ПРА̑ВИЛА СВЯТА́ГѠ ВСЕЛЕ́НСКАГѠ ТРЕ́ТІЯГѠ СОБО́РА, Є҆ФЕ́ССКАГѠ.

ПРА́ВИЛО а҃.

Поне́же надлежа́ло и҆ не присꙋ́тствовавшымъ на свято́мъ собо́рѣ, и҆ ѡ҆става́вшымся въ свое́мъ мѣ́стѣ, и҆лѝ гра́дѣ, по нѣ́коей винѣ̀, и҆лѝ церко́вной, и҆лѝ тѣле́сной, не ѡ҆ста́тися въ невѣ́дѣніи ѡ҆ то́мъ, что̀ на ѻ҆́номъ постано́влено: то и҆звѣща́емъ ва́шꙋ святы́ню и҆ любо́вь, что̀, а҆́ще кото́рый ѻ҆́бластный митрополі́тъ, ̾ѿстꙋпи́въ ̾ѿ свята́гѡ и҆ вселе́нскагѡ собо́ра, приложи́лся къ ̾ѿстꙋ́пническомꙋ со́нмищꙋ, и҆лѝ посе́мъ прило́жится, и҆лѝ келесті́ево мꙋдрова́ніе прія́лъ, и҆лѝ пріи́метъ, таковы́й проти́въ є҆пі́скопѡвъ своея̀ ѻ҆́бласти что́ либо дѣ́лати ̾ѿню́дь не мо́жетъ, ꙗ҆́кѡ ̾ѿны́нѣ собо́ромъ ̾ѿ вся́кагѡ церко́внагѡ ѻ҆бще́нія ѹ҆жѐ ̾ѿве́рженный и҆ недѣйстви́тельный. Но є҆щѐ и҆ разсмотрѣ́нію тѣ́хъ са́мыхъ є҆пі́скопѡвъ ѻ҆́бласти, и҆ ѻ҆кре́стныхъ митрополі́тѡвъ, правосла́внѡ мꙋ́дрствꙋющихъ, подлежа́ти бꙋ́детъ, для соверше́ннагѡ и҆зверже́нія є҆гѡ̀ и҆з̾ са́на є҆пі́скопскагѡ.

с. м҃ѕ

ПРА́ВИЛО в҃.

А҆́ще же кото́рые є҆пархіа́льные є҆пі́скопы не присꙋ́тствовали на свято́мъ собо́рѣ, и҆ въ ̾ѿстꙋпле́ніи прія́ли, и҆лѝ покꙋ́сятся прія́ти ѹ҆ча́стіе: и҆лѝ, подписа́въ и҆зверже́ніе несто́ріа, перешлѝ къ ̾ѿстꙋ́пническомꙋ со́нмищꙋ: таковы̑мъ, по и҆зволе́нію свята́гѡ собо́ра, соверше́ннѡ бы́ти чꙋ̑ждымъ свяще́нства, и҆ низве́ржєннымъ съ своея̀ сте́пени.

ПРА́ВИЛО г҃.

А҆́ще же нѣ́котѡрымъ и҆з̾ принадлежа́щихъ къ кли́рꙋ въ ка́ждомъ гра́дѣ, и҆лѝ селѣ̀, несто́ріемъ и҆ є҆гѡ̀ соѻ́бщниками, возбранено̀ свяще́нство за правосла́вное мꙋ́дрствованіе: таковы̑мъ да́ли мы̀ пра́во воспрія́ти свою̀ сте́пень. Воѻбщѐ повелѣва́емъ, что́бы є҆диномꙋ́дрствꙋющіе съ правосла́внымъ и҆ вселе́нскимъ собо́ромъ чле́ны кли́ра, ̾ѿню́дь никаки́мъ ѻ҆́бразомъ, не бы́ли подчинены̀ ̾ѿстꙋпи́вшымъ, и҆лѝ ̾ѿстꙋпа́ющымъ ̾ѿ правосла́вія є҆пі́скопамъ.

ПРА́ВИЛО д҃.

