ПРА̑ВИЛА СВЯТЫ́ХЪ А҆ПО́СТѠЛЪ.

ПРА́ВИЛО а҃.

Є҆пі́скопа да поставля́ютъ два̀ и҆лѝ трѝ є҆пі́скопа.

ПРА́ВИЛО в҃.

Пресвѵ́тера и҆ діа́кона и҆ про́чихъ приче́тникѡвъ да поставля́етъ є҆ди́нъ є҆пі́скопъ.

ПРА́ВИЛО г҃.

А҆́ще кто̀, є҆пі́скопъ, и҆лѝ пресвѵ́теръ, вопрекѝ ѹ҆чрежде́нію гд҃ⷭ҇ню ѡ҆ же́ртвѣ, принесе́тъ къ ѻ҆лтарю̀ и҆ны́я нѣ́котѡрыя вє́щи, и҆лѝ ме́дъ, и҆лѝ млеко̀, и҆лѝ вмѣ́стѡ віна̀, пригото́вленный и҆з̾ чегѡ́ либо дрꙋга́гѡ напи́токъ, и҆лѝ пти̑цы, и҆лѝ нѣ́котѡрыя живѡ́тныя, и҆лѝ ѻ҆́вощи, вопрекѝ ѹ҆чрежде́нію, кромѣ̀ но́выхъ кла́сѡвъ, и҆лѝ віногра́да въ надлежа́щее вре́мя: да бꙋ́детъ и҆зве́рженъ ̾ѿ сщ҃е́ннагѡ чи́на. Да не бꙋ́детъ же позво́лено приноси́ти къ ѻ҆лтарю̀ что́ либо и҆но́е, ра́звѣ є҆ле́й для лампа́ды и҆ ѳѷміа́мъ, во вре́мя ст҃а́гѡ приноше́нія.

ПРА́ВИЛО д҃.

Вся́кагѡ и҆на́гѡ плода̀ нача́тки да посыла́ются въ до́мъ є҆пі́с. в҃іскопꙋ и҆ пресвѵ́терамъ, но не ко ѻ҆лтарю̀. Разꙋмѣ́ется же, ꙗ҆́кѡ є҆пі́скопъ и҆ пресвѵ́теры раздѣ́лятъ съ діа́конами и҆ про́чими приче́тниками.

ПРА́ВИЛО є҃.

Є҆пі́скопъ, и҆лѝ пресвѵ́теръ, и҆лѝ діа́конъ, да не и҆зго́нитъ жены̀ своея̀ под̾ ви́домъ благоговѣ́нія. А҆́ще же и҆зго́нитъ, да бꙋ́детъ ̾ѿлꙋче́нъ ̾ѿ ѻ҆бще́нія церко́внагѡ: а҆ ѡ҆става́ясь непрекло́ннымъ, да бꙋ́детъ и҆зве́рженъ ̾ѿ сщ҃е́ннагѡ чи́на.

{комм.}*Толкова́ніе*. И҆згна́ніе жены̀ запреща́ется свящє́ннымъ ли́цамъ потомꙋ̀, ка́къ и҆з̾ясня́етъ зѡна́ръ, что̀ сіѐ каза́лось бы ѡ҆хꙋжде́ніемъ сꙋпрꙋ́жества. Впро́чемъ воздержа́ніе є҆пі́скопѡвъ ̾ѿ сꙋпрꙋ́жества є҆́сть дре́внее преда́ніе, ̾ѿ кото́рагѡ ̾ѿстꙋпле́ніе шесты́й вселе́нскій собо́ръ замѣ́тилъ то́лькѡ въ нѣ́которыхъ а҆фріка́нскихъ цр҃квахъ, и҆ то́тчасъ запрети́лъ свои́мъ пра́виломъ в҃і.

ПРА́ВИЛО ѕ҃.

Є҆пі́скопъ, и҆лѝ пресвѵ́теръ, и҆лѝ діа́конъ, да не пріе́млетъ на себя̀ мірски́хъ попече́ній. А҆ и҆на́че да бꙋ́детъ и҆зве́рженъ ̾ѿ сщ҃е́ннагѡ чи́на.

ПРА́ВИЛО з҃.

А҆́ще кто̀, є҆пі́скопъ, и҆лѝ пресвѵ́теръ, и҆лѝ діа́конъ ст҃ы́й де́нь па́схи пре́жде весе́ннягѡ равноде́нствія съ і҆ꙋде́ями пра́здновати бꙋ́детъ: да бꙋ́детъ и҆зве́рженъ ̾ѿ сщ҃е́ннагѡ чи́на.

ПРА́ВИЛО и҃.

А҆́ще є҆пі́скопъ, и҆лѝ пресвѵ́теръ, и҆лѝ діа́конъ, и҆лѝ кто́ либо и҆з̾ сщ҃е́ннагѡ спи́ска, при соверше́ніи приноше́нія, не причасти́тся: да предста́витъ причи́нꙋ, и҆ а҆́ще є҆́сть благосло́вна, да бꙋ́детъ и҆звине́нъ. А҆́ще же не предста́витъ: да бꙋ́детъ ̾ѿлꙋче́нъ ̾ѿ ѻ҆бще́нія церко́внагѡ, ꙗ҆́кѡ содѣ́лавшійся вино́ю вре́да наро́дꙋ, и҆ на соверша́вшаго приноше́ніе наве́дшій подозрѣ́ніе. а҆́кибы непра́вильнѡ соверша́лъ.

ПРА́ВИЛО ѳ҃.

Всѣ́хъ вѣ́рныхъ входя́щихъ въ цр҃ковь, и҆ писа̑нія слꙋ́шающихъ, но не пребыва́ющихъ на моли́твѣ и҆ с. г҃і ст҃о́мъ причаще́ніи до конца̀, ꙗ҆́кѡ безчи́ніе въ цр҃кви производя́щихъ, ̾ѿлꙋча́ти подоба́етъ ̾ѿ ѻ҆бще́нія церко́внагѡ.

ПРА́ВИЛО і҃.

А҆́ще кто̀ съ ̾ѿлꙋче́ннымъ ̾ѿ ѻ҆бще́нія церко́внагѡ помо́лится, хотя́ бы то̀ бы́ло въ до́мѣ: таковы́й да бꙋ́детъ ̾ѿлꙋче́нъ.

ПРА́ВИЛО а҃і.

А҆́ще кто̀, принадлежа̀ къ кли́рꙋ, съ и҆зве́рженнымъ ̾ѿ кли́ра моли́тися бꙋ́детъ: да бꙋ́детъ и҆зве́рженъ и҆ са́мъ.

ПРА́ВИЛО в҃і.

А҆́ще кто̀ и҆з̾ кли́ра, и҆лѝ міряни́нъ ̾ѿлꙋче́нный ̾ѿ ѻ҆бще́нія церко́внагѡ, и҆лѝ недосто́йный прія́тія въ кли́ръ, ̾ѿше́дъ, въ и҆но́мъ гра́дѣ при́нятъ бꙋ́детъ без̾ представи́тельной гра́маты: да бꙋ́детъ ̾ѿлꙋче́нъ и҆ прія́вшій и҆ прія́тый.

ПРА́ВИЛО г҃і.

