣ ̾ѿбѣ́гнꙋвъ, пресвѵ́теры ли то`, и҆ли` дiа́коны: ѡ҆ таковы́хъ разсꙋждено`, да ѹ҆де́ржатся ̾ѿ вся́кагѡ свяще́ннагѡ слꙋже́нiя, и҆ли` дѣ́йствованiя, пребыва́я под̾ є҆пiтiмiе́ю нѣ́которое ѡ҆предѣле́нное вре́мя, а҆ че́стiю сѣда́лища и҆ стоя́нiя да по́льзꙋются, дово́льствꙋясь предсѣда́нiемъ, и҆ пла́чя пред̾ гд҃ⷭ҇емъ, да прости́тъ и҆`мъ грѣ́хъ невѣ́дѣнiя. И҆́бо несоѻбра́зно бы́ло бы благословля́ти дрꙋга́го томꙋ`, кто` до́лженъ врачева́ти свои` со́бствєнныя ꙗ҆́звы. Сочета́вшихся же съ є҆ди́ною жено́ю, а҆́ще поя́тая и҆́ми была` вдови́ца, подо́бнѡ и҆ тѣ́хъ, кото́рые, по рꙋкоположе́нiи, прiѡбщи́лись є҆ди́номꙋ бра́кꙋ, то́ є҆сть, пресвѵ́терѡвъ, дiа́конѡвъ и҆ ѵ҆подiа́конѡвъ, по ѹ҆стране́нiи ̾ѿ священнослꙋже́нiя на нѣ́кое кра́ткое вре́мя и҆ по є҆пiтiмiи`, па́ки возстановля́ти на сво́йствєнныя и҆`мъ сте́пєни, съ возбране́нiемъ возводи́ти и҆`хъ на и҆ны́й вы́сшiй сте́пень, и҆ прито́мъ, ꙗ҆́внѡ, по расторже́нiи непра́вильнагѡ сожи́тiя. Но сiе` постанови́ли мы` для тѣ́хъ, кото́рые, ка́къ ска́зано, до пятагѡна́десять дня` мѣ́сяца i҆аннꙋа́рiа четве́ртагѡ i҆ндíкта, ѡ҆бличены` въ вышеѡзна́ченныхъ вина́хъ, и҆ то́кмѡ для свяще́нныхъ ли́цъ: ̾ѿны́нѣ же ѡ҆предѣля́емъ и҆ воз̾ѡбновля́емъ пра́вило, кото́рое гласи́тъ: кто` по креще́нiи двꙋмя` бра́ками ѡ҆бя́занъ бы́лъ, и҆ли` нало́жницꙋ и҆мѣ́лъ: то́тъ не мо́жетъ бы́ти є҆пíскопомъ, ни пресвѵ́теромъ, ни дiа́кономъ, ниже` воѡбще` въ спи́скѣ свяще́ннагѡ чи́на{А҆по́ст. прав. з҃_i.}. Та́кожде взя́вшiй въ сꙋпрꙋ́жество вдовꙋ`, и҆ли` ̾ѿве́рженнꙋю ̾ѿ сꙋпрꙋ́жества, и҆ли` блꙋдни́цꙋ, и҆ли` рабы́ню, и҆ли` позо́рищнꙋю, не мо́жетъ бы́ти є҆пíскопомъ, ни пресвѵ́теромъ, ни дiа́кономъ, (с. ѻ҃є) ниже` воѻбще` въ спи́скѣ свяще́ннагѡ чи́на{А҆по́ст. пра́в. и҃_i.}.

ПРА́ВИЛО д҃.

А҆́ще кто`, є҆пíскопъ, и҆ли` пресвѵ́теръ, и҆ли` дiа́конъ, и҆ли` ѵ҆подiа́конъ, и҆ли` чте́цъ, и҆ли` пѣве́цъ, и҆ли` придве́рникъ, съ жено́ю бг҃ꙋ посвяще́нною совокꙋ́пится: да бꙋ́детъ и҆зве́рженъ и҆з̾ своегѡ` чи́на, ꙗ҆́кѡ хр҃ⷭ҇то́вꙋ невѣ́стꙋ порꙋга́вшiй: а҆́ще же мiряни́нъ, да бꙋ́детъ ̾ѿлꙋче́нъ ̾ѿ ѡ҆бще́нiя церко́внагѡ.

ПРА́ВИЛО є҃.

Никто` и҆з̾ свяще́ннагѡ чи́на, кото́рый не и҆мѣ́етъ при себѣ` живꙋ́щихъ ли́цъ безподозри́тельныхъ, ѡ҆зна́ченныхъ въ пра́вилѣ{Здѣ́сь ѹ҆ка́зывается на г҃ пра́вило пе́рвагѡ вселе́нскагѡ собо́ра.}, да не во́зметъ къ себѣ` же́нщины, и҆ли` рабы́ни, сохраня́я себя` чрез̾ сiе` ̾ѿ нарека́нiя. А҆́ще же кто` ѡ҆предѣле́нное на́ми престꙋ́питъ: да бꙋ́детъ и҆зве́рженъ. Сiе́ же са́мое да соблюда́ютъ и҆ скопцы`, предохраня́я себя` ̾ѿ порица́нiя. А҆ престꙋпа́ющiе сiе`, а҆́ще бꙋ́дꙋтъ и҆з̾ кли́ра, да бꙋ́дꙋтъ и҆зве́ржены, а҆́ще же мiрскíе, да бꙋ́дꙋтъ ̾ѿлꙋчены`.

ПРА́ВИЛО ѕ҃.

Поне́же рече́но въ а҆по́стольскихъ пра́вилахъ, ꙗ҆́кѡ и҆з̾ производи́мыхъ въ кли́ръ безбра́чныхъ, то́кмѡ чтецы` и҆ пѣвцы` мо́гꙋтъ встꙋпа́ти въ бра́къ{А҆по́ст. пра́в. к҃ѕ.}: то и҆ мы`, соблюда́я сiе`, ѡ҆предѣля́емъ: да ̾ѿны́нѣ ни ѵ҆подiа́конъ, ни дiа́конъ, ни пресвѵ́теръ не и҆мѣ́етъ позволе́нiя, по соверше́нiи над̾ ни́ми рꙋкоположе́нiя, встꙋпа́ти въ бра́чное сожи́тельство: а҆́ще же де́рзнетъ сiе` ѹ҆чини́ти, да бꙋ́детъ и҆зве́рженъ. Но а҆́ще кто` и҆з̾ постꙋпа́ющихъ въ кли́ръ восхо́щетъ сочета́тися съ жено́ю, по зако́нꙋ бра́ка: таковы́й да твори́тъ сiе` пре́жде рꙋкоположе́нiя во ѵ҆подiа́кона, (с. ѻ҃ѕ) и҆ли` въ дiа́кона, и҆ли` во пресвѵ́тера.

ПРА́ВИЛО з҃.

Поели́кꙋ мы` ѹ҆вѣ́дали, что` въ нѣ́которыхъ це́рквахъ дiа́коны и҆мѣ́ютъ церко́вныя до́лжнѡсти, и҆ посемꙋ` нѣ́которые и҆з̾ ни́хъ, попꙋсти́въ себѣ` де́рзость и҆ своево́лiе, предсѣдя́тъ пресвѵ́терамъ, тогѡ` ра́ди ѡ҆предѣля́емъ: дiа́конꙋ, а҆́ще бы и҆мѣ́лъ и҆ досто́инство, то́ є҆сть, какꙋ́ю либо церко́внꙋю до́лжность, не занима́ти мѣ́ста вы́ше пресвѵ́тера: ра́звѣ когда`, представля́я лице` своегѡ` патрiа́рха, и҆ли` митрополíта, прибꙋ́детъ во и҆ны́й гра́дъ для нѣ́коегѡ дѣ́ла: и҆́бо тогда`, ꙗ҆́кѡ занима́ющiй є҆гѡ` мѣ́сто, бꙋ́детъ почте́нъ. А҆́ще же кто` съ наси́лiемъ и҆ на́глостiю де́рзнетъ сiе` твори́ти: таковы́й, бы́въ низведе́нъ ̾ѿ своегѡ` сте́пени, да бꙋ́детъ послѣ́днiй и҆з̾ всѣ́хъ въ то́мъ чи́нѣ, къ кото́ромꙋ ѻ҆́нъ сопричисля́ется въ свое́й це́ркви. Поне́же гд҃ⷭ҇ь на́шъ не люби́ти предсѣда̑нiя ѹ҆бѣжда́етъ въ ѹ҆че́нiи, предложе́нномъ ѹ҆ свята́гѡ є҆ѵангелíста лꙋки`, ̾ѿ лица` самагѡ` гд҃ⷭ҇а на́шегѡ и҆ бг҃а. И҆́бо ѻ҆́нъ къ зва́ннымъ глаго́лалъ таковꙋ́ю при́тчꙋ: є҆гда` зва́нъ бꙋ́деши ки́мъ на бра́къ, не ся́ди на пре́днемъ мѣ́стѣ, є҆да` кто` честнѣ́е тебе` бꙋ́детъ зва́нныхъ: и҆ прише́дъ и҆́же тебе` зва́вый и҆ ѻ҆́наго, рече́тъ ти`, да́ждь семꙋ` мѣ́сто: и҆ тогда` на́чнеши со стꙋдо́мъ послѣ́днее мѣ́сто держа́ти. Но є҆гда` зва́нъ бꙋ́деши, ся́ди на послѣ́днемъ мѣ́стѣ, да є҆гда` прiи́детъ зва́вый, рече́тъ ти`: дрꙋ́же, пося́ди вы́ше: тогда` бꙋ́детъ ти` сла́ва пред̾ возлежа́щими съ тобо́ю. Jа҆́кѡ вся́къ вознося́йся, смири́тся: и҆ смиря́яйся, вознесе́тся{Лꙋки` гл. д҃_i, ст. з҃ <-> в҃_i.}. Сiе́ же са́мое да соблюда́ется и҆ въ про́чихъ степеня́хъ свяще́ннагѡ чи́на: и҆́бо мы` вѣ́даемъ, что` до(с. ѻ҃з)стѡ́инства и҆ли` до́лжнѡсти дꙋхо́вныя превосхо́днѣе должносте́й, ̾ѿнося́щихся къ мíрꙋ{То́ є҆сть: до́лжность пресвѵ́тера важнѣ́е до́лжности вели́кагѡ и҆коно́ма, и҆ли` є҆кдíка.}.

ПРА́ВИЛО и҃.

Ѹ҆становле́нное святы́ми ѻ҆тца́ми на́шими, жела́я и҆ мы` во все́мъ сохраня́ти, возѡбновля́емъ та́кожде и҆ пра́вило{Четве́рт. вселе́нск. собо́ра пра́вило а҃_i.}, повелѣва́ющее бы́ти є҆жего́днѡ собо́рамъ є҆пíскопѡвъ ка́ждыя ѻ҆́бласти та́мъ, гдѣ` є҆пíскопъ митропо́лiи ѹ҆смо́тритъ за лꙋ́чшее. По ка́къ, по причи́нѣ набѣ́гѡвъ ва́рварѡвъ, и҆ по и҆́нымъ слꙋча́йнымъ препя́тствiямъ, предстоя́тели церкве́й не и҆мѣ́ютъ возмо́жности составля́ти собо́ры два́жды въ годꙋ`, то разсꙋждено`: для могꙋ́щихъ, ка́къ вѣроя́тно, возника́ти церко́вныхъ дѣ́лъ, въ ка́ждой ѻ҆́бласти, всемѣ́рнѡ бы́ти собо́рꙋ вышерече́нныхъ є҆пíскопѡвъ є҆ди́ножды въ лѣ́то, междꙋ` святы́мъ пра́здникомъ па́схи, и҆ междꙋ` и҆схо́домъ мѣ́сяца ѻ҆ктѡ́врiа ка́ждагѡ лѣ́та, въ то́мъ мѣ́стѣ, кото́рое, ка́къ вы́ше рече́но, и҆збере́тъ є҆пíскопъ митропо́лiи. А҆ є҆пíскопамъ, кото́рые не прiи́дꙋтъ на собо́ръ, хотя` нахо́дятся въ свои́хъ гра́дахъ, и҆ прито́мъ пребыва́ютъ въ здра́вiи, и҆ свобо́дны ̾ѿ вся́кагѡ неѡбходи́магѡ и҆ не̾ѿло́жнагѡ заня́тiя, братолю́бнѡ и҆з̾яви́ти преще́нiе.

ПРА́ВИЛО ѳ҃.

Никако́мꙋ кли́рiкꙋ не позволя́ется содержа́ти корче́мницꙋ. И҆́бо а҆́ще не позво́лено таково́мꙋ входи́ти въ корче́мницꙋ, то кольми` па́че слꙋжи́ти въ ѻ҆́ной дрꙋги̑мъ, и҆ ѹ҆пражня́тися въ то́мъ, что` є҆мꙋ` не прили́чно. А҆́ще же кто` что́ либо таково́е содѣ́лаетъ: и҆ли` да преста́нетъ, и҆ли` да бꙋ́детъ и҆зве́рженъ.

(с. ѻ҃и)

ПРА́ВИЛО _i҃.

Є҆пíскопъ, и҆ли` пресвѵ́теръ, и҆ли` дiа́конъ, взима́ющiй ли̑хвы, и҆ли` та́къ и҆менꙋ́емыя сѡ́тыя, и҆ли` да преста́нетъ, и҆ли` да бꙋ́детъ и҆зве́рженъ.

ПРА́ВИЛО а҃_i.

Никто` и҆з̾ принадлежа́щихъ къ свяще́нномꙋ чи́нꙋ, и҆ли` и҆з̾ мiря́нъ, ̾ѿню́дь не до́лженъ ꙗ҆́сти ѡ҆прѣ́сноки, дава́емые i҆ꙋде́ями, ни встꙋпа́ти въ содрꙋ́жество съ ни́ми, ни въ болѣ́зняхъ призыва́ти и҆`хъ, и҆ врачєвства` принима́ти ̾ѿ ни́хъ, ни въ ба́няхъ кꙋ́пнѡ съ ни́ми мы́тися. А҆́ще же кто` де́рзнетъ сiе` твори́ти: то кли́рiкъ да бꙋ́детъ и҆зве́рженъ, а҆ мiряни́нъ да бꙋ́детъ ̾ѿлꙋче́нъ.

ПРА́ВИЛО в҃_i.

Дошло` до свѣ́дѣнiя на́шегѡ и҆ то`, что` въ а҆́фрiкѣ, и҆ лiвѵ́и, и҆ въ и҆ны́хъ мѣста́хъ нѣ́которые и҆з̾ та́мѡ сꙋ́щихъ бг҃олюбе́знѣйшихъ предстоя́телей{Наименова́нiе предстоя́теля ѹ҆потреблено` въ пра́вилѣ вмѣ́стѡ и҆́мени є҆пíскопа.}, и҆ по соверши́вшемся над̾ ни́ми рꙋкоположе́нiи, не ѡ҆ставля́ютъ жи́ти кꙋ́пнѡ съ свои́ми сꙋпрꙋ́гами, полага́я тѣ́мъ претыка́нiе и҆ собла́знъ дрꙋги̑мъ. И҆мѣ́я ѹ҆`бо вели́кое тща́нiе, дабы` все` ѹ҆строя́ти къ по́льзѣ порꙋче́нныхъ па́ствъ, призна́ли мы` за бла́го, да не бꙋ́детъ ̾ѿны́нѣ ничегѡ` такова́гѡ. Сiе́ же глаго́лемъ не ко ̾ѿложе́нiю, и҆ли` превраще́нiю а҆по́стольскагѡ законоположе́нiя, но прилага́я попе́ченiе ѡ҆ спасе́нiи и҆ ѡ҆ преꙋспѣ́янiи люде́й на лꙋ́чшее, и҆ ѡ҆ то́мъ, да не допꙋ́стимъ како́гѡ либо нарека́нiя на свяще́нное зва́нiе. И҆́бо глаго́летъ бж҃е́ственный а҆по́столъ: вся̑ во сла́вꙋ бж҃iю твори́те: безпреткнове́ни быва́йте i҆ꙋде́ємъ, и҆ є҆́ллинѡмъ, и҆ цр҃кви бж҃iей, ꙗ҆́коже и҆ а҆́зъ во все́мъ всѣ̑мъ ѹ҆гожда́ю, не и҆скíй своея` по́льзы, но мно́гихъ, (с. ѻ҃ѳ) да спасꙋ́тся. Подража́тели мнѣ` быва́йте, ꙗ҆́коже и҆ а҆́зъ хр҃ⷭ҇тꙋ`{а҃ корíнѳ гл. _i҃, ст. л҃а <-> л҃г. гл. а҃_i, ст. а҃.}. А҆́ще же кто` ѹ҆смо́тренъ бꙋ́детъ сiе` творя́щiй, да бꙋ́детъ и҆зве́рженъ.

ПРА́ВИЛО г҃_i.

Поне́же мы` ѹ҆вѣ́дали, что` въ ри́мской це́ркви, въ ви́дѣ пра́вила, пре́дано, что́бы тѣ`, кото́рые и҆мѣ́ютъ бы́ти ѹ҆досто́ены рꙋкоположе́нiя во дiа́кона, и҆ли` пресвѵ́тера, ѡ҆бя́зывались не соѡбща́тися бо́лѣе со свои́ми жена́ми: то мы`, послѣ́дꙋя дре́внемꙋ пра́вилꙋ а҆по́стольскагѡ благоꙋстро́йства и҆ поря́дка, соизволя́емъ, что́бы сожи́тiе священнослꙋжи́телей по зако́нꙋ и҆ впре́дь пребы́ло ненарꙋши́мымъ, ̾ѿню́дь не расторга́я сою́за и҆́хъ съ жена́ми, и҆ не лиша́я и҆́хъ взаи́мнагѡ въ прили́чное вре́мя соедине́нiя. И҆ та́кѡ, а҆́ще кто` ꙗ҆́вится досто́йнымъ рꙋкоположе́нiя въ ѵ҆подiа́кона, и҆ли` во дiа́кона, и҆ли` во пресвѵ́тера, таково́мꙋ ̾ѿню́дь да не бꙋ́детъ препя́тствiемъ къ возведе́нiю на таковꙋ́ю сте́пень сожи́тiе съ зако́нною сꙋпрꙋ́гою: и҆ ̾ѿ негѡ` во вре́мя поставле́нiя да не тре́бꙋется ѡ҆бяза́тельства въ то́мъ, что` ѻ҆́нъ ѹ҆де́ржится ̾ѿ зако́ннагѡ соѡбще́нiя съ жено́ю свое́ю: дабы` мы` не бы́ли принꙋждены` си́мъ ѻ҆́бразомъ ѡ҆скорби́ть бг҃омъ ѹ҆становле́нный, и҆ и҆́мъ въ є҆гѡ` прише́ствiи благослове́нный бра́къ. И҆́бо гла́съ є҆ѵа́нгелiа вопiе́тъ: ꙗ҆`же бг҃ъ сочета`, человѣ́къ да не разлꙋча́етъ{Матѳ. гл. а҃_i, ст. ѕ҃.}. И҆ а҆по́столъ ѹ҆́читъ: бра́къ че́стенъ, и҆ ло́же нескве́рно{Є҆вр. гл. г҃_i, ст. д҃.}. та́кожде: привяза́лся є҆си` женѣ`, не и҆щи` разрѣше́нiя{а҃ кор. гл. з҃, ст. к҃з.}. Зна́емъ же, что` и҆ въ карѳаге́нѣ собра́вшiеся, и҆мѣ́я попече́нiе ѡ҆ чистотѣ` жи́зни священнослꙋжи́телей, положи́ли, что́бы ѵ҆подiа́ко(с. п҃)ны, прикаса́ющiеся свяще́ннымъ та́инствамъ, и҆ дiа́коны, и҆ пресвѵ́теры, въ свои` ѹ҆ро́чныя времена`, возде́рживалися ̾ѿ сожи́тельницъ свои́хъ. Таки́мъ ѻ҆́бразомъ, и҆ ̾ѿ а҆по́столѡвъ пре́данное, и҆ ̾ѿ са́мой дре́вности соблюда́емое, и҆ мы` подо́бнѡ да сохрани́мъ, зна́я вре́мя вся́кой ве́щи, и҆ наипа́че поста` и҆ моли́твы. И҆́бо предстоя́щымъ ѻ҆лтарю`, въ то` вре́мя, когда` пристꙋпа́ютъ къ святы́нѣ, подоба́етъ бы́ти возде́ржными во все́мъ, да возмо́гꙋтъ полꙋчи́ти ̾ѿ бг҃а въ простотѣ` проси́мое. А҆́ще же кто`, постꙋпа́я вопреки` а҆по́стольскимъ пра́виламъ, де́рзнетъ кого́ либо и҆з̾ свяще́нныхъ, то́ є҆сть, пресвѵ́терѡвъ, и҆ли` дiа́конѡвъ, и҆ли` ѵ҆подiа́конѡвъ, лиша́ти сою́за и҆ ѡ҆бще́нiя съ зако́нною жено́ю: да бꙋ́детъ и҆зве́рженъ. Подо́бнѡ а҆́ще кто`, пресвѵ́теръ, и҆ли` дiа́конъ, под̾ ви́домъ благоговѣ́нiя, и҆зго́нитъ женꙋ` свою`: да бꙋ́детъ ̾ѿлꙋче́нъ ̾ѿ священнослꙋже́нiя, а҆ пребыва́я непрекло́ннымъ, да бꙋ́детъ и҆зве́рженъ.

ПРА́ВИЛО д҃_i.

Пра́вило святы́хъ и҆ бг҃оно́сныхъ ѻ҆тє́цъ на́шихъ да соблюда́ется и҆ въ се́мъ: дабы` во пресвѵ́тера пре́жде три́десяти лѣ́тъ не рꙋкополага́ти, а҆́ще бы человѣ́къ и҆ весьма` досто́инъ бы́лъ, но ̾ѿлага́ти до ѹ҆рече́нныхъ лѣ́тъ. И҆́бо гд҃ⷭ҇ь i҆и҃съ хр҃ⷭ҇то́съ въ тридеся́тое лѣ́то крести́лся, и҆ на́чалъ ѹ҆чи́ти. Подо́бнѡ и҆ дiа́конъ пре́жде два́десяти пяти` лѣ́тъ, и҆ дiаконíсса пре́жде четы́редесяти лѣ́тъ да не поставля́ется.

ПРА́ВИЛО є҃_i.

V҆подiа́конъ да поставля́ется не пре́жде два́десяти лѣ́тъ во́зраста. А҆́ще же кто`, въ какꙋ́ю бы то` ни бы́ло свяще́ннꙋю сте́пень, поста́вленъ бꙋ́детъ пре́жде ѡ҆предѣле́нныхъ лѣ́тъ: да бꙋ́детъ и҆зве́рженъ.

(с. п҃а)

ПРА́ВИЛО ѕ҃_i.

Поели́кꙋ въ кни́гѣ дѣя́нiй а҆по́стольскихъ пре́дано, ꙗ҆́кѡ се́дмь дiа́конѡвъ поста́влены ̾ѿ а҆по́столѡвъ: ѻ҆тцы́ же неокесарíйскагѡ собо́ра, въ постано́вленныхъ и҆́ми пра́вилахъ, ꙗ҆́снѡ разсꙋжда́ли, что` се́дмь дiа́конѡвъ должны` бы́ти по пра́вилꙋ, хотя́ бы то` бы́ло и҆ въ весьма` вели́комъ гра́дѣ, ѹ҆достовѣря́я въ се́мъ кни́гою дѣя́нiй: тогѡ` ра́ди мы`, сличи́въ мы́сль ѻ҆тцє́въ съ и҆зрече́нiемъ а҆по́столѡвъ, ѡ҆брѣли`, что` ѹ҆ ни́хъ бы́ло сло́во не ѡ҆ мꙋжа́хъ слꙋжа́щихъ та́инствамъ, но ѡ҆ слꙋже́нiи въ потре́бностяхъ трапе́зъ. И҆́бо въ кни́гѣ дѣя́нiй напи́сано та́кѡ: во дне́хъ ѻ҆́нѣхъ ѹ҆мно́жившымся ѹ҆ченикѡ́мъ, бы́сть ропта́нiе є҆́ллинѡвъ ко є҆вре́ѡмъ, ꙗ҆́кѡ презира́еми быва́хꙋ во вседне́внѣмъ слꙋже́нiи вдови̑цы и҆́хъ. Призва́вше же двана́десять мно́жество ѹ҆чени̑къ, рѣ́ша: не ѹ҆го́дно є҆́сть на́мъ ѡ҆ста́вльшымъ сло́во бж҃iе, слꙋжи́ти трапе́замъ. Ѹ҆смотри́те ѹ҆`бо, бра́тiе, мꙋ́жи ̾ѿ ва́съ свидѣ́тельствованы се́дмь, и҆спо́лнены дх҃а ст҃а и҆ премꙋ́дрости, и҆`хже поста́вимъ над̾ слꙋ́жбою се́ю: мы́ же въ моли́твѣ и҆ слꙋже́нiи сло́ва пребꙋ́демъ. И҆ ѹ҆го́дно бы́сть сло́во сiе` пред̾ всѣ̑мъ наро́домъ: и҆ и҆збра́ша стефа́на, мꙋ́жа и҆спо́лнена вѣ́ры и҆ дх҃а ст҃а, и҆ фiлíппа и҆ про́хора, и҆ нiкано́ра, и҆ тíмѡна, и҆ парме́на, и҆ нiкола́а, прише́льца а҆нтiохíйскаго, и҆`хже поста́виша пред̾ а҆по́столы{Дѣя́н. гл. ѕ҃, ст. а҃ <-> ѕ҃.}. Сiе` и҆з̾ясня́я ѹ҆чи́тель цр҃кви i҆ѡа́ннъ златоꙋ́стый, та́кѡ бесѣ́дꙋетъ: ѹ҆дивле́нiя досто́йно, ка́кѡ не раздѣли́ся наро́дъ при и҆збра́нiи мꙋже́й, ка́кѡ не ̾ѿри́нꙋты и҆́мъ а҆по́столы. Но до́лжно вѣ́дати, како́е досто́инство и҆мѣ́ли сiи` мꙋ́жи, и҆ како́е прiя́ли рꙋкоположе́нiе: въ сте́пень ли дiа́конѡвъ; но ѻ҆́ныя не бы́ло въ цр҃квахъ: (с. п҃в) въ до́лжность ли пресвѵ́терѡвъ; но є҆ще` не бы́ло никако́гѡ є҆пíскопа, а҆ то́кмѡ бы́ли ѻ҆дни` а҆по́столы. сегѡ` ра́ди дꙋ́маю, что` ни и҆́мя дiа́конѡвъ, ни пресвѵ́терѡвъ не бы́ло и҆звѣ́стно и҆ ѹ҆потреби́тельно. На ѡ҆снова́нiи сегѡ` и҆ мы` проповѣ́дꙋемъ, ꙗ҆́кѡ вышерече́нные се́дмь дiа́конѡвъ не должны` прiе́млемы бы́ти за слꙋжи́телей та́инствамъ, по и҆зложе́нномꙋ ѹ҆че́нiю, но сꙋ́ть тѣ`, котѡ́рымъ порꙋчено` бы́ло домострои́тельство для ѻ҆́бщей потре́бности тогда` со́бранныхъ: и҆ ѻ҆ни` бы́ли для на́съ въ се́мъ слꙋ́чаѣ ѻ҆бразце́мъ человѣколю́бiя и҆ попече́нiя ѡ҆ нꙋжда́ющихся.

ПРА́ВИЛО з҃_i.

Поне́же кли́рiки разли́чныхъ цр҃квей, ѡ҆ста́вивъ свои` цр҃кви, въ ко́ихъ ѻ҆ни` поста́влены, перешли` къ и҆ны́мъ є҆пíскопамъ, и҆, без̾ во́ли своегѡ` є҆пíскопа, ѡ҆предѣлены` въ чꙋжи́хъ цр҃квахъ, и҆ чрез̾ сiе` ѻ҆ни` ѡ҆ка́зываются непокори́выми: тогѡ` ра́ди ѡ҆предѣля́емъ, дабы` ̾ѿ мѣ́сяца i҆аннꙋа́рiа минꙋ́вшагѡ четве́ртагѡ i҆ндíкта никто` и҆з̾ кли́рiкѡвъ, въ како́й бы сте́пени кто` ни бы́лъ, не и҆мѣ́лъ пра́ва, без̾ ѹ҆вольни́тельной ̾ѿ своегѡ` є҆пíскопа гра́маты, ѡ҆предѣле́нъ бы́ти къ и҆но́й це́ркви. Не соблюда́ющiй сегѡ` ̾ѿны́нѣ, но постыжда́ющiй собо́ю соверши́вшаго над̾ ни́мъ рꙋкоположе́нiе, да бꙋ́детъ и҆зве́рженъ и҆ са́мъ, и҆ непра́вильнѡ прiя́вшiй є҆го`.

ПРА́ВИЛО и҃_i.

Кли́рiкамъ, по причи́нѣ наше́ствiя ва́рварѡвъ, и҆ли` по и҆но́мꙋ како́мꙋ ѡ҆бстоя́тельствꙋ, ѡ҆ста́вившымъ свои` мѣста`, повелѣва́емъ, когда` ѡ҆бстоя́тєльства, и҆ли` ва́рварскiя нашє́ствiя, бы́вшыя причи́ною ѹ҆дале́нiя и҆́хъ, прекратя́тся, па́ки въ свои` це́ркви возвраща́тися, и҆ ѻ҆́ныхъ не ѡ҆ставля́ти надо́лгѡ без̾ причи́ны. А҆́ще же кто` пребꙋ́детъ въ ̾ѿсꙋ́тствiи, несогла́снѡ съ настоя́щимъ (с. п҃г) пра́виломъ: да бꙋ́детъ ̾ѿлꙋче́нъ, доко́лѣ не возврати́тся къ свое́й це́ркви. Томꙋ́ же са́момꙋ да подверга́ется и҆ є҆пíскопъ, є҆го` ѹ҆де́рживающiй.

ПРА́ВИЛО ѳ҃_i.

Предстоя́тели цр҃кве́й должны` по вся` дни`, наипа́че же во дни` воскре́сные, поꙋча́ти ве́сь кли́ръ и҆ наро́дъ словеса́мъ благоче́стiя, и҆збира́я и҆з̾ бж҃е́ственнагѡ писа́нiя разꙋмѣ̑нiя и҆ разсꙋждє́нiя и҆́стины, и҆ не престꙋпа́я положе́нныхъ ѹ҆же` предѣ́лѡвъ и҆ преда̑нiя бг҃оно́сныхъ ѻ҆тє́цъ: и҆ а҆́ще бꙋ́детъ и҆зслѣ́дꙋемо сло́во писа́нiя, то не и҆́накѡ да и҆з̾ясня́ютъ ѻ҆́ное, ра́звѣ ка́къ и҆зложи́ли свѣти̑ла и҆ ѹ҆чи́тели цр҃кви въ свои́хъ писа́нiяхъ, и҆ си́ми бо́лѣе да ѹ҆довлетворя́ются, не́жели поставле́нiемъ со́бственныхъ сло́въ, дабы`, при недоста́ткѣ ѹ҆мѣ́нiя въ се́мъ, не ѹ҆клони́тися ̾ѿ подоба́ющагѡ. И҆́бо, чрез̾ ѹ҆че́нiе вышерече́нныхъ ѻ҆тє́цъ, лю́ди, полꙋча́я позна́нiе ѡ҆ до́бромъ и҆ досто́йномъ и҆збра́нiя, и҆ ѡ҆ неполе́зномъ и҆ досто́йномъ ̾ѿвраще́нiя, и҆справля́ютъ жи́знь свою` на лꙋ́чшее, и҆ не стра́ждꙋтъ недꙋ́гомъ невѣ́дѣнiя, но, внима́я ѹ҆че́нiю, побꙋжда́ютъ себя` къ ѹ҆дале́нiю ̾ѿ ѕла`, и҆, стра́хомъ ѹ҆грожа́ющихъ наказа́нiй, содѣ́лываютъ свое` спасе́нiе.

ПРА́ВИЛО к҃.

Да не бꙋ́детъ позво́лено є҆пíскопꙋ во и҆но́мъ гра́дѣ, не принадлежа́щемъ є҆мꙋ`, всенаро́днѡ ѹ҆чи́ти. А҆́ще же кто` ѹ҆смо́тренъ бꙋ́детъ творя́щiй сiе`: да преста́нетъ ̾ѿ є҆пíскопства, и҆ да соверша́етъ дѣла` пресвѵ́терства.

ПРА́ВИЛО к҃а.

Ѡ҆каза́вшiеся вино́вными въ престꙋпле́нiяхъ, проти́вныхъ пра́виламъ, и҆ за сiе` подве́ргнꙋтые соверше́нномꙋ и҆ всегда́шнемꙋ и҆зверже́нiю и҆з̾ своегѡ` чи́на, и҆ въ состоя́нiе мiря́нъ и҆́згнанные, а҆́ще, приходя` доброво́ль(с. п҃д)нѡ въ раска́янiе, ̾ѿверга́ютъ грѣ́хъ, за кото́рый лиши́лися благода́ти, и҆ ̾ѿ ѻ҆́нагѡ соверше́ннѡ ѹ҆страня́ютъ себя`: да стригꙋ́тся по ѻ҆́бразꙋ кли́ра. А҆́ще же самопроизво́льнѡ не пожела́ютъ тогѡ`: да растя́тъ власы` подо́бнѡ мiря́намъ, ꙗ҆́кѡ предпоче́тшiе ѡ҆браще́нiе въ мíрѣ жи́зни небе́сной.

ПРА́ВИЛО к҃в.

Во є҆пíскопы, и҆ли` въ какꙋ́ю бы то` ни бы́ло сте́пень кли́ра поставля́емыхъ за де́ньги, а҆ не по и҆спыта́нiю и҆ и҆збра́нiю за ѻ҆́бразъ жи́зни, повелѣва́емъ и҆зверга́ти, та́кожде и҆ тѣ́хъ, ко́ими ѻ҆ни` поста́влены.

ПРА́ВИЛО к҃г.

Никто` и҆з̾ є҆пíскопѡвъ, и҆ли` пресвѵ́терѡвъ, и҆ли` дiа́конѡвъ, преподая` пречи́стое прича́стiе, да не тре́бꙋетъ ̾ѿ причаща́ющагѡся за таково́е причаще́нiе де́негъ, и҆ли` чегѡ` и҆на́гѡ. И҆́бо благода́ть не продае́ма: и҆ мы` не за де́ньги преподае́мъ ѡ҆свяще́нiе дх҃а, но неꙋхищре́ннѡ до́лжно преподава́ть ѻ҆́ное достѡ́йнымъ сегѡ` да́ра. А҆́ще же кто` и҆з̾ чи́слящихся въ кли́рѣ ѹ҆смо́тренъ бꙋ́детъ тре́бꙋющимъ како́гѡ либо ро́да воздая́нiя ̾ѿ тогѡ`, комꙋ` преподае́тъ пречи́стое прича́стiе: да бꙋ́детъ и҆зве́рженъ, ꙗ҆́кѡ ревни́тель сíмѡнова заблꙋжде́нiя и҆ кова́рства.

ПРА́ВИЛО к҃д.

Никомꙋ` и҆з̾ чи́слящихся въ свяще́нномъ чи́нѣ, ни мона́хꙋ, не позволя́ется ходи́ти на ко́нскiя риста́лища, и҆ли` присꙋ́тствовати на позо́рищныхъ и҆́грахъ. И҆ а҆́ще кто` и҆з̾ кли́ра зва́нъ бꙋ́детъ на бра́къ: то при появле́нiи и҆́гръ, слꙋжа́щихъ къ ѡ҆больще́нiю, да воста́нетъ, и҆ тотча́съ да ѹ҆дали́тся: и҆́бо та́къ повелѣва́етъ на́мъ ѹ҆че́нiе ѻ҆тє́цъ на́шихъ. А҆́ще же кто` ѡ҆бличе́нъ бꙋ́детъ въ се́мъ: и҆ли` да преста́нетъ, и҆ли` да бꙋ́детъ и҆зве́рженъ.

(с. п҃є)

ПРА́ВИЛО к҃є.

Вмѣ́стѣ со всѣ́ми про́чими воз̾ѡбновля́емъ и҆ то пра́вило{Четве́рт. вселе́нск. собо́ра пра́в. з҃_i.}, кото́рое заповѣ́дꙋетъ, что́бы по ка́ждой це́ркви прихо́ды, сꙋ́щiе въ се́лахъ и҆ли` предгра́дiяхъ, неизмѣ́ннѡ ѡ҆става́лися под̾ вла́стiю пра́вящихъ и҆́ми є҆пíскопѡвъ, и҆ наипа́че, є҆́стьли сiи` въ продолже́нiи три́десяти лѣ́тъ безспо́рнѡ и҆мѣ́ли ѻ҆́ные въ свое́мъ вѣ́дѣнiи и҆ ѹ҆правле́нiи. А҆́ще же не да́лѣе три́десяти лѣ́тъ бы́лъ, и҆ли` бꙋ́детъ ѡ҆ ни́хъ како́й спо́ръ: то позволи́тельнѡ почита́ющымъ себя` ѡ҆би́женными, нача́ти ѡ҆ то́мъ дѣ́ло пред̾ ѻ҆бластны́мъ собо́ромъ.

ПРА́ВИЛО к҃ѕ.