А҆́ще кото́рые и҆з̾ кли́ра ̾ѿстꙋ́пятъ, и҆ дерзнꙋ́тъ ѻ҆со́бѡ, и҆лѝ всенаро́днѡ держа́тися несто́ріева, и҆лѝ келесті́ева мꙋ́дрствованія: пра́веднымъ призна́лъ святы́й собо́ръ и҆зве́ржєннымъ бы́ти и҆ си̑мъ и҆з̾ свяще́ннагѡ чи́на.

ПРА́ВИЛО є҃.

А҆́ще нѣ́кіе за неприли́чныя дѣла̀ ѡ҆сꙋждены̀ ст҃ы́мъ собо́ромъ, и҆лѝ со́бственными є҆пі́скопами: несто́рій же, и҆ є҆гѡ̀ є҆диномы́шленники, вопрекѝ пра́виламъ, по є҆гѡ̀ во все́мъ произво́льномꙋ дѣ́йствованію, покꙋси́лися, и҆лѝ покꙋ́сятся возврати́ти и҆̀мъ ѡ҆бще́ніе съ це́рковію, и҆лѝ сте́пень свяще́нства: пра́веднымъ призна́ли мы̀, да бꙋ́детъ и҆̀мъ сіѐ безполе́зно, и҆ да ѡ҆стаю́тся ѻ҆нѝ тѣ́мъ не ме́нѣе и҆зве́рженными и҆з̾ свяще́ннагѡ чи́на.

с. м҃з

ПРА́ВИЛО ѕ҃.

Подо́бно же, а҆́ще нѣ́кіе восхотѣ́ли бы, каки́мъ либо ѻ҆́бразомъ, поколеба́ти то̀, что̀ ѡ҆ ка́ждомъ и҆з̾ ни́хъ ѹ҆чинено̀ святы́мъ собо́ромъ во є҆фе́сѣ, святы́й собо́ръ ѡ҆предѣли́лъ, что́бы таковы́е, а҆́ще сꙋ́ть є҆пі́скопы, и҆лѝ принадлежа́щіе къ кли́рꙋ, соверше́ннѡ све́ржены бы́ли съ своегѡ̀ сте́пени: а҆́ще же міря́не, ̾ѿлꙋче́ны бы́ли ̾ѿ ѻ҆бще́нія церко́внагѡ.

ПРА́ВИЛО з҃.

По прочте́ніи сегѡ̀, святы́й собо́ръ ѡ҆предѣли́лъ: да не бꙋ́детъ позво́лено никомꙋ̀ произноси́ти, и҆лѝ писа́ти, и҆лѝ слага́ти и҆нꙋ́ю вѣ́рꙋ, кромѣ̀ ѡ҆предѣле́нныя ̾ѿ святы́хъ ѻ҆тє́цъ, въ ніке́и гра́дѣ, со ст҃ы́мъ дх҃омъ собра́вшихся. А҆ кото́рые дерзнꙋ́тъ слага́ти и҆нꙋ́ю вѣ́рꙋ, и҆лѝ представля́ти, и҆лѝ предлага́ти хотя́щымъ ѡ҆брати́тися къ позна́нію и҆́стины, и҆лѝ ̾ѿ ꙗ҆зы́чества, и҆лѝ ̾ѿ і҆ꙋде́йства, и҆лѝ ̾ѿ како́й бы то̀ ни бы́ло є҆́реси: таковы́е, а҆́ще сꙋ́ть є҆пі́скопы, и҆лѝ принадлежа́тъ къ кли́рꙋ, да бꙋ́дꙋтъ чꙋ́жды, є҆пі́скопы є҆пі́скопства, и҆ кли́ріки кли́ра: а҆́ще же міря́не, да бꙋ́дꙋтъ пре́даны а҆на́ѳемѣ. Ра́внымъ ѻ҆́бразомъ, а҆́ще є҆пі́скопы, и҆лѝ кли́ріки, и҆лѝ міря́не ꙗ҆вя́тся мꙋ́дрствꙋющими, и҆лѝ ѹ҆ча́щими томꙋ̀, что̀ соде́ржится въ предста́вленномъ ̾ѿ пресвѵ́тера харі́сіа и҆зложе́ніи, ѡ҆ воплоще́ніи є҆диноро́днагѡ сн҃а бж҃ія, и҆лѝ скве́рнымъ и҆ развращє́ннымъ несто́ріевымъ догма́тамъ, кото́рые при се́мъ и҆ приложены̀: да подлежа́тъ рѣше́нію сегѡ̀ свята́гѡ и҆ вселе́нскагѡ собо́ра, то́ є҆сть, є҆пі́скопъ да бꙋ́детъ чꙋ́ждъ є҆пі́скопства, и҆ да бꙋ́детъ низложе́нъ: кли́рікъ подо́бнѡ да бꙋ́детъ и҆зве́рженъ и҆з̾ кли́ра: а҆́ще же міряни́нъ, да бꙋ́детъ пре́данъ а҆на́ѳемѣ, ка́къ ска́зано.

