ПРА̑ВИЛА СВЯТА́ГѠ ПОМѢ́СТНАГѠ СОБО́РА А҆НТІОХІ́ЙСКАГѠ.

ПРА́ВИЛО а҃.

Всѣ̀ дерза́ющіе нарꙋша́ти ѡ҆предѣле́ніе свята́гѡ и҆ вели́кагѡ собо́ра, въ ніке́и бы́вшагѡ, въ присꙋ́тствіи благочести́вѣйшагѡ и҆ бг҃олюбе́знѣйшагѡ царя̀ кѡнстанті́на, ѡ҆ свято́мъ пра́здникѣ спаси́тельныя па́схи, да бꙋ́дꙋтъ ̾ѿлꙋчены̀ ̾ѿ ѻ҆бще́нія и҆ ̾ѿве́ржены ̾ѿ це́ркви, а҆́ще продолжа́тъ любопри́тельнѡ возстава́ти проти́вꙋ до́брагѡ ѹ҆становле́нія. И҆ сіѐ рече́но ѡ҆ міря́нахъ. А҆́ще же кто̀ и҆з̾ предстоя́телей це́ркви, є҆пі́скопъ, и҆лѝ пресвѵ́теръ, и҆лѝ діа́конъ, по́слѣ сегѡ̀ ѡ҆предѣле́нія, де́рзнетъ къ развраще́нію люде́й, и҆ къ возмꙋще́нію церкве́й, ѡ҆со́битися, и҆ со і҆ꙋде́ами соверша́ти па́схꙋ: такова́го святы́й собо́ръ ̾ѿны́нѣ ѹ҆жѐ ѡ҆сꙋжда́етъ, бы́ти чꙋ́ждымъ цр҃кви, ꙗ҆́кѡ содѣ́лавшагося не то́кмѡ вино́ю грѣха̀ для самагѡ̀ себя̀, но и҆ вино́ю разстро́йства и҆ развраще́нія мно́гихъ. И҆ не то́кмѡ таковы́хъ собо́ръ ̾ѿрѣша́етъ ̾ѿ священнослꙋже́нія, но и҆ всѣ́хъ дерза́ющихъ бы́ти въ ѻ҆бще́ніи съ ни́ми, по и҆́хъ и҆зверже́ніи и҆з̾ свяще́нства. И҆зве́рженные же лиша́ются и҆ внѣ́шнія че́сти, каковы́я бы́ли ѻ҆нѝ прича́стны по свято́мꙋ пра́вилꙋ и҆ бж҃ію свяще́нствꙋ.

с. рн҃г

ПРА́ВИЛО в҃.

Всѣ̀ входя́щіе въ це́рковь, и҆ слꙋ́шающіе свящє́нныя писа̑нія, но, по нѣ́коемꙋ ѹ҆клоне́нію ̾ѿ поря́дка, не ѹ҆ча́ствꙋющіе въ моли́твѣ съ наро́домъ, и҆лѝ ̾ѿвраща́ющіеся ̾ѿ причаще́нія святы́я є҆ѵхарі́стіи, да бꙋ́дꙋтъ ̾ѿлꙋчены̀ ̾ѿ це́ркви дото́лѣ, ка́къ и҆сповѣ́даются, ѡ҆ка́жꙋтъ плоды̀ покая́нія, и҆ бꙋ́дꙋтъ проси́ти проще́нія, и҆ таки́мъ ѻ҆́бразомъ возмо́гꙋтъ полꙋчи́ти ѻ҆́ное. Да не бꙋ́детъ же позво́лено и҆мѣ́ти ѻ҆бще́ніе съ ̾ѿлꙋче́нными ̾ѿ ѻ҆бще́нія, нижѐ сходи́тися въ до́мы и҆ моли́тися съ находя́щимися внѣ̀ ѻ҆бще́нія церко́внагѡ: чꙋжда́ющихся собра́ній ѻ҆дно́й це́ркви не пріима́ти и҆ въ дрꙋго́й це́ркви. А҆́ще же кто̀ и҆з̾ є҆пі́скопѡвъ, и҆лѝ пресвѵ́терѡвъ, и҆лѝ діа́конѡвъ, и҆лѝ кто́ либо и҆з̾ кли́ра, ѡ҆ка́жется соѡбща́ющимся съ ̾ѿлꙋче́нными ̾ѿ ѻ҆бще́нія: да бꙋ́детъ и҆ са́мъ внѣ̀ ѻ҆бще́нія церко́внагѡ, ꙗ҆́кѡ производя́щій замѣша́тельство въ чи́нѣ церко́вномъ.