А҆́ще же бꙋ́детъ ̾ѿлꙋче́нный: да продолжи́тся є҆мꙋ̀ ̾ѿлꙋче́ніе, ꙗ҆́кѡ солга́вшемꙋ и҆ ѡ҆бманꙋ́вшемꙋ цр҃ковь бж҃ію.

ПРА́ВИЛО д҃і.

Не позволи́тельно є҆пі́скопꙋ ѡ҆ставля́ти свою̀ є҆па́рхію и҆ во и҆нꙋ́ю преходи́ти, а҆́ще бы и҆ ̾ѿ мно́гихъ ѹ҆бѣжда́емь бы́лъ, ра́звѣ когда̀ бꙋ́детъ нѣ́которая вина̀ благосло́вная, сіѐ твори́ти є҆го̀ понꙋжда́ющая, ꙗ҆́кѡ могꙋ́щаго бо́льшꙋю по́льзꙋ ѡ҆бита́ющымъ та́мѡ принестѝ сло́вомъ бл҃гоче́стія. И҆ сіѐ не по своемꙋ̀ произво́лꙋ, но по сꙋдꙋ̀ мно́гихъ є҆пі́скопѡвъ и҆ по сильнѣ́йшемꙋ ѹ҆бѣжде́нію.

ПРА́ВИЛО є҃і.

А҆́ще кто̀ пресвѵ́теръ, и҆лѝ діа́конъ, и҆лѝ воѻбщѐ находя́щійся въ спи́скѣ кли́ра, ѡ҆ста́вивъ сво́й предѣ́лъ, во и҆ны́й ̾ѿи́детъ, и҆ совсѣ́мъ премѣстя́ся, въ дрꙋго́мъ жи́ти бꙋ́детъ без̾ во́ли є҆пі́скопа своегѡ̀: таково́мꙋ повелѣва́емъ не слꙋжи́ти бо́лѣе, и҆ наипа́че, а҆́ще свос. д҃іегѡ̀ є҆пі́скопа, призыва́ющагѡ є҆го̀ къ возвраще́нію, не послꙋ́шалъ. А҆́ще же ѡ҆ста́нется въ се́мъ безчи́ніи: та́мѡ, ꙗ҆́кѡ міряни́нъ, въ ѻ҆бще́ніи да бꙋ́детъ.

ПРА́ВИЛО ѕ҃і.

А҆́ще же є҆пі́скопъ, ѹ҆ кото́рагѡ такѡвы́мъ бы́ти слꙋчи́тся, въ ничто̀ вмѣни́въ ѡ҆предѣле́нное и҆̀мъ запреще́ніе слꙋже́нія, пріи́метъ и҆̀хъ ꙗ҆́кѡ чле́нѡвъ кли́ра: да бꙋ́детъ ̾ѿлꙋче́нъ, ꙗ҆́кѡ ѹ҆чи́тель безчи́нія.

ПРА́ВИЛО з҃і.

Кто̀ по ст҃о́мъ креще́ніи двꙋмя̀ бра́ками ѡ҆бя́занъ бы́лъ, и҆лѝ нало́жницꙋ и҆мѣ́лъ, то́тъ не мо́жетъ бы́ти є҆пі́скопъ, ни пресвѵ́теръ, ни діа́конъ, нижѐ воѻбщѐ въ спи́скѣ сщ҃е́ннагѡ чи́на.

ПРА́ВИЛО и҃і.

Взе́мшій въ сꙋпрꙋ́жество вдовꙋ̀, и҆лѝ ̾ѿве́рженнꙋю ̾ѿ сꙋпрꙋ́жества, и҆лѝ блꙋдни́цꙋ, и҆лѝ рабы́ню, и҆лѝ позо́рищнꙋю, не мо́жетъ бы́ти є҆пі́скопъ, ни пресвѵ́теръ, ни діа́конъ, нижѐ воѻбщѐ въ спи́скѣ сщ҃е́ннагѡ чи́на.

ПРА́ВИЛО ѳ҃і.

И҆мѣ́вшій въ сꙋпрꙋ́жествѣ двꙋ́хъ се́стръ, и҆лѝ племя́нницꙋ, не мо́жетъ бы́ти въ кли́рѣ.

{комм.}Сіѐ а҆по́стольское пра́вило постано́влено для тѣ́хъ, кото́рые, въ таково́е сꙋпрꙋ́жество встꙋпи́въ є҆щѐ въ ꙗ҆зы́чествѣ, ѡ҆става́лись въ се́мъ незако́нномъ сожи́тіи нѣ́которое вре́мя и҆ по́слѣ креще́нія. А҆ кото́рые по креще́ніи не ѡ҆става́лись бо́лѣе въ тако́мъ сꙋпрꙋ́жескомъ сожи́тіи: тѣ̀ по є҃ пра́вилꙋ св. ѳео́філа а҆леѯандрі́йскагѡ мо́гꙋтъ бы́ть терпи́мы въ кли́рѣ: потомꙋ́ что грѣ́хъ ꙗ҆зы́ческагѡ житія̀ ѡ҆чище́нъ ст҃ы́мъ креще́ніемъ.

ПРА́ВИЛО к҃.

Кто̀ и҆з̾ кли́ра да́стъ себя̀ порꙋ́кою за кого́ либо, да бꙋ́детъ и҆зве́рженъ.

ПРА́ВИЛО к҃а.

Скопе́цъ, а҆́ще ̾ѿ человѣ́ческагѡ наси́лія такос. є҃івы́мъ содѣ́ланъ, и҆лѝ въ гоне́ніи мꙋ́жескихъ чле́нѡвъ лише́нъ, и҆лѝ та́кѡ рожде́нъ, и҆ а҆́ще досто́инъ, да бꙋ́детъ є҆пі́скопъ.

ПРА́ВИЛО к҃в.

Са́мъ себѐ скопи́вшій, да не бꙋ́детъ при́нятъ въ кли́ръ. Самоꙋбі́йца бо є҆́сть, и҆ вра́гъ бж҃ія созда́нія.

ПРА́ВИЛО к҃г.

А҆́ще кто̀ ̾ѿ кли́ра скопи́тъ себѐ самаго̀: да бꙋ́детъ и҆зве́рженъ. И҆́бо ѹ҆бі́йца є҆́сть самагѡ̀ себѐ.

ПРА́ВИЛО к҃д.

Міряни́нъ, себѐ самаго̀ скопи́вшій, на трѝ го́да ̾ѿлꙋче́нъ да бꙋ́детъ ̾ѿ та́инствъ. И҆́бо навѣ́тникъ є҆́сть своея̀ жи́зни.

ПРА́ВИЛО к҃є.

Є҆пі́скопъ, и҆лѝ пресвѵ́теръ, и҆лѝ діа́конъ, въ блꙋдодѣя́ніи, и҆лѝ въ клятвопрестꙋпле́ніи, и҆лѝ въ татьбѣ̀ ѡ҆бличе́нный, да бꙋ́детъ и҆зве́рженъ ̾ѿ сщ҃е́ннагѡ чи́на, но да не бꙋ́детъ ̾ѿлꙋче́нъ ̾ѿ ѻ҆бще́нія церко́внагѡ. И҆́бо писа́ніе глаго́летъ: не ̾ѿмсти́ши два́жды за є҆ди́но[1]. Та́кожде и҆ про́чіи приче́тники.

ПРА́ВИЛО к҃ѕ.