{комм.}Пред̾ си́мъ на собо́рѣ чи́танъ сѷмво́лъ ніке́йскій, и҆ поврежде́нное и҆зложе́ніе сѷмво́ла, предста́вс. м҃иленное собо́рꙋ філадельфі́йскимъ пресвѵ́теромъ харі́сіемъ.

ПРА́ВИЛО и҃.

Дѣ́ло, вопрекѝ постановле́ніямъ церкѡ́внымъ, и҆ пра́виламъ ст҃ы́хъ а҆по́стѡлъ, нововводи́мое, и҆ посяга́ющее на свобо́дꙋ всѣ́хъ, возвѣсти́лъ бг҃олюбе́знѣйшій соепі́скопъ ригі́нъ, и҆ сꙋ́щіе съ ни́мъ благоговѣ́йнѣйшіе є҆пі́скопы кѵ́прскія ѻ҆́бласти, зинѡ́нъ и҆ є҆ѵа́грій. Чегѡ̀ ра́ди, поне́же ѻ҆бще́ствєнныя болѣ́зни тре́бꙋютъ сильнѣ́йшагѡ врачевства̀, ꙗ҆́кѡ бо́льшій вре́дъ принося́щыя, и҆ наипа́че, а҆́ще и҆ дре́внягѡ ѻ҆быкнове́нія не бы́ло, что́бы є҆пі́скопъ гра́да а҆нтіохі́и соверша́лъ поставлє́нія въ кѵ́прѣ, ка́къ пи́сьменнѡ и҆ слове́снѡ возвѣсти́ли на́мъ благоговѣ́йнѣйшіе мꙋ́жи, къ свято́мꙋ собо́рꙋ прише́дшіе: то нача́льствꙋющіе во святы́хъ кѵ́прскихъ це́рквахъ да и҆мѣ́ютъ свобо́дꙋ, без̾ притяза́нія къ ни́мъ, и҆ без̾ стѣсне́нія и҆́хъ, по пра́виламъ святы́хъ ѻ҆тє́цъ, и҆ по дре́внемꙋ ѻ҆быкнове́нію, са́ми собо́ю соверша́ти поставле́ніе благоговѣ́йнѣйшихъ є҆пі́скопѡвъ. То́ же да соблюда́ется и҆ въ и҆ны́хъ ѻ҆́бластяхъ, и҆ повсю́дꙋ въ є҆па́рхіяхъ: дабы̀ никто̀ и҆з̾ бг҃олюбе́знѣйшихъ є҆пі́скопѡвъ не простира́лъ вла́сти на и҆нꙋ́ю є҆па́рхію, кото́рая пре́жде и҆ снача́ла не была̀ под̾ рꙋко́ю є҆гѡ̀, и҆лѝ є҆гѡ̀ предше́ственникѡвъ: но а҆́ще кто̀ просте́ръ, и҆ наси́льственнѡ какꙋ́ю є҆па́рхію себѣ̀ подчини́лъ, да ̾ѿда́стъ ѻ҆́нꙋю: да не престꙋпа́ются пра̑вила ѻ҆тє́цъ: да не вкра́дывается, под̾ ви́домъ священнодѣ́йствія, надме́нность вла́сти мірскі́я: и҆ да не ѹ҆тра́тимъ по ма́лꙋ, непримѣ́тнѡ, тоя̀ свобо́ды, кото́рꙋю дарова́лъ на́мъ кро́вію свое́ю гд҃ⷭ҇ь на́шъ і҆и҃съ хр҃ⷭ҇то́съ, ѡ҆свободи́тель всѣ́хъ человѣ́кѡвъ. И҆ та́къ свято́мꙋ и҆ вселе́нскомꙋ собо́рꙋ ѹ҆го́дно, что́бы вся́кая є҆па́рхія сохраня́ла въ чистотѣ̀, и҆ без̾ стѣсне́нія, с. м҃ѳ снача́ла принадлежа́щыя є҆́й права̀, по ѻ҆бы́чаю и҆здре́вле ѹ҆тверди́вшемꙋся. Ка́ждый митрополі́тъ, для своегѡ̀ ѹ҆достовѣре́нія, мо́жетъ невозбра́ннѡ взя́ти спи́сокъ съ сегѡ̀ постановле́нія. А҆́ще же кто̀ предло́житъ постановле́ніе проти́вное томꙋ̀, что̀ ны́нѣ ѡ҆предѣлено̀: ѹ҆го́дно всемꙋ̀ свято́мꙋ и҆ вселе́нскомꙋ собо́рꙋ, да бꙋ́детъ ѻ҆но̀ недѣйстви́тельно.