ПРА́ВИЛО г҃.

А҆́ще кото́рый пресвѵ́теръ, и҆лѝ діа́конъ, и҆лѝ воѻбщѐ кто́ либо и҆з̾ свяще́ннагѡ чи́на, ѡ҆ста́вивъ сво́й предѣ́лъ, пре́йдетъ въ дрꙋгі́й, пото́мъ соверше́ннѡ преселя́ся, покꙋси́тся пребы́ти во и҆но́мъ предѣ́лѣ до́лгое вре́мя: таково́мꙋ не священнодѣ́йствовати, и҆ наипа́че, когда̀ со́бственный є҆гѡ̀ є҆пі́скопъ призыва́етъ є҆го̀, и҆ ѹ҆бѣжда́етъ возврати́тися въ сво́й прихо́дъ, а҆ ѻ҆́нъ не повинꙋ́ется. А҆́ще же и҆ ѹ҆по́рствовати бꙋ́детъ въ безчи́ніи: то соверше́ннѡ да бꙋ́детъ и҆зве́рженъ ̾ѿ священнослꙋжи́тельства, без̾ возмо́жности возстановле́нія въ пре́жній чи́нъ. А҆́ще же и҆зве́рженнаго по се́й причи́нѣ пріи́метъ и҆ны́й є҆пі́скопъ: то и҆ се́й да подлежи́тъ є҆пітіміѝ ̾ѿ ѻ҆́бщагѡ собо́ра, ꙗ҆́кѡ нарꙋши́тель церко́вныхъ постановле́ній.

с. рн҃д

ПРА́ВИЛО д҃.

А҆́ще кото́рый є҆пі́скопъ, и҆зве́рженный ̾ѿ са́на собо́ромъ, и҆лѝ пресвѵ́теръ, и҆лѝ діа́конъ свои́мъ є҆пі́скопомъ, де́рзнетъ соверши́ти какꙋ́ю либо свяще́ннꙋю слꙋ́жбꙋ: є҆пі́скопъ ли по пре́жнемꙋ своемꙋ̀ ѻ҆бы́чаю, и҆лѝ пресвѵ́теръ, и҆лѝ діа́конъ: таково́мꙋ ̾ѿню́дь не позволя́ется, на дрꙋго́мъ собо́рѣ, ни наде́ждꙋ возстановле́нія въ пре́жній чи́нъ и҆мѣ́ти, нижѐ до принесе́нія ѡ҆правда́нія допꙋще́нꙋ бы́ти. Но и҆ всѣ̀ соѡбща́ющіеся съ ни́мъ да бꙋ́дꙋтъ ̾ѿлꙋчены̀ ̾ѿ це́ркви, и҆ наипа́че, когда̀ зна́я ѡ҆сꙋжде́ніе произнесе́нное проти́вꙋ вышерече́нныхъ, де́рзнꙋтъ и҆мѣ́ти ѻ҆бще́ніе съ ни́ми.

ПРА́ВИЛО є҃.

А҆́ще кото́рый пресвѵ́теръ, и҆лѝ діа́конъ, презрѣ́въ своего̀ є҆пі́скопа, ̾ѿлꙋчи́тъ са́мъ себѐ ̾ѿ це́ркви, и҆ начне́тъ твори́ти ѻ҆сѡ́быя собра̑нія, и҆ поста́витъ же́ртвенникъ, а҆ призыва́емый є҆пі́скопомъ не покори́тся, не восхо́щетъ є҆мꙋ̀ повинова́тися, и҆ бы́въ призыва́емъ є҆ди́ножды и҆ два́жды, не послꙋ́шаетъ: таковы́й да бꙋ́детъ соверше́ннѡ и҆зве́рженъ и҆з̾ своегѡ̀ чи́на, и҆ ̾ѿню́дь не мо́жетъ до слꙋже́нія допꙋ́щенъ бы́ти, нижѐ па́ки воспрія́ти пре́жнюю свою̀ че́сть. А҆́ще же ѹ҆по́ренъ бꙋ́детъ возмꙋща́я це́рковь, и҆ возстава́я проти́вꙋ є҆я̀: то ꙗ҆́кѡ мяте́жникъ, да бꙋ́детъ ѹ҆кроща́емъ внѣ́шнею вла́стію.

ПРА́ВИЛО ѕ҃.