Повелѣва́емъ, да и҆з̾ встꙋпи́вшихъ въ кли́ръ безбра́чными, жела́ющіе встꙋпа́ютъ въ бра́къ ѻ҆днѝ то́кмѡ чтецы̀ и҆ пѣвцы̀.

ПРА́ВИЛО к҃з.

Повелѣва́емъ є҆пі́скопа, и҆лѝ пресвѵ́тера, и҆лѝ діа́кона, бію́щаго вѣ́рныхъ согрѣша́ющихъ, и҆лѝ невѣ́рныхъ ѡ҆би́дѣвшихъ, и҆ чрез̾ сіѐ ѹ҆страша́ти хотя́щаго, и҆зверга́ти ̾ѿ сщ҃е́ннагѡ чи́на. И҆́бо гд҃ⷭ҇ь ̾ѿню́дь на́съ семꙋ̀ не ѹ҆чи́лъ: напроти́въ тогѡ̀, са́мъ бы́въ ѹ҆даря́емь, не наноси́лъ ѹ҆да́рѡвъ, ѹ҆коря́емь, не ѹ҆коря́лъ взаи́мнѡ, страда́я, не ѹ҆грожа́лъ[2].

с. ѕ҃і

ПРА́ВИЛО к҃и.

А҆́ще кто̀, є҆пі́скопъ, и҆лѝ пресвѵ́теръ, и҆лѝ діа́конъ, пра́веднѡ за ꙗ҆́вныя вины̑ и҆зве́рженный, дерзне́тъ коснꙋ́тися слꙋже́нія, нѣ́когда є҆мꙋ̀ порꙋче́ннагѡ: таковы́й совсѣ́мъ да ̾ѿсѣче́тся ̾ѿ цр҃кви.

ПРА́ВИЛО к҃ѳ.

А҆́ще кто̀, є҆пі́скопъ, и҆лѝ пресвѵ́теръ, и҆лѝ діа́конъ, де́ньгами сіѐ досто́инство полꙋ́читъ: да бꙋ́детъ и҆зве́рженъ и҆ ѻ҆́нъ, и҆ поста́вившій, и҆ ̾ѿ ѻ҆бще́нія совсѣ́мъ да ̾ѿсѣче́тся, ꙗ҆́кѡ сі́мѡнъ во́лхвъ мно́ю[3] петро́мъ.

ПРА́ВИЛО л҃.

А҆́ще кото́рый є҆пі́скопъ, мірски́хъ нача́льникѡвъ ѹ҆потреби́въ, чрез̾ ни́хъ полꙋ́читъ є҆пі́скопскꙋю въ цр҃кви вла́сть: да бꙋ́детъ и҆зве́рженъ и҆ ̾ѿлꙋче́нъ, и҆ всѣ̀ соѡбща́ющіеся съ ни́мъ.

ПРА́ВИЛО л҃а.

А҆́ще кото́рый пресвѵ́теръ, презрѣ́въ со́бственнаго є҆пі́скопа, ̾ѿдѣ́льнѡ собра̑нія твори́ти бꙋ́детъ, и҆ ѻ҆лта́рь и҆ны́й водрꙋзи́тъ, не ѡ҆бличи́въ сꙋдо́мъ є҆пі́скопа ни въ че́мъ проти́вномъ бл҃гоче́стію и҆ пра́вдѣ: да бꙋ́детъ и҆зве́рженъ, ꙗ҆́кѡ любонача́льный. И҆́бо є҆́сть похити́тель вла́сти. Та́кожде и҆зве́ржены да бꙋ́дꙋтъ и҆ про́чіе и҆з̾ кли́ра, къ немꙋ̀ приложи́вшіеся. Міря́не же да бꙋ́дꙋтъ ̾ѿлꙋчены̀ ̾ѿ ѻ҆бще́нія церко́внагѡ. И҆ сіѐ да бꙋ́детъ по є҆ди́номъ, и҆ второ́мъ, и҆ тре́тіемъ ѹ҆вѣща́ніи ̾ѿ є҆пі́скопа.

ПРА́ВИЛО л҃в.

А҆́ще кото́рый пресвѵ́теръ, и҆лѝ діа́конъ ̾ѿ є҆пі́скопа во ̾ѿлꙋче́ніи бꙋ́детъ: не подоба́етъ є҆мꙋ̀ въ ѻ҆бще́ніе прія́тꙋ бы́ти и҆ны́мъ, но то́чію ̾ѿлꙋчи́вшимъ є҆го̀: ра́звѣ когда̀ слꙋчи́тся ѹ҆мре́ти є҆пі́скопꙋ ̾ѿлꙋчи́вшемꙋ є҆го̀.

с. з҃і

ПРА́ВИЛО л҃г.

Не принима́ти никогѡ̀ и҆з̾ чꙋжи́хъ є҆пі́скопѡвъ, и҆лѝ пресвѵ́терѡвъ, и҆лѝ діа́конѡвъ без̾ представи́тельныя гра́маты: и҆ когда̀ ѻ҆́ная пред̾я́влена бꙋ́детъ, да разсꙋ́дятъ ѡ҆ ни́хъ: и҆ а҆́ще бꙋ́дꙋтъ проповѣ́дники бл҃гоче́стія, да пріе́млются: а҆́ще ли нѝ, пода́йте и҆̀мъ, что̀ нꙋ́жно, а҆ въ ѻ҆бще́ніе не пріе́млите и҆́хъ. И҆́бо мно́гое быва́етъ подло́гомъ.

ПРА́ВИЛО л҃д.

Є҆пі́скопамъ вся́кагѡ наро́да подоба́етъ зна́ти пе́рваго въ ни́хъ, и҆ признава́ти є҆го̀ ꙗ҆́кѡ главꙋ̀, и҆ ничегѡ̀ превыша́ющагѡ и҆́хъ вла́сть не твори́ти без̾ є҆гѡ̀ разсꙋжде́нія: твори́ти же ка́ждомꙋ то́лькѡ то̀, что̀ каса́ется до є҆гѡ̀ є҆па́рхіи, и҆ до мѣ́стъ къ не́й принадлежа́щихъ. Но и҆ пе́рвый ничегѡ̀ да не твори́тъ без̾ разсꙋжде́нія всѣ́хъ. И҆́бо та́кѡ бꙋ́детъ є҆диномы́сліе, и҆ просла́вится бг҃ъ ѡ҆ гд҃ⷭ҇ѣ во ст҃о́мъ дх҃ѣ, ѻ҆ц҃ъ и҆ сн҃ъ и҆ ст҃ы́й дх҃ъ.

ПРА́ВИЛО л҃є.

Є҆пі́скопъ да не дерза́етъ внѣ̀ предѣ́лѡвъ своея̀ є҆па́рхіи твори́ти рꙋкоположе́нія во гра́дѣхъ и҆ въ се́лѣхъ, є҆мꙋ̀ не подчине́нныхъ. А҆́ще же ѡ҆бличе́нъ бꙋ́детъ, ꙗ҆́кѡ сотворѝ сіѐ без̾ согла́сія и҆мѣ́ющихъ въ подчине́ніи гра́ды ѻ҆́ные, и҆лѝ се́ла: да бꙋ́детъ и҆зве́рженъ и҆ ѻ҆́нъ, и҆ поста́вленніи ̾ѿ негѡ̀.