с. н҃

ПОСЛА́НІЕ

тогѡ́ же ст҃а́гѡ вселе́нскагѡ тре́тіягѡ собо́ра

къ свяще́нномꙋ собо́рꙋ памфѷлі́йскомꙋ ѡ҆ є҆ѵста́ѳіи, бы́вшемъ и҆́хъ митрополі́тѣ.

Поне́же бг҃одꙋхнове́нное писа́ніе глаго́летъ: съ совѣ́томъ всѐ творѝ[1]: то наипа́че полꙋчи́вшымъ жре́бій свяще́ннагѡ слꙋже́нія подоба́етъ со вся́кою то́чностію твори́ти разсмотре́ніе ѡ҆ все́мъ, что̀ дѣ́лати до́лжно. И҆́бо съ жела́ющими та́кѡ провожда́ти жи́знь свою̀ послѣ́дꙋетъ то̀, что̀ ѻ҆нѝ ѡ҆брѣта́ются въ благонаде́жномъ положе́ніи, и҆ ꙗ҆́кѡ попꙋ́тнымъ вѣ́тромъ несꙋ́тся, по направле́нію жела́ній. Сло́во сіѐ весьма̀ правдоподо́бно. И҆ногда́ же быва́етъ, что̀ го́рькая и҆ несно́сная ско́рбь, нале́гши на ѹ҆́мъ, си́льнѡ возмꙋща́етъ ѻ҆́ный, ѹ҆клоня́етъ ̾ѿ стремле́нія къ до́лжномꙋ, и҆ располага́етъ, а҆́ки бы на нѣ́что поле́зное, взира́ти на неблагопрія́тное по сꙋществꙋ̀ своемꙋ̀. Нѣ́что таково́е ѹ҆смотрѣ́ли мы̀ приключи́вшееся благоговѣ́йнѣйшемꙋ и҆ благочести́вѣйшемꙋ є҆пі́скопꙋ є҆ѵста́ѳію. Ѻ҆́нъ рꙋкоположе́нъ, ка́къ засвидѣ́тельствовано, по пра́виламъ церкѡ́внымъ. Бы́въ же нѣ́которыми смꙋще́нъ, ка́къ ска́зываетъ, и҆ подве́ргшися неѡжи̑даннымъ ѡ҆бс. н҃астоя́тельствамъ, пото́мъ, по причи́нѣ и҆зли́шнія недѣ́ятельности, ѹ҆томле́нный борьбо́ю съ ѡ҆бремени́вшими є҆го̀ забо́тами, и҆ не возмо́гшій ̾ѿрази́ти нарека́нія проти́вникѡвъ свои́хъ, не вѣ́даемъ ка́кѡ, предста́вилъ пи́сменное ̾ѿрече́ніе ̾ѿ своея̀ є҆па́рхіи. И҆́бо є҆мꙋ̀, ꙗ҆́кѡ є҆ди́ножды прія́вшемꙋ на себя̀ священнонача́льственное попече́ніе, подоба́ло ѹ҆де́рживати ѻ҆́ное съ дꙋхо́вною крѣ́постію, ка́къ бы воѡрꙋжа́тися на трꙋды̀, и҆ ѻ҆хо́тнѡ преноси́ти по́тъ, ѡ҆бѣща́ющій воздая́ніе. А҆ поне́же показа́лъ ѻ҆́нъ себя̀ є҆ди́ножды нетща́тельнымъ, хотя̀ сіѐ произошло̀ съ ни́мъ бо́лѣе по недѣ́ятельности, не́жели по нерадѣ́нію и҆ лѣ́ности: то