А҆́ще кто̀ свои́мъ є҆пі́скопомъ ̾ѿлꙋче́нъ ̾ѿ ѻ҆бще́нія церко́внагѡ: такова́го дрꙋги́мъ є҆пі́скопамъ не пре́жде пріима́ти въ ѻ҆бще́ніе, ра́звѣ когда̀ свои́мъ є҆пі́скопомъ при́нятъ бꙋ́детъ, и҆лѝ когда̀ соста́вится собо́ръ, и҆ ѻ҆́нъ предста́въ принесе́тъ ѡ҆правда́ніе, и҆ ѹ҆бѣди́въ собо́ръ, полꙋ́читъ ̾ѿ негѡ̀ и҆но́е ѡ҆ себѣ̀ рѣше́ніе. То́ же ѡ҆предѣле́ніе да соблюда́ется для міря́нъ, и҆ для пресвѵ́терѡвъ, и҆ для діа́конѡвъ, и҆ для всѣ́хъ состоя́щихъ въ кли́рѣ.

с. рн҃є

ПРА́ВИЛО з҃.

Никогѡ̀ и҆з̾ стра́нныхъ не пріима́ти без̾ ми́рныхъ гра́матъ.

ПРА́ВИЛО и҃.

Се́льскіе пресвѵ́теры не посыла́ютъ каноні́ческихъ посла́ній: ра́звѣ то́кмѡ къ сосѣ́днимъ є҆пі́скопамъ посла̑нія посыла́ютъ. А҆ сꙋ́щіе без̾ поро́ка хорепі́скопы даю́тъ ми́рныя гра́маты.

{комм.}Под̾ и҆́менемъ каноні́ческихъ, то́ є҆сть, церко́вными пра́вилами ѡ҆предѣ́ленныхъ посла́ній, разꙋмѣ́ются пи́сьма, и҆лѝ гра̑маты, дава́ємыя ̾ѿ є҆пі́скопа кли́рікамъ, и҆дꙋ́щымъ въ є҆па́рхію дрꙋга́гѡ є҆пі́скопа, по предосторо́жности, что́бы міряни́нъ не бы́лъ при́нятъ за кли́ріка, и҆лѝ ̾ѿлꙋче́нный ̾ѿ слꙋже́нія церко́внагѡ не бы́лъ допꙋ́щенъ до ѻ҆́нагѡ, по невѣ́дѣнію.

ПРА́ВИЛО ѳ҃.

Въ ка́ждой ѻ҆́бласти є҆пі́скопамъ до́лжно вѣ́дати є҆пі́скопа, въ митропо́ліи нача́льствꙋющаго, и҆ и҆мѣ́юаго попече́ніе ѡ҆ все́й ѻ҆́бласти, та́къ ка́къ въ митропо́лію ̾ѿвсю́дꙋ стека́ются всѣ̀, и҆мѣ́ющіе дѣла̀. Посемꙋ̀ разсꙋждено̀, что́бы ѻ҆́нъ и҆ че́стію преимꙋ́ществовалъ, и҆ что́бы про́чіе є҆пі́скопы ничегѡ̀ ѻ҆со́беннѡ ва́жнагѡ не дѣ́лали без̾ негѡ̀, по дре́вле приня́томꙋ ̾ѿ ѻ҆тє́цъ на́шихъ пра́вилꙋ, кромѣ̀ тогѡ̀ то́кмѡ, что̀ ̾ѿно́сится до є҆па́рхіи. принадлежа́щія ка́ждомꙋ и҆з̾ ни́хъ, и҆ до селе́ній, состоя́щихъ въ є҆я̀ предѣ́лахъ. И҆́бо ка́ждый є҆пі́скопъ и҆мѣ́етъ вла́сть въ свое́й є҆па́рхіи, и҆ да ѹ҆правля́етъ є҆́ю, съ прили́чествꙋющею ка́ждомꙋ ѡ҆смотри́тельностію, и҆ да и҆мѣ́етъ попече́ніе ѡ҆ все́й странѣ̀, состоя́щей въ зави́симости ̾ѿ є҆гѡ̀ гра́да, и҆ да поставля́етъ пресвѵ́терѡвъ и҆ діа́конѡвъ, и҆ да разбира́етъ всѣ̀ дѣла̀ съ разсꙋжде́ніемъ. Да́лѣе же да не покꙋша́ется что́ либо твори́ти без̾ є҆пі́скопа митропо́ліи, а҆ та́кже и҆ се́й без̾ согла́сія про́чихъ є҆пі́скопѡвъ.