ПРА́ВИЛО л҃ѕ.

А҆́ще кто̀, бы́въ рꙋкоположе́нъ во є҆пі́скопа, не пріи́метъ слꙋже́нія и҆ попече́нія ѡ҆ наро́дѣ, є҆мꙋ̀ порꙋче́ннагѡ: да бꙋ́детъ ̾ѿлꙋче́нъ, доко́лѣ не пріи́метъ ѻ҆́нагѡ. Та́кожде и҆ пресвѵ́теръ и҆ діа́конъ. А҆́ще же по́йдетъ тꙋда̀, и҆ не бꙋ́детъ приня́тъ, не по свое́й во́лѣ, но по ѕло́бѣ наро́да: ѻ҆́нъ да пребыва́етъ є҆пі́скопъ, кли́ръ же гра́да тогѡ̀ да бꙋ́детъ ̾ѿлꙋче́нъ за то̀, что̀ такос. и҃іва́гѡ непокори́вагѡ наро́да не ѹ҆чи́ли.

ПРА́ВИЛО л҃з.

Два́жды въ годꙋ̀ да быва́етъ собо́ръ є҆пі́скопѡвъ, и҆ да разсꙋжда́ютъ ѻ҆нѝ дрꙋ́гъ съ дрꙋ́гомъ ѡ҆ догма́тахъ бл҃гоче́стія, и҆ да разрѣша́ютъ слꙋча́ющыяся церкѡ́вныя прекослѡ́вія. Въ пе́рвый ра́зъ, въ четве́ртꙋю недѣ́лю пятидеся́тницы: а҆ во вторы́й, ѻ҆ктября̀ во вторыйна́десять де́нь.

{комм.}По́слѣ по ѻ҆со́бымъ причи́намъ назнача́емы бы́ли дрꙋгі́я времена̀ для собо́рѡвъ. См. пе́рв. всел. собо́р. пр. є҃. шест. всел. собо́р. пр. и҃.

ПРА́ВИЛО л҃и.

Є҆пі́скопъ да и҆мѣ́етъ попече́ніе ѡ҆ всѣ́хъ церко́вныхъ веща́хъ, и҆ ѻ҆́ными да распоряжа́етъ, ꙗ҆́кѡ бг҃ꙋ назира́ющꙋ. Но не позволи́тельно є҆мꙋ̀ присво́ивать что́ либо и҆з̾ ѻ҆́ныхъ, и҆лѝ сро́дникамъ свои́мъ дари́ть принадлежа́щее бг҃ꙋ. А҆́ще же сꙋ́ть неимꙋ́щіе, да подае́тъ и҆̀мъ, ꙗ҆́кѡ неимꙋ́щымъ: но под̾ си́мъ предло́гомъ да не продае́тъ принадлежа́щагѡ цр҃кви.

ПРА́ВИЛО л҃ѳ.

Пресвѵ́теры и҆ діа́коны, без̾ во́ли є҆пі́скопа, ничегѡ̀ да не соверша́ютъ. И҆́бо є҆мꙋ̀ ввѣ́рены лю́діе гд҃ⷭ҇ни, и҆ ѻ҆́нъ возда́стъ ̾ѿвѣ́тъ ѡ҆ дꙋша́хъ и҆́хъ.

ПРА́ВИЛО м҃.

Ꙗ҆́снѡ и҆звѣ́стно да бꙋ́детъ со́бственное и҆мѣ́ніе є҆пі́скопа, [є҆́стьли ѻ҆́нъ и҆мѣ́етъ со́бственное,] и҆ ꙗ҆́снѡ и҆звѣ́стно гд҃ⷭ҇не: дабы̀ є҆пі́скопъ, ѹ҆мира́я, и҆мѣ́лъ вла́сть ѡ҆ста́вить со́бственное, комꙋ̀ хо́щетъ, и҆ ка́къ хо́щетъ, дабы̀ под̾ ви́домъ церко́внагѡ не бы́ло растра́чено и҆мѣ́ніе є҆пі́скопа, и҆мѣ́ющагѡ и҆ногда̀ женꙋ̀ и҆ дѣте́й, и҆лѝ сро́дникѡвъ, и҆лѝ рабѡ́въ. И҆́бо пра́ведно сіѐ пред̾ бг҃омъ и҆ человѣ́ки, дабы̀ и҆ цр҃ковь не претерпѣ́ла нѣ́коегѡ ѹ҆ще́рба, по неизвѣ́стности и҆мѣ́нія є҆пі́скопскагѡ: и҆ є҆пі́скопъ, с. ѳ҃і и҆лѝ є҆гѡ̀ сро́дники, не подве́рглись ѡ҆тобра́нію и҆мѣ́нія за цр҃ковь, и҆ли́ же дабы̀ бли́зкіе къ немꙋ̀ не впа́ли въ тя́жбы, и҆ кончи́на є҆гѡ̀ не была̀ сопровожда́ема безсла́віемъ.

ПРА́ВИЛО м҃а.

Повелѣва́емъ є҆пі́скопꙋ и҆мѣ́ти вла́сть над̾ церко́внымъ и҆мѣ́ніемъ. А҆́ще бо драгоцѣ́нныя человѣ́ческія дꙋ́шы є҆мꙋ̀ ввѣ̑рены бы́ть до́лжны: то кольмѝ па́че ѡ҆ де́ньгахъ заповѣ́дать до́лжно, что́бы ѻ҆́нъ всѣ́мъ распоряжа́лъ по свое́й вла́сти, и҆ тре́бꙋющымъ чрез̾ пресвѵ́терѡвъ и҆ діа́конѡвъ подава́лъ со стра́хомъ бж҃іимъ, и҆ со вся́кимъ бл҃гоговѣ́ніемъ: та́кожде [а҆́ще потре́бно] и҆ са́мъ заи́мствовалъ на неѡбходи́мыя нꙋ́жды своѝ и҆ страннопріе́млемыхъ бра́тій, да не те́рпятъ недоста́тка ни въ како́мъ ̾ѿноше́ніи. И҆́бо зако́нъ бж҃ій постанови́лъ, да слꙋжа́щіи ѻ҆лтарю̀, ̾ѿ ѻ҆лтаря̀ пита́ются: ꙗ҆́коже и҆ во́инъ никогда̀ не под̾е́млетъ ѻ҆рꙋ́жія на врага̀ на свое́мъ пропита́ніи.

ПРА́ВИЛО м҃в.

Є҆пі́скопъ, и҆лѝ пресвѵ́теръ, и҆лѝ діа́конъ, и҆грѣ̀ и҆ пія́нствꙋ пре́данный, и҆лѝ да преста́нетъ, и҆лѝ да бꙋ́детъ и҆зве́рженъ.

ПРА́ВИЛО м҃г.

Ѵ҆подіа́конъ, и҆лѝ чте́цъ, и҆лѝ пѣве́цъ, подо́бное творя́щій, и҆лѝ да преста́нетъ, и҆лѝ да бꙋ́детъ ̾ѿлꙋче́нъ. Та́кожде и҆ міря́не.

ПРА́ВИЛО м҃д.