Пресвѵ́теръ, по невѣ́дѣнiю ѡ҆бяза́вшiйся непра́вильнымъ бра́комъ, пресвѵ́терскимъ сѣда́лищемъ пꙋ́сть по́льзꙋется, согла́снѡ съ тѣ́мъ, ка́къ законополо́жено на́мъ въ свяще́нномъ пра́вилѣ{Неокес. собо́ра пра́в. ѳ҃.}, ̾ѿ про́чихъ же дѣ́йствiй пресвѵ́терскихъ да ѹ҆де́ржится: и҆́бо таково́мꙋ дово́льнѡ проще́нiя. Благословля́ти же дрꙋга́го. долженствꙋ́ющемꙋ врачева́ти со́бствєнныя ꙗ҆́звы, не подоба́етъ. И҆́бо благослове́нiе є҆́сть преподая́нiе ѡ҆свяще́нiя: но кто` сегѡ` не и҆мѣ́етъ, по причи́нѣ грѣха` невѣ́дѣнiя, то́тъ ка́къ препода́стъ дрꙋго́мꙋ; Тогѡ` ра́ди да не благословля́етъ ни всенаро́днѡ, ни ѻ҆со́бь, и҆ да не раздѣля́етъ дрꙋги̑мъ тѣ́ла гд҃ⷭ҇ня, ниже` и҆но́е слꙋже́нiе да соверша́етъ, но дово́льствꙋяся священнослꙋжи́тельскимъ мѣ́стомъ, да про́ситъ со слеза́ми гд҃ⷭ҇а ̾ѿпꙋсти́ти є҆мꙋ` грѣ́хъ невѣ́дѣнiя. Само́ же по себѣ` ꙗ҆́вствꙋетъ, ꙗ҆́кѡ таковы́й непра́вильный бра́къ разрꙋ́шится, и҆ мꙋ́жъ ̾ѿню́дь не бꙋ́детъ и҆мѣ́ти сожи́тельства съ то́ю, чрез̾ кото́рꙋю лиши́лся священнодѣ́йствiя.

(с. п҃ѕ)

ПРА́ВИЛО к҃з.

Никто` и҆з̾ чи́слящихся въ кли́рѣ да не ѡ҆дѣва́ется въ неприли́чнꙋю ѻ҆де́ждꙋ, ни пребыва́я во гра́дѣ, ни находя́сь въ пꙋти`: но вся́кiй и҆з̾ ни́хъ да ѹ҆потребля́етъ ѻ҆дє́жды, ѹ҆же` ѡ҆предѣле́нныя для состоя́щихъ въ кли́рѣ. А҆́ще же кто` ѹ҆чини́тъ сiе`: на є҆ди́нꙋ седми́цꙋ да бꙋ́детъ ̾ѿлꙋче́нъ ̾ѿ священнослꙋже́нiя.

ПРА́ВИЛО к҃и.

Поне́же ѹ҆вѣ́дали мы`, что` въ разли́чныхъ це́рквахъ, по нѣ́коемꙋ ѹ҆си́лившемꙋся ѻ҆бы́чаю, вiногра́дъ ко ѻ҆лтарю` прино́сится, и҆ священнослꙋжи́тели, соединя́я ѻ҆́ный съ безкро́вною же́ртвою приноше́нiя, си́мъ ѻ҆́бразомъ ѻ҆боя` кꙋ́пнѡ раздѣля́ютъ наро́дꙋ: тогѡ` ра́ди неѡбходи́мымъ признае́мъ, да никто` и҆з̾ священнослꙋжи́телей впре́дь сегѡ` не твори́тъ, но да преподаю́тъ наро́дꙋ є҆ди́но приноше́нiе, во ѡ҆животворе́нiе и҆ грѣхѡ́въ ̾ѿпꙋще́нiе: приноше́нiе же вiногра́да свяще́нники да прiе́млютъ, ꙗ҆́кѡ нача́тки, и҃, благословля́я ѻ҆́ный ѻ҆со́бѡ, да преподаю́тъ прося́щымъ, во благодаре́нiе подая́телю плодѡ́въ, ко́ими, по ѡ҆предѣле́нiю бж҃iю, тѣла` на́ши возраща́ются и҆ пита́ются. А҆́ще же кто` и҆з̾ кли́ра ѹ҆чини́тъ вопреки` заповѣ́данномꙋ, да бꙋ́детъ и҆зве́рженъ ̾ѿ своегѡ` чи́на.

ПРА́ВИЛО к҃ѳ.

Пра́вило ѻ҆тє́цъ карѳаге́нскагѡ собо́ра повелѣва́етъ, дабы` священнодѣ́йствiе ѻ҆лтаря`{Разꙋмѣ́ется бж҃е́ственная лiтꙋргíя.} соверша́емо бы́ло не и҆на́че, ра́звѣ людьми` нея́дшими, кромѣ` є҆ди́нагѡ въ годꙋ` дня`, въ кото́рый ве́черя гд҃ⷭ҇ня соверша́ется{Карѳаг. собо́ра пра́в. м҃и.}. Святы́е ѻ҆тцы` ѻ҆́ные, мо́жетъ бы́ть, по нѣ́которымъ мѣ́стнымъ причи́намъ, поле́знымъ для це́ркви, ѹ҆чини́ли тако́е распоряже́нiе. А҆ поне́же на́съ ни(с. п҃з)что` не побꙋжда́етъ ѡ҆ста́вити благоговѣ́йнꙋю стро́гость: то послѣ́дꙋя а҆по́стольскимъ и҆ ѻ҆те́ческимъ преда́нiямъ, ѡ҆предѣля́емъ, ꙗ҆́кѡ не подоба́етъ въ четыредеся́тницꙋ, въ четверто́къ послѣ́днiя седми́цы, разрѣша́ти поще́нiе, и҆ тѣ́мъ всю` четыредеся́тницꙋ безче́ствовати.

ПРА́ВИЛО л҃.

Жела́я вся̑ твори́ти къ созида́нiю це́ркви, разсꙋди́ли мы` и҆ въ и҆ноплеме́нническихъ це́рквахъ ѡ҆брѣта́ющихся свяще́нникѡвъ бл҃гоꙋстро́ити. Тогѡ` ра́ди, а҆́ще ѻ҆ни` за до́лжное вмѣня́ютъ да́лѣе постꙋпа́ти а҆по́стольскагѡ пра́вила{А҆по́ст. пра́в. є҃.}, запреща́ющагѡ и҆згоня́ти женꙋ` свою`, под̾ ви́домъ благоговѣ́нiя, и҆ бо́лѣе ѹ҆становле́ннагѡ твори́ти мня́тъ, и҆ сегѡ` ра́ди, по согла́сiю съ свои́ми сꙋпрꙋ́гами, ѹ҆даля́ются ̾ѿ соѡбще́нiя дрꙋ́гъ съ дрꙋ́гомъ: ѡ҆предѣля́емъ, да не и҆мѣ́ютъ бо́лѣе сожи́тельства съ ѻ҆́ными, ни под̾ каки́мъ ви́домъ, дабы` си́мъ ѻ҆́бразомъ ꙗ҆ви́ли ѻ҆ни` на́мъ соверше́нное доказа́тельство своегѡ` ѻ҆бѣ́та. Сiе́ же попꙋсти́ли и҆`мъ не ра́ди чегѡ` и҆но́гѡ, ра́звѣ то́кмѡ ра́ди малодꙋ́шнагѡ по́мысла и҆́хъ, и҆ є҆ще` чꙋ́ждыхъ и҆ неблагоꙋстро́енныхъ нра́вѡвъ.

ПРА́ВИЛО л҃а.

Ѡ҆предѣля́емъ. что́бы священнослꙋжи́тели, священнодѣ́йствꙋющiе, и҆ли` креща́ющiе въ моли́твенныхъ хра́минахъ, находя́щихся внꙋтри` домѡ́въ, твори́ли сiе` не и҆на́че, ка́къ по и҆зволе́нiю мѣ́стнагѡ є҆пíскопа. Тогѡ` ра́ди, а҆́ще кото́рый кли́рiкъ не бꙋ́детъ соблюда́ти сегѡ` таковы́мъ ѻ҆́бразомъ, да бꙋ́детъ и҆зве́рженъ.

ПРА́ВИЛО л҃в.

До свѣ́дѣнiя на́шегѡ дошло`, что` въ а҆рмя́нской странѣ` соверша́ющiе безкро́внꙋю же́ртвꙋ, прино́сятъ (с. п҃и) на свято́й трапе́зѣ є҆ди́но вiно`, не растворя́я ѻ҆́нагѡ водо́ю, приводя` въ свое` ѡ҆правда́нiе ѹ҆чи́теля цр҃кви i҆ѡа́нна златоꙋ́стаго, кото́рый въ толкова́нiи на є҆ѵа́нгелiе ̾ѿ матѳе́а глаго́летъ сiе`: чегѡ` ра́ди не во́дꙋ пи́лъ воскре́сшiй гд҃ⷭ҇ь, но вiно`; для тогѡ`, да съ ко́рнемъ и҆сто́ргнетъ и҆нꙋ́ю нечести́вꙋю є҆́ресь. И҆́бо ка́къ сꙋ́ть нѣ́кiе, ѹ҆потребля́ющiе въ та́инствѣ во́дꙋ: тогѡ` ра́ди ѹ҆казꙋ́етъ, ꙗ҆́кѡ вiно` ѹ҆потреби́лъ и҆ тогда`, когда` та́инство преподава́лъ, и҆ по воскресе́нiи, когда` предлага́лъ простꙋ́ю трапе́зꙋ, без̾ та́инства, и҆, ѹ҆казꙋ́я на сiе`, глаго́летъ: ̾ѿ плода` ло́знагѡ{Матѳ. гл. к҃ѕ ст. к҃ѳ.}, лоза́ же вiногра́дная вiно`, а҆ не во́дꙋ произво́дитъ. И҆з̾ сегѡ` выво́дятъ, ꙗ҆́кобы се́й ѹ҆чи́тель ̾ѿверга́етъ присоедине́нiе воды` во свято́мъ жертвоприноше́нiи. Тогѡ` ра́ди, дабы` таковы́е не бы́ли ̾ѿны́нѣ ѡ҆держи́мы невѣ́дѣнiемъ, мы` ̾ѿкрыва́емъ правосла́вное разꙋмѣ́нiе сегѡ` ѻ҆тца`. Поне́же сꙋществова́ла дре́вняя ѕла́я є҆́ресь ѵ҆дропараста́тѡвъ, то́ є҆сть, водоприноси́телей, кото́рые въ свое́мъ жертвоприноше́нiи, вмѣ́стѡ вiна`, ѹ҆потребля́ли є҆ди́нꙋю во́дꙋ: то се́й бг҃оно́сный мꙋ́жъ, ѡ҆проверга́я беззако́нное ѹ҆че́нiе таково́й є҆́реси, и҆ показꙋ́я, что` ѻ҆ни` и҆́дꙋтъ пря́мѡ проти́въ а҆по́стольскагѡ преда́нiя, ѹ҆потреби́лъ вышеприведе́нныя слова`. И҆́бо и҆ ѻ҆́нъ свое́й це́ркви, над̾ ко́ею ввѣ́рено бы́ло є҆мꙋ` па́стырское правле́нiе, пре́далъ, присоединя́ти къ вiнꙋ` во́дꙋ, когда` надлежи́тъ соверша́ти безкро́внꙋю же́ртвꙋ, ѹ҆казꙋ́я на соедине́нiе кро́ви и҆ воды`, и҆з̾ пречи́стагѡ ребра` и҆скꙋпи́теля на́шегѡ и҆ спаси́теля хр҃ⷭ҇та` бг҃а и҆сте́кшее, къ ѡ҆животворе́нiю всегѡ` мíра и҆ ко и҆скꙋпле́нiю ̾ѿ грѣхѡ́въ. И҆ во всѣ́хъ це́рквахъ, гдѣ` сiя́ли дꙋхѡ́вныя свѣти̑ла, се́й бг҃опреда́нный чи́нъ сохраня́ется. Поне́же и҆ i҆а́(с. п҃ѳ)кѡвъ, хр҃ⷭ҇та` бг҃а на́шегѡ по пло́ти бра́тъ, ко́емꙋ пе́рвомꙋ ввѣ́ренъ престо́лъ i҆ерꙋсали́мскiя це́ркви, и҆ васíлiй кесарíйскiя це́ркви а҆рхiепíскопъ, ко́егѡ сла́ва протекла` по все́й вселе́нной, пи́сменнѡ преда́въ на́мъ таи́нственное священнодѣ́йствiе, положи́ли въ бж҃е́ственной лiтꙋргíи, и҆з̾ воды` и҆ вiна` составля́ти святꙋ́ю ча́шꙋ. И҆ въ карѳаге́нѣ собра́вшiеся преподо́бные ѻ҆тцы`, сiи` то́чнѡ слова` и҆зрекли`: да не прино́сится во свято́мъ та́инствѣ ничто` бо́лѣе, то́чiю тѣ́ло и҆ кро́вь гд҃ⷭ҇ня, ꙗ҆́коже и҆ са́мъ гд҃ⷭ҇ь пре́далъ, то́ є҆сть хлѣ́бъ и҆ вiно`, водо́ю растворе́нное. А҆́ще же кто` є҆пíскопъ, и҆ли` пресвѵ́теръ, твори́тъ, не по пре́данномꙋ ̾ѿ а҆по́столѡвъ чи́нꙋ, и҆ во́дꙋ съ вiно́мъ не соединя́я, си́мъ ѻ҆́бразомъ прино́ситъ пречи́стꙋю же́ртвꙋ: да бꙋ́детъ и҆зве́рженъ, ꙗ҆́кѡ несоверше́ннѡ та́инство возвѣща́ющiй, и҆ пре́данное нововведе́нiемъ поврежда́ющiй.

ПРА́ВИЛО л҃г.

Поне́же мы` ѹ҆вѣ́дали, что` въ а҆рмя́нской странѣ` прiе́млются въ кли́ръ то́кмѡ тѣ`, ко́и сꙋ́ть и҆з̾ свяще́нническагѡ ро́да, въ че́мъ i҆ꙋде́йскимъ ѻ҆бы́чаямъ послѣ́дꙋютъ та́кѡ твори́ти предпрiе́млющiе: нѣ́которые же и҆з̾ таковы́хъ и҆ не полꙋчи́въ церковнослꙋжи́тельскагѡ постриже́нiя, поставля́ются священнопѣвца́ми и҆ чтеца́ми бж҃е́ственнагѡ хра́ма: то полага́емъ, да не бꙋ́детъ ̾ѿны́нѣ позво́лено жела́ющымъ возвести` нѣ́которыхъ въ кли́ръ, впре́дь взира́ти на ро́дъ производи́магѡ: но и҆спы́тывая, досто́йны ли ѻ҆ни`, по и҆зѡбраже́ннымъ въ свяще́нныхъ пра́вилахъ ѡ҆предѣле́нiямъ, бы́ти сопричи́сленными къ кли́рꙋ, да произво́дятъ и҆`хъ въ слꙋжи́телей це́ркви, хотя́ бы ѻ҆ни` происходи́ли ̾ѿ посвяще́нныхъ пре́дкѡвъ, хотя́ бы нѣ́тъ. Та́кожде никомꙋ` да не бꙋ́детъ позво́лено съ а҆мвѡ́на возглаша́ти бж҃е́(с. ч҃)ственныя словеса` наро́дꙋ, по чи́нꙋ сопричте́нныхъ къ кли́рꙋ, ра́звѣ кто` бꙋ́детъ ѹ҆досто́енъ посвяще́нiя съ постриже́нiемъ, и҆ полꙋ́читъ благослове́нiе ̾ѿ своегѡ` па́стыря согла́снѡ съ пра́вилами. А҆́ще же кто` ѹ҆смо́тренъ бꙋ́детъ творя́щимъ вопреки` предпи́санномꙋ: да бꙋ́детъ ̾ѿлꙋче́нъ.

ПРА́ВИЛО л҃д.

Поне́же свяще́нное пра́вило{Четве́рт. вселе́нскагѡ собо́ра пра́в. и҃_i.} ꙗ҆́снѡ возвѣща́етъ и҆ сiе`, что` престꙋпле́нiе соꙋмышле́нiя, и҆ли` составле́нiя ско́пища, и҆ внѣ́шними зако́нами соверше́ннѡ воспрещено`: мно́гѡ же па́че надлежи́тъ воспрети́ти, да не быва́етъ сiе` въ це́ркви бж҃iей: то и҆ мы` тщи́мся соблюда́ти, да, а҆́ще нѣ́кiе кли́рiки, и҆ли` мона́хи ѹ҆смо́трены бꙋ́дꙋтъ встꙋпа́ющими въ соꙋмы́шлєнiя, и҆ли` скѡ́пища, и҆ли` стро́ющими ко́вы є҆пíскопамъ, и҆ли` сокли́рiкамъ, совсѣ́мъ да низверга́ются со своегѡ` сте́пени.

ПРА́ВИЛО л҃є.

Да не бꙋ́детъ позво́лено никомꙋ` и҆з̾ митрополíтѡвъ, по сме́рти є҆пíскопа, подвла́стнагѡ є҆гѡ` престо́лꙋ, ̾ѿнима́ти, и҆ли` присвоя́ти и҆мѣ́нiе є҆гѡ`, и҆ли` це́ркви є҆гѡ`: но да состои́тъ ѻ҆но` под̾ ѡ҆хране́нiемъ кли́ра тоя` це́ркви, ко́ея предстоя́телемъ бы́лъ преста́вльшiйся, да́же до произведе́нiя и҆на́гѡ є҆пíскопа: ра́звѣ когда` не ѡ҆ста́нется кли́рiкѡвъ въ ѻ҆́ной це́ркви. Тогда` митрополíтъ да соблюда́етъ ѻ҆́ное въ цѣ́лости, и҆ все` да преда́стъ є҆пíскопꙋ, кото́рый поста́вленъ бꙋ́детъ.

ПРА́ВИЛО л҃ѕ.

Возѡбновля́я законоположе́нное сто` пяти́десятiю святы́ми ѻ҆тца́ми, собра́вшимися въ се́мъ бг҃охрани́момъ и҆ ца́рствꙋющемъ гра́дѣ{Втор. всел. собо́ра прав. г҃.}, и҆ ше́сть сѡ́тъ (с. ч҃а) три́десятiю, собра́вшимися въ халкидо́нѣ{Четве́рт. всел. собо́ра пра́в. к҃и.}, ѡ҆предѣля́емъ, да и҆мѣ́етъ престо́лъ кѡнстантiнопо́льскiй ра́вныя преимꙋ́щєства съ престо́ломъ дре́внягѡ ри́ма, и҆, ꙗ҆́коже се́й, да возвели́чивается въ дѣла́хъ церко́вныхъ, бꙋ́дꙋчи вторы́мъ по не́мъ: по́слѣ же ѻ҆́нагѡ да чи́слится престо́лъ вели́кагѡ гра́да а҆леѯандрíи, пото́мъ престо́лъ а҆нтiохíйскiй, а҆ за си́мъ престо́лъ гра́да i҆ерꙋсали́ма.

ПРА́ВИЛО л҃з.

Поне́же въ ра́зныя времена` бы́ли ва́рварскiя нашє́ствiя, и҆ ̾ѿ тогѡ` мно́жайшiе гра́ды содѣ́лались порабоще́нными беззакѡ́ннымъ, и҆ по се́й причи́нѣ предстоя́телю такова́гѡ гра́да не возмо́жно бы́ло, по соверше́нiи над̾ ни́мъ рꙋкоположе́нiя, прiя́ти сво́й престо́лъ, ѹ҆тверди́тися на не́мъ въ состоя́нiи священнонача́льственномъ, и҆ та́кѡ по пре́данномꙋ ѻ҆бы́чаю, рꙋкоположє́нiя и҆ все`, что` є҆пíскопꙋ сво́йственно, производи́ти и҆ соверша́ти: тогѡ` ра́ди мы`, соблюда́я свяще́нствꙋ че́сть и҆ ѹ҆важе́нiе, и҆ жела́я, что́бы порабоще́нiе ̾ѿ ꙗ҆зы́чникѡвъ ̾ѿню́дь не дѣ́йствовало ко вредꙋ` церко́вныхъ пра̑въ, постанови́ли, да та́кѡ рꙋкоположе́нные и҆, по вышеизло́женной причи́нѣ, на свои` престо́лы не встꙋпи́вшiе, не подлежа́тъ за сiе` предѡсꙋжде́нiю: почемꙋ` и҆ рꙋкоположє́нiя въ ра́зные сте́пени кли́ра, по пра́виламъ, да соверша́ютъ, и҆ преимꙋ́ществомъ предсѣда́нiя, соѻбра́знѡ своемꙋ` предѣ́лꙋ, да по́льзꙋются, и҆ вся́кое происходя́щее ̾ѿ ни́хъ нача́льственное дѣ́йствiе да бꙋ́детъ признава́емо тве́рдымъ и҆ зако́ннымъ. И҆́бо нꙋ́ждою вре́мени и҆ препя́тствiями въ соблюде́нiи то́чности не должны` стѣсня́емы бы́ти предѣ́лы ѹ҆правле́нiя.

(с. ч҃в)

ПРА́ВИЛО л҃и.

Ѻ҆тца́ми на́шими положе́нное сохраня́емъ и҆ мы` пра́вило, глася́щее та́кѡ: а҆́ще ца́рскою вла́стiю вно́вь ѹ҆стро́енъ, и҆ли` впре́дь ѹ҆стро́енъ бꙋ́детъ гра́дъ: то гражда́нскимъ и҆ зе́мскимъ распредѣле́нiямъ да слѣ́дꙋетъ и҆ распредѣле́нiе церко́вныхъ дѣ́лъ{Четв. вселе́нск. собо́р. пра́в. з҃_i.}.

ПРА́ВИЛО л҃ѳ.

Поне́же бра́тъ и҆ сослꙋжи́тель на́шъ i҆ѡа́ннъ, предстоя́тель ѻ҆́строва кѵ́пра, кꙋ́пнѡ съ свои́мъ наро́домъ, по причи́нѣ ва́рварскихъ наше́ствiй, и҆ дабы` ѡ҆свободи́тися ̾ѿ ꙗ҆зы́ческагѡ ра́бства, и҆ вѣ́рнѡ поко́рствовати скѵ́петрꙋ хрiстiа́ннѣйшiя держа́вы, и҆з̾ ѹ҆помянꙋ́тагѡ ѻ҆́строва пресели́лся въ геллеспо́нтскꙋю ѻ҆́бласть, промышле́нiемъ чл҃вѣколюби́вагѡ бг҃а, и҆ тща́нiемъ хр҃ⷭ҇толюби́вагѡ и҆ благочести́вагѡ царя` на́шегѡ: то мы` постановля́емъ, да бꙋ́дꙋтъ сохранены` неизмѣ́нными преимꙋ́щєства, да́нныя престо́лꙋ вы́ше наимено́ваннагѡ мꙋ́жа, ̾ѿ бг҃оно́сныхъ ѻ҆тє́цъ, во є҆фе́сѣ нѣ́когда собра́вшихся, да и҆мѣ́етъ но́вый i҆ꙋстiнiано́поль права` кѡнстантiнопо́ля. и҆ ѹ҆чрежда́емый въ ѻ҆́номъ бг҃олюбе́знѣйшiй є҆пíскопъ да нача́льствꙋетъ над̾ всѣ́ми є҆пíскопами геллеспо́нтскiя ѻ҆́бласти, и҆ да бꙋ́детъ постановля́емь ̾ѿ свои́хъ є҆пíскопѡвъ, по дре́внемꙋ ѻ҆бы́чаю. И҆́бо и҆ бг҃оно́сные ѻ҆тцы` на́ши разсꙋди́ли, да бꙋ́дꙋтъ соблюда́емы ѻ҆бы́чаи ка́ждыя це́ркви, и҆ є҆пíскопъ гра́да кѷзíческагѡ подчиня́ется предстоя́телю рече́ннагѡ i҆ꙋстiнiано́поля, по примѣ́рꙋ всѣ́хъ про́чихъ є҆пíскопѡвъ, подвла́стныхъ вышерече́нномꙋ бг҃олюбе́знѣйшемꙋ предстоя́телю i҆ѡа́ннꙋ: ̾ѿ кото́рагѡ, когда` потре́бно бꙋ́детъ, и҆ самагѡ` кѵ́зiка гра́да є҆пíскопъ да поставля́ется.

(с. ч҃г)

ПРА́ВИЛО м҃.

Поне́же прилѣпля́тися бг҃ꙋ, чрез̾ ѹ҆дале́нiе ̾ѿ молвы` жите́йскiя, весьма` спаси́тельно: то мы` должны` не без̾ и҆спыта́нiя безвре́меннѡ прiима́ти и҆збира́ющихъ житiе` мона́шеское, но и҆ въ ̾ѿноше́нiи къ ни́мъ соблюда́ти пре́данное на́мъ ̾ѿ ѻ҆тє́цъ постановле́нiе: и҆ сегѡ` ра́ди до́лжно прiима́ти ѻ҆бѣ́тъ жи́зни по бз҃ѣ, ꙗ҆́кѡ ѹ҆же` тве́рдый и҆ происходя́щiй ̾ѿ вѣ́дѣнiя и҆ разсꙋжде́нiя, по́слѣ по́лнагѡ раскры́тiя ра́зꙋма. И҆ та́кѡ намѣрева́ющiйся встꙋпи́ти под̾ и҆́го мона́шества да бꙋ́детъ не ме́нѣе, ка́къ десятилѣ́тнiй: но и҆ для такова́гѡ во вла́сти нача́льствꙋющагѡ состои́тъ разсмотре́нiе, не признае́тъ ли ѻ҆́нъ за поле́знѣйшее продолжи́ти є҆мꙋ` вре́мя пред̾ введе́нiемъ въ жи́знь мона́шескꙋю и҆ ѹ҆твержде́нiемъ въ ѻ҆́ной. И҆́бо хотя` вели́кiй васíлiй въ свяще́нныхъ є҆гѡ` пра́вилахъ законополага́етъ, что́бы доброво́льнѡ посвяща́ющꙋю себя` бг҃ꙋ и҆ и҆збира́ющꙋю дѣ́вство, по и҆сполне́нiи є҆́й седмина́десяти лѣ́тъ, сопричисля́ти къ чи́нꙋ дѣ́въ: ѻ҆дна́кѡ мы`, послѣ́дꙋя примѣ́рꙋ пра̑вилъ ѡ҆ вдови́цахъ и҆ дiаконíссахъ, по со̾ѿвѣ́тствiю ѡ҆предѣли́ли, для и҆збра́вшихъ житiе` мона́шеское, вышерече́нное число` лѣ́тъ. И҆́бо ѹ҆ бж҃е́ственнагѡ а҆по́стола предпи́сано, шести́десяти лѣ́тъ вдови́цꙋ и҆збира́ти въ це́ркви{а҃ тiм. гл. є҃, ст. ѳ҃.}: а҆ свяще́нныя пра́вила пре́дали дiаконíссꙋ поставля́ти четы́редесяти лѣ́тъ: поне́же ѹ҆смо́трено, ꙗ҆́кѡ це́рковь, благода́тiю бж҃iею, прiя́ла бо́льшꙋю крѣ́пость и҆ преспѣ́янiе, и҆ вѣ́рные въ соблюде́нiи бж҃е́ственныхъ за́повѣдей тве́рды и҆ благонаде́жны. Сiе` и҆ мы` соверше́ннѡ ѹ҆разꙋмѣ́въ, соѻбра́знѡ съ си́мъ ѡ҆предѣли́ли: намѣрева́ющагося нача́ти по́двиги по бз҃ѣ, ско́рѡ зна́менати благослове́нiемъ благода́ти, ꙗ҆́кѡ нѣ́коею печа́тiю, си́мъ (с. ч҃д) са́мымъ споспѣшествꙋ́я є҆мꙋ` не коснѣ́ти до́лгѡ, ниже` колеба́тися, па́че же и҆ поѡщря́я є҆го` къ и҆збра́нiю добра` и҆ ко ѹ҆твержде́нiю въ ѻ҆́номъ.

ПРА́ВИЛО м҃а.

Жела́ющiе во града́хъ, и҆ли` селе́нiяхъ ѹ҆даля́тися въ затво́ры, и҆ себѣ` въ ѹ҆едине́нiи внима́ти, должны` пе́рвѣе входи́ти въ монасты́рь, прiѡбꙋча́тися къ житiю` ̾ѿше́льническомꙋ, повинова́тися въ тече́нiи тре́хъ лѣ́тъ нача́льникꙋ ѻ҆би́тели въ стра́хѣ бж҃iемъ, и҆ во все́мъ, ꙗ҆́коже подоба́етъ, послꙋша́нiе и҆сполня́ти, и҆ та́кѡ и҆з̾явля́ти свое` произволе́нiе на таковꙋ́ю жи́знь, и҆ и҆спы́тыватися ̾ѿ мѣ́стнагѡ настоя́теля, ̾ѿ всегѡ́ ли се́рдца доброво́льнѡ прилѣпля́ются къ ѻ҆́ной. Посе́мъ и҆ є҆ще` въ продолже́нiи го́да должны` терпѣли́вѡ пребы́ти внѣ` затво́ра, дабы` па́че намѣ́ренiе и҆́хъ ̾ѿкры́лось. И҆́бо тогда` ѻ҆ни` подадꙋ́тъ соверше́нное ѹ҆достовѣре́нiе въ то́мъ, ꙗ҆́кѡ не ра́ди и҆ска́нiя тще́тныя сла́вы, но ра́ди са́магѡ и҆́стиннагѡ бла́га, стремя́тся къ семꙋ` безмо́лвiю. По и҆сполне́нiи же толи́кагѡ вре́мене, а҆́ще пребꙋ́дꙋтъ въ то́мъ же намѣ́ренiи, да встꙋпа́ютъ въ затво́рничество: но и҆`мъ ѹ҆же` не позволя́ется и҆сходи́ти, по произволе́нiю, и҆з̾ такова́гѡ пребыва́нiя: ра́звѣ когда` сегѡ` потре́бꙋетъ ѻ҆бще́ственное слꙋже́нiе, и҆ли` по́льза, и҆ли` и҆на́я нꙋ́жда, претя́щая да́же сме́ртiю, и҆ то` съ благослове́нiемъ мѣ́стнагѡ є҆пíскопа. Дерза́ющихъ же, без̾ рече́нныхъ причи́нъ, и҆сходи́ти и҆з̾ свои́хъ ѡ҆бита́нiй, во пе́рвыхъ, заключа́ти въ ѹ҆помянꙋ́томъ затво́рѣ и҆ проти́вꙋ жела́нiя и҆́хъ: пото́мъ поста́ми и҆ и҆ны́ми стро́гостями и҆`хъ и҆справля́ти: поне́же вѣ́даемъ, ꙗ҆́кѡ по рече́нномꙋ въ писа́нiи, никто́же возло́жь рꙋ́кꙋ свою` на ра́ло и҆ ѡ҆бра́щся вспя́ть, ѹ҆пра́вленъ є҆́сть въ ца́рствiе небе́сное{Лꙋки` гл. ѳ҃ ст. ѯ҃в.}.

(с. ч҃є)

ПРА́ВИЛО м҃в.

Ѡ҆ и҆менꙋ́емыхъ пꙋсты́нникахъ, кото́рые, въ че́рныхъ ѻ҆де́ждахъ и҆ съ ̾ѿраще́нными власа́ми, ѡ҆бхо́дятъ гра́ды, ѡ҆браща́яся посреди` мiрски́хъ мꙋже́й и҆ же́нъ, и҆ безсла́вятъ ѻ҆бѣ́тъ сво́й, ѡ҆предѣля́емъ: а҆́ще восхотя́тъ, постри́гши власы`, прiя́ти ѻ҆́бразъ про́чихъ мона́шествꙋющихъ, то ѡ҆предѣля́ти и҆`хъ въ монасты́рь, и҆ причисля́ти къ бра́тiямъ. А҆́ще же не пожела́ютъ сегѡ`, то совсѣ́мъ и҆згоня́ти и҆`хъ и҆з̾ градѡ́въ, и҆ жи́ти и҆`мъ въ пꙋсты́няхъ, ̾ѿ ко́ихъ и҆ и҆менова́нiе себѣ` соста́вили.

ПРА́ВИЛО м҃г.

Позволи́тельно хрiстiани́нꙋ и҆збра́ти подви́жническое житiе`, и҆, по ѡ҆ставле́нiи многомяте́жной бꙋ́ри жите́йскихъ дѣ́лъ, встꙋпи́ти въ монасты́рь, и҆ пострищи́ся по ѻ҆́бразꙋ мона́шескомꙋ, а҆́ще бы и҆ ѡ҆бличе́нъ бы́лъ въ како́мъ либо грѣхопаде́нiи. И҆́бо спаси́тель на́шъ бг҃ъ ре́къ: грядꙋ́щаго ко мнѣ` не и҆зженꙋ` во́нъ{I҆ѡа́н. гл. ѕ҃, ст. л҃з.}. Поне́же ѹ҆́бѡ мона́шеское житiе` и҆зѡбража́етъ на́мъ жи́знь покая́нiя: то` и҆́скреннѡ прилѣпля́ющагося къ ѻ҆́номꙋ ѡ҆добря́емъ, и҆ никако́й пре́жнiй ѻ҆́бразъ жи́зни не воспрепя́тствꙋетъ є҆мꙋ` и҆спо́лнити свое` намѣ́ренiе.

ПРА́ВИЛО м҃д.

Мона́хъ, ѡ҆бличе́нный въ любодѣя́нiи, и҆ли` пое́млющiй женꙋ` въ ѻ҆бще́нiе бра́ка и҆ сожи́тiе, да подлежи́тъ по пра́виламъ є҆пiтiмiи` блꙋдодѣ́йствꙋющихъ.

ПРА́ВИЛО м҃є.

Поне́же мы` ѹ҆вѣ́дали, ꙗ҆́кѡ, въ нѣ́кiихъ же́нскихъ монастыря́хъ, приводя́щiе и҆мѣ́ющихъ сподо́битися ѻ҆́нагѡ свяще́ннагѡ ѻ҆́браза, пе́рвѣе ѡ҆блека́ютъ и҆`хъ ше́лковыми разноцвѣ́тными ѻ҆де́ждами, є҆ще́ же и҆ ѹ҆краше́нiями, и҆спещре́нными зла́томъ и҆ драгоцѣ́нными (с. ч҃ѕ) ка́мнями, и҆ съ пристꙋпа́ющихъ таки́мъ ѻ҆́бразомъ ко ѻ҆лтарю`, снима́ютъ сто́ль великолѣ́пное ѡ҆дѣя́нiе, и҆ въ то́тъ же ча́съ над̾ ни́ми соверша́ется благослове́нiе ѻ҆́браза мона́шескагѡ, и҆ и҆`хъ ѡ҆блека́ютъ въ че́рное ѡ҆дѣя́нiе: тогѡ` ра́ди ѡ҆предѣля́емъ, да ̾ѿны́нѣ сегѡ` ̾ѿню́дь не быва́етъ. И҆́бо не благоприли́чно, что́бы, по со́бственномꙋ произволе́нiю, ̾ѿложи́вшая ѹ҆же` вся́кꙋю прiя́тность жите́йскꙋю, возлюби́вшая жи́знь по бз҃ѣ, ѹ҆тверди́вшаяся въ ѻ҆́ной непрекло́нными мы́слями, и҆ та́кѡ къ монастырю` пристꙋпи́вшая, чрез̾ таково́е тлѣ́нное и҆ и҆счеза́ющее ѹ҆краше́нiе возврати́лася къ воспомина́нiю ѡ҆ то́мъ, что` ѹ҆же` предала` забве́нiю, и҆ ̾ѿ сегѡ` ꙗ҆ви́лась бы коле́блющеюся, и҆ возмꙋти́лася въ дꙋшѣ`, по подо́бiю во́лнъ потопля́ющихъ, и҆ тꙋда` и҆ сюда` враща́ющихъ, та́къ что`, и҆ногда` и҆ пролива́я сле́зы, не ꙗ҆вля́етъ ѻ҆на` тѣ́мъ серде́чнагѡ сокрꙋше́нiя: но а҆́ще, ꙗ҆́коже сво́йственно є҆́сть, и҆ ѹ҆паде́тъ ма́лая нѣ́кая слеза`, то и҆ сiя` ви́дящымъ возмни́тся происходя́щею не толи́кѡ ̾ѿ ѹ҆се́рдiя къ по́двигꙋ мона́шескомꙋ, коли́кѡ ̾ѿ разлꙋче́нiя съ мíромъ, и҆ съ тѣ́мъ, что` въ мíрѣ.

ПРА́ВИЛО м҃ѕ.

И҆збра́вшыя подви́жническое житiе`, и҆ ѡ҆предѣлє́нныя въ монастыри`, ̾ѿню́дь да не и҆схо́дятъ. А҆́ще же неизбѣ́жная нѣ́кая нꙋ́жда побꙋди́тъ и҆`хъ къ семꙋ`, да дѣ́лаютъ сiе` по благослове́нiю и҆ соизволе́нiю настоя́тельницы: но и҆ тогда` и҆сходи́ти должны` не ѻ҆днѣ` са́ми по себѣ`, а҆ съ нѣ́которыми ста́рицами, и҆ съ пе́рвенствꙋющими въ монастырѣ`, по повелѣ́нiю и҆гꙋ́менiи. Ѡ҆бнощева́ти же внѣ` монастыря` совсѣ́мъ не позволя́ется и҆`мъ. Та́кождѣ и҆ мꙋ́жи, проходя́щiе житiе` мона́шеское, да и҆схо́дятъ когда` настои́тъ нꙋ́жда, по благослове́нiю тогѡ`, комꙋ` (с. ч҃з) ввѣ́рено нача́льство. Посемꙋ` тѣ`, ко́и престꙋпа́ютъ сiе` на́ми ны́нѣ постано́вленное ѡ҆предѣле́нiе, мꙋ́жи и҆ли` жє́ны, да подве́ргнꙋтся прили́чнымъ є҆пiтiмiя́мъ.

ПРА́ВИЛО м҃з.