ПРА́ВИЛО і҃.

Святы́й собо́ръ за бла́го разсꙋжда́лъ, что́бы состоя́с. рн҃ѕщіе въ ма́лыхъ гра́дахъ и҆лѝ се́лахъ предстоя́тели, и҆лѝ та́къ и҆менꙋ́емые хорепі́скопы, зна́ли свою̀ мѣ́рꙋ, хотя́ бы ѻ҆нѝ и҆ по чи́нꙋ є҆пі́скопства прія́ли рꙋкоположе́ніе: что́бы ѻ҆нѝ ѹ҆правля́ли то́кмѡ подчине́нными и҆̀мъ церква́ми, и҆ ѡ҆грани́чивали и҆́ми своѐ попече́ніе и҆ распоряжє́нія: что́бы поставля́ли чтецѡ́въ, ѵ҆подіа́конѡвъ и҆ заклина́телей, и҆ дово́льствовалися произво́дствомъ то́кмѡ въ сіѝ чи́ны, а҆ поставля́ти пресвѵ́тера и҆лѝ діа́кона не дерза́ли без̾ во́ли сꙋ́щагѡ во гра́дѣ є҆пі́скопа, кото́ромꙋ подчине́нъ хорепі́скопъ и҆ є҆гѡ̀ ѻ҆́крꙋгъ. А҆́ще же кто̀ де́рзнетъ престꙋпи́ти сіѐ ѡ҆предѣле́ніе: то да лиши́тся и҆ тоя̀ че́сти, кото́рꙋю и҆мѣ́етъ. Хорепі́скопъ же да поставля́ется ̾ѿ є҆пі́скопа гра́да, ко́емꙋ подчине́нъ є҆гѡ̀ ѻ҆́крꙋгъ.

ПРА́ВИЛО а҃і.

А҆́ще кото́рый є҆пі́скопъ, и҆лѝ пресвѵ́теръ, и҆лѝ воѻбщѐ кто́ либо и҆з̾ кли́ра без̾ соизволе́нія и҆ гра́матъ ̾ѿ є҆пі́скопѡвъ ѻ҆́бласти, и҆ наипа́че ̾ѿ є҆пі́скопа митропо́ліи, де́рзнетъ ̾ѿитѝ къ царю̀: таковы́й да бꙋ́детъ ̾ѿрѣше́нъ, и҆ лише́нъ не то́кмѡ ѻ҆бще́нія, но и҆ досто́инства, како́е и҆мѣ́лъ, ꙗ҆́кѡ дерзнꙋ́вшій, вопрекѝ пра́виламъ це́ркви, стꙋжа́ти слꙋ́хꙋ бг҃олюбе́знѣйшагѡ царя̀ на́шегѡ. А҆́ще же неѡбходи́мая нꙋ́жда заста́витъ кого̀ и҆тѝ къ царю̀: таковы́й да твори́тъ сіѐ съ разсмотрѣ́ніемъ и҆ соизволе́ніемъ є҆пі́скопа митропо́ліи и҆ про́чихъ тоя̀ ѻ҆́бласти є҆пі́скопѡвъ, и҆ да напꙋ́тствꙋется гра́матами ̾ѿ ни́хъ.

ПРА́ВИЛО в҃і.

А҆́ще кото́рый пресвѵ́теръ, и҆лѝ діа́конъ, и҆зве́рженный ̾ѿ своегѡ̀ са́на свои́мъ є҆пі́скопомъ, и҆лѝ да́же є҆пі́скопъ и҆зве́рженный собо́ромъ, де́рзнетъ стꙋжа́ти слꙋ́хꙋ ца́рскомꙋ: подоба́етъ є҆мꙋ̀ ѡ҆брати́тися къ бо́льшемꙋ собо́рꙋ є҆пі́скопѡвъ, с. рн҃з и҆ то̀, въ че́мъ мни́тся бы́ти пра́въ, предложи́ти множа́йшымъ є҆пі́скопамъ, и҆ ̾ѿ ни́хъ прія́ти и҆зслѣ́дованіе и҆ ѡ҆конча́тельный сꙋ́дъ. А҆́ще же, си́хъ пренебре́гши, царю̀ стꙋжа́ти бꙋ́детъ: таковы́й да не ѹ҆досто́ивается никако́гѡ проще́нія, да не бꙋ́детъ мѣ́ста є҆гѡ̀ защище́нію, и҆ да не и҆мѣ́етъ ѻ҆́нъ наде́жды возстановле́нія.