Є҆пі́скопъ, и҆лѝ пресвѵ́теръ, и҆лѝ діа́конъ, ли́хвы тре́бꙋющій ̾ѿ должникѡ́въ, и҆лѝ да преста́нетъ, и҆лѝ да бꙋ́детъ и҆зве́рженъ.

ПРА́ВИЛО м҃є.

Є҆пі́скопъ, и҆лѝ пресвѵ́теръ, и҆лѝ діа́конъ, съ є҆ретіка́ми моли́вшійся то́кмѡ, да бꙋ́детъ ̾ѿлꙋче́нъ. А҆́ще же позво́литъ и҆̀мъ дѣ́йствовать что́ либо, ꙗ҆́кѡ слꙋс. к҃жи́телямъ цр҃кви: да бꙋ́детъ и҆зве́рженъ.

ПРА́ВИЛО м҃ѕ.

Є҆пі́скопа, и҆лѝ пресвѵ́тера, прія́вшихъ креще́ніе и҆лѝ же́ртвꙋ є҆ретікѡ́въ, и҆зверга́ти повелѣва́емъ. Ко́е бо согла́сіе хр҃ⷭ҇то́ви съ веліа́ромъ; и҆лѝ ка́я ча́сть вѣ́рномꙋ съ невѣ́рнымъ;[4]

{комм.}Сіѐ а҆по́стольское пра́вило ̾ѿно́сится къ є҆ретіка́мъ, каковы́е бы́ли въ а҆по́стольскія времена̀, поврежда́ющымъ гла́вные догма́ты ѡ҆ бг҃ѣ ѻ҆ц҃ѣ̀ и҆ сн҃ѣ и҆ ст҃о́мъ дх҃ѣ, и҆ ѡ҆ воплоще́ніи сн҃а бж҃ія. Ѡ҆ дрꙋги́хъ рода́хъ є҆ретікѡ́въ дальнѣ́йшыя постановлє́нія представля́ютъ слѣ́дꙋющыя пра̑вила: пе́рв. вселе́н. собо́р. пра́в. ѳ҃і. лаодік. з҃, и҃. шест. вселе́н. ч҃є. васі́л. вел. м҃з.

ПРА́ВИЛО м҃з.

Є҆пі́скопъ и҆лѝ пресвѵ́теръ, а҆́ще по и҆́стинѣ и҆мѣ́ющаго креще́ніе вно́вь ѡ҆крести́тъ, и҆лѝ а҆́ще ̾ѿ нечести́выхъ ѡ҆скверне́ннагѡ не ѡ҆крести́тъ: да бꙋ́детъ и҆зве́рженъ, ꙗ҆́кѡ посмѣва́ющійся кр҃ⷭ҇тꙋ̀ и҆ см҃рти гд҃ⷭ҇ней, и҆ не различа́ющій свяще́нникѡвъ ̾ѿ лжесвяще́нникѡвъ.

ПРА́ВИЛО м҃и.

А҆́ще кото́рый міряни́нъ, и҆згна́въ свою̀ женꙋ̀, по́йметъ и҆нꙋ́ю, и҆лѝ и҆ны́мъ ̾ѿри́нꙋтꙋю: да бꙋ́детъ ̾ѿлꙋче́нъ.

ПРА́ВИЛО м҃ѳ.

А҆́ще кто̀, є҆пі́скопъ, и҆лѝ пресвѵ́теръ, крести́тъ не по гд҃ⷭ҇ню ѹ҆чрежде́нію, во ѻ҆ц҃а̀ и҆ сн҃а и҆ ст҃а́го дх҃а, но въ тре́хъ безнача́льныхъ, и҆лѝ въ тре́хъ сынѡ́въ, и҆лѝ въ тре́хъ ѹ҆тѣ́шителей: да бꙋ́детъ и҆зве́рженъ.

ПРА́ВИЛО н҃.

А҆́ще кто̀, є҆пі́скопъ, и҆лѝ пресвѵ́теръ, соверши́тъ не трѝ погрꙋжє́нія є҆ди́нагѡ тайнодѣ́йствія, но є҆ди́но погрꙋже́ніе, дае́мое въ см҃рть гд҃ⷭ҇ню: да бꙋ́детъ и҆зве́рженъ. И҆́бо не ре́клъ гд҃ⷭ҇ь: въ см҃рть мою̀ крести́те, но: ше́дше наꙋчи́те вся̀ с. к҃а ꙗ҆зы́ки, крестя́ще и҆̀хъ во и҆́мя ѻ҆ц҃а̀ и҆ сн҃а и҆ ст҃а́гѡ дх҃а [5].

ПРА́ВИЛО н҃а.

А҆́ще кто̀, є҆пі́скопъ, и҆лѝ пресвѵ́теръ, и҆лѝ діа́конъ, и҆лѝ воѻбщѐ и҆з̾ сщ҃е́ннагѡ чи́на, ѹ҆даля́ется ̾ѿ бра́ка и҆ мя́съ и҆ віна̀, не ра́ди по́двига воздержа́нія, но по причи́нѣ гнꙋше́нія, забы́въ, что̀ вся̑ дѡбра̀ ѕѣлѡ̀, и҆ что̀ бг҃ъ, созида́я человѣ́ка, мꙋ́жа и҆ женꙋ̀ сотвори́лъ и҆̀хъ, и҆ таки́мъ ѻ҆́бразомъ хꙋля̀ клеве́щетъ на созда́ніе: и҆лѝ да и҆спра́вится, и҆лѝ да бꙋ́детъ и҆зве́рженъ и҆з̾ сщ҃е́ннагѡ чи́на, и҆ ̾ѿве́рженъ ̾ѿ цр҃кве. Та́кожде и҆ міряни́нъ.

ПРА́ВИЛО н҃в.

А҆́ще кто̀, є҆пі́скопъ, и҆лѝ пресвѵ́теръ, ѡ҆браща́ющагѡся ̾ѿ грѣха̀ не пріе́млетъ, но ̾ѿверга́етъ: да бꙋ́детъ и҆зве́рженъ и҆з̾ сщ҃е́ннагѡ чи́на. Ѡ҆печа́ливаетъ бо хр҃ⷭ҇та̀ ре́кшаго: ра́дость быва́етъ на небесѝ ѡ҆ є҆ди́номъ грѣ́шницѣ ка́ющемся[6].

ПРА́ВИЛО н҃г.

А҆́ще кто̀, є҆пі́скопъ, и҆лѝ пресвѵ́теръ, и҆лѝ діа́конъ, во днѝ пра́здникѡвъ не вкꙋша́етъ мя́съ и҆ віна̀, гнꙋша́яся, а҆ не ра́ди по́двига воздержа́нія: да бꙋ́детъ и҆зве́рженъ, ꙗ҆́кѡ сожже́нный въ со́бственной со́вѣсти, и҆ быва́ющій вино́ю собла́зна мнѡ́гимъ.

ПРА́ВИЛО н҃д.

А҆́ще кто̀ и҆з̾ кли́ра въ корче́мницѣ ꙗ҆дꙋ́щій ѹ҆смо́тренъ бꙋ́детъ: да ̾ѿлꙋчи́тся, кромѣ̀ слꙋ́чая, когда̀ на пꙋтѝ по нꙋ́ждѣ въ гости́нницѣ ̾ѿдыха́етъ.

ПРА́ВИЛО н҃є.