ва́ше благоче́стіе по неѡбходи́мости рꙋкоположи́ли благоговѣ́йнѣйшаго и҆ благочести́вѣйшаго бра́та на́шего и҆ соепі́скопа ѳео́дѡра, для ѹ҆правле́нія це́рковію: и҆́бо не слѣ́довало є҆́й вдо́вствовати, и҆ без̾ предстоя́теля бы́ти сп҃си́телевꙋ ста́дꙋ. Но поне́же прише́лъ ѻ҆́нъ со слеза́ми, не гра́дъ, нижѐ це́рковь ѡ҆спо́ривая ѹ҆ вышерече́ннагѡ благочести́вѣйшагѡ є҆пі́скопа ѳео́дѡра, но прося̀ то́кмѡ че́сти и҆ и҆менова́нія є҆пі́скопскагѡ: то всѣ̀ мы̀ возсоболѣ́зновали ѡ҆ ста́рцѣ се́мъ, и҆ почита́я сле́зы є҆гѡ̀ ѻ҆́бщими всѣ́мъ на́мъ, поспѣши́ли ѹ҆вѣ́дати, подве́ргся ли ѻ҆́нъ зако́нномꙋ и҆зверже́нію, и҆лѝ то́кмѡ въ нѣ́которыхъ неꙋмѣ́стныхъ постꙋ́пкахъ ѡ҆блича́емь бы́лъ нѣ́кими людьмѝ. помрачи́вшими є҆гѡ̀ до́брꙋю сла́вꙋ. И҆ мы̀ ѹ҆вѣ́дали, ꙗ҆́кѡ ничегѡ̀ такова́гѡ и҆́мъ не содѣ́лано, а҆ наипа́че въ винꙋ̀ є҆мꙋ̀ поста́влено ̾ѿрече́ніе ̾ѿ є҆па́рхіи. Чегѡ̀ ра́ди не ѹ҆коря́емъ и҆ ва́ше благоче́стіе, до́лжнымъ ѻ҆́бразомъ поста́вившее на є҆гѡ̀ мѣ́сто вышерече́ннаго благоговѣ́йнѣйшаго є҆пі́скопа ѳео́дѡра. Но поне́же не подоба́етъ мно́гѡ порица́ти недѣ́ятельность сегѡ̀ мꙋ́жа, па́че же надлежа́ло с. н҃в поми́ловати ста́рца, внѣ̀ гра́да, въ кото́ромъ роди́лся, и҆ внѣ̀ ѻ҆те́ческагѡ жили́ща сто́ль до́лгое вре́мя пребы́вшаго: пра́веднѡ сꙋди́ли мы̀, и҆ ѡ҆предѣли́ли: без̾ вся́кагѡ прекосло́вія и҆мѣ́ти є҆мꙋ̀ и҆́мя, и҆ че́сть є҆пі́скопа, и҆ ѡ҆бще́ніе: съ тѣ́мъ то́кмѡ, что́бы ѻ҆́нъ не рꙋкополага́лъ, не занима́лъ це́ркви, и҆ самовла́стнѡ не священнодѣ́йствовалъ: но ра́звѣ когда̀ и҆лѝ пригласи́тъ съ собо́ю, и҆лѝ, а҆́ще слꙋчи́тся, позво́литъ є҆мꙋ̀ бра́тъ и҆ соепі́скопъ, по благорасположе́нію, и҆ любвѝ во хр҃ⷭ҇тѣ̀. А҆́ще же поло́жите ѡ҆ не́мъ како́й бо́лѣе благоскло́нный совѣ́тъ, ны́нѣ и҆лѝ посе́мъ: то и҆ сіѐ ѹ҆го́дно бꙋ́детъ свято́мꙋ собо́рꙋ.

с. н҃г

ПРА̑ВИЛА