ПРА́ВИЛО г҃і.

Ни кото́рый є҆пі́скопъ да не дерза́етъ и҆з̾ є҆ди́ныя є҆па́рхіи преходи́ти въ дрꙋгꙋ́ю, ни поставля́ти кого́ либо въ цє́ркви є҆я̀ для соверше́нія священнослꙋже́нія, нижѐ приводи́ти съ собо́ю дрꙋги́хъ, ра́звѣ прибꙋ́детъ, бы́въ при́званъ гра́матами митрополі́та и҆ сꙋ́щихъ съ ни́мъ є҆пі́скопѡвъ, въ ѻ҆́бласть кото́рыхъ прихо́дитъ. А҆́ще же никѣ́мъ не бы́въ при́званъ, внѣ̀ поря́дка по́йдетъ для рꙋкоположе́нія нѣ́которыхъ, и҆ для ѹ҆строе́нія церко́вныхъ дѣ́лъ, до негѡ̀ не принадлежа́щихъ: то всѐ содѣ́янное и҆́мъ да бꙋ́детъ недѣйстви́тельнымъ: и҆ ѻ҆́нъ, за безчи́ніе своѐ и҆ за безразсꙋ́дное начина́ніе, да понесе́тъ прили́чное наказа́ніе, чрез̾ неме́дленное и҆зверже́ніе и҆з̾ своегѡ̀ чи́на ст҃ы́мъ собо́ромъ.

ПРА́ВИЛО д҃і.

А҆́ще кото́рый є҆пі́скопъ бꙋ́детъ сꙋди́мъ въ каки́хъ либо вина́хъ, и҆ слꙋчи́тся, что̀ є҆пі́скопы тоя̀ ѻ҆́бласти бꙋ́дꙋтъ въ разногла́сіи ѡ҆ не́мъ, ѻ҆днѝ признава́я подсꙋди́маго неви́ннымъ, а҆ дрꙋгі́е вино́внымъ: то, ра́ди прекраще́нія вся́кагѡ сомнѣ́нія, ѹ҆го́дно свято́мꙋ собо́рꙋ, что́бы є҆пі́скопъ митропо́ліи призва́лъ и҆з̾ бли́жнія ѻ҆́бласти нѣ́которыхъ дрꙋги́хъ є҆пі́скопѡвъ, кото́рые вно́вь разсꙋди́ли бы дѣ́ло, и҆ разрѣши́ли сомнѣ́ніе, дабы̀ ѻ҆нѝ кꙋ́пнѡ съ є҆пі́скопами тоя̀ ѻ҆́бласти ѹ҆тверди́ли то̀, что̀ бꙋ́детъ постано́влено.

с. рн҃и

ПРА́ВИЛО є҃і.

А҆́ще кото́рый є҆пі́скопъ, бꙋ́дꙋчи ѡ҆бвиня́емъ въ нѣ́которыхъ простꙋ́пкахъ, сꙋди́мъ бꙋ́детъ ̾ѿ всѣ́хъ є҆пі́скопѡвъ тоя̀ ѻ҆́бласти, и҆ всѣ̀ ѻ҆нѝ согла́снѡ произнесꙋ́тъ на него̀ є҆ди́ный пригово́ръ: таковы́й дрꙋги́ми є҆пі́скопами ̾ѿню́дь да не сꙋ́дится, но согла́сное рѣше́ніе є҆пі́скопѡвъ ѻ҆́бласти да пребыва́етъ тве́рдымъ.

ПРА́ВИЛО ѕ҃і.

А҆́ще кото́рый є҆пі́скопъ, не и҆мѣ́ющій є҆па́рхіи, вто́ргнется въ це́рковь не и҆мѣ́ющꙋю є҆пі́скопа, и҆ восхи́титъ престо́лъ є҆я̀ без̾ соизволе́нія соверше́ннагѡ собо́ра: таковы́й да бꙋ́детъ ̾ѿве́рженъ, хотя́ бы є҆го̀ и҆збира́лъ ве́сь наро́дъ, кото́рый ѻ҆́нъ себѣ̀ восхи́тилъ. Соверше́нный же собо́ръ є҆́сть то́тъ, на кото́ромъ присꙋ́тствꙋетъ съ про́чими и҆ митрополі́тъ.

ПРА́ВИЛО з҃і.