Ни жена` въ мꙋ́жескомъ монастырѣ`, ни мꙋ́жъ въ же́нскомъ да не спи́тъ. И҆́бо вѣ́рные должны` бы́ти чꙋ́жды вся́кагѡ преткнове́нiя и҆ собла́зна, и҆ благоꙋчрежда́ти жи́знь свою` соѻбра́знѡ съ благоприли́чiемъ и҆ благопристꙋпа́нiемъ ко гд҃ⷭ҇ꙋ{а҃ кор. гл. з҃, ст. л҃є.}. А҆́ще же кто` сiе` ѹ҆чини́тъ, кли́рiкъ ли, и҆ли` мiряни́нъ: да бꙋ́детъ ̾ѿлꙋче́нъ.

ПРА́ВИЛО м҃и.

Жена` производи́магѡ въ є҆п҃ⷭ҇кпское досто́инство, предвари́тельнѡ разлꙋча́ся съ мꙋ́жемъ свои́мъ, по ѻ҆́бщемꙋ согла́сiю, по рꙋкоположе́нiи є҆гѡ` въ є҆пíскопа, да встꙋ́питъ въ монасты́рь, дале́кѡ ̾ѿ ѡ҆бита́нiя сегѡ` є҆пíскопа со́зданный, и҆ да по́льзꙋется содержа́нiемъ ̾ѿ є҆пíскопа. А҆́ще же досто́йна ꙗ҆ви́тся: да возведе́тся и҆ въ досто́инство дiаконíссы.

ПРА́ВИЛО м҃ѳ.

Воз̾ѡбновля́я и҆ сiе` свяще́нное пра́вило{Четве́рт. вселе́нскагѡ собо́ра пра́в. к҃д.}, ѡ҆предѣля́емъ, дабы` є҆ди́ножды ѡ҆свяще́нные, по и҆зволе́нiю є҆пíскопа, монастыри` пребыва́ли навсегда` монастыря́ми, и҆ принадлежа́щее ѻ҆́нымъ и҆мѣ́нiе соблюда́лося монастырю`, и҆ дабы` ѻ҆́ные ѹ҆же` не могли` бы́ти мiрски́ми ѡ҆бита́лищами, и҆ никѣ́мъ не могли` бы́ти пре́даны мiрски́мъ человѣ́камъ. А҆́ще же доны́нѣ сiе` и҆ слꙋча́лося съ нѣ́кiими и҆з̾ ѻ҆́ныхъ, то ѡ҆предѣля́емъ, да ̾ѿню́дь не бꙋ́дꙋтъ ѹ҆де́рживаемы: дерза́ющiе же ̾ѿ настоя́щагѡ вре́мени твори́ти сiе`, да подлежа́тъ є҆пiтiмiи` по пра́виламъ.

(с. ч҃и)

ПРА́ВИЛО н҃.

Никто` и҆з̾ мiря́нъ и҆ кли́рiкѡвъ впре́дь да не предае́тся предѡсꙋди́тельной и҆грѣ`. А҆́ще же кто` ѹ҆смо́тренъ бꙋ́детъ творя́щимъ сiе`: то кли́рiкъ да бꙋ́детъ и҆зве́рженъ и҆з̾ кли́ра, а҆ мiряни́нъ да бꙋ́детъ ̾ѿлꙋче́нъ ̾ѿ ѻ҆бще́нiя церко́внагѡ.

ПРА́ВИЛО н҃а.

Святы́й вселе́нскiй собо́ръ се́й соверше́ннѡ возбраня́етъ бы́ти смѣхотво́рцамъ, и҆ и҆́хъ зрѣ́лищамъ, та́кожде и҆ зрѣ́лища ѕвѣри̑ныя твори́ти и҆ пляса̑нiя на позо́рищи. А҆́ще же кто` настоя́щее пра́вило презри́тъ, и҆ преда́стся кото́ромꙋ либо и҆з̾ си́хъ возбране́нныхъ ѹ҆веселе́нiй: то кли́рiкъ да бꙋ́детъ и҆зве́рженъ и҆з̾ кли́ра, а҆ мiряни́нъ да бꙋ́детъ ̾ѿлꙋче́нъ ̾ѿ ѻ҆бще́нiя церко́внагѡ.

ПРА́ВИЛО н҃в.

Во всѣ` дни` поста` святы́я четыредеся́тницы, кромѣ` сꙋббѡ́ты и҆ недѣ́ли и҆ свята́гѡ дня` благовѣ́щенiя, свята́я лiтꙋргíя да быва́етъ не и҆на́я, ка́къ преждеѡсвяще́нныхъ дарѡ́въ.

ПРА́ВИЛО н҃г.

Поне́же сродство` по дх҃ꙋ є҆́сть важнѣ́е сою́за по тѣ́лꙋ, а҆ мы` ѹ҆вѣ́дали, что` въ нѣ́кiихъ мѣста́хъ, нѣ́которые воспрiе́млющiе дѣте́й ̾ѿ свята́гѡ и҆ спаси́тельнагѡ креще́нiя, по́слѣ сегѡ` встꙋпа́ютъ въ бра́чное сожи́тельство съ ма́терями и҆́хъ, вдо́вствꙋющими: то ѡ҆предѣля́емъ, дабы` ̾ѿ настоя́щагѡ вре́мени ничто` таково́е не бы́ло твори́мо. А҆́ще же кото́рые, по настоя́щемъ пра́вилѣ, ѹ҆смо́трены бꙋ́дꙋтъ творя́щими сiе`: таковы́е, во пе́рвыхъ, да ̾ѿстꙋ́пятъ ̾ѿ сегѡ` незако́ннагѡ сꙋпрꙋ́жества, пото́мъ да бꙋ́дꙋтъ подве́ргнꙋты є҆пiтiмiи` любодѣ́йствꙋющихъ.

ПРА́ВИЛО н҃д.

Бж҃е́ственное писа́нiе ꙗ҆́снѡ наꙋча́етъ на́съ: да не пристꙋ́пиши ко вся́комꙋ бли́ж(с. ч҃ѳ)немꙋ пло́ти своея` ̾ѿкры́ти срамоты` є҆гѡ`{Леѵ. гл. и҃_i, ст. ѕ҃.}. Бг҃оно́сный васíлiй, въ пра́вилахъ свои́хъ, нѣ́которые и҆з̾ запреще́нныхъ бра́кѡвъ, и҆счи́слилъ, а҆ весьма` мно́гiе преше́лъ молча́нiемъ, и҆ чрез̾ то` и҆ дрꙋго́е ѹ҆стро́илъ на́мъ поле́зное. И҆́бо, и҆збѣга́я мно́жества посты́дныхъ и҆менова́нiй, дабы` таковы́ми назва́нiями не ѡ҆скверни́ти сло́ва, ѻ҆́нъ ѡ҆зна́чилъ нечистоты̑ ѻ҆́бщими наименова́нiями, чрез̾ ко́и показа́лъ на́мъ беззако́нные бра́ки въ ѻ҆́бщемъ ви́дѣ. Но поне́же, чрез̾ таково́е и҆ неразличи́тельное запреще́нiе беззако́нныхъ бра́кѡвъ, є҆стество` само` себя` смѣ́шивало: то мы` призна́ли нꙋ́жнымъ ̾ѿкры́тѣе и҆зложи́ти сiе`, и҆ ѡ҆предѣля́емъ ̾ѿны́нѣ: а҆́ще кто` совокꙋпля́ется въ ѻ҆бще́нiе бра́ка со свое́ю двою́родною сестро́ю, и҆ли` а҆́ще ѻ҆те́цъ и҆ сы́нъ съ ма́терiю и҆ дще́рiю, и҆ли` съ двѣма` дѣ́вами сестра́ми ѻ҆те́цъ и҆ сы́нъ, и҆ли` съ двꙋмя` бра́тiями ма́терь и҆ дще́рь, и҆ли` два` бра́та съ двꙋмя` сестра́ми: да подверга́ются пра́вилꙋ седмилѣ́тней є҆пiтiмiи`, ꙗ҆́внѡ по разлꙋче́нiи и҆́хъ ̾ѿ беззако́ннагѡ сꙋпрꙋ́жества.

ПРА́ВИЛО н҃є.

Поели́кꙋ мы` ѹ҆вѣ́дали, ꙗ҆́кѡ ѡ҆бита́ющiе во гра́дѣ ри́мѣ, во святꙋ́ю четыредеся́тницꙋ, въ сꙋббѡ́тꙋ є҆я` постя́тся, вопреки` пре́данномꙋ церко́вномꙋ послѣ́дованiю: то свято́мꙋ собо́рꙋ ѹ҆го́дно, да и҆ въ ри́мской це́ркви ненарꙋши́мѡ соблюда́ется пра́вило, глаго́лющее: а҆́ще кто` и҆з̾ кли́ра ѹ҆смо́тренъ бꙋ́детъ во святы́й де́нь гд҃ⷭ҇ень, и҆ли` въ сꙋббѡ́тꙋ постя́щимся, кромѣ` є҆ди́ныя то́кмѡ: да бꙋ́детъ и҆зве́рженъ, а҆́ще же мiряни́нъ, да бꙋ́детъ ̾ѿлꙋче́нъ{А҆по́ст. пра́в. ѯ҃д.}.

ПРА́ВИЛО н҃ѕ.

Ѹ҆вѣ́дали мы` та́кожде, ꙗ҆́кѡ въ а҆рме́нской странѣ`, (с. р҃) и҆ въ и҆ны́хъ мѣста́хъ, въ сꙋббѡ́ты и҆ въ воскре́сные дни` святы́я четыредеся̑тницы, ꙗ҆дя́тъ нѣ́которые сы́ръ и҆ ꙗ҆́ица. Тогѡ` ра́ди за бла́го при́знано и҆ сiе`, да цр҃ковь бж҃iя, по все́й вселе́нной слѣ́дꙋя є҆ди́номꙋ чи́нꙋ, соверша́етъ по́стъ, и҆ возде́рживается, ꙗ҆́коже ̾ѿ вся́кагѡ закала́емагѡ, та́кожде ̾ѿ ꙗ҆и́цъ и҆ сы́ра, котѡ́рыя сꙋ́ть пло́дъ и҆ произведе́нiе тогѡ`, ̾ѿ чегѡ` возде́рживаемся. А҆́ще же сегѡ` не бꙋ́дꙋтъ соблюда́ти: то кли́рiки да бꙋ́дꙋтъ и҆зве́ржены, а҆ мiря́не да бꙋ́дꙋтъ ̾ѿлꙋчены`.

ПРА́ВИЛО н҃з.

Не подоба́етъ приноси́ти ко ѻ҆лтарю` ме́дъ и҆ млеко`.

ПРА́ВИЛО н҃и.

Никто` и҆з̾ состоя́щихъ въ разря́дѣ мiря́нъ да не преподае́тъ себѣ` бж҃е́ствєнныя та̑йны, когда` є҆́сть є҆пíскопъ, и҆ли` пресвѵ́теръ, и҆ли` дiа́конъ. Дерза́ющiй же на что́ либо таково́е, ка́къ постꙋпа́ющiй проти́вꙋ чиноположе́нiя, на є҆ди́нꙋ недѣ́лю да бꙋ́детъ ̾ѿлꙋче́нъ ̾ѿ ѻ҆бще́нiя церко́внагѡ, вразꙋмля́яся тѣ́мъ, немꙋ́дрствовати па́че, є҆́же подоба́етъ мꙋ́дрствовати{Рим. гл. в҃_i, ст. г҃.}.

ПРА́ВИЛО н҃ѳ.

Креще́нiе да не соверша́ется въ моли́твенницѣ, внꙋтри` до́ма ѡ҆брѣта́ющейся: но хотя́щiе ѹ҆досто́итися пречи́стагѡ просвѣще́нiя, къ каѳолíческимъ це́рквамъ да прихо́дятъ, и҆ та́мѡ сегѡ` да́ра да сподобля́ются. А҆́ще же кто` ѡ҆бличе́нъ бꙋ́детъ не храня́щимъ постано́вленнагѡ на́ми: то кли́рiкъ да бꙋ́детъ и҆зве́рженъ, а҆ мiряни́нъ да бꙋ́детъ ̾ѿлꙋче́нъ.

{комм.}Стро́гость сегѡ` пра́вила, въ слꙋ́чаяхъ неѡбходи́мыхъ и҆ несомни́тельныхъ, ѡ҆блегча́ть дана` вла́сть є҆пíскопꙋ, л҃а пра́виломъ сегѡ́ же собо́ра.

ПРА́ВИЛО ѯ҃.

Поели́кꙋ а҆по́столъ вопiе́тъ, ꙗ҆́кѡ прилѣпля́яйся гд҃ⷭ҇еви, є҆ди́нъ дꙋ́хъ є҆́сть съ (с. р҃а) гд҃ⷭ҇емъ{а҃ кор. гл. ѕ҃, ст. з҃_i.}: то ꙗ҆́вно є҆́сть, ꙗ҆́кѡ и҆ проти́вникꙋ себе` ѹ҆своя́ющiй быва́етъ є҆ди́но съ ни́мъ, по ѻ҆бще́нiю. Посемꙋ` разсꙋждено`: лицемѣ́рнѡ бѣснꙋ́ющихся, и҆ таковы́й ѻ҆́бразъ дѣ́йствiй, по ѕло́сти нра́вѡвъ, притво́рнѡ на себя` прiе́млющихъ, нака́зывати вся́кимъ ѻ҆́бразомъ, и҆ подверга́ти и҆`хъ таки́мъ же сꙋро́востямъ и҆ трꙋда́мъ, каковы̑мъ по́длиннѡ бѣснꙋ́емые, ра́ди ѡ҆свобожде́нiя ̾ѿ де́монскагѡ дѣ́йствiя, пра́веднѡ подверга́ются.

ПРА́ВИЛО ѯ҃а.

Предаю́щiеся волше́бникамъ, и҆ли` та́къ и҆менꙋ́ємымъ стонача́льникамъ{Та́къ называ́лись старѣ́йшiе волхвы`.}, и҆ли` дрꙋги̑мъ подѡ́бнымъ, дабы` ѹ҆зна́ти ̾ѿ ни́хъ, что` восхотя́тъ и҆`мъ ̾ѿкры́ти, согла́снѡ съ пре́жними ѻ҆те́ческими ѡ҆ ни́хъ постановле́нiями, да подлежа́тъ пра́вилꙋ шестилѣ́тнiя є҆пiтiмiи`. То́й же є҆пiтiмiи` надлежи́тъ подверга́ти и҆ тѣ́хъ, кото́рые во́дятъ медвѣ́дицъ, и҆ли` и҆ны́хъ живо́тныхъ, на посмѣ́шище и҆ на вре́дъ простѣ́йшихъ, и҆, соединя́я ѻ҆бма́нъ съ безꙋ́мiемъ, произно́сятъ гада̑нiя ѡ҆ ща́стiи, ѡ҆ сꙋдьбѣ`, ѡ҆ родосло́вiи, и҆ мно́жество дрꙋги́хъ подо́бныхъ то́лкѡвъ: равнѡ` и҆ та́къ и҆менꙋ́емыхъ ѻ҆блакогони́телей, ѡ҆бая́телей, дѣ́лателей предохрани́тельныхъ талисма́нѡвъ, и҆ колдꙋнѡ́въ. Закоснѣва́ющихъ же въ се́мъ, и҆ не ̾ѿвраща́ющихся и҆ не ѹ҆бѣга́ющихъ ̾ѿ таковы́хъ па́гꙋбныхъ и҆ ꙗ҆зы́ческихъ вы́мыслѡвъ, ѡ҆предѣля́емъ совсѣ́мъ и҆зверга́ти и҆з̾ це́ркви, ка́къ и҆ свящє́нныя пра́вила повелѣва́ютъ. И҆́бо, ко́е ѻ҆бще́нiе свѣ́тꙋ ко тмѣ`, ꙗ҆́коже глаго́летъ а҆по́столъ; и҆ли` ко́е сложе́нiе це́ркви бж҃iей со i҆́дѡлы; и҆ли` ка́я ча́сть вѣ́рномꙋ съ невѣ́рнымъ; ко́е же согла́сiе хр҃ⷭ҇та` съ велiа́ромъ{в҃ кор. гл. ѕ҃, ст. д҃_i <-> ѕ҃_i.};

(с. р҃в)

ПРА́ВИЛО ѯ҃в.

Та́къ называ́емые кале́нды, во́та, врꙋма́лiа{Под̾ и҆́менемъ кале́ндъ, запреща́ется пра́зднованiе пе́рвагѡ дня` ка́ждагѡ мѣ́сяца, съ ѻ҆бря́дами и҆ ѹ҆веселе́нiями ̾ѿ ꙗ҆зы́чества происше́дшими: под̾ и҆́менемъ во́та, ѡ҆ста́тки ꙗ҆зы́ческагѡ пра́зднованiя въ че́сть па́на: под̾ и҆́менемъ врꙋма́лiа, ѡ҆ста́тки пра́зднованiя въ че́сть ꙗ҆зы́ческагѡ божества` дiонѵ́са и҆ли` ва́кха, ко́егѡ ѻ҆дно` и҆з̾ прозва́нiй є҆́сть вро́мiй.}, и҆ наро́дное сбо́рище въ пе́рвый де́нь мѣ́сяца ма́рта, жела́емъ совсѣ́мъ и҆сто́ргнꙋти и҆з̾ житiя` вѣ́рныхъ. Та́кожде и҆ всенаро́дныя жє́нскiя пляса̑нiя, вели́кiй вре́дъ и҆ па́гꙋбꙋ наноси́ти могꙋ́щыя, равнѡ` и҆ въ че́сть богѡ́въ, ло́жнѡ та́къ є҆́ллинами и҆менꙋ́емыхъ, мꙋ́жескимъ и҆ли` же́нскимъ по́ломъ производи̑мыя пляса̑нiя и҆ ѻ҆бря́ды, по нѣ́коемꙋ стари́нномꙋ и҆ чꙋ́ждомꙋ хрiстiа́нскагѡ житiя` ѻ҆бы́чаю соверша́емые, ̾ѿверга́емъ, и҆ ѡ҆предѣля́емъ: никако́мꙋ мꙋ́жꙋ не ѡ҆дѣва́тися въ же́нскꙋю ѻ҆де́ждꙋ, ни женѣ` въ ѻ҆де́ждꙋ мꙋ́жꙋ сво́йственнꙋю: не носи́ти личи́нъ кѡмíческихъ, и҆ли` сатѷрíческихъ, и҆ли` трагíческихъ: при давле́нiи вiногра́да въ точи́лахъ, не возглаша́ти гнꙋ́снагѡ и҆́мени дiонѵ́са, и҆ при влива́нiи вiна` въ бо́чки не производи́ти смѣ́ха, и҆ по невѣ́жествꙋ, и҆ли` въ ви́дѣ сꙋеты` не дѣ́лати тогѡ`, что` принадлежи́тъ къ бѣсо́вской пре́лести. Посемꙋ` тѣ́хъ, кото́рые ̾ѿны́нѣ, зна́я сiе`, дерзнꙋ́тъ дѣ́лати что́ либо и҆з̾ вышеска́заннагѡ, а҆́ще сꙋ́ть кли́рiки, повелѣва́емъ и҆зверга́ти и҆з̾ свяще́ннагѡ чи́на, а҆́ще же мiря́не, ̾ѿлꙋча́ти ̾ѿ ѻ҆бще́нiя церко́внагѡ.

ПРА́ВИЛО ѯ҃г.

Пѡ́вѣсти ѡ҆ мꙋ́ченикахъ, врага́ми и҆́стины лжи́вѡ соста́влєнныя, дабы` ѡ҆безсла́вити хр҃ⷭ҇то́выхъ мꙋ́ченикѡвъ, и҆ слы́шащихъ привести` къ невѣ́рiю, повелѣва́емъ, не ѡ҆бнаро́довати въ це́рквахъ, но предава́ти ѻ҆́ныя ѻ҆гню`. Прiе́млющихъ же ѻ҆́ныя, и҆ли` внима́ющихъ (с. р҃г) ѻ҆́нымъ ка́къ бꙋ́дто и҆́стиннымъ, а҆наѳема́тствꙋемъ.

ПРА́ВИЛО ѯ҃д.

Не подоба́етъ мiряни́нꙋ пред̾ наро́домъ произноси́ти сло́во, и҆ли` ѹ҆чи́ти, и҆ та́кѡ бра́ти на себя` ѹ҆чи́тельское досто́инство, но повинова́тися пре́данномꙋ ̾ѿ гд҃ⷭ҇а чи́нꙋ, ̾ѿверза́ти ѹ҆́хо прiя́вшымъ бл҃года́ть ѹ҆чи́тельскагѡ сло́ва, и҆ ̾ѿ ни́хъ поꙋча́тися бж҃е́ственномꙋ. И҆́бо въ є҆ди́ной це́ркви ра́зные чле́ны сотвори́лъ бг҃ъ, по сло́вꙋ а҆по́стола{а҃ кор. гл. в҃_i, ст. к҃з.}, кото́рое и҆з̾ясня́я григо́рiй бг҃осло́въ, ꙗ҆́снѡ пока́зываетъ находя́щiйся въ ни́хъ чи́нъ, глаго́ля: се́й, бра́тiя, чи́нъ почти́мъ, се́й сохрани́мъ: се́й да бꙋ́детъ ѹ҆́хомъ, а҆ то́тъ я҆зы́комъ: се́й рꙋко́ю, а҆ дрꙋгíй и҆ны́мъ чѣ́мъ либо: се́й да ѹ҆́читъ, то́тъ да ѹ҆́чится. И҆ по́слѣ немно́гихъ сло́въ да́лѣе глаго́летъ: ѹ҆ча́щiйся да бꙋ́детъ въ повинове́нiи, раздаю́щiй да раздае́тъ съ весе́лiемъ, слꙋжа́щiй да слꙋ́житъ съ ѹ҆се́рдiемъ. Да не бꙋ́демъ всѣ` я҆зы́комъ, а҆́ще и҆ всегѡ` бли́же сiе`, ни всѣ` а҆по́столами, ни всѣ` проро́ками, ни всѣ` и҆столкова́телями. И҆ по́слѣ нѣ́кихъ сло́въ є҆ще` глаго́летъ: почто` твори́ши себе` па́стыремъ, бꙋ́дꙋчи ѻ҆вце́ю; почто` дѣ́лаешися главо́ю, бꙋ́дꙋчи ного́ю; почто` покꙋша́ешися военача́льствовати, бы́въ поста́вленъ въ рядꙋ` во́инѡвъ; И҆ въ дрꙋго́мъ мѣ́стѣ повелѣва́етъ премꙋ́дрость: не бꙋ́ди ско́ръ въ слова́хъ{Є҆ккл. гл. є҃, ст. а҃.}: не распростира́йся ѹ҆бо́гъ сы́й съ бога́тымъ{При́тч. гл. к҃г, ст. д҃.}: не и҆щи` мꙋ́дрыхъ мꙋдрѣ́йшiй бы́ти. А҆́ще же кто` ѹ҆смо́тренъ бꙋ́детъ нарꙋша́ющимъ настоя́щее пра́вило: на четы́редесять дне́й да бꙋ́детъ ̾ѿлꙋче́нъ ̾ѿ ѻ҆бще́нiя цр҃ко́внагѡ.

ПРА́ВИЛО ѯ҃є.

Въ новомѣ́сячiя, возжига́нiе нѣ́которыми, пред̾ свои́ми (с. р҃д) ла́вками, и҆ли` дома́ми, кострѡ́въ, чрез̾ ко́и, по нѣ́коемꙋ стари́нномꙋ ѻ҆бы́чаю, безꙋ́мнѡ ска́чꙋтъ, повелѣва́емъ ̾ѿны́нѣ ѹ҆праздни́ти. Посемꙋ` а҆́ще кто` ѹ҆чини́тъ что́ либо таково́е: то кли́рiкъ да бꙋ́детъ и҆зве́рженъ, а҆ мiряни́нъ, да бꙋ́детъ ̾ѿлꙋче́нъ. И҆́бо въ четве́ртой кни́гѣ ца́рствъ напи́сано: и҆ сотвори` манассíя ѻ҆лта́рь все́й си́лѣ небе́снѣй, на дв҃ꙋ дво́рѣхъ до́мꙋ гд҃ⷭ҇ня, и҆ провожда́ше сы́ны своя` чрез̾ ѻ҆́гнь, и҆ вража́ше и҆ волхвова̑нiя творя́ше, и҆ сотвори` чревовѣща́телей, и҆ волшє́бницы ѹ҆мно́жи твори́ти лꙋка́вое пред̾ ѻ҆чи́ма гд҃ⷭ҇нима, є҆́же прогнѣ́вати є҆го`{д҃ ца́р. гл. к҃а, ст. є҃, ѕ҃.}.

ПРА́ВИЛО ѯ҃ѕ.

Ѿ свята́гѡ дня` воскресе́нiя хр҃ⷭ҇та` бг҃а на́шегѡ до недѣ́ли но́выя, во всю` седми́цꙋ вѣ́рные должны` во святы́хъ це́рквахъ непреста́ннѡ ѹ҆пражня́тися, во ѱалмѣ́хъ и҆ пѣ́нiяхъ и҆ пѣ́снехъ дꙋхо́вныхъ, ра́дꙋяся и҆ торжествꙋ́я во хр҃ⷭ҇тѣ`, и҆ чте́нiю бж҃е́ственныхъ писа́нiй внима́я, и҆ святы́ми та́йнами наслажда́яся. И҆́бо таки́мъ ѻ҆́бразомъ со хр҃ⷭ҇то́мъ кꙋ́пнѡ воскре́снемъ, и҆ вознесе́мся. Тогѡ` ра́ди ̾ѿню́дь въ рече́нные дни` да не быва́етъ ко́нское риста́нiе, и҆ли` и҆но́е наро́дное зрѣ́лище.

ПРА́ВИЛО ѯ҃з.

Бж҃е́ственное писа́нiе заповѣ́дало на́мъ воздержа́тися ̾ѿ кро́ве и҆ ѹ҆да́вленины и҆ блꙋда`{Дѣя́н. гл. є҃_i, ст. к҃ѳ.}. Посемꙋ`, ра́ди ла́комствꙋющагѡ чре́ва, кро́вь како́гѡ бы то` ни бы́ло живо́тнагѡ, каки́мъ либо и҆скꙋ́сствомъ прiꙋготовля́ющихъ въ снѣ́дь, и҆ та́кѡ ѻ҆́нꙋю ꙗ҆дꙋ́щихъ, благоразсмотри́тельнѡ є҆пiтiмiи` подверга́емъ. А҆́ще ѹ҆`бо кто` ̾ѿны́нѣ ꙗ҆́сти бꙋ́детъ кро́вь живо́тнагѡ каки́мъ либо ѻ҆́бразомъ: то кли́рiкъ да бꙋ́детъ и҆зве́рженъ, а҆ мiряни́нъ да бꙋ́детъ ̾ѿлꙋче́нъ.

(с. р҃є)

ПРА́ВИЛО ѯ҃и.

Кни̑ги ве́тхагѡ и҆ но́вагѡ завѣ́та, та́кожде святы́хъ и҆ при́знанныхъ на́шихъ проповѣ́дникѡвъ и҆ ѹ҆чи́телей, никомꙋ` не позволя́ется поврежда́ти, и҆ли` книгопрода́вцамъ, и҆ли` та́къ называ́ємымъ мѷрова́рцамъ, и҆ли` и҆но́мꙋ комꙋ́ либо предава́ти для и҆стребле́нiя: ра́звѣ когда` ̾ѿ моли`, и҆ли` ̾ѿ воды`, и҆ли` и҆ны́мъ ѻ҆́бразомъ сдѣ́лаются неспосо́бными къ ѹ҆потребле́нiю. Кто́ же ̾ѿны́нѣ таково́е что́ либо дѣ́лающимъ ѹ҆смо́тренъ бꙋ́детъ: то́тъ да бꙋ́детъ ̾ѿлꙋче́нъ на го́дъ. Ра́внымъ ѻ҆́бразомъ такѡвы́я кни̑ги покꙋпа́ющiй, є҆́стьли ни ѹ҆ себя` не ѹ҆де́ржитъ ѻ҆́ныхъ для свое́й по́льзы, ни дрꙋго́мꙋ не ̾ѿда́стъ въ благодѣя́нiе и҆ для хране́нiя, но ѻ҆́ныя поврежда́ти де́рзнетъ: да бꙋ́детъ ̾ѿлꙋче́нъ.

ПРА́ВИЛО ѯ҃ѳ.

Никомꙋ` и҆з̾ всѣ́хъ, принадлежа́щихъ къ разря́дꙋ мiря́нъ, да не бꙋ́детъ позво́лено входи́ти внꙋ́трь сщ҃е́ннагѡ ѻ҆лтаря`. Но, по нѣ́коемꙋ дре́внѣйшемꙋ преда́нiю, ̾ѿню́дь не возбраня́ется сiе` вла́сти и҆ досто́инствꙋ ца́рскомꙋ, когда` восхо́щетъ принести` да́ры творцꙋ`.

ПРА́ВИЛО ѻ҃.

Не позволи́тельно жена́мъ, во вре́мя бж҃е́ственныя лiтꙋргíи глаго́лати, но, по сло́вꙋ а҆по́стола па́ѵла, да молча́тъ. Не повелѣ́ся бо и҆`мъ глаго́лати, но повинова́тися, ꙗ҆́коже и҆ зако́нъ глаго́летъ. А҆́ще ли же чесомꙋ` наꙋчи́тися хотя́тъ: въ домꙋ` свои́хъ мꙋже́й да вопроша́ютъ{а҃ кор. гл. д҃_i, ст. л҃д, л҃є.}.

ПРА́ВИЛО ѻ҃а.

Ѹ҆ча́щiеся зако́намъ гражда́нскимъ не должны` ѹ҆потребля́ти є҆́ллинскихъ ѻ҆быкнове́нiй, и҆ли` бы́ти води́мы на зрѣ́лища, и҆ли` соверша́ти та́къ и҆менꙋ́є(с. р҃ѕ)мыя кѷлíстры{Кѷлíстры, по мнѣ́нiю валсамѡ́на, бы́ли ро́дъ жре́бiя, посре́дствомъ кото́рагѡ ѹ҆чи́тели разбира́ли по себѣ` ѹ҆ченикѡ́въ.}, и҆ли` ѡ҆дѣва́тися въ ѻ҆де́жды, не находя́щыяся въ ѻ҆́бщемъ ѹ҆потребле́нiи, ни въ то` вре́мя, когда` начина́ютъ ѹ҆че́нiе, ни тогда`, ка́къ ѻ҆́ное ѡ҆ка́нчиваютъ, ни воѻбще` въ продолже́нiи ѻ҆́нагѡ. А҆́ще же кто` ̾ѿны́нѣ де́рзнетъ сiе` дѣ́лати: да бꙋ́детъ ̾ѿлꙋче́нъ.

ПРА́ВИЛО ѻ҃в.

Недосто́итъ мꙋ́жꙋ правосла́вномꙋ съ жено́ю є҆ретíческою бра́комъ совокꙋпля́тися, ни правосла́вной женѣ` съ мꙋ́жемъ є҆ретiко́мъ сочетава́тися. А҆́ще же ѹ҆смо́трено бꙋ́детъ нѣ́что таково́е, содѣ́ланное кѣ́мъ либо: бра́къ почита́ти не тве́рдымъ, и҆ незако́нное сожи́тiе расторга́ти. И҆́бо не подоба́етъ смѣ́шивати несмѣша́емое, ниже` совокꙋпля́ти съ ѻ҆вце́ю во́лка, и҆ съ ча́стiю хр҃ⷭ҇то́вою жре́бiй грѣ́шникѡвъ. А҆́ще же кто` постано́вленное на́ми престꙋ́питъ: да бꙋ́детъ ̾ѿлꙋче́нъ. Но а҆́ще нѣ́которые, бꙋ́дꙋчи є҆ще` въ невѣ́рiи, и҆ не бы́въ причтены` къ ста́дꙋ правосла́вныхъ, сочета́лися междꙋ` собо́ю зако́ннымъ бра́комъ: пото́мъ є҆ди́нъ и҆з̾ ни́хъ, и҆збра́въ благо́е, прибѣ́гнꙋлъ ко свѣ́тꙋ и҆́стины, а҆ дрꙋгíй ѡ҆ста́лся во ѹ҆́захъ заблꙋжде́нiя, не жела́я воззрѣ́ти на бж҃е́ственные лꙋчи`, и҆ а҆́ще прито́мъ невѣ́рной женѣ` ѹ҆го́дно сожи́тельствовати съ мꙋ́жемъ вѣ́рнымъ, и҆ли` напро́тивъ мꙋ́жꙋ невѣ́рномꙋ съ жено́ю вѣ́рною: то да не разлꙋча́ются, по бж҃е́ственномꙋ а҆п҃ⷭ҇толꙋ: святи́тся во мꙋ́жъ невѣ́ренъ ѡ҆ женѣ`, и҆ святи́тся жена` невѣ́рна ѡ҆ мꙋ́жѣ{а҃ кор. гл. з҃, ст. д҃_i.}.

ПРА́ВИЛО ѻ҃г.

Поели́кꙋ животворя́щiй кр҃ⷭ҇тъ ꙗ҆ви́лъ на́мъ спасе́нiе: то подоба́етъ на́мъ вся́кое тща́нiе ѹ҆потребля́ти, да (с. р҃з) бꙋ́детъ воздава́ема подоба́ющая че́сть томꙋ`, чрез̾ что` мы` спасе́ны ̾ѿ дре́внягѡ грѣхопаде́нiя. Посемꙋ` и҆ мы́слiю, и҆ сло́вомъ, и҆ чꙋ́вствомъ поклоне́нiе є҆мꙋ` принося`, повелѣва́емъ: и҆зѡбражє́нiя креста`, наче́ртываємыя нѣ́которыми на земли`, совсѣ́мъ и҆зглажда́ти, дабы` зна́менiе побѣ́ды на́шея не бы́ло ѡ҆скорбля́емо попира́нiемъ ходя́щихъ. И҆ та́къ ̾ѿны́нѣ наче́ртывающихъ на земли` и҆зѡбраже́нiе креста` повелѣва́емъ ̾ѿлꙋча́ти.

ПРА́ВИЛО ѻ҃д.

Не до́лжно въ мѣста́хъ, посвяще́нныхъ гд҃ⷭ҇ꙋ, и҆ли` въ це́рквахъ, соверша́ти та́къ называ́емыя трапє́зы братолю́бiя, и҆ внꙋтри` хра́ма ꙗ҆́сти, и҆ ло́же постила́ти. Сiе́ же твори́ти дерза́ющiе, и҆ли` да преста́нꙋтъ, и҆ли` да бꙋ́дꙋтъ ̾ѿлꙋче́ны.

ПРА́ВИЛО ѻ҃є.

Жела́емъ, что́бы приходя́щiе въ це́рковь для пѣ́нiя не ѹ҆потребля́ли безчи́нныхъ во́плей, не вынꙋжда́ли и҆з̾ себя` неєсте́ственнагѡ кри́ка, и҆ не вводи́ли ничегѡ` несоѻбра́знагѡ и҆ несво́йственнагѡ це́ркви: но съ вели́кимъ внима́нiемъ и҆ ѹ҆миле́нiемъ приноси́ли ѱалмопѣ̑нiя бг҃ꙋ, назира́ющемꙋ сокрове́нное. И҆́бо свяще́нное сло́во поꙋча́ло сынѡ́въ i҆зра́илевыхъ бы́ти благоговѣ́йными{Леѵ. гл. є҃_i, ст. л҃а.}.

ПРА́ВИЛО ѻ҃ѕ.

Никто` не до́лженъ внꙋтри` свяще́нныхъ ѡ҆гра́дъ корче́мницꙋ, и҆ли` разли̑чныя снѣ́ди поставля́ти, и҆ли` и҆ны́я кꙋ̑пли производи́ти, сохраня́я благоговѣ́нiе къ це́рквамъ. И҆́бо спаси́тель на́шъ и҆ бг҃ъ, житiе́мъ свои́мъ во пло́ти поꙋча́я на́съ, повелѣ́лъ не твори́ти до́мꙋ ѻ҆ц҃а` своегѡ` до́момъ кꙋ́пли. Ѻ҆́нъ и҆ пѣ́няжникамъ разсы́палъ пѣ́нязи, и҆ и҆згна́лъ творя́щихъ святы́й хра́мъ мiрски́мъ мѣ́стомъ{I҆ѡа́н. гл. в҃, ст. є҃_i, ѕ҃_i.}. Посемꙋ` а҆́ще (с. р҃и) кто` бꙋ́детъ ѡ҆бличе́нъ въ рече́нномъ престꙋпле́нiи: да бꙋ́детъ ̾ѿлꙋче́нъ.

ПРА́ВИЛО ѻ҃з.

Не до́лжно священнослꙋжи́телямъ и҆ли` приче́тникамъ, и҆ли` и҆́нокамъ мы́тися въ ба́нѣ, вмѣ́стѣ съ жена́ми, ни да́же вся́комꙋ хрiстiа́нинꙋ мiряни́нꙋ. И҆́бо сiе` є҆́сть пе́рвое нарека́нiе со стороны` ꙗ҆зы́чникѡвъ. А҆́ще же кто` въ се́мъ ѡ҆бличе́нъ бꙋ́детъ: то кли́рiкъ да бꙋ́детъ и҆зве́рженъ, а҆ мiряни́нъ да бꙋ́детъ ̾ѿлꙋче́нъ.

ПРА́ВИЛО ѻ҃и.

Гото́вящымся ко креще́нiю надлежи́тъ ѡ҆бꙋча́тися вѣ́рѣ, и҆ въ пя́тый де́нь седми́цы дава́ти ̾ѿвѣ́тъ є҆пíскопꙋ, и҆ли` пресвѵ́терамъ.