А҆́ще кто̀ и҆з̾ кли́ра досади́тъ є҆пі́скопꙋ, да бꙋ́детъ и҆зве́рженъ. Кня́зю бо люде́й твои́хъ да не рече́ши ѕла̀[7].

с. к҃в

ПРА́ВИЛО н҃ѕ.

А҆́ще кто̀ и҆з̾ при́чта досади́тъ пресвѵ́терꙋ, и҆лѝ діа́конꙋ: да бꙋ́детъ ̾ѿлꙋче́нъ ̾ѿ ѻ҆бще́нія церко́внагѡ.

ПРА́ВИЛО н҃з.

А҆́ще кто̀ и҆з̾ кли́ра хромо́мꙋ, и҆лѝ глꙋхо́мꙋ, и҆лѝ слѣпо́мꙋ, и҆лѝ нога́ми болѣ́зненномꙋ посмѣе́тся: да бꙋ́детъ ̾ѿлꙋче́нъ. Та́кожде и҆ міряни́нъ.

ПРА́ВИЛО н҃и.

Є҆пі́скопъ, и҆лѝ пресвѵ́теръ, нерадя́щій ѡ҆ при́чтѣ и҆ ѡ҆ лю́дехъ, и҆ не ѹ҆ча́щій и҆̀хъ бл҃гоче́стію, да бꙋ́детъ ̾ѿлꙋче́нъ. А҆́ще же ѡ҆ста́нется въ се́мъ нерадѣ́ніи и҆ лѣ́ности: да бꙋ́детъ и҆зве́рженъ.

ПРА́ВИЛО н҃ѳ.

А҆́ще кто̀, є҆пі́скопъ, и҆лѝ пресвѵ́теръ, и҆лѝ діа́конъ, нѣ́коемꙋ ̾ѿ кли́ра нꙋжда́ющемꙋся не подае́тъ потре́бнагѡ: да бꙋ́детъ ̾ѿлꙋче́нъ. Закоснѣва́я же въ то́мъ, да бꙋ́детъ и҆зве́рженъ, ꙗ҆́кѡ ѹ҆би́вый бра́та своего̀.

ПРА́ВИЛО ѯ҃.

А҆́ще кто̀ подлѡ́жныя кни̑ги нечести́выхъ, а҆́ки ст҃ы́я въ цр҃кви ѡ҆глаша́етъ, ко вредꙋ̀ наро́да и҆ кли́ра: да бꙋ́детъ и҆зве́рженъ.

ПРА́ВИЛО ѯ҃а.

А҆́ще вѣ́рный ѡ҆бвиня́емь бꙋ́детъ въ любодѣ́йствѣ, и҆лѝ въ прелюбодѣ́йствѣ, и҆лѝ во и҆но́мъ како́мъ запреще́нномъ дѣ́лѣ, и҆ ѡ҆бличе́нъ бꙋ́детъ: да не вво́дится въ кли́ръ.

ПРА́ВИЛО ѯ҃в.

А҆́ще кто̀ и҆з̾ кли́ра, ѹ҆страша́сь человѣ́ка і҆ꙋде́а, и҆лѝ є҆́ллина, и҆лѝ є҆ретіка̀, ̾ѿрече́тся ̾ѿ и҆́мени хр҃ⷭ҇то́ва: да бꙋ́детъ ̾ѿве́рженъ ̾ѿ цр҃кви. А҆́ще же ̾ѿрече́тся ̾ѿ и҆́мени слꙋжи́теля цр҃кви: да бꙋ́детъ и҆зве́рженъ ѡ҆ кли́ра. А҆́ще же пока́ется: да бꙋ́детъ приня́тъ, ꙗ҆́кѡ міряни́нъ.

с. к҃г

ПРА́ВИЛО ѯ҃г.

А҆́ще кто̀ є҆пі́скопъ, и҆лѝ пресвѵ́теръ, и҆лѝ діа́конъ, и҆лѝ воѻбщѐ и҆з̾ сщ҃е́ннагѡ чи́на, бꙋ́детъ ꙗ҆́сти мя́со въ кровѝ дꙋшѝ є҆гѡ̀, и҆лѝ ѕвѣроя́динꙋ, и҆лѝ мертвечи́нꙋ: да бꙋ́детъ и҆зве́рженъ. И҆́бо сіѐ зако́нъ запрети́лъ[8]. А҆́ще же сіѐ содѣ́лаетъ міряни́нъ: да бꙋ́детъ ̾ѿлꙋче́нъ.

ПРА́ВИЛО ѯ҃д.

А҆́ще кто̀ и҆з̾ кли́ра ѹ҆смо́тренъ бꙋ́детъ постя́щимся въ де́нь гд҃ⷭ҇ень, и҆лѝ въ сꙋббѡ́тꙋ кромѣ̀ є҆ди́ныя то́кмѡ [вели́кія сꙋббѡ́ты]: да бꙋ́детъ и҆зве́рженъ. А҆́ще же міряни́нъ, да бꙋ́детъ ̾ѿлꙋче́нъ.

{комм.}Сте́пень разрѣше́нія поста̀, во днѝ воскре́сный и҆ сꙋббѡ́тный, ѡ҆предѣля́ется въ церко́вномъ ѹ҆ста́вѣ, и҆ состои́тъ ѻ҆быкнове́ннѡ въ то́мъ, что̀ разрѣша́ется віно̀, є҆ле́й и҆ приня́тіе пи́щи по літꙋргі́и, без̾ продолже́нія неяде́нія до тре́хъ че́твертей дня̀.

ПРА́ВИЛО ѯ҃є.

А҆́ще кто̀ и҆з̾ кли́ра, и҆лѝ міряни́нъ, въ сѷнагѡ́гꙋ і҆ꙋде́йскꙋю и҆лѝ є҆реті́ческꙋю войде́тъ помоли́тися: да бꙋ́детъ и҆ ̾ѿ чи́на сщ҃е́ннагѡ и҆зве́рженъ, и҆ ̾ѿлꙋче́нъ ̾ѿ ѻ҆бще́нія церко́внагѡ.

ПРА́ВИЛО ѯ҃ѕ.

А҆́ще кто̀ и҆з̾ кли́ра въ сва́рѣ кого̀ ѹ҆да́ритъ, и҆ є҆ди́нымъ ѹ҆даре́ніемъ ѹ҆біе́тъ: да бꙋ́детъ и҆зве́рженъ за проде́рзость свою̀. А҆́ще же міряни́нъ сіѐ сотвори́тъ: да бꙋ́детъ ̾ѿлꙋче́нъ.

ПРА́ВИЛО ѯ҃з.

А҆́ще кто̀ дѣ́вꙋ неѡбрꙋче́ннꙋю наси́ловавъ и҆мѣ́етъ: да бꙋ́детъ ̾ѿлꙋче́нъ ̾ѿ ѻ҆бще́нія церко́внагѡ. Не позволя́ти же є҆мꙋ̀ бра́ть и҆нꙋ́ю: но до́лженъ ѹ҆держа́ть тꙋ̀, кото́рꙋю и҆збра́лъ, а҆́ще бы и҆ ѹ҆бо́га была̀.

ПРА́ВИЛО ѯ҃и.