А҆́ще кото́рый є҆пі́скопъ, прія́въ рꙋкоположе́ніе во є҆пі́скопа, и҆ бы́въ ѡ҆предѣле́нъ нача́льствовати над̾ людьмѝ, не пріи́метъ слꙋже́нія, и҆ не согласи́тся пойтѝ во врꙋче́ннꙋю є҆мꙋ̀ це́рковь: таковы́й да бꙋ́детъ ̾ѿлꙋче́нъ ̾ѿ ѻ҆бще́нія церко́внагѡ, доко́лѣ бы́въ понꙋжде́нъ, не пріи́метъ слꙋже́нія, и҆лѝ доко́лѣ не постано́витъ ѡ҆ не́мъ како́гѡ либо ѡ҆предѣле́нія соверше́нный собо́ръ є҆пі́скопѡвъ тоя̀ ѻ҆́бласти.

ПРА́ВИЛО и҃і.

А҆́ще кто̀ поста́вленный во є҆пі́скопа, не по́йдетъ въ то́тъ предѣ́лъ, въ кото́рый ѻ҆́нъ поста́вленъ, не по свое́й винѣ̀, но и҆лѝ по неприня́тію є҆гѡ̀ наро́домъ, и҆лѝ по дрꙋго́й причи́нѣ, ̾ѿ негѡ̀ не зави́сящей: таковы́й да ѹ҆ча́ствꙋетъ и҆ въ че́сти и҆ слꙋже́ніи є҆пі́скопскомъ, то́кмѡ ни ма́лѡ не вмѣ́шиваяся въ дѣла̀ цр҃кви, гдѣ̀ пребыва́етъ, и҆ да ѡ҆жида́етъ, с. рн҃ѳ что̀ ѡ҆предѣли́тъ ѡ҆ не́мъ соверше́нный собо́ръ тоя̀ ѻ҆́бласти, по представле́ніи въ ѻ҆́ный дѣ́ла.

ПРА́ВИЛО ѳ҃і.

Є҆пі́скопъ да не поставля́ется без̾ собо́ра и҆ присꙋ́тствія митрополі́та ѻ҆́бласти. И҆ когда̀ се́й присꙋ́тствꙋетъ: то лꙋ́чше є҆́сть бы́ти кꙋ́пнѡ съ ни́мъ и҆ всѣ́мъ тоя̀ ѻ҆́бласти сослꙋжи́телямъ: и҆ прили́чно митрополі́тꙋ созва́ти и҆̀хъ чрез̾ посла́ніе. И҆ а҆́ще соберꙋ́тся всѣ̀: лꙋ́чше є҆́сть. А҆́ще же сіѐ не ѹ҆до́бно: то бо́льшая и҆́хъ ча́сть не̾ѿмѣ́ннѡ да присꙋ́тствꙋютъ, и҆лѝ гра́матами да и҆з̾явя́тъ своѐ согла́сіе, и҆ та́кѡ, и҆лѝ въ присꙋ́тствіи, и҆лѝ съ согла́сіемъ бо́льшагѡ числа̀ є҆пі́скопѡвъ, да соверши́тся поставле́ніе. А҆́ще же и҆на́кѡ, вопрекѝ семꙋ̀ ѡ҆предѣле́нію, постꙋ́плено бꙋ́детъ: да не и҆мѣ́етъ никако́й си́лы поставле́ніе. Но а҆́ще поставле́ніе соверши́тся по ѡ҆предѣле́нномꙋ пра́вилꙋ, а҆ нѣ́которые по свое́й любопри́тельности воспрекосло́вятъ: да превозмога́етъ рѣше́ніе множа́йшихъ.

ПРА́ВИЛО к҃.

Ра́ди нꙋ́ждъ церко́вныхъ, и҆ ра́ди разрѣше́нія сомни́тельныхъ слꙋ́чаєвъ, за бла́го при́знано, бы́ти въ ка́ждой ѻ҆́бласти собо́рамъ є҆пі́скопѡвъ два́жды въ лѣ́то: въ пе́рвый ра́зъ, по тре́тіей седми́цѣ по́слѣ пра́здника па́схи, та́къ что́бы въ четве́ртꙋю седми́цꙋ пятьдеся́тницы собо́ръ соверша́лся, и҆ ѡ҆ се́мъ да напомина́етъ є҆пархіа́льнымъ є҆пі́скопамъ митрополі́тъ: второ́мꙋ же собо́рꙋ бы́ти ̾ѿ пятагѡна́десять дня̀ мѣ́сяца ѻ҆ктѡ́вріа, кото́рый є҆́сть деся́тый ѵ҆перверете́а[1]. Къ си́мъ собо́рамъ да пристꙋпа́ютъ пресвѵ́теры и҆ діа́коны, и҆ всѣ̀ почита́ющіе себя̀ ѡ҆би́женными, и҆ ̾ѿ собо́ра да пріе́млютъ сꙋ́дъ. Но никомꙋ̀ да не бꙋ́детъ позво́лено сос. р҃ѯставля́ти собо́ры сами́мъ по себѣ̀, без̾ тѣ́хъ є҆пі́скопѡвъ, кѡ́имъ ввѣ́рены митропѡ́ліи.