ПРА́ВИЛО ѻ҃ѳ.

Бж҃е́ственное ̾ѿ дѣ́вы рожде́нiе, ꙗ҆́кѡ безсѣ́меннѡ бы́вшее, и҆сповѣ́дꙋя безболѣ́зненнымъ, и҆ сiе` всемꙋ` ста́дꙋ проповѣ́дꙋя, подверга́емъ и҆справле́нiю творя́щихъ, по невѣ́дѣнiю, что́ либо не до́лжное. Поне́же ѹ҆́бѡ нѣ́кiе, по днѣ` свята́гѡ рождества` хр҃ⷭ҇та` бг҃а на́шегѡ, ѹ҆сма́триваются приготовля́ющими хлѣ́бенное пече́нiе, и҆ дрꙋ́гъ дрꙋ́гꙋ передаю́щими, а҆́ки вы` въ че́сть болѣ́зней рожде́нiя всенепоро́чныя дѣ́вы ма́тери: то мы` ѡ҆предѣля́емъ, да не соверша́ютъ вѣ́рные ничегѡ` такова́гѡ. И҆́бо не є҆́сть сiе` че́сть дѣ́вѣ, па́че ѹ҆ма` и҆ сло́ва, пло́тiю роди́вшей невмѣсти́мое сло́во: а҆́ще є҆я` неизрече́нное рожде́нiе ѡ҆предѣля́ютъ, и҆ представля́ютъ по примѣ́рꙋ ѻ҆быкнове́ннагѡ и҆ на́мъ сво́йственнагѡ рожде́нiя. А҆́ще ѹ҆́бѡ ̾ѿны́нѣ ѹ҆смо́тренъ бꙋ́детъ кто́ либо та́кѡ творя́щiй: то кли́рiкъ да бꙋ́детъ и҆зве́рженъ, а҆ мiряни́нъ да бꙋ́детъ ̾ѿлꙋче́нъ.

ПРА́ВИЛО п҃.

А҆́ще кто`, є҆пíскопъ, и҆ли` пресвѵ́теръ, и҆ли` дiа́конъ, и҆ли` кто́ либо и҆з̾ сопричи́сленныхъ къ кли́рꙋ, и҆ли` (с. р҃ѳ) мiряни́нъ, не и҆мѣ́я никако́й настоя́тельной нꙋ́жды, и҆ли` препя́тствiя, кото́рымъ бы надо́лгѡ ѹ҆стране́нъ бы́лъ ̾ѿ своея` це́ркви, но пребыва́я во гра́дѣ, въ три` воскре́сные дни` въ продолже́нiи тре́хъ седми́цъ, не прiи́детъ въ церко́вное собра́нiе: то кли́рiкъ да бꙋ́детъ и҆зве́рженъ и҆з̾ кли́ра, а҆ мiряни́нъ да бꙋ́детъ ѹ҆дале́нъ ̾ѿ ѻ҆бще́нiя.

ПРА́ВИЛО п҃а.

Поне́же мы` ѹ҆вѣ́дали, ꙗ҆́кѡ въ нѣ́кихъ страна́хъ, въ трисвято́й пѣ́сни, по́слѣ сло́въ: святы́й безсме́ртный, въ ка́чествѣ дополне́нiя, возглаша́ютъ: распны́йся за ны`, поми́лꙋй на́съ: но сiе` дре́вними святы́ми ѻ҆тца́ми, ка́къ чꙋ́ждое благоче́стiя, ̾ѿ сея` пѣ́сни ̾ѿри́нꙋто, кꙋ́пнѡ съ беззако́ннымъ є҆ретiко́мъ, нововводи́телемъ си́хъ сло́въ: то и҆ мы` пре́жде благоче́стнѡ постано́вленное святы́ми ѻ҆тца́ми на́шими ѹ҆твержда́я, по настоя́щемъ ѡ҆предѣле́нiи, таково́е сло́во въ це́ркви прiе́млющихъ, и҆ли` и҆ны́мъ каки́мъ либо ѻ҆́бразомъ къ трисвято́й пѣ́сни примѣ́шивающихъ, а҆наѳема́тствꙋемъ. И҆ а҆́ще нарꙋши́тель постано́вленнагѡ є҆́сть свяще́ннагѡ чи́на: то повелѣва́емъ ѡ҆бнажа́ти є҆го` ̾ѿ свяще́нническагѡ досто́инства, а҆́ще же мiряни́нъ, и҆ли` мона́хъ, ̾ѿлꙋча́ти ̾ѿ ѻ҆бще́нiя церко́внагѡ.

ПРА́ВИЛО п҃в.

На нѣ́которыхъ честны́хъ i҆кѡ́нахъ и҆зѡбража́ется, пе́рстомъ предте́чевымъ показꙋ́емый, а҆́гнецъ, кото́рый при́нятъ во ѻ҆́бразъ благода́ти, чрез̾ зако́нъ показꙋ́я на́мъ и҆́стиннаго а҆́гнца, хр҃ⷭ҇та` бг҃а на́шего. Почита́я дре́внiе ѻ҆́бразы и҆ сѣ́ни, пре́данныя це́ркви, ка́къ зна́мєнiя и҆ предначерта̑нiя и҆́стины, мы` предпочита́емъ благода́ть и҆ и҆́стинꙋ, прiе́мля ѻ҆́нꙋю, ꙗ҆́кѡ и҆сполне́нiе зако́на. Сегѡ` ра́ди, дабы` и҆ и҆скꙋ́сствомъ живописа́нiя ѻ҆ча́мъ всѣ́хъ представля́емо бы́ло совер(с. р҃_i)ше́нное, повелѣва́емъ ̾ѿны́нѣ ѻ҆́бразъ а҆́гнца, взе́млющагѡ грѣхи` мíра, хр҃ⷭ҇та` бг҃а на́шегѡ, на i҆кѡ́нахъ представля́ти по человѣ́ческомꙋ є҆стествꙋ` вмѣ́стѡ ве́тхагѡ а҆́гнца: да чрез̾ то` созерца́я смире́нiе бг҃а сло́ва, приво́димся къ воспомина́нiю житiя` є҆гѡ` во пло́ти, є҆гѡ` страда́нiя, и҆ спаси́тельныя сме́рти, и҆ си́мъ ѻ҆́бразомъ соверши́вшагѡся и҆скꙋпле́нiя мíра.

ПРА́ВИЛО п҃г.

Никто` тѣла́мъ ѹ҆ме́ршихъ є҆ѵхарíстiи да не преподае́тъ. И҆́бо пи́сано є҆́сть: прiими́те, ꙗ҆ди́те{Матѳ. гл. к҃ѕ, ст. к҃ѕ.}. Но тѣла` ме́ртвыхъ ни прiима́ти, ни ꙗ҆́сти не мо́гꙋтъ.

ПРА́ВИЛО п҃д.

Послѣ́дꙋя канонíчєскимъ постановле́нiямъ ѻ҆тє́цъ, ѡ҆предѣля́емъ и҆ ѡ҆ младе́нцахъ: ка́ждый ра́зъ, когда` не ѡ҆брѣта́ются достовѣ́рные свидѣ́тели, несомнѣ́ннѡ ѹ҆твержда́ющiе, ꙗ҆́кѡ креще́ны сꙋ́ть, и҆ когда` са́ми ѻ҆ни`, по малолѣ́тствꙋ, не мо́гꙋтъ да́ти потре́бный ̾ѿвѣ́тъ ѡ҆ препо́данномъ и҆`мъ та́инствѣ, до́лжно без̾ вся́кагѡ недоꙋмѣ́нiя крести́ти и҆`хъ: да таково́е недоразꙋмѣ́нiе не лиши́тъ и҆́хъ ѻ҆чище́нiя толи́кою святы́нею.

ПРА́ВИЛО п҃є.

Мы` при́няли ̾ѿ писа́нiя, ꙗ҆́кѡ при двою` и҆ли` трiе́хъ свидѣ́телехъ ста́нетъ вся́къ глаго́лъ{Второз. гл. а҃_i, ст. є҃_i.}. Посемꙋ` ѡ҆предѣля́емъ, да ̾ѿпꙋска́емые ̾ѿ госпо́дъ свои́хъ на свобо́дꙋ рабы̑, полꙋча́ютъ сiе` преимꙋ́щество при тре́хъ свидѣ́теляхъ, кото́рые свои́мъ присꙋ́тствiемъ дадꙋ́тъ ѡ҆свобожде́нiю зако́нность, и҆ соѡбща́тъ достовѣ́рность томꙋ`, что` ѹ҆чинено`.

ПРА́ВИЛО п҃ѕ.

Тѣ́хъ, кото́рые на па́гꙋбꙋ дꙋ́шъ собира́ютъ и҆ со(с. ра҃_i)де́ржатъ блꙋдни́цъ, а҆́ще сꙋ́ть кли́рiки, ѡ҆предѣля́емъ ̾ѿлꙋча́ти и҆ и҆зверга́ти: а҆́ще же мiря́не, ̾ѿлꙋча́ти.

ПРА́ВИЛО п҃з.

Жена` ѡ҆ста́вившая мꙋ́жа, а҆́ще по́йдетъ за и҆на́го, є҆́сть прелюбодѣ́йца, по свяще́нномꙋ и҆ бж҃е́ственномꙋ васíлiю, кото́рый весьма` прили́чнѡ и҆з̾ проро́чества i҆еремíи приве́лъ сiе`: а҆́ще жена` бꙋ́детъ мꙋ́жꙋ и҆но́мꙋ, не возврати́тся къ мꙋ́жꙋ своемꙋ`, но ѡ҆скверне́нiемъ ѡ҆сквернена` бꙋ́детъ{I҆ерем. гл. г҃, ст. а҃.}. И҆ па́ки: держа́й прелюбодѣ́йцꙋ, безꙋ́менъ и҆ нечести́въ{При́тч. гл. и҃_i, ст. к҃г.}. А҆́ще ѹ҆́бѡ ѹ҆смо́трено бꙋ́детъ, ꙗ҆́кѡ ѡ҆ста́вила мꙋ́жа без̾ вины`: то ѻ҆́нъ досто́инъ снисхожде́нiя, а҆ ѻ҆на` є҆пiтiмiи`. Снисхожде́нiе же бꙋ́детъ є҆мꙋ` ѡ҆ка́зано въ то́мъ, да бꙋ́детъ ѻ҆́нъ въ ѻ҆бще́нiи съ цр҃ковiю. По зако́ннѡ сопряже́ннꙋю себѣ` женꙋ` ѡ҆ставля́ющiй, и҆ и҆нꙋ́ю пое́млющiй, по сло́вꙋ гд҃ⷭ҇а{Лꙋки` гл. ѕ҃_i, ст. и҃_i.}, пови́ненъ сꙋдꙋ` прелюбодѣя́нiя. Постано́влено же пра́вилами ѻ҆тє́цъ на́шихъ, таковы̑мъ го́дъ бы́ти въ разря́дѣ пла́чꙋщихъ, два` го́да въ числѣ` слꙋ́шающихъ чте́нiе писа́нiй, три` го́да въ припа́дающихъ, и҆ въ седмы́й стоя́ти съ вѣ́рными, и҆ та́кѡ сподо́битися причаще́нiя, а҆́ще со слеза́ми ка́ятися бꙋ́дꙋтъ.

ПРА́ВИЛО п҃и.

Никто` внꙋ́трь свяще́ннагѡ хра́ма да не вво́дитъ никако́гѡ живо́тнагѡ: ра́звѣ кто` пꙋтеше́ствꙋя, стѣсня́емый велича́йшею кра́йностiю, и҆ лише́нный жили́ща и҆ гости́нницы, ѡ҆стано́вится въ таково́мъ хра́мѣ. Потомꙋ` что` живо́тное, не бы́въ введено` въ ѡ҆гра́дꙋ, и҆ногда` поги́бло бы: и҆ са́мъ ѻ҆́нъ, потеря́въ живо́тное, и҆ потомꙋ` лиша́ся возмо́жности продолжа́ти пꙋтеше́ствiе, бы́лъ бы подве́р(с. рв҃_i)женъ ѻ҆па́сности жи́зни. И҆́бо мы` зна́емъ, что` сꙋббѡ́та человѣ́ка ра́ди бы́сть{Ма́рк. гл. в҃, ст. к҃з.}: и҆ потомꙋ` всѣ́ми сре́дствами пещи́ся до́лжно ѡ҆ спасе́нiи и҆ безѻпа́сности человѣ́ка. А҆́ще же кто` ѹ҆смо́тренъ бꙋ́детъ, по вышерече́нномꙋ, без̾ нꙋ́жды вводя́щiй живо́тное во хра́мъ: то кли́рiкъ да бꙋ́детъ и҆зве́рженъ, а҆ мiряни́нъ да бꙋ́детъ ̾ѿлꙋче́нъ.

ПРА́ВИЛО п҃ѳ.

Вѣ̑рнымъ дни` спаси́тельнагѡ страда́нiя, въ постѣ` и҆ моли́твѣ и҆ въ сокрꙋше́нiи се́рдца провожда́ющымъ, подоба́етъ прекраща́ти по́стъ въ сре́днiе часы` но́щи по вели́кой сꙋббѡ́тѣ: поели́кꙋ бж҃е́ственные є҆ѵангелíсты матѳе́й и҆ лꙋка`, пе́рвый рече́нiями: въ ве́черъ сꙋббѡ́тный{Матѳ. гл. к҃и, ст. а҃.}, а҆ вторы́й рече́нiями: ѕѣлѡ` ра́нѡ{Лꙋки` гл. к҃д, ст. а҃.}, и҆зѡбража́ютъ на́мъ глꙋбо́кꙋю но́щь.

ПРА́ВИЛО ч҃.

Ѿ бг҃оно́сныхъ ѻ҆тє́цъ на́шихъ канонíчески пре́дано на́мъ, не преклоня́ти колѣ́нъ во дни` воскре́сные, ра́ди че́сти воскресе́нiя хр҃ⷭ҇то́ва. Посемꙋ`, да не пребыва́емъ въ невѣ́дѣнiи, ка́кѡ соблюда́ти сiе`, мы` ꙗ҆́вственнѡ показꙋ́емъ вѣ̑рнымъ, ꙗ҆́кѡ въ сꙋббѡ́тꙋ, по вече́рнемъ вхо́дѣ священнослꙋжи́телей въ ѻ҆лта́рь, по при́нятомꙋ ѻ҆бы́чаю, никто` не преклоня́етъ колѣ́нъ до слѣ́дꙋющагѡ въ воскре́сный де́нь ве́чера, въ кото́рый, по вхо́дѣ въ свѣти́льничное вре́мя, па́ки колѣ́на преклоня́я, си́мъ ѻ҆́бразомъ возсыла́емъ моли̑твы ко гд҃ⷭ҇ꙋ. И҆́бо но́щь по сꙋббѡ́тѣ прiе́мля предте́чею воскресе́нiя спаси́теля на́шегѡ, ̾ѿсе́лѣ дꙋхо́внѡ начина́емъ пѣ̑сни, и҆ пра́здникъ и҆з̾ тьмы` во свѣ́тъ прево́димъ, та́къ что` съ сегѡ` вре́мени всецѣ́лꙋю но́щь и҆ де́нь торжествꙋ́емъ воскресе́нiе.

(с. рг҃_i)

ПРА́ВИЛО ч҃а.

Же́нъ, даю́щихъ врачєвства`, производя́щыя недоноше́нiе плода` во чре́вѣ, и҆ прiе́млющихъ ѻ҆тра̑вы, пло́дъ ѹ҆мерщвля́ющыя, подверга́емъ є҆пiтiмiи` человѣкоꙋбíйцы.

ПРА́ВИЛО ч҃в.

Тѣ́хъ, ко́и похища́ютъ же́нъ, под̾ ви́домъ сꙋпрꙋ́жества, и҆ли` содѣ́йствꙋютъ, и҆ли` помога́ютъ похити́телямъ, ѡ҆предѣли́лъ святы́й собо́ръ, а҆́ще сꙋ́ть кли́рiки, низверга́ти со сте́пени и҆́хъ: а҆́ще же мiря́не, предава́ти а҆на́ѳемѣ.

ПРА́ВИЛО ч҃г.

Жена` мꙋ́жа, ̾ѿлꙋчи́вшагѡся и҆ находя́щагѡся въ неизвѣ́стности, пре́жде ѹ҆достовѣре́нiя ѡ҆ сме́рти є҆гѡ`, и҆но́мꙋ сожи́тельствꙋющая, прелюбодѣ́йствꙋетъ. Равнѡ` и҆ жє́ны во́инѡвъ, во вре́мя безвѣ́стности мꙋже́й свои́хъ встꙋпа́ющыя въ бра́къ, томꙋ́же подлежа́тъ разсꙋжде́нiю: подо́бнѡ и҆ тѣ`, ко́и встꙋпа́ютъ въ бра́къ, по причи́нѣ ѹ҆дале́нiя мꙋ́жа въ чꙋ́ждыя стра́ны, не дожда́вшись возвраще́нiя. Но здѣ́сь мо́жно и҆мѣ́ти нѣ́кое снисхожде́нiе къ тако́мꙋ постꙋ́пкꙋ, ра́ди бо́льшагѡ вѣроя́тiя ѡ҆ сме́рти мꙋ́жа. А҆ встꙋпи́вшая, по невѣ́дѣнiю, въ бра́къ съ ѡ҆ста́вленнымъ на вре́мя свое́ю жено́ю, и҆ пото́мъ, по причи́нѣ возвраще́нiя къ немꙋ` пе́рвыя жены`, ѡ҆ста́вленная, хотя` и҆ любодѣ́йствовала, но по невѣ́дѣнiю: посемꙋ` бра́къ є҆́й не возбрани́тся. Но лꙋ́чше, а҆́ще пребꙋ́детъ та́кѡ. А҆́ще же по нѣ́коемъ вре́мени возврати́тся во́инъ, ко́егѡ жена`, по причи́нѣ долговре́меннагѡ ̾ѿсꙋ́тствiя є҆гѡ`, со и҆ны́мъ мꙋ́жемъ сочета́лася: то па́ки да во́зметъ женꙋ` свою`, а҆́ще восхо́щетъ: при че́мъ да да́стся є҆я` невѣ́дѣнiю проще́нiе, та́кожде и҆ мꙋ́жꙋ, сожи́тельствовавшемꙋ съ не́ю во второ́мъ бра́кѣ.

(с. рд҃i)

ПРА́ВИЛО ч҃д.

Кленꙋ́щихся кля́твами ꙗ҆зы́ческими, пра́вило є҆пiтiмiи` подверга́етъ: и҆ мы` таковы̑мъ ̾ѿлꙋче́нiе ѡ҆предѣля́емъ.

ПРА́ВИЛО ч҃є.

Присоединя́ющихся къ правосла́вiю и҆ къ ча́сти спаса́емыхъ и҆з̾ є҆ретiкѡ́въ, прiе́млемъ по слѣ́дꙋющемꙋ чиноположе́нiю и҆ ѻ҆бы́чаю. А҆рiа́нъ, македонiа́нъ, наватiа́нъ, и҆менꙋ́ющихъ себя` чи́стыми и҆ лꙋ́чшими, четыренадесятидне́вникѡвъ, и҆ли` тетрадíтѡвъ, и҆ а҆полiнарíстѡвъ, когда` ѻ҆ни` даю́тъ рꙋкописа́нiя и҆ проклина́ютъ вся́кꙋю є҆́ресь, не мꙋ́дрствꙋющꙋю, ка́къ мꙋ́дрствꙋетъ свята́я бж҃iя каѳолíческая и҆ а҆по́стольская цр҃ковь, прiе́млемъ, запечатлѣва́я, то́ є҆сть, помазꙋ́я святы́мъ мѵ́ромъ во пе́рвыхъ чело`, пото́мъ ѻ҆́чи, и҆ но́здри, и҆ ѹ҆ста`, и҆ ѹ҆́ши, и҆ запечатлѣва́я и҆`хъ глаго́лемъ: печа́ть да́ра дх҃а ст҃а́гѡ. А҆ ѡ҆ бы́вшихъ паѵлiа́нами, пото́мъ къ каѳолíческой це́ркви прибѣ́гшихъ, постано́влено: перекре́щивати и҆`хъ непремѣ́ннѡ. Є҆ѵномiа́нъ же, є҆динокра́тнымъ погрꙋже́нiемъ креща́ющихся, и҆ монтанíстѡвъ, и҆менꙋ́емыхъ здѣ́сь фрѵ́гами, и҆ савеллiа́нъ, держа́щихся мнѣ́нiя ѡ҆ сыноѻ́тчествѣ, и҆ и҆но́е нетерпи́мое творя́щихъ, и҆ всѣ́хъ про́чихъ є҆ретiкѡ́въ, [и҆́бо мно́гѡ здѣ́сь таковы́хъ, наипа́че выходя́щихъ и҆з̾ гала́тскiя страны`] всѣ́хъ, кото́рые и҆з̾ ни́хъ жела́ютъ присоединены` бы́ти къ правосла́вiю, прiе́млемъ ꙗ҆́коже ꙗ҆зы́чникѡвъ. Въ пе́рвый де́нь дѣ́лаемъ и҆`хъ хрiстiа́нами, во вторы́й ѡ҆глаше́нными, пото́мъ въ тре́тiй заклина́емъ и҆`хъ, съ троекра́тнымъ дꙋнове́нiемъ въ лице`, и҆ во ѹ҆́ши: и҆ та́кѡ ѡ҆глаша́емъ и҆`хъ, и҆ заставля́емъ пребыва́ти въ це́ркви, и҆ слꙋ́шати писа̑нiя, и҆ тогда` ѹ҆же` креща́емъ и҆`хъ. Та́кожде и҆ манiхе́євъ, валентiнiа́нъ, (с. рє҃_i) маркiонíтѡвъ, и҆ и҆`мъ подо́бныхъ є҆ретiкѡ́въ. Несторiа́не же должны` твори́ти рꙋкописа̑нiя и҆ предава́ти а҆на́ѳемѣ є҆́ресь свою`, и҆ несто́рiа, и҆ є҆ѵтѵ́хiа, и҆ дiоско́ра, и҆ севи́ра, и҆ про́чихъ нача́льникѡвъ таковы́хъ є҆́ресей, и҆ и҆́хъ є҆диномы́шленникѡвъ, и҆ всѣ` вышепока́занныя є҆́рєси: и҆ пото́мъ да прiе́млютъ свято́е причаще́нiе.

ПРА́ВИЛО ч҃ѕ.

Во хр҃ⷭ҇та` креще́нiемъ ѡ҆бле́кшiеся, да́ли ѻ҆бѣ́тъ подража́ти во пло́ти житiю` є҆гѡ`. Тогѡ` ра́ди власы` на главѣ`, ко вредꙋ` зря́щихъ, и҆скꙋ́ственными плете́нiями располага́ющихъ и҆ ѹ҆бира́ющихъ, и҆ таки́мъ ѻ҆́бразомъ неꙋтвержде́нныя дꙋ́шы прельща́ющихъ, ѻ҆те́чески врачꙋ́емъ прили́чною є҆пiтiмiе́ю, рꙋково́дствꙋя и҆`хъ а҆́ки дѣте́й, и҆ наꙋча́я цѣломꙋ́дреннѡ жи́ти, да, ѡ҆ста́вивъ пре́лесть и҆ сꙋетꙋ` пло́ти, къ неги́блющей и҆ блаже́нной жи́зни ѹ҆́мъ непреста́ннѡ направля́ютъ, и҆ чи́стое со стра́хомъ пребыва́нiе и҆мѣ́ютъ, и҆ ѡ҆чище́нiемъ житiя`, є҆ли́кѡ мо́жно, къ бг҃ꙋ приближа́ются, и҆ внꙋ́треннягѡ па́че, не́жели внѣ́шняго человѣ́ка, ѹ҆краша́ютъ добродѣ́телями и҆ благи́ми и҆ непоро́чными нра́вами: и҆ да не но́сятъ въ себѣ` никако́гѡ ѡ҆ста́нка поро́чности, произше́дшiя ̾ѿ сопроти́вника. А҆́ще же кто` вопреки` семꙋ` пра́вилꙋ постꙋ́питъ: да бꙋ́детъ ̾ѿлꙋче́нъ.

ПРА́ВИЛО ч҃з.

Тѣ́хъ, кото́рые, и҆ли` живя` съ жено́ю, и҆ли` и҆ны́мъ ѻ҆́бразомъ, неразсꙋди́тельнѡ, свяще́нныя мѣста` ѡ҆браща́ютъ въ ѻ҆быкнове́нныя, и҆ небре́жнѡ ѻ҆́крестъ и҆́хъ ѡ҆браща́ются, и҆ съ таки́мъ расположе́нiемъ въ ни́хъ пребыва́ютъ, повелѣва́емъ и҆згоня́ти и҆ ̾ѿ мѣ́стъ, ѡ҆глашє́ннымъ предоста́вленныхъ при святы́хъ хра́махъ. Кто́ же не бꙋ́детъ сегѡ` соблюда́ти, а҆́ще є҆́сть кли́рiкъ, да бꙋ́детъ и҆зве́рженъ: а҆́ще же мiряни́нъ, да бꙋ́детъ ̾ѿлꙋче́нъ.

(с. рѕ҃_i)

ПРА́ВИЛО ч҃и.

Женꙋ`, и҆но́мꙋ ѡ҆брꙋче́ннꙋю, берꙋ́щiй въ бра́чное сожи́тiе, при жи́зни є҆ще` ѡ҆брꙋче́нника, да подлежи́тъ винѣ` прелюбодѣя́нiя.

ПРА́ВИЛО ч҃ѳ.

Въ а҆рме́нской странѣ`, ка́къ мы` ѹ҆вѣ́дали, быва́етъ и҆ сiе`, что` нѣ́которые, свари́въ ча́сти мя́съ внꙋ́трь свяще́нныхъ ѻ҆лтаре́й, прино́сятъ ѹ҆ча́стки, и҆ раздѣля́ютъ свяще́нникамъ, по i҆ꙋде́йскомꙋ ѻ҆бы́чаю. Посемꙋ`, соблюда́я чистотꙋ` це́ркви, ѡ҆предѣля́емъ: да не бꙋ́детъ позво́лено никомꙋ` и҆з̾ свяще́нникѡвъ, ѡ҆дѣлє́нныя ча̑сти мя́са ̾ѿ принося́щихъ прiима́ти: но тѣ́мъ да дово́льствꙋются ѻ҆ни`, что` восхо́щетъ да́ти принося́щiй, и҆ таково́е приноше́нiе да быва́етъ внѣ` це́ркви. А҆́ще же кто` не та́кѡ сiе` твори́тъ: да бꙋ́детъ ̾ѿлꙋче́нъ.

ПРА́ВИЛО р҃.

Ѻ҆́чи твои` пра́вѡ да зря́тъ, и҆ вся́цѣмъ хране́нiемъ блюди` твое` се́рдце{При́тч. гл. д҃, ст. к҃г, к҃є.}, завѣщава́етъ премꙋ́дрость: и҆́бо тѣле́сныя чꙋ́вства ѹ҆до́бнѡ вно́сятъ свои` впечатлѣ́нiя въ дꙋ́шꙋ. Посемꙋ` и҆зѡбражє́нiя на дска́хъ, и҆ли` на и҆но́мъ че́мъ представля́ємыя, ѡ҆бая́ющыя зрѣ́нiе, растлѣва́ющыя ѹ҆́мъ, и҆ производя́щыя воспламенє́нiя нечи́стыхъ ѹ҆дово́льствiй, не позволя́емъ ̾ѿны́нѣ, каки́мъ бы то` ни бы́ло спо́собомъ, начертава́ти. А҆́ще же кто` сiе` твори́ти де́рзнетъ: да бꙋ́детъ ̾ѿлꙋче́нъ.

ПРА́ВИЛО р҃а.

Человѣ́ка, со́зданнаго по ѻ҆́бразꙋ бж҃iю, бж҃е́ственный а҆по́столъ велегла́снѡ нарица́етъ тѣ́ломъ хр҃ⷭ҇то́вымъ и҆ хра́момъ. Вы́ше ѹ҆́бѡ вся́кiя чꙋ́вственныя тва́ри бы́въ поста́вленъ, спаси́тельными страда́нiями небе́снагѡ досто́инства сподо́бившiйся, и҆ ꙗ҆дꙋ́щiй и҆ (с. рз҃_i) пiю́щiй хр҃ⷭ҇та`, непреста́ннѡ преѡбразꙋ́ется къ вѣ́чной жи́зни, и҆ дꙋ́шꙋ и҆ тѣ́ло ѡ҆свяща́я причаще́нiемъ бж҃е́ственныя благода́ти. Посемꙋ`, а҆́ще кто` хо́щетъ, во вре́мя лiтꙋргíи, причасти́тися пречи́стагѡ тѣ́ла, и҆ є҆ди́но съ ни́мъ чрез̾ прича́стiе бы́ти: рꙋ́ки да слага́етъ во ѻ҆́бразъ креста`, и҆ та́кѡ да пристꙋпа́етъ, и҆ да прiе́млетъ ѡ҆бще́нiе благода́ти. И҆́бо и҆з̾ зла́та, и҆ли` и҆на́гѡ вещества`, вмѣ́стѡ рꙋки`, нѣ́кiя вмѣсти̑лища ѹ҆строя́ющихъ для прiя́тiя бж҃е́ственнагѡ да́ра, и҆ посре́дствомъ ѻ҆́ныхъ пречи́стагѡ ѡ҆бще́нiя сподобля́ющихся, ̾ѿню́дь не ѡ҆добря́емъ, ꙗ҆́кѡ предпочита́ющихъ бж҃iю ѻ҆́бразꙋ вещество` бездꙋ́шное и҆ подчине́нное рꙋка́мъ человѣ́ческимъ. А҆́ще же кто` ѹ҆смо́тренъ бꙋ́детъ пресвято́е причаще́нiе преподаю́щiй принося́щымъ таковы́я вмѣсти́лища: да бꙋ́детъ ̾ѿлꙋче́нъ и҆ се́й, и҆ принося́щiй ѻ҆́ныя.

ПРА́ВИЛО р҃в.

Прiя́вшiе ̾ѿ бг҃а вла́сть рѣши́ти и҆ вяза́ти, должны` разсма́тривати ка́чество грѣха`, и҆ гото́вность согрѣши́вшагѡ ко ѡ҆браще́нiю, и҆ та́кѡ ѹ҆потребля́ти прили́чное недꙋ́гꙋ врачева́нiе, дабы`, не соблюда́я мѣ́ры въ то́мъ и҆ въ дрꙋго́мъ, не ѹ҆тра́тити спасе́нiя недꙋ́гꙋющагѡ. И҆́бо не ѻ҆дина́ковъ є҆́сть недꙋ́гъ грѣха`, но разли́ченъ и҆ многоѻбра́зенъ, и҆ произво́дитъ мнѡ́гiя ѻ҆́трасли вреда`, и҆з̾ кото́рыхъ ѕло` ѻ҆би́льнѡ разлива́ется, и҆ да́лѣе распространя́ется, доко́лѣ не бꙋ́детъ ѡ҆стано́влено си́лою врачꙋ́ющагѡ. Почемꙋ` дꙋхо́вное враче́вное и҆скꙋ́сство ꙗ҆вля́ющемꙋ подоба́етъ во пе́рвыхъ разсма́тривати расположе́нiе согрѣши́вшагѡ, и҆ наблюда́ти, къ здра́вiю ли ѻ҆́нъ направля́ется, и҆ли` напро́тивъ, со́бственными нра́вами, привлека́етъ къ себѣ` болѣ́знь, и҆ ка́кѡ междꙋ` тѣ́мъ ѹ҆чрежда́етъ свое` (с. ри҃_i) поведе́нiе: и҆ а҆́ще врачꙋ` не сопротивля́ется, и҆ дꙋше́внꙋю ра́нꙋ чрез̾ приложе́нiе предпи́санныхъ враче́вствъ заживля́етъ: въ таково́мъ слꙋ́чаѣ по досто́инствꙋ возмѣ́ривати є҆мꙋ` милосе́рдiе. И҆́бо ѹ҆ бг҃а и҆ ѹ҆ прiя́вшагѡ па́стырское води́тельство, все` попече́нiе ѡ҆ то́мъ, дабы` ѻ҆́вцꙋ заблꙋ́ждшꙋю возврати́ти, и҆ ѹ҆я́звленнꙋю ѕмíемъ ѹ҆врачева́ти. Не до́лжно ниже` гна́ти по стремни́намъ ̾ѿча́янiя, ниже` ѡ҆пꙋска́ти бразды` къ разслабле́нiю жи́зни и҆ къ небреже́нiю: но до́лжно непремѣ́ннѡ, кото́рымъ либо ѻ҆́бразомъ, и҆ли` посре́дствомъ сꙋро́выхъ и҆ вя́жꙋщихъ, и҆ли` посре́дствомъ бо́лѣе мя́гкихъ и҆ ле́гкихъ враче́бныхъ сре́дствъ, противодѣ́йствовати недꙋ́гꙋ, и҆ къ заживле́нiю ра́ны подвиза́тися: и҆ плоды` покая́нiя и҆спы́тывати, и҆ мꙋ́дрѡ ѹ҆правля́ти человѣ́комъ, призыва́емымъ къ го́рнемꙋ просвѣще́нiю. Подоба́етъ ѹ҆́бѡ на́мъ и҆ то` и҆ дрꙋго́е вѣ́дати, и҆ прили́чное ре́вности ка́ющагѡся, и҆ тре́бꙋемое ѻ҆бы́чаемъ: для непрiе́млющихъ же соверше́нства покая́нiя, слѣ́довати пре́данномꙋ ѻ҆́бразꙋ, ꙗ҆́коже свяще́нный васíлiй поꙋча́етъ на́съ.

(с. рѳ҃_i)

ПРА̑ВИЛА СВЯТА́ГѠ ВСЕЛЕ́НСКАГѠ СЕДМА́ГѠ СОБО́РА, НIКЕ́ЙСКАГѠ.

ПРА́ВИЛО а҃.

Прiя́вшымъ свяще́нническое досто́инство, свидѣ́тельствами и҆ рꙋково́дствомъ слꙋ́жатъ наче́ртанныя пра̑вила и҆ постановлє́нiя, котѡ́рыя ѻ҆хо́тнѡ прiе́мля, воспѣва́емъ съ бг҃оглаго́ливымъ давíдомъ, ко гд҃ⷭ҇ꙋ бг҃ꙋ глаго́люще: на пꙋти` свидѣ́нiй твои́хъ наслади́хся, ꙗ҆́кѡ ѡ҆ вся́комъ бога́тствѣ{ѱал. ри҃_i, ст. д҃_i.}. Та́кожде: заповѣ́далъ є҆си` пра́вдꙋ, свидѣ̑нiя твоя` во вѣ́къ: вразꙋми́ мя, и҆ жи́въ бꙋ́дꙋ{ѱал. ри҃_i, ст. рл҃и, рм҃д.}. И҆ а҆́ще проро́ческiй гла́съ повелѣва́етъ на́мъ во вѣ́къ храни́ти свидѣ̑нiя бж҃iя, и҆ жи́ти въ ни́хъ: то ꙗ҆́вно є҆́сть, ꙗ҆́кѡ пребыва́ютъ ѻ҆́ныя несокрꙋши́мы и҆ непоколе́блемы. И҆́бо и҆ бг҃ови́децъ мѡѷсе́й та́кѡ глаго́летъ: къ си́мъ не подоба́етъ приложи́ти, и҆ ̾ѿ си́хъ не подоба́етъ ̾ѿя́ти{Второз. гл. в҃_i, ст. л҃в.}. И҆ бж҃е́ственный а҆по́столъ пе́тръ, хваля́ся и҆́ми, вопiе́тъ: въ ня́же жела́ютъ а҆́гг҃ли прини́кнꙋти{а҃ петр. гл. а҃, ст. в҃_i.}. Та́кожде и҆ па́ѵелъ вѣща́етъ: а҆́ще мы`, и҆ли` а҆́гг҃лъ съ не(с. р҃к)бесе` благовѣсти́тъ ва́мъ па́че, є҆́же благовѣсти́хомъ ва́мъ, а҆на́ѳема да бꙋ́детъ{Галат. гл. а҃, ст. и҃.}. Поне́же сiе` вѣ́рно, и҆ засвидѣ́тельствовано на́мъ: то, ра́дꙋяся ѡ҆ се́мъ, подо́бнѡ ка́къ ѡ҆брѣ́лъ бы кто` коры́сть мно́гꙋ, бж҃е́ственныя пра̑вила со ѹ҆слажде́нiемъ прiе́млемъ, и҆ всецѣ́лое и҆ непоколе́блемое соде́ржимъ постановле́нiе си́хъ пра̑вилъ, и҆зложе́нныхъ ̾ѿ всехва́льныхъ а҆по́стѡлъ, святы́хъ трꙋ́бъ дх҃а, и҆ ̾ѿ шести` святы́хъ вселе́нскихъ собо́рѡвъ, и҆ помѣ́стнѡ собира́вшихся для и҆зда́нiя таковы́хъ за́повѣдей, и҆ ̾ѿ святы́хъ ѻ҆тє́цъ на́шихъ. И҆́бо всѣ` ѻ҆ни`, ̾ѿ є҆ди́нагѡ и҆ тогѡ́ же дх҃а бы́въ просвѣщены`, поле́зное ѹ҆зако́нили. И҆ кого` ѻ҆ни` предаю́тъ а҆на́ѳемѣ, тѣ́хъ и҆ мы` а҆наѳема́тствꙋемъ: а҆ кого` и҆зверже́нiю, тѣ́хъ и҆ мы` и҆зверга́емъ, и҆ кого` ̾ѿлꙋче́нiю, тѣ́хъ и҆ мы` ̾ѿлꙋча́емъ: кого́ же подверга́ютъ є҆пiтiмiи`, тѣ́хъ и҆ мы` та́кожде подверга́емъ. И҆́бо восше́дшiй до тре́тiягѡ не́ба, и҆ слы́шавшiй неизрече́нные глаго́лы, бж҃е́ственный а҆по́столъ па́ѵелъ ꙗ҆́снѡ вопiе́тъ: не сребролю́бцы нра́вомъ, дово́льни сꙋ́щими{Є҆вр. гл. г҃_i, ст. є҃.}.