А҆́ще кто̀ є҆пі́скопъ, и҆лѝ пресвѵ́теръ, и҆лѝ діа́конъ, с. к҃д пріе́млетъ ̾ѿ когѡ́ либо второ́е рꙋкоположе́ніе: да бꙋ́детъ и҆зве́рженъ ̾ѿ сщ҃е́ннагѡ чи́на, и҆ ѻ҆́нъ и҆ рꙋкоположи́вый: ра́звѣ а҆́ще достовѣ́рнѡ и҆звѣ́стно бꙋ́детъ, что̀ ̾ѿ є҆ретікѡ́въ и҆мѣ́етъ рꙋкоположе́ніе. И҆́бо крещє́ннымъ, и҆лѝ рꙋкоположє́ннымъ ̾ѿ таковы́хъ, ни вѣ́рными, ни слꙋжи́телями цр҃кви бы́ти не возмо́жно.

ПРА́ВИЛО ѯ҃ѳ.

А҆́ще кто̀, є҆пі́скопъ, и҆лѝ пресвѵ́теръ, и҆лѝ діа́конъ, и҆лѝ ѵ҆подіа́конъ, и҆лѝ чте́цъ, и҆лѝ пѣве́цъ, не пости́тся во ст҃ꙋ́ю четыредеся́тницꙋ пред̾ па́схою, и҆лѝ въ сре́дꙋ, и҆лѝ въ пято́къ, кромѣ̀ препя́тствія ̾ѿ не́мощи тѣле́сныя: да бꙋ́детъ и҆зве́рженъ. А҆́ще же міряни́нъ: да бꙋ́детъ ̾ѿлꙋче́нъ.

ПРА́ВИЛО ѻ҃.

А҆́ще кто̀, є҆пі́скопъ, и҆лѝ пресвѵ́теръ, и҆лѝ діа́конъ, и҆лѝ воѻбщѐ и҆з̾ спи́ска кли́ра, пости́тся съ і҆ꙋде́ями, и҆лѝ пра́зднꙋетъ съ ни́ми, и҆лѝ пріе́млетъ ̾ѿ ни́хъ да́ры пра́здникѡвъ и҆́хъ, ка́къ то, ѡ҆прѣ́сноки, и҆лѝ нѣ́что подо́бное: да бꙋ́детъ и҆зве́рженъ. А҆́ще же міряни́нъ: да бꙋ́детъ ̾ѿлꙋче́нъ.

ПРА́ВИЛО ѻ҃а.

А҆́ще кото́рый хр҃ⷭ҇тіа́нинъ принесе́тъ є҆ле́й въ ка́пище ꙗ҆зы́ческое, и҆лѝ въ сѷнагѡ́гꙋ і҆ꙋде́йскꙋю, въ и҆́хъ пра́здники, и҆лѝ возжже́тъ свѣщꙋ̀: да бꙋ́детъ ̾ѿлꙋче́нъ ̾ѿ ѻ҆бще́нія церко́внагѡ.

ПРА́ВИЛО ѻ҃в.

А҆́ще кто̀ и҆з̾ при́чта, и҆лѝ міряни́нъ, и҆з̾ ст҃ы́я цр҃кви похи́титъ во́скъ, и҆лѝ є҆ле́й: да бꙋ́детъ ̾ѿлꙋче́нъ ̾ѿ ѻ҆бще́нія церко́внагѡ, и҆ пятери́цею да прило́житъ къ томꙋ̀, что̀ взя́лъ.

ПРА́ВИЛО ѻ҃г.

Сосꙋ́дъ златы́й, и҆лѝ сре́бряный ѡ҆свяще́нный, и҆лѝ завѣ́сꙋ, никто̀ ѹ҆жѐ да не присво́итъ на своѐ ѹ҆потребле́ніе. Беззако́нно бо є҆́сть. с. к҃є А҆́ще же кто̀ въ се́мъ ѹ҆смо́тренъ бꙋ́детъ: да нака́жется ̾ѿлꙋче́ніемъ.

ПРА́ВИЛО ѻ҃д.

Є҆пі́скопъ, ̾ѿ люде́й вѣроя́тія досто́йныхъ ѡ҆бвиня́емый въ че́мъ либо, неѡбходи́мѡ са́мъ до́лженъ бы́ть призва́нъ є҆пі́скопами: и҆ а҆́ще предста́нетъ и҆ призна́ется, и҆лѝ ѡ҆бличе́нъ бꙋ́детъ: да ѡ҆предѣли́тся є҆пітімія̀. А҆́ще же зва́нъ бы́въ, не послꙋ́шаетъ: да позове́тся втори́чнѡ чрез̾ посыла́емыхъ къ немꙋ̀ двꙋ́хъ є҆пі́скопѡвъ. А҆́ще же и҆ та́кѡ не послꙋ́шаетъ: да позове́тся и҆ въ тре́тій ра́зъ чрез̾ двꙋ́хъ посыла́емыхъ къ немꙋ̀ є҆пі́скопѡвъ. А҆́ще же и҆ сегѡ̀ не ѹ҆важа́я, не предста́нетъ: собо́ръ, по благоꙋсмотрѣ́нію своемꙋ̀, да произнесе́тъ ѡ҆ не́мъ рѣше́ніе, да не мни́тся вы́годꙋ и҆мѣ́ти, бѣ́гая ̾ѿ сꙋда̀.

ПРА́ВИЛО ѻ҃є.

Во свидѣ́тельство проти́въ є҆пі́скопа не пріима́ти є҆ретіка̀: но и҆ вѣ́рнагѡ є҆ди́нагѡ не дово́льно. На ѹ҆ста́хъ бо двои́хъ, и҆лѝ тріе́хъ свидѣ́телей тве́рдѡ ста́нетъ вся́къ глаго́лъ[9].

ПРА́ВИЛО ѻ҃ѕ.

Ꙗ҆́кѡ не подоба́етъ є҆пі́скопꙋ, и҆з̾ ѹ҆гожде́нія бра́тꙋ, и҆лѝ сы́нꙋ, и҆лѝ и҆но́мꙋ сро́дникꙋ, поставля́ти въ досто́инство є҆пі́скопа, кого̀ хо́щетъ. И҆́бо нѣ́сть пра́ведно твори́ти наслѣ́дникѡвъ є҆пі́скопства, и҆ со́бственность бж҃ію дая́ти въ да́ръ человѣ́ческомꙋ пристра́стію. Не до́лжно бо цр҃ковь бж҃ію под̾ вла́сть наслѣ́дникѡвъ поставля́ти. А҆́ще же кто̀ сіѐ сотвори́тъ: поставле́ніе да бꙋ́детъ недѣйстви́тельно, са́мъ же ̾ѿлꙋче́ніемъ нака́занъ да бꙋ́детъ.

ПРА́ВИЛО ѻ҃з.

А҆́ще кто̀ лише́нъ ѻ҆́ка, и҆лѝ въ нога́хъ поврежде́нъ, но досто́инъ бы́ти є҆пі́скопъ: да бꙋ́детъ. И҆́бо тѣс. к҃ѕле́сный недоста́токъ є҆гѡ̀ не ѡ҆скверня́етъ, но дꙋше́вная скве́рна.

ПРА́ВИЛО ѻ҃и.

Глꙋхі́й же, и҆ слѣпы́й да не бꙋ́детъ є҆пі́скопъ, не а҆́ки бы ѡ҆скверне́нъ бы́лъ, но да не бꙋ́детъ препя́тствія въ дѣла́хъ церко́вныхъ.