ПРА́ВИЛО к҃а.

Є҆пі́скопъ ̾ѿ є҆ди́нагѡ предѣ́ла да не прехо́дитъ въ дрꙋгі́й, ни по самово́льномꙋ вторже́нію, ни по наси́лію ̾ѿ наро́да, ни по принꙋжде́нію ̾ѿ є҆пі́скопѡвъ: но да пребыва́етъ въ це́ркви, кото́рꙋю прія́лъ ̾ѿ бг҃а въ жре́бій себѣ̀ въ нача́лѣ, и҆ да не прехо́дитъ и҆з̾ нея̀, по и҆зрече́нномꙋ ѹ҆жѐ ѡ҆ се́мъ пре́жде ѡ҆предѣле́нію.

ПРА́ВИЛО к҃в.

Є҆пі́скопъ да не прихо́дитъ во и҆ны́й гра́дъ, не подчине́нный є҆мꙋ̀, ни въ селе́ніе є҆мꙋ̀ не принадлежа́щее, для рꙋкоположе́нія когѡ́ либо, и҆ да не поставля́етъ пресвѵ́терѡвъ и҆лѝ діа́конѡвъ въ мѣста̀, подчинє́нныя дрꙋго́мꙋ є҆пі́скопꙋ, ра́звѣ то́кмѡ по соизволе́нію є҆пі́скопа тоя̀ страны̀. А҆́ще же кто̀ де́рзнетъ на сіѐ: то рꙋкоположе́ніе да бꙋ́детъ недѣйстви́тельно, и҆ ѻ҆́нъ да подлежи́тъ є҆пітіміѝ ̾ѿ собо́ра.

ПРА́ВИЛО к҃г.

Є҆пі́скопꙋ не позволя́ется, вмѣ́стѡ себя̀, поставля́ти дрꙋга́го, въ прее́мника себѣ̀, хотя́ бы ѻ҆́нъ бы́лъ и҆ при концѣ̀ жи́зни: а҆́ще же что̀ таково́е содѣ́лано бꙋ́детъ: то поставле́ніе да бꙋ́детъ недѣйстви́тельно. Но да соблюда́ется постановле́ніе церко́вное, ѡ҆предѣля́ющее, что̀ є҆пі́скопа до́лжно поставля́ти не и҆на́кѡ, ра́звѣ съ собо́ромъ и҆ по сꙋдꙋ̀ є҆пі́скопѡвъ, и҆мѣ́ющихъ вла́сть произвестѝ досто́йнаго, по кончи́нѣ преста́вльшагѡся.

ПРА́ВИЛО к҃д.