ПРА́ВИЛО в҃.

Поели́кꙋ мы` въ ѱалмопѣ́нiи ѡ҆бѣща́емъ бг҃ꙋ: во ѡ҆правда́нiихъ твои́хъ поꙋчꙋ́ся, не забꙋ́дꙋ слове́съ твои́хъ{ѱал. ри҃_i, ст. ѕ҃_i.}: то и҆ всѣ́мъ хрiстiа́намъ сiе` сохраня́ти є҆́сть спаси́тельно, наипа́че же прiе́млющымъ свяще́нническое досто́инство. Сегѡ` ра́ди ѡ҆предѣля́емъ: вся́комꙋ и҆мѣ́ющемꙋ возведе́нꙋ бы́ти на є҆пíскопскiй сте́пень, непремѣ́ннѡ зна́ти ѱалти́рь, да та́кѡ и҆ ве́сь сво́й кли́ръ вразꙋмля́етъ поꙋча́тися и҆з̾ ѻ҆́ныя. Та́кожде тща́тельнѡ и҆спы́товати є҆го` митрополíтꙋ, и҆мѣ́етъ ли ѹ҆се́рдiе съ размышле́нiемъ, а҆ не мимохо́домъ, чита́ти (с. рк҃а) свящє́нныя пра̑вила, и҆ свято́е є҆ѵа́нгелiе, и҆ кни́гꙋ бж҃е́ственнагѡ а҆по́стола, и҆ все` бж҃е́ственное писа́нiе, и҆ постꙋпа́ти по за́повѣдямъ бж҃iимъ, и҆ ѹ҆чи́ти порꙋче́нный є҆мꙋ` наро́дъ. И҆́бо сꙋ́щность i҆ера́рхiи на́шея составля́ютъ бг҃опре́данныя словеса`, то́ є҆сть, и҆́стинное вѣ́дѣнiе бж҃е́ственныхъ писа́нiй, ꙗ҆́коже и҆зре́къ вели́кiй дiонѵ́сiй. А҆́ще же коле́блется, и҆ не ѹ҆се́рдствꙋетъ та́кѡ твори́ти и҆ ѹ҆чи́ти: да не рꙋкополага́ется. И҆́бо проро́чественнѡ ре́къ бг҃ъ: ты` ѹ҆мѣ́нiе ̾ѿве́рглъ є҆си`, ̾ѿве́ргꙋ и҆ а҆́зъ тебе`, да не жре́чествꙋеши мнѣ`{Ѻ҆сíи гл. д҃, ст. ѕ҃.}.

ПРА́ВИЛО г҃.

Вся́кое и҆збра́нiе во є҆пíскопа, и҆ли` пресвѵ́тера, и҆ли` дiа́кона, дѣ́лаемое мiрски́ми нача́льниками, да бꙋ́детъ не дѣйстви́тельно по пра́вилꙋ{А҆по́ст. пра́в. л҃.}, кото́рое глаго́летъ: а҆́ще кото́рый є҆пíскопъ, мiрски́хъ нача́льникѡвъ ѹ҆потреби́въ, чрез̾ ни́хъ полꙋ́читъ є҆пíскопскꙋю въ це́ркви вла́сть, да бꙋ́детъ и҆зве́рженъ, и҆ ̾ѿлꙋче́нъ, и҆ всѣ` соѡбща́ющiеся съ ни́мъ. И҆́бо и҆мѣ́ющiй произвести́ся во є҆пíскопа, до́лженъ и҆збира́емъ бы́ти ̾ѿ є҆пíскопѡвъ, ꙗ҆́коже святы́хъ ѻ҆тє́цъ въ нiке́и ѡ҆предѣлено` въ пра́вилѣ{Пра́в. д҃.}, кото́рое глаго́летъ: є҆пíскопа поставля́ти наибо́лѣе прили́чно всѣ́мъ тоя` ѻ҆́бласти є҆пíскопамъ: а҆́ще же сiе` не ѹ҆до́бно, и҆ли` по належа́щей нꙋ́ждѣ, и҆ли` по да́льности пꙋти`: то по кра́йней мѣ́рѣ три` вкꙋ́пѣ да соберꙋ́тся, а҆ ̾ѿсꙋ́тствꙋющiе да прiи́мꙋтъ ѹ҆ча́стiе въ и҆збра́нiи, и҆ и҆з̾я́вятъ согла́сiе посре́дствомъ гра́матъ, и҆ тогда` твори́ти поставле́нiе. Ѹ҆твержда́ти же таковы́я дѣ́йствiя въ ка́ждой ѻ҆́бласти подоба́етъ є҆я` митрополíтꙋ.

ПРА́ВИЛО д҃.

Проповѣ́дникъ и҆́стины, бж҃е́ственный а҆по́столъ ве(с. рк҃в)ли́кiй па́ѵелъ, ꙗ҆́кѡ нѣ́кое пра́вило полага́я є҆фе́сскимъ пресвѵ́терамъ, па́че же и҆ всемꙋ` свяще́нническомꙋ сосло́вiю, со дерзнове́нiемъ ре́къ та́кѡ: сребра`, и҆ли` зла́та, и҆ли` ри́зъ ни є҆ди́нагѡ возжела́хъ: вся̑ сказа́хъ ва́мъ, ꙗ҆́кѡ та́кѡ трꙋжда́ющымся подоба́етъ застꙋпа́ти немощны̑я, и҆ помышля́ти, ꙗ҆́кѡ блаже́ннѣе є҆́сть па́че дая́ти, не́жели прiима́ти{Дѣя́н. гл. к҃, ст. л҃г, л҃є.}. Сегѡ` ра́ди и҆ мы`, ̾ѿ негѡ` наꙋча́ся, ѡ҆предѣля́емъ: да ̾ѿню́дь не ѹ҆мышля́етъ є҆пíскопъ, и҆з̾ ни́зкiя коры́сти, ѹ҆потребля́я въ предло́гъ мни́мые грѣхи`, тре́бовати зла́та, и҆ли` сребра`, и҆ли` и҆на́гѡ чегѡ` ̾ѿ подчине́нныхъ є҆мꙋ` є҆пíскопѡвъ, и҆ли` кли́рiкѡвъ, и҆ли` мона́хѡвъ. И҆́бо а҆по́столъ говори́тъ: непра́ведницы ца́рствiя бж҃iя не наслѣ́дятъ{а҃ кор. гл. ѕ҃, ст. ѳ҃.}. И҆ є҆ще`: недо́лжна сꙋ́ть ча̑да роди́телямъ сниска́ти и҆мѣ́нiя, но роди́тели ча́дамъ{в҃ кор. гл. в҃_i, ст. д҃_i.}. Сегѡ` ра́ди, а҆́ще ѹ҆смо́трено бꙋ́детъ, что` кто́ либо ра́ди и҆стяза́нiя зла́та, и҆ли` и҆на́гѡ чегѡ`, и҆ли` по нѣ́коей свое́й стра́сти, возбраня́етъ слꙋже́нiе, и҆ ̾ѿлꙋча́етъ кого́ либо и҆з̾ свои́хъ кли́рiкѡвъ, и҆ли` заключа́етъ честны́й хра́мъ, да не бꙋ́детъ въ не́мъ бж҃iей слꙋ́жбы: таковы́й, и҆ на безчꙋ́вственные предме́ты ѹ҆стремля́я свое` неи́стовство, по и҆́стинѣ є҆́сть безчꙋ́вственъ: и҆ до́лженъ подве́рженъ бы́ти томꙋ`, чемꙋ` подверга́лъ дрꙋга́го, и҆ ѡ҆брати́тся болѣ́знь є҆гѡ` на главꙋ` є҆гѡ`{ѱал. з҃, ст. з҃_i.}, ꙗ҆́кѡ престꙋ́пника за́повѣди бж҃iей и҆ а҆по́стольскихъ постановле́нiй. И҆́бо заповѣ́даетъ и҆ пе́тръ верхо́вный а҆по́столъ: паси́те є҆́же въ ва́съ ста́до бж҃iе, посѣща́юще не нꙋ́ждею, но во́лею, и҆ по бз҃ѣ: ниже` непра́ведными прибы́тки, но ѹ҆се́рднѡ: ни ꙗ҆́кѡ ѡ҆блада́юще при́чтꙋ, но ѻ҆́брази быва́йте ста́дꙋ: и҆ ꙗ҆́вльшꙋся пастыренача́ль(с. рк҃г)никꙋ, прiи́мете неꙋвяда́емый сла́вы вѣне́цъ{а҃ петр. гл. є҃, ст. в҃ <-> д҃.}.

ПРА́ВИЛО є҃.

Грѣ́хъ къ сме́рти є҆́сть, когда` нѣ́кiе, согрѣша́я, въ неисправле́нiи пребыва́ютъ. го́рше же сегѡ` то`, когда` жестоковы́йнѡ возстаю́тъ на благоче́стiе и҆ и҆́стинꙋ, предпочита́я мамо́нꙋ послꙋша́нiю пред̾ бг҃омъ, и҆ не держа́ся є҆гѡ` ѹ҆ста́вѡвъ и҆ пра̑вилъ. Въ таковы́хъ нѣ́тъ гд҃ⷭ҇а бг҃а, а҆́ще не смиря́тся, и҆ не и҆стрезвя́тся ̾ѿ своегѡ` грѣхопаде́нiя. Подоба́етъ и҆́мъ па́че пристꙋпа́ти къ бг҃ꙋ, и҆ съ сокрꙋше́ннымъ се́рдцемъ проси́ти ѡ҆ставле́нiя грѣха` сегѡ` и҆ проще́нiя, а҆ не тщесла́витися дая́нiемъ непра́веднымъ. И҆́бо бли́зъ гд҃ⷭ҇ь сокрꙋшє́ннымъ се́рдцемъ{ѱал. л҃г, ст. ѳ҃_i.}. Сегѡ` ра́ди а҆́ще кото́рые хва́лятся, ꙗ҆́кѡ дая́нiемъ зла́та поста́влены въ чи́нъ церко́вный, и҆ на сiе` ѕло́е ѻ҆быкнове́нiе, ̾ѿчꙋжда́ющее ̾ѿ бг҃а и҆ ̾ѿ вся́кагѡ свяще́нства, полага́ютъ наде́ждꙋ, и҆ ̾ѿ тогѡ` безсты́днымъ лице́мъ, и҆ ̾ѿве́рстыми ѹ҆ста́ми, ѹ҆кори́тельными слова́ми безче́стятъ и҆́збранныхъ ̾ѿ свята́гѡ дх҃а за добродѣ́тельнꙋю жи́знь, и҆ без̾ дая́нiя зла́та поста́вленныхъ: то постꙋпа́ющихъ таки́мъ ѻ҆́бразомъ во пе́рвыхъ низводи́ти на послѣ́днюю сте́пень и҆́хъ чи́на: а҆́ще же въ то́мъ закоснѣва́ти бꙋ́дꙋтъ, є҆пiтiмiе́ю и҆справля́ти. А҆́ще же кто` ѡ҆ка́жется сотвори́вшимъ сiе` при рꙋкоположе́нiи: то да бꙋ́детъ постꙋ́плено по а҆по́стольскомꙋ пра́вилꙋ, кото́рое глаго́летъ{Пра́в. к҃а.}: а҆́ще кто` є҆пíскопъ, и҆ли` пресвѵ́теръ, и҆ли` дiа́конъ, де́ньгами полꙋ́читъ сiе` досто́инство: да бꙋ́детъ и҆зве́рженъ и҆ ѻ҆́нъ, и҆ поста́вившiй є҆го`, и҆ да ̾ѿсѣче́тся совсѣ́мъ ̾ѿ ѻ҆бще́нiя, ꙗ҆́кѡ сíмѡнъ во́лхвъ мно́ю петро́мъ. Та́кожде и҆ по второ́мꙋ пра́(с. рк҃д)вилꙋ, преподо́бныхъ ѻ҆тє́цъ на́шихъ въ халкидо́нѣ, кото́рое глаго́летъ: а҆́ще кото́рый є҆пíскопъ за дє́ньги ѹ҆чини́тъ рꙋкоположе́нiе, и҆ непродае́мꙋю благода́ть, ѡ҆брати́тъ въ кꙋ́плю, и҆ за дє́ньги поста́витъ є҆пíскопа, и҆ли` хѡрепíскопа, и҆ли` пресвѵ́тера, и҆ли` дiа́кона, и҆ли` кого́ либо и҆з̾ чи́слящихся въ при́чтѣ: и҆ли` произведе́тъ за дє́ньги во i҆коно́ма и҆ли` є҆кдíка, и҆ли` парамона́рiа, и҆ли` воѻбще` въ какꙋ́ю либо церко́внꙋю до́лжность, ра́ди гнꙋ́снагѡ прибы́тка своегѡ`: дерзнꙋ́вшiй на сiе`, бы́въ ѡ҆бличе́нъ, да подлежи́тъ лише́нiю со́бственнагѡ сте́пени: а҆ поставля́емый ̾ѿню́дь да не по́льзꙋется кꙋ́пленнымъ поставле́нiемъ, и҆ли` произво́дствомъ, но да бꙋ́детъ чꙋ́ждъ досто́инства, и҆ли` до́лжности, котѡ́рыя полꙋчи́лъ за дє́ньги. А҆́ще же кто` ѡ҆ка́жется и҆ посре́дствовавшимъ во мздопрiя́тiи толи́кѡ гнꙋ́сномъ и҆ беззако́нномъ: и҆ се́й, а҆́ще є҆́сть кли́рiкъ, да бꙋ́детъ низве́рженъ со своегѡ` сте́пени: а҆́ще же мiряни́нъ, и҆ли` мона́хъ, да бꙋ́детъ ̾ѿлꙋче́нъ ̾ѿ ѻ҆бще́нiя церко́внагѡ.

ПРА́ВИЛО ѕ҃.

Поели́кꙋ є҆́сть пра́вило, кото́рое глаго́летъ: два́жды въ годꙋ` въ ка́ждой ѻ҆́бласти подоба́етъ бы́ти канонíческимъ и҆зслѣ́дованiямъ, посре́дствомъ собра́нiя є҆пíскопѡвъ: а҆ преподо́бные ѻ҆тцы` шеста́гѡ собо́ра, во внима́нiе къ затрꙋдне́нiямъ собира́ющихся, и҆ къ недоста́ткамъ потре́бнагѡ для пꙋтеше́ствiя, ѡ҆предѣли́ли, без̾ вся́кагѡ ѹ҆клоне́нiя и҆ и҆звине́нiя, є҆ди́ножды въ лѣ́то бы́ти собо́рꙋ, и҆ погрѣши́тельное и҆справля́ти: то и҆ мы` сiе` пра́вило возѡбновля́емъ, и҆ а҆́ще ѡ҆бря́щется нѣ́кiй нача́льникъ возбраня́ющiй сiе`, да бꙋ́детъ ѻ҆́нъ ̾ѿлꙋче́нъ. А҆́ще же кто` и҆з̾ митрополíтѡвъ пренебреже́тъ и҆спо́лнити сiе`, не по нꙋ́ждѣ и҆ наси́лiю, и҆ не по како́й либо ѹ҆важи́тельной (с. рк҃є) причи́нѣ: таковы́й да подлежи́тъ є҆пiтiмiи`, по пра́виламъ. Когда́ же бꙋ́детъ собо́ръ ѡ҆ предме́тахъ канонíческихъ и҆ є҆ѵа́нгельскихъ: тогда` собра́вшiеся є҆пíскопы должны` прилѣжа́ти и҆ пещи́ся ѡ҆ сохране́нiи бж҃е́ственныхъ и҆ животворя́щихъ за́повѣдей бж҃iихъ. И҆́бо, внегда` сохрани́ти я҆`, воздая́нiе мно́го{ѱал. и҃_i, ст. в҃_i.}: и҆́бо за́повѣдь є҆́сть свѣти́льникъ, зако́нъ свѣ́тъ, а҆ ѡ҆бличе́нiе и҆ наказа́нiе пꙋ́ть жи́зни{При́тч. гл. ѕ҃, ст. к҃г.}, и҆: за́повѣдь гд҃ⷭ҇ня свѣтла`, просвѣща́ющая ѻ҆́чи{ѱал. и҃_i, ст. ѳ҃.}. Да не бꙋ́детъ же позволи́тельно митрополíтꙋ и҆з̾ тогѡ`, что` прино́ситъ съ собо́ю є҆пíскопъ, тре́бовати и҆ли` скота`, и҆ли` и҆ны́я ве́щи. А҆́ще же ѡ҆бличе́нъ бꙋ́детъ въ таково́мъ постꙋ́пкѣ: то возда́стъ четвери́цею.

ПРА́ВИЛО з҃.

Бж҃е́ственный а҆по́столъ па́ѵелъ и҆зре́къ: нѣ́кiихъ человѣ̑къ грѣси` пред̾явле́ни сꙋ́ть, нѣ́кимъ же и҆ послѣ́дствꙋютъ{а҃ тiм. гл. є҃, ст. к҃д.}. И҆́бо грѣха́мъ предваря́ющымъ и҆ дрꙋгíе грѣхи` послѣ́дꙋютъ. За нечести́вою є҆́ресiю клеветникѡ́въ на хрiстiа́нство, послѣ́довали и҆ и҆ны́я нечє́стiя. И҆́бо ка́къ зра́къ честны́хъ i҆кѡ́нъ ̾ѿя́ли ѹ҆ це́ркви, та́къ ѡ҆ста́вили и҆ дрꙋгíе нѣ́кiе ѻ҆бы́чаи, ко́и подоба́етъ возѡбнови́ти, и҆ та́кѡ содержа́ти, по пи́санномꙋ и҆ не пи́санномꙋ законоположе́нiю. Сегѡ` ра́ди, а҆́ще кото́рые честны́е хра́мы ѡ҆священы` без̾ святы́хъ моще́й мꙋ́ченическихъ, ѡ҆предѣля́емъ: да бꙋ́детъ совершено` въ ни́хъ положе́нiе моще́й съ ѻ҆бы́чною моли́твою. А҆́ще же ̾ѿны́нѣ ѡ҆бря́щется нѣ́кiй є҆пíскопъ, ѡ҆свяща́ющiй хра́мъ без̾ святы́хъ моще́й: да бꙋ́детъ и҆зве́рженъ, ꙗ҆́кѡ престꙋпи́вшiй церкѡ́вныя преда̑нiя.

ПРА́ВИЛО и҃.

Поели́кꙋ нѣ́которые и҆з̾ є҆вре́йскагѡ вѣроисповѣ́да(с. рк҃ѕ)нiя, блꙋжда́я, возмни́ли рꙋга́тися хр҃ⷭ҇тꙋ` бг҃ꙋ на́шемꙋ, притво́рнѡ дѣ́лаяся хрiстiа́нами, вта́йнѣ же ̾ѿверга́яся є҆гѡ`, и҆ скры́тнѡ сꙋббѡ́тствꙋя, и҆ про́чее i҆ꙋде́йское и҆сполня́я: то ѡ҆предѣля́емъ, си́хъ ни во ѡ҆бще́нiе, ни къ моли́твѣ, ни въ це́рковь не прiима́ти: но ꙗ҆́внѡ бы́ти и҆`мъ, по и҆́хъ вѣроисповѣ́данiю, є҆вре́ями: и҆ дѣте́й и҆́хъ не крести́ти, и҆ раба` и҆`мъ не покꙋпа́ти, и҆ли` не прiѡбрѣта́ти. А҆́ще же кто` и҆з̾ ни́хъ съ и҆́скреннею вѣ́рою ѡ҆брати́тся, и҆ и҆сповѣ́дꙋетъ ѻ҆́нꙋю ̾ѿ всегѡ` се́рдца, торже́ственнѡ ̾ѿверга́я є҆вре́йскiе и҆́хъ ѻ҆бы́чаи и҆ дѣла`, дабы` чрез̾ то` и҆ дрꙋги́хъ ѡ҆бличи́ти и҆ и҆спра́вити: сего` принима́ти и҆ креща́ти дѣте́й є҆гѡ`, и҆ ѹ҆твержда́ти и҆`хъ въ ̾ѿверже́нiи є҆вре́йскихъ ѹ҆мышле́нiй. А҆́ще же не таковы` бꙋ́дꙋтъ: ̾ѿню́дь не прiима́ти и҆́хъ.

ПРА́ВИЛО ѳ҃.

Всѣ` дѣ́тскiя ба̑сни, и҆ неи́стѡвыя глꙋмлє́нiя, и҆ лжи̑выя писа̑нiя, сочиня́ємыя проти́въ честны́хъ i҆кѡ́нъ, до́лжно ̾ѿдава́ти въ є҆пiско́пiю кѡнстантiнопо́льскꙋю, дабы` положены` бы́ли съ про́чими є҆ретíческими кни́гами. А҆́ще же ѡ҆бря́щется кто` таковы̑я сокрыва́ющiй: то є҆пíскопъ, и҆ли` пресвѵ́теръ, и҆ли` дiа́конъ, да бꙋ́детъ и҆зве́рженъ и҆з̾ своегѡ` чи́на, а҆ мiряни́нъ, и҆ли` мона́хъ, да бꙋ́детъ ̾ѿлꙋче́нъ ̾ѿ ѡ҆бще́нiя церко́внагѡ.

ПРА́ВИЛО _i҃.

Поели́кꙋ нѣ́которые и҆з̾ кли́ра, ѹ҆клоня́яся ̾ѿ си́лы сꙋществꙋ́ющагѡ въ пра́вилахъ постановле́нiя, ѡ҆ста́вивъ сво́й прихо́дъ, ̾ѿбѣга́ютъ во и҆ны́е прихо́ды, наипа́че же въ се́мъ бг҃оспаса́емомъ и҆ ца́рствꙋющемъ гра́дѣ, и҆ ѹ҆ мiрски́хъ нача́льникѡвъ водворя́ются, ̾ѿправля́я бг҃ослꙋже́нiе въ и҆́хъ моли́твенницахъ: то си́хъ, без̾ во́ли своегѡ` и҆ кѡнстантiнопо́льскагѡ є҆пíскопа, не позволя́ется прiима́ти, въ (с. рк҃з) како́мъ бы то` ни бы́ло до́мѣ, и҆ли` це́ркви. А҆́ще же кто` сiе` сотвори́тъ, и҆ въ то́мъ ѹ҆по́ренъ бꙋ́детъ: да бꙋ́детъ и҆зве́рженъ А҆ тѣ̑мъ, кото́рые съ согла́сiя вышерече́нныхъ священнонача́льникѡвъ сiе` творя́тъ, не надлежи́тъ прiима́ти на себя` мiрски́хъ и҆ жите́йскихъ попече́нiй, ꙗ҆́коже бж҃е́ственными пра́вилами возбранено` сiе` твори́ти. А҆́ще же кто` ѡ҆бря́щется, занима́ющiй мiрскꙋ́ю до́лжность ѹ҆ глаго́лемыхъ вельмо́жъ: и҆ли` да ѡ҆ста́витъ ѻ҆́нꙋю, и҆ли` да бꙋ́детъ и҆зве́рженъ. Лꙋ́чше же да и҆́детъ ѹ҆чи́ти ѻ҆трокѡ́въ и҆ домоча́дцєвъ, чита́я и҆`мъ бж҃е́ственное писа́нiе: и҆́бо для сегѡ` и҆ свяще́нство полꙋчи́лъ.

ПРА́ВИЛО а҃_i.

Бꙋ́дꙋчи ѡ҆бя́заны храни́ти всѣ` бж҃е́ствєнныя пра̑вила, мы` должны` та́кожде ѡ҆храня́ти всеконе́чнѡ неизмѣ́ннымъ и҆ то`, кото́рое повелѣва́етъ бы́ти i҆коно́мꙋ въ ка́ждой це́ркви. И҆ а҆́ще ка́ждый митрополíтъ, во свое́й це́ркви поставля́етъ i҆коно́ма, бла́го є҆́сть: а҆́ще же не поста́витъ, предоставля́ется кѡнстантiнопо́льскомꙋ є҆пíскопꙋ, со́бственною вла́стiю ѡ҆предѣли́ти i҆коно́ма въ то́й це́ркви. То́ же предоставля́ется и҆ митрополíтамъ, а҆́ще подчине́нные и҆`мъ є҆пíскопы не восхотя́тъ i҆коно́мѡвъ поста́вити въ це́рквахъ свои́хъ. То́ же са́мое наблюда́ти и҆ по монастыря́мъ.

ПРА́ВИЛО в҃_i.

А҆́ще кто`, є҆пíскопъ, и҆ли` и҆гꙋ́менъ, ѡ҆ка́жется что́ либо и҆з̾ ѹ҆го́дiй, принадлежа́щихъ є҆пiско́пiи, и҆ли` монастырю`, прода́вшимъ въ рꙋ́ки власте́й, и҆ли` ̾ѿда́вшимъ и҆но́мꙋ лицꙋ`: не тве́рдо да бꙋ́детъ ѻ҆́ное ̾ѿдая́нiе, по пра́вилꙋ ст҃ы́хъ а҆по́стѡлъ, глаго́лющемꙋ: є҆пíскопъ да и҆мѣ́етъ попече́нiе ѡ҆ всѣ́хъ церко́вныхъ веща́хъ, и҆ ѻ҆́ными да распоряжа́етъ, ꙗ҆́кѡ бг҃ꙋ назира́ющꙋ: но не позволи́тельно є҆мꙋ` присвоя́ти что́ либо и҆з̾ ѻ҆́ныхъ, и҆ли` (с. рк҃и) сро́дникамъ свои́мъ дари́ти принадлежа́щее бг҃ꙋ: а҆́ще же сꙋ́ть неимꙋ́щiе, да подае́тъ и҆`мъ ꙗ҆́кѡ неимꙋ́щымъ, но, под̾ си́мъ предло́гомъ, да не продае́тъ принадлежа́щагѡ цр҃кви{А҆по́ст. пра́в. л҃и.}. А҆́ще поставля́ютъ въ предло́гъ, что` земля` причиня́етъ ѹ҆бы́токъ, и҆ никако́й по́льзы не доставля́етъ: то и҆ въ се́мъ слꙋ́чаѣ не ̾ѿдава́ти по́ля мѣ́стнымъ нача́льникамъ, но кли́рiкамъ и҆ли` земледѣ́льцамъ. А҆́ще же ѹ҆потребя́тъ лꙋка́вый ѡ҆боро́тъ, и҆ властели́нъ перекꙋ́питъ зе́млю ѹ҆ кли́рiка, и҆ли` земледѣ́льца: то и҆ въ се́мъ слꙋ́чаѣ прода́жа да бꙋ́детъ недѣйстви́тельна, и҆ про́данное да бꙋ́детъ возвращено` є҆пiско́пiи, и҆ли` монастырю`: а҆ є҆пíскопъ, и҆ли` и҆гꙋ́менъ, та́кѡ постꙋпа́ющiй, да бꙋ́детъ и҆згна́нъ: є҆пíскопъ и҆з̾ є҆пiско́пiи, и҆гꙋ́менъ же и҆з̾ монастыря`, ꙗ҆́кѡ ѕлѣ` расточа́ющiе то`, чегѡ` не собра́ли.

ПРА́ВИЛО г҃_i.

При слꙋчи́вшемся, по грѣха́мъ на́шымъ, бѣ́дствiи въ цр҃квахъ, нѣ́которые святы́е хра́мы є҆пiско́пiи и҆ монастыри` нѣ́кiими людьми` расхи́щены, и҆ содѣ́лалися ѻ҆быкнове́нными жили́щами. А҆́ще завладѣ́вшiе ѻ҆́ными восхотя́тъ ̾ѿда́ти и҆`хъ, да бꙋ́дꙋтъ возстано́влены по пре́жнемꙋ, то добро` и҆ бла́го є҆́сть: а҆́ще же не та́кѡ: то, сꙋ́щихъ ̾ѿ свяще́нническагѡ чи́на, повелѣва́емъ и҆зверга́ти, а҆ мона́хѡвъ, и҆ли` мiря́нъ ̾ѿлꙋча́ти, ꙗ҆́кѡ ѡ҆сꙋжде́нныхъ ̾ѿ ѻ҆ц҃а`, и҆ сн҃а, и҆ свята́гѡ дх҃а, и҆ да вчиня́тся, и҆дѣ́же че́рвь не ѹ҆мира́етъ, и҆ ѻ҆́гнь не ѹ҆гаса́етъ{Ма́рк. гл. ѳ҃, ст. м҃д.}. Поне́же ѻ҆ни` гла́сꙋ гд҃ⷭ҇ню проти́вятся, глаго́лющемꙋ: нетвори́те до́мꙋ ѻ҆ц҃а` моегѡ` до́момъ кꙋ́пли{I҆ѡа́н. гл. в҃, ст. ѕ҃_i.}.

ПРА́ВИЛО д҃_i.

Всѣ̑мъ ꙗ҆́вно є҆́сть, ꙗ҆́кѡ поря́докъ не разлꙋче́нъ ̾ѿ свяще́нства, и҆ съ то́чностiю (с. рк҃ѳ) храни́ти ̾ѿнося́щыяся къ свяще́нствꙋ произвѡ́дства, є҆́сть дѣ́ло бг҃ꙋ ѹ҆го́дное. И҆ поне́же ви́димъ, ꙗ҆́кѡ нѣ́кiе, без̾ рꙋковозложе́нiя, въ дѣ́тствѣ приня́въ приче́тническое постриже́нiе, но є҆ще` не полꙋчи́въ є҆пíскопскагѡ рꙋкоположе́нiя, въ церко́вномъ собра́нiи на а҆мвѡ́нѣ чита́ютъ, и҆ сiе` дѣ́лаютъ несогла́снѡ съ пра́вилами: то повелѣва́емъ ̾ѿны́нѣ семꙋ` не бы́ти. Сiе́ же са́мое соблюда́ти и҆ въ разсꙋжде́нiи мона́хѡвъ. Рꙋкоположе́нiе же чтеца` твори́ти позволя́ется ка́ждомꙋ и҆гꙋ́менꙋ въ свое́мъ, и҆ то́кмѡ въ свое́мъ монастырѣ`, а҆́ще са́мъ и҆гꙋ́менъ полꙋчи́лъ рꙋкоположе́нiе ̾ѿ є҆пíскопа въ нача́льство и҆гꙋ́менское, без̾ сомнѣ́нiя ѹ҆же` бꙋ́дꙋчи пресвѵ́теромъ. Подо́бнѡ и҆ хорепíскопы, по дре́внемꙋ ѻ҆бы́чаю, съ позволе́нiя є҆пíскопа, должны` производи́ти чтецѡ́въ.

ПРА́ВИЛО є҃_i.

Ѿны́нѣ кли́рiкъ да не ѡ҆предѣля́ется къ двꙋ́мъ це́рквамъ: и҆́бо сiе` сво́йственно торго́влѣ и҆ ни́зкомꙋ своекоры́стiю, и҆ чꙋ́ждо церко́внагѡ ѻ҆бы́чая. И҆́бо мы` слы́шали ̾ѿ самагѡ` гла́са гд҃ⷭ҇ня, ꙗ҆́кѡ не мо́жетъ кто́ либо двѣма` господи́нома рабо́тати: ли́бо є҆ди́наго возненави́дитъ, а҆ дрꙋга́го возлю́битъ, и҆ли` є҆ди́наго держи́тся, ѡ҆ дрꙋго́мъ же вознеради́тъ{Матѳ. гл. ѕ҃, ст. к҃д.}. Тогѡ` ра́ди вся́къ, по а҆по́стольскомꙋ сло́вꙋ, въ не́мже при́званъ є҆́сть, въ то́мъ до́лженъ пребыва́ти{а҃ кор. гл. з҃. ст. к҃.}, и҆ ѡ҆брѣта́тися при є҆ди́ной це́ркви. И҆́бо что` для ни́зкiя коры́сти въ церко́вныхъ дѣла́хъ быва́етъ, то` стано́вится чꙋ́ждымъ бг҃а. Для потре́бностей же сея` жи́зни, є҆́сть разли́чныя заня̑тiя: и҆ си́ми, а҆́ще кто` пожела́етъ, да прiѡбрѣта́етъ потре́бное для тѣ́ла. И҆́бо а҆по́столъ ре́къ: тре́бованiю моемꙋ`, и҆ сꙋ́щымъ съ мно́ю, послꙋжи́стѣ рꙋ́цѣ мои` сiи`{Дѣя́н. гл. к҃, ст. л҃д.}. И҆ сiе` наблюда́ти (с. р҃л) въ се́мъ бг҃оспаса́емомъ гра́дѣ: а҆ въ про́чихъ мѣста́хъ, по недоста́ткꙋ въ лю́дяхъ, допꙋсти́ти и҆з̾я́тiе.

ПРА́ВИЛО ѕ҃_i.

Вся́кая ро́скошь и҆ ѹ҆краше́нiе тѣ́ла чꙋ́жды свяще́нническагѡ чи́на и҆ состоя́нiя. Сегѡ` ра́ди є҆пíскопы, и҆ли` кли́рiки, ѹ҆краша́ющiе себя` свѣ́тлыми и҆ пы́шными ѻ҆де́ждами, да и҆справля́ются. А҆́ще же въ то́мъ пребꙋ́дꙋтъ, подверга́ти и҆`хъ є҆пiтiмiи`: та́кожде и҆ ѹ҆потребля́ющихъ благовѡ́нныя ма́сти. Поели́кꙋ же ко́рень го́рести, вы́спрь прозяба́яй{Є҆вр. гл. в҃_i, ст. є҃_i.}, є҆́ресь хрiстiанохꙋ́льникѡвъ, содѣ́лалась нечи́стымъ пятно́мъ для каѳолíческiя це́ркви, и҆ прiя́вшiе ѻ҆́нꙋю не то́кмѡ i҆кѡ́нными и҆зѡбраже́нiями возгнꙋша́лися, но и҆ вся́кое благоговѣ́нiе ̾ѿве́ргли, ненави́дя люде́й че́стнѡ и҆ благоговѣ́йнѡ живꙋ́щихъ, и҆ и҆спо́лнилось въ ни́хъ напи́санное: ме́рзость грѣ́шникѡмъ благоче́стiе{Сiра́х. гл. а҃, ст. к҃є.}: то а҆́ще ѡ҆бря́щꙋтся нѣ́кiе, посмѣва́ющiеся нося́щымъ просто́е и҆ скро́мное ѡ҆дѣя́нiе, є҆пiтiмiе́ю да и҆справля́ются. Поне́же, ̾ѿ дре́внихъ време́нъ, вся́кiй свяще́нный мꙋ́жъ дово́льствовался нероско́шнымъ и҆ скро́мнымъ ѡ҆дѣя́нiемъ: и҆́бо все`, что` не для потре́бности, но для ѹ҆бра́нства прiе́млется подлежи́тъ ѡ҆бвине́нiю въ сꙋ́етности, ꙗ҆́коже глаго́летъ васíлiй вели́кiй. Но и҆ разноцвѣ́тныя и҆з̾ ше́лковыхъ тка́ней ѻ҆дє́жды не бы́ли носи́мы, и҆ на края` ѻ҆де́ждъ не налага́лися воскри̑лiя и҆на́гѡ цвѣ́та: и҆́бо слы́шали ̾ѿ бг҃огла́снагѡ я҆зы́ка, ꙗ҆́кѡ въ мя́гкiя ѻ҆дє́жды ѡ҆дѣва́ющiеся въ домѣ́хъ ца́рскихъ сꙋ́ть{Матѳ. гл. а҃_i, ст. и҃.}.

ПРА́ВИЛО з҃_i.

Нѣ́которые и҆з̾ мона́хѡвъ, жела́я нача́льствовати, а҆ послꙋша́нiя (с. рл҃а) ̾ѿмета́яся, ѡ҆ста́вивъ свои` монастыри`, предпрiе́млютъ созида́ти моли́твенные до́мы, не и҆мѣ́я потре́бнагѡ къ соверше́нiю ѻ҆́ныхъ. А҆́ще ѹ҆`бо кто` дерзне́тъ сiе` твори́ти, да бꙋ́детъ є҆мꙋ` возбранено` ̾ѿ мѣ́стнагѡ є҆пíскопа. А҆́ще же и҆мѣ́етъ потре́бное къ доверше́нiю: то преднамѣ́ренное и҆́мъ да приведе́тся къ концꙋ`. Сiе́ же са́мое соблюда́ти и҆ для мiря́нъ и҆ для кли́рiкѡвъ.

ПРА́ВИЛО и҃_i.

Безпреткнове́ни быва́йте и҆ внѣ̑шнимъ, глаго́летъ бж҃е́ственный а҆по́столъ{а҃ кор. гл. _i҃, ст. л҃в.}. Но пребыва́нiе же́нъ въ є҆пiско́пiяхъ и҆ли` въ монастыря́хъ, є҆́сть вина` вся́кагѡ собла́зна. Сегѡ` ра́ди, а҆́ще ѹ҆смо́трено бꙋ́детъ, что` кто́ либо и҆мѣ́етъ рабꙋ`, и҆ли` свобо́днꙋю въ є҆пiско́пiи, и҆ли` въ монастырѣ`, порꙋча́я є҆́й како́е либо слꙋже́нiе, да подлежи́тъ таковы́й є҆пiтiмiи`: закоснѣва́ющiй же въ то́мъ, да бꙋ́детъ и҆зве́рженъ. А҆́ще и҆ слꙋчи́тся жена́мъ бы́ти въ за́городныхъ дома́хъ, и҆ восхо́щетъ є҆пíскопъ, и҆ли` и҆гꙋ́менъ пꙋ́ть твори́ти та́мѡ: то въ присꙋ́тствiи є҆пíскопа и҆ли` и҆гꙋ́мена, ̾ѿню́дь никако́гѡ слꙋже́нiя да не и҆справля́етъ въ то вре́мя жена`: но да пребꙋ́детъ ѻ҆со́бѡ на и҆но́мъ мѣ́стѣ, доко́лѣ послѣ́дꙋетъ ̾ѿше́ствiе є҆пíскопа, и҆ли` и҆гꙋ́мена, да не бꙋ́детъ нарека́нiя.