ПРА́ВИЛО ѻ҃ѳ.

А҆́ще кто̀ де́мѡна и҆мѣ́етъ: да не бꙋ́детъ приня́тъ въ кли́ръ, но нижѐ съ вѣ́рными да мо́лится. Ѡ҆свободя́сь же, да приня́тъ бꙋ́детъ съ вѣ́рными, и҆ а҆́ще досто́инъ, то и҆ въ кли́ръ.

ПРА́ВИЛО п҃.

Ѿ ꙗ҆зы́ческагѡ житія̀ прише́дшаго и҆ креще́ннаго, и҆лѝ ̾ѿ поро́чнагѡ ѻ҆́браза жи́зни ѡ҆брати́вшагося, нѣ́сть пра́ведно вдрꙋ́гъ производи́ти во є҆пі́скопа. И҆́бо несправедли́во є҆щѐ не и҆спы́танномꙋ бы́ти ѹ҆чи́телемъ дрꙋги́хъ: ра́звѣ то́лькѡ по бл҃года́ти бж҃іей сіѐ ѹ҆стро́ится.

ПРА́ВИЛО п҃а.

Реклѝ мы̀, ꙗ҆́кѡ не подоба́етъ є҆пі́скопꙋ, и҆лѝ пресвѵ́терꙋ вдава́тися въ наро́дныя ѹ҆правлє́нія, но неꙋпꙋсти́тельнѡ бы́ти при дѣла́хъ церко́вныхъ. И҆лѝ ѹ҆́бѡ да бꙋ́детъ ѹ҆бѣжде́нъ сегѡ̀ не твори́ти, и҆лѝ да бꙋ́детъ и҆зве́рженъ. И҆́бо никто́же мо́жетъ двꙋ́мъ господа́мъ рабо́тати, по гд҃ⷭ҇ней за́повѣди[10].

ПРА́ВИЛО п҃в.

Не позволя́емъ въ кли́ръ производи́ти рабѡ́въ, без̾ согла́сія госпо́дъ, къ ѡ҆горче́нію владѣте́лей и҆́хъ. И҆́бо ̾ѿ сегѡ̀ происхо́дитъ разстро́йство въ дома́хъ. А҆́ще же когда̀ ра́бъ и҆ досто́инъ ꙗ҆ви́тся поставле́нія въ сте́пень церко́внꙋю, каковы́мъ ꙗ҆ви́лся и҆ на́шъ ѻ҆ни́сімъ, и҆ госпо́діе соизво́лятъ, и҆ ѡ҆свободя́тъ, и҆ и҆з̾ до́мꙋ ̾ѿпꙋ́стятъ: да бꙋ́детъ произведе́нъ.

с. к҃з

ПРА́ВИЛО п҃г.

Є҆пі́скопъ, и҆лѝ пресвѵ́теръ, и҆лѝ діа́конъ, въ вои́нскомъ дѣ́лѣ ѹ҆пражня́ющійся, и҆ хотя́щій ѹ҆держа́ти ѻ҆боѐ, то́ є҆сть, ри́мское нача́льство и҆ свяще́нническꙋю до́лжность: да бꙋ́детъ и҆зве́рженъ и҆з̾ сщ҃е́ннагѡ чи́на. И҆́бо ке́сарєва ке́сареви, и҆ бж҃ія бг҃ови[11].

ПРА́ВИЛО п҃д.

А҆́ще кто̀ досади́тъ царю̀, и҆лѝ кня́зю, не по пра́вдѣ: да понесе́тъ наказа́ніе. И҆ а҆́ще таковы́й бꙋ́детъ и҆з̾ кли́ра, да бꙋ́детъ и҆зве́рженъ ̾ѿ сщ҃е́ннагѡ чи́на: а҆́ще же міряни́нъ, да бꙋ́детъ ̾ѿлꙋче́нъ ̾ѿ ѡ҆бще́нія церко́внагѡ.

ПРА́ВИЛО п҃є.

Для всѣ́хъ ва́съ, принадлежа́щихъ къ кли́рꙋ и҆ міря́нъ, чти́мыми и҆ ст҃ы́ми да бꙋ́дꙋтъ кни̑ги, ве́тхагѡ завѣ́та, мѡѷсе́овыхъ пя́ть: бытія̀, и҆схо́дъ, леѵі́тъ, чи̑сла, второзако́ніе. І҆исꙋ́са сы́на наѵи́на є҆ди́на. Сꙋде́й є҆ди́на. Рꙋ́ѳь є҆ди́на. Ца́рствъ четы́ре. Параліпоме́нѡнъ [то́ є҆сть ѡ҆ста́ткѡвъ ̾ѿ кни́ги дне́й] двѣ̀. Є҆́здры двѣ̀. Є҆сѳи́рь є҆ди́на. Маккаве́йскихъ трѝ. І҆́ѡва є҆ди́на. ѱалти́рь є҆ди́на. Соломѡ́новыхъ трѝ: при̑тчи, є҆кклисіа́стъ, пѣ́снь пѣ́сней. Проро́кѡвъ двана́десять. И҆са́іи є҆ди́на. І҆еремі́и є҆ди́на. І҆езекі́иля є҆ди́на. Є҆ди́на даніи́ла. Све́рхъ же сегѡ̀ ва́мъ да присовокꙋ́пится въ замѣча́ніе, что́бы ю҆́ные ва́ши и҆зꙋча́ли премꙋ́дрость многоꙋче́нагѡ сіра́ха. На́ши же, то́ є҆сть, но́вагѡ завѣ́та, є҆ѵа́нгєлія четы́ре: матѳе́а, ма́рка, лꙋкѝ, і҆ѡа́нна. Па́ѵловыхъ посла́ній четырена́десять. Петра̀ посла́нія два̀. І҆ѡа́нна трѝ. І҆а́кѡва є҆ди́но. І҆ꙋ́ды є҆ди́но. Кли́мента посла́нія два̀. И҆ постановлє́нія ва́мъ є҆пі́скопамъ мно́ю кли́ментомъ и҆зречє́нныя въ ѻ҆смѝ кни́гахъ, [кото́рыхъ не подос. к҃иба́етъ ѡ҆бнаро́довати пред̾ всѣ́ми ра́ди тогѡ̀, что̀ въ ни́хъ таи́нственно,] и҆ дѣя̑нія на́ши а҆по́стольскія.

{комм.}Ѿноси́тельнѡ постановле́ній а҆по́стольскихъ, напи́санныхъ кли́ментомъ, вре́мя и҆ провидѣ́ніе бж҃іе ̾ѿкры́ли нꙋ́ждꙋ въ но́вомъ пра́вилѣ, кото́рое є҆́сть в҃ шеста́гѡ вселе́нскагѡ собо́ра.

{комм.}Ѹ҆каза́ніе сщ҃е́нныхъ и҆ для церко́внагѡ чте́нія назна́ченныхъ кни́гъ соде́ржатъ є҆щѐ слѣ́дꙋющыя пра̑вила: лаодік. собо́р. ѯ҃. карѳ. л҃г. Та́кже св. а҆ѳана́с. пра́зд. посл. л҃ѳ, и҆ стіхѝ св. григо́р. богосл. и҆ св. а҆мфіло́хія.