До́брое дѣ́ло є҆́сть, да церко́вное стяжа́ніе сохраня́ется для це́ркви со вся́кимъ тща́ніемъ и҆ благо́ю со́вѣстію, и҆ съ вѣ́рою во всеви́дца и҆ сꙋдію̀ бг҃а: и҆ распоряжа́ти ѻ҆́нымъ съ разс. рѯ҃асꙋжде́ніемъ и҆ вла́стію прили́чествꙋетъ є҆пі́скопꙋ, кото́ромꙋ ввѣ́рены всѣ̀ лю́ди и҆ дꙋ́ши собира́ющихся въ це́рковь. Да бꙋ́детъ же ꙗ҆́вно принадлежа́щее це́ркви, и҆ ̾ѿкры́то ѡ҆крꙋжа́ющымъ є҆го̀ пресвѵ́терамъ и҆ діа́конамъ, та́къ что́бы ѻ҆нѝ зна́ли, и҆ не ѡ҆става́лись въ невѣ́дѣніи ѡ҆ то́мъ, что̀ со́бственнѡ принадлежи́тъ це́ркви, и҆ ничто̀ ̾ѿ ни́хъ не бы́ло сокры́то. И҆ та́кѡ, а҆́ще слꙋчи́тся є҆пі́скопꙋ преста́витися ̾ѿ житія̀ сегѡ̀, при ѻ҆чеви́дности принадлежа́щагѡ це́ркви, и҆ ѻ҆но̀ не бꙋ́детъ расточено̀ и҆ ѹ҆тра́чено, и҆ со́бственность є҆пі́скопа не бꙋ́детъ потрево́жена под̾ предло́гомъ принадлежа́щихъ це́ркви веще́й. И҆́бо пра́ведно є҆́сть и҆ ѹ҆го́дно пред̾ бг҃омъ и҆ человѣ́ками, что́бы со́бственность є҆пі́скопа предоставля́ема была̀ комꙋ̀ ѻ҆́нъ восхо́щетъ, а҆ достоя́ніе це́ркви є҆́й сохраня́емо бы́ло, и҆ что́бы ка́къ це́рковь не терпѣ́ла ѹ҆ще́рба, та́къ и҆ є҆пі́скопъ, под̾ предло́гомъ достоя́нія церко́внагѡ, не бы́лъ лиша́емъ своея̀ со́бственности, и҆ли́ же, что́бы бли́зкіе къ немꙋ̀ не вошлѝ въ тя́жбы, а҆ съ тѣ́мъ вмѣ́стѣ и҆ ѻ҆́нъ по сме́рти не подве́ргся безсла́вію.

ПРА́ВИЛО к҃є.

Є҆пі́скопꙋ и҆мѣ́ти вла́сть над̾ церко́внымъ и҆мꙋ́ществомъ, да распоряжа́етъ ѻ҆́нымъ со вся́кою ѡ҆смотри́тельностію и҆ стра́хомъ бж҃іимъ, на по́льзꙋ всѣ́хъ нꙋжда́ющихся: и҆ са́мъ да взима́етъ и҆з̾ ѻ҆́нагѡ до́лжнꙋю ча́сть, а҆́ще и҆мѣ́етъ нꙋ́ждꙋ, на неѡбходи́мыя своѝ потре́бнѡсти, и҆ на потре́бнѡсти страннопріе́млемыхъ и҆́мъ бра́тій, дабы̀ ѻ҆нѝ ни въ че́мъ не терпѣ́ли лише́нія, по сло́вꙋ бж҃е́ственнагѡ а҆по́стола: и҆мѣ́юще пи́щꙋ и҆ ѡ҆дѣя́ніе, си́ми дово́льни бꙋ́демъ[2]. А҆́ще же си́мъ не дово́льствꙋетс. рѯ҃вся, но ѡ҆браща́етъ вє́щи на своѝ дома̑шнія потре́бнѡсти, и҆ дохо́ды це́ркви, и҆лѝ плоды̀ принадлежа́щихъ є҆́й поле́й, не по согла́сію пресвѵ́терѡвъ и҆лѝ діа́конѡвъ ѹ҆потребля́етъ, а҆ предоставля́етъ над̾ ѻ҆́ными вла́сть свои́мъ дома̑шнимъ и҆ сро́дникамъ, и҆лѝ бра́тьямъ и҆лѝ сына́мъ, ̾ѿ чегѡ̀ примѣ́тнѡ происхо́дитъ замѣша́тельство въ церко́вныхъ ще́тахъ: таковы́й да предста́витъ ̾ѿче́тъ собо́рꙋ тоя̀ ѻ҆́бласти. И҆ а҆́ще и҆на́кѡ доно́съ бꙋ́детъ на є҆пі́скопа и҆ на состоя́щихъ при не́мъ пресвѵ́терѡвъ, что̀ ѻ҆нѝ принадлежа́щее це́ркви и҆лѝ ̾ѿ поле́й, и҆лѝ ̾ѿ и҆ны́я со́бственности церко́вныя, ѡ҆браща́ютъ въ свою̀ по́льзꙋ, съ ѹ҆тѣсне́ніемъ ѹ҆бо́гихъ, и҆ съ причине́ніемъ нарека́нія и҆ безсла́вія домострои́тельствꙋ церко́вномꙋ, и҆ пра́вящымъ ѻ҆́ное таки́мъ ѻ҆́бразомъ: то таковы́е да пріи́мꙋтъ прили́чное и҆справле́ніе, по разсꙋжде́нію свята́гѡ собо́ра.

с. рѯ҃г