ПРА́ВИЛО ѳ҃_i.

Ме́рзость сребролю́бiя толи́кѡ возѡблада́ла води́телями церкве́й, ꙗ҆́кѡ нѣ́кiе и҆з̾ глаго́лемыхъ благоговѣ́йныхъ мꙋже́й и҆ же́нъ, забы́въ гд҃ⷭ҇ни за́повѣди, заблꙋди́лися, и҆ въ свяще́нный чи́нъ, и҆ въ мона́шеское житiе` встꙋпа́ющихъ прiе́млютъ за зла́то. И҆ быва́етъ, ꙗ҆́коже глаго́летъ вели́кiй васíлiй, непотре́бно все`, чегѡ` нача́ло нечи́сто: поне́же бг҃ꙋ и҆ мамѡ́нѣ слꙋжи́ти не подоба́етъ. Сегѡ` (с. рл҃в) ра́ди, а҆́ще ѹ҆смо́тренъ бꙋ́детъ кто́ либо сiе` творя́щiй: то є҆пíскопъ, и҆ли` и҆гꙋ́менъ, и҆ли` кто́ либо и҆з̾ свяще́нническагѡ чи́на, и҆ли` да преста́нетъ, и҆ли` да бꙋ́детъ и҆зве́рженъ, по второ́мꙋ пра́вилꙋ халкидо́нскагѡ свята́гѡ собо́ра: а҆ и҆гꙋ́менiа да и҆зго́нится и҆з̾ монастыря`, и҆ да преда́стся во и҆ны́й монасты́рь въ послꙋша́нiе: ра́внѡ ка́къ и҆ и҆гꙋ́менъ, не и҆мѣ́ющiй пресвѵ́терскагѡ рꙋкоположе́нiя. А҆ ѡ҆ то́мъ, что` даю́тъ роди́тели дѣ́тямъ, по подо́бiю вѣ́на, и҆ ѡ҆ веща́хъ приноси́мыхъ и҆з̾ со́бственности, съ ѡ҆б̾явле́нiемъ ̾ѿ принося́щагѡ, ꙗ҆́кѡ посвяща́ются бг҃ꙋ, мы` ѡ҆предѣли́ли, да пребꙋ́дꙋтъ по ѡ҆бѣща́нiю и҆́хъ, пребꙋ́детъ ли прине́сшiй въ монастырѣ`, и҆ли` и҆зы́детъ, а҆́ще не бꙋ́детъ семꙋ` вины` въ настоя́телѣ.

ПРА́ВИЛО к҃.

Ѡ҆предѣля́емъ не бы́ти ̾ѿны́нѣ монастыря́мъ двойны́мъ, потомꙋ` что` сiе` быва́етъ собла́зномъ и҆ преткнове́нiемъ для мно́гихъ. А҆́ще же восхотя́тъ нѣ́кiе со сро́дниками ̾ѿрещи́ся ̾ѿ мíра, и҆ мона́шескомꙋ житiю` послѣ́довати, то мꙋжа́мъ ̾ѿходи́ти въ мꙋ́жескiй монасты́рь, а҆ жена́мъ входи́ти въ же́нскiй монасты́рь: и҆́бо си́мъ благоꙋгожда́ется бг҃ъ. А҆ ѡ҆брѣта́ющiеся доны́нѣ двойны́е монастыри`, да бꙋ́дꙋтъ ѹ҆правля́емы по пра́вилꙋ свята́гѡ ѻ҆тца` на́шегѡ васíлiа, и҆ по за́повѣди є҆гѡ`, законополага́ющей та́кѡ: да не живꙋ́тъ во є҆ди́номъ монастырѣ` мона́хи и҆ мона́хини: потомꙋ` что` соводворе́нiе дае́тъ посре́дство къ прелюбодѣя́нiю. Да не и҆мѣ́етъ дерзнове́нiя мона́хъ съ мона́хинею, и҆ли` мона́хиня съ мона́хомъ бесѣ́довати наединѣ`. Да не спи́тъ мона́хъ въ же́нскомъ монастырѣ`, и҆ да не ꙗ҆́стъ мона́хиня вмѣ́стѣ съ мона́хомъ наединѣ`. И҆ когда` вє́щи потрє́бныя для жи́зни, со стороны` мꙋ́жеской прино́сятся къ (с. рл҃г) мона́хинямъ: за врата́ми ѻ҆́ныя да прiе́млетъ же́нскагѡ монастыря` и҆гꙋ́менiа съ нѣ́коею ста́рою мона́хинею. А҆́ще же слꙋчи́тся, что` мона́хъ пожела́етъ ви́дѣти нѣ́кꙋю ро́дственницꙋ: то въ присꙋ́тствiи и҆гꙋ́менiи съ не́ю да бесѣ́дꙋетъ, не мно́гими и҆ кра́ткими слова́ми, и҆ вско́рѣ ̾ѿ нея` да ̾ѿхо́дитъ.

ПРА́ВИЛО к҃а.

Не долженствꙋ́етъ мона́хъ, и҆ли` мона́хиня ѡ҆ставля́ти сво́й монасты́рь, и҆ ̾ѿходи́ти во и҆ны́й. А҆́ще же слꙋчи́тся сiе`, то страннопрiи́мство ꙗ҆ви́ти є҆мꙋ` неѡбходи́мо, а҆ прiима́ти є҆го` без̾ во́ли и҆гꙋ́мена є҆гѡ` не подоба́етъ.

ПРА́ВИЛО к҃в.

Все` приноси́ти бг҃ꙋ, и҆ не порабоща́тися свои́ми жела́нiями, є҆́сть вели́кое дѣ́ло. И҆́бо а҆́ще ꙗ҆́сте, а҆́ще ли пiе́те, глаго́летъ бж҃е́ственный а҆по́столъ, вся̑ въ сла́вꙋ бж҃iю твори́те{а҃ кор. гл. _i҃, ст. л҃а.}. И҆ хр҃ⷭ҇то́съ бг҃ъ на́шъ, въ свое́мъ є҆ѵа́нгелiи, повелѣ́лъ ̾ѿсѣка́ти нача̑ла грѣхѡ́въ. И҆́бо не то́кмѡ прелюбодѣя́нiе наказꙋ́ется ̾ѿ негѡ`, но и҆ движе́нiе мы́сли къ покꙋше́нiю на прелюбодѣя́нiе ѡ҆сꙋждено`, по глаго́лꙋ є҆гѡ`: воззрѣ́вый на женꙋ`, ко є҆́же возделѣ́ти є҆я`, ѹ҆же` любодѣ́йствова съ не́ю въ се́рдцѣ свое́мъ{Матѳ. гл. є҃, ст. к҃и.}. Ѿсю́дꙋ ѹ҆́бѡ наꙋча́ся, мы` должны` ѡ҆чища́ти по́мыслы. И҆́бо, а҆́ще и҆ вся̑ лѣ́ть сꙋ́ть, но не вся̑ на по́льзꙋ{а҃ кор. гл. _i҃, ст. к҃г.}, ка́къ ѹ҆́читъ а҆по́стольское сло́во. Вся́комꙋ человѣ́кꙋ неѡбходи́мо ꙗ҆́сти, дабы` жи́ти, и҆ живꙋ́щымъ въ бра́кѣ и҆ съ дѣтьми`, въ мiрско́мъ состоя́нiи, не предосꙋди́тельно ꙗ҆́сти мꙋжа́мъ и҆ же́намъ вмѣ́стѣ: то́кмѡ даю́щемꙋ пи́щꙋ да прино́сятъ благодаре́нiе: но ꙗ҆́сти не съ каки́ми либо позо́рищными вы́мыслами, и҆ли` съ сатани́нскими пѣ́снями, и҆ съ пѣвни́цами и҆ блꙋдни́ческими гласова́нiями, на ко́и па́даетъ про(с. рл҃д)ро́ческое ѹ҆коре́нiе, глаго́лющее та́кѡ: го́ре съ гꙋ́сльми и҆ пѣвни́цами вiно` пiю́щымъ, на дѣла́ же гд҃ⷭ҇ня не взира́ющымъ, и҆ ѡ҆ дѣла́хъ рꙋ́къ є҆гѡ` не помышля́ющымъ{И҆са́iи гл. є҃, ст. в҃_i.}. И҆ а҆́ще бꙋ́дꙋтъ гдѣ` таковы́е въ хрiстiа́нахъ, да и҆справля́ются: а҆́ще же не и҆спра́вятся, да бꙋ́детъ въ ̾ѿноше́нiи къ ни́мъ соблюда́емо канонíчески постано́вленное бы́вшими пре́жде на́съ. А҆ кото́рыхъ жи́знь є҆́сть ти́хая и҆ є҆диноѻбра́зная, ꙗ҆́кѡ да́вшихъ ѻ҆бѣ́тъ гд҃ⷭ҇ꙋ бг҃ꙋ взя́ти на себя` и҆́го мона́шества: тѣ` да ся́дꙋтъ наединѣ` и҆ ѹ҆мо́лкнꙋтъ{Пла́ч. i҆ерем. гл. г҃, ст. к҃и.}. Но и҆ свяще́нническое житiе` и҆збра́вшымъ, не совсѣ́мъ позволи́тельно ꙗ҆́сти наединѣ` съ же́нами, а҆ ра́звѣ кꙋ́пнѡ съ нѣ́которыми бг҃обоя́зненными и҆ благоговѣ́йными мꙋжа́ми и҆ же́нами, дабы` и҆ сiе` ѻ҆бще́нiе трапе́зы вело` къ назида́нiю дꙋхо́вномꙋ. То́ же соблюда́ти до́лжно и҆ въ разсꙋжде́нiи сро́дникѡвъ. А҆́ще же слꙋчи́тся мона́хꙋ, и҆ли` мꙋ́жꙋ свяще́ннагѡ чи́на въ пꙋтеше́ствiи не и҆мѣ́ти потре́бнагѡ, и҆ по нꙋ́ждѣ восхо́щетъ ѻ҆́нъ препочи́ти въ гости́нницѣ, и҆ли` въ чье́мъ либо до́мѣ: разрѣша́ется таково́мꙋ сiе` твори́ти, поели́кꙋ нꙋ́жда тре́бꙋетъ.

(с. рл҃є)

ПРА̑ВИЛА ПОМѢ́СТНЫХЪ СОБО́РѠВЪ.

(с. рл҃з)

ПРА̑ВИЛА СВЯТА́ГѠ ПОМѢ́СТНАГѠ СОБО́РА А҆ГКV́РСКАГѠ.

ПРА́ВИЛО а҃.

Ѡ҆ пресвѵ́терахъ, кото́рые i҆дѡложе́ртвовали, пото́мъ возѡбнови́ли по́двигъ за вѣ́рꙋ, и҆ прито́мъ не по ѹ҆хищре́нiю нѣ́коемꙋ, но по и҆́стинѣ, не дѣ́лая предвари́тельнагѡ приготовле́нiя и҆ соглаше́нiя къ томꙋ`, да пока́жꙋтъ себя` а҆́ки бы подверга́емыхъ мꙋче́нiямъ, тогда` ка́къ ѹ҆потребля́емы бы́ли ѻ҆́ныя то́кмѡ для ви́да и҆ притво́рнѡ, разсꙋждено`: да не лиша́ются че́сти сѣда́лища, но да не и҆мѣ́ютъ вла́сти соверша́ти приноше́нiе, проповѣ́дывати и҆ воѻбще` свяще́нническое что́ либо дѣ́йствовати.

ПРА́ВИЛО в҃.

Подо́бнѡ и҆ дiа́конамъ i҆дѡложе́ртвовавшымъ, но пото́мъ возѡбнови́вшымъ по́двигъ вѣ́ры, присво́еннꙋю и҆`мъ че́сть и҆мѣ́ти, но преста́ти и҆`мъ ̾ѿ вся́кагѡ свяще́ннагѡ слꙋже́нiя, ̾ѿ возноше́нiя хлѣ́ба и҆ ча́ши, и҆ ̾ѿ провозглаше́нiя моле́нiй. А҆́ще же кото́рые и҆з̾ є҆пíскопѡвъ ѹ҆смо́трятъ въ таковы́хъ нѣ́кiй трꙋ́дъ, и҆ли` смире́нiе кро́тости, и҆ восхотя́тъ нѣ́что бо́лѣе (с. рл҃и) да́ти, и҆ли` ̾ѿя́ти: да бꙋ́детъ сiе` въ и҆́хъ вла́сти.

ПРА́ВИЛО г҃.

Ѹ҆бѣга́ющымъ ̾ѿ гони́телей, и҆ ѹ҆ловлє́ннымъ, и҆ли` прє́даннымъ ̾ѿ свои́хъ дома́шнихъ, и҆ли` и҆ны́мъ ѻ҆́бразомъ лишє́ннымъ и҆мѣ́нiя, и҆ли` претерпѣ́вшымъ мꙋчє́нiя, и҆ли` вве́ржєннымъ въ темни́цꙋ, прито́мъ вопiя́вшымъ, ꙗ҆́кѡ сꙋ́ть хрiстiа́не, и҆ и҆стя́заннымъ, и҆ междꙋ` тѣ́мъ, и҆ли` нѣ́что i҆дѡложе́ртвенное въ рꙋ́ки наси́лiемъ ѹ҆тѣсни́телей влага́емое, и҆ли` нѣ́кꙋю пи́щꙋ по принꙋжде́нiю прiя́вшымъ, но непреры́внѡ и҆сповѣ́дывавшымъ, ꙗ҆́кѡ сꙋ́ть хрiстiа́не, и҆ ско́рбь свою` ѡ҆ слꙋчи́вшемся съ ни́ми всегда` и҆з̾явля́ющымъ вся́кою скро́мностiю, ѡ҆дѣя́нiемъ, и҆ смире́нiемъ жи́зни, таковы̑мъ, ꙗ҆́кѡ внѣ` грѣха` сꙋ́щымъ, да не возбрани́тся ѡ҆бще́нiе. А҆́ще же кѣ́мъ либо и҆ возбранено` бы́ло, ра́ди вя́щшей предѻсторо́жности, и҆ли` по невѣ́дѣнiю нѣ́которыхъ: неме́дленнѡ должны` при́няты бы́ти во ѡ҆бще́нiе. Сiе` ̾ѿно́сится ра́внѡ и҆ къ сꙋ́щымъ ̾ѿ кли́ра, и҆ къ прѡ́чимъ, то́ є҆сть, къ мiря́намъ. Бы́ло прито́мъ и҆зслѣ́дываемо и҆ то`, мо́гꙋтъ ли мiря́не, подве́ргшiеся томꙋ́ же са́момꙋ наси́лiю, бы́ти производи́мы въ чи́нъ свяще́нный, и҆ разсꙋждено`: производи́ти и҆ таковы́хъ ꙗ҆́кѡ ничто́же согрѣши́вшихъ, а҆́ще и҆ пре́жнiй ѻ҆́бразъ и҆́хъ житiя` ѡ҆бря́щется пра́вымъ.

ПРА́ВИЛО д҃.

Ѡ҆ i҆дѡложе́ртвовавшихъ по принꙋжде́нiю, и҆ све́рхъ тогѡ` пред̾ i҆́дѡлами пи́ршествовавшихъ, кото́рые бы́въ приведены` и҆ съ весе́лымъ ви́домъ вошли`, и҆ ѻ҆де́ждꙋ ѹ҆потреби́ли драгоцѣ́ннѣе ѻ҆быкнове́нной, и҆ ѹ҆ча́ствовали въ пригото́вленномъ пи́ршествѣ безпе́чнѡ, разсꙋждено`: что́бы таковы́е находи́лись го́дъ въ числѣ` слꙋ́шающихъ писа̑нiя, три` го́да въ числѣ` (с. рл҃ѳ) припа́дающихъ, два` го́да и҆мѣ́ли ѡ҆бще́нiе въ моли́твѣ то́кмѡ, и҆ пото́мъ встꙋпа́ли въ соверше́нное ѡ҆бще́нiе.

ПРА́ВИЛО є҃.

А҆ кото́рые вошли` въ ѡ҆дѣя́нiи печа́льномъ, и҆ возле́гши ѣ҆́ли, пла́чя междꙋ` тѣ́мъ во все` вре́мя возлежа́нiя, тѣ`, а҆́ще и҆спо́лнили трехлѣ́тнее вре́мя припа́данiя, да прiи́мꙋтся въ ѡ҆бще́нiе, кромѣ` причаще́нiя святы́хъ та̑инъ. А҆́ще же не ѣ҆́ли, то прове́дши два` лѣ́та междꙋ` припа́дающими, въ тре́тiе лѣ́то да бꙋ́дꙋтъ въ ѡ҆бще́нiи, кромѣ` причаще́нiя, та́къ что́бы соверше́нное ѡ҆бще́нiе полꙋчи́ли по тре́хъ лѣ́тахъ. Но є҆пíскопы да и҆мѣ́ютъ вла́сть, и҆спыта́въ ѻ҆́бразъ ѡ҆браще́нiя, человѣколю́бствовати, и҆ли` бо́льшее вре́мя покая́нiя приложи́ти. Па́че всегѡ` да и҆спытꙋ́ется житiе` предше́ствовавшее и҆скꙋше́нiю, и҆ послѣ́довавшее за ѻ҆́нымъ, и҆ та́кѡ да размѣря́ется человѣколю́бiе.

ПРА́ВИЛО ѕ҃.

Ѡ҆ тѣ́хъ, кото́рые то́кмѡ ̾ѿ ѹ҆гроже́нiя мꙋ́ками, и҆ли` ̾ѿя́тiемъ и҆мѣ́нiй, и҆ли` и҆згна́нiемъ, поколеба́лися и҆ i҆дѡложе́ртвовали, и҆ до настоя́щагѡ вре́мени не пока́ялися: а҆ ны́нѣ, ко вре́мени сегѡ` собо́ра, пришли` и҆ воспрiя́ли по́мыслъ ѡ҆браще́нiя, разсꙋждено`: да прiи́мꙋтся въ разря́дъ слꙋ́шающихъ писа̑нiя до вели́кагѡ дня` па́схи: по вели́комъ же днѣ`, да бꙋ́дꙋтъ три` лѣ́та въ разря́дѣ припа́дающихъ, пото́мъ є҆ще` два` лѣ́та да бꙋ́дꙋтъ въ ѡ҆бще́нiи, кромѣ` причаще́нiя, и҆ та́кѡ да вни́дꙋтъ въ соверше́нное ѡ҆бще́нiе, ꙗ҆́кѡ да и҆спо́лнится цѣ́лое шестилѣ́тiе покая́нiя. А҆́ще же кото́рые пре́жде сегѡ` собо́ра при́няты на покая́нiе: съ тогѡ` вре́мени счисля́ти и҆`мъ нача́ло шестилѣ́тiя. Впро́чемъ же, а҆́ще приключи́тся и҆`мъ ѻ҆па́с(с. р҃м)ность и҆ бли́зость сме́рти ̾ѿ болѣ́зни, и҆ли` ̾ѿ и҆на́гѡ нѣ́коегѡ слꙋ́чая: таковы́хъ прiима́ти съ ѹ҆сло́вiемъ.

{комм.}Разꙋмѣ́ется то` ѹ҆сло́вiе, что́бы, є҆́стьли ѡ҆ста́нꙋтся въ живы́хъ, и҆спо́лнили вре́мя покая́нiя, по семꙋ` пра́вилꙋ.

ПРА́ВИЛО з҃.

Ѡ҆ тѣ́хъ, кото́рые пи́ршествовали въ ꙗ҆зы́ческiй пра́здникъ, на мѣ́стѣ присво́енномъ ꙗ҆зы́чниками, но принесли` и҆ ѣ҆́ли свои` со́бствєнныя снѣ̑ди, разсꙋждено`: прiима́ти и҆`хъ въ ѡ҆бще́нiе, по двꙋлѣ́тнемъ припа́данiи: но ка́ждаго ли до́лжно прiима́ти съ причаще́нiемъ святы́хъ та́инъ, є҆пíскопское дѣ́ло є҆́сть разсꙋди́ти ѡ҆ се́мъ, та́кожде и҆ про́чꙋю жи́знь ка́ждагѡ и҆спыта́ти.

ПРА́ВИЛО и҃.

Два́жды и҆ три́жды i҆дѡложе́ртвовавшiе по принꙋжде́нiю, четы́ре лѣ́та да бꙋ́дꙋтъ въ числѣ` припа́дающихъ, два` лѣ́та да бꙋ́дꙋтъ въ ѡ҆бще́нiи моли́твъ, кромѣ` причаще́нiя, и҆ въ седмо́е лѣ́то да прiи́мꙋтся въ соверше́нное ѡ҆бще́нiе.

ПРА́ВИЛО ѳ҃.

А҆ кото́рые не то́кмѡ содѣ́лались ̾ѿстꙋ́пниками, но и҆ возстава́ли на бра́тiй, и҆ принꙋжда́ли и҆`хъ къ ̾ѿстꙋпле́нiю, и҆ли` бы́ли вино́вниками такова́гѡ принꙋжде́нiя: тѣ` на три` лѣ́та да прiи́мꙋтъ мѣ́сто междꙋ` слꙋ́шающими писа̑нiя, пото́мъ на ше́сть лѣ́тъ междꙋ` припа́дающими, є҆ще` є҆ди́но лѣ́то да бꙋ́дꙋтъ въ ѡ҆бще́нiи, кромѣ` причаще́нiя, та́къ что` и҆спо́лнивъ десятилѣ́тiе полꙋ́чатъ соверше́нное ѡ҆бще́нiе. Впро́чемъ и҆ въ сiе` вре́мя да бꙋ́детъ наблюда́ема и҆ вся` про́чая и҆́хъ жи́знь.

ПРА́ВИЛО _i҃.

Поставля́емые во дiа́конѡвъ, а҆́ще при са́момъ поставле́нiи засвидѣ́тельствовали, и҆ ѡ҆б̾яви́ли, что` ѻ҆ни` и҆мѣ́ютъ нꙋ́ждꙋ ѡ҆жени́тися, (с. рм҃а) и҆ не мо́гꙋтъ без̾ тогѡ` пребы́ти: таковы́е по́слѣ сегѡ` ѡ҆жени́вшись, да пребыва́ютъ въ свое́мъ слꙋже́нiи, поели́кꙋ сiе` позво́лено бы́ло и҆`мъ ̾ѿ є҆пíскопа: а҆́ще же кото́рые, ѹ҆молча́въ ѡ҆ се́мъ и҆ приня́въ рꙋкоположе́нiе съ тѣ́мъ, что́бы пребы́ти без̾ жени́твы, по́слѣ встꙋпи́ли въ бра́къ: таковы̑мъ преста́ти ̾ѿ дiа́конскагѡ слꙋже́нiя.

{комм.}Сiе` распоряже́нiе помѣ́стнагѡ собо́ра, є҆́сть мѣ́стное и҆з̾я́тiе и҆з̾ пра́вила а҆по́стольскагѡ к҃ѕ. Шесты́й вселе́нскiй собо́ръ, ѕ҃ пра́виломъ свои́мъ, прекрати́лъ сiе` и҆з̾я́тiе, и҆ подтверди́лъ держа́ться а҆по́стольскагѡ пра́вила въ то́чности.

ПРА́ВИЛО а҃_i.

Дѣ́въ ѡ҆брꙋче́нныхъ, и҆ пото́мъ и҆ны́ми похи́щенныхъ, разсꙋждено`: возвраща́ти пред̾ѡбрꙋчи́вшымъ, а҆́ще бы и҆ наси́лiе претерпѣ́ли ̾ѿ похи́тившихъ.

ПРА́ВИЛО в҃_i.

Пре́жде креще́нiя i҆дѡложе́ртвовавшихъ, и҆ пото́мъ крести́вшихся, разсꙋждено` производи́ти въ чи́нъ свяще́нный, ꙗ҆́кѡ ѡ҆мы́вшихъ грѣ́хъ.

ПРА́ВИЛО г҃_i.

Не подоба́етъ хорепíскопамъ поставля́ти пресвѵ́терѡвъ и҆ли` дiа́конѡвъ: но ниже` є҆пíскопамъ и҆ны́хъ градѡ́въ во и҆ны́е, кромѣ` позволе́нiя є҆пíскопа, чрез̾ гра́матꙋ по ка́ждой є҆па́рхiи.

ПРА́ВИЛО д҃_i.

Состоя́щымъ въ кли́рѣ, пресвѵ́терамъ и҆ли` дiа́конамъ, кото́рые возде́рживаются ̾ѿ мя́съ, ѡ҆предѣлено`, каса́тися ѻ҆́ныхъ, и҆ пото́мъ, а҆́ще восхотя́тъ, воздержа́тися ̾ѿ ѻ҆́ныхъ. А҆́ще же не восхотя́тъ сегѡ`, та́къ что` не бꙋ́дꙋтъ ꙗ҆́сти и҆ ѻ҆во́щей, полага́емыхъ съ мяса́ми, и҆ не покоря́тся семꙋ` пра́вилꙋ: да бꙋ́дꙋтъ низложены` ̾ѿ своегѡ` чи́на.

ПРА́ВИЛО є҃_i.

И҆з̾ принадлежа́щагѡ це́ркви, а҆́ще что` про́дали пре(с. рм҃в)свѵ́теры въ небы́тность ѹ҆ ни́хъ є҆пíскопа, да востре́бꙋетъ ѻ҆́ное це́рковь. Є҆пíскопа же разсꙋжде́нiю предоставля́ется, а҆́ще досто́итъ возврати́ти цѣ́нꙋ, и҆ли` ни`: поне́же ча́стѡ быва́етъ, что` дохо́ды ̾ѿ про́даннагѡ съ и҆збы́ткомъ ѹ҆же` возврати́ли кꙋпи́вшымъ цѣ́нꙋ ѻ҆́нагѡ.

ПРА́ВИЛО ѕ҃_i.

Ѡ҆ скотоло́жствовавшихъ, и҆ли` скотоло́жствꙋющихъ. Кото́рые впа́ли въ се́й грѣ́хъ пре́жде двадесятилѣ́тнягѡ во́зраста, тѣ`, бы́въ пятьна́десять лѣ́тъ междꙋ` припа́дающими, да полꙋ́чатъ ѡ҆бще́нiе въ моли́твахъ пото́мъ, пребы́въ пя́ть лѣ́тъ въ се́мъ ѡ҆бще́нiи, да пристꙋ́пятъ къ причаще́нiю святы́хъ та̑инъ. Да и҆спытꙋ́ется же и҆ житiе` и҆́хъ въ то` вре́мя, когда` нахо́дятся въ разря́дѣ припа́дающихъ, и҆, смотря` по томꙋ`, да сподобля́ются человѣколю́бiя. Пребы́вшiе же до́лгѡ въ се́мъ грѣхѣ`, до́лгѡ да ѹ҆де́ржатся въ разря́дѣ припа́дающихъ. А҆ кото́рые преше́дши ѡ҆зна́ченный во́зрастъ, и҆ же́нъ и҆мѣ́я, впа́ли въ таковы́й грѣ́хъ: тѣ` два́десять пя́ть лѣ́тъ пребы́въ междꙋ` припа́дающими, да полꙋча́ютъ ѡ҆бще́нiе въ моли́твахъ. Пото́мъ и҆спо́лнивъ пя́ть лѣ́тъ во ѡ҆бще́нiи моли́твъ, да сподо́бятся причаще́нiя. А҆́ще же нѣ́которые, и҆ же́нъ и҆мѣ́я, и҆ преше́дши пятидесятилѣ́тнiй во́зрастъ, впа́ли въ се́й грѣ́хъ: таковы́е при и҆схо́дѣ ̾ѿ сея` жи́зни да сподо́бятся причаще́нiя.

ПРА́ВИЛО з҃_i.

Скотоло́жникамъ и҆ прокажє́ннымъ, и҆ли` ѡ҆прока́зившымъ, святы́й собо́ръ повелѣ́лъ моли́тися съ ѡ҆бꙋрева́емыми.

{комм.}Наименова́нiе ѡ҆бꙋрева́емыхъ ѡ҆знача́етъ и҆ли` недопꙋска́емыхъ въ це́рковь, и҆ моля́щихся внѣ`, є҆́стьли слꙋчи́тся, и҆ на вѣ́трѣ и҆ под̾ дожде́мъ, и҆ли` бѣснꙋ́емыхъ.

(с. рм҃г)

ПРА́ВИЛО и҃_i.

А҆́ще кото́рые, бы́въ поста́влены во є҆пíскопѡвъ, но не бы́въ при́няты є҆па́рхiею, въ кото́рꙋю наречены`, восхотя́тъ на и҆ны́я є҆па́рхiи настꙋпа́ти, и҆ поста́вленныхъ та́мѡ ѹ҆тѣсня́ти, и҆ воздвига́ти проти́вꙋ и҆́хъ возмꙋщє́нiя: таковы́хъ ̾ѿлꙋча́ти ̾ѿ ѡ҆бще́нiя церко́внагѡ. А҆́ще же восхотя́тъ съ пресвѵ́терами сидѣ́ти, гдѣ` пре́жде бы́ли пресвѵ́терами: не ̾ѿима́ти ̾ѿ ни́хъ сея` че́сти. А҆́ще же бꙋ́дꙋтъ воздвига́ти смятє́нiя проти́вꙋ поста́вленныхъ та́мѡ є҆пíскопѡвъ: лиша́ти и҆`хъ и҆ пресвѵ́терскiя че́сти, и҆ бы́ти и҆`мъ ̾ѿрѣшє́ннымъ.

ПРА́ВИЛО ѳ҃_i.

Да́вшiе ѻ҆бѣ́тъ дѣ́вства и҆ нарꙋ́шившiе ѻ҆бѣ́тъ, да и҆спо́лнятъ є҆пiтiмiю` двоебра́чныхъ. Дѣ́вамъ же, соединя́ющымся жи́тельствомъ съ нѣ́кiими, а҆́ки съ бра́тiями, мы` сiе` возбрани́ли.

ПРА́ВИЛО к҃.

А҆́ще чiя` жена` прелюбодѣ́йствовала, и҆ кто́ либо прелюбодѣ́йствовалъ: таковы̑мъ надлежи́тъ въ се́дмь лѣ́тъ прiити` въ соверше́нное ѡ҆бще́нiе, по сте́пенямъ къ томꙋ` ведꙋ́щымъ.

ПРА́ВИЛО к҃а.

Же́намъ, ̾ѿ прелюбодѣя́нiя зача́вшымъ, и҆ и҆стреби́вшымъ пло́дъ, и҆ занима́ющымся составле́нiемъ дѣтогꙋби́тельныхъ ѻ҆тра́въ, пре́жнимъ ѡ҆предѣле́нiемъ, возбранено` бы́ло причаще́нiе святы́хъ та̑инъ до кончи́ны: и҆ по семꙋ` и҆ постꙋпа́ютъ. И҆зы́скивая же нѣ́что бо́лѣе снисходи́тельное, мы` ѡ҆предѣли́ли таковы̑мъ проходи́ти десятилѣ́тнее вре́мя покая́нiя, по сте́пенямъ ѹ҆стано́влєннымъ.

ПРА́ВИЛО к҃в.

Вино́вные въ во́льныхъ ѹ҆бíйствахъ, да бꙋ́дꙋтъ въ разря́дѣ припа́дающихъ: со(с. рм҃д)верше́ннагѡ же ѡ҆бще́нiя да ѹ҆досто́иваются при концѣ` жи́зни.

ПРА́ВИЛО к҃г.

Винѡ́внымъ въ нево́льныхъ ѹ҆бíйствахъ пре́жнее ѡ҆предѣле́нiе повелѣва́етъ, въ се́дмь лѣ́тъ, по сте́пенямъ ѹ҆стано́влєннымъ достига́ти соверше́ннагѡ ѡ҆бще́нiя: но́вое же ѡ҆предѣле́нiе, и҆сполня́ти пятилѣ́тнее вре́мя въ покая́нiи.

ПРА́ВИЛО к҃д.

Волхвꙋ́ющiе, и҆ послѣ́дꙋющiе ꙗ҆зы́чєскимъ ѻ҆бы́чаямъ, и҆ли` вводя́щiе нѣ́кихъ въ до́мы свои`, ра́ди и҆зыска́нiя волше́бствъ, и҆ли` и҆ ра́ди ѡ҆чище́нiя, да подверга́ются пра́вилꙋ пятилѣ́тнягѡ покая́нiя, по сте́пенямъ ѹ҆стано́влєннымъ: три` лѣ́та припа́данiя, и҆ два` лѣ́та моли́твъ без̾ прiѡбще́нiя святы́хъ та̑инъ.

ПРА́ВИЛО к҃є.

Нѣ́кто ѡ҆брꙋчи́вшiй себѣ` ѻ҆трокови́цꙋ, сперва` растли́лъ є҆я` сестрꙋ`, ꙗ҆́кѡ и҆ бере́менной бы́ти є҆́й: а҆ пото́мъ ѡ҆жени́лся ѡ҆брꙋче́нною, а҆ растлѣ́нная ѹ҆дави́лася. Совино́вныхъ повелѣно`, въ продолже́нiи десяти` лѣ́тъ, по ѹ҆стано́влєннымъ сте́пенямъ покая́нiя, прiя́ти въ число` стоя́щихъ на моли́твѣ съ вѣ́рными.

(с. рм҃є)

ПРА̑ВИЛА СВЯТА́ГѠ ПОМѢ́СТНАГѠ СОБО́РА НЕОКЕСАРÍЙСКАГѠ.

ПРА́ВИЛО а҃.

Пресвѵ́теръ, а҆́ще ѡ҆же́нится, да и҆зве́рженъ бꙋ́детъ ̾ѿ своегѡ` чи́на. А҆́ще же блꙋ́дъ и҆ли` прелюбодѣ́йство сотвори́тъ: да бꙋ́детъ совсѣ́мъ и҆́згнанъ ̾ѿ ѡ҆бще́нiя церко́внагѡ, и҆ низведе́нъ въ разря́дъ ка́ющихся.

ПРА́ВИЛО в҃.

Жена`, совокꙋпи́вшаяся бра́комъ съ двꙋмя` бра́тiями, да бꙋ́детъ ̾ѿлꙋчена` ̾ѿ ѡ҆бще́нiя церко́внагѡ до сме́рти. Но при сме́рти, а҆́ще ѡ҆бѣща́ется разрꙋши́ти бра́къ по выздоровле́нiи, да бꙋ́детъ по человѣколю́бiю допꙋ́щена къ покая́нiю. А҆́ще же ѹ҆́мретъ жена` и҆ли` мꙋ́жъ въ таково́мъ бра́кѣ: ѡ҆ста́вшемꙋся трꙋ́дно покая́нiе.

ПРА́ВИЛО г҃.

Вре́мя покая́нiя, ѡ҆предѣле́нное для впада́ющихъ во многобра́чiе, и҆звѣ́стно: впро́чемъ ѡ҆браще́нiе и҆ вѣ́ра и҆́хъ сокраща́ютъ вре́мя.

ПРА́ВИЛО д҃.

А҆́ще кто`, вожделѣ́въ жены`, рѣши́тся преспа́ти съ не́ю, но є҆гѡ` намѣ́ренiе не приведе́тся въ дѣ́йствiе: ви́димо є҆́сть, ꙗ҆́кѡ благода́тiю и҆зба́вленъ.

(с. рм҃ѕ)

ПРА́ВИЛО є҃.

Ѡ҆глаше́нный, входя́щiй въ це́рковь, и҆ стоя́щiй въ чи́нѣ ѡ҆глаше́нныхъ, ѡ҆бличе́нъ бы́въ во грѣхѣ`, а҆́ще сопричи́сленъ бы́лъ преклоня́ющымъ колѣ́на, да низведе́тся въ разря́дъ слꙋ́шающихъ писа̑нiя, преста́въ ̾ѿ грѣха`. А҆́ще же и҆ пребыва́я междꙋ` слꙋ́шающими согрѣши́тъ: да и҆зго́нится и҆з̾ це́ркви.

ПРА́ВИЛО ѕ҃.

И҆мѣ́ющꙋю во чре́вѣ, подоба́етъ просвѣти́ти креще́нiемъ, когда` восхо́щетъ. И҆́бо нѣ́тъ въ се́мъ никако́гѡ ѡ҆бще́нiя ѹ҆ ражда́ющiя съ ражда́емымъ: поне́же во и҆сповѣ́данiи со́бственное ка́ждагѡ произволе́нiе показꙋ́ется.

ПРА́ВИЛО з҃.

Пресвѵ́терꙋ на бра́кѣ двоеже́нца не пи́ршествовати. Поне́же двоеже́нецъ и҆мѣ́етъ нꙋ́ждꙋ въ покая́нiи. Како́й же бы́лъ бы пресвѵ́теръ, кото́рый чрез̾ ѹ҆ча́ствованiе въ пи́ршествѣ ѡ҆добря́лъ бы таковы́е бра́ки;

ПРА́ВИЛО и҃.

