ДОГМА́ТЪ ста̀ седми́десяти ст҃ы́хъ ѻ҆тє́цъ шеста́гѡ вселе́нскагѡ собо́ра, кѡнстантінопо́льскагѡ.

Ѡ҆ двꙋ́хъ во́ляхъ и҆ дѣ́йствіяхъ въ гд҃ⷭ҇ѣ на́шемъ і҆и҃сѣ хр҃ⷭ҇тѣ̀.

И҆ двѣ̀ є҆сте́ствєнныя вѡ́ли и҆лѝ хотѣ̑нія въ не́мъ, и҆ два̀ є҆сте́ствєнныя дѣ́йствія, неразлꙋ́чнѡ, неизмѣ́ннѡ, нераздѣ́льнѡ, неслія́ннѡ, по ѹ҆че́нію ст҃ы́хъ ѻ҆тє́цъ на́шихъ, та́кожде проповѣ́дꙋемъ: два́ же є҆сте́ствєнныя хотѣ́нія не проти̑вныя, да не бꙋ́детъ, ꙗ҆́коже нечести́віи є҆ретіцы̀ реко́ша, но є҆гѡ̀ человѣ́ческое хотѣ́ніе, послѣ́дꙋющее, и҆ не противостоя́щее, и҆лѝ противобо́рствꙋющее, па́че же и҆ подчиня́ющееся є҆гѡ̀ бж҃е́ственномꙋ и҆ всемогꙋ́щемꙋ хотѣ́нію.

с. з҃