А҆́ще жена` нѣ́коегѡ мiряни́на, прелюбодѣ́йствовавъ, ѡ҆бличена` бꙋ́детъ въ то́мъ ꙗ҆́внѡ: то ѻ҆́нъ не мо́жетъ прiити` въ слꙋже́нiе церко́вное. А҆́ще же по рꙋкоположе́нiи мꙋ́жа впаде́тъ въ прелюбодѣ́йство: то ѻ҆́нъ до́лженъ развести́ся съ не́ю. А҆́ще же сожи́тельствꙋетъ: не мо́жетъ каса́тися слꙋже́нiя, є҆мꙋ` порꙋче́ннагѡ.

ПРА́ВИЛО ѳ҃.

Пресвѵ́теръ, а҆́ще согрѣши́въ тѣ́ломъ, произведе́нъ, и҆ и҆сповѣ́дꙋетъ, что` согрѣши́лъ пре́жде рꙋкоположе́нiя, да не священнодѣ́йствꙋетъ, сохраня́я прѡ́чiя преимꙋ́щєства, ра́ди дрꙋги́хъ добродѣ́телей. И҆́бо про́чiе грѣхи`, ка́къ мно́гiе сказꙋ́ютъ, разрѣша́етъ и҆ рꙋкоположе́нiе. А҆́ще же са́мъ не и҆сповѣ́дꙋетъ, а҆ ѡ҆бличе́нъ бы́ти (с. рм҃з) ꙗ҆́внѡ не мо́жетъ: вла́стенъ са́мъ въ себѣ`.

ПРА́ВИЛО _i҃.

Подо́бнѡ и҆ дiа́конъ, а҆́ще впаде́тъ въ то́тъ же грѣ́хъ, да низведе́нъ бꙋ́детъ въ чи́нъ проста́гѡ слꙋжи́теля це́ркви.

ПРА́ВИЛО а҃_i.

Во пресвѵ́тера пре́жде три́десяти лѣ́тъ, а҆́ще и҆ по всемꙋ` досто́йный человѣ́къ, да не поставля́ется: но да ѡ҆ста́вится въ ѡ҆жида́нiи. И҆́бо гд҃ⷭ҇ь i҆и҃съ хр҃ⷭ҇то́съ въ тридеся́тое лѣ́то крести́лся, и҆ на́чалъ ѹ҆чи́ти.

ПРА́ВИЛО в҃_i.

А҆́ще кто` въ болѣ́зни просвѣще́нъ креще́нiемъ, то не мо́жетъ произведе́нъ бы́ти во пресвѵ́тера: и҆́бо вѣ́ра є҆гѡ` не ̾ѿ произволе́нiя, но ̾ѿ нꙋжды`: ра́звѣ то́кмѡ ра́ди по́слѣ ̾ѿкры́вшiяся добродѣ́тели и҆ вѣ́ры, и҆ ра́ди скꙋ́дости въ лю́дяхъ досто́йныхъ.

ПРА́ВИЛО г҃_i.

Се́льскiе пресвѵ́теры въ гра́дской це́ркви не мо́гꙋтъ священнодѣ́йствовати въ присꙋ́тствiи є҆пíскопа, и҆ли` пресвѵ́терѡвъ гра́да, та́кожде ни преподава́ти хлѣ́бъ, ни ча́шꙋ во вре́мя моли́твы. А҆́ще же сiи` въ ̾ѿсꙋ́тствiи, а҆ се́льскiй є҆ди́нъ приглаше́нъ для моли́твы: то преподае́тъ.

ПРА́ВИЛО д҃_i.

Но хорепíскопы, поста́вленные во ѻ҆́бразъ седми́десяти а҆по́столѡвъ, ꙗ҆́кѡ сослꙋжи́тели є҆пíскопа, священнодѣ́йствꙋютъ и҆ въ гра́дской це́ркви, прiе́мля че́сть ра́ди попече́нiя ѡ҆ ни́щихъ.

ПРА́ВИЛО є҃_i.

По первонача́льномꙋ пра́вилꙋ, дiа́конамъ седми` бы́ти до́лжно, а҆́ще и҆ весьма` вели́къ гра́дъ. Въ се́мъ ѹ҆достовѣ́ренъ бꙋ́деши и҆з̾ кни́ги дѣя́нiй а҆по́стольскихъ.

(с. рм҃и)

ПРА̑ВИЛА СВЯТА́ГѠ ПОМѢ́СТНАГѠ СОБО́РА ГА́НГРСКАГѠ.

ПРА́ВИЛО а҃.

А҆́ще кто` порица́етъ бра́къ, и҆ жено́ю вѣ́рною и҆ благочести́вою, съ мꙋ́жемъ свои́мъ совокꙋпля́ющеюся, гнꙋша́ется, и҆ли` порица́етъ ѻ҆́нꙋю, ꙗ҆́кѡ не могꙋ́щꙋю вни́ти въ ца́рствiе: да бꙋ́детъ под̾ кля́твою.

ПРА́ВИЛО в҃.

А҆́ще кто`, съ благоговѣ́нiемъ и҆ вѣ́рою, ꙗ҆дꙋ́щаго мя́со [кро́мѣ кро́ви, i҆дѡложе́ртвеннагѡ и҆ ѹ҆да́вленины] ѡ҆сꙋжда́етъ, а҆́ки бы, по причи́нѣ ѹ҆потребле́нiя ѻ҆́нагѡ, не и҆мѣ́ющаго ѹ҆пова́нiя: да бꙋ́детъ под̾ кля́твою.

ПРА́ВИЛО г҃.

А҆́ще кто` ѹ҆́читъ раба`, под̾ предло́гомъ благоче́стiя, презира́ти господи́на, ѹ҆клоня́тися ̾ѿ слꙋже́нiя, и҆ не съ ѹ҆се́рдiемъ и҆ вся́кою че́стiю слꙋжи́ти господи́нꙋ своемꙋ`: да бꙋ́детъ под̾ кля́твою.

ПРА́ВИЛО д҃.

А҆́ще кто` ѡ҆ пресвѵ́терѣ, встꙋпи́вшемъ въ бра́къ, разсꙋжда́етъ, ꙗ҆́кѡ не досто́итъ причаща́тися приноше́нiя, когда` таковы́й соверши́лъ лiтꙋргíю: да бꙋ́детъ под̾ кля́твою.

ПРА́ВИЛО є҃.

А҆́ще кто` ѹ҆́читъ невозбра́ннѡ пренебрега́ти до́мъ (с. рм҃ѳ) бж҃iй, и҆ быва́ющыя въ не́мъ собра̑нiя: да бꙋ́детъ под̾ кля́твою.

ПРА́ВИЛО ѕ҃.

А҆́ще кто` кромѣ` це́ркви ѻ҆со́бѡ собра̑нiя составля́етъ, и҆, презира́я це́рковь, церкѡ́вная твори́ти хо́щетъ, не и҆мѣ́я съ собо́ю пресвѵ́тера по во́лѣ є҆пíскопа: да бꙋ́детъ под̾ кля́твою.

ПРА́ВИЛО з҃.

А҆́ще кто` церкѡ́вныя плодоприношє́нiя прiима́ти, и҆ли` раздава́ти внѣ` це́ркви хо́щетъ, без̾ во́ли є҆пíскопа, и҆ли` тогѡ`, комꙋ` порꙋчены` таковы̑я, и҆ не по во́лѣ є҆гѡ` твори́ти хо́щетъ: да бꙋ́детъ под̾ кля́твою.

ПРА́ВИЛО и҃.

А҆́ще кто` дае́тъ, и҆ли` прiе́млетъ плодоприношє́нiя ми́мѡ є҆пíскопа, и҆ли` поста́вленнагѡ ѹ҆правля́ти благотворе́нiями: и҆ даю́щiй, и҆ прiе́млющiй, да бꙋ́детъ под̾ кля́твою.

ПРА́ВИЛО ѳ҃.

А҆́ще кто` дѣ́вствꙋетъ, и҆ли` возде́рживается, ѹ҆даля́яся ̾ѿ бра́ка, ꙗ҆́кѡ гнꙋша́ющiйся и҆́мъ, а҆ не ра́ди са́мыя добро́ты и҆ святы́ни дѣ́вства: да бꙋ́детъ под̾ кля́твою.

ПРА́ВИЛО _i҃.

А҆́ще кто` и҆з̾ дѣ́вствꙋющихъ ра́ди гд҃ⷭ҇а, бꙋ́детъ превозноси́тися над̾ бракосочета́вшимися: да бꙋ́детъ под̾ кля́твою.

ПРА́ВИЛО а҃_i.

А҆́ще кто` презира́етъ творя́щихъ ве́чєри любви` по вѣ́рѣ, и҆ созыва́ющихъ бра́тiю въ че́сть гд҃ⷭ҇а, и҆ не хо́щетъ и҆мѣ́ти ѻ҆бще́нiе въ приглаше́нiяхъ, ни́зкимъ почита́я твори́мое: да бꙋ́детъ под̾ кля́твою.

ПРА́ВИЛО в҃_i.

А҆́ще кто` и҆з̾ мꙋже́й, ра́ди мни́магѡ подви́жничества, ѹ҆потребля́етъ сꙋро́вꙋю ве́рхнюю ѻ҆де́ждꙋ, и҆, а҆́ки (с. р҃н) бы ̾ѿ сегѡ` полꙋча́я пра́ведность, ѡ҆сꙋжда́етъ тѣ́хъ, кото́рые со благоговѣ́нiемъ но́сятъ ше́лкѡвыя ѡ҆дѣя̑нiя, и҆ ѹ҆потребля́ютъ ѻ҆́бщꙋю и҆ ѻ҆быкнове́нiемъ при́нятꙋю ѻ҆де́ждꙋ: да бꙋ́детъ под̾ кля́твою.

ПРА́ВИЛО г҃_i.

А҆́ще нѣ́кая жена`, ра́ди мни́магѡ подви́жничества, премѣни́тъ ѡ҆дѣя́нiе, и҆, вмѣ́стѡ ѻ҆быкнове́нныя же́нскiя ѻ҆де́жды, ѡ҆блече́тся въ мꙋжскꙋ́ю: да бꙋ́детъ под̾ кля́твою.

ПРА́ВИЛО д҃_i.

А҆́ще кото́рая жена` ѡ҆ста́витъ мꙋ́жа, и҆ ̾ѿити` восхо́щетъ, гнꙋша́яся бра́комъ: да бꙋ́детъ под̾ кля́твою.

ПРА́ВИЛО є҃_i.

А҆́ще кто` дѣте́й свои́хъ ѡ҆ставля́етъ и҆ не пита́етъ, и҆ не приво́дитъ, по возмо́жности, къ подоба́ющемꙋ благоче́стiю, но, под̾ предло́гомъ ̾ѿше́льничества, неради́тъ ѡ҆ ни́хъ: да бꙋ́детъ под̾ кля́твою.

ПРА́ВИЛО ѕ҃_i. А҆́ще котѡ́рыя дѣ́ти, под̾ предло́гомъ благоче́стiя, ѡ҆ста́вятъ свои́хъ роди́телей, наипа́че вѣ́рныхъ, и҆ не воздадꙋ́тъ подоба́ющiя че́сти роди́телямъ, да бꙋ́дꙋтъ под̾ кля́твою. Впро́чемъ правовѣ́рiе да бꙋ́детъ и҆́ми соблюда́емо предпочти́тельнѡ.

ПРА́ВИЛО з҃_i.

А҆́ще кото́рая жена`, ра́ди мни́магѡ подви́жничества, ѡ҆стриже́тъ власы`, котѡ́рыя да́лъ є҆́й бг҃ъ въ напомина́нiе подчине́нности: такова́я, ꙗ҆́кѡ нарꙋша́ющая за́повѣдь подчине́нности, да бꙋ́детъ под̾ кля́твою.

ПРА́ВИЛО и҃_i.

А҆́ще кто`, ра́ди мни́магѡ подви́жничества, пости́тся въ де́нь воскре́сный: да бꙋ́детъ под̾ кля́твою.

ПРА́ВИЛО ѳ҃_i.

А҆́ще кто` и҆з̾ подви́жникѡвъ, без̾ тѣле́сныя нꙋ́жды, возно́сится и҆ разрѣша́етъ посты`, пре́данные къ ѻ҆́б(с. рн҃а)щемꙋ соблюде́нiю и҆ храни́мые це́рковiю. пребыва́я прито́мъ въ по́лномъ ра́зꙋмѣ: да бꙋ́детъ под̾ кля́твою.

ПРА́ВИЛО к҃.

А҆́ще кто`, прише́дши въ надме́нное расположе́нiе, гнꙋша́ясь ѡ҆сꙋжда́етъ собра̑нiя въ че́сть мꙋ́ченикѡвъ, и҆ соверша́ємыя въ ѻ҆́ныхъ слꙋжє́нiя и҆ па́мяти и҆́хъ: да бꙋ́детъ под̾ кля́твою.

ПРА́ВИЛО к҃а.

Сiя̑ же пи́шемъ, поставля́я прегра̑ды не тѣ̑мъ, кото́рые въ це́ркви бж҃iей, по писа́нiю, подви́жничествовати жела́ютъ, но тѣ̑мъ, кото́рые подви́жничество прiе́млютъ въ по́водъ го́рдости, возно́сятся над̾ живꙋ́щими про́стѡ, и҆ вопреки` писа́нiямъ и҆ церкѡ́внымъ пра́виламъ вво́дятъ но́вѡсти. Таки́мъ ѻ҆́бразомъ мы` и҆ дѣ́вство, со смире́нiемъ соедине́нное, чти́мъ, и҆ воздержа́нiе, съ че́стностiю и҆ благоче́стiемъ соблюда́емое, прiе́млемъ, и҆ смире́нное ̾ѿше́льничество ̾ѿ мiрски́хъ дѣ́лъ ѡ҆добря́емъ, и҆ бра́чное че́стное сожи́тельство почита́емъ, и҆ бога́тства съ пра́вдою и҆ благотворе́нiемъ не ѹ҆ничижа́емъ: и҆ простотꙋ` и҆ малоцѣ́нность ѻ҆де́ждъ, ѹ҆потребля́емыхъ то́кмѡ ра́ди попече́нiя ѡ҆ тѣ́лѣ неизы́сканнагѡ, похваля́емъ: а҆ и҆знѣ́женнагѡ въ мя́гкой ѻ҆де́ждѣ хожде́нiя ̾ѿвраща́емся. И҆ до́мы бж҃iи почита́емъ, и҆ собра̑нiя быва́ющыя въ ни́хъ, ꙗ҆́кѡ святы̑я и҆ полє́зныя прiе́млемъ, незаключа́я благоче́стiя въ дома́хъ, но почита́я вся́кое мѣ́сто, со́зданное во и҆́мя бж҃iе, и҆ хожде́нiе въ це́рковь бж҃iю на по́льзꙋ ѻ҆́бщꙋю прiе́млемъ: и҆ и҆збы́точествꙋющыя благотворє́нiя бра́тiй, по преда́нiямъ, посре́дствомъ це́ркви ни́щымъ быва́ющыя, ѹ҆блажа́емъ: и҆, да рече́мъ вкра́тцѣ, жела́емъ, да быва́ютъ въ це́ркви вся` приня̑тая ̾ѿ бж҃е́ственныхъ писа́нiй и҆ а҆по́стольскихъ преда́нiй.

(с. рн҃в)

ПРА̑ВИЛА СВЯТА́ГѠ ПОМѢ́СТНАГѠ СОБО́РА А҆НТIОХÍЙСКАГѠ.

ПРА́ВИЛО а҃.

Всѣ` дерза́ющiе нарꙋша́ти ѡ҆предѣле́нiе свята́гѡ и҆ вели́кагѡ собо́ра, въ нiке́и бы́вшагѡ, въ присꙋ́тствiи благочести́вѣйшагѡ и҆ бг҃олюбе́знѣйшагѡ царя` кѡнстантíна, ѡ҆ свято́мъ пра́здникѣ спаси́тельныя па́схи, да бꙋ́дꙋтъ ̾ѿлꙋчены` ̾ѿ ѻ҆бще́нiя и҆ ̾ѿве́ржены ̾ѿ це́ркви, а҆́ще продолжа́тъ любопри́тельнѡ возстава́ти проти́вꙋ до́брагѡ ѹ҆становле́нiя. И҆ сiе` рече́но ѡ҆ мiря́нахъ. А҆́ще же кто` и҆з̾ предстоя́телей це́ркви, є҆пíскопъ, и҆ли` пресвѵ́теръ, и҆ли` дiа́конъ, по́слѣ сегѡ` ѡ҆предѣле́нiя, де́рзнетъ къ развраще́нiю люде́й, и҆ къ возмꙋще́нiю церкве́й, ѡ҆со́битися, и҆ со i҆ꙋде́ами соверша́ти па́схꙋ: такова́го святы́й собо́ръ ̾ѿны́нѣ ѹ҆же` ѡ҆сꙋжда́етъ, бы́ти чꙋ́ждымъ цр҃кви, ꙗ҆́кѡ содѣ́лавшагося не то́кмѡ вино́ю грѣха` для самагѡ` себя`, но и҆ вино́ю разстро́йства и҆ развраще́нiя мно́гихъ. И҆ не то́кмѡ таковы́хъ собо́ръ ̾ѿрѣша́етъ ̾ѿ священнослꙋже́нiя, но и҆ всѣ́хъ дерза́ющихъ бы́ти въ ѻ҆бще́нiи съ ни́ми, по и҆́хъ и҆зверже́нiи и҆з̾ свяще́нства. И҆зве́рженные же лиша́ются и҆ внѣ́шнiя че́сти, каковы́я бы́ли ѻ҆ни` прича́стны по свято́мꙋ пра́вилꙋ и҆ бж҃iю свяще́нствꙋ.

(с. рн҃г)

ПРА́ВИЛО в҃.

Всѣ` входя́щiе въ це́рковь, и҆ слꙋ́шающiе свящє́нныя писа̑нiя, но, по нѣ́коемꙋ ѹ҆клоне́нiю ̾ѿ поря́дка, не ѹ҆ча́ствꙋющiе въ моли́твѣ съ наро́домъ, и҆ли` ̾ѿвраща́ющiеся ̾ѿ причаще́нiя святы́я є҆ѵхарíстiи, да бꙋ́дꙋтъ ̾ѿлꙋчены` ̾ѿ це́ркви дото́лѣ, ка́къ и҆сповѣ́даются, ѡ҆ка́жꙋтъ плоды` покая́нiя, и҆ бꙋ́дꙋтъ проси́ти проще́нiя, и҆ таки́мъ ѻ҆́бразомъ возмо́гꙋтъ полꙋчи́ти ѻ҆́ное. Да не бꙋ́детъ же позво́лено и҆мѣ́ти ѻ҆бще́нiе съ ̾ѿлꙋче́нными ̾ѿ ѻ҆бще́нiя, ниже` сходи́тися въ до́мы и҆ моли́тися съ находя́щимися внѣ` ѻ҆бще́нiя церко́внагѡ: чꙋжда́ющихся собра́нiй ѻ҆дно́й це́ркви не прiима́ти и҆ въ дрꙋго́й це́ркви. А҆́ще же кто` и҆з̾ є҆пíскопѡвъ, и҆ли` пресвѵ́терѡвъ, и҆ли` дiа́конѡвъ, и҆ли` кто́ либо и҆з̾ кли́ра, ѡ҆ка́жется соѡбща́ющимся съ ̾ѿлꙋче́нными ̾ѿ ѻ҆бще́нiя: да бꙋ́детъ и҆ са́мъ внѣ` ѻ҆бще́нiя церко́внагѡ, ꙗ҆́кѡ производя́щiй замѣша́тельство въ чи́нѣ церко́вномъ.

ПРА́ВИЛО г҃.

А҆́ще кото́рый пресвѵ́теръ, и҆ли` дiа́конъ, и҆ли` воѻбще` кто́ либо и҆з̾ свяще́ннагѡ чи́на, ѡ҆ста́вивъ сво́й предѣ́лъ, пре́йдетъ въ дрꙋгíй, пото́мъ соверше́ннѡ преселя́ся, покꙋси́тся пребы́ти во и҆но́мъ предѣ́лѣ до́лгое вре́мя: таково́мꙋ не священнодѣ́йствовати, и҆ наипа́че, когда` со́бственный є҆гѡ` є҆пíскопъ призыва́етъ є҆го`, и҆ ѹ҆бѣжда́етъ возврати́тися въ сво́й прихо́дъ, а҆ ѻ҆́нъ не повинꙋ́ется. А҆́ще же и҆ ѹ҆по́рствовати бꙋ́детъ въ безчи́нiи: то соверше́ннѡ да бꙋ́детъ и҆зве́рженъ ̾ѿ священнослꙋжи́тельства, без̾ возмо́жности возстановле́нiя въ пре́жнiй чи́нъ. А҆́ще же и҆зве́рженнаго по се́й причи́нѣ прiи́метъ и҆ны́й є҆пíскопъ: то и҆ се́й да подлежи́тъ є҆пiтiмiи` ̾ѿ ѻ҆́бщагѡ собо́ра, ꙗ҆́кѡ нарꙋши́тель церко́вныхъ постановле́нiй.

(с. рн҃д)

ПРА́ВИЛО д҃.

А҆́ще кото́рый є҆пíскопъ, и҆зве́рженный ̾ѿ са́на собо́ромъ, и҆ли` пресвѵ́теръ, и҆ли` дiа́конъ свои́мъ є҆пíскопомъ, де́рзнетъ соверши́ти какꙋ́ю либо свяще́ннꙋю слꙋ́жбꙋ: є҆пíскопъ ли по пре́жнемꙋ своемꙋ` ѻ҆бы́чаю, и҆ли` пресвѵ́теръ, и҆ли` дiа́конъ: таково́мꙋ ̾ѿню́дь не позволя́ется, на дрꙋго́мъ собо́рѣ, ни наде́ждꙋ возстановле́нiя въ пре́жнiй чи́нъ и҆мѣ́ти, ниже` до принесе́нiя ѡ҆правда́нiя допꙋще́нꙋ бы́ти. Но и҆ всѣ` соѡбща́ющiеся съ ни́мъ да бꙋ́дꙋтъ ̾ѿлꙋчены` ̾ѿ це́ркви, и҆ наипа́че, когда` зна́я ѡ҆сꙋжде́нiе произнесе́нное проти́вꙋ вышерече́нныхъ, де́рзнꙋтъ и҆мѣ́ти ѻ҆бще́нiе съ ни́ми.

ПРА́ВИЛО є҃.

А҆́ще кото́рый пресвѵ́теръ, и҆ли` дiа́конъ, презрѣ́въ своего` є҆пíскопа, ̾ѿлꙋчи́тъ са́мъ себе` ̾ѿ це́ркви, и҆ начне́тъ твори́ти ѻ҆сѡ́быя собра̑нiя, и҆ поста́витъ же́ртвенникъ, а҆ призыва́емый є҆пíскопомъ не покори́тся, не восхо́щетъ є҆мꙋ` повинова́тися, и҆ бы́въ призыва́емъ є҆ди́ножды и҆ два́жды, не послꙋ́шаетъ: таковы́й да бꙋ́детъ соверше́ннѡ и҆зве́рженъ и҆з̾ своегѡ` чи́на, и҆ ̾ѿню́дь не мо́жетъ до слꙋже́нiя допꙋ́щенъ бы́ти, ниже` па́ки воспрiя́ти пре́жнюю свою` че́сть. А҆́ще же ѹ҆по́ренъ бꙋ́детъ возмꙋща́я це́рковь, и҆ возстава́я проти́вꙋ є҆я`: то ꙗ҆́кѡ мяте́жникъ, да бꙋ́детъ ѹ҆кроща́емъ внѣ́шнею вла́стiю.

ПРА́ВИЛО ѕ҃.

А҆́ще кто` свои́мъ є҆пíскопомъ ̾ѿлꙋче́нъ ̾ѿ ѻ҆бще́нiя церко́внагѡ: такова́го дрꙋги́мъ є҆пíскопамъ не пре́жде прiима́ти въ ѻ҆бще́нiе, ра́звѣ когда` свои́мъ є҆пíскопомъ при́нятъ бꙋ́детъ, и҆ли` когда` соста́вится собо́ръ, и҆ ѻ҆́нъ предста́въ принесе́тъ ѡ҆правда́нiе, и҆ ѹ҆бѣди́въ собо́ръ, полꙋ́читъ ̾ѿ негѡ` и҆но́е ѡ҆ себѣ` рѣше́нiе. То́ же ѡ҆предѣле́нiе да соблюда́ется для мiря́нъ, и҆ для пресвѵ́терѡвъ, и҆ для дiа́конѡвъ, и҆ для всѣ́хъ состоя́щихъ въ кли́рѣ.

(с. рн҃є)

ПРА́ВИЛО з҃.

Никогѡ` и҆з̾ стра́нныхъ не прiима́ти без̾ ми́рныхъ гра́матъ.

ПРА́ВИЛО и҃.

Се́льскiе пресвѵ́теры не посыла́ютъ канонíческихъ посла́нiй: ра́звѣ то́кмѡ къ сосѣ́днимъ є҆пíскопамъ посла̑нiя посыла́ютъ. А҆ сꙋ́щiе без̾ поро́ка хорепíскопы даю́тъ ми́рныя гра́маты.

{комм.}Под̾ и҆́менемъ канонíческихъ, то́ є҆сть, церко́вными пра́вилами ѡ҆предѣ́ленныхъ посла́нiй, разꙋмѣ́ются пи́сьма, и҆ли` гра̑маты, дава́ємыя ̾ѿ є҆пíскопа кли́рiкамъ, и҆дꙋ́щымъ въ є҆па́рхiю дрꙋга́гѡ є҆пíскопа, по предосторо́жности, что́бы мiряни́нъ не бы́лъ при́нятъ за кли́рiка, и҆ли` ̾ѿлꙋче́нный ̾ѿ слꙋже́нiя церко́внагѡ не бы́лъ допꙋ́щенъ до ѻ҆́нагѡ, по невѣ́дѣнiю.

ПРА́ВИЛО ѳ҃.

Въ ка́ждой ѻ҆́бласти є҆пíскопамъ до́лжно вѣ́дати є҆пíскопа, въ митропо́лiи нача́льствꙋющаго, и҆ и҆мѣ́юаго попече́нiе ѡ҆ все́й ѻ҆́бласти, та́къ ка́къ въ митропо́лiю ̾ѿвсю́дꙋ стека́ются всѣ`, и҆мѣ́ющiе дѣла`. Посемꙋ` разсꙋждено`, что́бы ѻ҆́нъ и҆ че́стiю преимꙋ́ществовалъ, и҆ что́бы про́чiе є҆пíскопы ничегѡ` ѻ҆со́беннѡ ва́жнагѡ не дѣ́лали без̾ негѡ`, по дре́вле приня́томꙋ ̾ѿ ѻ҆тє́цъ на́шихъ пра́вилꙋ, кромѣ` тогѡ` то́кмѡ, что` ̾ѿно́сится до є҆па́рхiи. принадлежа́щiя ка́ждомꙋ и҆з̾ ни́хъ, и҆ до селе́нiй, состоя́щихъ въ є҆я` предѣ́лахъ. И҆́бо ка́ждый є҆пíскопъ и҆мѣ́етъ вла́сть въ свое́й є҆па́рхiи, и҆ да ѹ҆правля́етъ є҆́ю, съ прили́чествꙋющею ка́ждомꙋ ѡ҆смотри́тельностiю, и҆ да и҆мѣ́етъ попече́нiе ѡ҆ все́й странѣ`, состоя́щей въ зави́симости ̾ѿ є҆гѡ` гра́да, и҆ да поставля́етъ пресвѵ́терѡвъ и҆ дiа́конѡвъ, и҆ да разбира́етъ всѣ` дѣла` съ разсꙋжде́нiемъ. Да́лѣе же да не покꙋша́ется что́ либо твори́ти без̾ є҆пíскопа митропо́лiи, а҆ та́кже и҆ се́й без̾ согла́сiя про́чихъ є҆пíскопѡвъ.

ПРА́ВИЛО _i҃.

Святы́й собо́ръ за бла́го разсꙋжда́лъ, что́бы состоя́(с. рн҃ѕ)щiе въ ма́лыхъ гра́дахъ и҆ли` се́лахъ предстоя́тели, и҆ли` та́къ и҆менꙋ́емые хорепíскопы, зна́ли свою` мѣ́рꙋ, хотя́ бы ѻ҆ни` и҆ по чи́нꙋ є҆пíскопства прiя́ли рꙋкоположе́нiе: что́бы ѻ҆ни` ѹ҆правля́ли то́кмѡ подчине́нными и҆`мъ церква́ми, и҆ ѡ҆грани́чивали и҆́ми свое` попече́нiе и҆ распоряжє́нiя: что́бы поставля́ли чтецѡ́въ, ѵ҆подiа́конѡвъ и҆ заклина́телей, и҆ дово́льствовалися произво́дствомъ то́кмѡ въ сiи` чи́ны, а҆ поставля́ти пресвѵ́тера и҆ли` дiа́кона не дерза́ли без̾ во́ли сꙋ́щагѡ во гра́дѣ є҆пíскопа, кото́ромꙋ подчине́нъ хорепíскопъ и҆ є҆гѡ` ѻ҆́крꙋгъ. А҆́ще же кто` де́рзнетъ престꙋпи́ти сiе` ѡ҆предѣле́нiе: то да лиши́тся и҆ тоя` че́сти, кото́рꙋю и҆мѣ́етъ. Хорепíскопъ же да поставля́ется ̾ѿ є҆пíскопа гра́да, ко́емꙋ подчине́нъ є҆гѡ` ѻ҆́крꙋгъ.

ПРА́ВИЛО а҃_i.

А҆́ще кото́рый є҆пíскопъ, и҆ли` пресвѵ́теръ, и҆ли` воѻбще` кто́ либо и҆з̾ кли́ра без̾ соизволе́нiя и҆ гра́матъ ̾ѿ є҆пíскопѡвъ ѻ҆́бласти, и҆ наипа́че ̾ѿ є҆пíскопа митропо́лiи, де́рзнетъ ̾ѿити` къ царю`: таковы́й да бꙋ́детъ ̾ѿрѣше́нъ, и҆ лише́нъ не то́кмѡ ѻ҆бще́нiя, но и҆ досто́инства, како́е и҆мѣ́лъ, ꙗ҆́кѡ дерзнꙋ́вшiй, вопреки` пра́виламъ це́ркви, стꙋжа́ти слꙋ́хꙋ бг҃олюбе́знѣйшагѡ царя` на́шегѡ. А҆́ще же неѡбходи́мая нꙋ́жда заста́витъ кого` и҆ти` къ царю`: таковы́й да твори́тъ сiе` съ разсмотрѣ́нiемъ и҆ соизволе́нiемъ є҆пíскопа митропо́лiи и҆ про́чихъ тоя` ѻ҆́бласти є҆пíскопѡвъ, и҆ да напꙋ́тствꙋется гра́матами ̾ѿ ни́хъ.

ПРА́ВИЛО в҃_i.

А҆́ще кото́рый пресвѵ́теръ, и҆ли` дiа́конъ, и҆зве́рженный ̾ѿ своегѡ` са́на свои́мъ є҆пíскопомъ, и҆ли` да́же є҆пíскопъ и҆зве́рженный собо́ромъ, де́рзнетъ стꙋжа́ти слꙋ́хꙋ ца́рскомꙋ: подоба́етъ є҆мꙋ` ѡ҆брати́тися къ бо́льшемꙋ собо́рꙋ є҆пíскопѡвъ, (с. рн҃з) и҆ то`, въ че́мъ мни́тся бы́ти пра́въ, предложи́ти множа́йшымъ є҆пíскопамъ, и҆ ̾ѿ ни́хъ прiя́ти и҆зслѣ́дованiе и҆ ѡ҆конча́тельный сꙋ́дъ. А҆́ще же, си́хъ пренебре́гши, царю` стꙋжа́ти бꙋ́детъ: таковы́й да не ѹ҆досто́ивается никако́гѡ проще́нiя, да не бꙋ́детъ мѣ́ста є҆гѡ` защище́нiю, и҆ да не и҆мѣ́етъ ѻ҆́нъ наде́жды возстановле́нiя.

ПРА́ВИЛО г҃_i.

Ни кото́рый є҆пíскопъ да не дерза́етъ и҆з̾ є҆ди́ныя є҆па́рхiи преходи́ти въ дрꙋгꙋ́ю, ни поставля́ти кого́ либо въ цє́ркви є҆я` для соверше́нiя священнослꙋже́нiя, ниже` приводи́ти съ собо́ю дрꙋги́хъ, ра́звѣ прибꙋ́детъ, бы́въ при́званъ гра́матами митрополíта и҆ сꙋ́щихъ съ ни́мъ є҆пíскопѡвъ, въ ѻ҆́бласть кото́рыхъ прихо́дитъ. А҆́ще же никѣ́мъ не бы́въ при́званъ, внѣ` поря́дка по́йдетъ для рꙋкоположе́нiя нѣ́которыхъ, и҆ для ѹ҆строе́нiя церко́вныхъ дѣ́лъ, до негѡ` не принадлежа́щихъ: то все` содѣ́янное и҆́мъ да бꙋ́детъ недѣйстви́тельнымъ: и҆ ѻ҆́нъ, за безчи́нiе свое` и҆ за безразсꙋ́дное начина́нiе, да понесе́тъ прили́чное наказа́нiе, чрез̾ неме́дленное и҆зверже́нiе и҆з̾ своегѡ` чи́на ст҃ы́мъ собо́ромъ.

ПРА́ВИЛО д҃_i.

А҆́ще кото́рый є҆пíскопъ бꙋ́детъ сꙋди́мъ въ каки́хъ либо вина́хъ, и҆ слꙋчи́тся, что` є҆пíскопы тоя` ѻ҆́бласти бꙋ́дꙋтъ въ разногла́сiи ѡ҆ не́мъ, ѻ҆дни` признава́я подсꙋди́маго неви́ннымъ, а҆ дрꙋгíе вино́внымъ: то, ра́ди прекраще́нiя вся́кагѡ сомнѣ́нiя, ѹ҆го́дно свято́мꙋ собо́рꙋ, что́бы є҆пíскопъ митропо́лiи призва́лъ и҆з̾ бли́жнiя ѻ҆́бласти нѣ́которыхъ дрꙋги́хъ є҆пíскопѡвъ, кото́рые вно́вь разсꙋди́ли бы дѣ́ло, и҆ разрѣши́ли сомнѣ́нiе, дабы` ѻ҆ни` кꙋ́пнѡ съ є҆пíскопами тоя` ѻ҆́бласти ѹ҆тверди́ли то`, что` бꙋ́детъ постано́влено.

(с. рн҃и)

ПРА́ВИЛО є҃_i.

А҆́ще кото́рый є҆пíскопъ, бꙋ́дꙋчи ѡ҆бвиня́емъ въ нѣ́которыхъ простꙋ́пкахъ, сꙋди́мъ бꙋ́детъ ̾ѿ всѣ́хъ є҆пíскопѡвъ тоя` ѻ҆́бласти, и҆ всѣ` ѻ҆ни` согла́снѡ произнесꙋ́тъ на него` є҆ди́ный пригово́ръ: таковы́й дрꙋги́ми є҆пíскопами ̾ѿню́дь да не сꙋ́дится, но согла́сное рѣше́нiе є҆пíскопѡвъ ѻ҆́бласти да пребыва́етъ тве́рдымъ.

ПРА́ВИЛО ѕ҃_i.

А҆́ще кото́рый є҆пíскопъ, не и҆мѣ́ющiй є҆па́рхiи, вто́ргнется въ це́рковь не и҆мѣ́ющꙋю є҆пíскопа, и҆ восхи́титъ престо́лъ є҆я` без̾ соизволе́нiя соверше́ннагѡ собо́ра: таковы́й да бꙋ́детъ ̾ѿве́рженъ, хотя́ бы є҆го` и҆збира́лъ ве́сь наро́дъ, кото́рый ѻ҆́нъ себѣ` восхи́тилъ. Соверше́нный же собо́ръ є҆́сть то́тъ, на кото́ромъ присꙋ́тствꙋетъ съ про́чими и҆ митрополíтъ.

ПРА́ВИЛО з҃_i.

А҆́ще кото́рый є҆пíскопъ, прiя́въ рꙋкоположе́нiе во є҆пíскопа, и҆ бы́въ ѡ҆предѣле́нъ нача́льствовати над̾ людьми`, не прiи́метъ слꙋже́нiя, и҆ не согласи́тся пойти` во врꙋче́ннꙋю є҆мꙋ` це́рковь: таковы́й да бꙋ́детъ ̾ѿлꙋче́нъ ̾ѿ ѻ҆бще́нiя церко́внагѡ, доко́лѣ бы́въ понꙋжде́нъ, не прiи́метъ слꙋже́нiя, и҆ли` доко́лѣ не постано́витъ ѡ҆ не́мъ како́гѡ либо ѡ҆предѣле́нiя соверше́нный собо́ръ є҆пíскопѡвъ тоя` ѻ҆́бласти.

ПРА́ВИЛО и҃_i.

А҆́ще кто` поста́вленный во є҆пíскопа, не по́йдетъ въ то́тъ предѣ́лъ, въ кото́рый ѻ҆́нъ поста́вленъ, не по свое́й винѣ`, но и҆ли` по неприня́тiю є҆гѡ` наро́домъ, и҆ли` по дрꙋго́й причи́нѣ, ̾ѿ негѡ` не зави́сящей: таковы́й да ѹ҆ча́ствꙋетъ и҆ въ че́сти и҆ слꙋже́нiи є҆пíскопскомъ, то́кмѡ ни ма́лѡ не вмѣ́шиваяся въ дѣла` цр҃кви, гдѣ` пребыва́етъ, и҆ да ѡ҆жида́етъ, (с. рн҃ѳ) что` ѡ҆предѣли́тъ ѡ҆ не́мъ соверше́нный собо́ръ тоя` ѻ҆́бласти, по представле́нiи въ ѻ҆́ный дѣ́ла.

ПРА́ВИЛО ѳ҃_i.

Є҆пíскопъ да не поставля́ется без̾ собо́ра и҆ присꙋ́тствiя митрополíта ѻ҆́бласти. И҆ когда` се́й присꙋ́тствꙋетъ: то лꙋ́чше є҆́сть бы́ти кꙋ́пнѡ съ ни́мъ и҆ всѣ́мъ тоя` ѻ҆́бласти сослꙋжи́телямъ: и҆ прили́чно митрополíтꙋ созва́ти и҆`хъ чрез̾ посла́нiе. И҆ а҆́ще соберꙋ́тся всѣ`: лꙋ́чше є҆́сть. А҆́ще же сiе` не ѹ҆до́бно: то бо́льшая и҆́хъ ча́сть не̾ѿмѣ́ннѡ да присꙋ́тствꙋютъ, и҆ли` гра́матами да и҆з̾явя́тъ свое` согла́сiе, и҆ та́кѡ, и҆ли` въ присꙋ́тствiи, и҆ли` съ согла́сiемъ бо́льшагѡ числа` є҆пíскопѡвъ, да соверши́тся поставле́нiе. А҆́ще же и҆на́кѡ, вопреки` семꙋ` ѡ҆предѣле́нiю, постꙋ́плено бꙋ́детъ: да не и҆мѣ́етъ никако́й си́лы поставле́нiе. Но а҆́ще поставле́нiе соверши́тся по ѡ҆предѣле́нномꙋ пра́вилꙋ, а҆ нѣ́которые по свое́й любопри́тельности воспрекосло́вятъ: да превозмога́етъ рѣше́нiе множа́йшихъ.

ПРА́ВИЛО к҃.

Ра́ди нꙋ́ждъ церко́вныхъ, и҆ ра́ди разрѣше́нiя сомни́тельныхъ слꙋ́чаєвъ, за бла́го при́знано, бы́ти въ ка́ждой ѻ҆́бласти собо́рамъ є҆пíскопѡвъ два́жды въ лѣ́то: въ пе́рвый ра́зъ, по тре́тiей седми́цѣ по́слѣ пра́здника па́схи, та́къ что́бы въ четве́ртꙋю седми́цꙋ пятьдеся́тницы собо́ръ соверша́лся, и҆ ѡ҆ се́мъ да напомина́етъ є҆пархiа́льнымъ є҆пíскопамъ митрополíтъ: второ́мꙋ же собо́рꙋ бы́ти ̾ѿ пятагѡна́десять дня` мѣ́сяца ѻ҆ктѡ́врiа, кото́рый є҆́сть деся́тый ѵ҆перверете́а{V҆перверете́й є҆́сть и҆́мя мѣ́сяца по сѷомакедо́нскомꙋ календарю`.}. Къ си́мъ собо́рамъ да пристꙋпа́ютъ пресвѵ́теры и҆ дiа́коны, и҆ всѣ` почита́ющiе себя` ѡ҆би́женными, и҆ ̾ѿ собо́ра да прiе́млютъ сꙋ́дъ. Но никомꙋ` да не бꙋ́детъ позво́лено со(с. р҃ѯ)ставля́ти собо́ры сами́мъ по себѣ`, без̾ тѣ́хъ є҆пíскопѡвъ, кѡ́имъ ввѣ́рены митропѡ́лiи.

ПРА́ВИЛО к҃а.

Є҆пíскопъ ̾ѿ є҆ди́нагѡ предѣ́ла да не прехо́дитъ въ дрꙋгíй, ни по самово́льномꙋ вторже́нiю, ни по наси́лiю ̾ѿ наро́да, ни по принꙋжде́нiю ̾ѿ є҆пíскопѡвъ: но да пребыва́етъ въ це́ркви, кото́рꙋю прiя́лъ ̾ѿ бг҃а въ жре́бiй себѣ` въ нача́лѣ, и҆ да не прехо́дитъ и҆з̾ нея`, по и҆зрече́нномꙋ ѹ҆же` ѡ҆ се́мъ пре́жде ѡ҆предѣле́нiю.

ПРА́ВИЛО к҃в.

Є҆пíскопъ да не прихо́дитъ во и҆ны́й гра́дъ, не подчине́нный є҆мꙋ`, ни въ селе́нiе є҆мꙋ` не принадлежа́щее, для рꙋкоположе́нiя когѡ́ либо, и҆ да не поставля́етъ пресвѵ́терѡвъ и҆ли` дiа́конѡвъ въ мѣста`, подчинє́нныя дрꙋго́мꙋ є҆пíскопꙋ, ра́звѣ то́кмѡ по соизволе́нiю є҆пíскопа тоя` страны`. А҆́ще же кто` де́рзнетъ на сiе`: то рꙋкоположе́нiе да бꙋ́детъ недѣйстви́тельно, и҆ ѻ҆́нъ да подлежи́тъ є҆пiтiмiи` ̾ѿ собо́ра.

ПРА́ВИЛО к҃г.

Є҆пíскопꙋ не позволя́ется, вмѣ́стѡ себя`, поставля́ти дрꙋга́го, въ прее́мника себѣ`, хотя́ бы ѻ҆́нъ бы́лъ и҆ при концѣ` жи́зни: а҆́ще же что` таково́е содѣ́лано бꙋ́детъ: то поставле́нiе да бꙋ́детъ недѣйстви́тельно. Но да соблюда́ется постановле́нiе церко́вное, ѡ҆предѣля́ющее, что` є҆пíскопа до́лжно поставля́ти не и҆на́кѡ, ра́звѣ съ собо́ромъ и҆ по сꙋдꙋ` є҆пíскопѡвъ, и҆мѣ́ющихъ вла́сть произвести` досто́йнаго, по кончи́нѣ преста́вльшагѡся.

ПРА́ВИЛО к҃д.

До́брое дѣ́ло є҆́сть, да церко́вное стяжа́нiе сохраня́ется для це́ркви со вся́кимъ тща́нiемъ и҆ благо́ю со́вѣстiю, и҆ съ вѣ́рою во всеви́дца и҆ сꙋдiю` бг҃а: и҆ распоряжа́ти ѻ҆́нымъ съ раз(с. рѯ҃а)сꙋжде́нiемъ и҆ вла́стiю прили́чествꙋетъ є҆пíскопꙋ, кото́ромꙋ ввѣ́рены всѣ` лю́ди и҆ дꙋ́ши собира́ющихся въ це́рковь. Да бꙋ́детъ же ꙗ҆́вно принадлежа́щее це́ркви, и҆ ̾ѿкры́то ѡ҆крꙋжа́ющымъ є҆го` пресвѵ́терамъ и҆ дiа́конамъ, та́къ что́бы ѻ҆ни` зна́ли, и҆ не ѡ҆става́лись въ невѣ́дѣнiи ѡ҆ то́мъ, что` со́бственнѡ принадлежи́тъ це́ркви, и҆ ничто` ̾ѿ ни́хъ не бы́ло сокры́то. И҆ та́кѡ, а҆́ще слꙋчи́тся є҆пíскопꙋ преста́витися ̾ѿ житiя` сегѡ`, при ѻ҆чеви́дности принадлежа́щагѡ це́ркви, и҆ ѻ҆но` не бꙋ́детъ расточено` и҆ ѹ҆тра́чено, и҆ со́бственность є҆пíскопа не бꙋ́детъ потрево́жена под̾ предло́гомъ принадлежа́щихъ це́ркви веще́й. И҆́бо пра́ведно є҆́сть и҆ ѹ҆го́дно пред̾ бг҃омъ и҆ человѣ́ками, что́бы со́бственность є҆пíскопа предоставля́ема была` комꙋ` ѻ҆́нъ восхо́щетъ, а҆ достоя́нiе це́ркви є҆́й сохраня́емо бы́ло, и҆ что́бы ка́къ це́рковь не терпѣ́ла ѹ҆ще́рба, та́къ и҆ є҆пíскопъ, под̾ предло́гомъ достоя́нiя церко́внагѡ, не бы́лъ лиша́емъ своея` со́бственности, и҆ли́ же, что́бы бли́зкiе къ немꙋ` не вошли` въ тя́жбы, а҆ съ тѣ́мъ вмѣ́стѣ и҆ ѻ҆́нъ по сме́рти не подве́ргся безсла́вiю.

ПРА́ВИЛО к҃є.

Є҆пíскопꙋ и҆мѣ́ти вла́сть над̾ церко́внымъ и҆мꙋ́ществомъ, да распоряжа́етъ ѻ҆́нымъ со вся́кою ѡ҆смотри́тельностiю и҆ стра́хомъ бж҃iимъ, на по́льзꙋ всѣ́хъ нꙋжда́ющихся: и҆ са́мъ да взима́етъ и҆з̾ ѻ҆́нагѡ до́лжнꙋю ча́сть, а҆́ще и҆мѣ́етъ нꙋ́ждꙋ, на неѡбходи́мыя свои` потре́бнѡсти, и҆ на потре́бнѡсти страннопрiе́млемыхъ и҆́мъ бра́тiй, дабы` ѻ҆ни` ни въ че́мъ не терпѣ́ли лише́нiя, по сло́вꙋ бж҃е́ственнагѡ а҆по́стола: и҆мѣ́юще пи́щꙋ и҆ ѡ҆дѣя́нiе, си́ми дово́льни бꙋ́демъ{а҃ тiм. гл. ѕ҃, ст. и҃.}. А҆́ще же си́мъ не дово́льствꙋет(с. рѯ҃в)ся, но ѡ҆браща́етъ вє́щи на свои` дома̑шнiя потре́бнѡсти, и҆ дохо́ды це́ркви, и҆ли` плоды` принадлежа́щихъ є҆́й поле́й, не по согла́сiю пресвѵ́терѡвъ и҆ли` дiа́конѡвъ ѹ҆потребля́етъ, а҆ предоставля́етъ над̾ ѻ҆́ными вла́сть свои́мъ дома̑шнимъ и҆ сро́дникамъ, и҆ли` бра́тьямъ и҆ли` сына́мъ, ̾ѿ чегѡ` примѣ́тнѡ происхо́дитъ замѣша́тельство въ церко́вныхъ ще́тахъ: таковы́й да предста́витъ ̾ѿче́тъ собо́рꙋ тоя` ѻ҆́бласти. И҆ а҆́ще и҆на́кѡ доно́съ бꙋ́детъ на є҆пíскопа и҆ на состоя́щихъ при не́мъ пресвѵ́терѡвъ, что` ѻ҆ни` принадлежа́щее це́ркви и҆ли` ̾ѿ поле́й, и҆ли` ̾ѿ и҆ны́я со́бственности церко́вныя, ѡ҆браща́ютъ въ свою` по́льзꙋ, съ ѹ҆тѣсне́нiемъ ѹ҆бо́гихъ, и҆ съ причине́нiемъ нарека́нiя и҆ безсла́вiя домострои́тельствꙋ церко́вномꙋ, и҆ пра́вящымъ ѻ҆́ное таки́мъ ѻ҆́бразомъ: то таковы́е да прiи́мꙋтъ прили́чное и҆справле́нiе, по разсꙋжде́нiю свята́гѡ собо́ра.

(с. рѯ҃г)

ПРА̑ВИЛА СВЯТА́ГѠ ПОМѢ́СТНАГѠ СОБО́РА ЛАОДIКÍЙСКАГѠ.

ПРА́ВИЛО а҃.

Свобо́днѡ и҆ зако́ннѡ соедини́вшымся вторы́мъ бра́комъ, а҆ не та́йнѡ совокꙋпи́вшымся, по проше́ствiи непродолжи́тельнагѡ вре́мени, и҆ по ѹ҆пражне́нiи въ моли́твахъ и҆ постѣ`, до́лжно, по снисхожде́нiю, дарова́ти ѻ҆бще́нiе.

ПРА́ВИЛО в҃.

Впа́дающихъ въ разли́чныя согрѣшє́нiя, и҆ пребыва́ющихъ въ моли́твѣ, и҆сповѣ́данiи и҆ покая́нiи, и҆ ̾ѿ ѕлы́хъ дѣ́лъ соверше́ннѡ ѡ҆браща́ющихся, по́слѣ тогѡ` ка́къ по мѣ́рѣ согрѣше́нiя дано` и҆`мъ вре́мя покая́нiя, ра́ди милосе́рдiя и҆ бла́гости бж҃iей, вводи́ти въ ѻ҆бще́нiе.

ПРА́ВИЛО г҃.

Неда́внѡ креще́нныхъ не подоба́етъ производи́ти въ чи́нъ свяще́нническiй.

ПРА́ВИЛО д҃.

Посвяще́нные не должны` дава́ти въ ро́стъ и҆ взима́ти ли́хвꙋ, и҆ та́къ называ́ємыя и҆мiо́лiи, то́ є҆сть, полови́нный ро́стъ.

ПРА́ВИЛО є҃.

И҆збра́нiе въ церкѡ́вныя сте́пєни не должно` бы́ти въ присꙋ́тствiи слꙋ́шающихъ.

(с. рѯ҃д)

ПРА́ВИЛО ѕ҃.

Не попꙋска́ти є҆ретiка́мъ, коснѣ́ющымъ въ є҆́реси, входи́ти въ до́мъ бж҃iй.

ПРА́ВИЛО з҃.

Ѡ҆браща́ющихся ̾ѿ є҆́ресей, то́ є҆сть, новатiа́нъ, и҆ли` фѡтiнiа́нъ, и҆ли` четыренадеся́тникѡвъ, ка́къ ѡ҆глаше́нныхъ, та́къ и҆ вѣ́рныхъ по и҆́хъ мнѣ́нiю, прiима́ти не пре́жде, ка́къ проклянꙋ́тъ вся́кꙋю є҆́ресь, ѻ҆со́беннѡ же тꙋ`, въ кото́рой ѻ҆ни` находи́лись: и҆ тогда` ѹ҆же` глаго́лемые ѹ҆ ни́хъ вѣ́рные, по и҆зꙋче́нiи сѷмво́ла вѣ́ры, да бꙋ́дꙋтъ пома́заны святы́мъ мѵ́ромъ, и҆ та́кѡ причаща́ются святы́хъ та̑инъ.

ПРА́ВИЛО и҃.

Ѡ҆браща́ющихся ̾ѿ є҆́реси та́къ называ́емыхъ фрѵ́гѡвъ{Втор. всел. соб. пра́в. з҃.}, хотя́ бы находи́лись въ мни́момъ ѹ҆ ни́хъ кли́рѣ, и҆ велича́йшими и҆менова́лись, со вся́кимъ тща́нiемъ ѡ҆глаша́ти и҆ крести́ти є҆пíскопамъ и҆ пресвѵ́терамъ це́ркви.

ПРА́ВИЛО ѳ҃.

На кла́дбища вся́кихъ є҆ретiкѡ́въ, и҆ли` въ та́къ и҆мєнꙋ́емыя ѹ҆ ни́хъ мꙋ́ченичєскiя мѣста`, да не бꙋ́детъ позво́лено церкѡ́внымъ ходи́ти для моли́твы, и҆ли` для врачева́нiя. А҆ ходя́щымъ, а҆́ще сꙋ́ть вѣ́рные, бы́ти лише́нными ѻ҆бще́нiя церко́внагѡ на нѣ́кое вре́мя. Ка́ющихся же и҆ и҆сповѣ́дающихъ, ꙗ҆́кѡ согрѣши́ли, прiима́ти въ ѻ҆бще́нiе.

ПРА́ВИЛО _i҃.

Не до́лжно церкѡ́внымъ, без̾ разбо́ра, совокꙋпля́ти дѣте́й свои́хъ бра́чнымъ сою́зомъ съ є҆ретiка́ми.

ПРА́ВИЛО а҃_i.

Не до́лжно поставля́ти въ це́ркви та́къ и҆менꙋ́ємыя пресвѵ́терiды (ста̑рицы), и҆ли` предсѣда́тєльницы.

(с. рѯ҃є)

ПРА́ВИЛО в҃_i.

Є҆пíскопѡвъ, по сꙋдꙋ` митрополíтѡвъ и҆ ѻ҆кре́стныхъ є҆пíскопѡвъ, поставля́ти на церко́вное нача́льство, и҆ прито́мъ таки́хъ, кото́рые съ да́внягѡ вре́мени и҆спы́таны и҆ въ сло́вѣ вѣ́ры, и҆ въ житiи` соѻбра́зномъ пра́вомꙋ сло́вꙋ.

ПРА́ВИЛО г҃_i.

Да не бꙋ́детъ позволя́емо сбо́рищꙋ наро́да, и҆збира́ти и҆мѣ́ющихъ произвести́ся во свяще́нство.

ПРА́ВИЛО д҃_i.

Въ пра́здникъ па́схи не посыла́ти святы́хъ та̑инъ въ и҆ны́е прихо́ды, въ ви́дѣ благослове́нiя.

ПРА́ВИЛО є҃_i.

Кромѣ` пѣвцє́въ, состоя́щихъ въ кли́рѣ, на а҆мвѡ́нъ входя́щихъ и҆ по кни́гѣ пою́щихъ, не до́лжно и҆ны́мъ нѣ́котѡрымъ пѣ́ти въ це́ркви.

{комм.}По и҆з̾ясне́нiю валсамѡ́на, пра́вило сiе` запреща́етъ мiря́намъ то́лькѡ восходи́ть на а҆мвѡ́нъ и҆ предначина́ть пѣ́нiе.

ПРА́ВИЛО ѕ҃_i.

Въ сꙋббѡ́тꙋ чита́ти и҆ є҆ѵа́нгелiе съ дрꙋги́ми писа́нiями.

ПРА́ВИЛО з҃_i.

Не до́лжно въ церко́вныхъ собра́нiяхъ ѱалмы` совокꙋпля́ти непреры́внѡ є҆ди́нъ къ дрꙋго́мꙋ, но чрез̾ промежꙋ́токъ по ѱалмѣ` бы́ти чте́нiю.

ПРА́ВИЛО и҃_i.

Є҆ди́но и҆ то́ежде слꙋже́нiе моли́твъ до́лженствꙋетъ бы́ти всегда`, и҆ на девя́томъ часѣ` и҆ на вече́рни.

{комм.}По и҆з̾ясне́нiю валсамѡ́на, сiе` пра́вило пресѣка́етъ безпоря́дки нѣ́которыхъ, кото́рые на вече́рни ѹ҆потребля́ли, све́рхъ при́нятыхъ це́рковiю, и҆́ми сами́ми соста́влєнныя моли̑твы.

(с. рѯ҃ѕ)

ПРА́ВИЛО ѳ҃_i.

Подоба́етъ во пе́рвыхъ, по бесѣ́дахъ є҆пíскопскихъ, ѻ҆со́бѡ твори́ти моли́твꙋ ѡ҆б̾ ѡ҆глаше́нныхъ, а҆ по и҆зше́ствiи ѡ҆глаше́нныхъ, бы́ти моли́твѣ ѡ҆ ка́ющихся: когда́ же и҆ сiи` прiи́дꙋтъ под̾ рꙋ́кꙋ, и҆ ̾ѿи́дꙋтъ, тогда` соверша́ти моли̑твы вѣ́рныхъ три`: є҆ди́нꙋ, то́ є҆сть пе́рвꙋю, въ молча́нiи, вторꙋ́ю же и҆ тре́тiю съ возглаше́нiемъ и҆сполня́ти. Посе́мъ ѹ҆же` ми́ръ подава́ти, и҆ когда` пресвѵ́теры дадꙋ́тъ ми́ръ є҆пíскопꙋ, тогда` и҆ мiря́намъ взаи́мнѡ ми́ръ подава́ти, и҆ та́кѡ соверша́ти свято́е приноше́нiе. И҆ є҆ди́нымъ то́кмѡ ѡ҆свящє́ннымъ позво́лено входи́ти въ ѻ҆лта́рь, и҆ та́мѡ прiѡбща́тися.

ПРА́ВИЛО к҃.

Не подоба́етъ дiа́конꙋ сидѣ́ти въ присꙋ́тствiи пресвѵ́тера, но съ повелѣ́нiемъ пресвѵ́тера сѣ́сти. Подо́бнѡ и҆ дiа́конамъ, и҆мѣ́ти че́сть ̾ѿ ѵ҆подiа́конѡвъ и҆ ̾ѿ всѣ́хъ приче́тникѡвъ.

ПРА́ВИЛО к҃а.

V҆подiа́конамъ не подоба́етъ бы́ти на мѣ́стѣ дiа́конѡвъ, и҆ каса́тися свяще́нныхъ сосꙋ́дѡвъ.

ПРА́ВИЛО к҃в.

Не до́лжно ни́зшемꙋ слꙋжи́телю церко́вномꙋ ѻ҆ра́рь носи́ти, ни двє́ри ѡ҆ставля́ти.

ПРА́ВИЛО к҃г.

Не до́лжно чтеца́мъ и҆ли` пѣвца́мъ ѻ҆ра́рь носи́ти, и҆ та́кѡ чита́ти и҆ пѣ́ти.

ПРА́ВИЛО к҃д.

Не подоба́етъ ѡ҆свяще́нномꙋ лицꙋ`, ̾ѿ пресвѵ́тера до дiа́кона, и҆ пото́мъ комꙋ́ либо и҆з̾ церко́внагѡ чи́на, да́же до ѵ҆подiа́конѡвъ, и҆ли` чтецє́въ, и҆ли` пѣвцє́въ, и҆ли` заклина́телей, и҆ли` две́рникѡвъ, и҆ли` и҆з̾ мона́шескагѡ чи́на, въ корче́мницꙋ входи́ти.

(с. рѯ҃з)

ПРА́ВИЛО к҃є.

Не подоба́етъ ѵ҆подiа́конꙋ раздава́ти хлѣ́бъ, и҆ли` благословля́ти ча́шꙋ.

ПРА́ВИЛО к҃ѕ.

Не произведє́ннымъ ̾ѿ є҆пíскопа, не до́лжно заклина́ти ни въ це́рквахъ, ни въ дома́хъ.

ПРА́ВИЛО к҃з.

Не подоба́етъ ѡ҆свящє́ннымъ ли́цамъ, и҆ли` приче́тникамъ, и҆ли` мiря́намъ, призыва́ємымъ на трапе́зꙋ любви`, ѹ҆носи́ти ̾ѿ нея` ча̑сти: и҆́бо си́мъ причиня́ется ѡ҆скорбле́нiе церко́вномꙋ чи́нꙋ.

ПРА́ВИЛО к҃и.

Не подоба́етъ въ хра́махъ гд҃ⷭ҇нихъ и҆ли` въ цр҃квахъ соверша́ти, та́къ и҆менꙋ́ємыя, трапє́зы любви`, и҆ въ до́мѣ бж҃iемъ ꙗ҆́сти, и҆ возлежа́нiе твори́ти.

ПРА́ВИЛО к҃ѳ.

Не подоба́етъ хрiстiа́намъ i҆ꙋде́йствовати, и҆ въ сꙋббѡ́тꙋ пра́здновати, но дѣ́лати и҆`мъ въ се́й де́нь: а҆ де́нь воскре́сный преимꙋ́щественнѡ пра́здновати, а҆́ще мо́гꙋтъ, ꙗ҆́кѡ хрiстiа́намъ. А҆́ще же ѡ҆бря́щꙋтся i҆ꙋде́йствꙋющiе: да бꙋ́дꙋтъ а҆на́ѳема ̾ѿ хр҃ⷭ҇та`.

ПРА́ВИЛО л҃.

Не подоба́етъ ѡ҆свяще́нномꙋ лицꙋ`, и҆ли` приче́тникꙋ, и҆ли` мона́хꙋ, мы́тися въ ба́нѣ съ же́нами, ниже` вся́комꙋ хрiстiа́нинꙋ и҆ли` мiряни́нꙋ: и҆́бо сiе` є҆́сть пе́рвое ѡ҆бвине́нiе ̾ѿ ꙗ҆зы́чникѡвъ.

ПРА́ВИЛО л҃а.

Не подоба́етъ со вся́кимъ є҆ретiко́мъ заключа́ти бра́чный сою́зъ, и҆ли` ̾ѿдава́ти таковы̑мъ сынѡ́въ и҆ли` дще́рей, но па́че бра́ти ̾ѿ ни́хъ, а҆́ще ѡ҆бѣща́ются хрiстiа́нами бы́ти.

ПРА́ВИЛО л҃в.

Не подоба́етъ ̾ѿ є҆ретiкѡ́въ принима́ти благословє́нiя, кото́рыя сꙋ́ть сꙋеслѡ́вiя па́че, не́жели благословє́нiя.

(с. рѯ҃и)

ПРА́ВИЛО л҃г.

Не подоба́етъ моли́тися съ є҆ретiко́мъ, и҆ли` ̾ѿщепе́нцемъ.

ПРА́ВИЛО л҃д.

Вся́комꙋ хрiстiани́нꙋ не подоба́етъ ѡ҆ставля́ти мꙋ́ченикѡвъ хр҃ⷭ҇то́выхъ, и҆ ̾ѿходи́ти ко лжемꙋ́ченикамъ, кото́рые, то́ є҆сть, ѹ҆ є҆ретiкѡ́въ нахо́дятся, и҆ли` са́ми є҆ретiка́ми бы́ли. И҆́бо сiи` ѹ҆далены` ̾ѿ бг҃а: тогѡ` ра́ди прибѣга́ющiе къ ни́мъ да бꙋ́дꙋтъ под̾ кля́твою.

ПРА́ВИЛО л҃є.

Не подоба́етъ хрiстiа́намъ ѡ҆ставля́ти це́рковь бж҃iю, и҆ ̾ѿходи́ти, и҆ а҆́гг҃лѡвъ и҆менова́ти, и҆ твори́ти собра̑нiя. Сiе` ̾ѿве́ржено. Тогѡ` ра́ди, а҆́ще кто` ѡ҆бря́щется ѹ҆пражня́ющимся въ таково́мъ та́йномъ i҆дѡлослꙋже́нiи, да бꙋ́детъ а҆на́ѳема: поне́же ѡ҆ста́вилъ гд҃ⷭ҇а на́шего i҆и҃са хр҃ⷭ҇та`, сн҃а бж҃iя, и҆ пристꙋпи́лъ къ i҆дѡлослꙋже́нiю.

{комм.}Ѡ҆сꙋжда́ются є҆ретiки`, не моля́щiеся бг҃ꙋ и҆ хр҃ⷭ҇тꙋ`, а҆ то́лькѡ а҆́гг҃ламъ, а҆́ки бы творца́мъ и҆ прави́телямъ мíра.

ПРА́ВИЛО л҃ѕ.

Не подоба́етъ ѡ҆свящє́ннымъ и҆ли` приче́тникамъ, бы́ти волше́бниками, и҆ли` ѡ҆бая́телями, и҆ли` числогада́телями, и҆ли` а҆строло́гами, и҆ли` дѣ́лати та́къ и҆менꙋ́ємыя предохрани́лища, котѡ́рыя сꙋ́ть ѹ҆́зы дꙋ́шъ и҆́хъ. Нося́щихъ же ѻ҆́ныя повелѣ́ли мы` и҆зверга́ти и҆з̾ це́ркви.

ПРА́ВИЛО л҃з.

Не до́лжно принима́ти пра́здничные да́ры, посыла́емые ̾ѿ i҆ꙋде́євъ, и҆ли` є҆ретiкѡ́въ, ниже` пра́здновати съ ни́ми.

ПРА́ВИЛО л҃и.

Не до́лжно принима́ти ̾ѿ i҆ꙋде́євъ ѻ҆прѣсно́ки, и҆ли` прiѡбща́тися нече́стiямъ и҆́хъ.

(с. рѯ҃ѳ)

ПРА́ВИЛО л҃ѳ.

Не до́лжно пра́здновати съ ꙗ҆зы́чниками и҆ прiѡбща́тися безбо́жiю и҆́хъ.

ПРА́ВИЛО м҃.

Є҆пíскопамъ, на собо́ръ призыва́емымъ, не подоба́етъ небрещи`, но и҆ти` и҆ вразꙋмля́ти, и҆ли` вразꙋмля́тися ко благоꙋстрое́нiю це́ркви, и҆ про́чагѡ. А҆́ще же пренебреже́тъ таковы́й, то са́мъ себе` ѡ҆бвини́тъ: ра́звѣ а҆́ще по болѣ́зни ѡ҆ста́нется.

ПРА́ВИЛО м҃а.

Ѡ҆свяще́нномꙋ, и҆ли` приче́тникꙋ не до́лжно пꙋтеше́ствовати без̾ пра́вильныя гра́маты ̾ѿ є҆пíскопа.

ПРА́ВИЛО м҃в.

Ѡ҆свяще́нномꙋ, и҆ли` приче́тникꙋ не до́лжно пꙋтеше́ствовати без̾ повелѣ́нiя є҆пíскопа.

ПРА́ВИЛО м҃г.

Не подоба́етъ слꙋга́мъ церкѡ́внымъ и҆ на ма́лое вре́мя ѡ҆ставля́ти двє́ри, дабы` въ молитвосло́вiи ѹ҆пражня́тися.

ПРА́ВИЛО м҃д.

Не подоба́етъ женѣ` въ ѻ҆лта́рь входи́ти.

ПРА́ВИЛО м҃є.

По двꙋ́хъ седми́цахъ четыредеся́тницы, не до́лжно принима́ти къ креще́нiю.

{комм.}Пра́вило сiе` ̾ѿно́сится къ креще́нiю во́зрастныхъ, кото́рое, по дре́внемꙋ ѻ҆бы́чаю, соверша́лось въ вели́кꙋю сꙋббѡ́тꙋ. Кто` снача́ла четыредеся́тницы, и҆ли` по кра́йней мѣ́рѣ, въ тече́нiи двꙋ́хъ пе́рвыхъ недѣ́ль є҆я`, не и҆з̾яви́лъ рѣши́тельнагѡ жела́нiя приня́ть креще́нiе, и҆ не на́чалъ гото́виться: того` пра́вило не позволя́етъ принима́ть къ креще́нiю въ сiю` четыредеся́тницꙋ, а҆ ѡ҆жида́ть дальнѣ́йшагѡ ѹ҆смотре́нiя є҆гѡ` ѹ҆се́рдiя къ вѣ́рѣ.

ПРА́ВИЛО м҃ѕ.

Креща́ємымъ до́лжно и҆зꙋча́ти вѣ́рꙋ, и҆ въ пя́тый де́нь седми́цы дава́ти ̾ѿвѣ́тъ є҆пíскопꙋ, и҆ли` пресвѵ́терамъ.

ПРА́ВИЛО м҃з.

Въ болѣ́зни прiя́вшымъ креще́нiе, и҆ пото́мъ полꙋ(с. р҃ѻ)чи́вшымъ здра́вiе, подоба́етъ и҆зꙋча́ти вѣ́рꙋ, и҆ познава́ти, ꙗ҆́кѡ бж҃е́ственнагѡ да́ра сподо́билися.

ПРА́ВИЛО м҃и.

Подоба́етъ просвѣща́ємымъ бы́ти помазꙋ́ємымъ пома́занiемъ небе́снымъ, и҆ бы́ти прича́стниками ца́рствiя бж҃iя.

ПРА́ВИЛО м҃ѳ.

Не подоба́етъ въ четыредеся́тницꙋ приноси́ти святы́й хлѣ́бъ, ра́звѣ то́кмѡ въ сꙋббѡ́тꙋ, и҆ въ де́нь воскре́сный.

{комм.}То́ є҆сть: не должна` бы́ть по́лная лiтꙋргíа. Но мо́жетъ бы́ть лiтꙋргíа преждеѡсвяще́нныхъ дарѡ́въ, по н҃в пра́вилꙋ шеста́гѡ вселе́нскагѡ собо́ра.

ПРА́ВИЛО н҃.

Въ четверто́къ послѣ́днiя седми́цы четыредеся́тницы не подоба́етъ разрѣша́ти по́стъ, и҆ всю` четыредеся́тницꙋ безче́ствовати: но до́лжно во всю` четыредеся́тницꙋ пости́тися съ сꙋхояде́нiемъ.

ПРА́ВИЛО н҃а.

Не подоба́етъ въ четыредеся́тницꙋ дни` рожде́нiя мꙋ́ченикѡвъ пра́здновати, но соверша́ти па́мять ст҃ы́хъ мꙋ́ченикѡвъ въ сꙋббѡ́ты и҆ въ дни` воскре́сные.

ПРА́ВИЛО н҃в.

Не подоба́етъ въ четыредеся́тницꙋ соверша́ти бра́ки, и҆ли` пра́здновати дни` рожде́нiя.

ПРА́ВИЛО н҃г.

Не подоба́етъ хрiстiа́намъ, на бра́ки ходя́щымъ, скака́ти и҆ли` пляса́ти, но скро́мнѡ вечеря́ти и҆ ѡ҆бѣ́дати, ка́къ прили́чно хрiстiа́намъ.

ПРА́ВИЛО н҃д.

Не подоба́етъ ѡ҆свящє́ннымъ, и҆ли` приче́тникамъ зрѣ́ти позо́рищныя представлє́нiя на бра́кахъ и҆ли` на пи́ршествахъ: но пре́жде вхожде́нiя позо́рищныхъ ли́цъ востава́ти и҆`мъ и҆ ̾ѿходи́ти.

(с. рѻ҃а)

ПРА́ВИЛО н҃є.

Не подоба́етъ ѡ҆свящє́ннымъ, и҆ли` приче́тникамъ, слага́яся, дѣ́лати пи́ршєства, ни да́же мiря́намъ.

ПРА́ВИЛО н҃ѕ.

Не подоба́етъ пресвѵ́терамъ пре́жде вхо́да є҆пíскопа входи́ти и҆ сидѣ́ти въ ѻ҆лтарѣ`, но съ є҆пíскопомъ входи́ти, кромѣ` слꙋ́чая, когда` є҆пíскопъ не́мощенъ и҆ли` въ ̾ѿсꙋ́тствiи.

ПРА́ВИЛО н҃з.

Не подоба́етъ въ ма́лыхъ гра́дахъ и҆ се́лахъ поставля́ти є҆пíскопѡвъ, но перiоде́ѵтѡвъ{И҆́мя перiоде́ѵта ѡ҆знача́етъ ѡ҆бходя́щаго. Сте́пенiю ѻ҆́нъ бы́лъ пресвѵ́теръ: а҆ до́лжность є҆гѡ` была` подо́бна тѣ́мъ, котѡ́рыя ны́нѣ ѡ҆знача́ются наименова́нiями благочи́ннагѡ и҆ мiссiоне́ра.}: а҆ поста́влєннымъ ѹ҆же` пре́жде, ничегѡ` не твори́ти без̾ во́ли є҆пíскопа гра́да. Та́кожде и҆ пресвѵ́терамъ ничегѡ` не твори́ти без̾ во́ли є҆пíскопа.

ПРА́ВИЛО н҃и.

Не подоба́етъ є҆пíскопамъ, и҆ли` пресвѵ́терамъ, соверша́ти приноше́нiе въ дома́хъ.

ПРА́ВИЛО н҃ѳ.

Не подоба́етъ въ це́ркви глаго́лати ѱалмы` не свяще́нные, и҆ли` кни̑ги не ѡ҆предѣлє́нныя пра́виломъ, но то́кмѡ въ пра́вилахъ ѡ҆зна́чєнныя кни́ги ве́тхагѡ и҆ но́вагѡ завѣ́та.

ПРА́ВИЛО ѯ҃.

Чита́ти подоба́етъ кни́ги сiи`, ве́тхагѡ завѣ́та: а҃, бытiе` мíра. в҃, и҆схо́дъ и҆з̾ є҆гѵ́пта. г҃, леѵíтъ. д҃, чи́сла. є҃, второзако́нiе. ѕ҃, i҆исꙋ́съ наѵи́нъ. з҃, сꙋдiи`, рꙋ́ѳь. и҃, є҆сѳи́рь. ѳ҃, ца́рствъ пе́рвая и҆ втора́я. _i҃, ца́рствъ тре́тiя и҆ четве́ртая. а҃_i, паралiпо́менонъ пе́рвая и҆ втора́я. в҃_i, є҆́здры пе́рвая и҆ втора́я. г҃_i, кни́га ѱалмѡ́въ ста` пяти́десяти. д҃_i, при̑тчи соломѡ́на. є҃_i, є҆кклисiа́стъ. ѕ҃_i, пѣ́снь пѣ́сней. з҃_i, (с. рѻ҃в) i҆́ѡвъ. и҃_i, двана́десять проро́кѡвъ. ѳ҃_i, и҆са́iа. к҃, i҆еремíа, варꙋ́хъ, пла́чь и҆ посла́нiе. к҃а, i҆езекíиль. к҃в, данiи́лъ. Но́вагѡ же завѣ́та, є҆ѵⷢ҇лiй четы́ре: ̾ѿ матѳе́а, ̾ѿ ма́рка, ̾ѿ лꙋки`, ̾ѿ i҆ѡа́нна, дѣя̑нiя а҆п҃ⷭ҇льскiя, посла́нiй собо́рныхъ се́дмь сíи: i҆а́кѡва є҆ди́но, петра` два`, i҆ѡа́нна три`, i҆ꙋ́ды є҆ди́но: посла́нiй па́ѵловыхъ четырена́десять, къ ри́млянѡмъ є҆ди́но, къ корíнѳянѡмъ два`, къ гала́тѡмъ є҆ди́но, къ є҆фесе́ємъ є҆ди́но, къ фiлiпписíємъ є҆ди́но, къ колосса́ємъ є҆ди́но, къ солꙋ́нянѡмъ два`, къ є҆вре́ємъ є҆ди́но, къ тiмоѳе́ю два`, къ тíтꙋ є҆ди́но, и҆ къ фiлимо́нꙋ є҆ди́но.